Home Blog Page 1088

મેટ્રોનો ફરી એક વીડિયો વાયરલ, નીચે બેસીને છોકરીને ચુંબન કરતો જોવા મળ્યો છોકરો

News Editor
-
0

Another video o 

  • દિલ્હી મેટ્રો રેલ કોર્પોરેશન (DMRC) પ્રશાસન ટ્રેનની અંદર કપલ દ્વારા થઈ રહેલી અશ્લીલ હરકતોથી ઘણું પરેશાન છે. છાશવારે કોઈને કોઈ વીડિયો સોશિયલ મીડિયા પર વાયરલ થઈ જાય છે. જેમાં કપલ એકબીજાને કિસ કરતા હોય છે કે અન્ય હરકતો જોવા મળે છે.

દિલ્હી મેટ્રો રેલ કોર્પોરેશન (DMRC) પ્રશાસન ટ્રેનની અંદર કપલ દ્વારા થઈ રહેલી અશ્લીલ હરકતોથી (Indecent acts) ઘણું પરેશાન છે. છાશવારે  કોઈને કોઈ વીડિયો સોશિયલ મીડિયા પર વાયરલ થઈ જાય છે. જેમાં કપલ એકબીજાને કિસ કરતા હોય છે કે અન્ય હરકતો જોવા મળે છે. આ ઘટનાઓથી બચવા માટે ડીએમઆરસીએ મેટ્રોની અંદર ફ્લાઈંગ સ્ક્વોડ પણ તૈનાત કરી હતી.

પરંતુ આમ છતાં તેનો કોઈ ફાયદો થતો જોવા મળતો નથી. મેટ્રોમાં આ સ્કવોડ સિવિલ ડ્રેસમાં છૂપાઈને આવી અશ્લિલ હરકતો કરનારાઓને પકડવાની કોશિશ કરે છે. હાલમાં જ એક એવો વીડિયો સામે આવ્યો છે જેમાં  એક કપલ મેટ્રોમાં નીચે બેસીને એકબીજાને ચૂમતું જોવા મળે છે.

 LIPLOCK નો વીડિયો વાયરલ :

સોશિયલ મીડિયા પર વાયરલ થઈ રહેલા આ વીડિયોમાં તમે જોઈ શકો છો કે એક કપલ દિલ્હી મેટ્રો ટ્રેનની અંદર સીટ ન મળવાના  કારણે નીચે બેઠું હતું. છોકરાએ છોકરીને પોતાના ખોળામાં સૂવાડી  રાખી છે અને તે છોકરી નશા કે પછી ઊંઘની સ્થિતિમાં જોવા મળી રહી છે.

છોકરો છોકરીને પોતાના ખોળામાં સૂવાડ્યા બાદ કમ્ફર્ટ ફીલ કરાવી રહ્યો હતો અને ત્યારે તેણે એકવાર નહીં પરંતુ અનેકવાર ચૂમી. આ દરમિયાન ટ્રેનમાં કપલની સામે બઠેલા મુસાફરોમાંથી એક મુસાફરે પોતાના મોબાઈલ ફોનમાં આ ઘટનાને કેદ કરી લીધી. હવે આ વીડિયો સોશિયલ મીડિયામાં ખુબ વાયરલ થઈ રહ્યો છે.

વીડિયો જોઈને લોકો સ્તબ્ધ :

મેટ્રોની અંદર ઘટનારી આ ઘટનાને લઈને ડીએમઆરસી ફરી એકવાર ચોંકી ગઈ છે. લિપલોક કરતા કપલનો વીડિયો હાલ ખુબ વાયરલ થઈ રહ્યો છે. ઓડિયોમાં તમે સાંભળી શકો છો કે ટ્રેન ઝંડેવાલાન મેટ્રો સ્ટેશન તરફ આગળ વધી રહી છે. એટલે કે તે બ્લ્યુ લાઈન મેટ્રોની અંદરનો મામલો છે. એક યૂઝરે ટ્વિટર પર વીડિયો પોસ્ટ કરીને લખ્યું કે દિલ્હી મેટ્રો.

એક યૂઝરે વીડિયો જોયા બાદ લખ્યું કે દિલ્હી મેટ્રોમાં કહે છે કે સીસીટીવી કેમેરા લાગેલા છે. તો પછી કંટ્રોલ રૂમવાળા શું કરી રહ્યા છે. આ બિલકુલ યોગ્ય નથી. આવામાં તો પરિવારની સાથે મેટ્રોમાં ચાલવું પણ હવે મુશ્કેલ થઈ જશે. આના જેવા લોકોને શરમ જેવું તો કઈ છે નહીં.

આ પણ વાંચો :-

 

જાતીય શોષણ કેસમાં ડોનાલ્ડ ટ્રમ્પ દોષિત જાહેર, ફટકારાયો આટલાં લાખ ડોલરનો દંડ

News Editor
-
0

Donald Trump found guilty in case fined dollars

  • અમેરિકાના ન્યૂયોર્કની એક કોર્ટે પૂર્વ રાષ્ટ્રપતિ ડોનાલ્ડ ટ્રમ્પને યૌન શોષણ અને માનહાનિ કેસ માટે દોષિત ઠેરવ્યા છે. તેમને 50 લાખ ડોલરનો દંડ પણ ફટકારવામાં આવ્યો છે.

અમેરિકાના (America) પૂર્વ રાષ્ટ્રપતિ ડોનાલ્ડ ટ્રમ્પની (Donald Trump) મુશ્કેલીમાં વધારો થયો છે. તેમને અમેરિકાના ન્યૂયોર્કની એક કોર્ટમાંથી જબરદસ્ત ઝટકો લાગ્યો છે. કોર્ટે ડોનાલ્ડ ટ્રેમ્પને જાતીય શોષણના (Sexual abuse) કેસમાં દોષિત ઠેરવ્યા છે. તેમને જાતીય સતામણી અને માનહાનિ મામલે 50 લાખ ડોલરનો દંડ ફટકારવામાં આવ્યો છે.

50 લાખ ડોલરનો દંડ ફટકાર્યો :

કોર્ટે ચુકાદો સંભળાવતી વખતે કહ્યું કે ટ્રેમ્પ 1990ના દાયકામાં એક મેગેઝિનની લેખિકા ઈ. જીન કૈરલનું જાતીય શોષણ કરવાના કેસમાં દોષિત છે. ડોનાલ્ડ ટ્રમ્પે અનેક વખત કૈરલને બદનામ કરવાનો પ્રયાસ પણ કર્યો છે. કોર્ટે ડોનાલ્ડ ટ્રમ્પને દોષિત ઠેરવ્યા અને કૈરલને નુકસાની પેટે 50 લાખ ડોલરનું વળતર આપવાનો આદેશ કર્યો છે. જોકે, કોર્ટે ટ્રમ્પને ડિપાર્ટમેન્ટલ સ્ટોરમાં કૈરલ પર દુષ્કર્મ કરવા માટે દોષિત નથી ઠેરવ્યા. જ્યુરીએ કૈરોલના દુષ્કર્મના આરોપને ફગાવી દીધો અને કહ્યું કે આ કેસ ક્રિમિનલ કોર્ટમાં નહીં પરંતુ સિવિલ કોર્ટીની સમક્ષ લાવવામાં આવ્યો હતો.

25 એપ્રિલથી શરૂ થઈ હતી સુનાવણી :

પૂર્વ રાષ્ટ્રપતિ ટ્રમ્પે કોર્ટના આ નિર્ણયને સાર્વજનિક રીતે અપમાનજનક અને તેમની બદનામીનું કારણ ગણાવ્યું છે. આપને જણાવી દઈએ કે ડોનાલ્ડ ટ્રમ્પ વિરુદ્ધ આ કેસમાં 25 એપ્રિલથી સુનાવણી શરૂ થઈ હતી અને હવે નવ સભ્યોની જ્યુરીએ ટ્રમ્પને જાતીય શોષણ માટે દોષિત ઠેરવ્યા છે.

આ પણ વાંચો :-

Viral Fever Symptoms : આ લક્ષણો જણાય તો સમજી લેવું નોર્મલ તાવ નહીં આ છે વાયરલ ફીવર

News Editor
-
0

Viral Fever Symptoms

  • વાયરલ તાવને ક્યારેય સામાન્ય તાવ સમજીને તેની અવગણના કરવી નહીં કારણ કે આમ કરવું નુકસાનકારક સાબિત થઈ શકે છે. તો ચાલો તમને જણાવીએ કે વાયરલ તાવ ના લક્ષણો કયા હોય છે અને આ લક્ષણો જોવા મળે તો તુરંત શું કરવું.

તાવ (Fever) એવી સમસ્યા છે જે વાતાવરણ બદલે ત્યારે વધારે પ્રમાણમાં જોવા મળે છે. જોકે મોટા ભાગના લોકો વાયરલ ફીવર (Viral Fever) અને સામાન્ય તાવ વચ્ચે અંતર જાણતા નથી જેના કારણે ઘણી વખત ગંભીર સમસ્યાઓ થઈ જાય છે. જો તમને વાયરલ તાવ હોય તો ભૂખ ન લાગવી, થાક, શરીરમાં દુખાવો (Body aches) જેવા લક્ષણ જોવા મળે છે.

આ લક્ષણો જણાઈ તો તેને ક્યારેય સામાન્ય તાવ સમજીને તેની અવગણના કરવી નહીં કારણ કે આમ કરવું નુકસાનકારક સાબિત થઈ શકે છે. તો ચાલો તમને જણાવીએ કે વાયરલ તાવ ના લક્ષણો કયા હોય છે અને આ લક્ષણો જોવા મળે તો તુરંત શું કરવું.

ઠંડી લાગે :

વાયરલ તાવમાં સામાન્ય રીતે ઠંડી વધારે લાગે છે. સાથે જ અચાનક શરીરમાં થાક લાગે છે.

સ્નાયુમાં દુખાવો :

વાયરલ તાવ હોય તો સ્નાયુઓમાં દુખાવો થાય છે. વાયરલ તાવમાં સ્નાયુના દુખાવાની દવા ખાવ તો પણ તે અસર કરતી નથી.

ઝડપથી થાકી જવું :

જો તમને વાયરલ તાવ હશે તો થાક ઝડપથી લાગશે. આવી સ્થિતિમાં પૂરતા પ્રમાણમાં પાણી પીવું જરૂરી છે.

વાયરલ તાવથી બચવા શું કરવું ?

વાયરલ તાવથી બચવું હોય તો વારંવાર પોતાના હાથ ધોવાનું રાખવું. ફ્લુના કોઈ પણ લક્ષણ કે શરીરમાં નબળાઈ જણાઈ તો આરામ કરો. અનિયમિત દિનચર્યા ને ટાળો અને આહાર વ્યવસ્થિત લેવાનો રાખો.

આ પણ વાંચો :-

દારુને ન નડી મોંઘવારી ! દેશમાં દારુ મોંઘો થયો છતાં ગયા વર્ષે લોકો અબજો બોટલ દારુ પી ગયા

News Editor
-
0

Alcohol does not lead to inflation

  • Liquor Sale FY23 : ભલે લોકોએ મોંઘવારીને કારણે ઘણી જરૂરી વસ્તુઓની ખરીદીમાં ઘટાડો કર્યો હોય, પરંતુ દારૂને કોઈ મોંઘવારી નડી નથી.

છેલ્લા કેટલાક મહિનાઓ દરમિયાન લોકો મોંઘવારીના (Inflation) આક્રમણનો સામનો કરી રહ્યા છે. આ સમયગાળા દરમિયાન ખાદ્યપદાર્થોથી લઈને રોજિંદા ઉપયોગની ઘણી વસ્તુઓના ભાવ આસમાને પહોંચી ગયા છે. પરિણામે, લોકોએ આવા માલની ખરીદી ઓછી કરી. જો કે એક એવી વસ્તુ છે.

જેના માટે લોકોએ મોંઘવારીની પણ પરવા નથી કરી. આ વસ્તુ દારૂ છે. ગત નાણાકીય વર્ષ દરમિયાન દારૂના ભાવમાં પણ વધારો થયો હતો. પરંતુ તેનાથી દારૂના શોખીનોને બહુ અસર થઈ ન હતી અને તેઓએ વધુ પૈસા ચૂકવીને પણ ખરીદી કરી હતી.

તમામ પ્રકારના દારૂનું રેકોર્ડ વેચાણ :

ETના એક રિપોર્ટમાં જણાવવામાં આવ્યું છે કે ગત નાણાકીય વર્ષ દરમિયાન ભારતમાં લોકોએ દારૂના લગભગ 400 મિલિયન કેસ ખરીદ્યા હતા. આને સરેરાશ તરીકે લઈએ તો તેનો અર્થ એ છે કે નાણાકીય વર્ષ 2022-23 દરમિયાન દારૂના શોખીનોએ 750 mlની લગભગ 4.75 અબજ બોટલો ખરીદી હતી. વેચાણના આંકડા દર્શાવે છે કે દારૂની માંગ દરેક કેટેગરીમાં આવી હતી. પછી તે વ્હિસ્કી હોય કે રમ, બ્રાન્ડી હોય કે જિન કે વોડકા. તમામ પ્રકારના દારૂનું વિપુલ પ્રમાણમાં વેચાણ થયું હતું. આમાં પણ પ્રીમિયમ એટલે કે ઊંચી કિંમતની દારૂનું વેચાણ વધુ હતું.

અગાઉના રેકોર્ડ કરતાં આટલું ઊંચું વેચાણ :

આંકડા મુજબ એપ્રિલ 2022 થી માર્ચ 2023 દરમિયાન, દેશભરમાં દારૂના 39.5 કરોડ કેસનું વેચાણ એક વર્ષ અગાઉના સમાન સમયગાળાની તુલનામાં 12 ટકા વધુ છે. દારૂના વેચાણનો અગાઉનો રેકોર્ડ લગભગ 4 વર્ષ જૂનો હતો. જ્યારે 2018-19માં દેશભરમાં લગભગ 35 કરોડ કેસ વેચાયા હતા. પાછલા નાણાકીય વર્ષમાં દારૂડિયાઓએ 40 મિલિયન કેસની વધારાની ખરીદી કરી અને રેકોર્ડ 400 મિલિયન કેસ પર લઈ ગયો.

વ્હિસ્કી સૌથી વધુ પીવામાં આવે છે :

ETના રિપોર્ટ અનુસાર ભારતમાં વ્હિસ્કીનો સૌથી વધુ વપરાશ થઈ રહ્યો છે. ગયા વર્ષે તેના વેચાણમાં 11.4 ટકાનો વધારો થયો હતો. તે એકલા ભારતમાં દારૂના કુલ વેચાણમાં બે તૃતીયાંશ હિસ્સો ધરાવે છે. તે જ સમયે, કુલ વેચાણમાં 21 ટકા બ્રાન્ડી અને 12 ટકા રમનો ફાળો હતો. છેલ્લા નાણાકીય વર્ષમાં વોડકા અને જિનના વેચાણમાં સૌથી અદભૂત વૃદ્ધિ જોવા મળી હતી. તેના વેચાણમાં અનુક્રમે 29 ટકા અને 61 ટકાનો વધારો થયો હતો.

આ પણ વાંચો :-

કાળમુખો બુધવાર : કલોલમાં બસની રાહ જોતા મુસાફરોને ST બસે કચડી માર્યા, ૦૪ના કમકમાટીભર્યા મોત

News Editor
-
0

Kalmukho Wednesday

  • Kalol Accident : કલોકમાં બસની રાહ જોઈને ઉભેલા મુસાફરો પર બસ ફરી વળતા ૦૪ લોકોના મોત નીપજ્યાં છે. ઈજાગ્રસ્તોને સારવાર અર્થે સિવિલ હોસ્પિટલમાં ખસેડવામાં આવ્યા છે.

ગુજરાતમાં અવારનવાર અકસ્માતની ઘટનાઓ સામે આવતી રહેતી હોય છે. એવામાં આજ રોજ બુધવારે વધુ એક અકસ્માતની ઘટના સામે આવી છે. જેમાં ૦૪ લોકોના ઘટનાસ્થળે મોત નીપજ્યા છે. એસ.ટી બસે અડફેટે લેતા4 લોકોના મોત નીપજ્યાં છે. તો કેટલાક લોકો ઈજાગ્રસ્ત થયા છે.

ઈજાગ્રસ્તોને ખસેડાયા હોસ્પિટલમાં :

મળતી માહિતી અનુસાર કલોલમાં ભયાનક અકસ્માત સર્જાયો છે. બસની રાહ જોઈને ઊભેલા મુસાફરોને અડફેટે લેતા ૦૪ લોકોના મોત નીપજ્યા છે. ST બસ નીચે ૦૪ લોકો કચડાયા છે. ચારેયના ઘટનાસ્થળે જ મોત નીપજ્યા છે. તો અન્ય ઈજાગ્રસ્તોને સારવાર માટે તાત્કાલિક હોસ્પિટલ ખાતે ખસેડવામાં આવ્યા છે.

આ પણ વાંચો :-

WTC Final : ધુઆંધાર બેટિંગથી ભુક્કા બોલાવી રહ્યો છે આ ખેલાડી, ઓસ્ટ્રેલિયા માટે સાબિત થશે કાળ !

News Editor
-
0

WTC Final

  • ટીમ ઈન્ડિયા પાસે આવી ગયો છે એવો ખતરનાક ખેલાડી જેની બેટિંગ જોઈને ઓસ્ટ્રેલિયા હાલ ગભરાઈ ગયું છે. વર્લ્ડ ટેસ્ટ ચેમ્પિયનશિપની ફાઈનલમાં આ ખેલાડી એકલા હાથે વિરોધી ટીમને પડી શકે છે ભારે.

ક્રિકેટ વિશે કહેવાય છેકે ટેસ્ટ ક્રિકેટ (Test cricket) ઈઝ એ રિયલ ટેસ્ટ ઓફ ક્રિકેટર્સ. ત્યારે આ જેન્ટલમન ગેમમાં દરેક સારા ક્રિકેટ અને કેપ્ટનનું સપનું હોય છે ટેસ્ટમાં બેસ્ટ બનવાનું. ભારત પાસે ટિમ ઈન્ડિયા પાસે હવે આ મોકો છે. આ મોકો છે વર્લ્ડ ટેસ્ટ ક્રિકેટની (World Test Cricket) ચેમ્પિયનશિપને જીતવાનો. ઓસ્ટ્રેલિયા સામેની ટેસ્ટ ચેમ્પિયનશિપની ફાઈનલમાં ભારતનો એક ખેલાડી વિરોધી ટીમને ભારે પડી શકે છે.

હાલ આ બેટરની ધુઆંધાર બેટિંગથી આખી ઓસ્ટ્રેલિયા ટિમ થરથર ધ્રુજી રહી છે. ઉલ્લેખનીય છે કે ઓસ્ટ્રેલિયા વિરુદ્ધ ઈંગ્લેન્ડના ઓવલ મેદાન પર ૭ જૂનથી ૧૧ જૂન સુધી ટીમ ઈન્ડિયા ટેસ્ટ ચેમ્પિયનશિપની ફાઈનલ રમવાની છે. ત્યારે આ મેચ પહેલાંથી જ ભારતના આ ખતરનાક બેટ્સમેનનું ઘાતક ફોર્મ જોઈને ઓસ્ટ્રેલિયન ટીમ પહેલેથી જ ધ્રૂજી રહી છે.

ભારતનો આ જુવાનિયો ઓસ્ટ્રેલિયાને હંફાવે છે :

ટીમ ઈન્ડિયાનો ખતરનાક બેટ્સમેન ઈશાન કિશન હાલ આઈપીએલમાં વિરોધી ટીમના ગાભા કાઢી રહ્યો છે. મંગળવારે રોયલ ચેલેન્જર્સ બેંગ્લોર (RCB) સામે રમાયેલી IPL મેચમાં ઇશાન કિશને 21 બોલમાં 42 રનની ધમાકેદાર ઇનિંગ રમી હતી.

ઈશાન કિશનની આ વિસ્ફોટક ઈનિંગમાં 4 ચોગ્ગા અને 4 છગ્ગાનો સમાવેશ થાય છે. ઉલ્લેખનીય છે કે કેએલ રાહુલની જગ્યાએ ઈશાન કિશનને વર્લ્ડ ટેસ્ટ ચેમ્પિયનશિપની ફાઈનલ માટે પસંદ કરવામાં આવ્યો છે. ઓસ્ટ્રેલિયા સામેની આ ટાઈટલ મેચમાં ઈશાન કિશન વિકેટ કીપર બેટ્સમેન તરીકે મેદાનમાં ઉતરશે.

આ પણ વાંચો :-

પાક. માં ફેલાયેલ અરાજકતા માટે અભિનેત્રીએ PM મોદીને જવાબદાર ઠેરવ્યા, દિલ્હી પોલીસે આપ્યો જોરદાર જવાબ

News Editor
-
0

Crop. The actress blamed PM Modi

  • પાકિસ્તાનમાં ચાલી રહેલા રાજકીય સંકટ વચ્ચે અભિનેત્રી સહર શિનવારીએ પ્રધાનમંત્રી નરેન્દ્ર મોદી પર અરાજકતા ફેલાવવાનો આરોપ લગાવ્યો છે. શિવારીએ ટ્વિટર પર દિલ્હી પોલીસને ટેગ કરીને લખ્યું કે પાકિસ્તાનમાં આતંકવાદ ફેલાવવા માટે પ્રધાનમંત્રી મોદી અને  ભારતની ગુપ્તચર એજન્સી રો વિરુદ્ધ ફરિયાદ નોંધાવવા માંગે છે. તેણે એવી પણ આશા વ્યક્ત કરી કે ભારતની સર્વોચ્ચ કોર્ટમાંથી તેને ન્યાય મળશે.

પાકિસ્તાનમાં (Pakistan) ચાલી રહેલા રાજકીય સંકટ વચ્ચે અભિનેત્રી સહર શિનવારીએ (Actress Sahar Shinwari) પ્રધાનમંત્રી નરેન્દ્ર મોદી (Prime Minister Narendra Modi) પર અરાજકતા ફેલાવવાનો આરોપ લગાવ્યો છે. શિવારીએ ટ્વિટર પર દિલ્હી પોલીસને (Delhi Police) ટેગ કરીને લખ્યું કે પાકિસ્તાનમાં આતંકવાદ ફેલાવવા માટે પ્રધાનમંત્રી મોદી અને ભારતની ગુપ્તચર એજન્સી રો વિરુદ્ધ ફરિયાદ નોંધાવવા માંગે છે. તેણે એવી પણ આશા વ્યક્ત કરી કે ભારતની સર્વોચ્ચ કોર્ટમાંથી તેને ન્યાય મળશે.

પાકિસ્તાનની અભિનેત્રીને પોલીસે આપ્યો જવાબ :

શિવારીએ ટ્વીટ કરી કે કોઈ પણ દિલ્હી પોલીસની ઓનલાઈન લિંક જાણે છે? મારે ભારતીય પીએમ અને ભારતીય ગુપ્તચર એજન્સી રો વિરુદ્ધ ફરિયાદ દાખલ કરવી છે જે મારા દેશ પાકિસ્તાનમાં અરાજકતા અને આતંકવાદ ફેલાવે છે. જો ભારતીય અદાલતો સ્વતંત્ર (જેવો તે દાવો કરે છે) છે તો મને વિશ્વાસ છે કે ભારતની સર્વોચ્ચ કોર્ટ મને ન્યાય અપાવશે.

દિલ્હી પોલીસે સહરી શિવારી પર કટાક્ષ કર્યો. દિલ્હી પોલીસે ટ્વીટ કરીને કહ્યું કે પાકિસ્તાન અમારા અધિકાર ક્ષેત્રમાં નથી. પરંતુ જાણવા ઈચ્છીશું કે જ્યારે તમારા દેશમાં ઈન્ટરનેટ બંધ કરી દેવાયું છે તો તમે ટ્વીટ કેવી રીતે કરી રહ્યા છો?

સોશિયલ મીડિયા પર દિલ્હી પોલીસના આ જવાબની ખુબ ચર્ચા થઈ રહી છે. આ સમાચાર લખાઈ રહ્યા છે ત્યાં સુધીમાં દિલ્હી પોલીસની આ ટ્વીટને લગભગ ૩૬.૬ હજાર લોકોએ લાઈક કરી છે. જ્યારે ૮૦૦૦થી વધુ લોકોએ રિટ્વીટ કરી છે.

પાકિસ્તાનમાં હાલત ખુબ નાજુક :

અત્રે જણાવવાનું કે પાકિસ્તાનના પૂર્વ પીએમ અને પીટીઆઈ પ્રમુખ ઈમરાન ખાનની મંગળવારે ઈસ્લામાબાદ હાઈકોર્ટ બહાર ધરપકડ થયા બાદ ભારે અફરાતફરીનો માહોલ છે. ખાનની ધરપકડ બાદ પાકિસ્તાનના અનેક શહેરોમાં મોટા પાયે વિરોધ પ્રદર્શન શરૂ થઈ ગયા. આગચંપી થઈ અને પોલીસના વાહનોને આગને હવાલે કરાયા તથા જાહેર સંપત્તિને નુકસાન પહોંચાડવામાં આવ્યું.

આ પણ વાંચો :-

ગાંધીનગરમાં કારમાં હથિયારો મૂકીને પોલીસને દોડતી કરનાર પાટીદાર નીકળ્યો, વીજાપુર સાથે છે નાતો

News Editor
-
0

The Patidar who put weapons

  • Gandhinagar News : ગાંધીનગરમાં બિનવારસી કારમાંથી દેશી બનાવટનાં હથિયાર મળી આવ્યા હતા. પોલીસે ગણતરીના કલાકોમાં આરોપી ઝડપી પાડયો હતો.

ગઈકાલે ગુજરાતની રાજધાની ગાંધીનગરમાંથી (Gandhinagar) બિનવારસી કારમાંથી દેશી બનાવટના હથિયાર મળી આવ્યા હતા. આ બાદ તપાસ એજન્સીઓ દોડતી થઈ હતી. આખરે સાંજ સુધીમાં આ કાર કોની છે તે મામલો ખુલાસો થયો હતો. ગાંધીનગર પોલીસે પ્રેસ કોન્ફરન્સ કરીને માહિતી આપી હતી. જેમાં સામે આવ્યું કે આ કાર જિતેન્દ્ર પટેલની (Jitendra Patel) છે. જેની ધરપકડ કરવામાં આવી છે.

પ્રાપ્ત માહિતી અનુસાર ગઈકાલે સરગાસણમાં આવેલ ફ્લેટના બેઝમેન્ટમાંથી એક બિનવારસી કાર મળી આવી હતી. સ્વાગત એફોર્ડ ફલેટના બેઝમેન્ટમાં આ કાર પાર્ક કરાયેલી હતી. આ બિનવારસી કારમાં હથિયારોનો જથ્થો મળી આવ્યો હતો. જેમાં ૨ રિવોલ્વર, ૨ દેસી ક્ટ્ટા, ૩૦૦ જીવતા કારતૂસ મળ્યા હતા.

હથિયારો સાથે બિનવારસી કાર મળી આવતા ગાંધીનગરમાં ચકચાર મચી ગઈ છે. જેના બાદ તપાસ એજન્સીઓ દોડતી થઈ હતી. ફલેટમાંથી અમદાવાદના પાર્સિંગની GJ.1.RJ.5702 નંબરની હ્યન્ડાઈ કાર મળી હતી. કાર પર ધૂળ જમા થયેલી હતી અને લાંબા સમયથી પાર્ક કરાયેલી હતી.

કાર મળી આવ્યા બાદ ગાંધીનગર પોલીસે તપાસ શરૂ કરતા સાંજ સુધી કારનો માલિક મળી આવ્યો હતો. કાર જીતેન્દ્ર પટેલ નામના શખ્સની હતી. સમગ્ર મામલે રેન્જ આઈજી અભય ચૂડાસમાએ જણાવ્યું કે, આટલા હથિયારો શા માટે લાવ્યો હતો તે બાબતે તપાસ ચાલુ છે અને પેન ડ્રાઈવ અને અન્ય ચીજો મળી આવી હતી. ગુજરાત ATSમાં પણ ગુનો નોંધાયેલો છે અને અગાઉ આ આરોપી સામે ગુનો નોંધાઇ ચુક્યો છે. તેમજ સ્થાનિકોની જાણકારી બાદ ગુનો રજીસ્ટર થયો હતો.

તેમણે કહ્યું કે, જીતેન્દ્ર પટેલ રીઢો ગુનેગાર છે. તેનો ગુનાહિત ઈતિહાસ છે અને ત્રણ મર્ડર કરી ચૂક્યો છે. ગુજરાત એટીએસમાં પણ એક હથિયારનો તેના પર ગુનો દાખલ છે. તે મધ્યપ્રદેશથી હથિયાર લાવ્યો હોવાની વાત સામે આવી છે. વર્ષોથી ગાડી ત્યાં પડી હતી. તે પોતે એક વર્ષથી ભાડુઆત તરીકે રહી ચૂક્યો છે. એક વર્ષ પહેલાં જેલમાંથી છુટ્યો હતો. તે મૂળ વિજાપુરનો વતની છે અને હાલ અમદાવાદના ઘોડાસરમાં તેનું મકાન છે.

સરગાસણના સ્વાગત એફર્ડમા બિન વારસી કાર અને હથિયાર મળી આવી હતી. કારની ડિટેલ સર્ચ કરતા અલગ અલગ ડોક્યુમેન્ટ મળી આવ્યા હતા. જેમાં જીતેન્દ્ર પટેલ નામનો માણસ આ કારનો માલિક હતો. જિતેન્દ્ર પટેલ નામના આરોપીની ધરપકડ કરવામાં આવી છે. જીતેન્દ્ર પટેલે લોકડાઉન પહેલા આ હથિયાર મંગાવ્યા હતા. આરોપી જૂનો ગુનેગાર છે. અગાઉ ત્રણ જેટલી હત્યાના ગુનામાં જોડાયેલ છે. સગીર છોકરીનું અપહરણ કરીને ભગાડી જવાનો અને ગેરકાયદેસર હથિયાર સાથે પકડાયેલ ગુનામાં જોડાયેલ છે.

આ પણ વાંચો :-

 

જીયોનો સૌથી સસ્તો પ્લાન, માત્ર ૧૧૯ રૂપિયામાં અનલિમિટેડ કોલિંગ, દરરોજ ૧.૫ GB ડેટા સહિત મળશે આ ફાયદા

News Editor
-
0

Jio’s cheapest plan

  • Reliance Jio Cheapest Recharge Plans : જો તમે જિયો યૂઝર્સ છો તો RS ૧૧૯ Plan થી રિચાર્જ કરાવવા પર તમને JioTV, JioCinema JioSecurity, JioCloud જેવી એપ્સનું ફ્રી સબ્સક્રિપ્શન મળી રહ્યું છે.

Reliance Jio Recharge Plans 2023 : દેશની સૌથી મોટી ટેલીકોમ કંપની રિલાયન્સ જિયો (Reliance Jio) પોતાના કસ્ટમરને ઘણા સસ્તા રિચાર્જ પ્લાન્સ ઓફર કરી રહી છે. જેમાં દરેક નેટવર્ક પર અનલિમિટેડ કોલિંગ અને ફ્રી SMS સહિત ડેટા બેનિફિટસ મળે છે. આ દરેક પ્લાનમાં અંતર વેલિડિટી અથવા ડેટાનું હોય છે. જિયોના ઘણા પ્લાન્સ છે. જેમાં અનલિમિટેડ કોલિંગની સાથે ૧.૫ જીબી ઈન્ટરનેટ ડેટા (Internet data) મળી રહ્યો છે. પરંતુ અમે તમને જિયાના એક સસ્તા પ્લાનની માહિતી આપી રહ્યાં છીએ.

Jio RS 119 Plan માં મળે છે ઘણા ફાયદા

જિયો પોતાના યૂઝર્સને ૧૧૯ રૂપિયા (Reliance Jio RS 119 Plan) નો એક પ્લાન આપી રહ્યું છે, જે કમાલનો છે. તેમાં તમને બીજા પ્લાનની જેમ અનલિમિટેડ કોલિંગ અને દરરોજ ૧.૫ જીબી ડેટા મળશે. આ સાથે તમને ૩૦૦ ફ્રી એસએમએસનો પણ ફાયદો મળશે. એટલું જ નહીં આ પ્લાનથી રિચાર્જ કરાવવા પર તમને JioTV, JioCinema, JioSecurity, JioCloud જેવી એપ્સનું ફ્રી સબ્સક્રિપ્શન મળી રહ્યું છે.

આ અનલિમિટેડ કોલિંગ અને દરરોજ ૧.૫જીબી ડેટાવાળો જિયોનો સૌથી સસ્તો પ્લાન છે. પરંતુ આ પ્લાનની વેલિડિટી માત્ર ૧૪ દિવસની હોય છે. તેથી તમે અનલિમિટેડ કોલિંગ, ફ્રી એસએમએસ સહિત ડેટા બેનિફિટસનો ઉપયોગ ૧૪ દિવસ સુધી કરી શકશો.

આ છે જિયોના 1.5 જીબી ડેટાવાળા શાનદાર પ્લાન્સ :

તો વધુ દિવસની વેલિડિટી સાથે ૧.૫ જીબી ડેટાવાળા જિયોના બીજા પ્લાન પણ હાજર છે. તેમાં જિયોનો 199 રૂપિયા, ૨૩૯ રૂપિયા, ૨૫૯ રૂપિયા, ૪૭૯ રૂપિયા, ૬૬૬ રૂપિયા અને ૨૫૪૫ રૂપિયાનો પ્લાન સામેલ છે. તમને જણાવી દઈએ કે ૧૯૯ રૂપિયાના પ્લાનની વેલિડિટી ૨૩ દિવસની છે. આ સિવાય ૨૩૯ રૂપિયાનો પ્લાન ૨૮ દિવસની વેલિડિટી સાથે આવે છે.

તો ૨૫૯ રૂપિયાના પ્લાનમાં એક મહિનાની વેલિડિટી મળે છે. Jio RS ૪૭૯ Plan નો પ્લાન ૫૬ દિવસની વેલિડિટી સાથે આવે છે. તો Jio RS ૬૬૬ Plan ૮૪ દિવસની વેલિડિટી અને Jio RS ૨૫૪૫ Plan કુલ ૩૩૬ દિવસની વેલિડિટી સાથે આવે છે.

આ પ્લાનમાં મળનાર દરેક બેનિફિટસ જિયોના ૧૧૯ રૂપિયાના પ્લાન જેવા છે. એટલું જ નહીં Jio RS ૧૧૯ Plan ને છોડીને બાકી દરેક પ્લાનમાં દરરોજ ૧૦૦ ફ્રી એસએમએસ પણ આપવામાં આવી રહ્યાં છે. જો તમે જિયો યૂઝર છો તો તમારી જરૂરીયાત પ્રમાણે પ્લાન પસંદ કરી શકો છો.

આ પણ વાંચો :-

ડાયેટિંગ કરવા છતાં પણ ઓછું થતું નથી વજન તો આજે જ ફોલો કરો આ ટિપ્સ

News Editor
-
0

If you are not losing weight

  • Health Tips : જો વજન થોડુ ઘણું પણ ઓછુ થશે તો ખાવા પીવામાં પૌષ્ટિક તત્વોના અભાવે શરીર નબળું પડશે અને રોગોનું જોખમ વધી જશે. અહીં તમને જણાવીએ વજન ઉતારવાની સરળ ટિપ્સ. જીવનશૈલીમાં કરો થોડા સુધારા.

વજન ઘટાડવા (Lose weight) માટે આપણે અનેક પ્રયત્નો કરતા હોઈએ છીએ. એક્સસાઈઝ, ઘરેલુ નુસ્ખાઓ, ડાયેટિંગ કરવા છતાં પણ જો વજન ઓછું ન થતું હોય તો તેનું કારણ એ હોઈ શકે કે તમારી જીવનશૈલી ખોટી છે. ખોટી જીવનશૈલીના કારણે તમે ગમે તેટલા પ્રયત્નો કરો છતાં વજન ઓછું નહીં થાય.

જો વજન થોડુ ઘણું પણ ઓછું થશે તો ખાવા પીવામાં પૌષ્ટિક તત્વોના (Nutrient elements) અભાવે શરીર નબળું પડશે અને રોગોનું જોખમ વધી જશે. અહીં તમને જણાવીએ વજન ઉતારવાની સરળ ટિપ્સ. જીવનશૈલીમાં કરો થોડા સુધારા.

1. રોજ ૩-૪ લીટર પાણી પીઓ :

વજન ઘટાડવા માંગતા હોવ તો રોજ દિવસમાં ૧૦થી ૧૨ ગ્લાસ પાણી (૩-૪ લીટર) પીવાનો નિયમ લો. આટલું પાણી પીવો તો શરીરનું મેટાબોલિઝમ સારું થાય છે અને ખાવાનું સારી રીતે પચે છે. આ ઉપરાંત આટલું પાણી પીવાથી વારંવાર ખાવાની આદત પણ જતી રહે છે કારણ કે પાણીના કારણે પેટ ભારે હોવાનો અહેસાસ થાય છે. એટલું ધ્યાન આપો કે ભોજન કર્યા બાદ ઓછામાં ઓછા એક કલાક પછી પાણી પીઓ.

2. સલાડ ખાઓ :

રોજ જ્યારે પણ ભોજન કરો તો પૂરતા પ્રમાણમાં સલાડ પણ ખાઓ. જો તમને ભૂલ લાગે તો સ્નેક્સની જગ્યાએ સલાડ જેમ કે ગાજર, કાકડી, ચણા વગેરેનું સેવન કરો. ચણા ખાવાથી શરીરને પ્રોટીન મળે છે.

3. ભોજન કર્યા બાદ ૧૫ મિનિટ ટહેલવાની આદત રાખો

બપોરનું ભોજન હોય કે રાતનું પણ ખાધા બાદ ૧૫ મિનિટ જરૂર ચાલો. ઘર કે ઓફિસની આસપાસ કોઈ પાર્ક હોય તો ત્યાં જાઓ નહીં તો કોઈ પણ જગ્યાએ જઈને ચાલો. ભોજન કર્યા બાદ તરત સૂવાનું, કે બેસીને કામ કરતા રહેવાથી વજન વધે છે પેટ બહાર આવે છે. જો તમે વધુ કેલેરીવાળુ ભોજન કર્યું હોય તો ખાધા બાદ ટહેલવાથી તે બળશે અને લાભ થશે.

4. જંક ફૂડ ન ખાઓ :

જો તમે ખરેખર વજન ઉતારવા માંગતા જ હોવ તો તમારે જંકફૂડ અને બહારના ખાવાનાથી બચવું પડશે. કેટલાક લોકો સ્વાદના ચક્કરમાં બહારના ભોજનનું સેવન કર્યા કરે છે. આ સાથે જ ચોકલેટ, કેક, ટોફી અને આઈસ્ક્રિમનું સેવન પણ ન કરો.

આ પણ વાંચો :-

1...1,0871,0881,089...1,462Page 1,088 of 1,462