Home Blog Page 1231

WhatsApp માં ભૂલથી ફોટો કે વિડીયો થઈ ગયા ડિલીટ ? આ 4 ટ્રિક્સ અપનાવી કરો રીસ્ટોર

News Editor
-
0

Deleted photo or video by mistake

  • WhatsApp માંથી ફોટો કે વિડીયો થઇ ગયા ડિલીટ તો ચાલો જાણીએ કેવી રીતે આ ફોટો કે મીડિયાને રીસ્ટોર કરી શકીએ

જ્યારથી WhatsApp આવ્યું છે લોકો ટેક્સ્ટ મેસેજ ભૂલી ગયા છે. WhatsApp એ વિશ્વમાં સૌથી વધુ ઉપયોગમાં લેવાતું ઇન્સ્ટન્ટ મેસેજિંગ પ્લેટફોર્મ છે. તે વપરાશકર્તાઓને ફોટો, દસ્તાવેજો, વપરાશકર્તાનું હાલનું સ્થાન, ઓડિઓ અને વિડિયો કોલ્સ, ટેક્સ્ટ અને વોઇસ સંદેશાઓ, ધ્વનિ અને વિડિઓ સંદેશાઓ અને અન્ય સામગ્રીને શેર કરવાની મંજૂરી આપે છે.

પરંતુ સ્ટોરેજની અછતને કારણે ઘણા યુઝર્સ મોટી મોટી વોટ્સએપ ફાઇલો ડીલીટ કરી દે છે. જેના કારણે ઘણી વખત મહત્વના ફોટા અને વીડિયો પણ ડીલીટ થઈ જાય છે. આ વખતે અમે કેટલીક પદ્ધતિઓ જણાવીશું જેના દ્વારા વપરાશકર્તાઓ કાઢી નાખેલા ફોટા અને વિડિઓઝને રીસ્ટોર કરી શકે છે.

1. ફોન ગેલેરી :

મૂળભૂત રીતે WhatsApp ફોન ગેલેરીમાં તમામ ફોટા અને વિડિયો સંગ્રહિત કરે છે. તેથી છબીઓ ફોન ગેલેરી, Google Photos અથવા iOS માટે Photos માં સાચવવામાં આવશે. ભલે તમે મીડિયા મોકલ્યું હોય અને તેને ચેટમાંથી ઈરેઝ કરી નાખ્યું હોય.

2. WhatsApp મીડિયા ફોલ્ડર :

ફક્ત Android વપરાશકર્તાઓ પાસે મીડિયા ફોલ્ડરમાંથી WhatsApp મીડિયાને રીસ્ટોર કરવાનો વિકલ્પ છે. ફાઇલ એક્સપ્લોરર પ્રોગ્રામ લોંચ કરો. રૂટ ડિરેક્ટરીના WhatsApp ફોલ્ડરમાં જાઓ. હવે મીડિયા ફોલ્ડર પર નેવિગેટ કરો અને WhatsApp ઈમેજીસ ફોલ્ડર પસંદ કરો. પ્રાપ્ત કરેલી બધી છબીઓ આ ફોલ્ડરમાં રહે છે. તમે સેન્ટ ફોલ્ડરમાં જઈને ડિલીટ કરેલા ફોટા અથવા અન્ય ફાઈલો શોધી શકો છો.

3. Google ડ્રાઇવમાંથી WhatsApp બેકઅપ રીસ્ટોર કરો અથવા iCloud :

WhatsApp iOS વપરાશકર્તાઓ માટે iCloud અને Android વપરાશકર્તાઓ માટે Google Drive પર સંદેશાઓ અને મીડિયાનો બેકઅપ લે છે. તમે તમારા સ્માર્ટફોન પર iCloud અથવા Google ડ્રાઇવમાંથી બેકઅપ રીસ્ટોર કરીને દૈનિક બેકઅપ પછી જો મીડિયા ફાઇલો કાઢી નાખવામાં આવી હોય તો તમે તેને રીસ્ટોર કરી શકો છો.

બેકઅપ રીસ્ટોર કરવા માટે :

પહેલા WhatsAppને અનઈન્સ્ટોલ કર્યા પછી, તેને ફરીથી ઈન્સ્ટોલ કરો. સેટઅપ માટે સમાન ફોન નંબરનો ઉપયોગ કરો. જ્યારે સેટઅપ દરમિયાન સંકેત આપવામાં આવે, ત્યારે બેકઅપમાંથી ડેટા રીસ્ટોર કરવાની વિનંતી સ્વીકારો. સેટઅપ પૂર્ણ થયા પછી તમામ સફળતાપૂર્વક બેકઅપ લેવાયેલ વાતચીતો અને મીડિયાને ઉપકરણ પર રીસ્ટોર કરવામાં આવશે.

4. ડિલીટ મીડિયાને ગેલેરી વિકલ્પમાંથી બંધ કરવું  :

જો તમે વોટ્સએપ ચેટમાંથી વોટ્સએપ મીડિયાને ડિલીટ કરતી વખતે ફોનની ગેલેરીમાંથી વોટ્સએપ મીડિયાને અજાણતા ડિલીટ કરવા માંગતા ન હોવ તો “Also delete media received in this chat from the device gallery”ને બંધ કરો.

WhatsApp માં કોઈપણ ચેટ ખોલો. તમારું મીડિયા પસંદ કર્યા પછી, ડિલીટ આઇકોન પર ટેપ કરો. વોટ્સએપ દ્વારા ચાર વિકલ્પો રજૂ કરવામાં આવશે.

  • – Delete any media that was shared in this chat from your device’s gallery as well.
  • – Delete for all users.
  • – Delete this for me.
  • – Cancel.

ફોન ગેલેરીમાંથી મીડિયાને ડિલીટ થવાથી રોકવા માટે, પ્રથમ વિકલ્પને અનચેક કરો.

આ પણ વાંચો :-

ચૂંટણી પ્રચારમાં ઔવેસી પોક મૂકીને રડી પડ્યા, પોતાના ઉમેદવારને જીતાડવાની અપીલ કરી ભાવુક થયા

News Editor
-
0

During the election campaign

  • અમદાવાદના જમાલપુરમાં ગુજરાત વિધાનસભાની ચૂંટણીમાં પ્રચાર દરમિયાન અચાનક ધ્રુસકે ધ્રુસકે રડી પડ્યા ઓવૈસી, કરી આ માંગણી.

ગુજરાત વિધાનસભા 2022 ની ચૂંટણી રેલીઓમાં પોતાના બેબાક ભાષણ માટે જાણીતા AIMIM ના અધ્યક્ષ અસદુદ્દીન ઓવૈસી (Asaduddin Owaisi) શુક્રવારે અમદાવાદના જમાલપુરમાં (Jamalpur of Ahmedabad) રેલી કરવા પહોંચ્યા હતા. આ દરમિયાન તેઓ પોતાની પાર્ટીના ઉમેદવાર સાબિર માટે મત માંગતા માંગતા અચાનક રડી પડ્યા.

લોકોને અપીલ કરી કે તેઓ સાબિરને જીતાડે જેથી કરીને અહીં ફરીથી કોઈ બિલકિસ સાથે અન્યાય ન થાય. ઔવેસીએ પ્રજા સમક્ષ મતોની ભીખ માંગી હતી અને કહ્યુ હતું કે અલ્લાહ તુમ સાબીર કો MLA બના દો. જમાલપુર ખાડિયાથી AIMIM પાર્ટીના ઉમેદવાર સાબિર કાબલીવાલા છે.

ગુજરાત વિધાનસભા ચૂંટણીમાં આજે અંતિમ દોરનો પ્રચાર ચાલી રહ્યો છે. ત્યારે અમદાવાદના જમાલપુરમાં અસદુદ્દીન ઓવૈસીએ પોતાના ઉમેદવાર સાબિર કાબલીવાલાના પ્રચાર માટે જનસભા સંબોધી હતી. પોતાના ઉમેદવારને જીતાડવા માટે અપીલ કરતા સમયે ઓવૈસી ભાવુક થયા હતા.

અસદુદ્દીન ઓવૈસીએ કહ્યુ હતું કે અલ્લાહ તુમ સાબીર કો MLA બના દો. જેનાથી અમે જિંદગીમાં બીજીવાર કોઈ બિલ્કીસને ન જોઈ શકીએ. અમે અમારી દીકરીઓને લાચાર ન જોઈ શકીએ. અલ્લાહ તારા ખજાનમાં કોઈ ઉણપ નહિ આવે. હું તારી સામે ભીખ માંગી રહ્યો છું.

આ પહેલા ઔવેસીએ કહ્યું કે, કોંગ્રેસના લોકો મોદીને મળ્યા, મોદી તેમના પપ્પા છે. મોદી દિલ્હીથી દૂરબીન લગાવીને જોઈ રહ્યાં છે કે જમાલપુરમાં શું મામલો છે. શું હુ મોદીની સામે હારી જઉં? ઔવેસીએ વધુમાં કહ્યું કે, આ ચૂંટણીનો અંતિમ જલસો છે.

હું કોંગ્રેસને કહેવા માગું છું કે જો તમારે અમારા જલસામાં આવીને વિવાદ કરવો હોય તો બાળકોને ન લઈ આવો. તમારા ધારાસભ્ય પાંચ વર્ષથી જનતાને ધોકો આપી રહ્યાં છે. રાહુલને બોલાવો તો 5 મિનિટ પણ મારી સામે ઉભા રહી શકશે નહિ. તેમનુ અસત્ય ચકનાચૂર થઈ જશે.

આ પણ વાંચો :-

મતદાન વેળાએ ‘હીરોગીરી’ કરનાર નેતાઓ-કાર્યકરોમાં ફફડાટ, સોશિયલ મીડીયામાં મુકેલા વીડિયો-ફોટા માર્યા ડીલીટ

News Editor
-
0

The leaders-activists who acted

  • મતદાન મથકમાં મત આપતી વખતે ઇવીએમ સાથેના ફોટા પાડીને સોશિયલ મીડીયામાં વાયરલ કર્યા બાદ સુરત જિલ્લા કલેકટરે સાયબર ક્રાઇમ અને ચૂંટણી અધિકારીને તપાસ સોંપતા ફફડી ઉઠેલા કાર્યકરો, નેતાઓએ ફટાફટ સોશિયલ મીડીયામાં મુકેલી પોસ્ટ ડીલીટ મારી દેતા સાઇબર ક્રાઇમે હવે વધુ મહેનત કરવી પડશે.

ગુરૂવારે મતદાનની (voting) પ્રકિયા દરમિયાન ચૂંટણી તંત્ર દ્વારા સેલ્ફી પોઈન્ટ (Selfie point) બનાવાયા હોવાથી યુવા મતદારો અને અન્ય મતદારોએ મત આપતી વખતે મતદાન મથકમાં મોબાઈલ ફોન લઇને જતા ચૂંટણી અધિકારીએ (Election Officer) અટકાવતા ફોટા પાડી શક્યા ન હતા.

તો બીજી તરફ કેટલાક નેતાઓ, કાર્યકરો, ઉમેદવારોએ મતદાન મથકમાં મોબાઇલ ફોન લઇ જઇને ઇવીએમમાં કોને મત આપ્યો તેનું વીડીયો રેકોડીંગ, ફોટા પાડીને સોશિયલ મીડીયામાં ફોટા વાયરલ કર્યા હતા. આ ફોટાને લઇને યુવા મતદારોએ જિલ્લા કલેકટર સુધી ફરિયાદનો મારો ચલાવ્યો હતો કે અમોને મોબાઇલ ફોન લઈને બુથમાં જતા અટકાવ્યા તો બીજી તરફ નેતાઓ દ્વારા બુથોમાં જઈને ફોટા પાડ્યા હોવાથી કાર્યવાહી કરવાની માંગ કરી હતી.

આ ફરિયાદના પગલે સુરત જિલ્લા કલેકટરે ૧૬ વિધાનસભાના ચૂંટણી અધિકારીઓ અને સાઇબર ક્રાઇમને તપાસ સોંપીને રિપોર્ટ મંગાવ્યો હતો. જિલ્લા કલેકટર દ્વારા ચાબુક વિઝવાનુ શરૂ કરતા અને કાર્યવાહી થવાના ડરે સોશિયલ મીડીયામાં ફોટા મુકીને ફિશીયારી મારનારા નેતા, કાર્યકરોએ જિલ્લા કલેકટરની કાર્યવાહીથી ડરી જઇને જેટલા પણ ઈવીએમ સાથેના કે બુથો પર ફોટા મુક્યા હતા. તે ડીલીટ મારી દીધા છે. આથી સાઇબર ક્રાઇમે આ ફોટા પાછા રીકવર કરવા મહેનત કરવી પડે તો નવાઇ નહીં ?

આ પણ વાંચો :-

ચૂંટણી પ્રચારમાં ડાન્સર બોલાવાઈ, કોંગ્રેસના ઉમેદવાર પ્રચાર કરે તે પહેલા સ્ટેજ પર લાગ્યા ઠુમકા

News Editor
-
0

A dancer was called in the election campaign

  • આણંદના બોરસદમાં કોંગ્રેસની જાહેર સભામાં ડાન્સરે લગાવ્યા ઠુમકા. કોગ્રેસના ઉમેદવાર રાજેન્દ્રસિંહ પરમાર સભામાં ભીડ ભેગી કરવા ડાન્સરનો લેવાયો સહારો. વીડિયા અંગે Gujarat Guardian નથી કરતું પુષ્ટી.

ગુજરાત વિધાનસભાની (Gujarat Election) ચૂંટણીના પ્રચાર માટે નેતાઓ નવું નવું લઈને આવી રહ્યાં છે. પરંતું કોંગ્રેસના ઉમેદવાર ચૂંટણી પ્રચારથી વિવાદમાં આવ્યા છે. આણંદના બોરસદમાં (Borsad) કોંગ્રેસની જાહેર સભામાં ડાન્સરને બોલાવવામાં આવી હતી. ડાન્સરે સ્ટેજ પર ઠુમકા લગાવ્યા હતા.

બોરસદ વિધાનસભા કોંગ્રેસના ઉમેદવાર રાજેન્દ્રસિંહ પરમાર ફરી વિવાદમાં આવ્યા છે. કોંગ્રેસની ચૂંટણી સભામાં ભીડ એકત્ર કરવા તેમણે ડાન્સરનો સહારો લીધો હતો. કોંગ્રેસના ઉમેદવાર રાજેન્દ્રસિંહ પરમારની સભામાં ડાન્સરે ઠુમકા લગાવતા ચર્ચા ઉઠી હતી. ત્યારે લોકોએ કહ્યું કે શું લોકો પાસે મત માંગવા ઉમેદવારે ડાન્સરનો સહારો લીધો. કોંગ્રેસના ઉમેદવારનાં બેનરો લાગેલા મંચ પર ડાન્સરોએ ડાન્સ કર્યો હતો.

કોંગ્રેસના ઉમેદવારનાં બેનરવાળા મંચ પર ડાન્સરો ડાન્સ કરતી હોવાના વીડિયો વાયરલ થયા છે. કોંગ્રેસના ઉમેદવાર રાજેન્દ્રસિંહ પરમાર સભામાં ભીડ ભેગી કરવા ડાન્સરનો સહારો લેવાયો તેવું કહેવાયું છે. જો કે વીડિયા અંગે Gujarat Guardian નથી કરતું પુષ્ટી. સાથે જ આ વીડિયો કયા ગામનો છે તેની પૃષ્ટિ થઈ શકી નથી.

આ પણ વાંચો :-

 

નાતાલ અને નવા વર્ષની ઉજવણી કરો ગોવાના દરિયા કિનારે, આ ટુર પેકેજમાં જલસા જ જલસા

News Editor
-
0

Celebrate Christmas and New Year

  • આઈઆરસીટીસીએ ગોવા ફરવા માટેનું એક સુંદર આયોજન કર્યું છે. આ ટૂર પેકેજની માહિતી અહીં વર્ણવવામાં આવી છે. ડિસેમ્બરમાં આવતા ક્રિસ્મસ અને ન્યુ યરને ધ્યાને લઈને આ ટુરનું આયોજન કરાયું છે.

હમણાં ક્રિસ્મસ (Christmas) અને નવું વર્ષ આવી રહ્યા છે. આ સમય પર જો તમે દરિયા કિનારે (on the seashore) ફરવાનો પ્લાન કરી રહ્યા હોવ તો આઈઆરસીટીસી તમારા માટે એક સારો મોકો લાવ્યું છે. ભારતીય રેલવેની સહાયક કંપની ઈન્ડિયન રેલવે કેટરિંગ એન્ડ ટુરિઝમ કોર્પોરેશન એકદમ ઓછી કિંમતે સમુદ્ર કિનારે ફરવા માટેનો સારો મોકો આપી રહ્યું છે. IRCTC ગોવાના દરિયા કિનારે ફરવાનો સારો વિકલ્પ લાવી છે.

ટુર પેકેજનું નામ (ક્રિસ્મસ સ્પેશિયલ ગોવા ગેટ વે)

સમય : 4 રાત અને 5 દિવસ

મુસાફરી : પ્લેન

જગ્યા : ઉત્તર અને દક્ષિણ ગોવા

તારીખ : 22 ડિસેમ્બર 2022

સુવિધા : પ્લેન, હોટલ, લોકલ ટ્રાન્સપોર્ટ અને જમવાનું (5 વખત નાસ્તો અને 5 વખત રાતનું જમવાનું)

ટુર પેકેજ માહિતી :

આ ટુર પેકેજ 5 દિવસ અને 4 રાતો માટેનું છે. અહીં તમને લખનવ થી ગોવાની ફ્લાઇટ મળશે. જો તમે આ પેકેજ મુજબ યાત્રા કરો છો તો પ્લેન, હોટલ અને લોકલ ટ્રાન્સપોર્ટ માટે તમારે પ્રતિ વ્યક્તિ 51000 રૂપિયા ખર્ચવાના રહેશે. જો બે વ્યક્તિ છે તો 40500 રૂપિયા, ત્રણ છે તો 38150 રૂપિયા આપવાના રહેશે. બાળકોની સાથે સરકારી કર્મચારી LTC નો પણ ફાયદો લઇ શકે છે. IRCTC ની ઓફિશ્યિલ વેબસાઈટ પર તમે તમામ માહિતી મળી જશે.

આ રીતે આપી જાણકારી :

આઈઆરસીટીસી દ્વારા આ માહિતી એક ટ્વિટ કરીને આપવામાં આવી હતી. તેમાં કહ્યું હતું કે જો તમેં ક્રિસ્મસની યાદોને શાનદાર બનાવવા માગો છો તો આઈઆરસીટીસીનું આ પેજેક લઈ શકો છો.

આ પણ વાંચો :-

 

Samsung ની ધમાકા ઓફર ! આ પ્રોડક્ટસ પર મળશે 20 વર્ષની વોરન્ટી

News Editor
-
0

Samsung’s bang offer

  • Samsung એ પોતાના ગ્રાહકો માટે એક એવી ઓફર નિકળી છે જેમાં ખરીદેલી પ્રોડક્ટ જો ખરાબ થઈ જાય છે તો 20 વર્ષ સુધી કંપની જ તેને રિપેર કરાવશે અને ગ્રાહકો પાસેથી કોઇ ચાર્જ લેશે નહી.

Samsung પોતાના ગ્રાહકો માટે એક ધમાકેદાર ઓફર લઇને આવ્યું છે. આ ઓફર અંતગર્ત કંપની પોતાના કસ્ટમર્સને સિલેક્ટેડ પ્રોડક્ટ્સ પર વોરન્ટે ઓફર કરી રહ્યું છે જે 20 વર્ષની છે. આ વોરન્ટી (warranty) ઓફર સાથે ગ્રાહકોને મોટો ફાયદો મળશે. જો આ 20 વર્ષ દરમિયાન કંપનીની આ પ્રોડક્ટસમાં કોઈ પ્રકારની ખરાબી આવે છે તો તેને ઠીક કરવી અને તેના બદલામાં ગ્રાહકો (customers) પાસેથી કોઈ ચાર્જ ન વસૂલવાની જવાબદારી સંપૂર્ણપણે કંપનીની રહે છે. તેના લીધે કંપની આ ઓફર એકદમ ખાસ છે. તેમાં ગ્રાહકોને ફક્ત ફાયદો જ મળે છે.

Samsung આ પ્રોડક્ટ્સ પર આપી રહી છે ઓફર :

કંઝ્યૂમર ઇલેક્ટ્રોનિક્સ બ્રાંડ સેમસંગ પોતાના વોશિંગ મશીનમાં ઉપયોગ થનાર ડિજિટલ ઈન્વર્ટર મોટર અને રેફ્રિજરેટમાં ઉપયોગ થનાર ડિજિટલ ઈન્વર્ટર કંપ્રેસર પર પહેલીવાર 20 વર્ષની વોરન્ટીની ઓફર કરી છે. સેમસંગની આ પહેલ ગ્રાહકો માટે ફાયદાની ડીલ સાબિત થશે. કંપની આ ઓફર સાથે પોતાના ગ્રાહકોની સાથે એક નેકસ્ટ લેવલ બોન્ડીંગ બનાવવા માંગે છે અને તેમને સારો અનુભવ પુરો પાડવા માંગે છે.

કંપનીની આ ઓફરની સાથે ગ્રાહકોને મોટો ફાયદો મળશે સાથે જ તેમના ખિસ્સાનો ભાર ઓછો થશે. તમને જણાવી દઇએ કે 20 વર્ષ દરમિયાન ઓફરમાં સામેલ પ્રોડક્ટ્સમાં કોઇપણ પ્રકારની કોઇ ખરાબી આવે છે તો ગ્રાહકોને પૈસા ખર્ચ કરવા નહી પડે પરંતુ કંપની તેને પોતાના ખર્ચ પર જ રિપેર કરાવી દેશે. કંપનીની આ પહેલથી 20 વર્ષ સુધી ગ્રાહક સુનિશ્વિત રહીને પ્રોડક્ટને ઉપયોગ કરી શકો છો.

આ પણ વાંચો :-

 

ના હોય ! 30 જ સેકન્ડમાં આ App પરથી લોન મળી જશે ! નહીં ડોક્યુમેન્ટસની ઝંઝટ કે નહીં…. જાણો કેવી રીતે ?

News Editor
-
0

Not Possible ! Loan will be available

  • હવે તમને વોટ્સએપ પર ચપટી વગાડતા જ લોન મળી જશે. ભારતીય યુઝર્સ હવે વોટ્સએપ દ્વારા કોઈપણ સમયે લોન લઈ શકે છે અને તેમના અર્જન્ટ કામને પૂર્ણ કરી શકે છે. ખાસ વાત એ છે કે આ માટે તમારે કોઈ ડોક્યુમેન્ટસની જરૂર નહીં પડે.

જો તમને ઈમરજન્સીમાં પૈસાની જરૂર હોય તો હવે તમે WhatsApp પર ચપટી વગાડતા જ લોન લઈ શકો છો. ઈન્સ્ટન્ટ મેસેજિંગ એપ WhatsAppનો ઉપયોગ કરતા ભારતીય યુઝર્સ હવે પળવારમાં પ્લેટફોર્મ પરથી લોન મેળવી શકે છે. આ માટે તમારે ન તો કોઈ ડોક્યુમેન્ટસ આપવા પડશે અને ન તો તમારે કોઈ ફોર્મ ભરવાનું રહેશે.

હકીકતે એક ફિનટેક કંપની CASHe ભારતીય યુઝર્સને WhatsApp પર ઈન્સ્ટન્ટ લોન આપી રહી છે. આ સુવિધા માટે, કંપનીએ તાજેતરમાં ચેટબોટ સોલ્યુશન પ્રોવાઈડર Jio Haptik સાથે પાર્ટનરશિપ કરી છે.

30 સેકન્ડમાં મળી જશે લોન :

વોટ્સએપ પર લોન લેવા માટે યૂઝર્સ વધુ કંઈ કરવાની જરૂર નથી અને તેમને 30 સેકન્ડની અંદર સરળતાથી લોન મેળવી જશે. મહત્વનું છે કે કેવાયસી પૂર્ણ કરવા માટે CASHની પોતાની સિસ્ટમ છે. તે Jio Haptik એડવાન્સ્ડ કન્વર્સેશનલ કોમર્સ કેપેબિલિટીની સુવિધા આપે છે. એકવાર યુઝર વેરિફિકેશન થઈ જાય પછી કંપની યુઝર્સને ખૂબ જ સરળતાથી લોન આપી શકે છે.

CASHe ને બેકગ્રાઉન્ડ ચેક કરવા માટે માત્ર યુઝરના નામની જરૂર છે. જે તેના પાન કાર્ડ પર રજીસ્ટર્ડ છે. લોન મેળવવા માટે યુઝર્સએ WhatsApp પર ડેડિકેટેડ નંબર દ્વારા CASHe સાથે કનેક્ટ થવાનું રહેશે.

50,00થી વધુ યુઝર્સને મળી લોન  :

CASHe દ્વારા WhatsApp યુઝર્સને ખૂબ જ સુવિધાજનક એક્સપીરિયન્સ મળી શકે છે, કારણ કે તેનાથી તેમને ક્રેડિટ મેળવવાની ઝંઝટ દૂર થઈ જશે. આ સંદર્ભમાં CASHeના સહ-સ્થાપક અને ચીફ ટેક્નોલોજી ઓફિસર સ્વપન રાજદેવે જણાવ્યું હતું કે કંપની તેના WhatsApp ચેટબોટ સાથે લાઈવ થઈ હતી. CASHe એ રૂ. 25 કરોડથી વધુની 50,000 ક્રેડિટ લાઈન્સ જાહેર કરી છે.

CASHe સાથે કેવી રીતે જોડાઈ શકાય? 

તેમણે કહ્યું કે બંને કંપનીઓ વચ્ચેની આ ભાગીદારીની સૌથી સારી વાત એ છે કે જે યુઝરને ક્રેડિટની જરૂર છે તેણે હવે પ્લેટફોર્મ છોડવું પડશે નહીં. ઉપરાંત યુઝર્સ WhatsApp પર CASHe દ્વારા ઈન્સ્ટન્ટ ક્રેડિટ સરળતાથી મેળવી શકે છે.

WhatsApp Chatbot એ યુવા વ્યાવસાયિકો માટે વન-સ્ટોપ, એન્ડ-ટુ-એન્ડ સોલ્યુશન છે. યુઝર્સ WhatsApp પર +918097553191 પર CASHe સાથે જોડાઈ શકે છે.

આ પણ વાંચો :-

ટીવી શો જોઈ બનવા માંગતી હતી સીરિયલ કિલર, પ્રેમી સાથે મળીને કર્યું હેમલતાનું મર્ડર, બનાવ રૂવાડા ઊભા કરી દે તેવો

News Editor
-
0

Wanted to become a serial killer

  • ગ્રેટર નોઇડાનાં બિસરખ ક્ષેત્રમાં રહેવાવાળા પાયલ ભાટીએ પોતાના માતા-પિતાની આત્મહત્યાનો બદલો લેવા અને પ્રેમી સાથે લગ્ન કરવા માટેનું ષડયંત્ર રચ્યું હતું. તે પોતાના મા-બાપની આત્મહત્યા માટે પોતાના ભાઇનાં સાસરાપક્ષને અને પોતાના ફઈનાં છોકરાંને જવાબદાર માને છે અને તેમને મારવાની ફિરાકમાં છે.

ટીવી સીરિયલ (TV Serial) જોઇને સીરિયલ કિલર બનવા જતી પાયલ હાલમાં પોલીસ કસ્ટડીમાં છે.  પોતાને મૃત દેખાડવા માટે તેણે નિર્દોષ હેમલતાની હત્યા કરી દીધી. પોતાના માતા પિતાની આત્મહત્યાનો બદલો લેવા માટે આવું ભયંકર પગલું લેશે તેવી આશા નહોતી. તેથી જ તેણે દુનિયાની નજરોમાં પોતાને મૃત દેખાડવા માટે પોતાના બોયફ્રેન્ડની (Boyfriend) સાથે મળીને હેમલતાને મારી નાખી. હેમલતાની ઓળખાણ છુપાવવા માટે પાયલે તેના મૃત ચહેરા પર ગરમ તેલ પણ ઢોળ્યું અને પોતાના કપડાં પહેરાવી પોતે ફરાર થઇ ગઈ.

હેમલતાનો ચહેરો બળી ગયો હતો :

ગરમ તેલ પડવાને લીધે મૃત હેમલતાનો ચહેરો બળી ગયો ગચો અને કદ-રૂપથી તે પાયલ જેવી જ લાગી રહી હતી. તેવામાં કોઇ એ સમજી ન શક્યું કે આ પાયલ છે કે કોઇ બીજું. ડેડબોડીની પાસે એક સુસાઇડ નોટ મળી જેનાથી સાબિત થયું કે પાયલે આત્મહત્યા કરેલ છે. ત્યારબાદ પાયલનાં ભાઈએ બોડી પોતાની બહેનની સમજીને તેનો અંતિમ સંસ્કાર પણ કરી દીધેલ હતો.

બોયફ્રેન્ડની સાથે મળીને રચ્યું ષડયંત્ર :

પાયલે પોતાને મૃત દેખાડવા માટે બોયફ્રેન્ડ અજયની સાથે મળીને અલગ-અલગ સોશિયલ મીડિયા પ્લેટફોર્મ પર 50થી વધુ છોકરીઓ જોઇ. છેલ્લે અજયને પોતાના એક મિત્ર થકી હેમલતાનાં વિષે ખબર પડી અને પોતાના પ્લાન માટે તે સૌથી સારો ઓપ્શન દેખાણી. આ પ્લાનિંગનો વિચાર તેને ટીવી સીરિયલ ‘કુબૂલ સે‘ અને ઓટીટી પ્લેટફોર્મ પર કેટલીક ક્રિમિનલ ડોક્યુમેન્ટ્રીથી આવ્યો હતો. પરંતુ આ પ્લાનિંગ વધુ ચાલી નહીં અને બંને આરોપીઓની ધરપકડ કરવામાં આવી.

કેવી રીતે થયો પડદાફાશ…

પોલીસ અનુસાર 15 નવેમ્બરનાં હેમલતા નામની એક છોકરીનાં ગુમ થયાંની રિપોર્ટ બિસરખ પોલીસ સ્ટેશનમાં નોંધાઇ હતી. પોલીસ હેમલતાનાં નંબર અને કોલ રેકોર્ડ ટ્રેસ કરી રહી હતી ત્યારે તેમણે અજય નામના એક વ્યક્તિનો નંબર મળ્યો અને પોલીસે અજયનાં નંબરને ટ્રેસ કરી ધરપકડ કરી.

આ પણ વાંચો :-

03 ડીસેમ્બર 2022, આજનું રાશિફળ : આ 7 રાશિના જાતકો પર હંમેશા રહે છે લક્ષ્મીજીની કૃપા – ઘરમાં થશે ધનનો ભંડાર

News Editor
-
0

03 December 2022, Today’s Horoscope Gujarat Guardian

મેષઃ
ધર્મ નીતિ અનુસાર કામ કરવાની ઈચ્છા પ્રબળ બનશે. ઉદારતાની ભાવના રહેશે. નાણાકીય બાબતોમાં લાભ મેળવી શકાશે. સરકારને લગતા તથા ન્યાયક્ષેત્ર સંબંધિત કાર્યોમાં સાવધાની રાખવી હિતાવહ.

વૃષભઃ
મોજશોખમાં રસ વધે. ગુસ્સા પર કાબુ રાખવો જરૂરી. ખોટા રોકાણથી નાણાં ફસાઈ જવાની શક્યતા છે. સંતાન સંબંધી ચિંતા રહે. સાસરા પક્ષથી લાભ. આરોગ્ય સારું. નોકરી-ધંધામાં રાહત.

મિથુનઃ
દિવસ દરમિયાન આનંદનો અનુભવ થાય. આદ્યાત્મિક બાબતોમાં અભિરૂચી વધે. નોકરી-ધંધામાં પ્રગતિ થવાથી આવકમાં વધારો આવતો જણાય. કરેલા રોકાણોનું સારૂ ફળ મળતું જણાય. ભાગ્યનો સાથ મળતો જણાય.

કર્કઃ
આનંદ-ઉત્સાહ ભર્યો દિવસ. જમીન-મકાનની દલાલી, રાજકીય કાર્યોમાં સફળતા મળતી જણાય દામ્પત્ય સુખમાં વધારો. અપિરણીતને જીવનસાથી મળવાની શક્યતા. સ્વાસ્થ્ય સારું રહેશે.

સિંહઃ
આત્મવિશ્વાસમાં વધારો થાય. નાણાકીય વ્યવહારોમાં સફળતા મળે. પરિવારમાં આનંદ-ઉત્સાહ જળવાય. સંતાનોની ચિંતા રહે. જળથી થતા રોગોની કાળજી રાખવી જરૂરી. નોકરીમાં બઢતીના યોગ બને છે.

કન્યાઃ
ભાગ્ય બળવાન બનતું જણાય. સાહિત્યના ક્ષેત્રમાં રસ વધે. આવકમાં વધારો થતો જણાય. હાડકા સંબંધી તકલીફો અનુભવાય. સંતાનથી પ્રેમ મળે. દામ્પત્ય જીવનમાં સ્નેહ વધે. ધંધામાં નવી તક મળતી જણાય.

તુલાઃ
સંઘર્ષ પછી સફળતા મળતી જણાય. નાના ભાઈ બહેન સાથે વાદવિવાદ ટાળવા. પરિવારમાં અસંતોષની ભાવના વધે. અગત્યના કાર્યો મુલતવી રાખવા. ભાગ્યવૃદ્ધિ થતી જણાય.

વૃશ્ચિકઃ
નાના ભાઈ બહેન તરફથી ચિંતા રહે. એમની તબિયતની કાળજી રાખવી જરૂરી. કાર્યક્ષેત્રે સફળતા મળે. સ્થાવર-જંગમ મિલકતોથી લાભ. સંતાન તરફથી વિવાદ. આરોગ્ય બળવાન.

ધનઃ
હૃદયમાં અજંપો રહે. માનસિક ઉચાટ ઉપર કાબુ રાખવો. આવકમાં વધારો થતો જણાય. માતૃપક્ષ તરફથી સારા સમાચાર મળે. આરોગ્ય સારું રહે. સામાન્ય શરદી-કફની શક્યતા છે.

મકરઃ
દિવસ દરમિયાન ઉદાસીનતા અનુભવાય. આવકક જાવક સરભર થતા જણાય. પરિવારમાં સ્નેહ વધે. સ્ત્રીવર્ગ તરફથી લાભ. માથાનો દુઃખાવો રહે. ભાગ્યવૃદ્ધિ થતી જણાય. નોકરી-ધંધામાં પ્રગતિ.

કુંભઃ
આત્મવિશ્વાસમાં વધારો થતો જણાય. આવકમાં વૃદ્ધિ થાય, ફસાયેલા નાણાં છુટા થાય. રોકાણોથી લાભ મેળવવો શક્ય બને. સંતાન સંબંધી ચિંતા રહે. દેવું કરવાથી દૂર રહેવું. ખર્ચનું પ્રમાણ વધે.

મીનઃ
ઘણો લાભ રહે. શુભતત્ત્વનો અહેસાસ થાય. પ્રેમ સંબંધો વધે. આવક વધે. ઝવેરાત-સોનું-ચાંદી ખરીદવાના પ્રસંગો ઉભા થાય. કાર્યમાં સફળતા મળતી જણાય. પગના તળિયામાં દુઃખાવો જણાય.

આ પણ વાંચો :-

શિયાળામાં વધી જાય છે સાંધા-સ્નાયુના દુખાવા ? બસ આ 4 ઉપાયથી મળશે છૂટકારો

News Editor
-
0

Joint-muscle pain increases in winter

  • શિયાળામાં તાપમાનમાં ઘટાડો થવાને કારણે શરીરની નસો સંકોચાય છે અને વિટામિન ડીના અભાવે હાડકામાં દુખાવો વધે છે. આ કારણે લોકો ઠંડીની ઋતુમાં સાંધાના દુખાવાની ફરિયાદ કરે છે.

શિયાળાની (winter) શરૂઆત થઈ ગઈ છે અને આ ઋતુમાં ઘણી બીમારીઓનો ખતરો રહે છે. પણ ખાસ કરીને શિયાળાની ઋતુમાં સાંધાનો દુખાવો (Muscle pain) એક ગંભીર સમસ્યા છે. આ દુખાવો કોઈપણ ઉંમરની વ્યક્તિને અસર કરી શકે છે. લગભગ દરેક લોકો ઠંડીની ઋતુમાં સાંધાના દુખાવાની ફરિયાદ કરે છે.

તેની પાછળનું કારણ છે કે તાપમાનમાં ઘટાડો થવાને કારણે શરીરની નસો સંકોચાય છે અને વિટામિન ડીના અભાવે હાડકામાં દુખાવો વધે છે. આવી સ્થિતિમાં હાડકાંનું ખાસ ધ્યાન રાખવું જોઈએ. જો કે પહેલા આ સમસ્યા 50 વર્ષથી વધુ ઉંમરના લોકોમાં વધુ જોવા મળતી હતી પણ હવે આ સમસ્યા યુવાનોમાં પણ જોવા મળી રહી છે.

એક્સપર્ટસના કહેવા પ્રમાણે શિયાળામાં સૂર્યપ્રકાશ થોડા સમય માટે રહે છે અને એ કારણે આપણા શરીરને વિટામિન ડી યોગ્ય રીતે મળતું નથી એટલે જ હાડકાંની સમસ્યા પણ થાય છે. જો કે જે લોકોનું કામ આખો દિવસ બેસી રહેવાનું હોય છે. જે લોકો લાંબા સમય સુધી કમ્પ્યુટર પર કામ કરે છે એમને પણ સાંધામાં દુખાવો થવા લાગે છે.

જણાવી દઈએ કે એક જગ્યાએ લાંબો સમય બેસી રહેવાથી હાડકાં જકડાઈ જાય છે અને એ કારણે સાંધાનો દુખાવો પણ શરૂ થાય છે. સામાન્ય રીતે આ સમસ્યાથી બચવા માટે સમયાંતરે એકવાર કામમાંથી બ્રેક લેવો જોઈએ એનએ હલનચલન રાખવું જોઈએ.

સાંધાના દુખાવાથી કેવી રીતે બચાવ કરવો?

મોર્નિંગ વોક ખૂબ જ ફાયદાકારક :

ખાસ કરીને શિયાળામાં દરરોજ સવારે ચાલવાથી શરીરને ફાયદો થાય છે એટલા માટે દરેક વયજૂથના લોકોએ મોર્નિંગ વોક માટે જવું જોઈએ. એક્સપર્ટ અનુસાર દરરોજ ઓછામાં ઓછું બે થી ત્રણ કિલોમીટર ચાલવાનો પ્રયાસ કરવો જોઈએ.

કેલ્શિયમ અને વિટામિન ડી ખૂબ જરૂરી :

શિયાળાની ઋતુમાં તડકો લેવાનો પ્રયત્ન કરો. આ કારણે તમારા શરીરમાં વિટામિન ડીની ઉણપ નહીં રહે અને શરીરના હાડકાં મજબૂત રહેશે. જો તમારા શરીરને સૂર્યપ્રકાશ નહીં મળે તો વિટામિન ડીની ઉણપનું જોખમ વધુ રહે છે.

આ પણ વાંચો :-

1...1,2301,2311,232...1,443Page 1,231 of 1,443