Home Blog Page 1420

ભારતીય ક્રિકેટમાં ગુજરાતીઓનો દબદબો, વડોદરાની 2 મહિલા ક્રિકેટરનો ટીમ ઈન્ડિયામાં સમાવેશ

News Editor
-
0

Dominance of Gujaratis

  • વડોદરાની દીકરી યાસ્તિકા ભાટિયા ક્રિકેટ જગતમાં ગુજરાતનું નામ ખૂબ રોશન કર્યું છે ત્યારે હવે ફરી એકવાર ભારત માટે ગૌરવ અપાવવા છે તૈયાર

ફરી એકવાર વડોદરાની (Vadodara) દિકરીઓએ ગુજરાતનું નામ રોશન કર્યું છે. વડોદરાની બે મહિલા ક્રિકેટર્સનો ટીમ ઇન્ડિયામાં સમાવેશ થયો છે. યાસ્તિકા ભાટિયાનો (Yastika Bhatia) વનડે અને ટી 20 ક્રિકેટ ટીમમાં પસંદગી થઇ છે. જ્યારે રાધા યાદવની (Radha Yadav) ટી 20 ફોર્મેટમાં પસંદગી થઇ છે. શ્રીલંકા (Sri Lanka) સામેની શ્રેણી માટે બંને ક્રિકેટરની પસંદગી કરવામાં આવી છે. મહત્વનું છે કે હાલ બંને મહિલા ક્રિકેટર બરોડા ક્રિકેટ એસોસિએશનમાંથી રમે છે.

યાસ્તિકાની વર્લ્ડ કપમાં પણ થઇ હતી પસંદગી :

મહત્વનું છે કે યાસ્તિકા ભાટિયાને ક્રિકેટ પ્રત્યેનાનપણથી જ લગાવ છે. તેણે 11 વર્ષની ઉંમરમાં જ વડોદારાની અંડર-19 મા જગ્યા મેળવી લીધી હતી. 21 વર્ષની યાસ્તિકાએ ગત વર્ષે ઇન્ટરનેશનલ વન – ડે , ટી 20 અને ટેસ્ટ ફોર્મેટમાં ભારતીય ક્રિકેટ ટીમનું પ્રતિનિધિત્ત્વ કર્યું હતું. યાસ્તિકા છેલ્લાં કેટલાક સમયથી બરોડા ક્રિકેટ એસો.નું પ્રતિનિધિત્ત્વ છે. યાસ્તિકા BCA અન્ડર -23ની કેપ્ટન પણ રહી ચુકી છે. યાસ્તિકા લેફટ હેન્ડ બેટિંગ અને સ્લો લેફટ આર્મ ઓર્થોડક્સ બોલિંગ કરે છે. તે મિડલ ઓર્ડરમાં બેટિંગ કરવા માટે ફેમસ છે. ICC વિમેન્સ વન – ડે ક્રિકેટ વર્લ્ડ કપ વર્ષ 2022 માટે પણ યાસ્તિકાની પસંદગી થઇ હતી. વર્લ્ડ કપની ભારતીય ટીમમાં વડોદરાની ક્રિકેટર યાસ્તિકા ભાટીયાનો સમાવેશ થયો હતો.

મિથાલી રાજે લીધો સંન્યાસ :

મહત્વનું છે કે ભારતીય મહિલા ક્રિકેટની સૌથી સફળ કેપ્ટન અને બેસ્ટ ક્રિકેટર એવી બેટર મિથાલી રાજે નિવૃત્તિ જાહેર કરી દીધી છે.મિથાલીએ 39 વર્ષની ઉંમરે નિવૃત્તિ લીધી છે. તેણી 23 વર્ષથી ક્રિકેટ રમે છે. ભારતને અનેક મહત્વની મેચ જિતાડીને તેણે ગૌરવ અપાવ્યું હતું.  જે બાદ નવી ટીમની જાહેરાત કરવામાં આવી હતી. ટી 20માં ટીમ ઇન્ડિયાની કમાન સંભાળી રહેલા હરમનપ્રિતને વનડે ટીમની કેપ્ટનશિપ આપવામાં આવી છે. જ્યારે સ્મૃતિને વાઇસ કેપ્ટનશિપ સોંપાઇ છે.

BMW કારથી તોડ્યું સિગ્નલ, પોલીસ સાથે ઝઘડી યુવતી બોલી-મારા પપ્પા ધારાસભ્ય છે પછી…

News Editor
-
0

BMW car breaks signal

કર્ણાટકમાં (Karnataka) ભારતીય જનતા પાર્ટી (BJP)ના ધારાસભ્ય અરવિંદ નિમ્બાવલીની (Arvind Nimbavali) દીકરીનો એક વીડિયો ઝડપથી વાયરલ થઈ રહ્યો છે. વીડિયોમાં તે પોલીસકર્મીઓ સાથે બહેસ કરતી નજરે પડી રહી છે. ટ્રાફિક સિગ્નલ (Traffic signal) તોડવા પર પોલીસે તેને રોકી હતી, ત્યારબાદ યુવતીએ પોતાના તેવર દેખાડવાની શરૂઆત કરી દીધી અને માર્ગ પર ખૂબ હોબાળો મચાવ્યો. જોકે પોલીસકર્મીઓએ તેના પર 10 હજાર રૂપિયાનો દંડ લગાવીને બધી હેકડી કાઢી દીધી. આ ઘટના બેંગ્લોરમાં રાજભવન પાસે બની હોવાનું કહેવામાં આવી રહ્યું છે.

રિપોર્ટ્સ મુજબ, ભાજપના ધારાસભ્ય અરવિંદ નિમ્બાવલીની દીકરી પોતાના મિત્રો સાથે BMW કારમાં સવાર થઈને ક્યાંક જઈ રહી હતી. આ દરમિયાન તેણે રેડ લાઇટને નજરઅંદાજ કરી અને ટ્રાફિક સિગ્નલ તોડતા આગળ વધી ગઈ. ત્યારબાદ ત્યાં ઉપસ્થિત પોલીસકર્મીઓએ તેને રોકી લીધી અને તેના પર દંડ લગાવવાની વાત કહી. પોલીસકર્મીઓ દ્વારા રોક્યા બાદ યુવતીને ગુસ્સો આવી ગયો અને માર્ગ પર જ પોલીસકર્મીઓ સાથે ઝઘડો કરવા લાગી. કહેવામાં આવી રહ્યું છે કે, યુવતીએ સ્થાનિક પત્રકાર અને કેમેરામેન સાથે પણ દુર્વ્યવહાર કર્યો.

દલિલ કરતા યુવતીએ પોતાના પિતા ધારાસભ્ય હોવાની વાત કહી અને કારને રોકવા પર ધમકી પણ આપી. આ દરમિયાન રાજભવન તરફથી જતા માર્ગ પર જામ પણ લાગી ગયો. જોકે પોલીસે યુવતીની કોઈ વાત ન સાંભળતા તેના પર 10 હજાર રૂપિયાનો દંડ લગાવી દીધો. ત્યારબાદ તે બેકફૂટ પર આવી. યુવતીએ કહ્યું કે, તેની પાસે પૈસા નથી એટલે તેને જવા દેવામાં આવે. એ વાતથી પોલીસ ન માની, ત્યારબાદ કારમાં બેઠા તેના મિત્રએ દંડ ભર્યો.

આ આખી ઘટના ગુરુવારે સાંજે 5.15 વાગ્યાની છે, જ્યારે ટ્રાફિક પોલીસે KSCA સ્ટેડિયમ પાસે ક્વીન્સ રોડ પરથી આવી રહેલી કારને રોકવાનો પ્રયત્ન કર્યો. કારમાં ત્યાં સુધી મિન્સ્ક સ્ક્વેરમાં રાજભવન રોડ પર પ્રવેશ કરી ચૂકી હતી. એ સમય સુધી કાર અનિલ કુંબલે સર્કલ પાસે એક પોલીસ અધિકારીના વાહનને પણ ઓવરટેક કરીને આગળ નીકળી ચૂકી હતી. કારમાં બે મહિલાઓ અને 2 પુરુષ હતા, જેમની ઉંમર 20-25 વર્ષની આસપાસ હતી. એક મહિલાએ ઉતરીને સ્પષ્ટીકરણ માંગ્યું. તેના પર પોલસકર્મીએ જણાવ્યું કે, સિગ્નલ તોડવાના કારણે વાહન રોકવામાં આવ્યું છે.

આ આખા ઘટનાક્રમને શરમજનક બતાવતા જનતા દળ (સેક્યૂલર)એ કહ્યું કે, ધારાસભ્યની દીકરીએ કાયદાનું પાલન કરવાની જરૂરિયાત છે, JDSના પ્રવક્તા તનવીર અહમદે પણ કાયદાવ્યવસ્થાનું પાલન ન કરવા પર ધારાસભ્યની દીકરીની નિંદા કરી. તેમણે કહ્યું કે આ અરવિંદ નિમ્બાવલીની દીકરીનો સવાલ નથી. આ આખા ભારતમાં થઈ રહ્યું છે. સંતાનોના મનમાં પિતા નેતા હોવાનું ઘમંડ રહે છે. સંતાનોને ખબર હોવી જોઈએ કે તેના માતા-પિતા જનતાના સેવક છે. આ શરમજનક છે.

અમદાવાદમાં મેઘરાજાની ધમાકેદાર એન્ટ્રી, શહેરમાં સર્જાયા ટ્રાફિકજામના દ્રશ્યો

News Editor
-
0

Megharaja’s explosive

  • અમદાવાદીઓ છેલ્લા કેટલાક દિવસથી વરસાદથી રાહ જોઇ રહ્યા હતા આખરે આજે તેનો અંત આવ્યો છે અને મેહુલિયો મન મૂકીને વરસી રહ્યો છે. શહેરના અલગ અલગ વિસ્તારોમાં મેઘરાજાએ એન્ટ્રી કરી છે .

ગુજરાતમાં ગરમી અને બફારા વચ્ચે લોકો મેઘરાજાના આગમન (Gujarat Monsoon 2022)ની રાહ જોઈ રહ્યા હતા, ત્યાં જ આજે ગુજરાતમાં મેઘરાજા (Gujarat Monsoon)એ ધમાકેદાર એન્ટ્રી કરી છે. અમદાવાદમાં તો મોડી રાત્રે મેઘો બારેમાસ હોય તેમ મન મૂકીને વરસી (Ahmedabad Rain) રહ્યો છે. સાથે જ મેઘરાજાનના આગમનથી શહેરીજનોમાં પણ આનંદ જોવા મળી રહ્યો છે. અમદાવાદીઓ છેલ્લા કેટલાક દિવસથી વરસાદથી રાહ જોઇ રહ્યા હતા આખરે આજે તેનો અંત આવ્યો છે અને મેહુલિયો મન મૂકીને વરસી રહ્યો છે. શહેરના અલગ અલગ વિસ્તારોમાં મેઘરાજાએ એન્ટ્રી કરી છે.

હવામાન વિભાગે પણ આગાહી કરી હતી કે, આગામી 5 દિવસ સામાન્યથી મધ્યમ વરસાદ પડવાની શક્યતાઓ છે. અને આવતીકાલે (13 જૂન) અમદાવાદ, પાટણ, બનાસકાંઠા અને સાબરકાંઠામાં પણ સામાન્યથી મધ્યમ વરસાદની આગાહી કરી હતી પરંતુ મેઘરાજા એક દિવસની પણ રાહ જોયા વિના અમદાવાદ આવી પહોંચ્યા છે અને અમદાવાદીઓને પાણીથી તરબોળ કરી દીધા છે. ત્યાં જ અમદાવાદના કેટલાક વિસ્તારોમાં ઘૂંટણસમા પાણી ભરાયા છે. તો કેટલાક વિસ્તારોમાં પાણી ભરાતા કોર્પોરેશનની પ્રી મુનસુન કામગીરીની પણ પોલ ખુલી ગઇ છે.

શહેરમાં વરસાદનું આગમન થતા જ શહેરીજનો ભજીયાની લિજ્જત માણવા રસ્તા પર ઉતરી આવ્યા છે. જેના કારણે અમદાવાદના એસજી હાઇવે, ચાંદલોડિયા, નવાવાડજ, આશ્રમ રોડ, નેહરૂનગર, વટવા, વસ્ત્રાલ સહિતના રોડ પર ટ્રાફિક જામના દ્રશ્યો સર્જાયા છે. ત્યાં જ રોડ પર વાહનોની લાંબી કતારો પણ જોવા મળી રહી છે. અમદાવાદમાં વીજળીના ચમકારા સાથે વરસાદથી વાતાવરણમાં ઠંડક પ્રસરી જવા પામી છે. વરસાદના પગલે શહેરના ઘણા વિસ્તારોમાં પાણી ભરાયા છે. શહેરના પૂર્વ વિસ્તાર તેમજ પશ્ચિમ વિસ્તારમાં પણ વીજળીના કડાકા થઈ રહ્યાં છે.

અમદાવાદના નિકોલ વિસ્તારમાં ગાજવીજ સાથે વરસાદ પડી રહ્યો છે. ત્યાં જ વીજળીના જોરદાર કડાકા પણ થઇ રહ્યા છે. સાઉથ બોપલમાં વરસાદી ઝાપટું પડ્યું છે. અમદાવાદ પૂર્વના વસ્ત્રાલમાં પણ ધમાકેદાર વરસાદ વરસી રહ્યો છે ત્યાં જ પાલડી, એલિસબ્રિજ વિસ્તારમાં વરસાદ વરસી રહ્યો છે. વરસાદના આગમનથી લોકોને ગરમીથી રાહત મળી છે.

નુકસાન / આટલા દિવસમાં સડી જાય છે ગાડીમાં ભરાવેલું પેટ્રોલ-ડીઝલ, એન્જિન પર પણ પડશે ખરાબ અસર

News Editor
-
0
  • આજકાલ ડીઝલ અને પેટ્રોલ આપણા જીવનનો સૌથી મહત્વનો ભાગ બની ગયુ છે. જેવી રીતે ધીરે-ધીરે રસ્તા પર કારની સંખ્યા વધી રહી છે, એ જ રીતે ડીઝલ પેટ્રોલનો વપરાશ પણ વધવા લાગ્યો છે. આ સાથે તેની કિંમતો પણ આસમાને જતી રહી છે.

જેમ માર્કેટમાં થોડો પેટ્રોલનો ભાવ (The price of petrol) ઘટવા લાગે છે તેવી જ રીતે લોકો તાત્કાલિક પોતાના કારની ટાંકીઓ ફૂલ કરાવે છે. પરંતુ આ ખૂબ જ ઓછા લોકોને ખબર છે કે પેટ્રોલ અને ડીઝલ (Petrol and diesel) પણ એક સમય બાદ એક્સપાયર થાય છે. કેટલાંક લોકો એવા હોય છે, જેને કારનુ કામ ઓછુ હોય છે અને આ કારણથી તેમની કાર ઘરમાં ઉભી રહે છે. તો બીજી તરફ કેટલાંક લોકો ઓછી કિંમત હોવા છતાં પોતાની ટાંકીઓને ફૂલ કરાવી નાખે છે. પરંતુ તેમાં ડીઝલ પેટ્રોલ આ રીતે જ ભરાયેલુ રહે છે. જો કે, ઘણા મહિના બાદ જો તમે આ કારને ચલાવો છો તો તમારી કાર પર તેનો શું પ્રભાવ પડે છે, એ જ અમે તમને જણાવવાના છીએ.

પેટ્રોલ-ડીઝલ કેવીરીતે ખરાબ થાય છે ?

મોટાભાગના લોકોને ખબર હોતી નથી કે કારમાં ભરાયેલુ પેટ્રોલ ખરાબ પણ થાય છે. તેથી કેટલાંક લોકો આ સમાચાર સાંભળતા જ હેરાન રહી જશો. મોટાભાગના લોકો એવુ જાણે છે કે પેટ્રોલ ડીઝલ જેવી ચીજ વસ્તુઓ ક્યારેય પણ ખરાબ થતી નથી. પરંતુ આવુ હોતુ નથી. દરેક વસ્તુનુ આયુષ્ય હોય છે. ઉલ્લેખનીય છે કે પેટ્રોલ અને ડીઝલ ક્રૂડ ઑઈલથી પણ જલ્દી ખરાબ થઇ જાય છે.

શેલ્ફ લાઈફ ઘટી જાય છે :

જેનુ કારણ એવુ છે કે ક્રૂડ ઑઈલને રિફાઈન કરતી સમયે તેમાં અનેક પ્રકારના કેમિકલ મિલાવી દેવામાં આવે છે. આ સાથે તેની અંદર ઈથેનોલ સુધી સામેલ કરી દેવામાં આવે છે. આ કેમિકલ પેટ્રોલ અને ડીઝલની શેલ્ફ લાઈફને ઘટાડી દે છે. ત્યારબાદ જ્યારે કાર આ રીતે ઉભી રહે છે અને તેમાં પેટ્રોલ આ રીતે  પડયું રહે છે . ત્યારે તાપમાનની સાથે વરાળમાં પરિવર્તિત થાય છે. ત્યારબાદ આ પેટ્રોલ અને ડીઝલને સડાવી દે છે.

13 જૂન 2022, રાશિફળ : સુર્યદેવની કૃપાથી આ રાશિના જાતકોને વ્યાપારમાં થશે અઢળક લાભ

News Editor
-
0

13 June 2022, horoscope Gujarat Guardian

મેષઃ-

બપોર સુધી પ્રસન્નતા જણવાય. પરિવાર માં આનંદ રહે. નવા રોકાણો સારી રીતે કરી શકાય. જુના રોકાણોમાંથી ફાયદો થતો જણાય. પત્નિ સાથે મનમેળ રહે. પરંતુ બપોર બાદ પરિસ્થિતિ ઉલટી થતાં સાવધાની રાખવી જરૂરી.

વૃષભઃ-

બપોર સ‌ુધી ગુસ્સાવાળું વાતાવરણ રહે. ધારેલી આવક મળતી ન જણાય. શરદી-ખાંસી ની કાળજી રાખવી. બપોર બાદ પરિસ્થિતિ સુધરતી જણાય. આવક વધે. જીવન સાથી સાથે આનંદ ઉત્સાહ રહે. ભાગ્ય વૃઘ્ધિ થતી જણાય.

મિથુનઃ-

આવકનો પ્રવાહ ધટતો જણાય. નાના ભાઇ બહેનની ચિંતા રહે. પરિવારમાં આનંદ ઉત્સાહ વધે. સ્થાવર-જંગમ મિલકત સંબંધી લાભ અનુભવાય. આરોગ્ય સારૂં રહે. નોકરી-ધંધા માં મિશ્ર ફળ મળતું જણાય.

કર્કઃ-

આજનો દિવસ શુભત્વનો સંદેશ લાગ્યું છે. નાણાંની વૃદ્ધિ થતી જણાય. સ્થાવર જંગમ મિલકત અંગે શુભ ફળ પ્રાપ્ત થાય. સંતાન તરફથી સારા સમાચાર મળે. વિદ્યા પ્રાપ્તિ માટે સારો દિવસ. પત્નિ સાથે આનંદ. આરોગ્ય જણવાય.

સિંહ :-

થોડી માનસિક અશાંતિ રહે. શરદી-ખાંસી નો ઉપદ્રવ રહેશે. નાણાંકીય ક્ષેત્રે ફાયદા કારક બનશે. નવા રોકાણ કરવાની વ્યવસ્થા સરળ બનશે. નવા વાહન ની ખરીદી શક્ય બને . ધંધાકીય ક્ષેત્રે સફળતા મળશે.

કન્યાઃ-

નાણાંકીય બાબતો અંગે સામાન્ય દિવસ. પરિવાર માં સુખ-શાંતિ અને સ્નેહ વધે. કરેલા કાર્ય માં સફળતા મળતી જણાય. નવા રોકાણો ટાળવા. માતાની તબિયત ની કાળજી રાખવી. સ્વાસ્થ્ય સારૂં રહેશે.

તુલાઃ-

મોજ શોખ માં ખર્ચ વધારે થાય. નવા કપડા માં ખર્ચ થાય. બપોર સુધી આવક માં વૃ‌િદ્ધ થતી જણાય. બપોર બાદ સાવધાની થી કાર્ય કરવું. માતૃ સુખ માં વૃદ્ધિ થતી જણાય. ભાગ્ય બળવાન બને છે.

વૃશ્ચિકઃ-

આદ્યાત્મિકતા વધે. હોંશિયાર અને કાબેલીયતથી સફળતા મળે. અધિકાર નો દુરઉપયોગ ન કરવો. પ્રપંચ થી દૂર રહેવું. કરિયાણા, શાકભાજીના વેપારી, ધાતુ નો ધંધો કરવા વાળા માટે લાભ. ‌િવજાતિય પાત્ર નું આકર્ષણ વધે. આરોગ્ય જળવાય.

ધનઃ-

માનસિક અશાંતિ રહે. વિચારવાયુ નું પ્રમાણ વધે. પાણી થી દૂર રહેવાની સલાહ છે. શરદી-ખાંસી નો ઉપદ્રવ વધશે. કાર્યમાં સફળતા મળતી જણાય. નોકરી ધંધા માટે બપોર સુધી સારૂં. આકસ્મિક ખર્ચની તૈયારી રાખવી સ્વાસ્થ્ય જળવાશે.

મકરઃ-

મિત્રો તરફથી લાભ મળતો જણાય. નવી ઓણખોણ ફળદાયી નીવડે. આવકના નવા રસ્તા ખુલતા જણાય. પિતાની તબિયત સાચવવી. નાણાં નો બગાડ અટકાવવાની સલાહ છે. કોસ્મેટીકસ, સ્ત્રી શણગાર ના ધંંધાર્થીઓને લાભ.

કુંભઃ-

નોકરી ધંધા માટે ઉત્તમ દિવસ. નવી નોકરી ઇચ્છુકને સફળતા મળતી જણાય. આત્મવિશ્વાસ માં વધારો થાય. યોગ્ય નિર્ણય લઇ શકાય. આવક જળવાય. કાર્ય માં સફળતા અનુભવાય. સંતાનો સાથે શાંતિથી કામ લેવું.

મીનઃ-

આર્થિક ક્ષેત્રે સફળતા મળતી જમાય. પરિવાર ના સભ્યો વચ્ચે સંપ વધે. પિતાની તબિયતની કાળજી રાખવી જરૂરી માનહાનિ ના યોગ બને છે. આથી લોકોને સલાહ આપવાનું ટાળવું. ભાગ્ય સાથ આપતું જણાય. યાત્રા-પ્રવાસ ના યોગ બને છે.

વેકેશન પૂરું / સોમવારથી ‘સ્કૂલ ચલે હમ…’: કોરોના વધ્યો હોવાથી તંત્ર સૌથી પહેલા કરશે આ કામ  

News Editor
-
0

Vacation ends / ‘School chale hum …’ from Monday:

  • કોરોના કેસોમાં વધારો આવતો હોવાથી અમદાવાદ મનપા દ્વારા સ્કૂલો શરૂ થવાની સાથે જ સર્વે કરી બાળકોના વેકસીનેશન અભિયાનને વેગવંતુ બનાવવામાં આવશે.

ઉનાળુ વેકેશન (Summer vacation) પૂરું થવાને આરે છે. લાંબી રજાઓ બાદ અમદાવાદ સહિત રાજ્યભરમાં આગામી સોમવારથી શાળાઓ શરૂ થઈ રહી છે. બીજી તરફ કોરોનાના કેસોમાં પણ ચિંતાજનક ઉછાળો આવી રહ્યો છે ત્યારે અમદાવાદ મહાનગરપાલિકાનું આરોગ્ય તંત્ર સતર્ક બન્યુ છે. જેના ભાગરૂપે તંત્ર દ્વારા સૌ પ્રથમ વિદ્યાર્થીઓનો ફરીથી સર્વે કરીને વેક્સિનની કામગીરી પર ભર મૂકવામાં આવશે આ અંગે વાલીઓને પણ જાગૃત કરવામાં આવશે.

અંદાજે 20 હજાર બાળકોને વેક્સિન આપવાની બાકી :

રાજ્યભરમાં સોમવારથી શાળાઓ શરૂ થઇ રહી છે. તેની સાથે જ કોરોના રસીકરણની કામગીરી પણ વેગવંતી કરવામાં આવશે. જેમાં અમદાવાદ મનપા દ્વારા બાળકોને શાળાઓમાં જ કોરોના રસી આપવાનું આયોજન કરવામાં આવ્યું છે. જે અંતર્ગત ખાનગી અને મનપાની શાળાઓમાં વેક્સિનેશન કામગીરી હાથ ધરવામાં આવશે. મહત્વનું છે 12 થી 14 વર્ષના વિદ્યાર્થીઓ માટે વેક્સિનેશન પ્રક્રિયા હાથ ધરાયા બાદ વચ્ચે વેકેશન આવી ગયું હતું. જેને પગલે આશરે 12 થી 14 વર્ષના 20 હજાર બાળકોને બીજા ડોઝનું વેક્સિનેશન બાકી રહી ગયું હતું. આ અંગે ફરીથી સર્વે કરીને વેક્સિન આપવામાં આવશે.

ખાનગી અને મનપાની શાળાઓમાં કરાશે વેક્સિનેશન :

આરોગ્ય તંત્રના સૂત્રોમાંથી જાણવા મળતી વિગત અનુસાર અમુક બાળકોને કોરોના પ્રતિરોધક રસીનો પ્રથમ ડોઝ પણ લેવાનો બાકી છે. જ્યારે ઘણા બાળકોને બીજો ડોઝ બાકી છે ત્યારે આ અંગે ખાનગી અને મનપાની શાળાઓમાં સર્વે કરી કાર્યવાહી કરાશે. ઉપરાંત બાળકોના વાલીઓને પણ જાગૃત કરી શાળામાં અને નજીકના આરોગ્ય કેન્દ્ર પર બાળકનું રસીકરણ કરાવવા અંગે જાગૃત કરાશે. વધુમાં બિમાર બાળકો સ્કૂલમાં ન આવે તેની કાળજી રખાવામાં આવશે. નોંધનિય છે કે અત્યાર સુધીમાં 1.30 લાખ જેટલા બાળકોનું વેક્સિનેશન પૂર્ણ કરવામાં આવ્યું છે.

 

ઘરમાં પડેલી વાસી રોટલી દાનમાં આપતા હોવ તો ખાસ જાણી લેજો, આ વસ્તુઓ આપવાથી પુણ્યની જગ્યાએ થશે નુકસાન

News Editor
-
0

If you donate stale bread lying

  • દેવી-દેવતાઓની કૃપા રાખવા માટે માણસ વારંવાર ધાર્મિક ગ્રંથોમાં લખેલી ચીજ વસ્તુઓનું અનુસરણ કરે છે. પોતાના આરાધ્ય દેવી-દેવતાનો પૂજા-પાઠ કરે છે. વ્રત રાખે છે અને આ સાથે દાન વગેરે કરે છે. જેને કારણે દેવી-દેવતાની કૃપા જળવાઈ રહે.

જ્યોતિષ શાસ્ત્રમાં (Astrology) દાનને લઇને અમુક નિયમ જણાવવામાં આવ્યાં છે. એવામાં અમુક વસ્તુઓનું દાન માણસને મોંઘુ પડી શકે છે. ઘરમાં કંકાશ-કલેશ (Conflict) વધારી શકે છે. તેથી અમુક વસ્તુઓનુ દાન ભૂલથી પણ ના કરવુ જોઈએ.

ભૂલથી પણ દાનમાં ના આપશો આ વસ્તુઓ :

સ્ટીલના વાસણ :

પોતાના પિતૃઓને પ્રસન્ન કરવા અને તેની કૃપાદ્રષ્ટિ મેળવવા માટે વારંવાર લોકો એવી ચીજ વસ્તુઓનું દાન કરે છે, જે જ્યોતિષ મુજબ ભૂલથી પણ ના કરવુ જોઈએ. જેમાંથી એક સ્ટીલનુ વાસણ પણ છે. કહેવાય છે કે સ્ટીલના વાસણ દાન કરવાથી માણસના પરિવાર અને સુખ-સમૃદ્ધી પર ઊંડો પ્રભાવ પડે છે.

ગ્રંથનુ દાન :

અધૂરી જાણકારીથી પુણ્યનુ કામ કરવુ પણ ઘણી વખત હાનિકારક બની શકે છે. માન્યતા છે કે કોઈ પણ જરૂરીયાતમંદને બુક, ચોપડી અને ગ્રંથ વગેરે દાન કરવુ ખૂબ શુભ હોય છે. પરંતુ દાન કરતી સમયે આ વાતનું ધ્યાન રાખો કે તે બુક ફાટેલી ના હોવી જોઈએ ત્યારે આ દાનનું મહત્વ છે. દાન કરતી વખતે માણસના વિચાર સ્પષ્ટ હોવા જોઈએ ત્યારે પુણ્યનું ફળ મળશે. નહીંતર માણસને દરિદ્રતાનો સામનો કરવો પડી શકે છે.

12 જૂન 2022, રાશિફળ : આ રાશિના જાતકોના તમામ કષ્ટો કરશે દુર

News Editor
-
0

12 June 2022, horoscope Gujarat Guardian

મેષઃ-

બપોર સુધી માન‌િસક સ્વસ્થતા જળવાશે. આવક ની પરિસ્થિતિ સારી રહેશે. પરિવાર માં આનંદ જણવાશે. કાર્ય માં સફળતા મ‍ળતી જણાય. નોકરી ધંધા માં લાભ. બપોર બાદ આવક ધટતાં માનસિક અશાંતિ વધે. નવા રોકાણો ટાળવા. દામ્પત્ય જીવન માં સંતોષ.

વૃષભઃ-

બપોર સુધી આપની તથા પરિવારના સ્ભયોની તબિયત ની કાળજી રાખવ જરૂરી બને છે. આવક અંગે પણ અસંતોષ રહે બપોર પછી પરિસ્થિતિ માં સુધારો થતો જણાય થતો જણાય. આવક અને આરોગ્ય બન્ને જળવાય. દામ્પત્ય સુખ માં પણ વૃઘ્ધિ થાય.

મિથુનઃ-

આર્થિક દરમ્યાન બાબતો અંગે સારો દિવસ. પરિવાર માં પણ શાંતિ રહે. રોકામો માંથી લાભ. નોકરી-ધંધા માં સફળતા. સંતાન સુખ માં વધારો થાય. પરંતુ બપોર બાદ તમામ પરિસ્થિતિ માં ધટાડો થતો જણાય. આવક ધટે, નોકરી માં ચિંતા તથા આરોગ્ય સાચવવું.

કર્કઃ-

દિવસ દરમ્યાન શુભ ફળ નો અનુભવ થાય. માનસિક શાંતિ રહે. આવક વધતી જણાય. નવા રોકાણો યોગ્ય રીતે કરી શકાય. નવા વાહનની ખરીદી શક્ય બને, નવું જાણવાનો યોગ બને. ધંધા માં લાભ. મિત્રો નો સહકાર મળે.

સિંહઃ-

થોડા નકારાત્મક વિચારો સતાવે, છતાં આવક વધતી જણાય. કુટુંભ માં સંપ રહે. કાર્યક્ષેત્રે સફળતા મળતી જણાય. સ્તાવર જંગમ મિલકત થી લાભ. સંતાનના પ્રશ્નો ઉકેલાતા જણાય. આરોગ્ય સારું રહે. દામ્પત્ય જીવન માં મધુરતા રહે.

કન્યાઃ-

નાણાં ની વૃઘ્ધિ થતી જણાય. નાના-ભાઇ બહેન ની સફળતા થી આનંદ. યોગ્ય કાર્ય કરવાની વ્યવસ્થા સરળ બને. ધંધાકીય ક્ષેત્રે સાવધાની રાખવી જરૂરી માતાની  તબિયત નું ધ્યાન રાખવું.આરોગ્ય સંબંધી ચિંતા દૂર થતી જણાશે.

તુલાઃ-

જુસ્સો, ચાણક્ય નીતી સાચું ખોટંુ  પારખવાની કુદરતી શકિત માં વધારો થાય. ન્યાયી વલણ રહે. આવક નો નવો સ્ત્રાેત ખુલતો જણાય. ખરીદી-વેચાણ, ફાયનાન્સ, બ્રોકર કાચ. પ્લાસ્ટિક ના ધંધામાં વિશેષ લાભ મેળવી શકાય.

વૃશ્ચિકઃ-

બપોર સુધી થોડી માનસિક ચિંતા રહે. આવક માં ધટાડો અનુભવાય. ભાગ્યનો સાથ મળે નહીં. પરંતુ બપોર પછી જુસ્સા માં વધારો થાય. ન્યાયી વલણો રહે. યોગ્ય નિર્ણય લઇ શકાય. બૅંકીંગ,શિક્ષણ, ઇન્કમટેકક્ષ, સેલ્સટેક્ષ ના ધંધાવાળા માટે પ્રગતિ.

ધનઃ-

બપોર સુધીનો સમય સારો છે. આવક જળવાય. મિત્રો નો તથા સંતાનનો સાથ. સહકાર મળતો જણાય. ધંધાકીય ક્ષેત્રે સફળતા. બપોર બાદ પરિસ્થિતિ વિપરિત થતી જણાય. આવક ધટે. માનસિક ટેન્શન વધે. આરોગ્ય સાચવવું.ખર્ચ ધટાડવો.

મકરઃ-

આનંદ ની અનુભૂતી થાય. નિર્ણય શકિત વધે. પૈસા નો બગાડ અટકાવવો,નોકરી-ધંધા માં સારા સમાચાર મળે. લક્ષ્મીનો વખતસર લાભ મલે. જુના મિત્રો મળે તથા નવી ઓળખાણ થાય. અન્યની સેવા કરવાનો અવસર પ્રાપ્ત થાય.

કુંભઃ-

ભાગ્યમાં વૃઘ્ધિ થતી જણાય. ઓછી મહેનતે વધુ લાભ મળતો જણાય. ધાર્મિક યાત્રા પ્રવાસ નું આયોજન શકય બને. નવો ધંધો કરવાનો રસ્તો મળે. ધંધાકીય ક્ષેત્રે સફળતા મળતી જણાય. પિતૃસુખમાં વૃઘ્ધિ થાય. નફાકારક રોકાણો કરી શકાય.

મીનઃ-

દિવસ ની શરૂઆતમાં તબિયત માં ઢીલાસ રહે. શરદી-ખાંસી નો ઉપદ્રવ રહે. બપોર બાદ તબિયત સુધરતી જણાય. ભાગ્ય નો સાથ મળવાને કારણે આવકમાં વધારો થતો જણાય. આધાત્મિક ઉન્નતિ થાય. થોડી માથાના દુઃખાવાની સમસ્યા સતાવે.

પશ્ચિમ બંગાળ : પશ્ચિમ બંગાળમાં સતત બીજા દિવસે હિંસા, દેખાવકારોએ પોલીસ પર પથ્થરમારો કર્યો

News Editor
-
0

West Bengal : Violence for the second

  • નુપુર શર્માની વિવાદાસ્પદ ટિપ્પણીને લઈને પશ્ચિમ બંગાળમાં સતત બીજા દિવસે હિંસક વિરોધ ફાટી નીકળ્યો હતો. દેખાવકારોએ પોલીસ પર પથ્થરમારો કર્યો હતો.

નુપુર શર્માની (Nupur Sharma) વિવાદાસ્પદ ટિપ્પણીને લઈને પશ્ચિમ બંગાળમાં (West Bengal) સતત બીજા દિવસે હિંસક વિરોધ ફાટી નીકળ્યો હતો. દેખાવકારોએ પોલીસ પર પથ્થરમારો (Stoned) કર્યો હતો. જેના જવાબમાં પોલીસે ટીયર ગેસના શેલ છોડીને ભીડને વિખેરી નાખી હતી. મળતી માહિતી મુજબ, નવીનતમ વિકાસ હાવડાના પંચલા બજારનો છે. અહીં પોલીસ અને પ્રદર્શનકારીઓ (Demonstrator) વચ્ચે હિંસક અથડામણ થઈ હતી.

હિંસાને પગલે હાવડાના રાષ્ટ્રીય ધોરીમાર્ગો અને રેલ્વે સ્ટેશનોના ભાગોમાં અને તેની આસપાસ કલમ 144 લાગુ કરવામાં આવી છે. અધિકારીઓએ જણાવ્યું કે કલમ 144 15 જૂન સુધી લાગુ રહેશે.

#જુઓ | પશ્ચિમ બંગાળ: હાવડાના પંચલા બજારમાં પોલીસ અને વિરોધીઓના જૂથ સાથે તાજી અથડામણ થઈ. દેખાવકારોએ પથ્થરમારો કરતાં પોલીસ તેમને વિખેરવા માટે ટીયર ગેસના શેલનો ઉપયોગ કરે છે.

 

ગઈકાલે પણ ઘણી જગ્યાએ આગચંપી થઈ હતી :

પશ્ચિમ બંગાળની રાજધાની કોલકાતામાં શુક્રવારની નમાજ બાદ મુસ્લિમ સમુદાયના સભ્યોએ પ્રદર્શન કર્યું. શુક્રવારની નમાજ બાદ મોટી સંખ્યામાં લોકો બહાર આવ્યા અને નુપુર શર્માની ધરપકડની માંગ કરી. આ સિવાય પશ્ચિમ બંગાળના હાવડામાં પણ ભારે હંગામો થયો હતો. શુક્રવારની નમાજ પછી, મોટી સંખ્યામાં નમાઝીઓએ હાવડામાં નેશનલ હાઈવે 116 બ્લોક કરી દીધો અને આગ લગાવી દીધી. આ દરમિયાન વાહનો, એમ્બ્યુલન્સ, પોલીસ વાહનો, ફાયર ટેન્ડર અને ટ્રક વગેરે ટ્રાફિકમાં અટવાઈ પડ્યા હતા. સીએમ મમતા બેનર્જીએ પ્રદર્શનકારીઓને રસ્તો સાફ કરવાની અપીલ કરી હતી. લગભગ 10 બદમાશોની ધરપકડ કરવામાં આવી હતી.

આ ઘાતક બોલરને ટીમમાંથી બહાર કરીને પંતે કરી મોટી ભૂલ, બીજી T20માં રમવાનો નિર્ણય કર્યો !

News Editor
-
0

This deadly bowler out of the tea

  • IND vs SA T20 શ્રેણી : બીજી T20 મેચમાં, ટીમ ઈન્ડિયાની પ્લેઈંગ ઈલેવનમાં ઘાતક ફાસ્ટ બોલરની એન્ટ્રી થઈ શકે છે. આ બોલર તેની ઝડપી ગતિ માટે જાણીતો છે.

IND vs SA T20 સિરીઝ : ટીમ ઈન્ડિયા (Team India) 12 જૂને દક્ષિણ આફ્રિકા (South Africa) સામેની પ્રથમ હારનો બદલો લેવા મેદાનમાં ઉતરશે. ટીમ ઈન્ડિયા 5 મેચની T20 સીરીઝની પ્રથમ મેચ હારી ગઈ છે. બીજી ટી20 મેચમાં ટીમ ઈન્ડિયામાં યુવા ફાસ્ટ બોલરને (Young fast bowler) સામેલ કરવામાં આવી શકે છે. આ ખેલાડી તેની ઘાતક બોલિંગ માટે જાણીતો છે.

આ ઘાતક બોલરની એન્ટ્રી થશે :

દક્ષિણ આફ્રિકા સામેની પ્રથમ T20માં અવેશ ખાન સિવાય તમામ બોલરોએ 10ની ઇકોનોમીમાં 10 કે તેથી વધુ રન ખર્ચ્યા હતા. આવી સ્થિતિમાં બીજી ટી20 મેચમાં ભારતના સૌથી ઝડપી બોલરોમાંથી એક ઉમરાન મલિક પ્લેઇંગ ઇલેવનમાં સ્થાન મેળવી શકે છે. IPL 2022 પછી, ઉમરાન મલિકની ચર્ચા દરેક જગ્યાએ છે. તે પોતાની ઝડપી ગતિથી તમામ બેટ્સમેનો માટે આફત બની ગયો છે.

ટીમ માટે ટ્રમ્પ કાર્ડ સાબિત થશે :

ઉમરાન મલિકે IPLમાં પોતાની ગતિએ બેટ્સમેનોને પરસેવો છૂટવા મજબૂર કરી દીધા હતા. તેઓ આ શ્રેણીમાં પ્રથમ તકની રાહ જોઈ રહ્યા છે. તેણે આ IPL સિઝનમાં 157 KMPHની ઝડપે બોલ ફેંકીને બધાને ચોંકાવી દીધા હતા. ઉમરાન સતત 150 કિમી પ્રતિ કલાકની ઝડપે બોલિંગ કરે છે. તેની ઝડપ ટીમ માટે ટ્રમ્પ કાર્ડ સાબિત થઈ શકે છે, જે મેચ પણ જીતી શકે છે.

આફ્રિકન છાવણીમાં ડર :

ઉમરાન મલિકે IPL 2022ની 14 મેચમાં 22 વિકેટ લીધી હતી. આ સીરીઝની શરૂઆત પહેલા જ આફ્રિકન કેપ્ટન ટેમ્બા બાવુમાએ મીડિયા સાથે વાત કરતા કહ્યું કે, ‘ટીમ ઈન્ડિયા માટે ઉમરાન જેવો બોલર હોવો રોમાંચક છે. કોઈપણ બેટ્સમેન એવા બોલરનો સામનો કરવા માંગતો નથી જે 150 કિમી પ્રતિ કલાકથી વધુની ઝડપે બોલિંગ કરે છે. તે ટીમ ઈન્ડિયા માટે એક મોટી શોધ છે.’

 

1...1,4191,4201,421...1,437Page 1,420 of 1,437