Home Blog Page 1229

કેનેડા જવા માગતા લોકો માટે મહત્વનાં સમાચાર, આ સેક્ટરમાં મળી રહી છે બંપર નોકરીઓ

News Editor
-
0

Important news for people who want to move to Canada

  • કેનેડમાં જઈને સ્થાયી થવાનું સપનું જોઈ રહેલા લોકો માટે એક સારા સમાચાર આવી રહ્યા છે કે કેનેડામાં રોજગારની તકો વધી રહી છે. છેલ્લા નવેમ્બર મહિનાના જોબ સર્વેના આંકડા મુજબ એવા ઘણાં ક્ષેત્રો છે જેમાં લેબર શોર્ટેજ છે અને પગાર ધોરણ પણ ઊંચા થયા છે.

ઘણાં લોકોનું સપનું વિદેશમાં (Abroad) જઈને સ્થાયી થવાનું હોય છે. જોકે કેટલાક લોકોને એ વાતનો ડર પણ લાગે છે કે એકબાજુ દુનિયાભરમાં મોટી મોટી કંપનીઓ અચાનક છટણીઓ કરી રહી છે. તેવામાં જો વિદેશ (Abroad) ગયા પછી તેમની સાથે પણ એવું બને તો શું થાય? જોકે ઘણાં એવા દેશ છે જ્યાં આજે પણ લેબર માર્કેટમાં ખૂબ જ શોર્ટેજ છે અને ઉજળી તકો દેખાઈ રહી છે. આવો જ એક દેશ એટલે કેનેડા.

તેમાં પણ હાલ ગુજરાતીઓ વચ્ચે અમેરિકા અને ઓસ્ટ્રેલિયા બાદ કેનેડા ફેવરિટ દેશ બન્યો છે. તો આજે અમે તમને જણાવવા જઈ રહ્યા છીએ કે કેનેડામાં ગત મહિને નવેમ્બરમાં કેટલી નોકરીઓ આપવામાં આવી અને ક્યા સેક્ટરમાં તમે હોવ તો વધુ ફાયદો થઈ શકે છે. એક સર્વેના આંકડાના આધારે તમને ક્યા ફિલ્ડમાં વધુ નોકરીના ચાન્સ છે અને તમે કઈ રીતે કેનેડામાં સ્થાયી થઈ શકો છો આ વિશે માહિતી મેળવો.

એક તરફ જ્યાં છટણીની મોસમ ચાલી રહી છે ત્યારે કેનેડામાં નવેમ્બર મહિનામાં પણ જુદા જુદા સેક્ટરમાં 10 હજાર કરતાં વધુ લોકોને નવી નોકરી આપવામાં આવી છે. આ ખુલાસો નવા લેબર ફોર્સ સર્વેમાં ખૂલ્યો છે. આ સાથે જ કેનેડામાં નવી નોકરીઓના કારણે બેરોજગારીનો દર ઘટીને 5.1 ટકા પર આવી ગયો છે. આ દરમિયાન રોજગાર ભાગીદારી દર 64.8 ટકા જેટલો તૂટી ગયો છે.

આ સેક્ટર્સમાં વધુ નોકરીઓ :

જે ક્ષેત્રોમાં સૌથી વધુ નોકરીઓ જોવા મળી છે તેમાં ફાઈનાન્સ, વીમો, રિયલ એસ્ટેટ, રેન્ટલ અને લીઝિંગ, ઉત્પાદન, માહિતી, સાંસ્કૃતિક અને મનોરંજન ક્ષેત્રોનો સમાવેશ થાય છે. છેલ્લા મહિનામાં આ ક્ષેત્રોમાં મોટી સંખ્યામાં ભરતી જોવા મળી છે. સર્વે અનુસાર નવેમ્બરમાં આ ક્ષેત્રોમાં કામ કરતા લોકોની સંખ્યામાં 21,000નો વધારો થયો છે.

મેન્યુફેક્ચરિંગ ઉદ્યોગમાં નોકરીઓ વધી :

ઉત્પાદન ઉદ્યોગમાં રોજગારમાં 1.1% નો વધારો જોવા મળ્યો છે. આલ્બર્ટા રાજ્યમાં ઉદ્યોગમાં રોજગારમાં 4.7% નો વધારો થયો છે અને ક્યુબેકમાં ઉત્પાદન ક્ષેત્રે 10,000 થી વધુ લોકોને નોકરીઓ મળી છે. દરમિયાન, ઉત્પાદન ઉદ્યોગ, જથ્થાબંધ અને છૂટક વેપારમાં છેલ્લા મહિનામાં ભારે ઘટાડો જોવા મળ્યો હતો.

આ પણ વાંચો :-

ગાંધી પરિવારની આ તસવીર ચર્ચામાં ! રાહુલ ગાંધી સાથે ચાલી રહેલ આ છોકરી કોણ છે ?

News Editor
-
0

This picture of the Gandhi family i

  • ઘણાં સમયથી રાહુલ ગાંધી ભારત યાત્રા કરી રહ્યાં છે. હવે તેમની બહેન પ્રિયંકા ગાંધી પણ આ યાત્રામાં તેમનો સાથ આપવા માટે જોડાઈ ગઈ છે. જોકે આ બન્નેની સાથે એક સુંદર યુવતી તસવીરમાં દેખાઈ રહી છે. આ યુવતી કોણ છે તે જાણવા માટે ઈન્ટરનેટ પર હોડ લાગી છે.

પ્રિયંકા ગાંધીની (Priyanka Gandhi) દિકરી મિરાયા વાડ્રાની (Miraya Vadra) તસવીરો હાલ સોશિયલ મીડિયામાં સૌથી વધારે વાયરલ થઈ રહી છે. મહત્ત્વનું છે કે રાહુલ ગાંધી લાંબા સમયથી દેશભરના વિવિધ વિસ્તારોમાં ફરીને ભારત જોડો યાત્રા કરી રહ્યાં છે. આ યાત્રામાં એક બાદ એક નવા નવા ચહેરાઓ નવા નવા લોકો રાહુલ ગાંધીની (Rahul Gandhi) વાતને સમર્થન આપવા માટે તેમની સાથે આ યાત્રામાં જોડાઈ રહ્યાં છે.

ત્યારે હાલમાં એક તસવીર સોશિયલ મીડિયા પર સામે આવી છે. જેમાં રાહુલ ગાંધી અને તેમની બહેન પ્રિયંકા ગાંધી દેખાઈ રહી છે. જો કે આ તસવીરમાં આ બન્નેની વચ્ચે એક સુંદર યુવતી કોણ છે અને તે રાહુલ ગાંધી અને પ્રિયંકા ગાંધી સાથે શું સંબંધ ધરાવે છે તે જાણવામાં ઘણાં બધા લોકોને રસ છે. એ જ કારણસર અમે પણ તેની તપાસ કરીને આ જાણકારી તમારા સુધી લાવ્યાં છીએ.

કોંગ્રેસ પાર્ટી અત્યારે દેશમાં ભારત જોડો યાત્રા કરી રહી છે. રાજસ્થાનમાંથી આ યાત્રા પસાર થઇ રહી છે. આ યાત્રામાં કોંગ્રેસના દિગ્ગજો સામેલ થયા છે. રાહુલ ગાંધીથી લઇને પ્રિયંકા ગાંધી વાડ્રા પણ આ યાત્રામાં સામેલ થયા હતા. જો કે આ યાત્રામાં સૌથી વધુ જો કોઇએ ધ્યાન ખેંચ્યુ હોય તો તે છે. પ્રિયંકા ગાંધી વાડ્રાની દીકરી મિરાયા. જાણો પ્રિયંકાની દીકરી મિરાયા વાડ્રા કોણ છે અને શું કરી રહી છે અત્યારે.

મિરાયા વાડ્રાની તસવીરો અત્યારે સોશ્યલ મીડિયા પર ખુબ વાયરલ થઇ રહી છે. લોકો આ તસવીરની સાથે પુછી રહ્યાં છે કે આ મિરાયા વાડ્રા શું કરે છે લોકો તેના વિશે જાણવા માંગી રહ્યાં છે. અહીં અમે તમને મિરાયા વાડ્રા વિશે બતાવી રહ્યાં છીએ. પ્રિયંકા ગાંધી અને રોબર્ટ વાડ્રાના બે બાળકો છે. એક છે મિરાયા અને બીજો રેહાન છે. મિરાયા અત્યારે લગભગ 20 વર્ષની છે અને રેહાન 21 વર્ષનો છે.

શું કરે છે મિરાયા વાડ્રા?

મિરાયાને લઇને વધુ માહિતી સામે નથી આવી. પરંતુ કેટલીક સોશ્યલ મીડિયા એક્ટિવિટી પરથી અંદાજ લગાવી શકાય છે કે, મિરાયા એક બાસ્ટેકબોલ પ્લેયર છે. અને ઘણીવાર તેની ટૂર્નામેન્ટમાં પ્રિયંકા ગાંધી અને રોબર્ટ વાડ્રા પણ ભાગ લઇ ચૂક્યા છે. મિરાયા લગભગ 20 વર્ષની છે.

આ ઉપરાંત મિરાયા બીજા કેટલીય એન્ડવેન્ચર એક્ટિવિટીમાં પણ જોવા મળી ચૂકી છે. એટલું જ નહીં મિરાયાને પ્રકૃતિ સાથે ખુબ પ્રેમ છે. જેને લઇને રોબર્ટ વાડ્રાએ એક લાંબી પોસ્ટ પણ લખી હતી. તે કુદરતી જગ્યાઓ પર હરવા ફરવાની પણ શોખીન છે.

આ પણ વાંચો :-

 

આવી કાર તો અંબાણી પાસે પણ નથી ! કોણે ખરીદી ભારતની સૌથી મોંઘી કાર ?

News Editor
-
0

Even Ambani does not have such a car

  • હૈદરાબાદના આ બિઝનેસમેને તાજેતરમાં જ રૂ. 12 કરોડની સુપરકાર ખરીદી, આ બિઝનેસમેન પાસે છે લક્ઝરી કારનો ઢગલો છે.

મોંઘી ગાડીઓનો (Expensive car) શોખ ખૂબ જ વિચિત્ર છે અને જ્યારે લોકો આ શોખના દિવાના થઈ જાય છે. ત્યારે તેમના ગેરેજમાં દુનિયાભરમાંથી એકથી વધુ સુપરકાર આવવા લાગે છે. જોકે આ માટે કરોડો ખર્ચવા પડે. હા આવા જ એક ઉત્સાહી છે હૈદરાબાદના (Hyderabad) બિઝનેસમેન નસીર ખાન કે જેમણે તાજેતરમાં જ રૂ. 12 કરોડની સુપરકાર McLaren 765 LT Spyder ખરીદી છે.

આ કાર વિશે કહેવામાં આવી રહ્યું છે કે આ ભારતની સૌથી મોંઘી કાર છે. નસીર ખાન પાસે લક્ઝરી કારોનું એવું કલેક્શન છે કે તેને જોઈને લોકોની આંખોમાં ખૂલીને ખૂલી રહી જાય છે. નસીર ખાને તેના ઈન્સ્ટાગ્રામ પર તેની નવી સુપરકારની તસવીર પોસ્ટ કરીને ફરી એકવાર તેના શોખને દુનિયા સમક્ષ ઉજાગર કર્યો છે.

અત્યારે તમને જણાવી દઈએ કે ભારતમાં McLaren 765 LT Spyderની કિંમત લગભગ 12 કરોડ રૂપિયા હોવાનું કહેવાય છે.

મહત્વનું છે કે, McLaren 765 LT સ્પાઈડર 4.0-લિટર ટ્વીન ટર્બોચાર્જ્ડ V8 પેટ્રોલ એન્જિન દ્વારા સંચાલિત છે જે 765 PS પાવર અને 800 Nm ટોર્ક ઉત્પન્ન કરે છે. 7-સ્પીડ સિક્વન્શિયલ ગિયરબોક્સથી સજ્જ આ સુપરકાર પાવર અને સ્પીડની દ્રષ્ટિએ જબરદસ્ત છે. મેકલેરનની સુપરકાર્સને ભારતીય ઉદ્યોગપતિઓની પ્રિય કાર માનવામાં આવે છે.

કરોડોની લક્ઝરી કારના માલિક છે નસીન ખાન :

નસીર ખાન પાસે લક્ઝરી કારનો સ્ટોક છે અને તેમાં રોલ્સ રોયસ કુલીનન બ્લેકનો સમાવેશ થાય છે. લેમ્બોર્ગિની હુરાકન, લેમ્બોર્ગિની ઉરુસ, લેમ્બોર્ગિની એવેન્ટાડોર, Ford Mustang, Ferrari, GMC Sierra, Mercedes-Benz AMG G 63 અને Mercedes-Benz G-Class સહિત ઘણી કાર છે.

આ પણ વાંચો :-

મધ્યમ વર્ગ પરિવારને વધુ એક ઝટકો ! ઘર હોય કે કાર તમામ લોન થઈ મોંઘી ! જાણો હવે કેટલી ભરવી પડશે EMI 

News Editor
-
0

Another blow to the middle class family

  • રીઝર્વ બેંકના રેપો રેટમાં વધારો કર્યા બાદ નિર્ણય લેવામાં આવ્યો છે કે હવે તમામ બેંકોની લોન મોંઘી થશે.

દેશની સૌથી મોટી જાહેર ક્ષેત્રની બેંક SBI એ તેના કરોડો ગ્રાહકોને મોટો ઝટકો આપ્યો છે. વાત જાણે એમ છે કે, રિઝર્વ બેંકના (Reserve Bank) રેપો રેટમાં વધારો કર્યા બાદ નિર્ણય લેવામાં આવ્યો છે કે હવે તમામ બેંકોની લોન મોંઘી થશે. જેને લઈ હવે SBI એ લોનના વ્યાજદરમાં વધારો કરીને તેના કરોડો ગ્રાહકોને મોટો ઝટકો આપ્યો છે.

આ પહેલા પણ ઘણી ખાનગી અને જાહેર ક્ષેત્રની બેંકોએ તેમના વ્યાજદરમાં વધારો કર્યો છે. હવે SBI એ માર્જિનલ કોસ્ટ ઓફ લેન્ડિંગ રેટ (MCLR)માં 0.25 ટકાનો વધારો કર્યો છે. SBIની વેબસાઈટ અનુસાર તમામ મુદતની લોન પરના વ્યાજ દરોમાં 25 બેસિસ પોઈન્ટનો વધારો થયો છે. હવે બેંકનો એક વર્ષનો MCLR વધીને 8.30 ટકા થઈ ગયો છે.

બેંક આ MCLRના આધારે હોમ, ઓટો સહિત તેની મોટાભાગની લોનના વ્યાજ દરો નક્કી કરે છે. અગાઉ RBI એ રેપો રેટને અસરકારક 6.25 ટકા બનાવવા માટે રેપો રેટમાં 0.35 ટકાનો વધારો કર્યો હતો. RBI ના આ નિર્ણયના એક સપ્તાહ બાદ જ SBIએ પણ પોતાની લોન મોંઘી કરી દીધી છે.

આ સાથે બેંકે શોર્ટ ટર્મ લોનના વ્યાજદરમાં પણ વધારો કર્યો છે. આમાં ઓવર નાઈટથી લઈને 6 મહિના સુધીનો સમય શામેલ છે. મુદતની લોન માટે MCLR હવે 7.85 ટકાથી 8.30 ટકાની રેન્જમાં છે. આ સિવાય બે વર્ષની લોન માટે ખર્ચ આધારિત ધિરાણ દર વધીને 8.50 ટકા થયો છે, જ્યારે ત્રણ વર્ષની લોનનો દર 8.60 ટકા પર પહોંચી ગયો છે.

મહત્વનું છે કે SBI એ આ વર્ષે જૂનથી MCLR માં 1.10 ટકાનો વધારો કર્યો છે. જેમાં ડિસેમ્બરમાં વ્યાજ દરમાં 0.25 ટકાનો વધારો પણ સામેલ છે. બેંક દ્વારા વિતરિત કરવામાં આવેલી લોનના 75% પર ફ્લોટિંગ વ્યાજ દરો લાગુ થાય છે. તેમાંથી 41 ટકા લોન હજુ પણ MCLR સાથે જોડાયેલી છે.

બાકીની 59 ટકા લોન પર એક્સટર્નલ બેન્ચમાર્ક રેટ લાગુ થાય છે. એક્સટર્નલ બેન્ચમાર્ક એટલે રેપો રેટ અથવા ટ્રેઝરી બિલ રેટ. MCLR એ બેંકના આંતરિક ખર્ચ સાથે જોડાયેલ દર છે.

આ પણ વાંચો :-

ભાજપની પ્રચંડ જીતના વિદેશમાં થયાં વધામણાં, ભવ્ય જીતની આ દેશમાં થઈ ઉજવણી

News Editor
-
0

BJP’s huge victory was praised abroad

  • ગુજરાત વિધાનસભાની ચૂંટણીમાં ભારતી જનતા પાર્ટીએ અભૂતપૂર્વ વિક્રમી વિજય મેળવ્યો છે. ભારતમાં ભાજપ દ્વારા એની ઉજવણી થવી સ્વભાવિક છે. પણ આ ઉજવણી વિદેશની ધરતી પર પણ થઈ રહી છે. અમેરિકામાં વિવિધ સંસ્થાઓ દ્વારા વિજયના વધામણા થયા હતા.

ગુજરાત વિધાનસભાની (Gujarat Election) ચૂંટણીમાં ભારતી જનતા પાર્ટીએ અભૂતપૂર્વ વિક્રમી વિજય મેળવ્યો છે. ભારતમાં ભાજપ દ્વારા એ ની ઉજવણી થવી સ્વભાવિક છે, પણ આ ઉજવણી વિદેશની ધરતી પર પણ થઈ રહી છે. અમેરિકામાં (America) વિવિધ સંસ્થાઓ દ્વારા વિજયના વધામણા થયા હતા.

ગુજરાત વિધાનસભાની ચૂંટણીમાં ભારતીય જનતા પાર્ટીએ વિક્રમી ૧૫૬ બેઠકો મેળવી છે. ભાજપનો સતત સાતમીવાર વિજય થયો છે. આ વિજયની આજરોજ દિલ્હીમાં ભાજપ સંસદીય દળની બેઠકમાં વડાપ્રધાન નરેન્દ્ર મોદીને પોંખીને ઉજવણી થઈ હતી. બીજી તરફ વિદેશમાં પણ ભાજપની જીતની ઉજવણી થઈ રહી છે. અમેરિકાના ઓરેન્જ કાઉન્ટી ખાતે વિવિધ સંસ્થા દ્વારા ભાજપની જીત ઉજવાઈ હતી.

ઓરેન્જ કાઉન્ટીના ગાયત્રી ચેતના મંડળના હોલ ખાતે ઓવરસીઝ ફ્રેન્ડ્સ ઓફ બીજેપી, ઈન્ડો અમેરિકન કલ્ચરલ સોસાયટી, ગાયત્રી ચેતના મંડળ તથા અન્ય સંસ્થાઓ દ્વારા ગુજરાતમાં ભાજપના ઐતિહાસિક વિજયની ઉજવણી કરવામાં આવી હતી. જેમાં ઓવરસીઝ ફ્રેન્ડ્સ ઓફ બીજેપીના પી. કે. નાયક, ઈન્ડો અમેરિકન કલ્ચરલ સોસાયટી ઓફ અમેરિકાના ચેરમેન પરિમલ શાહ, પ્રેસિડન્ટ લેબોન હોસ્પિટાલિટી ગૃપના યોગી પટેલ, ગાયત્રી ચેતના મંડળના રાજુભાઈ પટેલ તથા જીતેન પટેલ ઉપરાંત ૨૫૦ થી ૩૦૦ લોકો હાજર રહ્યાં હતા. ભારત માતા કી જય, વંદે માતરમ જેવા જયઘોષ સાથે કેક કાપી ભાજપના વિજયના વધામણા થયા હતા.

આ પ્રસંગે લેબોન હોસ્પિટાલિટી ગૃપના યોગી પટેલે જણાવ્યું હતું કે, સતત સાતમીવાર ગુજરાતમાં ભાજપનું શાસન સ્થપાયું છે. જેમાં ભાજપે બેઠકો જીતવાના ભૂતકાળની તમામ સરકારોના વિક્રમો તોડી નવો વિક્રમ સ્થાપ્યો છે. આ વિજયએ ગુજરાતમાં વડાપ્રધાન નરેન્દ્ર મોદીએ વિકાસના નાખેલા પાયાનો વિજય છે. યોગી પટેલે આગામી દિવસોમાં ગુજરાત વધુને વધુ વિકાસ કરતું રહેશે એવો વિશ્વાસ વ્યક્ત કર્યો હતો.

આ પણ વાંચો :-

 

પ્રમુખસ્વામી નગરના દ્રાર આજથી સામાન્ય જનતા માટે ખુલ્લા, અમિત શાહના હસ્તે કરાશે માનવ ઉત્સવનો શુભારંભ

News Editor
-
0

Pramukhswami Nagar is open to the general public

  • આજથી એક મહિના સુધી ચાલનારા પ્રમુખસ્વામી શતાબ્દી મહોત્સવમાં કેન્દ્રીય ગૃહમંત્રી અમિત શાહના હસ્તે આજે માનવ ઉત્સવનો પ્રારંભ થશે.

આજથી પ્રમુખસ્વામી શતાબ્દી મહોત્સવનો (Pramuchswami Shatabdi Mohotsav) પ્રારંભ થઈ ગયો છે. અમદાવાદના ઓગણજ-સાયન્સ સિટી વચ્ચે રિંગ રોડ પાસે આજથી પ્રમુખસ્વામી શતાબ્દી મહોત્સવની શરૂઆત થઈ રહી છે. જેની માટે 600 એકરમાં ફેલાયેલું સ્વામિનારાયણ નગર (Swaminarayan Nagar) તૈયાર કરવામાં આવ્યું છે.

જેનું ગઈકાલે PM મોદીના હસ્તે ઉદ્ઘાટન કરવામાં આવ્યું હતું. ત્યારે આજે કેન્દ્રીય ગૃહમંત્રી અમિત શાહ (Union Home Minister Amit Shah) અમદાવાદ આવશે અને આ પ્રમુખસ્વામી જન્મ શતાબ્દી મહોત્સવમાં ભાગ લેશે. અમિત શાહના હસ્તે આજે માનવ ઉત્સવનો પ્રારંભ થશે. 1 મહિના સુધી નગરમાં માનવ ઉત્સવ ચાલશે.

રોજ 1 લાખ જેટલા મુલાકાતીઓ આવશે તેવો અંદાજ :

તમને જણાવી દઇએ કે, 1 મહિના સુધી ચાલનારા આ મહોત્સવમાં રોજ 1 લાખ જેટલા મુલાકાતીઓ આવશે તેવો અંદાજ છે. તદુપરાંત શનિ-રવિએ તો આ સંખ્યા કદાચ 2થી 3 લાખે પહોંચી શકે છે. ત્યારે આટલા મોટા આયોજનમાં પાર્કિંગથી લઈને મુલાકાતીઓનું સંચાલન કરવા માટેનું જોરદાર આયોજન કરવામાં આવ્યું છે.

પ્રમુખસ્વામી નગરમાં રોજબરોજ અલગ-અલગ કાર્યક્રમો યોજાશે :

1 મહિના સુધી ચાલનારા આ શતાબ્દી મહોત્સવમાં 15 જાન્યુઆરી સુધીમાં અનેક મહાનુભવો આની મુલાકાત લેશે. આજથી સામાન્ય જનતા માટે 600 એકરમાં બનેલા નગરના દ્વાર ખુલી જશે. બપોરના 2 વાગ્યાથી રાત્રિના 9 વાગ્યા સુધી આ નગર ખુલ્લું રહેશે. આ પ્રમુખસ્વામી નગરમાં રોજબરોજ અલગ-અલગ કાર્યક્રમો યોજાશે.

સંતદ્વાર આકર્ષણનું કેન્દ્ર :

દેશ-વિદેશના હરિભક્તો અને મહેમાનનું સ્વાગત કરવામાં આવશે, એવું આયોજન કરવામાં આવ્યું છે. સંતદ્વાર 380 ફૂટ પહોળો તેમજ અનેકવિધ કલાકૃતિઓ અને વિશિષ્ટ લાઈટિંગથી શોભી રહ્યો છે. તદુપરાંત આ પ્રવેશદ્વારના વિશાળ ગવાક્ષોમાં ભારતના મહાન સંતોની 8 ફૂટ ઊંચી પ્રતિમાઓ દર્શન આપી રહી છે. શ્રીમદ્ આદિ શંકરાચાર્ય, શ્રીમદ્ વલ્લભાચાર્ય, શ્રીમદ્ રામાનુજાચાર્ય, તુલસીદાસજી, નરસિંહ મહેતા, મીરાંબાઈ તેમજ ભગવાન બુદ્ધ અને શ્રી મહાવીર જેવા મહાન અવતારી પુરુષો અને સંતોની આ 28 પ્રતિકૃતિ સૌને પવિત્ર પ્રેરણાઓ આપશે.

આ પણ વાંચો :-

વડોદરા પોલીસની આબરૂને લીલામ કરતો વીડિયો વાયરલ ! પોલીસની ગાડી પર ચઢી શખ્સે બતાવી હિરોગીરી

News Editor
-
0

The video of Vadodara police auctioning their

  • વડોદરામાં રીલ બનાવવા યુવકે પોલીસની PCR વાનનો ઉપયોગ કર્યો, રૂરલ પોલીસની ગાડી પર ચઢી શખ્સએ ફિલ્મી સ્ટાઇલે ફોટો શૂટ કર્યો.

રાજ્યમાં અસાજિક તત્વો (Non-organic elements) બેફામ બન્યા હોય તેવી વધુ એક ઘટના સામે આવી છે વડોદરામાં એક યુવકે પોલીસ વાન સાથે ફોટો શૂટ કર્યો છે. જે યુવકનો પોલીસ વાન સાથેનો ફોટો શૂટનો (Photo shoot) વીડિયો વાયરલ થયો છે. વડોદરા (Vadodara) જિલ્લા પોલીસની નાક નીચે અસમાજિક તત્વોનો આતંક હોય તેવું વીડિયો મારફતે જાણવા મળી રહ્યું છે. વડોદરા પોલીસની આબરૂને લીલામ કરતો વીડિયો વાયરલ (Viral Videos) થયો છે.

વડોદરામાં રીલ બનાવવા એક યુવકે જિલ્લા પોલીસની PCR વાનનો ઉપયોગ કર્યો છે. રૂરલ પોલીસની ગાડી પર ચઢી શખ્સે ફિલ્મી સ્ટાઈલ ફોટો શૂટ કર્યો છે અને તે સોશિયલ મીડિયામાં ભારે વાયરલ થઈ રહ્યું છે.

રૂરલ પોલીસનાં વાહન પર ઊભા રહી શખ્સ દ્વારા ‘હીરો’ગીરી કરતો વીડિયોમાં જોવા મળે છે. ફિલ્મી ગીત પર ફોટો શૂટ કરીને સોશિયલ મીડિયામાં રીલ પોસ્ટ કરાઈ છે જેને લઈ પોલીસ તેને પકડવા ચક્રોગતિમાન કર્યો છે.

જે વાયરલ બાબતે લોકો વિવિધ કોમેન્ટો પણ કરી રહ્યાં છે અને પોલીસની બેદરકારી બાબતે સવાલો પણ ઉઠાવી રહ્યાં છે. આબરૂ બચાવવા વડોદરા જિલ્લા પોલીસે શખ્સની શોધખોળ શરૂ કરી છે.

આ પણ વાંચો :-

ગુજરાતના ધારાસભ્યની અનોખી પહેલ, ગરીબ વિધાર્થીઓને મદદ કરવાનો નિર્ણય કર્યો

News Editor
-
0

Unique initiative of Gujarat MLA

  • ધારાસભ્ય અનિકેત ઠાકર તેમના સન્માનમાં મળેલ પેન, નોટબુકો, સહિતનો અભ્યાસની ચીજવસ્તુઓ ગરીબ અને જરૂરિયાતમંદ વિધાર્થીઓને આપવાની વાત કરતા અનેક લોકો ધારાસભ્યને સન્માનવા ફક્ત નોટબુક, પેન્સિલ સહિતની સામગ્રીઓ આપી રહ્યા છે.

બનાસકાંઠાના (Banaskantha) પાલનપુરમાં (Palanpur) નવા ચૂંટાઈ આવેલા ભાજપના ધારાસભ્ય અનિકેત ઠાકરે (Aniket Thackeray) પોતાનો શિક્ષણ પ્રત્યેનો પ્રેમ જાગૃત કરતી અનોખી પહેલ કરી છે. ધારાસભ્યએ પોતાનું સન્માન કરવા આવતા લોકો ફૂલ હાર, બુકે કે સાલની જગ્યાએ નોટ બુક, પેન, પેન્સિલ થકી ધારાસભ્યનું સન્માન કરે તેવું આહવાન કરતા અનેક લોકો ધારાસભ્યને સન્માનિત કરવા નોટો, પેન્સિલ સહિતની વસ્તુઓ લાવી રહ્યા છે. જે તમામ વસ્તુઓ ધારાસભ્ય ગરીબ વિધાર્થીઓને આપીને તેમની મદદ કરશે.

સામાન્ય રીતે ઊંચું પદ કે હોદ્દો ધારણ કરનાર કે કોઈ જીત હાંસલ કરનારા લોકોનું સન્માન તેમના સમર્થકો ફુલહાર, બુકે કે સાલ ઓઢાડી કરતા હોય છે, પરંતુ બનાસકાંઠા જિલ્લાના પાલનપુરમાં નવા ચૂંટાઈ આવેલા  ભાજપના  ધારાસભ્ય અનિકેત ઠાકરે પોતાના સન્માનમાં નવી પહેલ કરી છે અને ધારાસભ્ય અનિકેત ઠાકરનું સન્માન કરવા આવતા તેમના સમર્થકો કે શુભેચ્છકો ફૂલહાર કે સાલની જગ્યાએ નોટ, ચોપડા, પેન પેન્સિલ જેવી ચીજ વસ્તુઓ થકી તેમનું સન્માન કરે તેવું આહવાન કર્યું છે.

જોકે ધારાસભ્યએ લોકોને આહવાન કરતી આ પોસ્ટ સોશિયલ મીડિયામાં વાયરલ કરતા પાલનપુર ધારાસભ્ય અનિકેત ઠાકર ફક્ત પાલનપુર જ નહીં, પરંતુ સમગ્ર સોશિયલ મીડિયામાં ચર્ચાનો વિષય બન્યા છે.

પાલનપુરના ધારાસભ્ય અનિકેત ઠાકરે જણાવ્યું હતું કે, મારૂ સન્માન કરવા આવતા લોકો ફૂલ હાર કે બુકે લઈને આવતા પરંતુ આ ફૂલ હાર વેસ્ટ જતા હતા, જેને લઈ મેં મારૂ સન્માનમાં આવતી ચીજ વસ્તુઓ કોઈને કામ લાગે તેવો વિચાર કરી મારૂ સન્માન નોટ બુક, પેન કે પેન્સિલથી થાય તેવું લોકોને આહવાન કર્યું અને લોકોએ મારાં આહવાનને ઉપાડી લીધું.

ધારાસભ્ય અનિકેત ઠાકર તેમના સન્માનમાં મળેલ પેન, નોટબુકો, સહિતનો અભ્યાસની ચીજવસ્તુઓ ગરીબ અને જરૂરિયાતમંદ વિધાર્થીઓને આપવાની વાત કરતા અનેક લોકો ધારાસભ્યને સન્માનવા ફક્ત નોટબુક, પેન્સિલ સહિતની સામગ્રીઓ આપી રહ્યા છે અને ધારાસભ્યના આ નવીન પહેલને બિરદાવી રહ્યા છે.

આ પણ વાંચો :-

Mercedes અને Tesla ને ટક્કર આપવા આવી રહી છે Appleની કાર, જાણો લોન્ચ ડેટ અને કિંમત

News Editor
-
0

Apple’s car is coming to compete with Mercedes

  • iPhone બનાવનાર કંપની Apple હવે કાર માર્કેટમાં લાવવાની છે. નવા રિપોર્ટમાં કારની કિંમત અને ફીચર્સનો ખુલાસો થયો છે. સાથે જ લોન્ચ ડેટ પણ લીક કરી દીધી છે.

Apple હજુ સુધી સ્માર્ટફોન, ટેબલેટ, લેપટોપ અને ઈયરબડ્સ બનાવતી આવી છે. પરંતુ આશા છે કે કંપની જલદી જ પોતાની એન્ટ્રી ઓટોમોબાઇલ સેક્ટરમાં રાખે. અફવાઓનું માનીએ તો Apple એક ઈલેક્ટ્રિકલ વ્હીકલ (Electrical vehicle) તૈયાર કરવા જઇ રહી છે જે બિલકુલ ટેસ્લા જેવી હશે. બ્લૂમબર્ગના સમાચારોના અનુસાર કારને ફક્ત કેટલાક બજાર માટે ડિઝાઇન કરવામાં આવી છે.

એટલે કન્ફોર્મ નથી કે કાર તમામ દેશોમાં આવશે. કાર સેગમેંટમાં એપ્પલની કાર (Mercedes) અને GM Hummer EV કરતાં સસ્તી હશે. એટલે કે એપ્પલની કાર ટેસ્લા અને મર્સિડિઝને ટક્કર આપશે. આવો જાણીએ Apple Car ની સંભવિત કિંમત અને ફીચર્સ.

Apple Car માં આ હશે ખાસ :

બ્લૂમબર્ગના સમાચાર અનુસાર Apple એ સેલ્ફ ડ્રાઈવિંગ કારને લોન્ચ કરવાનું પ્લાનિંગ કર્યું છે. એટલા માટે કંપનીએ લોન્ચિંગને 2026 સુધી ટાળી દીધું છે. કથિત રીતે કંપની લગભગ 8 વર્ષ પહેલાં સેલ્ફ-ડ્રાઇવિંગ કાર પર કામ કરવાનું શરૂ કર્યું હતું. સમાચારોનું માનીએ તો કારની કિંમત 1 લાખ ડોલર (લગભગ 81 લાખ રૂપિયા) હશે.

પહેલાં સમાચાર આવ્યા હતા કે એપ્પલની કારમાં સ્ટીયરિંગ વ્હીલ અને પેડલ્સ નહી હોય. પરંતુ કંપનીનો એવો કોઈ પ્લાન નથી. બ્લૂમબર્ગે કંપનીના એક સોર્સે જણાવ્યું કે કંપની કારની ડિઝાઇનમાં કંઇ અલગ નહી કરે. કારમાં સ્ટીયરિંગ વ્હીલ અને પેડલ હશે.

Apple Car Price And Launch Date :

પહેલાં સમાચાર આવતા હતા કે Apple Car ની કિંમત 1.2 લાખ ડોલર હશે. પરંતુ સમાચારનું માનીએ તો કારની કિંમત 1 લાખ ડોલરની આસપાસ હશે. પરંતુ કંપની કિંમતને વધુ ઘટાડવાનું પ્લાનિંગ કરી રહી છે. તો બીજી તરફ લોન્ચિંગની વાત કરીએ તો કંપની 2026 માં કારને માર્કેટમાં રજૂ કરી શકે છે.

Apple Car Specifications :

માનવામાં આવી રહ્યું છે કે એપ્પલની કારમાં એપ્પલ સિલિકોન ચિપસેટનો ઉપયોગ કરવામાં આવશે. રિપોર્ટમાં જણાવ્યા અનુસાર આ ચિપસેટ એપ્પલના હાઇ એન્ડવાળા મેક ચિપ્સથી લગભગ ચારના બરાબર હશે. તેને કંપનીના સિલિકોન એન્જીનિયર્સ દ્વારા ડેવલોપ કરવામાં આવી રહ્યું છે.

આ પણ વાંચો :-

15 ડીસેમ્બર 2022, આજનું રાશિફળ : વિષ્ણુ ભગવાનની કૃપાથી આ રાશિના જાતકોને મળી શકે છે પોતાના જીવનસાથી

News Editor
-
0

15 December 2022, Today’s Horoscope Gujarat Guardian

મેષઃ
સ્વભાવમાં શાંતિનો અનુભવ થાય. આર્થિક બાબતો અંગે સામાન્ય. નાના ભાઈ બહેનોના સ્વભાવમાં ઉગ્રતા વર્તાય. પરિવારમાં શાંતિ-સંતાનોની તબિયત સંબંધી ચિંતા રહે. એમની આંખ સાચવવાની સલાહ છે.

વૃષભઃ
આવક વધતી જણાય. પરિવારમાં આનંદનું વાતાવરણ પેદા થાય. માતૃસુખ સારું મળશે. સ્થાવર-જંગમ મિલકતથી લાભ. નવું વાહન ખરીદવાનો યોગ બને છે. વાહનમાંથી ભાડાની આવક પેદા કરી શકાય.

મિથુનઃ
સ્વભાવમાં જીદ્દીપણું વધતું જણાય. આવક સંબંધી સમસ્યા હળવી થતી જણાય. કુટુંબમાં પરસ્પર સંપનું વાતાવરણ રહે. નાની મુસાફરીના યોગ બને છે. જીવનસાથી સાથે મનદુઃખના પ્રસંગ ઉદ્‍ભવે છે. આરોગ્ય સારું રહેશે.

કર્કઃ
આનંદ ઉત્સાહ ભર્યો દિવસ. આવકનું પ્રમાણ વધે. અચાનક ધનલાભ યો છે. પરિવારમાં વાદવિવાદ વધતા જણાય. દગા-ફટકાથી સાચવવું. આરોગ્યની ચિંતા રહે. મિત્રો તરફથી લાભ મળતો જણાશે.

સિંહઃ
પૂર્વજન્મોના કર્મ અનુસાર કલ્યાણકારી ફળ મળશે. સ્વમાની, અધિકારની લાલસા વધતી જણાશે. સાથે સાથે રંગીનતત્ત્વ અને શારીરિક કલાનો સુમેળ સર્જાતો જણાશે. વેપાર, શેર, સ્ટોક એક્સચેન્જ તથા કેમિસ્ટના ધંધાવાળા માટે શુભ.

કન્યાઃ
વિદેશથી સારા સમાચાર મળે. એક્સપોર્ટ-ઈમ્પોર્ટના ધંધામાં વાહન, સાહિત્યમાં રસ વધે. નવા મિત્રો બનતા જણાય. માતૃસુખ તથા સ્થાવર-જંગમ મિલકત અંગે સામાન્ય દિવસ. ચામડીના રોગોની કાળજી રાખવી.

તુલાઃ
પરોપકારની ભાવના વધે. સ્વભાવમાં લાગણી શીલતા વિશેષ રહે. આવકમાં વધારો થતા આનંદ ઉત્સાહ વધે. પરિવારના સભ્યોની થોડી ચિંતા સતાવે. મિત્રો તરફથી સહકાર મળતો જણાય. આરોગ્ય જળવાય.

વૃશ્ચિકઃ
દામ્પત્યસુખમાં ઉણપ આવે. પત્ની સાથે ગુસ્સાના પ્રસંગ બને. નોકરી-ધંધામાં પ્રગતિ થતી જણાય. નવા રોકાણો યોગ્ય રીતે થાય. જૂના રોકાણોમાંથી સામાન્ય ફાયદો થતો જણાય. આરોગ્ય સારું રહે.

ધનઃ
આજે આપનું ભાગ્ય બળવાન છે. દરેક કાર્યમાં ભાગ્યનો સાથ મળે. પિતા તરફથી લાભ. ધાર્મિક યાત્રાનું આયોજન શક્ય બને. છતાં થોડો અસંતોષ વર્તાય. કાર્યમાં સફળતા મળે. આરોગ્ય સારું રહેશે.

મકરઃ
આવકમાં ઘટાડો થતો જણાય. પરિવારના સ્ત્રીવર્ગને તકલીફનો અનુભવ કરવો પડે, આથી માનસિક શાંતિ હણાતી જણાય. સંતાનની પ્રગતિથી આનંદ થાય. પડવા-વાગવાથી સાચવવું. નોકરી-ધંધા માટે સામાન્ય દિવસ છે.

કુંભઃ
આવકના નવા નવા સ્ત્રોતો ખુલતા જણાય. કરેલા રોકાણોમાંથી સારી આવક આવતી જણાય. શેરબજારમાંથી પણ લાભ થવાના યોગ બને છે. સંતાનને ગરમીનો ઉપદ્રવ રહે. આરોગ્ય સારું રહે. સામાન્ય શરદી-કફ રહેતા જણાય.

મીનઃ
સેવા દ્વારા સાચા આનંદનો અનુભવ કરી શકશો. સંતાનથી આનંદ રહેશે. નવી વિદ્યા પ્રાપ્ત કરવાના યોગ બને છે. વિદ્યાર્થીમિત્રો માટે ખૂબ સરસ દિવસ. જમણા હાથની કાળજી રાખવી. નોકરી-ધંધામાં મિશ્રફળનો અનુભવ થશે.

આ પણ વાંચો :-

1...1,2281,2291,230...1,451Page 1,229 of 1,451