Home Blog Page 1074

જૂન પહેલા જ આવી જશે વરસાદ, ગુજરાતમાં આ તારીખે વરસાદની કરવામાં આવી છે આગાહી 

News Editor
-
0

Rain will come before June

Gujarat Weather Forecast : ૨૮ અને ૨૯ તારીખે સૌરાષ્ટ્ર, ઉત્તર ગુજરાત અને મધ્ય ગુજરાતમાં કમોસમી વરસાદની આગાહી. માછીમારોને ૩ દિવસ દરિયો ન ખેડવાની સૂચના.

રાજ્યમાં ફરીથી એકવાર ખેડૂતો માટે માઠા સમાચાર સામે આવ્યા છે. ૨૮ અને ૨૯ મેના રોજ ગુજરાતમાં કમોસમી વરસાદની હવામાન વિભાગ દ્વારા આગાહી કરવામા આવી છે. અંબાલાલ પટેલ (Ambalal Patel) દ્વારા પણ ગાજવીજ સાથે વરસાદની આગાહી કરાઈ છે. રાહતની વાત એ છે કે આ કમોસમી વરસાદ (Unseasonal Rain) ગુજરાતના વાતાવરણમા પલટો લાવશે. સાથે જ ગરમીમાંથી પણ મુક્તિ અપાશે.

હવામાન વિભાગના (Meteorological Department) અપડેટ અનુસાર, સૌરાષ્ટ્ર, ઉત્તર અને મધ્ય ગુજરાતમાં માવઠાની આગાહી કરાઈ છે. વેસ્ટર્ન ડિસ્ટર્બન્સ (Western Disturbance) અને સાયક્લોનિકના કારણે ગુજરાતમાં વરસાદ પડી શકે છે. તો સાથે જ દરિયાકાંઠાના વિસ્તારોમાં ભારે પવન ફૂંકાવવાની શક્યતા છે.

આ માટે માછીમારોને ૩ દિવસ દરિયો ન ખેડવાની હવામાન વિભાગે સૂચના આપી છે. તો ત્યારે બનાસકાંઠામાં કમોસમી વરસાદને પગલે ડિઝાસ્ટર વિભાગે તમામ એપીએમસીને સાવચેતી રાખવા માટે અપીલ કરી છે. માર્કેટ યાર્ડમાં રહેલું અનાજ પલળે નહીં તે માટે તકેદારી રાખવા માટે અપીલ કરી છે.

ક્યાં ક્યાં વરસાદ આવશે :

સૌરાષ્ટ્ર-કચ્છ અને ઉત્તર ગુજરાત સહિતના રાજ્યના અન્ય ભાગોમાં વરસાદ થવાની સંભાવના છે. જેમાં બનાસકાંઠા, સાબરકાંઠા, પાટણ, મહેસાણા, રાજકોટ, અમરેલી, બોટાદ, ભાવનગર, આણંદ, વડોદરા, ભરૂચના કેટલાક ભાગોમાં ગાજવીજ સાથે ૨૮ અને ૨૯ તારીખે વરસાદ થવાની શક્યતાઓ છે.

આ પણ વાંચો :-

આ દિવસે રિલીઝ થશે અસુર-૨, ધમાકેદાર ટીઝર સાથે બીજી સીઝનની રિલીઝ ડેટ જાહેર

News Editor
-
0

Asura-2 will be released

  • જે ચાહકો ‘અસુર-૨’ ની રાહ જોઈ રહ્યા હતા તેમના માટે મહત્વની જાહેરાત કરવામાં આવી છે. તાજેતરમાં ‘અસુર-૨’ ની ઝલક આપતું એક ટીઝર મેકર્સે રિલીઝ કર્યું છે. સાથે જ કયા OTT પ્લેટફોર્મ પર અસુર 2 રિલીઝ થવાની છે તેની રિલીઝ ડેટ પણ જાહેર કરી છે.

અરશદ વારસી (Arshad Warsi) અને બરુણ સોબતી (Barun Sobati) અભિનીત ‘અસુર‘ વેબ સીરીઝ લોકોને ખૂબ જ પસંદ પડી હતી. આ એક સાઈકો થ્રિલર (A psycho thriller) વેબ સીરીઝ છે. પહેલી સીઝન પછી નિર્માતાઓએ તેની બીજી સીઝનની જાહેરાત કરી હતી અને ત્યારથી ચાહકો પણ આ વેબ સીરીઝની રાહત જોઈ રહ્યા હતા. ત્યારે હવે દર્શકોની આતુરતાનો અંત આવ્યો છે.

જે ચાહકો ‘અસુર-૨‘ ની રાહ જોઈ રહ્યા હતા તેમના માટે મહત્વની જાહેરાત કરવામાં આવી છે. તાજેતરમાં ‘અસુર-૨‘ ની ઝલક આપતું એક ટીઝર મેકર્સે રિલીઝ કર્યું છે. સાથે જ કયા OTT પ્લેટફોર્મ પર અસુર ૨ રિલીઝ થવાની છે તેની રિલીઝ ડેટ પણ જાહેર કરી છે.

અસુર ૨ના ૧ ના મિનિટના ટીઝરથી પણ તમારા રુંવાળા ઊભા થઈ જશે. પોતાની ફિલ્મોમાં લોકોને હસાવનાર અરશદ વારસી ‘અસુર-૨’ના આ શોર્ટ ટીઝરમાં દમદાર ડાયલોગ બોલે છે. વિજ્ઞાન, ધર્મ અને અપરાધની વાર્તા દર્શાવતી ‘અસુર-૨’ના ટીઝરમાં પોતાને અસુર ગણાવતા અરશદ વારસી ગુના કરતા જોવા મળે છે.

અસુર-૨ના આ દમદાર ટીઝરની સાથે મેકર્સે તેની રિલીઝ ડેટ પણ જાહેર કરી છે. આ વેબ સીરીઝ ૧ જૂન ૨૦૨૩ના રોજ જિયો સિનેમા અને કલર્સના OTT પ્લેટફોર્મ Voot પર પ્રસારિત થશે. અરશદ વારસી અને બરુણ સોબતી ઉપરાંત આ સીરીઝમાં અનુપ્રિયા ગોયન્કા પણ મુખ્ય ભૂમિકામાં છે.

આ પણ વાંચો :-

ઓસ્ટ્રેલિયા ભણવા જવાના સપના જોનારા ગુજરાતીઓને મોટો ઝટકો

News Editor
-
0

A big blow to Gujaratis

  • ફેબ્રુઆરીમાં પર્થ સ્થિત એડિથ કોવાન યુનિવર્સિટીએ ભારતીય રાજ્યો પંજાબ અને હરિયાણાના અરજદારો પર પ્રતિબંધ મૂક્યો હતો. ત્યારે હવે અન્ય ૨ યુનિવર્સિટીએ ઓસ્ટ્રેલિયામાં ભારતીય વિદ્યાર્થીઓ પર પ્રતિબંધ મૂકયો છે.

ગુજરાતના વિદ્યાર્થીઓનું (Student) ઓસ્ટ્રેલિયામાં (Australia) ઉચ્ચ અભ્યાસનું સપનું રોળાય એવી શક્યતા ઉભી થઈ છે. ગત ફેબ્રુઆરી મહિનામાંઓસ્ટ્રેલિયાની ૫ યુનિવર્સીટીઓમાં ભારતીય વિદ્યાર્થીઓની વિઝા અરજી પર પ્રતિબંધ મૂક્યો હતો. એડિન કોવાન (Edin Cowan), વિક્ટોરિયા યુનિ, વુલનગોંગ યુનિ, ટોરેન્સ યુનિ અને સધર્ન યુનિ.એ વિઝા નહીં આપવા નક્કી કર્યું છે. ત્યારે આ હવે આ લિસ્ટમાં વધુ બે યુનિવર્સિટીનું નામ ઉમેરાયું છે. ઓસ્ટ્રેલિયાની (Australia) બે યુનિવર્સિટીમાં ગુજરાતના વિદ્યાર્થીઓ પર પ્રતિબંધ મૂક્યો છે.

ઓસ્ટ્રેલિયાના ફેમસ ફેડરેશન યુનિ અને વેર્સ્ટન સિડની યુનિવર્સિટીએ ભારતના પાંચ રાજ્યોના વિદ્યાર્થીઓના વિઝા પર પ્રતિબંધનો નિર્ણય કર્યો છે. ફ્રોડ વિઝાની વધતી અરજીને કારણે આ બંને યુનિવર્સિટીઓ આ નિર્ણય લેવા મજબૂર બની છે. મહત્વનું છે કે ગુજરાત ઉપરાંત પંજાબ, હરિયાણા, ઉત્તરાખંડ, ઉત્તર પ્રદેશ અને જમ્મુ કાશ્મીરના વિદ્યાર્થીઓ પર પણ બંને યુનિવર્સીટીએ પ્રતિબંધ લગાવ્યો છે.

બનાવટી અરજીઓના વધારાને કારણે ઓસ્ટ્રેલિયાની યુનિવર્સિટીઓ હવે કેટલાક ભારતીય રાજ્યોના વિદ્યાર્થીઓના પ્રવેશ પર પ્રતિબંધ લાદી રહી છે. ઓસ્ટ્રેલિયામાં આ વર્ષે ભારતીય વિદ્યાર્થીઓની સંખ્યા વર્ષ ૨૦૧૯ના ૭૫,૦૦૦નો સૌથી વધુ આંકડો પાર કરી શકે છે.

સિડની મોર્નિંગ હેરાલ્ડ અખબારે થોડા સમય પહેલા એક અહેવાલ આપ્યો હતો કે વિદ્યાર્થીઓની સંખ્યામાં હાલના વધારાથી ઓસ્ટ્રેલિયાની ઇમિગ્રેશન સિસ્ટમ અને દેશના આકર્ષક આંતરરાષ્ટ્રીય શિક્ષણ બજાર પર સંભવિત લાંબા ગાળાની અસરને લઈને સાંસદો અને શિક્ષણ ક્ષેત્ર સાથે લોકોએ ચિંતા વ્યક્ત કરી છે.

નકલી વિદ્યાર્થીઓની સંખ્યા પણ વધી છે :

થોડા સમય પહેલા ગ્લોબલ એજ્યુકેશન ફર્મ નવિતાસના જ્હોન ચ્યુએ જણાવ્યું હતું કે, “આવનારા વિદ્યાર્થીઓની સંખ્યા અપેક્ષા કરતા ઘણી વધારે છે.” તેમણે કહ્યું, ‘અમને ખબર હતી કે સંખ્યામાં ઘણો વધારો થશે, પરંતુ તેની સાથે નકલી વિદ્યાર્થીઓની સંખ્યા પણ વધી છે.’ રિપોર્ટમાં કહેવામાં આવ્યું છે કે આ સ્થિતિનો સામનો કરવા માટે હવે ઘણી યુનિવર્સિટીઓ પ્રતિબંધ લગાવી રહી છે.

આ પણ વાંચો :-

Bageshwar Dham : બાગેશ્વર ધામ સરકાર ધીરેન્દ્ર શાસ્ત્રીને મળી Y કેટેગરીની સુરક્ષા

News Editor
-
0

Bageshwar Dham

  • Dhirendra Krishna Y category security :  ચક માટે વાઈ સિક્યોરિટીને મંજૂરી આપી છે.

જાણીતા કથાવાચક બાગેશ્વર ધામ (Bageshwar Dham) સરકાર ધીરેન્દ્ર કૃષ્ણ શાસ્ત્રીની (Dhirendra Krishna Shastri) સુરક્ષા વધી ગઈ છે. તેમને વાઈ કેટેગરીની સુરક્ષા આપવામાં આવી છે. કેન્દ્ર સરકાર તરફથી મંજૂરી મળી ગઈ છે. નોંધનીય છે કે તાજેતરમાં ધીરેન્દ્ર કૃષ્ણ શાસ્ત્રીને જાનથી મારવાની ધમકી મળી હતી. વાઈ સિક્યોરિટીમાં એક કે બે કમાન્ડો હોય છે. પોલીસકર્મીઓ (policeman) સહિત આ સુરક્ષા ઘેરામાં આઠ જવાન સામેલ હોય છે.

મળી હતી જાનથી મારવાની ધમકી :

નોંધનીય છે કે બાગેશ્વર ધામ સરકાર પંડિત ધીરેન્દ્ર કૃષ્ણ શાસ્ત્રીને થોડા સમય પહેલા પરિવાર સહિત જાનથી મારવાની ધમકી મળી હતી. એક અમર સિંહ નામના વ્યક્તિએ ધીરેન્દ્ર શાસ્ત્રીના કાકાના પુત્રને ધમકીભર્યો ફોન કર્યો હતો. કોલરે કહ્યુ હતું કે- ધીરેન્દ્ર શાસ્ત્રી પરિવાર સહિત તેરમાની તૈયારી કરી લો. આ ફોન બાદ પોલીસે એફઆઈઆર દાખલ કરી હતી.

આ પણ વાંચો :-

૨૫ મે / આ રાશિના જાતકોએ આજે કૌટુંબિક મતભેદથી દૂર રહેવું તો આ જાતકે વાહન ચલાવવામાં રાખવી કાળજી, જુઓ આજનું રાશિ ભવિષ્ય

News Editor
-
0

May 25 / If the people of this zodiac sign

મેષઃ
મક્કમ મનોબળને કારણે કાર્યમાં સફળતા મળતી જણાય, પરિણામે આવકનું પ્રમાણ પણ વધાવા પામે. બેંક બેલેન્સ વધતુ જણાય. અગત્યના નાણાંકીય વ્યવહારો, રોકાણો બપોર સુધી કરી દેવા. ત્યારબાદ દિવસ શાંતિથી પસાર કરી દેવો.

વૃષભઃ
આવક જળવાય. મોજશોખનું પ્રમાણ વધતું જણાય. નાના ભાઇ-બહેન સાથે મતભેદની શક્યતા. કાર્યક્ષેત્રે બપોર સુધી સફળતા. બપોર બાદ સંઘર્ષ. દામ્પત્ય જીવનમાં આનંદ વર્તાય. નોકરી, ધંધા ક્ષેત્રે પ્રગતિ થતી જણાય.

મિથુનઃ
સરળ અને સિધ્ધાંતવાદી વલણ રહે. આવકનું પ્રમાણ ઘટતું જણાય. અગત્યના નાણાંકીય વ્યવહારોમાં સાવધાની જરૂરી. પરિવારમાં થોડી ઉગ્રતા રહે. માતાની તબિયત અંગે સાવચેતી રાખવી. સંતાનની પ્રગતિના સાથી બની શકાય.

કર્કઃ
બપોર સુધી માનસિક સ્વાસ્થતા જળવાય. ત્યારબાદ ચિંતાનું વાતાવરણ પેદા થતું જણાય. આર્થિક બાબતોમાં લાભ. આવકનું પ્રમાણ જળવાય. જીવનસાથી સાથે પ્રેમ જળવાય. નોકરી-ધંધામાં ભાગ્યનો સાથ મળી રહે.

સિંહઃ
આવક ખર્ચનું પાસુ સરભર થતું જણાય. પરિવારમાં સ્નેહ વધે. કાર્યક્ષેત્રે સફળતા મળતી જણાય. સ્ત્રીવર્ગથી લાભ. સ્થાવર-જંગમ મિલકત થી લાભ મળતો જણાય. સંતાન અંગેના પ્રશ્નો નો સામનો કરવો પડે. આરોગ્ય જળવાય.

કન્યાઃ
સરળ સ્વભાવને કારણે વિશ્વાસઘાતનો ભોગ ને બનાય એનું ધ્યાન રાખવું. આવકનું પ્રમાણ જળવાશે. પરંતુ બપોરબાદ નાણાં ફસાઇ જવાની શક્યતા છે. સોબત થી સાચવવું. નોકરીમાં શાંતિ તથા ધંધામાં પ્રગતિ.

તુલાઃ
દિવસ દરમ્યાન આનંદનો અનુભવ થાય. ખોટા ખર્ચ ટાળવા. નાના ભાઇ-બહેન સાથે મતભેદની શક્યતા. કરેલા રોકાણોમાંથી લાભ મળતો જણાય. આરોગ્ય સારૂ રહેશે. ધાર્મિક પ્રવાસ, પ્રસંગનું આયોજન થાય.

વૃષિકઃ
આત્મવિશ્વાસ વધતો જણાય. ભાગ્યને સથવારે આવકમાં વૃદ્ધિ થતી જણાય. પરિવારમાં આનંદનું વાતાવરણ રહે. સંતાન સાથે મતભેદ ટાળવા. દામ્પત્ય જીવનમાં આનંદની અનુભૂતિ જણાય.

ધનઃ
માનસિક રીતે અસંતોષ રહે. નિર્ણય લેવામાં ભુલ થતી જણાય. આવકમાં ખાસ વધારો જણાતો નથી. નવા રોકાણો સાવધાની પૂર્વક કરવા. મહત્વના નિર્ણયો મુલતવી રાખવી. તાવ-શરદી-ખાંસીથી સાચવવું.

મકરઃ
આત્મવિશ્વાસ તથા ખંતમાં વૃદ્ધિ થતી જણાય. યોગ્ય ખર્ચ કરવાનું આયોજન સરળ બનશે. ઓઇલ, કેરોસીન, ધાતુને લગતા ધંધામાં લાભ. નર્સીંગના ક્ષેત્રે નોકરી કરતી બહેનોને પ્રગતિ. આંખની કાળજી રાખવી જરૂરી.

કુંભઃ
માનસિક વ્યગ્રતા રહે. નાણાંનો બગાડ અટકાવવો. ધંધાર્થીઓને પૈસા ફસાઇ જવાના યોગ છે. આથી નાણાં ઉધાર-ઉછીના આપવા નહીં. રોકાણોનું આયોજન સારી રીતે કરી શકાય. પત્નિના ગુસ્સાનો સામનો કરવો પડે. આરોગ્ય સાચવવું.

મીનઃ
પોતે સાચા અને બીજા ખોટા એવી વૃતિ પ્રબળ બનતી જણાય. આવકનું પ્રમાણ જળવાય. પરિવારમાં આનંદ રહે. સંતાન સુખમાં વૃદ્ધિ થતી જણાય. વિદ્યાર્થી મિત્રોને સફળતા. પત્નિ સાથે મતભેદ ટાળવા. સ્વાસ્થય સારૂં રહેશે.

આ પણ વાંચો :-

MS ધોનીના આ માસ્ટરસ્ટ્રોકના કારણે ઊંધું પડી ગયું ગુજરાતનું ગણિત

News Editor
-
0

Due to this masterstroke  

  • ધોનીની કેપ્નશિપ હેઠળ ચેન્નઈ સુપરકિંગ્સે ગુજરાત ટાઈટન્સને મંગળવાર રાત્રે રમવામાં આવેલા પહેલા કોલિફાયરમાં 15 રનથી માત આપી હતી.

IPL 2023 : આઈપીએલ સિઝન રમી રહેલી ચેન્નઈ સુપરકિંગ્સની (Chennai Superkings) ટેમે 10મી વાર ફાઇનલમાં જગ્યા બનાવી લીધી છે. એમએસ ધોનીની કેપ્નશિપ હેઠળ ચેન્નઈ સુપરકિંગ્સે ગુજરાત ટાઈટન્સને (Gujarat Titans) મંગળવાર રાત્રે રમવામાં આવેલા પહેલા કોલિફાયરમાં ૧૫ રનથી માત આપી હતી. ટોસ હાર્યા બાદ ચેન્નઈએ ગુજરાતને ૧૭૨/૭નો સ્કોરનો પડકાર આપ્યો હતો.

લક્ષ્યનો ફોલો કરતા ગુજરાતની શરૂઆત ખરાબ રહી હતી. પાવરપ્લેમાં ટીમ બે વિકેટે ૪૧ રન જ બનાવી શકી હતી. જે આ સિઝનમાં પાવરપ્લેમાં તેનો ત્રીજો સૌથી ઓછો સ્કોર હતો. અંતમાં રાશિદ ખાને (Rashid Khan) ચોક્કસપણે સારુ પ્રદર્શન કર્યુ હતું પરંતુ ૧૬ બોલમાં ૩૦ રન બનાવીને આઉટ થતાં જ ટીમની હાર નક્કી થઈ ગઈ હતી.

હકીકતમાં સ્પિનરો રવિન્દ્ર જાડેજા અને મહિષ તિક્ષાણાની જોડીએ ગુજરાત ટાઈટન્સની કમર તોડી નાખી હતી. જાડેજાની સ્પિન પણ કામ કરી ગઈ અને તેણે દશુન શનાકા, ખતરનાક ડેવિડ મિલરની (David Miller) વિકેટ લઈને ગુજરાતનો સ્કોર ૮૮/૪ સુધી ઘટાડી દીધો. જો કે ક્રિઝ પર ગિલની હાજરીથી ગુજરાતનું પલ્લુ ભારે રહ્યું હતું. તેવામાં ધોનીએ તેના સૌથી ભરોસાપાત્ર બોલર દીપક ચહરને બોલ સોંપ્યો.

જેણે અગાઉ સાહાને ચાલતો કર્યો હતો. દીપક ફરી પાછો ફર્યો અને ૧૪મી ઓવરમાં ટીમને એવી સફળતા અપાવી, જેણે મેચનું પરિણામ લગભગ નક્કી કરી દીધું. તેણે ટોચના ફોર્મમાં ચાલી રહેલા ગિલ (૪૨)ને આઉટ કર્યો. ત્યારપછીના બેટસમેનોએ હારનું માર્જિન ઘટાડી દીધું હતું.

આ પણ વાંચો :-

Jharkhand : મહિલાએ એક સાથે 5 બાળકોને જન્મ આપ્યો, રિમ્સ હોસ્પિટલ પ્રશાસને ટ્વિટર પર શેર કરી તસવીર

News Editor
-
0

Woman gave birth to 5 children at once, RIMS hospital

  • Jharkhand : RIMS એ તેના ટવિટમાં લખ્યું છે કે ઈતખોરી ચતરાની એક મહિલાએ RIMSના મહિલા અને બાળજન્મ વિભાગમાં પાંચ બાળકોને જન્મ આપ્યો છે. બાળકો એનઆઈસીયુમાં ડોકટરોની દેખરેખ હેઠળ છે.

ઝારખંડના (Jharkhand) રાંચીના રિમ્સમાં સોમવારે એક મહિલાએ એક સાથે 5 બાળકોને જન્મ આપ્યો. જે પછી આખી હોસ્પિટલમાં તે ચર્ચાનો વિષય બની ગયો. હકીકતમાં ચતરા જિલ્લાના ઈતખોરીના મલકપુર ગામની રહેવાસી અનિતા કુમારીએ (Anita Kumari) એક સાથે પાંચ બાળકોને જન્મ આપ્યો છે. તમામ નવજાત શિશુઓનું વજન લગભગ એક કિલો છે. ત્યારબાદ બાળકોને નિયોનેટલ વોર્ડમાં (Neonatal ward) દાખલ કરવામાં આવ્યા છે. અહીં તેમના સ્વાસ્થ્ય પર નજર રાખવામાં આવી રહી છે.

માત્ર 26-27 અઠવાડિયામાં જન્મેલા

તે જ સમયે ડોકટરોએ કહ્યું કે બાળકોનું વજન ઓછું છે અને તેઓ પ્રિ-મેચ્યોર છે. તેઓ 26-27 અઠવાડિયામાં જ જન્મ્યા છે. ત્યાર બાદ કાળજી લેવામાં આવી રહી છે. બાળકોને ઓછામાં ઓછા એક મહિના સુધી ખૂબ કાળજીની જરૂર હોય છે. દરેકને સ્વસ્થ બનાવવાનો પ્રયાસ છે.

જ્યારે બાળકોની માતાની હાલત સારી છે. RIMSએ પોતાના ટવિટમાં લખ્યું છે કે, ‘ઈતખોરી ચતરાની એક મહિલાએ રિમ્સના મહિલા અને બાળજન્મ વિભાગમાં પાંચ બાળકોને જન્મ આપ્યો છે. બાળકો એનઆઈસીયુમાં ડોકટરોની દેખરેખ હેઠળ છે. ડો.શશી બાલા સિંઘના નેતૃત્વમાં સફળ પ્રસૂતિ કરવામાં આવી હતી.

નવજાત શિશુનું વજન સામાન્ય બાળકો કરતા ઓછું હોય છે :

તમને જણાવી દઈએ કે તમામ નવજાત શિશુઓને નિયોનેટોલોજી વિભાગમાં દાખલ કરવામાં આવ્યા છે. આ બાળકોનું વજન સામાન્ય કરતા ઘણું ઓછું છે. રિમ્સે માહિતી આપી હતી કે આ બાળકોની માતા ઈટખોરી, ચત્રાની રહેવાસી છે. હાલ માતા અને બાળક બંને સ્વસ્થ છે. ડોકટરોની ટીમ માતા અને બાળકો પર નજર રાખી રહી છે.

દરમિયાન રાંચી રિમ્સમાંથી એક દર્દીએ મોતની છલાંગ લગાવ્યાના સમાચાર પણ સામે આવ્યા હતા. દર્દી લક્ષ્મણ રામને ત્રીજા માળે આવેલા વોર્ડમાં દાખલ કરવામાં આવ્યો હતો અને તેણે તે જ વોર્ડમાં બારીમાંથી છલાંગ લગાવી હતી. પોલીસે પોસ્ટમોર્ટમ કરાવી લાશ સંબંધીઓને સોંપી હતી.

આ પણ વાંચો :-

ગુજરાત પર ફરી મોટું સંકટ ! ભારે પવન સાથે ફૂંકાશે વિનાશક વાવાઝોડું

News Editor
-
0
Another big crisis on Gujarat
  • Gujarat Forecast : દક્ષિણ-પશ્ચિમના ચોમાસા પહેલા ઉત્તર-પશ્ચિમમાં થશે ભારે વરસાદ. વેસ્ટર્ન ડિસ્ટર્બન્સથી રાજ્યમાં ભારે પવનનું એલર્ટ, દરિયાકાંઠે મીની વાવાઝોડું ફૂંકાશે તેવી શક્યતા હવામાન વિભાગે વ્યક્ત કરે છે.

ગુજરાત (Gujarat) પર એક બાદ એક સંકટ આવતા જાય છે. પહેલાં ભરઉનાળે માવઠાનો માર પડ્યો. હજુ પણ માવઠાના મારથી ખેડૂતો બેઠાં થયા નથી. ત્યાં તો વિનાશક વાવાઝોડાની વકી આવી ગઈ છે. ગુજરાત પર ફરી એકવાર તોળાઈ રહ્યું છે વાવાઝોડાનું સંકટ. હવામાન વિભાગની (Meteorological Department) આગાહી મુજબ ભારે પવન સાથે વાવાઝોડું (Storm) ફૂંકાવવાની સંભાવના છે.

દક્ષિણ-પશ્ચિમના ચોમાસા પહેલા ઉત્તર-પશ્ચિમમાં થશે ભારે વરસાદ. વેસ્ટર્ન ડિસ્ટર્બન્સથી રાજ્યમાં ભારે પવનનું એલર્ટ, દરિયાકાંઠે મીની વાવાઝોડુ ફૂંકાશે તેવી શક્યતા હવામાન વિભાગે વ્યક્ત કરે છે. મે મહિનાના અંતે સામાન્ય રીતે પ્રિમોન્સૂન વરસાદ સ્થાનિક સી.બી.કલાઉડથી સર્જાતો હોય છે. પરુંતુ આવખતે હવામાન તેનું વિચિત્રરૂપ દર્શાવી રહ્યું છે.

દક્ષિણ-પશ્ચિમ (નૈઋત્ય) ૬૫ કિ.મી.સુધીની ઝડપ સાથે મીની વાવાઝોડું ફૂંકાવાની ચેતવણી દિશાએથી ગુજરાત ઉપર ચોમાસુના આગમનને હજુ ચાર આજે મૌસમ વિભાગે જારી કરી છે. અને ગુજરાતના તમામ સપ્તાહનો સમય બાકી છે. ત્યારે ચોમાસા પહેલા વાવાઝોડાને બદલે શક્તિશાળી વેસ્ટર્ન ડિસ્ટર્બન્સ ત્રાટક્યું છે. જેના પગલે સૌરાષ્ટ્ર, કચ્છ સહિત સમગ્ર ગુજરાતમાં આગામી તા.૨૬ મે સુધી 30 થી 40 કિ.મી.ની ઝડપે તથા દરિયાકાંઠે ૬૫ કિમી સુધીની ઝડપે પવન ફૂંકાશે તેવી ચેતવણી અપાઈ છે.

જેને પગલે ગુજરાતના તમામ બંદરોએ માછીમારોને દરિયા નહીં ખેડવાની ચેતવણી અપાઈ છે.આજે સૌરાષ્ટ્ર સહિત સમગ્ર રાજ્યમાં પવનની દિશા બદલાઈને પશ્ચિમી થઈ હતી અને અરબી સમુદ્ર ઉપરથી વધુ તેજ ગતિએ પવન ફૂંકાયો હતો.

આ પણ વાંચો :-

મુકેશ અંબાણીનું ૧૦૦ વર્ષ જુનું પૈતૃક ઘર છે ચર્ચામાં, જાણો શું તેનું કારણ

News Editor
-
0

Mukesh Ambani 

  • Dhirubhai Ambani Memorial House : એન્ટિલિયા તો સતત ચર્ચામાં રહે છે પરંતુ છેલ્લા કેટલાક સમયથી અંબાણી પરિવારનું ગુજરાતમાં આવેલું ૧૦૦ વર્ષ જૂનું ઘર ચર્ચામાં રહે છે. અંબાણી પરિવારનું આ પૈતૃક ઘર જુનાગઢ જિલ્લાના ચોરવાડ ગામમાં આવેલું છે.

એશિયાના સૌથી અમીર વ્યક્તિ મુકેશ અંબાણી (Mukesh Ambani) પોતાના પરિવાર સાથે એન્ટિલિયામાં રહે છે. મુંબઈની આ ૨૭ માળની ઇમારત વિશ્વભરમાં પ્રખ્યાત છે. કારણ કે એન્ટીલિયામાં (Antilia) દુનિયાની દરેક સુવિધા ઉપલબ્ધ છે. એન્ટિલિયા તો સતત ચર્ચામાં રહે છે. પરંતુ છેલ્લા કેટલાક સમયથી અંબાણી પરિવારનું ગુજરાતમાં આવેલું ૧૦૦ વર્ષ જૂનું ઘર ચર્ચામાં રહે છે. અંબાણી પરિવારનું આ પૈતૃક ઘર જુનાગઢ (Junagadh) જિલ્લાના ચોરવાડ ગામમાં આવેલું છે.

આ ઘર ૨૦૦૨માં ખરીદવામાં આવ્યું હતું તે પહેલા ૨૦ મી શતાબ્દીમાં અંબાણી દ્વારા આંશિક રીતે તેને ભાડા પર લેવામાં આવ્યું હતું. રિલાયન્સ ઈન્ડસ્ટ્રીની શરૂઆત કરનાર ધીરુભાઈ અંબાણીનો જન્મ આ ઘરમાં થયો હતો. ૨૦૧૧માં આ ઘરને એક સ્મારકમાં ફેરવી દેવામાં આવ્યું હતું.

જોકે આ ઘર હવે ચર્ચામાં એટલા માટે છે કે તેમાં કેટલાક ફેરફાર કરવામાં આવ્યા છે. બે માળની આ હવેલીની મૂળ વાસ્તુકલા જાળવી રાખવા માટે ફેરફાર કરવામાં આવ્યા છે. આ ઉપરાંત અંબાણી પરિવાર એ આ ઘરમાં જુનવાણી પિત્તળ તાંબાના વાસણ, લાકડાના ફર્નિચર, પરિવારની સાંસ્કૃતિક વિરાસત દર્શાવતી વસ્તુઓને પણ અહીં સાચવી રાખી છે.

અંબાણી પરિવારની આ સંપત્તિ ૧.૨ એકર જમીનમાં ફેલાયેલી છે. આ ઘર ચારે તરફથી હરિયાળીથી ઘેરાયેલું છે. અહીં ઉદ્યાન ક્ષેત્ર છે જેને ત્રણ ભાગમાં વિભાજિત કરવામાં આવ્યું છે. એક ભાગ લોકો માટે એક ભાગ અંગત પ્રાંગણ અને એક ભાગમાં નાળિયેરનો બગીચો ઉભો કરાયો છે

અંબાણી પરિવારના પૈતરરૂપ ઘરની ચર્ચા એટલા માટે થઈ છે કે ચારથી પાંચ કરોડના ખર્ચે આ ઘરનો રેનોવેશન કરવામાં આવ્યું છે. અહીં એક થિયેટર પણ છે જેમાં ધીરુભાઈના જીવન પર એક ફિલ્મ બતાવવામાં આવે છે. ધીરુભાઈ અંબાણી મેમોરિયલ હાઉસ નો ઉદ્ઘાટન ૨૦૧૧ માં અંબાણી પરિવારના સભ્યોની ઉપસ્થિતિમાં કરવામાં આવ્યું હતું.

આ ઘરનો એક ભાગ જનતા માટે પણ ખુલ્લો મુકવામાં આવ્યો છે. જેની મુલાકાત મંગળવારથી રવિવાર સુધીમાં સવારે ૯.૩૦ થી સાંજે ૫.૦ કલાક સુધીમાં લોકો લઈ શકે છે. આ ઘરમાં એન્ટ્રી માટે બે રૂપિયા ફી રાખવામાં આવી છે.

આ પણ વાંચો :-

 

ધ્યાન રાખજો ! નોટ બદલવાની ઉતાવળ ક્યાંક મોંઘી ન પડી જાય

News Editor
-
0

Take care 

  • Currency Guideline : આજથી ૨૦૦૦ રૂપિયાની નોટો બદલવામાં આવી રહી છે. પરંતુ લોકો બેંકમાં જવાને બદલે તેને બદલવાનો સરળ રસ્તો પણ શોધી રહ્યા છે. જો તમને પણ નોટ બદલવાની ઉતાવળ હોય તો ખાસ ધ્યાન રાખો કે કોઈ તમને નકલી નોટો ન ફટકારી દે.

બેંકોમાં આજથી ૨૦૦૦ રૂપિયાની (2000 rupees) નોટો બદલવાની શરૂઆત થઈ ગઈ છે. નોટ બદલવા માટે મોટી સંખ્યામાં લોકો બેંકોની બહાર કતારોમાં ઉભા જોવા મળે છે. રિઝર્વ બેંકના ગવર્નર શક્તિકાંત દાસે (Governor Shaktikanta Dase) લોકોને અપીલ કરી છે કે નોટ બદલવા માટે ચાર મહિનાનો સમય છે.

એટલા માટે તેઓએ ગભરાવાની જરૂર નથી અને સરળતાથી ૨૦૦૦ રૂપિયાની નોટ બદલવી. જો તમને પણ ૨૦૦૦ રૂપિયાની નોટ બદલવાની ઉતાવળ છે. તો જરા રાહ જુઓ. કારણ કે નોટ બદલવાની ઉતાવળ તમને મોંઘી પડી શકે છે અને તમે નકલી નોટ ગેંગનો શિકાર બની શકો છો.

શા માટે સાવચેત રહેવાની જરૂર છે ?

બિહારની રાજધાની પટનામાં નકલી નોટ બનાવતી ગેંગનો પર્દાફાશ થયો છે. પોલીસે સોમવારે ત્યાં દરોડો પાડીને ૧ લાખ૭૭ હજારની નકલી નોટો જપ્ત કરી હતી. આ ગેંગ નકલી નોટો છાપતી હતી તેથી તમારે ૨૦૦૦ રૂપિયાની નોટ બદલતી વખતે ખૂબ કાળજી રાખવાની જરૂર છે.

તેથી જો તમને બેંક સિવાય અન્ય કોઈ જગ્યાએથી ૨૦૦૦ રૂપિયાની નોટ એક્સચેન્જ મળી રહી છે. તો નોટને સંપૂર્ણ રીતે તપાસો. તમે અસલી અને નકલી નોટોને સરળતાથી ઓળખી શકો છો. આ માટે ભારતીય રિઝર્વ બેંકે માર્ગદર્શિકા જાહેર કરી છે.

આ રીતે તમે વાસ્તવિક અને નકલી વચ્ચે તફાવત કરી શકો છો :

જો તમને ૨૦૦૦ રૂપિયાની નોટ બદલ્યા પછી ૫૦૦ રૂપિયાની નોટ મળે છે. તો તમે તેને સરળતાથી ચેક કરી શકો છો. રિઝર્વ બેંક અનુસાર ૫૦૦ રૂપિયાની નવી સિરીઝની નોટો પર મહાત્મા ગાંધીની તસવીર અને રિઝર્વ બેંક ઓફ ઈન્ડિયાના ગવર્નરના હસ્તાક્ષર છે. દેશના સાંસ્કૃતિક વારસાને દર્શાવતી નોટમાં લાલ કિલ્લાનો આકાર પણ દેખાય છે. નોટનો મૂળ રંગ સ્ટોન ગ્રે છે. નોટમાં અન્ય ડિઝાઈન અને ભૌમિતિક પેટર્ન છે. RBI અનુસાર, નોટની સાઈઝ ૬૩ mm x ૧૫૦ mm છે. આ સિવાય નોટની મધ્યમાં મહાત્મા ગાંધીનો ફોટો હશે.

ઈલેક્ટ્રોટાઇપ વોટરમાર્ક :

ગેરંટી કલમની જમણી બાજુએ આરબીઆઈનું પ્રતિક રિઝર્વ બેંકના ગવર્નરની નિશાની અને મહાત્મા ગાંધીની તસવીર સાથે વચન કલમ જોવા મળે છે. નોટમાં મહાત્મા ગાંધીનું પોટ્રેટ અને ઈલેક્ટ્રોટાઈપ (500) વોટરમાર્ક છે. નોંધમાં ઉપર ડાબી અને નીચે જમણી બાજુએ ચડતા ફોન્ટમાં અંકો સાથે નંબર પેનલ છે. ત્યાં, નોટની જમણી બાજુએ અશોક સ્તંભનું પ્રતીક છે.

૨૦૦૦ રૂપિયાની નોટની બારીકાઈથી તપાસ કરવામાં આવશે :

રિઝર્વ બેંક ઓફ ઈન્ડિયા (RBI) દ્વારા કહેવામાં આવ્યું છે કે બેંકમાં જે ૨૦૦૦ રૂપિયાની નોટો બદલાઈ રહી છે તેની બારીકાઈથી તપાસ કરવામાં આવશે. તેની સચોટતા અને વાસ્તવિકતાની ખાતરી કરવા માટે તેને નોટ સોર્ટિંગ મશીન્સ (NSM) દ્વારા વર્ગીકૃત કરવામાં આવશે. નકલી નોટોના સંબંધમાં આરબીઆઈ દ્વારા આપવામાં આવેલી માર્ગદર્શિકા અનુસાર મશીન દ્વારા બેંકના કાઉન્ટર પર એક્સચેન્જ કરવા માટે ગ્રાહક દ્વારા આપવામાં આવેલી રૂ. 2000ની નોટોના ચેકિંગ દરમિયાન જો આમાંથી કોઈ નકલી જણાશે. તો બેંક તેની તપાસ કરશે.

પગલાં લઈ શકાય :

આવી દરેક નોંધ રેકોર્ડ માટે અલગ રજિસ્ટરમાં દાખલ કરવામાં આવશે. આ સમય દરમિયાન જો કોઈ બેંક આવી નોટો ગ્રાહકોને પરત કરતી જોવા મળશે તો નકલી નોટોમાં બેંકની સંડોવણી ધ્યાનમાં લેવામાં આવશે અને દંડ પણ વસૂલવામાં આવશે.

નકલી નોટો મળવા પર એફઆઈઆર :

જો કોઈ વ્યક્તિ દ્વારા બદલાતી દસ નોટોમાંથી ચાર નોટ નકલી જણાય તો આ સ્થિતિમાં બેંક શાખા માસિક રિપોર્ટમાં પોલીસને જાણ કરશે. બીજી તરફ જો આ સંખ્યા પાંચ કે તેથી વધુ છે. તો આ મામલે એફઆઈઆર નોંધવામાં આવશે અને તેમની તપાસ કરવામાં આવશે.

આ પણ વાંચો :-

1...1,0731,0741,075...1,460Page 1,074 of 1,460