Home Blog Page 1276

21 ઓકટોબર 2022 રાશિફળ : રામદેવપીરની કૃપાથી આ રાશિના જાતકોને પારિવારિક જીવન રહેશે સુખી

News Editor
-
0

21 October 2022 Horoscope : Gujarat Guardian

મેષ રાશિ : કોઈ અજાણ્યા કારણથી મનમાં ભય પેદા થઈ શકે છે. વેપારમાં વધારો થશે. લાભની તકો મળશે. વિદ્યાર્થીઓને વાંચનમાં રસ વધશે. તમારા સ્વાસ્થ્યનું ધ્યાન રાખો. ખર્ચ વધી શકે છે.

વૃષભ રાશિ : વિદ્યાર્થીઓ માટે આજનો દિવસ સારો છે. તમને સ્પર્ધાત્મક પરીક્ષાઓમાં સફળતા મળશે. પરિવારમાં સુખ-શાંતિ રહેશે. કાર્યસ્થળમાં વધુ પડતા તણાવને કારણે મન પરેશાન થઈ શકે છે.

મિથુન રાશિ : આજે તમે તમારા કામ માટે પ્રશંસા મેળવશો. નોકરીની નવી તકો પ્રાપ્ત થશે. ઇન્ટરવ્યુ માટે બોલાવી શકાય છે. સાંજે, તમે તમારા પરિવાર સાથે ક્યાંક બહાર જઈ શકો છો.

કર્ક રાશિ : આજે તમારું મન કોઈ કારણથી પરેશાન રહેશે. ઓફિસમાં તમને વરિષ્ઠ અધિકારીઓનો સહયોગ મળશે. મિત્રો સાથે મુલાકાત થશે. તમારે મુસાફરી કરવી પડી શકે છે.

સિંહ રાશિ : આજે તમારે કાર્યક્ષેત્રમાં વધુ મહેનત કરવી પડી શકે છે. મન અશાંત રહેશે. તમે બાળક પ્રત્યેની તમારી જવાબદારીઓ સારી રીતે નિભાવશો. તમને પરિવારના સભ્યોનો સહયોગ મળશે.

કન્યા રાશિ : સંતાન તરફથી કોઈ સારા સમાચાર મળી શકે છે. આજનો દિવસ તમારા માટે થોડો માનસિક અશાંતિથી ભરેલો રહેશે. નવા કાર્ય આજથી શરુ ન કરવા. ખોટા સાહસ કરવાથી નુકસાન થશે.

તુલા રાશિ : આજે તમે આળસ અનુભવશો. નોકરીમાં ફેરફાર અથવા ટ્રાન્સફર થઈ શકે છે. તમે આત્મવિશ્વાસથી ભરપૂર રહેશો. ખર્ચ પર નિયંત્રણ રાખો. માતા પાસેથી પૈસા મળી શકે છે. તમારે દૂરના પ્રવાસ પર જવું પડી શકે છે.

વૃશ્ચિક રાશિ : આજે તમારા જૂના મિત્રોને મળી શકો છો. તમે પ્રવાસ પર પણ જઈ શકો છો. આવક વધવા માટે રાહ જોવી પડશે. તમારે વધુ મહેનત કરવી પડી શકે છે.

ધનુ રાશિ : આજે કોર્ટ-કચેરી સંબંધિત બાબતો અનુકૂળ રહેશે. લોકપ્રિયતા વધશે. ઓફિસમાં તમને વધારાની જવાબદારીઓ સોંપવામાં આવી શકે છે. નજીકના લોકો સાથે પ્રેમ વધશે.

મકર રાશિ : તમને માતા-પિતા તરફથી પ્રેમ મળશે. પરિવારમાં તમારું સન્માન થશે. તમે કપડાં ખરીદી શકો છો. મિલકતમાંથી નાણાંકીય લાભ મળવાની સંભાવના છે. જોશ અને ઉત્સાહથી કામ કરશો.

કુંભ રાશિ : આજે તમારા ગુસ્સા પર નિયંત્રણ રાખો. સ્વાસ્થ્યનું ધ્યાન રાખો સંતાનને લઈને તમે ચિંતિત રહી શકો છો. નોકરિયાત લોકોને ઓફિસમાં તેમના અધિકારીઓ સાથે કોઈ વાતને લઈને મતભેદ થઈ શકે છે. કામકાજમાં થોડો બદલાવ આવી શકે છે.

મીન રાશિ : મન શાંત રહેશે. ભૌતિક સુખોમાં વધારો થશે. આવક ઘટી શકે છે અને ખર્ચ વધી શકે છે. પરિવારમાં કોઈ ધાર્મિક કાર્યક્રમનું આયોજન થઈ શકે છે. મિત્રોને મળવાનું શક્ય છે.

આ પણ વાંચો :-

Share Market Tips : ત્રણ દિવસમાં રોકાણકારોનું રોકાણ બમણું થયું, શું તમારી પાસે છે આ શેર ?

News Editor
-
0

Share Market Tips: Investors’ investment

  • 17 ઓક્ટોબરનાં રોજ આ શેર બીએસઈ પર 51 ટકા પ્રીમિયમ સાથે લિસ્ટ થયો હતો. જે રોકાણકારોને શેરની ફાળવણી કરાઈ હતી, તેમને લિસ્ટિંગ સાથે જ શેર દીઠ 30 રૂપિયાનો ફાયદો થયો.

 

ત્રણ દિવસ પહેલા 17 ઓક્ટોબરના રોજ શેર બજારમાં (share market) લિસ્ટેડ થયેલા ઈલેક્ટ્રોનિક્સ માર્ટ (Electronics Mart) ઈન્ડિયાના રોકાણકારોને (Investors) દિવાળી સમયે ચાંદી થઈ ગઈ છે. ત્રણ જ દિવસમાં આ શેરમાં રોકાણકારોનું રોકાણ બમણું થઈ ગયું છે. 18 અને 19 ઓક્ટોબરે તો શેરમાં 10-10 ટકાની અપર સર્કિટ લાગી હતી.

17 ઓક્ટોબરે 83.70 રૂપિયા પર બંધ :

ઈલેક્ટ્રોનિક્સ માર્ટ ઈન્ડિયાના આઈપીઓનો પ્રાઈસ બેન્ડ 56-59 રૂપિયા પ્રતિ શેર નક્કી કરાયો હતો. 17 ઓક્ટોબરના રોજ શેર બીએસઈ પર 51 ટકા પ્રીમિયમ સાથે લિસ્ટ થયો. એટલે કે જે રોકાણકારોને શેર મળ્યા હતા. તેમને લિસ્ટિંગ સાથે જ શેર દીઠ 30 રૂપિયાનો ફાયદો થયો..એનએસઈ પર આ આઈપીઓ 53 ટકા પ્રીમિયમ સાથે લિસ્ટ થયો હતો. 17 ઓક્ટોબરનાં રોજ શેર 83.70 રૂપિયાની સપાટીએ બંધ રહ્યો હતો.

સતત બે દિવસ લાગી અપર સર્કિટ :

18 ઓક્ટોબરે આ શેર જબરદસ્ત તેજી સાથે 92.95 રૂપિયાની સપાટીએ ખૂલ્યો હતો. આ સાથે જ શેરમાં 10 ટકાની અપર સર્કિટ લાગી હતી. 19 ઓક્ટોબરે પણ ઈલેક્ટ્રોનિક્સ માર્ટ ઈન્ડિયાનો શેર 102.20 રૂપિયાના સ્તરે બંધ આવ્યો. બુધવારે પણ તેમાં 10 ટકાની અપર સર્કિટ લાગી હતી. એટલે કે ત્રણ દિવસમાં જ આ શેર 103.65 રૂપિયાના લેવલ સુધી પહોંચી ગયો.

4-7 ઓક્ટોબર સુધી ખૂલ્યો હતો આઈપીઓ :

આઈપીઓ માટેનાં એક લોટની કિંમત 14,986 રૂપિયા હતી. એક લોટમાં રોકાણકારને 254 શેર મળ્યા હતા. 14,986 રૂપિયાનો લોટ મેળવનાર શેરધારકનું રોકાણ બુધવારે બમણું થઈને 26,327 રૂપિયા થઈ ગયું. શેરની કિંમત 103.65 રૂપિયા હતી.

આ પણ વાંચો :-

ગજબ ઓફર ! 10 હજારની Calling Smartwatch માત્ર 2 હજારમાં, ચકાચક ડિઝાઇન અને ફીચર્સ જબરદસ્ત

News Editor
-
0

Great offer! 10k Calling Smartwatch

  • માર્કેટમાં એવી બે સ્માર્ટવોચ લોન્ચ થઈ છે, જે દમદાર ફીચર સાથે આવે છે. તેમાંથી એકની કિંમત તો 10 હજાર રૂપિયા છે, પરંતુ ઓફરમાં તમે માત્ર 2199માં ખરીદી શકો છો. આવો મસ્ટર્ડ રોક અને મસ્ટર્ડ ટેમ્પોની કિંમત અને ફીચર્સ જાણીએ…

Mustard Rock And Mustard Tempo Launch : પોપ્યુલર લાઇફસ્ટાઇલ બ્રાન્ડ મસટર્ડ (Mustard) એ બે નવા વિયરેબલ્સને લોન્ચ કર્યાં છે. જેનું નામ મસ્ટર્ડ રોક (Mustard Rock) અને મસ્ટર્ડ ટેમ્પો (Mustard Tempo) છે. બંને સ્માર્ટવોચ પ્રીમિયમ લુકમાં આવે છે અને એક્ટિવ લાઇફસ્ટાઇલ (Active lifestyle) માટે પરફેક્ટ છે. નવા વિયરેબલ્સમાં 120થી વધુ સ્પોર્ટ્સ મોડલ, એક સપ્તાહની બેટરી લાઇફ અને ક્રિસ્પ ડિસ્પ્લે (Crisp display) છે. આવો જાણીએ મસ્ટર્ડ રોક અને મસ્ટર્ડ ટેમ્પોની કિંમત અને ફીચર્સ…..

Mustard Rock And Mustard Tempo Price In India :

Mustard Rock અને Mustard Tempo 1 વર્ષની વોરંટી સાથે આવે છે અને બજારમાં ક્રમશઃ 2199 રૂપિયા અને 1399 રૂપિયાની ઇન્ટ્રોડક્ટરી ઓફર પર ઉપલબ્ધ છે. આમ તો મસ્ટર્ડ રોકની કિંમત 9999 રૂપિયા અને મસ્ટર્ડ ટેમ્પોની કિંમત 3999 રૂપિયા છે. પરંતુ ઓફરમાં હાલ વોચ સસ્તી મળી રહી છે. યૂઝર આ ડિવાઇસને કંપનીની વેબસાઇટ, Amazon.in, Flipkart.com અને અન્ય મુખ્ય ઓનલાઇન અને ઓફલાઇન સ્ટોરમાંથી ખરીદી શકે છે.

Mustard Tempo Specifications

Mustard Tempo એક પ્રીમિયમ લુક સ્માર્ટફોન છે, જે 1.69 ઇંચની સ્ક્વેયર ડિસ્પ્લે સાથે આવે છે. તે સ્મૂધ યૂઝર ઇન્ટરફેસ અને રોટેટિંગ ક્રાઉનની સાથે આવે છે. લાઇટવેટ એલોયથી બનેલી બોડી અને સ્કિનને અનુકૂળ કલરફુલ સિલિકોન સ્ટ્રેપ્સની સાથે ટેમ્પો તમારા દરેક આઉટફિટ સાથે સેટ થાય છે. 100થી વધુ કસ્ટમાઇઝેબલ ક્લાઉડ-બેસ્ડ મલ્ટી વોચ ફેસેની સાથે આ સ્માર્ટવોચ પ્રીમિયમ લુક આપે છે.

તેમાં કેટલાક હેલ્થ અને મોશન સેન્સર છે. જે તમારા સ્વાસ્થ્ય અને ફિટનેસનો ખ્યાલ રાખશે. સ્લીપ મોનિટર, ડ્રિંક મોનિટર, પેડોમીટર, સેકેન્ડરી રિમાઇન્ડર, મેન્સ્ટ્રુએશન ટ્રેકર, એસપીઓ2 ટ્રેકર, હાર્ટ રેટ મોનિટર જેવા સેન્સર પણ છે. આ સિવાય સ્માર્ટવોચ સ્ટેપ્સ, ડિસ્ટેન્સ અને બર્ન્ટ કેલેરીને કાઉન્ટ કરે છે. ઓનબોર્ડ ગાયરો સેન્સર્સ અને 120થી વધુ સ્પોર્ટ્સ મોડ તમને ફિટ રાખવામાં મદદ કરે છે. તમે તેમાં તમારી દરેક એક્ટિવિટીને ટ્રેક કરી શકો છો.

Mustard Rock Specifications :

Mustard Rock,Mustard Tempo થી પણ એડવાન્સ છે. બોલ્ડ, મજબૂત, લાઇટવેટ અને સ્લીક એલોય ડાયલ, 1.81 ઇંચની એચડી ડિસ્પ્લે, ક્રિસ્પ અને સ્મૂથ યૂઝર ઇન્ટરફેસનની સાથે વોચને રોટેટિંગ ક્રાઉનથી પણ કંટ્રોલ કરી શકાય છે. જે લોકો દિવસભર વ્યસ્ત રહે છે. તેના માટે આ ખુબ કામની છે.

કારણ કે બ્લૂટૂથ કોલિંગ ફીચરની સાથે તેના હાઈ-ડેફિનેશન માઈક અને સ્પીકરથી તમે આસાનીથી કોલને સાંભળી શકો છો. જો તમારે સ્માર્ટ આસિસ્ટેન્ટની જરૂર છે તો તેનું ઓનબોર્ડ એઆઈ વોઇસ આસિસ્ટન્સ તમારી મદદ માટે તૈયાર છે. તમે હવામાન અપડેટ્સને ચેક કરી શકો છો, ક્રિકેટ સ્કોર જાણી શકો છો. રિમાઇન્ડર સેટ કરી શકો છો અને ટ્રાફિક વિશે જાણકારી મેળવી શકો છો.

પાણીમાં ખરાબ થશે નહીં  :

મસ્ટર્ડ રોક અને મસ્ટર્ડ ટેમ્પો આઈપી68 એનક્લોઝરની સાથે પાણી, પરસેવો અને ધૂળથી સુરક્ષિત રહે છે, એટલે તમે દરેક સીઝનમાં તેનો ઉપયોગ કરી શકો છો. બંને સ્માર્ટવોચ 280mAh બેટરી, એસયૂબી મેગ્નિટિક ચાર્જિંગની સાથે આવે છે. તેની બેટરી સંપૂર્ણ રીતે ઉપયોગ કરવા પર 7 દિવસ સુધી તથા સ્ટેન્ડબાય મોડમાં 30 દિવસ સુધી ચાલે છે.

આ પણ વાંચો :-

ફ્રી અનાજ મેળવતા રાશન કાર્ડ ધારકો માટે મોટા સમાચાર, સરકારે દિવાળી પર આપી આ ભેટ

News Editor
-
0

Big news for the ration card holders who get

  • જો તમે રાશન કાર્ડ ધારકો છો અને સરકારની મફત રાશન યોજનાનો લાભ લઈ રહ્યા છો, તો આ સમાચાર તમારા કામના છે. યુપીની યોગી સરકાર વતી રેશનકાર્ડ ધારકોને દિવાળીની ભેટ આપવામાં આવી છે.

દિવાળીના (Diwali) અવસર પર મીઠાઈ બનાવવા માટે સરકાર રાશન કાર્ડ ધારકોને (Government ration card holders) રાહત દરે ખાંડ આપવા જઈ રહી છે. તમને જણાવી દઈએ કે યુપીમાં 20 ઓક્ટોબરથી ફ્રી રાશન વિતરણ શરૂ કરવામાં આવશે. આ વખતે પણ લાભાર્થીઓને (Beneficiaries) ઘઉંને બદલે ચોખા આપવામાં આવશે.

20થી 31 ઓક્ટોબર સુધી ચાલશે રાશન વિતરણ :

ખરેખર ઉત્તર પ્રદેશમાં વિધાનસભા ચૂંટણી બાદ રાશન વિતરણનો સમય બગડી ગયો છે. ઓકટોબરના મહિનામાં સરકાર દ્વારા ઓગસ્ટનું રાશન વિતરણ કરવામાં આવશે. રાજ્ય સરકારે 20 ઓકટોબરથી 31મી ઓકટોબર સુધી ઓગસ્ટના રાશન વિતરણની કામગીરી પૂર્ણ કરવાના આદેશ આપ્યા છે. ઓક્ટોબરમાં કાર્ડ ધારકોને રાહત દરે ખાંડનું પણ વિતરણ કરવામાં આવશે.

ઉત્તર પ્રદેશમાં કુલ 3.6 કરોડ રાશન કાર્ડ ધારક :

રાશનના વિતરણ દરમિયાન એક યુનિટ પર 5 કિલો ચોખા વિનામૂલ્યે આપવાની જોગવાઈ છે. આ વખતે સરકાર તરફથી અંત્યોદય કાર્ડ ધારકોને ત્રણ કિલો ખાંડ પણ આપવામાં આવશે. ખાંડ 18 રૂપિયા પ્રતિ કિલો દરેથી મળશે. ઉત્તર પ્રદેશમાં અંત્યોદય કાર્ડ ધારકોની સંખ્યા લગભગ 41 લાખ છે. આ સિવાય પાત્રતા ધરાવતા રેશનકાર્ડ ધારકોની સંખ્યા 3.18 કરોડ છે.

ઉત્તર પ્રદેશ સરકાર દ્વારા જારી કરવામાં આવેલા નિવેદનમાં કહેવામાં આવ્યું છે કે રાજ્યના તમામ રાશન દુકાનદારો વતી 20 ઓક્ટોબરથી રાશનનું વિતરણ શરૂ કરવામાં આવશે. વિતરણની આ પ્રક્રિયા 31 ઓક્ટોબર સુધી ચાલુ રહેશે.

આ વિતરણમાં લાભાર્થીઓને ઘઉંને બદલે ચોખા આપવામાં આવશે. રાશનની દુકાનો પર 19 ઓક્ટોબર સુધીમાં ચોખા અને ખાંડ બંને ઉપલબ્ધ કરાવવામાં આવશે.

આ પણ વાંચો :-

ગુજરાત વિધાનસભાની ચૂંટણી માટે AAP ની છઠ્ઠી યાદી જાહેર, ઘાટલોડિયામાં CM ભૂપેન્દ્ર પટેલ સામે લડશે આ ઉમેદવાર

News Editor
-
0

Sixth list of AAP announced for Gujarat

  • આમ આદમી પાર્ટી દ્વારા ગુજરાત વિધાનસભાની ચૂંટણીને પગલે પોતાના ઉમેદવારની છઠ્ઠી યાદી જાહેર કરવામાં આવી છે. આ ઉપરાંત પણ આમ આદમી પાર્ટી દ્વારા નજીકના સમયમાં અન્ય ઉમેદવારોની યાદી પણ જાહેર થવાની સંભાવના છે. ગુજરાત વિધાનસભાને લઈ AAPએ રફ્તાર તેજ કરી દીધી છે.

ગુજરાત વિધાનસભાની (Gujarat Assembly) આગામી ચૂંટણીને લઈને રાજકીય ગરમાવો આવી ગયો છે. પારંપરિક ભાજપ અને કોંગ્રેસ (BJP and Congress) બે પક્ષો અહીં વર્ષોથી સામસામે ચૂંટણી લડતા આવ્યાં છે. જો કે આ વખતે આમ આદમી પાર્ટીએ (Aam Aadmi Party) પણ આ ચૂંટણીમાં ઝુકાવ્યું છે. તેથી આ વખતે ગુજરાતમાં ત્રિપાંખિયો જંગ ખેલાવાનો છે.

ત્યારે આપ દ્વારા ગુજરાતમાં વિવિધ બેઠકો પર પોતાના ઉમેદવારો જાહેર કરવાની શરૂઆત થઈ ગઈ છે. આજે પણ આમ આદમી પાર્ટી દ્વારા પોતાના ઉમેદવારોની યાદી જાહેર કરવામાં આવી છે. ઘાટલોડિયામાં CM ભૂપેન્દ્ર પટેલ સામે આમ આદમી પાર્ટીએ વિજય પટેલની ટિકિટ આપવામાં આવી છે.

આમ આદમી પાર્ટી દ્વારા ગુજરાત વિધાનસભાની ચૂંટણીને પગલે પોતાના ઉમેદવારની છઠ્ઠી યાદી જાહેર કરવામાં આવી છે. આ ઉપરાંત પણ આમ આદમી પાર્ટી દ્વારા નજીકના સમયમાં અન્ય ઉમેદવારોની યાદી પણ જાહેર થવાની સંભાવના છે. ગુજરાત વિધાનસભાને લઈ AAPએ રફ્તાર તેજ કરી દીધી છે.

સુરત ઉત્તરથી મહેન્દ્ર નાવડીયાને મેદાનમાં ઉતારવાની આપે તૈયારી કરી લીધી છે. બીજી બાજુ જીજ્ઞેશ મેવાણી જ્યાંથી અપક્ષ ચૂંટણી લડીને જીતીને ધારાસભ્ય બન્યા છે તેવી વડગામ બેઠક પર પણ આપ દ્વારા પોતાનો ઉમેદવાર ઉભો રાખવામાં આવશે.

વડગામ બેઠક પર દલપત ભાટીયાને મેદાન-એ-જંગમાં ઉતારવામાં આવ્યાં છે. જ્યારે બીજી તરફ સુરત ઉત્તરમાં આપ દ્વારા સ્થાનિક આગેવાન મહેન્દ્ર નાવડીયાને ચૂંટણી જંગમાં ઉતારવાનો નિર્ણય લેવાયો છે. આમ આદમી પાર્ટી ઉમેદવાર નું ૬ લીસ્ટ જાહેર થશે.

આ પણ વાંચો :-

ભારત-પાક. મેચ રદ્દ થાય તો કઈ ટીમને થશે ફાયદો ? જાણો શું છે ICCના નિયમ

News Editor
-
0

Indo-Pak. If the match is cancelled

  • ભારત અને પાકિસ્તાનની વચ્ચે મેલબર્નમાં રમવામાં આવશે વર્લ્ડ કપના સુપર 12 સ્ટેજમાં ગ્રુપ મુકાબલો.

ટી-20 વર્લ્ડ કપની (T-20 World Cup) શરૂઆત થઇ ગઇ છે અને આ સમયે આઠ ટીમોની વચ્ચે પ્રથમ રાઉન્ડની મેચ રમાઈ રહી છે. અહીંથી ટોપ ચાર ટીમો બીજો રાઉન્ડ એટલે કે સુપર 12 સ્ટેજમાં પહોંચશે. જ્યાંથી વર્લ્ડ કપની અસલી લડાઈ શરૂ થશે.

ઓસ્ટ્રેલિયામાં (Australia) આયોજીત થતા વર્લ્ડ કપમાં આમ તો કુલ 16 ટીમો ભાગ લઇ રહી છે અને ખિતાબ માટે જોર લગાવી રહી છે. પરંતુ ક્રિકેટ પ્રેમીઓને (Cricket Lover) સૌથી વધુ રાહ ભારત અને પાકિસ્તાન (India and Pakistan) મેચની છે. બે ટીમો વર્લ્ડ કપમાં આશરે એક વર્ષ બાદ ફરીથી આમને-સામને હશે.

તો ભારત અને પાકિસ્તાનની મેચ થશે રદ્દ ? 

બંને ટીમો સુપર 12 સ્ટેજમાં ગ્રુપ બીનો ભાગ છે અને 23 ઓક્ટોબરે મેલબર્નના ઐતિહાસિક ક્રિકેટ ગ્રાઉન્ડમાં પોતાના વર્લ્ડ કપ અભિયાનની શરૂઆત કરશે. જો કે તેની પહેલા મેલબર્નના હવામાન વિભાગની આગાહીએ ક્રિકેટપ્રેમીઓની ચિંતા વધારી દીધી છે.

વિભાગ મુજબ મેલબર્નમાં 23 ઓક્ટોબરે 70-80 ટકા સુધી વરસાદની શક્યતા છે અને વરસાદ રોકાવાની આશા પણ ઓછી છે. એવામાં ભારત અને પાકિસ્તાનની આ મેચ રદ્દ થવાનું  જોખમ ટોળાઈ રહ્યું  છે.

વર્લ્ડ કપ માટે આઈસીસીની પોઈન્ટ સિસ્ટમ :

આઈસીસીએ વર્લ્ડ કપ પહેલા પ્રથમ રાઉન્ડ અને સુપર 12 ગ્રુપ સ્ટેજ માટે પોઈન્ટને ત્રણ ભાગમાં વહેંચ્યા છે. અહીં જીતનારી ટીમને બે પોઈન્ટ મળશે. જ્યારે હારનારી ટીમને કોઈ પોઈન્ટ નહીં મળે. તો મેચ રદ્દ થવી અથવા ટાઈ થવાની સ્થિતિમાં બંને ટીમોની વચ્ચે 1-1 પોઈન્ટની વહેંચણી થશે.

શું ભારત-પાકિસ્તાન મેચ માટે છે રિઝર્વ ડે? 

આઈસીસીએ વર્લ્ડ કપમાં સેમી ફાઈનલ અને ફાઈનલને છોડીને ગ્રુપ સ્ટેજની મેચ માટે કોઈ પણ રિઝર્વ ડે રાખ્યો નથી. એટલેકે મેચ રદ્દ થવાની સ્થિતિમાં અહીં બંને ટીમોને 1-1 પોઈન્ટ મળશે. જો કે આઈસીસીના નિયમ મુજબ કોઈ પણ મેચના પરિણામ માટે ઓછામાં ઓછી 5-5 ઓવરની મેચ હોવી જોઈએ. જેનો અર્થ છે કે જો વરસાદ રોકાય છે અને બધુ સારું રહે છે તો મેચના અધિકારી 5-5 ઓવરની મેચ કરાવી શકે છે.

આ પણ વાંચો :-

આ ધનતેરસે દુકાનમાંથી નહીં, આ જગ્યાએથી ખરીદો સોનું, સારું ડિસ્કાઉન્ટ અને વ્યાજ પણ મળશે

News Editor
-
0

This Dhanteras buy gold from this place and not

  • દિવાળી નજીક છે ત્યારે ધનતેરસ પર લોકો મન મૂકીને સોનાની ખરીદી કરતા હોય છે. આ વખતે ધનતેરસ પર તમે દુકાનમાંથી નહીં પરંતુ આ રીતે સોનાની ખરીદી કરશો તો તમને ડિસ્કાઉન્ટ તો મળશે જ સાથે સાથે વ્યાજ પણ મળશે. ખાસ જાણો કેવી રીતે….

દિવાળી (Diwali) નજીક છે. ધનતેરસને હવે ગણતરીના દિવસો છે. ધનતેરસે (Dhanteras) દેશભરમાંથી લોકો સોનાની મન મૂકીને ખરીદી કરે છે. જો તમે પણ આ ધનતેરસ અને દિવાળી પર સોનું ખરીદવાનું વિચારી રહ્યા હોવ તો તમે ફિઝિકલ  ગોલ્ડની જગ્યાએ ડિજિટલ ગોલ્ડની ખરીદી પણ કરી શકો છો. ડિજિટલ ગોલ્ડમાં (digital gold) તમને ફિઝિકલ ગોલ્ડની (Physical Gold) સરખામણીએ વધુ ફાયદા થાય છે.

ક્યાંથી ખરીદી શકો છો ડિજિટલ સોનું :

તમે ધનતેરસ પર ફોન પે, પીટીએમ, અને ગૂગલ પે જેવી એપ દ્વારા ડિજિટલ ગોલ્ડની ખરીદી કરી શકો છો. સૌથી ખાસ વાત એ છે કે ધનતેરસ અને ફેસ્ટિવલ્સના અવસરે અનેક સારા પ્લેટફોર્મ શાનદાર ડિસ્કાઉન્ટ ઓફર પણ આપે છે.

એટલે કે તમે એ પ્લેટફોર્મ્સ પર દુકાનથી સસ્તું સોનું ખરીદી શકશો. આ સાથે જ અનેકવાર આ પ્લેટફોર્મ પર કેશબેક જેવી ઓફર પણ ઉપલબ્ધ હોય છે. આ ઉપરાંત તમે સરકારની ગોલ્ડ બોન્ડ યોજના દ્વારા પણ ડિજિટલ સોનું ખરીદી શકો છો.

ડિજિટલ ગોલ્ડ પર વ્યાજ અને ડિસ્કાઉન્ટ :

જો તમે ડિજિટલ ગોલ્ડ કે ગોલ્ડ બોન્ડમાં રોકાણ કરશો તો તેના પર તમને ડિસ્કાઉન્ટ અને વ્યાજ બંનેનો ફાયદો થાય છે. ડિજિટલ સોનાની સૌથી ખાસ વાત એ છે કે તેના પર તમને પ્રતિ 10 ગ્રામ 500 રૂપિયા વધુ ડિસ્કાઉન્ટ મળે છે.

ગોલ્ડ બોન્ડ દ્વારા જો તમે સોનું ખરીદશો અને ઓનલાઈન પેમેન્ટ કરશો તો તમને પ્રતિ ગ્રામ 50 રૂપિયાનું ડિસ્કાઉન્ટ મળે છે. તે પ્રમાણે પ્રતિ 10 ગ્રામ 500 રૂપિયાનું ડિસ્કાઉન્ટ મેળવી શકાય છે. આ સાથે જ તમને ગોલ્ડ બોન્ડ યોજનામાં વાર્ષિક 2.5 ટકાનું વ્યાજ મળે છે.

1 ગ્રામ સોનું ખરીદવાની પણ સુવિધા :

ડિજિટલ ગોલ્ડ કે ગોલ્ડ બોન્ડ યોજનામાં તમે ઓછામાં ઓછું એક ગ્રામ સોનું પણ ખરીદી શકો છો. આ સાથે જ વ્યક્તિ દીઠ તેના દ્વારા આપણને વધુમાં વધુ 4 કિલોગ્રામ સુધી સોનું ખરીદવાનો પણ વિકલ્પ મળે છે. ગોલ્ડ બોન્ડ સ્કીમમાં ગ્રાહકોને બજારથી સસ્તા ભાવે સોનું ખરીદવાની તક મળે છે.

સ્ટોરેજ અને ક્વોલિટી :

સોનું ખરીદ્યા બાદ આપણી સામે જે સૌથી મોટી સમસ્યા આવે છે તે છે તેને રાખવાની. અનેકવાર લોકો પોતાના ઘરેણા કે સોનાને બેંકના લોકરોમાં મૂકે છે અને આ માટે તેમણે ચાર્જ પણ આપવો પડે છે. પરંતુ ડિજિટલ ગોલ્ડમાં તમારી આ સમસ્યા પણ ઉકેલાઈ જાય છે.

ડિજિટલ ગોલ્ડમાં આપણે સ્ટોરેજની ચિંતા કરવાની હોતી નથી. આ ઉપરાંત તેમાં આપણે સોનાની ક્વોલિટી અંગે પણ ચિંતા કરવાની જરૂરી રહેતી નથી. ડિજિટલ ગોલ્ડમાં જે સોનું ખરીદવામાં આવે છે તે 24 કેરેટ સોનાની શુદ્ધતા સાથે લિંક કરવામાં આવે છે.

અમદાવાદમાં RTOનો અણઘડ વહીવટ : કોન્ટ્રાક્ટના ચક્કરમાં લાખો લાયસન્સ અટવાયા ! 

News Editor
-
0

Clumsy administration of RTO in Ahmedabad

  • અમદાવાદ RTOની ભૂલના કારણે 1.5 લાખ લોકોના લાયસન્સ અટવાયા છે. જૂની કંપનીએ વાહનચાલકોના નવા, જૂના, નામ-સરનામા સુધારા સહિતના જૂનથી ઓગસ્ટ સુધીના લાયસન્સ ડિસ્પેચ કર્યા નથી. જેના કારણે વાહનચાલકો મુશ્કેલીમાં મૂકાયા છે.

અમદાવાદ (Ahmedabad) RTOની ભૂલના કારણે 1.5 લાખ લોકોના લાયસન્સ અટવાયા છે. જૂની કંપનીએ જૂનથી ઓગસ્ટ સુધીના લાયસન્સ ડિસ્પેચ (License Dispatch) ન કરતા વાહન ચાલકો મુશ્કેલીમાં મૂકાયા છે. જૂની કંપનીએ જૂનથી ઓગસ્ટ સુધીના લાયસન્સ ડિસ્પેચ ન કરવાની સાથે જૂના લાયસન્સના (Old license) ડેટાની પણ સ્પષ્ટતા કરી નથી.

મહત્વનું છે કે વાહન વ્યવહાર વિભાગે ડ્રાઈવિંગ લાયસન્સ માટે નવી કંપનીને કોન્ટ્રાક્ટ આપ્યો છે. એવામાં બે કંપનીના વિવાદ વચ્ચે 1.5 લાખ લોકોના લાયસન્સ અટવાયા છે.

જૂનથી સપ્ટેમ્બર સુધીના બનાવાયા નથી લાયસન્સ :

વાહનચાલકોના નવા, જૂના, નામ-સરનામા સુધારા સહિતના લાયસન્સ ડિસ્પેચ થયા નથી. જૂનથી સપ્ટેમ્બર સુધીના લાયસન્સ બનાવવામાં આવ્યા નથી. જેથી વાહન વ્યવહાર વિભાગ દ્વારા લાયસન્સ બનાવવા માટે નવી કંપનીને કોન્ટ્રાક્ટ અપાયો છે.

નવી કંપનીએ સપ્ટેમ્બર મહિના પછીના લાયસન્સ બનાવવાની કામગીરી શરૂ કરી છે. એવામાં સવાલ એ ઉભો થાય છે કે જૂનથી સપ્ટેમ્બરના લાયસન્સ ક્યારે બનશે? જૂની કંપનીએ જૂનથી ઓગસ્ટ સુધીના લાયસન્સ નથી કર્યાં ડિસ્પેચ, લાયસન્સ ડિસ્પેચ ન કરવા સાથે જૂના લાયસન્સના ડેટાની પણ સ્પષ્ટતા કરી નથી.

RTOના ધક્કા નહીં ખાવા પડે :

અત્રે ઉલ્લેખનીય છે કે ડ્રાઈવિંગ લાયસન્સ, વાહન રજીસ્ટ્રેશન અને માલિકી ટ્રાન્સફર જેવી સુવિધાઓ માટે કેન્દ્ર સરકારે રાહત આપી છે. એવું કહેવાય છે કે, 58 એવી સુવિધાઓ સાથે જોડાયેલા કામો માટે હવે તમારે RTOના ધક્કા ખાવા પડશે નહીં.

કેન્દ્રીય સડક પરિવહન અને રાજમાર્ગ મંત્રાલયે તેના માટે લીલી ઝંડી આપી દીધી છે. મંત્રાલયે સ્વૈચ્છિક રીતે આધાર વેરિફિકેશન દ્વારા 58 સેવાઓને સંપૂર્ણપણે ઓનલાઈન કરી દીધી છે. મંત્રાલયે શનિવારે તેના માટે નોટિફિકેશન પણ જાહેર કરી દીધું છે.

નોટિફિકેશન અનુસાર આ સેવાઓ સંપર્ક રહિત અને ફેસલેસ રીતે આપવામાં આવશે. તેનાથી લોકોનો સમય બચશે અને તેનો બોઝ ઓછો થશે. સાથે જ આરટીઓની ઓફિસોમાં ભીડ ઓછી થશે. તેનાથી સરકારી કામમાં સુધારો પણ આવશે.

આ સેવાઓનો લાભ મળશે :

ઓનલાઈન મળતી સેવાઓમાં લર્નિગ લાયસન્સ માટે અરજી, લર્નિંગ લાયસન્સમાં સરનામું, નામ, ફોટો, ફોટો બદલવો, ડુપ્લીકેટ લર્નિંગ લાયસન્સ, લર્નિંગ લાયસન્સ કાઢવાની જોગવાઈઓ વગેરે સામેલ. આ ઉપરાંત આંતરરાષ્ટ્રીય ડ્રાઈવિંગ લાયસન્સ પરમિટ આપવા, કંડક્ટર લાયસન્સમાં સરનામા બદલવા જેવા કામો માટે પણ હવે આરટીઓ ઓફિસે જવાની જરુર નહીં પડે.

નોકરીને લઈને ગુડ ન્યૂઝ : દેશભરના હજારો યુવાનોને ખાસ દિવાળી ગિફ્ટ આપશે PM મોદી 

News Editor
-
0

Good news about jobs: PM Modi will give

  • મીડિયા રિપોર્ટ્સ અનુસાર PM 22 ઓક્ટોબરે એટલે કે દિવાળીના બે દિવસ પહેલા વીડિયો કોન્ફરન્સિંગ દ્વારા યુવાનો સાથે વાતચીત કરશે.

દિવાળીનો (Diwali) તહેવાર રોજગારની શોધમાં હોય તેવા યુવાનો માટે ખુશીઓ લઈને આવશે. કારણ કે આ વખતે દિવાળી રોજગારલક્ષી બનવાની છે. એવા અહેવાલ છે કે વડાપ્રધાન નરેન્દ્ર મોદી (Prime Minister Narendra Modi) દેશભરમાં હજારો નોકરીઓની (Job) જાહેરાત કરશે. ખાસ વાત એ છે કે તેમણે જૂનમાં જ કહ્યું હતું કે આવતા વર્ષે ડિસેમ્બરના અંત સુધીમાં 10 લાખ નોકરીઓનું સર્જન થશે.

મીડિયા રિપોર્ટ્સ અનુસાર PM 22 ઓક્ટોબરે એટલે કે દિવાળીના બે દિવસ પહેલા વીડિયો કોન્ફરન્સિંગ દ્વારા યુવાનો સાથે વાતચીત કરશે. આ દરમિયાન તેઓ 75 હજાર યુવાનોને રોજગારની ‘ગિફ્ટ‘ પણ આપશે. વિવિધ મંત્રાલયો અને સરકારી વિભાગોમાં 75 હજાર યુવાનોને નિમણૂક પત્ર આપવામાં આવશે.

નોકરી ક્યાં મળશે ?

આ દરમિયાન સંરક્ષણ મંત્રાલય, રેલ્વે મંત્રાલય, પોસ્ટ વિભાગ, ગૃહ મંત્રાલય, શ્રમ અને રોજગાર મંત્રાલય, CISF, CBI, કસ્ટમ, બેંકિંગ સહિત અન્ય ઘણા ક્ષેત્રોમાં યુવાનોને નોકરીની જાહેરાત કરવામાં આવશે. આ કાર્યક્રમમાં દેશના અનેક કેન્દ્રીય મંત્રીઓ પણ ભાગ લેશે.

સૂત્રોએ જણાવ્યું હતું કે, આ કાર્યક્રમમાં ઓડિશાથી શિક્ષણ પ્રધાન ધર્મેન્દ્ર પ્રધાન, ગુજરાતથી આરોગ્ય પ્રધાન મનસુખ માંડવિયા, ચંદીગઢથી માહિતી અને પ્રસારણ પ્રધાન અનુરાગ ઠાકુર, મહારાષ્ટ્રથી પીયૂષ ગોયલ, રાજસ્થાનથી રેલવે પ્રધાન અશ્વિની વૈષ્ણવ, તમિલનાડુથી નાણા પ્રધાન નિર્મલા સીતારમણ, ઉત્તરપ્રદેશથી ભારે ઉદ્યોગ પ્રધાન મહેન્દ્ર પાંડે, ઝારખંડમાંથી આદિજાતિ બાબતોના પ્રધાન અર્જુન મુંડા અને બિહારમાંથી પંચાયતી રાજ પ્રધાન ગિરિરાજ સિંહ સામેલ થશે.

આ પણ વાંચો :-

Rupee VS Dollar / રૂપિયામાં રેકોર્ડ બ્રેક ઘસારો ! અમેરિકન ડોલરની સામે 83.08 નું લેવલ પણ વટાવ્યું 

News Editor
-
0

Rupee VS Dollar / Record break depreciation

  • બ્લૂમબર્ગે જણાવ્યું હતું કે, ડોલર સામે 83.0925 પર ખુલ્યા બાદ રૂપિયો હવે 83.1212ના નીચલા સ્તરના નવા રેકોર્ડને સ્પર્શી રહ્યો છે.

ભારતીય રૂપિયો ડોલર (Indian Rupee Dollar) સામે ફરી નીચલી સપાટીએ પહોંચ્યો છે. અમેરિકી ડોલર સામે રૂપિયો 83.08 પર પહોંચી ગયો છે. આ અત્યાર સુધીનું સૌથી નીચું સ્તર છે. બ્લૂમબર્ગે (Bloomberg) જણાવ્યું હતું કે ડોલર સામે 83.0925 પર ખુલ્યા બાદ રૂપિયો હવે 83.1212ના નીચલા સ્તરના નવા રેકોર્ડને સ્પર્શી રહ્યો છે. બુધવારે પણ ડોલર સામે રૂપિયો 82 રૂપિયા 95 પૈસાના નવા રેકોર્ડ નીચલા સ્તરે પહોંચી ગયો હતો.

મહત્વનું છે કે અગાઉ 16 ઓક્ટોબરે કેન્દ્રીય નાણાપ્રધાન નિર્મલા સીતારમણે કહ્યું હતું કે રૂપિયાએ ઉભરતા બજારના અન્ય ચલણોને પાછળ રાખી દીધા છે. મંત્રીની ટિપ્પણી રૂપિયો 82.69ની સર્વકાલીન નીચી સપાટીએ ગબડ્યાના કેટલાક દિવસો બાદ આવી છે. ભારતીય ચલણના ઘટાડા અંગે વાત કરતાં સીતારમણે કહ્યું હતું કે ડોલર મજબૂત થવાને કારણે આવું થયું છે. તેમણે કહ્યું કે રૂપિયાનું અવમૂલ્યન નથી થઈ રહ્યું.

શું કહ્યું હતું નિર્મલા સિતારમણે ? 

કેન્દ્રીય નાણાપ્રધાન નિર્મલા સીતારમણે કહ્યું હતું કે, હું તેને રૂપિયામાં ઘટાડાના રૂપમાં નહીં. પરંતુ ડોલરના સતત મજબૂતી તરીકે જોઉં છું. સીતારમણે જણાવ્યું હતું કે રિઝર્વ બેન્ક ઓફ ઈન્ડિયા (RBI) એ સુનિશ્ચિત કરવા પર ધ્યાન કેન્દ્રિત કરી રહી છે કે ત્યાં વધુ પડતી અસ્થિરતા ન હોય અને ભારતીય ચલણના મૂલ્યને પુનઃપ્રાપ્ત કરવા માટે કોઈ બજાર હસ્તક્ષેપ ન થાય.

ઈન્ટરનેશનલ મોનેટરી ફાઈનાન્સ કમિટી (IMFC)ને સંબોધતા સીતારમણે કહ્યું હતું કે ભારતનું વિદેશી મુદ્રા ભંડાર 23 સપ્ટેમ્બર 2022 સુધીમાં $537.5 બિલિયન હતું. જે અન્ય સમકક્ષ અર્થતંત્રો કરતાં વધુ સારું છે. યુએસ ડોલરની મજબૂતીને કારણે મૂલ્યાંકનમાં ફેરફાર આ શેરમાં બે તૃતીયાંશ ઘટાડા માટે ફાળો આપે છે.

આ પણ વાંચો :-

1...1,2751,2761,277...1,441Page 1,276 of 1,441