Home Blog Page 1081

Alto K10 થી Tiago સુધી આ છે સૌથી સસ્તી 5 ઓટોમેટિક કાર, જાણો કિંમત

News Editor
-
0

From Alto K10 to Tiago 

  • Affordable Automatic Cars : ભારતમાં ઓટોમેટિક કાર હવે વધુ લોકપ્રિય બની રહી છે. આ એટલા માટે છે કારણ કે ભારે ટ્રાફિકમાં પણ ઓટોમેટિક કાર ચલાવવી સરળ છે.

ભારતમાં ઓટોમેટિક કાર વધુને વધુ લોકપ્રિય બની રહી છે. આ એટલા માટે છે કારણ કે ભારે ટ્રાફિકમાં પણ ઓટોમેટિક કાર ચલાવવી સરળ છે. ઓટોમેટિક ટ્રાન્સમિશનવાળી કારને ક્લચ પેડલ અથવા મેન્યુઅલ ગિયર શિફ્ટિંગની જરૂર નથી. આવો અમે તમને દેશની 5 સૌથી સસ્તી ઓટોમેટિક કાર વિશે જણાવીએ.

મારુતિ સુઝુકી અલ્ટો K10 :

મારુતિ સુઝુકી અલ્ટો K10 એ ભારતમાં સૌથી સસ્તી ઓટોમેટિક ટ્રાન્સમિશન (Automatic Cars) કાર છે. તેમાં 1.0-લિટર NA પેટ્રોલ એન્જિન છે. જે 65.7bhp અને 89Nm જનરેટ કરે છે. એન્જિન 5-સ્પીડ મેન્યુઅલ ગિયરબોક્સ અને AMT (AGS) સાથે જોડાયેલું છે. તેના ઓટોમેટિક વેરિઅન્ટની કિંમત રૂ. 5.59 લાખ (એક્સ-શોરૂમ) છે.

મારુતિ સુઝુકી એસ-પ્રેસો :

મારુતિ સુઝુકી S-Presso તેના મિકેનિકલ્સને Alto K10 સાથે શેર કરે છે. તે 5-સ્પીડ મેન્યુઅલ ગિયરબોક્સ અને AMT (AGS) વિકલ્પ સાથે 1.0-લિટર NA પેટ્રોલ એન્જિન મેળવે છે. મારુતિ સુઝુકી એસ-પ્રેસોના ઓટોમેટિક વેરિઅન્ટની કિંમત રૂ. 5.76 લાખ (એક્સ-શોરૂમ) છે.

રેનો ક્વિડ :

Renault Kwid બે એન્જિન વિકલ્પો સાથે આવે છે – 800cc યુનિટ અને 1.0-લિટર યુનિટ. નાના એન્જિન સાથે 5-સ્પીડ મેન્યુઅલ ગિયરબોક્સ ઉપલબ્ધ છે જ્યારે મોટા એન્જિનને AMT વિકલ્પ સાથે સજ્જ કરવામાં આવ્યું છે. Renault Kwidના ઓટોમેટિક વેરિઅન્ટની કિંમત રૂ. 6.12 લાખ (એક્સ-શોરૂમ) છે.

મારુતિ સુઝુકી વેગેનઆર :

મારુતિ સુઝુકી વેગનઆર એક સસ્તી કાર છે. તેમાં 2 એન્જિન વિકલ્પો છે – 1.0-લિટર યુનિટ અને 1.2-લિટર યુનિટ. કારમાં 5-સ્પીડ MT અને AMTનો વિકલ્પ મળે છે. મારુતિ સુઝુકી વેગનઆરના ઓટોમેટિક વેરિઅન્ટની કિંમત રૂ. 6.55 લાખ (એક્સ-શોરૂમ) છે.

ટાટા ટિયાગો :

Tata Tiago કંપની તરફથી આ સૌથી સસ્તી ઓફર છે. તેમાં 1.2-લિટર NA પેટ્રોલ એન્જિન છે. જે 84bhp અને 113Nmનો પાવર જનરેટ કરે છે. એન્જિન સાથે 5-સ્પીડ MT અને AMTનો વિકલ્પ છે. તેના ઓટોમેટિક વેરિઅન્ટની કિંમત રૂ. 6.92 લાખ (એક્સ-શોરૂમ) છે.

આ પણ વાંચો :-

સ્કૂટર બાદ હવે ટ્રકમાં મુસાફરી કરતા જોવા મળ્યા રાહુલ ગાંધી

News Editor
-
0
After the scooter
  • કોંગ્રેસ નેતા રાહુલ ગાંધીનો એક વીડિયો તાજેતરમાં સામે આવી રહ્યો છે જેમા તેઓ ટ્રકમાં મુસાફરી કરતા જોવા મળ્યા છે. જણાવી દઈએ કે કોંગ્રેસ નેતા રાહુલ ગાંધી આ દિવસોમાં ઘણા બદલાઈ ગયા હોય તેવું લાગી રહ્યું છે.

ક્યારેક તે દિલ્હી યુનિવર્સિટીના (University of Delhi) વિદ્યાર્થીઓને મળી રહ્યા છે તો ક્યારેક સરકારી નોકરીની તૈયારી કરી રહેલા યુવાનોને. હાલમાં ટ્રકમાં મુસાફરી કરતા જોવા મળ્યા તે વીડિયો સોશિયલ મીડિયામાં ખૂબ જ વાયરલ થઇ રહ્યો છે. મળી રહેલી માહિતી અનુસાર રાહુલ (Rahul Gandhi) દિલ્હીથી શિમલા જવા રવાના થયા હતા. રસ્તામાં તેમણે અંબાલાથી ચંદીગઢ (Chandigarh) સુધી ટ્રકમાં મુસાફરી કરી હતી.

રાહુલ ગાંધીએ ટ્રકમાં કરી મુસાફરી :

કોંગ્રેસ નેતા રાહુલ ગાંધી તેમની ભારત જોડો યાત્રાથી લોકોમાં ખૂબ જ સક્રિય છે. આ દિવસોમાં રાહુલના ઘણા વીડિયો સામે આવી રહ્યા છે જેમાં તે ક્યારેક કોલેજના વિદ્યાર્થીઓ સાથે જમતા જોવા મળે છે તો ક્યાંક તે ડિલિવરી બોય સાથે લંચ કરતા જોવા મળે છે. હવે રાહુલ ગાંધીનો વધુ એક વીડિયો સામે આવ્યો છે જેમાં તેઓ ટ્રકમાં મુસાફરી કરતા જોવા મળી રહ્યા છે.

રાહુલનો ટ્રકમાં મુસાફરી કરતો વીડિયો સોશિયલ મીડિયા પર ઝડપથી વાયરલ થઈ રહ્યો છે. કહેવામાં આવી રહ્યું છે કે આ વીડિયો સોમવાર રાતનો છે. કોંગ્રેસના કાર્યકરોના જણાવ્યા અનુસાર રાહુલ અંબાલામાં ટ્રક ડ્રાઈવરોને મળ્યા હતા. આ દરમિયાન તેમણે ડ્રાઈવરોના પ્રશ્નો અને તેમની સમસ્યાઓને સમજવાનો પ્રયાસ પણ કર્યો હતો. રાહુલનો આ વીડિયો સોશિયલ મીડિયા પર ખૂબ વાયરલ થઈ રહ્યો છે.

આ પણ વાંચો :-

 

શું તમે પણ કલાકો સુધી Reels જોવો છો ? સાવચેત રહેજો નહીંતર..

News Editor
-
0

Do you also watch Reels for hours

Addiction of watching reel : આ સોશિયલ મીડિયાનો જમાનો છે અને આજકાલ દરેક લોકો ફોન પર કલાકો વિતાવે છે. જેના કારણે ૧૦ થી ૫૫ વર્ષની વયજૂથના લોકો માનસિક બિમારીનો શિકાર બની રહ્યા છે.

આ સોશિયલ મીડિયાનો (Social Media) જમાનો છે અને આજકાલ તમને ઈન્ટરનેટ પર દરેક પ્રકારની વસ્તુઓ સરળતાથી મળી જાય છે. આનું પરિણામ એ આવ્યું છે કે યુવા પેઢી કલાકો ફોન પર વિતાવે છે અને દિવસ-રાત ફોન સ્ક્રોલ કરવામાં પસાર કરે છે.

બસ, ટ્રેન, મેટ્રો, ઘર, પરિવાર કે આસપાસના લોકોમાં એક આદત સામાન્ય છે. દરેક વ્યક્તિ પોતાના ફોનમાં વ્યસ્ત છે. કલાકો સુધી ફોન સ્ક્રોલ કરીને ઈન્સ્ટા રીલ જોવાનો રોગ આજકાલ એટલો ગંભીર બની ગયો છે કે તેની સીધી અસર લોકોના સ્વાસ્થ્ય પર પડી રહી છે.

આજે આપણે આ વિશે વાત કરીશું. આ જ કારણ છે કે જે લોકો ફોનના વધુ શોખીન છે તેઓને ઊંઘ ન આવવી, માથાનો દુખાવો, માઈગ્રેન જેવી સમસ્યાઓનો સામનો કરવો પડી રહ્યો છે. જો તમે સૂતા હોવ તો તમને રીલ સપના આવે છે. આ રીલ જોવાની આદત એવી નથી કે તે માત્ર યુવાનોમાં હોય છે. પરંતુ તે 10 વર્ષથી 55 વર્ષના લોકોમાં પણ જોવા મળે છે. જેના કારણે માનસિક બિમારી દિનપ્રતિદિન વધી રહી છે.

રીલ જોવાના ખતરનાક ગેરફાયદા :

પ્રારંભિક તપાસમાં દર્દીઓએ સ્વીકાર્યું કે તેઓ લગભગ દોઢ વર્ષથી રીલ જોઈ રહ્યા છે. જેમાં તે સવારે ઉઠતાની સાથે જ રીલ જોવાનું શરૂ કરે છે અને રાત સુધી રીલ જોતા રહે છે. બીજી બાજુ કેટલાક લોકોએ સ્વીકાર્યું કે તેઓ વોટસએપ પર શેર કરવામાં આવતી રીલ્સ જોવાનું પસંદ કરે છે. જો તેને રીલ ન દેખાય તો તેને વિચિત્ર લાગવા માંડે છે અને માથાનો દુખાવો શરૂ થઈ જાય છે.

સમસ્યાઓ :

  • આંખો અને માથામાં તીવ્ર દુખાવો.
  • સૂતી વખતે આંખોમાં રોશની મહસૂસ થવી.
  • સમયસર ખાવું અને પીવું નહીં.

રીલ જોવાની ઈચ્છા કોઈ રોગથી ઓછી નથી :

  • જો તમે આ રોગથી બચવા માંગતા હો. તો દરરોજ ઓછી રીલ્સ જોવાનો પ્રયાસ કરો.
  • જરૂરી હોય ત્યારે જ મોબાઈલનો ઉપયોગ કરો.
  • પુસ્તકો વાંચવાનું શરૂ કરો.
  • મિત્રો અને પરિવાર સાથે વધુ સમય પસાર કરો.

આ પણ વાંચો :-

મે મહિનામાં ગુજરાતમાં આવશે વરસાદ, અંબાલાલ પટેલની નવી આગાહી શું છે જાણો

News Editor
-
0

Rain will come in Gujarat 

  • Gujarat Weather Forecast : રાજ્યના ખેડૂતો માટે ફરી એકવાર માઠા સમાચાર. આવતીકાલથી ૨૮ મે સુધી કમોસમી વરસાદની કરાઈ આગાહી. આગાહીકાર અંબાલાલ પટેલે રાજ્યમાં માવઠાની કરી આગાહી.

ચોમાસું (Monsoon) હવે નજીક જ છે તેવી આશા લોકોને બંધાઈ છે. પરંતુ તે પહેલા જ ગુજરાતના વાતાવરણમાં મોટા ફેરફાર થઈ રહ્યાં છે. ફરી એકવાર ગુજરાત પર માવઠું (Mawtha) ત્રાટકશે. હવામાન નિષ્ણાત અંબાલાલ પટેલે ગુજરાતમાં ફરી એકવાર માવઠાની આગાહી કરી છે.

મે મહિનાના અંતિમ તારીખોમાં દેશના ઘણા ભાગોમાં ભારે વરસાદની શક્યતા છે. જેમાં ગુજરાતમાં મધ્ય ગુજરાત, ઉત્તર ગુજરાતમાં વરસાદ આવી શકે છે. કમોસમી વરસાદથી ગુજરાતનુ વાતાવરણ પલટાશે. તેમજ લોકોની ત્રાહિમામ પોકારતી ગરમીથી પણ મુક્તિ મળશે.

મે મહિનાના અંતમાં થશે ઋતુ પરિવર્તન :

આગાહીકાર અંબાલાલ પટેલે કમોસમી વરસાદ અંગે જણાવ્યું કે મે મહિનાના અંતમાં ગુજરાત તથા દેશભરમાં કમોસમી વરસાદ આવશે. આવી સ્થિતિ મે મહિનામાં બને તે વિશેષ સ્થિતિ કહી શકાય. વેસ્ટર્ન ડિસ્ટર્બન્સ શિયાળામાં આવે તે સ્વાભાવિક છે. પરંતુ ઉનાળામાં આ સ્થિતિ અલગ પ્રકારની બની રહી છે. જે ઋતુ પરિવર્તનની નિશાની રૂપ ગણાય છે.

ક્યાં ક્યાં વરસાદ આવશે :

તારીખ 24 થી 30 મેના રોજ ઉત્તરીય પર્વતીય પ્રદેશોમાં ભારે ગાજવીજ સાથે મુશળધાર વરસાદની આગાહી છે. તો સાથે જ ગુજરાતમાં મધ્ય ગુજરાત, ઉત્તર ગુજરાતમાં વરસાદની આગાહી કરાઈ છે. આ ઉપરાંત સૌરાટ્રના દરિયાકિનારાના ભાગોમાં અને દક્ષિણ ગુજરાતના ભાગોમાં પણ વરસાદ રહેશે. તો સૌરાષ્ટ્રના કેટલાક ભાગો અને કચ્છના ભાગોમાં વરસાદની શક્યતા છે. દેશના ઉત્તરીય ભાગોમાં આંધી વંટોળ સાથે કરા પાડવાની આગાહી છે. તેમણે કહ્યુ કે, પ્રિમોન્સૂન એક્ટિવિટીનું મુખ્ય કારણ વેસ્ટર્ન ડિસ્ટર્બન્સ અને અરબસાગરનો ભેજ છે.

ગરમીથી મુક્તિ મળશે

કમોસમી વરસાદથી ગુજરાતના લોકોને કાળઝાળ ગરમીથી મુક્તિ મળશે. તાપમાનના પારામાં ઘટાડો થશે. જો કે માવઠાથી વાતાવરણમાં અસહ્ય બફારો વ્યાપી શકે છે. આ કમોસમી મોસમ ગુજરાતના ખેડૂતો પર મોટું સંકટ લાવશે. કમોસમી માવઠાથી ઉનાળુ પાકને અસર પડી શકે છે.

આ પણ વાંચો :-

ગુજરાતના માતાજી વસ્યાં અમેરિકામાં, રિચમંડ શહેરમાં ઉમિયા મંદિરનો પ્રાણ પ્રતિષ્ઠા મહોત્સવ 

News Editor
-
0

Mataji of Gujarat settled

  • અમેરિકાના રિચમંડ શહેરમાં ઉમિયા નવશક્તિધામ ત્રિ-દિવસીય પ્રાણ પ્રતિષ્ઠા મહોત્સવ યોજાયો હતો. જેમાં ૧૦ હજાર જેટલા પાટીદારોએ ભાગ લીધો હતો.

અમેરિકાના (America) કેન્ટુકી રાજ્યના રિચમંડ શહેરમાં ઉમિયા નવશક્તિધામ ત્રિ-દિવસીય પ્રાણ પ્રતિષ્ઠા મહોત્સવ યોજાયો હતો. ઉમિયા નવશક્તિધામમાં (Ummiya Navashakti Dham) ઉત્તર ગુજરાતના અલગ અલગ ૯ ગામના માતાજીના મૂર્તિઓની પ્રતિષ્ઠા કરાઈ છે.

૧૯ મેથી ૨૧ મે સુધીમાં અનેક વિધ કાર્યકર્મો યોજાયા :

અમેરિકામાં વસતા ૧૦ હજાર જેટલા પાટીદારોએ આ મહોત્સવમાં ભાગ લીધો હતો. ૧૯ મેથી ૨૧ મે સુધીમાં અનેક વિધ કાર્યકર્મોનું આયોજન થયું હતું. જેમાં શોભાયાત્રા, દાંડિયા રાસ જેવા આયોજન પણ થયા હતા. આ કાર્યક્રમમાં સાયલાથી માધવદાસજી મહારાજે હાજરી આપી હતી. તેમના હાથે મંદિરને ખૂલ્લું મુકાયું હતું.

આ કાર્યક્રમમાં યજ્ઞમાં પણ મોટી સંખ્યામાં દંપતીઓએ ભાગ લીધો હતો અને માઈ ભક્તોએ ઉમિયા માતાજીના દર્શનનો લાહવો લીધો હતો. કાર્યક્રમ સ્થળ પર જ યજ્ઞશાળા બનાવાઈ હતી.આ કાર્યક્રમમાં સાયલાથી માધવદાસજી મહારાજે હાજરી આપી હતી. તેમના હાથે મંદિરને ખૂલ્લું મુકાયું હતું.

આ પણ વાંચો :-

 

પેટ ભરીને ખાવા નહોતું મળતું, ઝુંપડપટ્ટીમાં રહેતી દીકરી બની ગઈ બ્યુટી બ્રાન્ડનો ફેસ 

News Editor
-
0

Couldn’t eat enough

  • માથા પર છત ન હતી. પેટ ભરવા માટે ખોરાક મળતો ન હતો. પછી નસીબે વળાંક લીધો. મુંબઈની ધારાવી ઝુંપડપટ્ટીની યુવતિને લકઝરી બ્યુટી બ્રાન્ડ ફોરેસ્ટ એસેન્શિયલે બ્રાન્ડ એમ્બેસેડર તરીકે સાઈન કરી છે.

પ્રખ્યાત લક્ઝરી બ્યુટી બ્રાન્ડ ફોરેસ્ટ એસેન્શિયલ્સે (Beauty brand Forest Essentials) તાજેતરમાં મલિશા ખારવાને (Malisha Kharwa) તેની બ્રાન્ડ એમ્બેસેડર તરીકે સાઈન કર્યા છે. કોણ છે મલીશા ખારવા? એ જ જે મુંબઈની ધારાવી ઝૂંપડપટ્ટીમાં રહે છે. માત્ર 14 વર્ષની મલિશા આ દિવસોમાં સોશિયલ મીડિયા (Social media) પર ખૂબ જ લોકપ્રિય છે. અને ચર્ચામાં એક હેશટેગ છે – #princessfromtheslum. જેનો અર્થ ઝૂંપડપટ્ટીમાંથી બહાર આવેલી રાજકુમારી. લોકો મલિશાને આ નામથી બોલાવી રહ્યા છે. તેમજ અભિનંદન આપી રહ્યા છે.

મોડલિંગની સાથે સાથે અભ્યાસ પણ કરી રહી છે :

મોડલિંગની સાથે સાથે મલિશા પોતાનો અભ્યાસ પણ પૂર્ણ કરી રહી છે. અંગ્રેજી તેનો પ્રિય વિષય છે અને તે દરેક સાથે અંગ્રેજીમાં જ વાત કરવાનું પસંદ કરે છે. તે કહે છે કે જ્યારે તેને સ્કૂલમાં સારા ગ્રેડ મળે છે. ત્યારે પિતા ખૂબ ખુશ થાય છે. તે એક પ્રોફેશનલ ચાઈલ્ડ મોડલ બનવા માંગે છે અને પાકું ઘર, સારું ભોજન અને સારા શિક્ષણ માટે પૈસા બચાવવા માંગે છે.

મલિશાનાં સપનાને સાકાર કરવા માટે રૂપિયા એકત્ર કરવાનો પ્રયાસ :

મલિશાના સપનાને સાકાર કરવા માટે ક્રાઉડફંડિંગ દ્વારા 20 હજાર ડોલર (લગભગ 16.5 લાખ રૂપિયા) એકત્ર કરવાનો પ્રયાસ કરવામાં આવ્યો હતો. બે વર્ષમાં જ 13 હજાર ડોલર (લગભગ 10.7 લાખ રૂપિયા) પણ એકઠા થયા છે.

Snapinsta.app_312987700_207805931688703_7210947958450638251_n_1080

મલિશા ઘણા મેગેઝીનના કવર પેજ પર જોવા મળી ચુકી છે :

રોબર્ટ હફમેને મલિષાનું ઈન્સ્ટાગ્રામ એકાઉન્ટ પણ બનાવ્યું હતું. તેના પર મલિશાએ ઘણા ફોટોશૂટની તસવીરો શેર કરી છે. તે ઘણા મેગેઝીનના કવર પેજ પર પણ જોવા મળી ચુકી છે. હવે તેને લક્ઝરી બ્યુટી બ્રાન્ડ સાથે બ્રેક મળ્યો છે. આ પહેલા તે એક શોર્ટ ફિલ્મ – લીવ યોર ફેરી ટેલમાં જોવા મળી હતી.

આ પણ વાંચો :-

ચરબી બહુ વધી ગઈ છે ? ચિંતાના કરશો આ પાણી સાવ પાણીમાં ઓગાળી દેશે બધી ચરબી !

News Editor
-
0

Too much fat

  • Health Tips : શરીરની ચરબી કરવી છે દૂર ? રોજ શરૂ કરો આ ખાટા જ્યુસનું સેવન, થશે આ ફાયદા. ખુબ જ ઝડપથી વજન પણ ઘટશે અને શરીરમાં આવશે સુપર એનર્જી.

તમને ઘણીવાર મીઠી વસ્તુઓથી પણ દૂર રહેવાનું કહેવામાં આવે છે. કારણ કે ખાંડ ચરબીમાં ફેરવાય છે અને પછી વજન ઝડપથી વધવા લાગે છે. આજે આપણે એક એવા ફળ વિશે વાત કરીશું જેનો સ્વાદ ખૂબ ખાટો અને મસાલેદાર હોય છે. પરંતુ તેની મદદથી પેટ અને કમરની ચરબીને (Fat) ઘણી હદ સુધી ઓછી કરી શકાય છે.મીઠી તેમજ જંકફુડ ખાઈને પેટમાં વધારો થયો છે. શરીરમાં વધી રહી છે ચરબી.

તો ચિંતા ન કરશો. નિયમિત કરો આમલીના રસનું સેવન અને થોડા જ દિવસોમાં શરીરના વજનમાં ઘટાડો અનુભવો. આમલીનો રસ પાચન માટે પણ ઉત્તમ છે, જો પાચનતંત્ર બરાબર હશે તો વજન ઓછું કરવામાં ખૂબ જ સરળતા રહેશે. આ સાથે આ જ્યુસની મદદથી ખરાબ કોલેસ્ટ્રોલનું સ્તર પણ ઘટાડી શકાય છે, જે ફિટનેસ માટે ખૂબ જ જરૂરી છે.

લોકો આ પોતાના શરીરને ઘટાડવા માટે અનેક પ્રયાસો કરે છે જો કે તેમ છતાં તેમને ધાર્યું પરિણામ નથી મળતું. પરંતુ ફિકર નોટ. અમે તમને પેટની ચરબી ઘટાડવાનો એક અક્સિર ઈલાજ બતાવીશું. આવો જાણીએ આ વિશે વધુ માહિતી. જંકફુડ એ પેટનું સૌથી મોટુ દુશ્મન છે.

કારણ કે આમાં ફેટી એસિડસ, પામોલિન ઓઈલ, મસાલા, પ્રિઝરવેટિવ્સ સહિતની બિનઆરોગ્ય વસ્તુઓ સામેલ છે. ચટાકેદાર સ્વાદને કારણે લોકો જંકફુડને ખાતા હોય છે. પરિણામે લોકોના શરીર વધવા લાગે છે. ખાસ કરીને પેટ વધે છે. જંકફુડને કારણે શરીરમાં બેડ કોલેસ્ટ્રોલનું પ્રમાણ ખુબ ઝડપથી વધે છે.

આમલીનો રસ આ રીતે બનાવો :

આમલીનો રસ બનાવવા સૌ પ્રથમ આમલીને સ્વચ્છ પાણીથી સારી રીતે ધોઈ લો અને હવે તેના બીજ કાઢી લો. હવે ૦૨ ગ્લાસ પાણી ઉકાળો અને તેમાં આમલી મિક્સ કરો અને થોડી વાર ગરમ કરો. હવે તેને સ્ટ્રેનરની મદદથી એક ગ્લાસમાં ગાળી લો અને ઠંડુ થાય ત્યાં સુધી રાહ જુઓ. હવે તમે તેને પી લો. જો તમે નિયમિતપણે આ પીણું પીશો તો ફિટનેસ સ્પષ્ટ દેખાશે.

આમલીનો રસ માત્ર સ્વાદિષ્ટ જ નથી. પરંતુ તે આપણા શરીર માટે પણ ખૂબ જ ફાયદાકારક માનવામાં આવે છે. તેમાં હળવા મૂત્રવર્ધક ગુણધર્મો જોવા મળે છે. જે શરીરના ઝેરને બહાર કાઢવામાં મદદ કરે છે. તેમાં ફાઈબર હોવાથી પેટ લાંબા સમય સુધી ભરેલું લાગે છે અને પછી ખાવાનું ઓછું કરવાથી વજન ઓછું થવા લાગે છે.

આમલીનો રસ પીવાથી વજન ઘટશે :

ભારતના પ્રખ્યાત ડાયટિશિયન આયુષી યાદવે કહ્યું કે જો આમલીનો રસ નિયમિત રીતે પીવામાં આવે તો વજન ઝડપથી ઘટે છે કારણ કે આ ફળમાં વિટામિન્સ અને મિનરલ્સ ઉપરાંત ફાઈબર ભરપૂર માત્રામાં જોવા મળે છે. તેની અસર થોડા દિવસોમાં જોવા મળે છે.

આ પણ વાંચો :-

Indian Railway : હવે ૧૫ દિવસની ફ્રી ટ્રેનિંગ બાદ બેરોજગારો પણ કરી શકશે મોટી કમાણી

News Editor
-
0

Indian Railway

  • Indian Railway Kaushal Vikas Yojana : માત્ર ૧૦મું પાસ યુવાનો પણ આ યોજનાનો લાભ લઈ શકે છે અને ૧૫ થી ૧૮ દિવસની તાલીમ મેળવીને પોતાનું સ્ટાર્ટઅપ ખોલી શકે છે.

ભારતીય રેલ્વેએ (Indian Railway) બેરોજગાર યુવાનો માટે એક અભિયાન શરૂ કર્યું છે. ભારતીય રેલ્વે વધુને વધુ બેરોજગાર યુવાનોને રોજગાર મેળવવા સક્ષમ બનાવવા માંગે છે. તેથી આ અભિયાન હેઠળ રેલ્વેએ યુવાનોને ૧૫ થી ૧૮ દિવસની તાલીમ આપવાનું નક્કી કર્યું છે. જેના પછી યુવાનો પોતાનું સ્ટાર્ટઅપ શરૂ કરી શકશે.

૧૦મું પાસ પણ લાભ મેળવી શકે છે :

તમને જણાવી દઈએ કે ભારતીય રેલવેની આ સ્કીમ યુવાનોને ખૂબ જ પસંદ આવી રહી છે. આ યોજનાની સૌથી ખાસ વાત એ છે કે આ તાલીમ માટે યુવાનોને વધારે ભણવાની જરૂર નથી. માત્ર ૧૦ પાસ યુવાનો પણ આ યોજનાનો લાભ લઈ શકે છે અને ૧૫ થી ૧૮ દિવસની તાલીમ મેળવી શકે છે.

નિષ્ણાતો દ્વારા તાલીમ આપવામાં આવે છે :

ઉત્તર પશ્ચિમ રેલવેના સીપીઆરઓ કેપ્ટન શશિ કિરણે જણાવ્યું કે ભારતીય રેલવે દ્વારા રેલ કૌશલ વિકાસ યોજના શરૂ કરવામાં આવી છે. આ યોજના હેઠળ બેરોજગાર યુવાનોને મફત તાલીમ આપવામાં આવી રહી છે. નોર્થ વેસ્ટર્ન રેલ્વે હેઠળના તમામ ડિવિઝનમાં આવી ઘણી ફેક્ટરીઓ છે.

જ્યાં ટ્રેનો સંબંધિત કામ કરવામાં આવે છે. તમને જણાવી દઈએ કે સામાન્ય રીતે ફેક્ટરીઓમાં વેલ્ડીંગનું કામ કરવામાં આવે છે. યુવાનો આ કાર્યમાં કાર્યક્ષમતા મેળવી રહ્યા છે. જ્યારે વેલ્ડીંગ ઉપરાંત આવા ૪ થી ૫ કામ છે. જે આ યુવાનોને રેલવેના નિષ્ણાતો દ્વારા શીખવવામાં આવે છે.

લોન સરળતાથી મળી રહે છે

યુવાનોની તાલીમ પૂર્ણ થયા બાદ તેમને રેલવે તરફથી પ્રમાણપત્ર પણ આપવામાં આવે છે. જેની મદદથી યુવાનો સરળતાથી કોઈ પણ બેંકમાંથી પૈસા લઈને પોતાનું સ્ટાર્ટઅપ શરૂ કરી શકે છે. જણાવી દઈએ કે અત્યાર સુધી માત્ર નોર્થ વેસ્ટર્ન રેલ્વેમાં જ ૫૦૦૦ થી વધુ યુવાનોએ ફ્રી ટ્રેનિંગ લીધી છે.

અન્ય બેરોજગાર યુવાનોને પણ રોજગારી આપી શકશે :

આ સિવાય યુવાનોએ ધ્યાનમાં રાખવું જોઈએ કે અહીં તાલીમ લેવાની સાથે તેઓ પોતાનો અભ્યાસ પણ ચાલુ રાખી શકે છે. સાથે જ આ યુવાનોને રેલવેના નિષ્ણાતો દ્વારા ટ્રેનિંગ આપવામાં આવે છે. તેથી જ તેમના કામમાં ઘણી કાર્યક્ષમતા જોવા મળે છે. આ ઝુંબેશની એક સારી વાત એ છે કે અહીંથી તાલીમ લીધા બાદ યુવાનો અન્ય બેરોજગાર યુવાનોને રોજગારીની તક આપી શકે છે.

આ પણ વાંચો :-

૨૩ મે / આ રાશિના જાતકોને આજે માટે આજે ખુલશે આવકનાં નવા સ્ત્રોત તો આ જાતકે કોર્ટ કચેરીનાં કામકાજમાં સાચવવું, જુઓ આજનું રાશિ ભવિષ્ય

News Editor
-
0

23 May zodiac today

મેષઃ

સ્વભાવમાં ઉગ્રતા જણાય. આત્મવિશ્વાસમાં વધારો થતો જણાય. આવકનું પ્રમાણ વધતું જણાય. પરિવારમાં પ્રેમ વધે. જુના રોકાણો થી લાભ તથા નવા રોકાણો યોગ્ય રીતે થાય. દામ્પત્ય ક્ષેત્રે આનંદ. નોકરી ધંધામાં પ્રગતિ.

વૃષભઃ

મોજશોખ વધતાં ખર્ચનું પ્રમાણ પણ વધે. આવકમાં વધારો થતો જણાય. પરિવારમાં આનંદ. સ્થાવર જંગમ મિલકતથી લાભ. દામ્પત્ય જીવનમાં મધુરતા જળવાય. આરોગ્ય સાચવવું. લીવરની સમસ્યાથી સાચવવું.

મિથુનઃ

સ્વભાવમાં વિનોદી વતિ રહે. આવકનો સ્ત્રોત વધતો જણાય છે. પરિવારના સભ્યો સાથે વાદવિવાદ ટાળવા. નવા નાણાંકીય રોકાણો સારી રીતે કરી શકાય. ધંધાકીય રીતે પ્રગતિ જળવાય. જીવનસાથી સાથે મતભેદ ટાળવા.

કર્કઃ

માનસિક શાંતિ જળવાય. આવક અંગે સામાન્ય દિવસ છે. પરિવારમાં આનંદ, ઉત્સાહ, પ્રેમ જળવાય. માતા-પિતાનો સાથ સહકાર મળતો જણાય. એમની ચિંતા ઓછી થાય. દામ્પત્ય જીવનમાં આનંદ. ભાગ્ય બળવાન.

સિંહઃ

તમામ ક્ષેત્રે આનંદ ઉત્સાહનો અનુભવ થાય. આવક વધે. પરિવારના સભ્યોની પ્રગતિ થતી જણાય. રોકાણોનું આયોજન યોગ્ય રીતે થાય. સંતાન સંબંધી ચિંતા સતાવે. આરોગ્ય જળવાય. સ્ત્રી શણગારનાં ધંધામાં લાભ.

કન્યાઃ

મિત્રોનો સાથ સહકાર મળતો જણાય. લક્ષ્મીની વખતસર હેરફેર શક્ય બને. આવક જળવાય. પરિવારમાં ઉગ્રતા ટાળવી. નવા રોકાણો કરતી વખતે સાવચેતી જરૂરી. ઠંડા પીણા, મીનરલ વોટર, ટ્રાવેલીંગના ધંધાંમાં લાભ.

તુલાઃ

શરીરમાં આળસ વધે. પરિવારમાં લાગણી શીલતાનું પ્રમાણ વધશે. નાણાંકીય રોકાણોનું આયોજન સારી રીતે કરી શકાય. આરોગ્ય જળવાશે. ભાગ્યનો સાથ મળતો જણાય. ધાર્મિક યાત્રા પ્રવાસના યોગ બને છે.

વૃષિકઃ

આત્મવિશ્વાસમાં વધારો થાય. આવકનું પ્રમાણ ઘટે. નાના ભાઇ-બહેનોની તબિયત સાચવવી. કાર્યક્ષેત્રે સફળતા મળતી જણાય. દામ્પત્ય જીવનમાં મધુરતા જળવાય. આરોગ્યની કાળજી જરૂરી. સફેદ વસ્તુના ધંધામાં લાભ.

ધનઃ

માનસિક આનંદ વર્તાય. જીવનની સમસ્યાઓ વ્યવહારીક રીતે હલ કરી શકશો. કોમ્પ્યુટર, પેકેજીંગ, કોમ્યુનીકેશન ના ધંધામાં લાભ મળશે. સ્થાવર જંગમ મિલકતના ખરીદ વેચાણ શક્ય બને. ખોટી સોબતથી સાચવવું.

મકરઃ

આદ્યાત્મિકતા વધે. સામાજીક કાર્યોમાં રૂચિ વધે. માન, સન્માન વધતા જણાય. કાર્યક્ષેત્રે સફળતા હાંસલ કરી શકાય. નાણાંકીય રોકાણોથી ફાયદો મળતો જણાય. સંતાન સુખમાં વૃદ્ધિ થાય. આરોગ્ય સાચવવું. તાવ, શરદી, ખાંસી, માથાનો દુઃખાવો રહે.

કુંભઃ

નાણાંનો બગાડ અટકાવવો. પરિવારમાં વાદ-વિવાદ ટાળવો. શેર બજારમાં લાભ. સ્ત્રીવર્ગ તરફથી ફાયદો. સંતાનની ચિંતા ઓછી થાય. નવું જાણવા શીખવાનો યોગ બને છે. ધંધામાં સફળતા મળતી જણાય.

મીનઃ

ગુસ્સામાં વધારો થતો જણાય. આવક વધે પરિવારમાં શાંતિ જળવાય. જુના રોકાણોથી લાભ. નવા રોકાણો ફાયદાકારક પૂરવાર થાય. માતૃસુખ વધે. ટ્રાવેલીંગ, તથા પાણીને લગતા ધંધામાં લાભ.

આ પણ વાંચો :-
1...1,0801,0811,082...1,466Page 1,081 of 1,466