Home Blog Page 1081

ધીરેન્દ્ર શાસ્ત્રીના ગુજરાત પ્રવાસ પહેલાં રાજકીય ઘમાસાણ

News Editor
-
0

Dhirendra Shastri

  • Baba Bageshwar Dhaam Sarkar Gujarat Visit : ધીરેન્દ્ર શાસ્ત્રીના નામે ભાજપ લોકસભા ચૂંટણીની તૈયારીઓ કરી રહ્યું હોવાનો કોંગ્રેસે આક્ષેપ કર્યો. તો ભાજપે કહ્યું કે કોંગ્રેસ સનાતન ધર્મની વિરોધી છે.

 ગુજરાતમાં બાબા બાગેશ્વર ધામ સરકારના (Baba Bageshwar Dham Govt) કાર્યક્રમ પહેલાં જ રાજકીય માહોલમાં ગરમાવો આવી ગયો છે. એક તરફ ઉનાળાની ગરમી છે અને બીજી તરફ બાબાના આગમન પહેલાં ભાજપ-કોંગ્રેસ વચ્ચે શાબ્દિક ટપાટપીથી ગરમી વધી ગઈ છે. ધીરેન્દ્ર શાસ્ત્રીના (Dhirendra Shastri) ગુજરાત પ્રવાસ પહેલાં ટવીટર પર ભાજપ અને કોંગ્રેસના નેતાઓ વચ્ચે યુદ્ધ છેડાઈ ગયું છે. ધીરેન્દ્ર શાસ્ત્રીના નામે ભાજપ લોકસભા ચૂંટણીની તૈયારીઓ કરી રહ્યું હોવાનો કોંગ્રેસે આક્ષેપ કર્યો. તો ભાજપે કહ્યું કે કોંગ્રેસ સનાતન ધર્મની વિરોધી છે.

લોકસભા ચૂંટણી માટે ભાજપે બાબાને બોલાવ્યાં હોવાનો કોંગ્રેસનો આક્ષેપ :

કોંગ્રેસના પ્રવક્તા ડો.અમિત નાયકે આક્ષેપ કર્યો કે આ બધુ ધતિંગ ભાજપ કરાવે છે. ભુતકાળમાં પણ આશારામ જેવા બાબાઓ સાથે ભાજપના નેતાઓ જોડાયેલાં હતાં. આવા બની બેઠેલાં સાધુ મહંતોને ભાજપ ટેકો આપે છે. સાધુ સંત બંધારણની વાત જાણતા નથી. આવા સાધુઓ ગુજરાતનો માહોલ બગાડી રહ્યાં છે. ભાજપ પણ એમને ટેકો આપે છે. ભુતકાળમાં પણ ભાજપવાળા આશારામના ચેલા બન્યા હતા.

ભાજપના ધારાસભ્યો કેમ આયોજન કરી રહ્યાં છે. સુરતના ધારાસભ્ય આખા કાર્યક્રમનું આયોજન કરે છે. લોકસભાની ચૂંટણીના આયોજનના ભાગરૂપે આ કાર્યક્રમનું આયોજન થઈ રહ્યું છે. ભાજપના શીર્ષ નેતાઓ અંગે પણ આક્ષેપ કરવામાં આવ્યો. કોંગ્રેસે ધીરેન્દ્ર શાસ્ત્રીને પ્રેસ કરવા આમંત્રણ આપ્યું છે.

કોંગ્રેસ હિન્દુ વિરોધી છે, બાબા ભાજપના કાર્યકર નથી’

ભાજપના મીડિયા કન્વીનર યજ્ઞેશ દવેએ કોંગ્રેસને વળતો જવાબ આપતા જણાવ્યું છે કે કોંગ્રેસ હિન્દુ અને સનાતન ધર્મનો વિરોધી છે. બાબા કોઈ ભાજપ સાથે જોડાયેલાં નથી. ધીરેન્દ્ર શાસ્ત્રીજી ભાજપના કાર્યકર નથી. અમે એમને બોલાવ્યાં નથી. અમે હિન્દુ ધર્મ અને સનાતન ધર્મની વાત કરીએ છીએ. કોંગ્રેસના નેતાઓ પણ અમદાવાદના કાર્યક્રમમાં હાજરી આપવાના છે.

હિન્દુઓએ આવા કાર્યક્રમ માટે શું મનીષ દોશીની પરવાનગી લેવી પડશે. કોંગ્રેસ મુસ્લિમોની ઈફતાર પાર્ટીમાં જાય છે. પ્રિયંકા ગાંધી નમાજ પઢવા જાય છે એમાં અમને કોઈ વાંધો નથી. પણ કોંગ્રેસ ખોટી વયમનસ્યતા ફેલાવે છે. કોંગ્રેસની હિન્દુ વિરોધી નીતિ છે.

આ પણ વાંચો :-

અમેરિકાથી મુંબઈ આવતી Air India ની ફ્લાઈટમાં પેસેન્જરે કર્યો હોબાળો

News Editor
-
0

A passenger  

  • Air India : આ વ્યક્તિ અને તેની પત્ની બિઝનેસ ક્લાસમાં મુસાફરી કરી રહ્યા હતા. તેઓ મુંબઈના બિઝનેસમેન છે. જ્યારે ફ્લાઈટનું ટેકઓફ થયું ત્યારથી જ તેમણે ફ્લાઈટ રોકી દેવા હોબાળો શરુ કરી દીધો હતો.

અમેરિકાના (America) નેવાર્કથી (Newark) મુંબઈ (Mumbai) આવી રહેલી એર ઈન્ડિયાની ફ્લાઈટમાં ભારે હોબાળો થયો હતો. ફ્લાઈટ દરમિયાન એક વ્યક્તિને પેનિક એટેક આવ્યો હતો. જેના કારણે તેણે ફ્લાઈટમાં ભારે હોબાળો થયો હતો. જ્યારે આ વ્યક્તિને તેની પત્નીએ શાંત કરવાનો પ્રયત્ન કર્યો તો આ વ્યક્તિએ તેની પત્નીનું ગળું દબાવવાનો પણ પ્રયત્ન કર્યો હતો. જો કે ફ્લાઈટમાં (Flight) એક ડોક્ટર સવાર હતા જેની મદદથી ક્રૂ મેમ્બરોએ આ પેસેન્જરને કંટ્રોલ કર્યા અને ફ્લાઈટ સુરક્ષિત રીતે મુંબઈ સુધી પહોંચી.

જાણવા મળતી માહિતી અનુસાર આ વ્યક્તિ અને તેની પત્ની બિઝનસ ક્લાસમાં મુસાફરી કરી રહ્યા હતા. તેઓ મુંબઈના બિઝનેસમેન છે. જ્યારે ફ્લાઈટનું ટેકઓફ થયું ત્યારથી જ તેમણે ફ્લાઈટ રોકી દેવા હોબાળો શરુ કરી દીધો હતો. પેનિક એટેકના કારણે પેસેન્જરે બૂમો પાડીને ફ્લાઈટ રોકવાની માંગ કરી. જ્યારે ક્રૂ મેમ્બર્સ અને તેની પત્નીએ તેને શાંત કરવાનો પ્રયાસ કર્યો ત્યારે તેણે તેની પત્નીનું ગળું દબાવી દીધું.

સદનસીબે ફ્લાઈટમાં એક ડોક્ટર હજાર હતા જેની મદદથી ક્રૂ મેમ્બર્સે પેસેન્જરને શાંત કર્યા. ત્યારબાદ ડોક્ટરે ઈન્જેક્શન લગાવી તેને બેભાન કરી દીધા. ત્યાર પછી પ્લેન સમયસર મુંબઈ એરપોર્ટ પર લેન્ડ થયું.

આ વ્યક્તિના પત્નીએ જણાવ્યું હતું કે તેના પતિને પેનિક એટેક આવે છે. તેની સારવાર પણ ચાલે છે પરંતુ છેલ્લા કેટલાક દિવસોથી તેણે તેની દવાઓ લીધી ન હતી.

આ પણ વાંચો :-

સેના, સરકારનું ઈમરાન ખાનને અલ્ટીમેટમ, “વિદેશ જતા રહો કે આર્મી…

News Editor
-
0

સેના, સરકારનું ઈમરાન ખાનને અલ્ટીમેટમ, “વિદેશ જતા રહો કે આર્મી…

  • Pakistan Army On Imran Khan : પીટીઆઈ ચીફ ઇમરાન ખાન આ દિવસોમાં નવી મુશ્કેલીમાં ફસાયેલા છે. પાકિસ્તાનની સરકાર અને સેના બંને તેની પાછળ પડયા છે. તેના પર આર્મી એક્ટ હેઠળ કેસ દાખલ કરી દેવામાં આવ્યો છે.

પાકિસ્તાનમાં (Pakistan) અફરાતફરી વચ્ચે એકવાર ફરી રાજકીય વાસ્તવિકતાનું પુનરાવર્તન થઈ રહ્યું છે. ઈમરાન ખાનની હાલત પણ પરવેઝ મુશર્રફ (Pervez Musharraf) અને નવાઝ શરીફ (Nawaz Sharif) જેવા થવા જઈ રહ્યા છે. સેનાએ ઈમરાન ખાનને (Imran Khan) દેશની બહાર જતા રહેવા માટે અલ્ટીમેટમ આપી દીધું છે. જો કે ઈમરાનને આ મંજૂર નથી.

પાકિસ્તાનના રાજકારણ અને દેશમાં છેલ્લા ઘણા દિવસથી અફરાતફરી મચી છે. ગૃહયુદ્ધ જેવી સ્થિતિ સર્જાઈ છે. અત્યાર સુધી સેના સક્રિય રીતે ચિત્રમાં નહતી આવી. જો કે હવે સેના ચિત્રમાં આવી ગઈ છે અને તેનાથી ઈમરાનની મુશ્કેલી વધી છે.

સેના અને સરકારે ઈમરાનને બે વિકલ્પ આપ્યા છે કાં તો દેશ છોડીને લંડન જતા રહે અને કાંતો પાકિસ્તાનમાં રહીને આર્મી એક્ટ હેઠળ દાખલ કરાયેલા કેસનો સામનો કરવા તૈયાર રહે. જો તેઓ બીજો વિકલ્પ પસંદ કરે તો તેમને આજીવન કેદ કે ફાંસીની સજા થઈ શકે છે. ઈમરાન ખાન આ બંને વિકલ્પો પર વિચારણા કરી રહ્યા છે. જો કે એવા અહેવાલ પણ છે કે તેમણે દેશ છોડવાનો ઈન્કાર કરી દીધો છે. તેમનું કહેવું છે કે સરકાર અને સેના તેમની લોકપ્રિયતાથી ડરી ગઈ છે.

ઈમરાન ખાન ભલે પોતાની લોકપ્રિયતાનો દાવો કરતા હોય પણ વાસ્તિકતા એ છે કે તાજેતરમાં તેમના સમર્થકોએ જે રીતે પાકિસ્તાનમાં આતંક મચાવ્યો હતો. તેને જોતાં સરકાર અને સેના બંને ઈમરાન ખાન સામે રોષે ભરાયેલા છે. સેનાએ તો આ પ્રકારના વિરોધ પ્રદર્શનને ફરી સાંખી નહીં લેવાની ચીમકી પણ આપી હતી. સેનાના વડાના આકરા તેવર જોતાં ઈમરાન ખાન હવે નરમ પડયા છે. તેમનો દાવો છે કે તેમની અને સેનાની વચ્ચે અંતર વધારવાનું ષડયંત્ર રચાયું છે. આ માટે તેમણે સરકાર તરફ નિર્દેશ કર્યો છે.

પોલીસ અને સેના ઈમરાનના ઘરે રેડ પણ કરી શકે છે. જો આમ થશે તો ઈમરાન ખાન નવી અને કાયમી મુશ્કલીમાં મૂકાશે. તેમની રાજકીય કારકિર્દીનો અંત આવશે. જે હાલત પરવેઝ મુશર્રફની થઈ હતી, તે જ હાલત તેમની પણ થશે. જેને જોતાં હવે આગામી કેટલાક દિવસો પાકિસ્તાન માટે નિર્ણાયક છે. ઈમરાન સામે કાર્યવાહી કરીને સરકાર ચૂંટણીને ટાળી રહી છે. તો સેના સત્તામાં વધુ ચંચૂપાત કરવાની તક શોધી રહી છે. આ બંને બાબતો પાકિસ્તાનના લોકો માટે જોખમી છે.

 

વિરાટ કોહલીએ શતકથી બનાવ્યો આઈપીએલ ઈતિહાસનો સૌથી મોટો રેકોર્ડ

News Editor
-
0

Virat Kohli Records

  • Virat Kohli Records : ટીમ ઈન્ડિયા અને રોયલ ચેલેન્જર્સ બેંગ્લોર (RCB) ના સ્ટાર બેટ્સમેન વિરાટ કોહલીએ ગુરુવારે IPL 2023 ની સનરાઈઝર્સ હૈદરાબાદ (SRH) સામેની મેચમાં બેટથી તબાહી મચાવી હતી અને વિસ્ફોટક રીતે સદી ફટકારી હતી.

ટીમ ઈન્ડિયા અને રોયલ ચેલેન્જર્સ બેંગ્લોર (RCB) ના સ્ટાર બેટ્સમેન વિરાટ કોહલીએ (Virat Kohli ) ગુરુવારે IPL 2023 ની સનરાઈઝર્સ હૈદરાબાદ (SRH) સામેની મેચમાં બેટથી તબાહી મચાવી હતી અને વિસ્ફોટક રીતે સદી ફટકારી હતી. વિરાટ કોહલીની આઈપીએલ (IPL2023) કારકિર્દીની આ છઠ્ઠી સદી હતી અને તેણે 63 બોલમાં 100 રનની ઈનિંગ રમીને તહેલકો મચાવ્યો હતો. કોહલીએ 12 ચોગ્ગા અને 4 છગ્ગા ફટકાર્યા હતા.

IPL ઈતિહાસનો સૌથી મોટો રેકોર્ડ :

વિરાટ કોહલીનો આ શતક IPLના ઈતિહાસનો સૌથી મોટો રેકોર્ડ બની ગયો છે. IPLના ઈતિહાસમાં સચિન તેંડુલકર અને રોહિત શર્મા જેવા દિગ્ગજ બેટ્સમેન પણ પોતાની કારકિર્દીમાં આટલો મોટો રેકોર્ડ ક્યારેય બનાવી શક્યા નથી. IPLના ઈતિહાસમાં આ સુપર રેકોર્ડ બનાવનાર વિરાટ કોહલી પ્રથમ ભારતીય અને વિશ્વનો એકમાત્ર બીજો બેટ્સમેન બન્યો છે. જણાવી દઈએ કે વિરાટ કોહલીએ 4 વર્ષ બાદ IPLમાં સદી ફટકારી છે.

સચિન-રોહિત પણ આ રેકોર્ડ તોડી શક્યા નથી :

વિરાટ કોહલી IPLના ઈતિહાસમાં સૌથી વધુ 6 સદી ફટકારનાર ભારતનો પ્રથમ અને વિશ્વનો બીજો બેટ્સમેન બની ગયો છે. વિરાટ કોહલી ઉપરાંત વેસ્ટ ઈન્ડિઝના વિસ્ફોટક બેટ્સમેન ક્રિસ ગેલના નામે પણ આઈપીએલમાં સૌથી વધુ 6 સદી ફટકારવાનો વર્લ્ડ રેકોર્ડ છે. સચિન તેંડુલકર અને રોહિત શર્મા જેવા મહાન બેટ્સમેન પણ IPLના ઈતિહાસમાં આટલો મોટો રેકોર્ડ ક્યારેય બનાવી શક્યા નથી.

આ પણ વાંચો :-

આજથી ત્રણ દિવસ કેવડિયાથી થશે ગુજરાતનું સંચાલન, જાણો કેમ કેવડિયાથી ચાલશે 

News Editor
-
0

Gujarat will be managed

  • Chintan Shibir at Statue Of Unity ​: આજથી ત્રણ દિવસ નર્મદા જિલ્લામાં (Narmada District) આવેલા કેવડિયા કોલોની ખાતે સ્ટેચ્યુ ઓફ યુનિટમાં સરદારના સાનિધ્યમાં બેસીને ગુજરાત સરકાર (Gujarat Govt) કરશે ચિંતન શિબિર. મંત્રી-સંત્રી બધાના કેવડિયામાં ધામા.

આજથી ત્રણ દિવસ નર્મદા જિલ્લામાં આવેલાં કેવડિયા ખાતે આજથી ગુજરાત સરકારની ચિંતન શિબિર શરૂ થઈ રહી છે. મુખ્યમંત્રી ભૂપેન્દ્ર પટેલની અધ્યક્ષતામાં ચિંતન શિબિર યોજાઈ રહી છે. ચિંતન શિબિરમાં મુખ્ય 5 વિષય પર ચર્ચા-મંથન થશે કરવામાં આવશે. સમગ્ર મંત્રી મંડળ સહિત IAS અધિકારીઓ આ ચિંતન શિબિરમાં હાજર રહેશે.

એટલું જ નહીં જિલ્લા કલેક્ટરો, DDO સહિત 230 ઉચ્ચ અધિકારીઓ ઉપરાંત પદાધિકારીઓ પણ આ શિબિરમાં હાજરી આપશે. એવું પણ કહી શકાય કે આજથી ત્રણ દિવસ કેવડિયા કોલોનીથી ચાલશે ગુજરાતનું સંચાલન. જેમાં વિવિધ મુદ્દાઓ પર ચર્ચા વિચારણા કરવામાં આવશે. આ 10 મી ચિંતન શિબિર છે. 19 થી 21 મે દરમિયાન આ ચિંતન શિબિર યોજાશે.

ઉલ્લેખનીય છે કે 3 દિવસીય ચિંતન શિબિરમાં મુખ્ય પાંચ વિષયો પર ચર્ચા અને મંથન કરવામાં આવશે, જેમાં આરોગ્ય અને પોષણ, શહેરીકરણ અને માળખાકીય વિકાસ, સરકારી તથા સ્વાયત્ત સંસ્થાઓના કર્મચારીઓ માટે તાલીમ અને ક્ષમતા નિર્માણ, શિક્ષણમાં ગુણાત્મક સુધારો અને ગ્રામીણ વિસ્તારોમાં માળખાકીય વિકાસ અંગે ચર્ચા કરાશે. ચર્ચા સત્ર માટે કુલ પાંચ ગૃપ પાડવામાં આવશે.

જેમાં એક ગૃપમાં અંદાજે મંત્રી સહિત 45 લોકો હશે. કેંદ્ર સરકારના સિનિયર અધિકારીઓ તથા હસમુખ અઢિયા પણ અલગ અલગ વિષયો પર માર્ગદર્શન આપશે. ગાંધીનગરથી કેવડિયા જવા માટે ખાસ બસ રખાઈ છે. જેમાં તમામ મંત્રીમંડળના સભ્યો ચિંતન શિબિરમાં જવા માટે રવાના થશે.

આ પણ વાંચો :-

દક્ષિણ ગુજરાતનાં સવા કરોડ લોકોનો દૈનિક વીજવપરાશ 80 કરોડ રૂપિયાને પાર કરી ગયો

News Editor
-
0

The daily electricity consumption 

  • ઉનાળાની કાળઝાળ ગરમીમાં દક્ષિણ ગુજરાતનાં સવા કરોડ લોકોનો વીજવપરાશ રોજનાં 80 કરોડ રૂપિયા પર પહોંચી ગયો છે.

દક્ષિણ ગુજરાત વીજ કંપનીમાં (South Gujarat Power Company) પાછલા ત્રણ ચાર દિવસથી રોજનો વીજવપરાશ (Power Consumption) 10 કરોડ યુનિટને પાર કરી રહ્યો છે. આ આંકડો આઝાદીના 75 વર્ષમાં એક દિવસનો સૌથી વધુ વપરાશનો નોંધાયો છે.

દક્ષિણ ગુજરાત વીજ કંપની (South Gujarat Power Company) દ્વારા સમગ્ર દક્ષિણ ગુજરાતમાં 7 જીલ્લાનાં 36 લાખ ગ્રાહકોને વીજપુરવઠો પુરો પાડી રહી છે. વીજ કંપની (Power Company) દ્વારા પુરો પાડવામાં આવી રહેલા વીજપુરવઠા અંગે પાછલા કેટલાક દિવસનાં નોંધાયેલા આંકડાઓ ચોંકવાનારા પુરવાર થયા છે. ખાસ કરીને જોવા જઇએ તો ગરમીનો ગ્રાફની જેમ વીજવપરાશનો ગ્રાફ પણ વધતો જોવા મળી રહ્યો છે.

દક્ષિણ ગુજરાત વીજ કંપનીમાં ગત 13 મે નાં રોજ સૌથી વધુ એટલે કે પાછલા 75 વર્ષનાં ઇિતહાસમાં સૌથી વધુ 4500 મેગા વોટ એટલે 100 મિલિયન યુનિટનો વપરાશ નોંધાયો હતો. જેને સરળ ભાષામાં જોવા જઈએ તો દક્ષિણ ગુજરાતમાં રોજનો વીજવપરાશ 10 કરોડ યુનિટને પાર કરી રહ્યો છે.

જે વીજ કંપની માટે પણ ચોંકાવનારો આંકડો છે. સાથે જ કોઈપણ જાતનાં અડચણ વગર આટલા મોટા પ્રમાણમાં વીજપુરવઠો પુરો પાડવો એ પણ વીજ કંપની માટે પડકાર ગણી શકાય તેમ છે.

આ અંગે દક્ષિણ ગુજરાત વીજ કંપનીનાં એમ.ડી યોગેશ ચૌધરીએ જણાવ્યું હતું કે દક્ષિણ ગુજરાતમાં મે મહિનાની ગરમી અને ખાસ કરીને હીટવેવને પગલે લોકોનો એ.સી, પંખા, ફ્રિઝ સહિતનાં ઉપકરણોનો વપરાશ વધુ કરી રહ્યા હોવાથી એક દિવસનો મહત્તમ વપરાશ જ 10 કરોડ યુનિટ નોંધાયો છે.

9ae36822-1954-4dfe-866c-7b559b84a552

અત્રે ઉલ્લેખનીય છે કે વીજ કંપની દ્વારા એક યુનિટનાં સરેરાશ 7 થી 8 રૂપિયાનો ચાર્જ વસુલવામાં આવે છે. જેની સીધી ગણતરી જોવા જઈએ તો રોજનાં 80 કરોડ રૂપિયાનો વીજવપરાશ દક્ષિણ ગુજરાતનાં સવા કરોડ લોકો કરી રહ્યા છે.

આ પણ વાંચો :-

જન્મદિવસે કેક કાપવા બોલાવ્યા બાદ પ્રેમીએ પ્રેમિકાની કરી ઠંડે કલેજે હ*ત્યા

News Editor
-
0

After calling  

  • જામનગર જિલ્લાના લાલપુર પંથકમાં જન્મદિવસની ઉજવણી દરમિયાન પ્રેમીકાને મોતને ઘાટ ઉતારી દેનાર આરોપીને પોલીસે આસામથી દબોચી લીધો છે.

જામનગર (Jamnagar) જિલ્લાના લાલપુર તાલુકામાં આવેલ નાની રાફુદડ ગામે દોઢેક માસ આગાઉ હત્યાની ચોંકાવનારી ઘટના સામે આવી હતી. જેમાં પ્રેમિકાના (SweetHeart) જન્મદિવસે જ આરોપીએ કેક કાપવા બોલાવ્યા બાદ કોઈ કારણસર બને વચ્ચે માથાકૂટ થતા આરોપીએ તિક્ષ્ણ હથિયારના ઘા ઝીંકી યુવતીની હત્યા કરી નાખી હતી. જેમાં ફરાર આરોપીને દબોચી લેવામાં જામનગર એલસીબીને સફળતા સાંપડી છે.

જન્મદિવસે જ પ્રેમિકાને ઉતારું હતી મોતને ઘાટ :

જામનગરના ચેલા ગામે રહેતા મનસુખભાઈ રણછોડભાઈ કણજારીયાની પુત્રી અર્ચનાબેન કણજારીયા અને ભાવેશ રણછોડભાઇ સોનગરા વચ્ચે પ્રેમ સંબંધ હતો. આ દરમિયાન ગત તા. 5-4-2023ના અર્ચનાબનનો જન્મદિવસ હોવાથી લાલપુર તાલુકાના નાની રાફુદળ ગામે રહેતા આરોપી ભાવેશે ઉજવણી માટે અર્ચના બેનને બોલાવી હતી. વાડીની ઓરડીમાં બને વચ્ચે લગ્ન કરવા બાબતે બોલાચાલી થઈ હતી. જેમાં આરોપીએ આવેશમાં આવી, અર્ચનાબેનને ગળાના ભાગે, તિક્ષ્ણ હથિયાર તથા પથ્થર વડે ધા કરી મોતને ઘાટ ઉતારી દીધી હતી.

આરોપી બાતમીના આધારે ગૌહાટી (આસામ) થી પકડાયો :

પોલીસ તાત્કાલિક ત્યાં દોડી જઇ આરોપી ભાવેશ રણછોડભાઇ સોનગરા (ઉ.વ. ૩૩ રહે. મોટી રાફુદળ તા.લાલપુર જી જામનગર)ને દબોચી લીધો હતો. પોલીસે આરોપીની પૂછપરછ કરતા તેને કબૂલાત આપી હતી કે પ્રેમ સબંધ બાબતે મરણજનાર સાથે  બોલાચાલી થતા આવેશમા આવી તેને મોતને ઘાટ ઉતારી દીધી હતી. જે મામલો બહાર આવ્યા બાદ મૃતક યુવતીના પિતાએ પોલીસમાં ફરિયાદ કરી હતી.

બીજી તરફ પોલીસ પકડથી બચવા માટે હત્યાને અંજામ આપી આરોપી ભાવેશ સોનગરા પ્રથમ ખંભાળિયાંના પીરલાખાસર ગામે ગયો હતો. જ્યા સંતાયા બાદ પોલીસ અડી જશે તેવી જાણ થતા બાળમાં જામખંભાળીયા, દ્રારકા, પોરબંદર, અમદાવાદ, મુંબઈ, ગોવા, પુના, દિલ્હી, અને ગૌહાટી (આસામ) સહિતના સ્થળોએ સંતાતો ફરતો હતો. જ્યા એલસીબીએ બાતમીના આધારે ગૌહાટી (આસામ) થી પકડી પાડ્યો હતો. જેની તપાસમાં આરોપી અગાઉ પણ અનેક ગુન્હામાં પોલીસ ચોપડે ચડી ચુક્યો હોવાનું બહાર આવ્યું છે.

આ પણ વાંચો :-

 

ક્રિકેટના ઈતિહાસમાં શુભમન ગિલે બનાવ્યો એક અનોખો રેકોર્ડ, 1 જ વર્ષમાં ત્રણેય ફોર્મેટમાં ફટકારી સદી

News Editor
-
0

Shubman Gill created

  • શુભમન ગિલે આ વર્ષે શ્રીલંકા અને ન્યુઝીલેન્ડ સામે વનડે સદી, ઓસ્ટ્રેલિયા સામે ટેસ્ટ સદી, ન્યુઝીલેન્ડ સામે ટી20 સદી અને હવે આઈપીએલમાં સનરાઈઝર્સ હૈદરાબાદ સામે પણ સદી ફટકારી છે.

ઈન્ડિયન પ્રીમિયર લીગની 16મી સીઝનમાં શુભમન ગીલે (Shubman Gile) આંતરરાષ્ટ્રીય ક્રિકેટવાળી પોતાની એ લય જાળવી રાખી અને ગઈકાલની મેચમાં સનરાઈઝર્સ હૈદરાબાદ (Sunrisers Hyderabad) સામે બેટિંગ કરતી વખતે તેણે IPL કારકિર્દીની પ્રથમ સદી પણ ફટકારી હતી. સાથે જ આ સિઝનની શરૂઆતમાં તે લખનૌ સુપર જાયન્ટસ (Lucknow Super Giants) સામે 94 રન પર અણનમ પરત ફર્યો હતો.

ગિલે ક્રિકેટના ઇતિહાસમાં એક અનોખો રેકોર્ડ બનાવ્યો :

શુભમન ગિલ છેલ્લા કેટલાક સમયથી શાનદાર ફોર્મમાં ચાલી રહ્યો છે અને તેના બેટની ગુંજ આખી દુનિયામાં સંભળાતી થઈ છે. 23 વર્ષનો આ યુવા ખેલાડી વિસ્ફોટક બેટિંગમાં માહેર છે. એવામાં હવે ગઇકાલે શુભમન ગિલે ગુજરાત ટાઇટન્સ તરફથી રમતા સનરાઈઝર્સ હૈદરાબાદ સામે સદી ફટકારી હતી અને આ સાથે તેણે ભારતીય ક્રિકેટના ઇતિહાસમાં એક અનોખો રેકોર્ડ બનાવ્યો છે. જે વિરાટ કોહલી અને રોહિત શર્મા જેવા દિગ્ગજ ખેલાડીઓ પણ બનાવી શક્યા નથી.

ગિલે શાનદાર ઇનિંગ રમી :

શુભમન ગિલ સનરાઈઝર્સ હૈદરાબાદ સામે ઈનિંગની શરૂઆતથી જ લયમાં જોવા મળ્યો હતો અને તેણે વિસ્ફોટક બેટિંગ કરવાનું ચાલુ રાખ્યું હતું. ગિલે આખા મેદાન પર સ્ટ્રોક માર્યા હતા અને માત્ર 22 બોલમાં પોતાની અડધી સદી પૂરી કરી હતી. આ સાથે જ 58 બોલમાં 101 રન બનાવ્યા જેમાં 13 ફોર અને 1 સિક્સ સામેલ હતી. જણાવી દઈએ કે આઈપીએલમાં ગિલની આ પ્રથમ સદી છે.

એક જ વર્ષમાં  ટેસ્ટ, ODI, T20 અને IPLમાં સદી ફટકારી  :

શુભમન ગિલ એક જ વર્ષમાં ટેસ્ટ, ODI, T20 અને IPLમાં સદી ફટકારનાર પ્રથમ ખેલાડી બની ગયો છે. તેણે આ વર્ષે શ્રીલંકા અને ન્યુઝીલેન્ડ સામે વનડે સદી, ઓસ્ટ્રેલિયા સામે ટેસ્ટ સદી, ન્યુઝીલેન્ડ સામે ટી20 સદી ફટકારી હતી. હવે આઈપીએલમાં તેણે સનરાઈઝર્સ હૈદરાબાદ સામે સદી ફટકારી છે. જ્યારે રોહિત શર્મા અને વિરાટ કોહલી ટેસ્ટ, ODI, T20 અને IPLમાં એક પણ વર્ષમાં સદી ફટકારી શક્યા નથી.

આ પણ વાંચો :-

 

સુરતીઓ આ જગ્યાઓ જ્યાફત માણતા પહેલા સો વાર વિચારજો, ફૂડ સેમ્પલ ફેલ નીકળ્યા

News Editor
-
0

Surtis think a hundred

  • Unhealty Products : હજારો સુરતીઓએ જ્યાફત માણ્યા બાદ આટલા નમૂના ફેલ નીકળ્યા, આ ફેમસ બ્રાન્ડ છે સામેલ.

લોકોને આજકાલ બહાર ખાવાનો શોખ વધુ હોય છે. પરંતુ પૈસા ખર્ચીને પણ તેઓ બીમારીઓ નોતરી રહ્યાં છે. સુરતમાં આરોગ્ય વિભાગ એક્ટિવ બન્યું છે. જેમાં થોડા દિવસો પહેલા પાડવામાં આવેલી રેડ બાદ અનેક નમૂના ફેલ નીકળ્યા છે. હજારો સુરતીઓએ જ્યાફત માણ્યા બાદ અનેક બ્રાન્ડ અને દુકાનોના નમૂના ફેલ નીકળ્યા છે. જેમાં ઉનાળામાં ઠેકઠેકાણે ખવાતા પેસ્ટ્રી-કેક (Pastry-cake), મરી-મસાલા, આઈસક્રીમ (Ice cream) અને આઇસ ગોળાના નમૂના ફેલ નીકળ્યા છે. લોકોએ વાનગી આરોગી લીધી. હવે બાદમાં રિપોર્ટ ફેલ આવ્યો છે.

સુરતના અડાજણમાં (Adajan) ડેનીશ પેસ્ટ્રી, ડી-માર્ટ પાસે જય ભવાની આઈસ ડિશનું સેમ્પલ ફેલ છે. નમૂના લેબોરેટરી પરીક્ષણમાં ફેલ થયા હોવાનું સામે આવ્યું છે. આરોગ્ય સાથે ચેડા કરતા મિલાવટખોરોનો રાફડો ફાટી નીકળ્યો છે. ત્યારે આરોગ્ય સામે જોખમ ઊભું કરનારા સામે સુરત પાલિકાએ લાલ આંખ કરી હતી. પાલિકાના ફૂડ વિભાગ દ્વારા આ બાબતે નિયમમુજબની કાર્યવાહી શરૂ કરવામાં આવી છે.

આટલા નમૂના ફેલ નીકળ્યા :

  • પાંડેસરાના સાંવરિયા આઈસ્ક્રીમમાં વેનીલા આઈસ્ક્રીમ
  • પાંડેસરામાં ભોલેનાથ આઈસ્ક્રીમનું રાજભોગ આઈસ્ક્રીમ
  • કતારગામ રામ ઔર શ્યામ આઈસ ડીશ
  • ગોલા રાજકોટવાળા ના કાજુ અંજીર આઈસ્ક્રીમ 
  • ભટારમાં પાર્થ આઈસ ગોલાનો ઓરેન્જ સીરપ
  • અડાજણમાં જય ભાવની ડ્રાયફ્રુટ ડિશ ગોલાનો આઈસ્ક્રીમ
  • પાલનપુર પાટિયા શાકભાજી માર્કેટ શ્રી લક્ષ્મી મસાલા ગૃહ ભંડાર મરચા પાઉડર
  • અડાજણ હનીપાર્ક રોડ ડેનિશ કેક અને પેસ્ટ્રી શોપ વેનીલા સ્લાઈસ
  • ઘોડદોડ રોડ જી બી ફૂડસ એન્ડ કન્ફેક્શનરી પ્રા લિ. નો રોયલ ચોકલેટ કેક

સુરત શહેરમાં મહાનગરપાલિકા દ્વારા ઉનાળાની સિઝનને પગલે આઈસ્ક્રીમ ઉપરાંત મરી મસાલા સહિતના નમુના લેવામાં આવ્યા હતા. જે નમૂના પુથ્થુકરણ અર્થે મોકલી દેવાયા બાદ હવે નમૂના ફેલ થયા હોવાનો ચોંકાવનારો રિપોર્ટ સામે આવ્યો છે. મહત્વનું છે કે સુરતના મનપાના આરોગ્ય વિભાગ દ્વારા એકાદ માસ આગાઉ જુદા જુદા સ્થળો દરોડા પાડવામાં આવ્યા હતા અને શંકાસ્પદ નમૂના લેવામાં આવ્યા હતા. પરંતુ એક માસ બાદ રિપોર્ટ આવે તે શું કામનું. ત્યા સુધી હજારો સુરતીઓએ આ વસ્તુ આરોગી હશે.

આ પણ વાંચો :-

ભારે પડશે આવી ભૂલ ! બોમ્બની જેમ ફૂટશે ફોન અને જોખમમાં મુકાશે તમારી જાન

News Editor
-
0

Such a mistake will be heavy

  • Smartphone Blast Common Reasons : ઉનાળામાં ફોન ગમે ત્યારે બોમ્બની જેમ ફૂટી શકે છે. શું તમને એના પાછળનું કારણ ખબર છે ? જાણી લો આ વિગતો જેથી જીવલેણ અકસ્માતથી બચી શકાય.

તમે જોયું હશે કે ગરમીની સિઝનમાં મોબાઈલ ફોન (Mobile phone) સળગવાના ફોનની અંદર બ્લાસ્ટ થવાના કે પછી એમ કહો કે મોબાઈલ ફોન બોમ્બની (Mobile phone bomb) જેમ ફૂટવાના કિસ્સાઓ સામે આવતા હોય છે. આ વસ્તુ ખુબ જ જોખમી અને જીવલેણ સાબિત થઈ શકે છે. પણ શું તમે જાણો છો કે આવું કેમ થાય છે. આવું થવા પાછળનું કારણ શું છે. જાણો વિગતવાર માહિતી.

ઘણીવાર આપણે જોઈએ છીએ કે ઉનાળામાં ફોન ચાર્જ કરતી વખતે અથવા ગેમ કે વીડિયો જોતી વખતે ગરમ થઈ જાય છે. પરંતુ કેટલીક આદતો બદલીને ફોનને ગરમ થવાથી બચાવી શકાય છે. આવો જાણીએ. ઉનાળામાં સ્માર્ટફોન બ્લાસ્ટ થવાના સામાન્ય કારણો : ઉનાળામાં ઈલેક્ટ્રોનિક ઉપકરણોમાં ખામી હોવાના અહેવાલો છે. ઉનાળામાં, સ્માર્ટફોન સૌથી ગરમ બની જાય છે.

આ માટે ઘણા કારણો જવાબદાર છે. કેટલીક વસ્તુઓ એવી હોય છે જે આપણે અજાણતા કરતા હોઈએ છીએ. પરંતુ આ વસ્તુઓ સુધારી શકાય છે. ઘણીવાર આપણે જોઈએ છીએ કે ઉનાળામાં ફોન ચાર્જ કરતી વખતે અથવા ગેમ કે વીડિયો જોતી વખતે ગરમ થઈ જાય છે. પરંતુ કેટલીક આદતો બદલીને ફોનને ગરમ થવાથી બચાવી શકાય છે.

સ્ક્રીન સેટ ટાઈમ સેટ કરો :

તમારા ફોનની સ્ક્રીન સમય સમાપ્તિ સેટિંગને ઓછી કરો. જેના કારણે ફોનનો ઉપયોગ ન થાય તો સ્ક્રીન બંધ રહે છે. આનાથી ન તો ફોન ગરમ થશે અને ન તો કોઈ સમસ્યા થશે.

બેકગ્રાઉન્ડમાં ચાલતી એપ્સને અટકાવો :

વિવિધ એપ્સને બેકગ્રાઉન્ડમાં ચલાવવાથી ફોન ગરમ થઈ શકે છે. તમે એપ્સના બેકગ્રાઉન્ડ ડેટાના વપરાશને મર્યાદિત કરવા અથવા એપ્સને સંપૂર્ણપણે બંધ કરવા માટે ટાસ્ક મેનેજર અથવા એપ્સ મેનેજરનો ઉપયોગ કરી શકો છો.

બ્રાઉઝિંગ સત્રો ટૂંકા કરો :

ગરમ હવામાનમાં બ્રાઉઝિંગ ફોનને ગરમ કરી શકે છે. તમે તેને બ્રાઉઝરમાં ઍક્સેસ કરી શકો તેટલી ટૅબ્સની સંખ્યા ઘટાડીને અથવા પ્રક્રિયાઓને સમાપ્ત કરીને તેને બંધ કરી શકો છો.

ફોનને રીસ્ટાર્ટ કરો :

ક્યારેક ફોન ગરમ થવાનું કારણ એક સરળ સોફ્ટવેર સમસ્યા હોય છે. ફોન રીસ્ટાર્ટ કરવાથી સિસ્ટમ રીસેટ થશે અને ગરમી ઘટાડવામાં મદદ મળશે.

ઈમરજન્સી એપ્લિકેશનો બંધ કરો :

ઘણી એપ્લિકેશનો જ્યારે ચાલી રહી હોય ત્યારે વધારાની ગરમી પેદા કરી શકે છે. તમે ઈમરજન્સી એપ્સ ખોલી અને બંધ કરી શકો છો અથવા બિનજરૂરી એપ્સને એક્ટિવેટ રાખવાનું ટાળી શકો છો.

આ પણ વાંચો :-

1...1,0801,0811,082...1,462Page 1,081 of 1,462