Ranveer Singh, who left with a car worth
- રણવીરનો પોતાની પસંદગીની લક્ઝરી કાર ચલાવતો એક વીડિયો વાયરલ થઈ રહ્યો છે. કારણ કે સોશિયલ મીડિયા યુઝરે અભિનેતા પર લાઈસન્સ એક્સપાયર્ડ થયા બાદ ડ્રાયવિંગનો આરોપ લગાવ્યો છે.
રણવીર સિંહ (Ranveer Singh) હાલમાં મુંબઈ એરપોર્ટ પર એક ચમકતી બ્લૂ રંગની આલીશાન એસ્ટન માર્ટિનને (Aston Martin) ચલાવતો જોવા મળ્યો હતો. પરંતુ સોશિયલ મીડિયા (Social media) પર એક્સપાયર્ડ રજીસ્ટ્રેશનનો ઉપયોગ કરવાનો આરોપ લગાવવામાં આવ્યો હતો.
રણવીરનો લક્ઝરી કાર ચલાવતા એક વીડિયો વાયરલ થઈ ગયો કારણ કે એક સોશિયલ મીડિયા યુઝરે અભિનેતા પર ડ્રાઈવિંગનો આરોપ લગાવ્યો જ્યારે તેમનું લાયસન્સ સમાપ્ત થઈ ગયું હતું. યુઝરે પોતાના ટ્વીટમાં મુંબઈ પોલીસનો પણ ઉલ્લેખ કર્યો અને તેમને ટેગ પણ કર્યા.
લાઇસન્સ પ્લેટ પર તારીખ :
યુઝરે લખ્યું, “મુંબઈ પોલીસ, કૃપા કરીને રણવીર સિંહ સામે કડક કાર્યવાહી કરો. ગઈ કાલે તેણે જે કાર ચલાવી હતી તેનો વીમો પુરો થઈ ગયો હતો.” સોશિયલ મીડિયા પર વાયરલ થઈ રહેલી તસવીર અનુસાર રણવીરની લાયસન્સ પ્લેટ પર તારીખ 28 જૂન, 2020 છે. મુંબઈ પોલીસે યુઝરને જવાબ આપ્યો કે તેણે મુંબઈ ટ્રાફિક પોલીસને જાણ કરી છે. જો કે, અભિનેતાએ કોઈ ટિપ્પણી કરી નથી.
મુંબઈ પોલીસે કર્યું આ ટ્વીટ :
આ ટ્વીટના જવાબમાં મુંબઈ પોલીસે પણ જવાબ આપ્યો અને લખ્યું- ‘અમે આ અંગે ટ્રાફિક બ્રાન્ચને જાણ કરી દીધી છે.’ વેલ, હવે આ ટ્વીટ પછી લોકો રણવીર સિંહને સોશિયલ મીડિયા પર જોરદાર ટ્રોલ કરી રહ્યા છે. એક યુઝરે ગુસ્સો કાઢ્યો અને લખ્યું- ‘આટલી બધી સુવિધાઓ માત્ર VVIP લોકોને જ કેમ આપવામાં આવે છે?’
રણવીર સિંહની આગામી ફિલ્મો :
આ સિવાય જો રણવીર સિંહના વર્ક ફ્રન્ટની વાત કરીએ તો તે જલ્દી જ રોહિત શેટ્ટીની ફિલ્મ ‘સર્કસ’માં જોવા મળશે. આ ફિલ્મમાં તેની સાથે જેકલીન ફર્નાન્ડીઝ અને પૂજા હેગડે પણ મહત્વના રોલમાં છે.
આ સિવાય રણવીર આવતા વર્ષે કરણ જોહરની ‘રોકી ઔર રાની કી પ્રેમ કહાની‘માં આલિયા ભટ્ટ સાથે જોવા મળશે. આ ફિલ્મમાં ધર્મેન્દ્ર, શબાના આઝમી અને જયા બચ્ચન પણ મહત્વના રોલમાં જોવા મળશે.
આ પણ વાંચો :-
