One more daughter’s life ended in front of a crazy lover
- પિતાએ રડતાં રડતાં કહ્યું-‘મારી રવિનાને ગાળો આપી આખી રાત સૂવા ના દેતો, દીકરીને ફોસલાવી એ લુખ્ખો બ્લેકમેઈલ કરતો’.
ગુજરાતમાં હવે પાગલ પ્રેમીઓ (Crazy Lover) દ્વારા દીકરીઓને બ્લેકમેઈલિંગ (Blackmailing), હેરાન કરવાના કિસ્સાઓમાં સતત વધારો થવા લાગ્યો છે. આપને સૌ જાણીએ છીએ કે, ત્યારે તાજેતરમાં જ ભાવનગર (Bhavnagar) જિલ્લામાં યુવતીને હેરાન કરવાના એક મહિનામાં બે કિસ્સા સામે આવતા ચકચાર મચી જવા પામી છે.
મહત્વનું છે કે, ભાવનગર જિલ્લાના સિહોર પંથકમાં બનાવ બન્યો છે. ગયા ડિસેમ્બરમાં મોટાસુરકા ગામે લુખ્ખાં તત્ત્વોના ત્રાસથી કંટાળીને સગીર દીકરી હિમાંશી જસાણીએ ઝેરી દવા પીને પાણીના ટાંકામાં કૂદી ગઈ હતી. આ બનાવના સમગ્ર ગુજરાતમાં પડઘા પડ્યા હતા. ઉલ્લેખનીય છે કે પાટીદાર આગેવાનોએ આ કેસમાં છેક મુખ્યમંત્રી સુધી રજૂઆતો કરી હતી. જેના પગલે ઉચ્ચ પોલીસ અધિકારીઓ દોડતા થઈ ગયા હતા અને ત્રણ યુવકની ધરપકડ કરવામાં આવી હતી.
ત્યારે હવે સિંહોરની ઘટનાના એક મહિના બાદ ગારિયાધારના ઠસા ગામમાં રવિના નામની 27 વર્ષની યુવતીએ સચિન વોરા નામના યુવકના ત્રાસથી કંટાળીને ગળાફાંસો ખાય આપઘાત કરી લેતા ચકચાર મચી જવા પામી છે. ત્યાર બાદ પરિવારજનો દ્વારા આક્ષેપ કરવામાં આવ્યો હતો કે ઘરની અગાશીએ ઝેરની બોટલ ઘા કરી મરવા મજબૂર કરી હતી.
પાગલ પ્રેમી સચિન વોરાના ત્રાસથી દીકરી ગુમાવનારા રવિનાના પિતા રામજીભાઈ કાનાણીના શબ્દો તમને રડાવી દેશે :
‘સચિન વોરા નામનો યુવક છેલ્લા બે મહિનાથી મારી દીકરી રવિનાને આખી આખી રાત સૂવા ના દેતો, ફોનથી એટલી પરેશાન કરતો અને ગાળો લખી ધમકી દેતો- હું આવો છું અને તેવો છું. હું આમ કરી નાખીશ, એમ કરી નાખીશ. દીકરીએ મેસેજ બતાવ્યા કે જો આવું આવું લખે છે, ગાળો લખે છે. નાલાયકોની વાતો કરવામાં પણ આપણે રાજી નથી. દીકરીએ ક્યારેય આવું પગલું ભરી લેશે એવું લાગવા જ દીધું નહીં. અમારી કઠણાઈ હશે, તે ઓચિંતું પગલું ભરી લીધું’
સુસાઈડ નોટ માં લખ્યું ‘મને માફ કરજો પપ્પા…’ :
સુસાઇડ નોટમાં લખેલું હતું કે, મેં સુસાઈડ મારા પરિવારના લોકોના દબાણથી નથી કરતી. મને સચિન વોરા ખૂબ જ હેરાન કરી રહ્યો છે અને તેથી હું સુસાઇડ કરું છું. સચિન મને મારા પરિવારને બ્લેકમેલ કરી રહ્યો છે. પહેલા અમારી વચ્ચે જે કાંઈ હતું એમાં મેં ના પાડી દીધી હતી. મેં એને કઈ દીધું હતું કે આપડા વચ્ચે હવે બધું પૂરું.
ત્યારે તે મને ફોટાથી બ્લેકમેલ કરતો હતો અને ખુબ જ ગંદા મેસેજ કરતો હતો. મને ધમકીઓ પણ આપતો હતો. મને ખરાબ બોલતો હતો. ત્યાર બાદ સમગ્ર ઘટના વિષે મારા પરિવારને જાણ થઇ અને બે મહિનાથી બધાને તેને સમજાવે છે. સચિનના પરિવારના લોકો પણ માનતા નથી અને મને બ્લેકમેલ કરે છે. સચિન રોજ મને મેસેજ કરીને અમારા બંનેના ફોટાથી બ્લેકમેલ કરે છે.
સચિને અમારા બંનેના ફોટા મારા ભાઈના ફોનમાં પણ મોકલ્યા હતા. મારા આપઘાત પાછળનું કારણ સચિન વોરા છે આ બધું તે જ કરી રહ્યો છે. મારા સુસાઈડ પાછળ મારા પરિવારનો કોઈ પણ હાથકે વાક નથી. સચિને મારી સાથે ખુબજ ખરાબ વર્તન કર્યું હતું અને તેથીજ હું આ પગલું ભરી રહી છું.
એક વાર સચિનના પપ્પા અને કેશુભાઈએ મને પૂછ્યું હતું કે, ‘તારે સચિન સાથે લગ્ન કરવાની ઈચ્છા છે?’ અને ત્યારે મેં ના કહી દીધી હતી કે ના મારે સચિન સાથે લગ્ન નથી કરવા. ત્યાર બાદ મારા પપ્પાએ ઘણી વાર બધાને સમજાવ્યા પણ કોઈ સમજવા તૈયાર ન હતા.
રવિનાએ વધુમાં લખ્યું કે, સચિના પેન ડ્રાઈવ, લેપટોપ અને ફોનમાં મારા વિડીયો અને ફોટા છે. તે મને આ વિડીયો અને ફોટા બધાને મોકલીને બ્લેકમેલ કરે છે. મારા વિડીયો અને ફોટા બીજા શેમાં છે એ મને નથી ખબર પણ આ બધું મારા માર્યા પછી મિટાવી દેજો એટલે મારા લીધે મારા પરિવારના લોકોને વધુ કઈ તકલીફ ન પડે.
પપ્પા મને માફ કરજો સોરી, આ પગલું ભરતા પહેલા મેં તમને પૂછ્યું નથી પણ હવે હું આ બ્લેકમેલથી કોઈને મોઢું નથી બતાવી શકતી. લી રવિના રામજીભાઈ કાનાણી.
Bhavnagar