Virat Kohli Birthday : Not Anushka
- ટીમ ઈન્ડિયાના ધૂરંધર બેટર અને પૂર્વ કેપ્ટન વિરાટ કોહલીનો આજે જન્મદિવસ છે. 5 નવેમ્બર 2022ના રોજ વિરાટ કોહલી 34 વર્ષના થયા. વિરાટ હાલ ઓસ્ટ્રેલિયામાં ભારતીય ક્રિકેટ ટીમ સાથે છે.
અહીં ટી20 વર્લ્ડ કપ 2022 (T20 World Cup 2022) રમાઈ રહ્યો છે. વિરાટના જન્મદિવસે અનેક દિગ્ગજોએ તેમને શુભકામના પાઠવી છે. આ બધા વચ્ચે અમે તમને જણાવીશું કે વિરાટને બાળપણમાં કઈ અભિનેત્રી ગમતી હતી. વિરાટે લગ્ન પણ બોલીવુડ અભિનેત્રી (Bollywood actress) સાથે કર્યા છે. અનુષ્કા શર્મા (Anushka Sharma) સાથે વિરાટ કોહલીએ લગ્ન કર્યા છે. એક પુત્રીના માતા પિતા છે.
દિલ્હી માટે ઘરેલુ ક્રિકેટ રમીને ક્રિકેટમાં પોતાની કરિયર બનાવનારા વિરાટ આજે પોતાનો જન્મદિવસ ઉજવી રહ્યા છે. તેમની ગણતરી આજના સમયમાં દુનિયાના દિગ્ગજ બેટર્સમાં થાય છે. તેઓ જ્યારે મેદાન પર હોય છે ત્યારે કરોડો ભારતીય ક્રિકેટપ્રેમીઓના આશા બંધાયેલી હોય છે.
તેમણે અનેક મેચમાં પોતાના એકલાના દમ પર ટીમ ઈન્ડિયાને જીત અપાવી છે. હાલ તેઓ ટી20 વર્લ્ડ કપમાં રંગ જમાવી રહ્યા છે. તેમના બેટમાંથી રનની વર્ષા થઈ રહી છે. વિરાટે આ ટુર્નામેન્ટમાં ધૂંઆધાર બેટિંગ કરી છે અને અત્યાર સુધીમાં 4માંથી 3 મેચમાં અડધી સદી ફટકારી છે.
વિરાટ કોહલીએ એક ઈન્ટરવ્યુમાં ખુલાસો કર્યો હતો કે તેમને બાળપણમાં કઈ અભિનેત્રી ગમતી હતી. કોહલીએ ત્યારે જણાવ્યું હતું કે નાની ઉમરે તેઓ કરિશ્મા કપૂરને પસંદ કરતા હતા. વિરાટે વર્ષ 2017માં અનુષ્કા શર્મા સાથે લગ્ન કર્યા. આ કપલને એક પુત્રી પણ છે જેનું નામ વામિકા છે. વામિકાનો જન્મ ગત વર્ષે 11 જાન્યુઆરીએ થયો હતો.
કોહલીએ અત્યાર સુધીમાં 102 ટેસ્ટ, 262 વનડે અને 113 ટી20 ઈન્ટરનેશનલ મેચ રમી છે. તેમના નામે ટેસ્ટમાં 27 ટેસ્ટ, 28 અડધી સદી સાથે 8072 રન છે. જ્યારે વનડેમાં તેમણે 43 સદી અને 64 અડધી સદી ફટકારતા કુલ 12344 રન કર્યા છે. ટી20 ઈન્ટરનેશનલ ફોર્મેટમાં તેમણે એક સદી અને 36 અડધી સદી ફટકારી કુલ 3932 રન કર્યા છે.
આ પણ વાંચો :-
