Home Blog Page 1076

MS ધોનીના આ માસ્ટરસ્ટ્રોકના કારણે ઊંધું પડી ગયું ગુજરાતનું ગણિત

News Editor
-
0

Due to this masterstroke  

  • ધોનીની કેપ્નશિપ હેઠળ ચેન્નઈ સુપરકિંગ્સે ગુજરાત ટાઈટન્સને મંગળવાર રાત્રે રમવામાં આવેલા પહેલા કોલિફાયરમાં 15 રનથી માત આપી હતી.

IPL 2023 : આઈપીએલ સિઝન રમી રહેલી ચેન્નઈ સુપરકિંગ્સની (Chennai Superkings) ટેમે 10મી વાર ફાઇનલમાં જગ્યા બનાવી લીધી છે. એમએસ ધોનીની કેપ્નશિપ હેઠળ ચેન્નઈ સુપરકિંગ્સે ગુજરાત ટાઈટન્સને (Gujarat Titans) મંગળવાર રાત્રે રમવામાં આવેલા પહેલા કોલિફાયરમાં ૧૫ રનથી માત આપી હતી. ટોસ હાર્યા બાદ ચેન્નઈએ ગુજરાતને ૧૭૨/૭નો સ્કોરનો પડકાર આપ્યો હતો.

લક્ષ્યનો ફોલો કરતા ગુજરાતની શરૂઆત ખરાબ રહી હતી. પાવરપ્લેમાં ટીમ બે વિકેટે ૪૧ રન જ બનાવી શકી હતી. જે આ સિઝનમાં પાવરપ્લેમાં તેનો ત્રીજો સૌથી ઓછો સ્કોર હતો. અંતમાં રાશિદ ખાને (Rashid Khan) ચોક્કસપણે સારુ પ્રદર્શન કર્યુ હતું પરંતુ ૧૬ બોલમાં ૩૦ રન બનાવીને આઉટ થતાં જ ટીમની હાર નક્કી થઈ ગઈ હતી.

હકીકતમાં સ્પિનરો રવિન્દ્ર જાડેજા અને મહિષ તિક્ષાણાની જોડીએ ગુજરાત ટાઈટન્સની કમર તોડી નાખી હતી. જાડેજાની સ્પિન પણ કામ કરી ગઈ અને તેણે દશુન શનાકા, ખતરનાક ડેવિડ મિલરની (David Miller) વિકેટ લઈને ગુજરાતનો સ્કોર ૮૮/૪ સુધી ઘટાડી દીધો. જો કે ક્રિઝ પર ગિલની હાજરીથી ગુજરાતનું પલ્લુ ભારે રહ્યું હતું. તેવામાં ધોનીએ તેના સૌથી ભરોસાપાત્ર બોલર દીપક ચહરને બોલ સોંપ્યો.

જેણે અગાઉ સાહાને ચાલતો કર્યો હતો. દીપક ફરી પાછો ફર્યો અને ૧૪મી ઓવરમાં ટીમને એવી સફળતા અપાવી, જેણે મેચનું પરિણામ લગભગ નક્કી કરી દીધું. તેણે ટોચના ફોર્મમાં ચાલી રહેલા ગિલ (૪૨)ને આઉટ કર્યો. ત્યારપછીના બેટસમેનોએ હારનું માર્જિન ઘટાડી દીધું હતું.

આ પણ વાંચો :-

Jharkhand : મહિલાએ એક સાથે 5 બાળકોને જન્મ આપ્યો, રિમ્સ હોસ્પિટલ પ્રશાસને ટ્વિટર પર શેર કરી તસવીર

News Editor
-
0

Woman gave birth to 5 children at once, RIMS hospital

  • Jharkhand : RIMS એ તેના ટવિટમાં લખ્યું છે કે ઈતખોરી ચતરાની એક મહિલાએ RIMSના મહિલા અને બાળજન્મ વિભાગમાં પાંચ બાળકોને જન્મ આપ્યો છે. બાળકો એનઆઈસીયુમાં ડોકટરોની દેખરેખ હેઠળ છે.

ઝારખંડના (Jharkhand) રાંચીના રિમ્સમાં સોમવારે એક મહિલાએ એક સાથે 5 બાળકોને જન્મ આપ્યો. જે પછી આખી હોસ્પિટલમાં તે ચર્ચાનો વિષય બની ગયો. હકીકતમાં ચતરા જિલ્લાના ઈતખોરીના મલકપુર ગામની રહેવાસી અનિતા કુમારીએ (Anita Kumari) એક સાથે પાંચ બાળકોને જન્મ આપ્યો છે. તમામ નવજાત શિશુઓનું વજન લગભગ એક કિલો છે. ત્યારબાદ બાળકોને નિયોનેટલ વોર્ડમાં (Neonatal ward) દાખલ કરવામાં આવ્યા છે. અહીં તેમના સ્વાસ્થ્ય પર નજર રાખવામાં આવી રહી છે.

માત્ર 26-27 અઠવાડિયામાં જન્મેલા

તે જ સમયે ડોકટરોએ કહ્યું કે બાળકોનું વજન ઓછું છે અને તેઓ પ્રિ-મેચ્યોર છે. તેઓ 26-27 અઠવાડિયામાં જ જન્મ્યા છે. ત્યાર બાદ કાળજી લેવામાં આવી રહી છે. બાળકોને ઓછામાં ઓછા એક મહિના સુધી ખૂબ કાળજીની જરૂર હોય છે. દરેકને સ્વસ્થ બનાવવાનો પ્રયાસ છે.

જ્યારે બાળકોની માતાની હાલત સારી છે. RIMSએ પોતાના ટવિટમાં લખ્યું છે કે, ‘ઈતખોરી ચતરાની એક મહિલાએ રિમ્સના મહિલા અને બાળજન્મ વિભાગમાં પાંચ બાળકોને જન્મ આપ્યો છે. બાળકો એનઆઈસીયુમાં ડોકટરોની દેખરેખ હેઠળ છે. ડો.શશી બાલા સિંઘના નેતૃત્વમાં સફળ પ્રસૂતિ કરવામાં આવી હતી.

નવજાત શિશુનું વજન સામાન્ય બાળકો કરતા ઓછું હોય છે :

તમને જણાવી દઈએ કે તમામ નવજાત શિશુઓને નિયોનેટોલોજી વિભાગમાં દાખલ કરવામાં આવ્યા છે. આ બાળકોનું વજન સામાન્ય કરતા ઘણું ઓછું છે. રિમ્સે માહિતી આપી હતી કે આ બાળકોની માતા ઈટખોરી, ચત્રાની રહેવાસી છે. હાલ માતા અને બાળક બંને સ્વસ્થ છે. ડોકટરોની ટીમ માતા અને બાળકો પર નજર રાખી રહી છે.

દરમિયાન રાંચી રિમ્સમાંથી એક દર્દીએ મોતની છલાંગ લગાવ્યાના સમાચાર પણ સામે આવ્યા હતા. દર્દી લક્ષ્મણ રામને ત્રીજા માળે આવેલા વોર્ડમાં દાખલ કરવામાં આવ્યો હતો અને તેણે તે જ વોર્ડમાં બારીમાંથી છલાંગ લગાવી હતી. પોલીસે પોસ્ટમોર્ટમ કરાવી લાશ સંબંધીઓને સોંપી હતી.

આ પણ વાંચો :-

ગુજરાત પર ફરી મોટું સંકટ ! ભારે પવન સાથે ફૂંકાશે વિનાશક વાવાઝોડું

News Editor
-
0
Another big crisis on Gujarat
  • Gujarat Forecast : દક્ષિણ-પશ્ચિમના ચોમાસા પહેલા ઉત્તર-પશ્ચિમમાં થશે ભારે વરસાદ. વેસ્ટર્ન ડિસ્ટર્બન્સથી રાજ્યમાં ભારે પવનનું એલર્ટ, દરિયાકાંઠે મીની વાવાઝોડું ફૂંકાશે તેવી શક્યતા હવામાન વિભાગે વ્યક્ત કરે છે.

ગુજરાત (Gujarat) પર એક બાદ એક સંકટ આવતા જાય છે. પહેલાં ભરઉનાળે માવઠાનો માર પડ્યો. હજુ પણ માવઠાના મારથી ખેડૂતો બેઠાં થયા નથી. ત્યાં તો વિનાશક વાવાઝોડાની વકી આવી ગઈ છે. ગુજરાત પર ફરી એકવાર તોળાઈ રહ્યું છે વાવાઝોડાનું સંકટ. હવામાન વિભાગની (Meteorological Department) આગાહી મુજબ ભારે પવન સાથે વાવાઝોડું (Storm) ફૂંકાવવાની સંભાવના છે.

દક્ષિણ-પશ્ચિમના ચોમાસા પહેલા ઉત્તર-પશ્ચિમમાં થશે ભારે વરસાદ. વેસ્ટર્ન ડિસ્ટર્બન્સથી રાજ્યમાં ભારે પવનનું એલર્ટ, દરિયાકાંઠે મીની વાવાઝોડુ ફૂંકાશે તેવી શક્યતા હવામાન વિભાગે વ્યક્ત કરે છે. મે મહિનાના અંતે સામાન્ય રીતે પ્રિમોન્સૂન વરસાદ સ્થાનિક સી.બી.કલાઉડથી સર્જાતો હોય છે. પરુંતુ આવખતે હવામાન તેનું વિચિત્રરૂપ દર્શાવી રહ્યું છે.

દક્ષિણ-પશ્ચિમ (નૈઋત્ય) ૬૫ કિ.મી.સુધીની ઝડપ સાથે મીની વાવાઝોડું ફૂંકાવાની ચેતવણી દિશાએથી ગુજરાત ઉપર ચોમાસુના આગમનને હજુ ચાર આજે મૌસમ વિભાગે જારી કરી છે. અને ગુજરાતના તમામ સપ્તાહનો સમય બાકી છે. ત્યારે ચોમાસા પહેલા વાવાઝોડાને બદલે શક્તિશાળી વેસ્ટર્ન ડિસ્ટર્બન્સ ત્રાટક્યું છે. જેના પગલે સૌરાષ્ટ્ર, કચ્છ સહિત સમગ્ર ગુજરાતમાં આગામી તા.૨૬ મે સુધી 30 થી 40 કિ.મી.ની ઝડપે તથા દરિયાકાંઠે ૬૫ કિમી સુધીની ઝડપે પવન ફૂંકાશે તેવી ચેતવણી અપાઈ છે.

જેને પગલે ગુજરાતના તમામ બંદરોએ માછીમારોને દરિયા નહીં ખેડવાની ચેતવણી અપાઈ છે.આજે સૌરાષ્ટ્ર સહિત સમગ્ર રાજ્યમાં પવનની દિશા બદલાઈને પશ્ચિમી થઈ હતી અને અરબી સમુદ્ર ઉપરથી વધુ તેજ ગતિએ પવન ફૂંકાયો હતો.

આ પણ વાંચો :-

મુકેશ અંબાણીનું ૧૦૦ વર્ષ જુનું પૈતૃક ઘર છે ચર્ચામાં, જાણો શું તેનું કારણ

News Editor
-
0

Mukesh Ambani 

  • Dhirubhai Ambani Memorial House : એન્ટિલિયા તો સતત ચર્ચામાં રહે છે પરંતુ છેલ્લા કેટલાક સમયથી અંબાણી પરિવારનું ગુજરાતમાં આવેલું ૧૦૦ વર્ષ જૂનું ઘર ચર્ચામાં રહે છે. અંબાણી પરિવારનું આ પૈતૃક ઘર જુનાગઢ જિલ્લાના ચોરવાડ ગામમાં આવેલું છે.

એશિયાના સૌથી અમીર વ્યક્તિ મુકેશ અંબાણી (Mukesh Ambani) પોતાના પરિવાર સાથે એન્ટિલિયામાં રહે છે. મુંબઈની આ ૨૭ માળની ઇમારત વિશ્વભરમાં પ્રખ્યાત છે. કારણ કે એન્ટીલિયામાં (Antilia) દુનિયાની દરેક સુવિધા ઉપલબ્ધ છે. એન્ટિલિયા તો સતત ચર્ચામાં રહે છે. પરંતુ છેલ્લા કેટલાક સમયથી અંબાણી પરિવારનું ગુજરાતમાં આવેલું ૧૦૦ વર્ષ જૂનું ઘર ચર્ચામાં રહે છે. અંબાણી પરિવારનું આ પૈતૃક ઘર જુનાગઢ (Junagadh) જિલ્લાના ચોરવાડ ગામમાં આવેલું છે.

આ ઘર ૨૦૦૨માં ખરીદવામાં આવ્યું હતું તે પહેલા ૨૦ મી શતાબ્દીમાં અંબાણી દ્વારા આંશિક રીતે તેને ભાડા પર લેવામાં આવ્યું હતું. રિલાયન્સ ઈન્ડસ્ટ્રીની શરૂઆત કરનાર ધીરુભાઈ અંબાણીનો જન્મ આ ઘરમાં થયો હતો. ૨૦૧૧માં આ ઘરને એક સ્મારકમાં ફેરવી દેવામાં આવ્યું હતું.

જોકે આ ઘર હવે ચર્ચામાં એટલા માટે છે કે તેમાં કેટલાક ફેરફાર કરવામાં આવ્યા છે. બે માળની આ હવેલીની મૂળ વાસ્તુકલા જાળવી રાખવા માટે ફેરફાર કરવામાં આવ્યા છે. આ ઉપરાંત અંબાણી પરિવાર એ આ ઘરમાં જુનવાણી પિત્તળ તાંબાના વાસણ, લાકડાના ફર્નિચર, પરિવારની સાંસ્કૃતિક વિરાસત દર્શાવતી વસ્તુઓને પણ અહીં સાચવી રાખી છે.

અંબાણી પરિવારની આ સંપત્તિ ૧.૨ એકર જમીનમાં ફેલાયેલી છે. આ ઘર ચારે તરફથી હરિયાળીથી ઘેરાયેલું છે. અહીં ઉદ્યાન ક્ષેત્ર છે જેને ત્રણ ભાગમાં વિભાજિત કરવામાં આવ્યું છે. એક ભાગ લોકો માટે એક ભાગ અંગત પ્રાંગણ અને એક ભાગમાં નાળિયેરનો બગીચો ઉભો કરાયો છે

અંબાણી પરિવારના પૈતરરૂપ ઘરની ચર્ચા એટલા માટે થઈ છે કે ચારથી પાંચ કરોડના ખર્ચે આ ઘરનો રેનોવેશન કરવામાં આવ્યું છે. અહીં એક થિયેટર પણ છે જેમાં ધીરુભાઈના જીવન પર એક ફિલ્મ બતાવવામાં આવે છે. ધીરુભાઈ અંબાણી મેમોરિયલ હાઉસ નો ઉદ્ઘાટન ૨૦૧૧ માં અંબાણી પરિવારના સભ્યોની ઉપસ્થિતિમાં કરવામાં આવ્યું હતું.

આ ઘરનો એક ભાગ જનતા માટે પણ ખુલ્લો મુકવામાં આવ્યો છે. જેની મુલાકાત મંગળવારથી રવિવાર સુધીમાં સવારે ૯.૩૦ થી સાંજે ૫.૦ કલાક સુધીમાં લોકો લઈ શકે છે. આ ઘરમાં એન્ટ્રી માટે બે રૂપિયા ફી રાખવામાં આવી છે.

આ પણ વાંચો :-

 

ધ્યાન રાખજો ! નોટ બદલવાની ઉતાવળ ક્યાંક મોંઘી ન પડી જાય

News Editor
-
0

Take care 

  • Currency Guideline : આજથી ૨૦૦૦ રૂપિયાની નોટો બદલવામાં આવી રહી છે. પરંતુ લોકો બેંકમાં જવાને બદલે તેને બદલવાનો સરળ રસ્તો પણ શોધી રહ્યા છે. જો તમને પણ નોટ બદલવાની ઉતાવળ હોય તો ખાસ ધ્યાન રાખો કે કોઈ તમને નકલી નોટો ન ફટકારી દે.

બેંકોમાં આજથી ૨૦૦૦ રૂપિયાની (2000 rupees) નોટો બદલવાની શરૂઆત થઈ ગઈ છે. નોટ બદલવા માટે મોટી સંખ્યામાં લોકો બેંકોની બહાર કતારોમાં ઉભા જોવા મળે છે. રિઝર્વ બેંકના ગવર્નર શક્તિકાંત દાસે (Governor Shaktikanta Dase) લોકોને અપીલ કરી છે કે નોટ બદલવા માટે ચાર મહિનાનો સમય છે.

એટલા માટે તેઓએ ગભરાવાની જરૂર નથી અને સરળતાથી ૨૦૦૦ રૂપિયાની નોટ બદલવી. જો તમને પણ ૨૦૦૦ રૂપિયાની નોટ બદલવાની ઉતાવળ છે. તો જરા રાહ જુઓ. કારણ કે નોટ બદલવાની ઉતાવળ તમને મોંઘી પડી શકે છે અને તમે નકલી નોટ ગેંગનો શિકાર બની શકો છો.

શા માટે સાવચેત રહેવાની જરૂર છે ?

બિહારની રાજધાની પટનામાં નકલી નોટ બનાવતી ગેંગનો પર્દાફાશ થયો છે. પોલીસે સોમવારે ત્યાં દરોડો પાડીને ૧ લાખ૭૭ હજારની નકલી નોટો જપ્ત કરી હતી. આ ગેંગ નકલી નોટો છાપતી હતી તેથી તમારે ૨૦૦૦ રૂપિયાની નોટ બદલતી વખતે ખૂબ કાળજી રાખવાની જરૂર છે.

તેથી જો તમને બેંક સિવાય અન્ય કોઈ જગ્યાએથી ૨૦૦૦ રૂપિયાની નોટ એક્સચેન્જ મળી રહી છે. તો નોટને સંપૂર્ણ રીતે તપાસો. તમે અસલી અને નકલી નોટોને સરળતાથી ઓળખી શકો છો. આ માટે ભારતીય રિઝર્વ બેંકે માર્ગદર્શિકા જાહેર કરી છે.

આ રીતે તમે વાસ્તવિક અને નકલી વચ્ચે તફાવત કરી શકો છો :

જો તમને ૨૦૦૦ રૂપિયાની નોટ બદલ્યા પછી ૫૦૦ રૂપિયાની નોટ મળે છે. તો તમે તેને સરળતાથી ચેક કરી શકો છો. રિઝર્વ બેંક અનુસાર ૫૦૦ રૂપિયાની નવી સિરીઝની નોટો પર મહાત્મા ગાંધીની તસવીર અને રિઝર્વ બેંક ઓફ ઈન્ડિયાના ગવર્નરના હસ્તાક્ષર છે. દેશના સાંસ્કૃતિક વારસાને દર્શાવતી નોટમાં લાલ કિલ્લાનો આકાર પણ દેખાય છે. નોટનો મૂળ રંગ સ્ટોન ગ્રે છે. નોટમાં અન્ય ડિઝાઈન અને ભૌમિતિક પેટર્ન છે. RBI અનુસાર, નોટની સાઈઝ ૬૩ mm x ૧૫૦ mm છે. આ સિવાય નોટની મધ્યમાં મહાત્મા ગાંધીનો ફોટો હશે.

ઈલેક્ટ્રોટાઇપ વોટરમાર્ક :

ગેરંટી કલમની જમણી બાજુએ આરબીઆઈનું પ્રતિક રિઝર્વ બેંકના ગવર્નરની નિશાની અને મહાત્મા ગાંધીની તસવીર સાથે વચન કલમ જોવા મળે છે. નોટમાં મહાત્મા ગાંધીનું પોટ્રેટ અને ઈલેક્ટ્રોટાઈપ (500) વોટરમાર્ક છે. નોંધમાં ઉપર ડાબી અને નીચે જમણી બાજુએ ચડતા ફોન્ટમાં અંકો સાથે નંબર પેનલ છે. ત્યાં, નોટની જમણી બાજુએ અશોક સ્તંભનું પ્રતીક છે.

૨૦૦૦ રૂપિયાની નોટની બારીકાઈથી તપાસ કરવામાં આવશે :

રિઝર્વ બેંક ઓફ ઈન્ડિયા (RBI) દ્વારા કહેવામાં આવ્યું છે કે બેંકમાં જે ૨૦૦૦ રૂપિયાની નોટો બદલાઈ રહી છે તેની બારીકાઈથી તપાસ કરવામાં આવશે. તેની સચોટતા અને વાસ્તવિકતાની ખાતરી કરવા માટે તેને નોટ સોર્ટિંગ મશીન્સ (NSM) દ્વારા વર્ગીકૃત કરવામાં આવશે. નકલી નોટોના સંબંધમાં આરબીઆઈ દ્વારા આપવામાં આવેલી માર્ગદર્શિકા અનુસાર મશીન દ્વારા બેંકના કાઉન્ટર પર એક્સચેન્જ કરવા માટે ગ્રાહક દ્વારા આપવામાં આવેલી રૂ. 2000ની નોટોના ચેકિંગ દરમિયાન જો આમાંથી કોઈ નકલી જણાશે. તો બેંક તેની તપાસ કરશે.

પગલાં લઈ શકાય :

આવી દરેક નોંધ રેકોર્ડ માટે અલગ રજિસ્ટરમાં દાખલ કરવામાં આવશે. આ સમય દરમિયાન જો કોઈ બેંક આવી નોટો ગ્રાહકોને પરત કરતી જોવા મળશે તો નકલી નોટોમાં બેંકની સંડોવણી ધ્યાનમાં લેવામાં આવશે અને દંડ પણ વસૂલવામાં આવશે.

નકલી નોટો મળવા પર એફઆઈઆર :

જો કોઈ વ્યક્તિ દ્વારા બદલાતી દસ નોટોમાંથી ચાર નોટ નકલી જણાય તો આ સ્થિતિમાં બેંક શાખા માસિક રિપોર્ટમાં પોલીસને જાણ કરશે. બીજી તરફ જો આ સંખ્યા પાંચ કે તેથી વધુ છે. તો આ મામલે એફઆઈઆર નોંધવામાં આવશે અને તેમની તપાસ કરવામાં આવશે.

આ પણ વાંચો :-

ઘરમાંથી ઉભી પૂંછડીયે ભાગી જશે ગરોળી, આટલું કરો

News Editor
-
0

Lizard  

  • ડુંગળી અને લસણનો રસ કાઢી એક શીશામાં ભરો. અને ગરોળી ભગાડવા માટે એક અને આ રસમા બસ થોડૂક પાણી મિક્સ કરીને બોટલને બંધ કરીને બરાબર હલાવીને મિક્સ કરી લો. પછી ત્યાર બાદ તમને લાગે છે કે જ્યા વધારે ગરોળીઓ આવતી હોય છે ત્યા આ રસને છાટકોણી દો.

ગરોળીથી (lizard) મોટાભાગનાને ડર લાગે છે. ઘરમાં દેખાઈ જાય તો મહિલાઓ તો ઉંચી નીચી થઈ જાય અને બુમાબુમ કરી મૂકે. કેટલીકવાર આપણને એને ઘરમાંથી કાઢી મૂકતાં જીવ ચાલતો નથી. તો જાણી લો પાપ પણ નહીં લાગે અને ગરોળી (lizard) ઘરમાં પણ નહીં આવે એના આ શ્રેષ્ઠ ઉપાયો છે.

આપણી આસપાસ અને ઘરમાં, ઓફિસમાં, કીચનમાં, જૂના ભંગારની આસપાસ, બારી પર કે ગાર્ડનમાં અને ક્યાય પણ દીવાલ પર જો ગરોળી દેખાય તો ભલભલાની ચીતરી ચઢી જાય છે. અનેક લોકો ગરોળીથી (lizard) ગભરાય છે. તેનાથી બચવા માટે લોકો અનેક પ્રકારના ઉપાય કરતા હોય છે. કેટલાક લોકો ઘરમાં મોરપંખ મૂકે છે. મોરપીંછ મૂકવાથી ગરોળી (lizard) ને અલગ પ્રકારની ગંધ આવે છે. ત્યારે આ પાછળ શું કારણ છે તે આજે જાણીએ.

આજે આપણે જાણીએ કે, શું ખરેખર મોરપીંછ મૂકવાથી ગરોળી ભાગી જાય છે. ગરોળીને ઘરમાંથી દૂર ભગાડવા માટે મોરપંખ મૂકવામાં આવે છે. શુ આ એક અંધશ્રદ્ધાનો વિષય છે કે પછી તેની પાછળ અર્થપૂર્ણ કારણ છે કે નહિ. મોરપીંછમાંથી ગરોળીને અલગ પ્રકારની ગંધ આવતી હોય છે. તેને એવુ લાગે છે કે અહી કોઈ પક્ષી છે. જે આપણા પર હુમલો કરીને આપણને ખાઈ જશે. આ કારણે મોરપંખ જોઈને ગરોળી ભાગી જાય છે. આ સિવાય બીજુ કોઈ કારણ નથી.

ગરોળી ભગાડવાના ઉપાયો :

ડુંગળી અને લસણનો રસ કાઢી એક શીશામાં ભરો. અને ગરોળી ભગાડવા માટે એક અને આ રસમા બસ થોડૂક પાણી મિક્સ કરીને બોટલને બંધ કરીને બરાબર હલાવીને મિક્સ કરી લો. પછી ત્યાર બાદ તમને લાગે છે કે જ્યા વધારે ગરોળીઓ આવતી હોય છે ત્યા આ રસને છાંટી દો.

આ પણ વાંચો :-

2000 Rs note : જો કોઈ ૨૦૦૦ રૂપિયાની નોટ લેવાની ના પાડે તો શું કરશો ? જાણો RBIના નિયમો

News Editor
-
0

2000 Rs note

  • રિઝર્વ બેંકે સ્પષ્ટપણે કહ્યું છે કે ૩૦ સપ્ટેમ્બર ૨૦૨૩ સુધી ૨૦૦૦ રૂપિયાની નોટ કાયદેસર રહેશે અને તેનો ઉપયોગ વ્યવહારો માટે થઈ શકશે. આવી સ્થિતિમાં જો બેંક અથવા અન્ય કોઈ ૨૦૦૦ રૂપિયાની નોટ સ્વીકારવાનો ઈનકાર કરે છે. તો તમે તેની સામે શું પગલાં લઈ શકો ?

આજથી ૨૦૦૦ રૂપિયાની નોટો બદલવાની શરૂઆત થઈ ગઈ છે. લોકો ૨૦૦૦ રૂપિયાની નોટ બદલવા માટે બેંકોની બહાર કતારમાં ઉભા છે. રિઝર્વ બેંક (RBI) એ સ્પષ્ટપણે કહ્યું છે કે ૨૩ મેથી ૩૦ સપ્ટેમ્બર ૨૦૨૩ વચ્ચે ૨૦૦૦ રૂપિયાની નોટ એક્સચેન્જ કરી શકાય છે.

આ સાથે કેન્દ્રીય બેંકે એમ પણ કહ્યું કે ૨૦૦૦ રૂપિયાની નોટ લીગલ ટેન્ડર રહેશે. એટલે કે તમે ૨૦૦૦ રૂપિયાની નોટથી ખરીદી કરી શકો છો. પરંતુ જો કોઈ વ્યક્તિ ૨૦૦૦ રૂપિયાની નોટ સ્વીકારવાનો ઇનકાર કરે છે. તો તમે તેની વિરુદ્ધ ફરિયાદ નોંધાવી શકો છો.

પેટ્રોલ પંપ પર 2000ની નોટો ધમધમી રહી છે :

છેલ્લા બે દિવસથી લોકો પેટ્રોલ પંપ પર ઈંધણ ભરવા માટે રૂ. ૨૦૦૦ની નોટોનો ઉગ્ર ઉપયોગ કરી રહ્યા છે. જેના કારણે પેટ્રોલ પંપ ડીલરોની મુશ્કેલીમાં વધારો થયો છે. કારણ કે લોકો ૨૦૦ રૂપિયાના પેટ્રોલ માટે પણ ૨૦૦૦ રૂપિયાની નોટ આપી રહ્યા છે. આવી સ્થિતિમાં તેમના માટે ખુલ્લા નાણાંની સમસ્યા વધી ગઈ છે.

પરંતુ પેટ્રોલ પંપના લોકો ૨૦૦૦ રૂપિયાની નોટ સ્વીકારી રહ્યા છે. તે જ સમયે કેટલીક જગ્યાએથી એવા અહેવાલો પણ આવ્યા છે કે દુકાનદારો ૨૦૦૦ રૂપિયાની નોટ સ્વીકારવાનો ઇનકાર કરી રહ્યા છે. જો તમારી સાથે પણ આવું થઈ રહ્યું છે. તો તમે તરત જ આ અંગે ફરિયાદ નોંધાવી શકો છો.

આ રીતે તમે ફરિયાદ નોંધાવી શકો છો :

રિઝર્વ બેંક અનુસાર જો કોઈ બેંક ૨૦૦૦ રૂપિયાની નોટ સ્વીકારવાનો ઈનકાર કરે છે તો તમે પહેલા તે બેંકના મેનેજરને મળીને ફરિયાદ કરી શકો છો. દરેક બેંક પાસે ફરિયાદ બુક હોય છે જ્યાં તમે તેના વિશે જાણ કરી શકો છો. બેંક ૩૦ દિવસની અંદર તમારી ફરિયાદનો જવાબ આપશે. જો આવું ન થાય અથવા તમે બેંકના જવાબથી ખુશ ન હોવ, તો તમે રિઝર્વ બેંકની વેબસાઇટ cms.rbi.org.in પર જઈને તમારી ફરિયાદ નોંધાવી શકો છો.

Kedarnath Yatra માટે હેલિકોપ્ટર બુકિંગ શરુ, જાણો શું છે ચાર્જ અને બુક કરવાની પ્રક્રિયા

News Editor
-
0

Helicopter Booking for Kedarnath Yatra

  • Kedarnath Yatra : આજે બપોરે 12 કલાકથી હેલિકોપ્ટર બુકિંગ ઓનલાઈન શરૂ થશે. તીર્થયાત્રી 28 મે થી 15 જુન સુધીમાં હેલિકોપ્ટર સવારી બુક કરી શકે છે. હેલિકોપ્ટર સવારી માટે સ્લોટ પણ વધારી દેવામાં આવ્યા છે.

કેદારનાથ યાત્રા (Kedarnath Yatra) માટે હેલિકોપ્ટર (Helicopter) સર્વિસનું બુકિંગ શરૂ થઈ ગયું છે. આઈઆરસીટીસી દ્વારા હેલિકોપ્ટર બુકિંગ થઈ શકે છે. 24 મે ના રોજ બપોરે 12 કલાકથી હેલિકોપ્ટર બુકિંગ ઓનલાઈન શરૂ થશે. તીર્થયાત્રી 28 મે થી 15 જુન સુધીમાં હેલિકોપ્ટર સવારી બુક કરી શકે છે. હેલિકોપ્ટર (Helicopter) સવારી માટે સ્લોટ પણ વધારી દેવામાં આવ્યા છે.

કેદારનાથ ધામ હિન્દુઓ માટે મહત્વપૂર્ણ તીર્થસ્થળ છે. કેદારનાથ ધામ ઉત્તરાખંડના પર્વતીય વિસ્તારમાં 12000 ફૂટ ઊંચાઈ પર સ્થિત છે. દર વર્ષે આ સમય દરમિયાન મોટી સંખ્યામાં યાત્રાળુઓ કેદારનાથ ધામ પહોંચે છે. જોકે મુશ્કેલ રસ્તાઓ પાર કરવા માટે અને કેદારનાથ બાબાના દર્શન કરવા માટે હેલિકોપ્ટર સૌથી સુરક્ષિત સાધન છે.

કારણ કે કેદારનાથ મંદિર સુધી પહોંચવા માટે રોડ માર્ગ ઉપરાંત સોન પ્રયાગથી શ્રદ્ધાળુઓને 18 કિમીની ચઢાણ વાર કરવું પડે છે. તેવામાં ઓછા લોકો મંદિરના દર્શન કરી શકે છે. જે લોકો આ રીતે કેદારનાથ મંદિર સુધી પહોંચી શકતા નથી તેમના માટે ઉત્તરાખંડ સરકારે મંદિર સુધી જવા માટે હેલિકોપ્ટર સેવા શરૂ કરી છે.

કેદારનાથમાં હેલિકોપ્ટર સર્વિસ નિયમિત રીતે ઉપલબ્ધ છે. અહીં અલગ અલગ વીમાન કંપનીઓ યાત્રાળુઓ માટે હેલિકોપ્ટર સર્વિસ આપે છે. મોટાભાગની કંપની પાંચ થી સાત સીટના હેલિકોપ્ટરનો ઉપયોગ કરે છે. જેના માટે મંદિર સુધી ફકત જવાની સર્વિસ અને રાઉન્ડ ટ્રીપની સેવા પણ યાત્રાળુઓ માટે ઉપલબ્ધ છે. હેલિકોપ્ટર બુક કરાવવા માટે રજીસ્ટ્રેશન કરાવવું જરૂરી છે. આ રજીસ્ટ્રેશન આઇઆરસીટીસી ની વેબસાઈટ www.heliyatra.irctc.co.in પરથી થઈ શકે છે.

હેલિકોપ્ટર કંપનીઓ કેદારનાથ ધામમાં દર્શન કરી તે જ દિવસે પરત આવવા માટે પ્રતિ વ્યક્તિ 6,500 થી 8000 રૂપિયાનો ચાર્જ કરે છે. જ્યારે ફક્ત જવા કે આવવાની એક ટ્રીપની ટિકિટ બુક કરાવવા પર 3,000 થી 3,500 નો ચાર્જ આપવો પડે છે.

આ પણ વાંચો :-

MP, MLA ના લેટરનો માત્ર 5 દિવસમાં નિકાલ કરવા સામાન્ય વહીવટ વિભાગનો આદેશ

News Editor
-
0

General Administration Department

  • પત્રો વિભાગોમાં ધૂળ ખાય છે પરિણામે પ્રશ્નોનો ઉકેલ આવતો નથી. ધારાસભ્ય-સાંસદો નારાજ રહે છે. ત્યારે પક્ષમાં કરવામાં આવેલી આ પ્રકારની ફરિયાદને પગલે સરકારી તંત્ર હવે સાબદુ જાગ્યું છે.

રાજ્યના સાંસદો (MPs) અને ધારાસભ્યોના (MLA) પત્રો વિવિધ વિભાગોમાં મહિનાઓ સુધી પડયા રહે છે. પરિણામે અરજદારો-મતવિસ્તારોની સમસ્યા ઠેરની ઠેર રહે છે. આ કારણોસર સાંસદો-ધારાસભ્યો ય નારાજ છે. આ જોતાં સામાન્ય વહીવટ વિભાગે ફરી એક વાર બધા વિભાગોને સૂચના આપી છેકે સાંસદ-ધારાસભ્યોના (MP-Members of Legislature) પત્રોનો માત્ર પાંચ દિવસમાં જ નિકાલ કરો.

પત્રો વિભાગોમાં ધૂળ ખાય છે પરિણામે પ્રશ્નોનો ઉકેલ આવતો નથી. ધારાસભ્ય-સાંસદો નારાજ રહે છે. ત્યારે પક્ષમાં કરવામાં આવેલી આ પ્રકારની ફરિયાદને પગલે સરકારી તંત્ર હવે સાબદુ જાગ્યું છે. હવેથી સાંસદો અને ધારાસભ્યોએ પત્ર દ્વારા કરેલી રજૂઆત કે કોઈ ભલામણનો ઝડપી સમાધાન કરવા પ્રયાસ કરવામાં આવશે.

કયા વિભાગોમાં છે સૌથી વધારે સમસ્યા?

ખાસ કરીને મહેસૂલ વિભાગ, ગૃહ વિભાગ, શહેરી વિકાસ વિભાગ, આરોગ્ય અને પંચાયત વિભાગમાં સાંસદો અને ધારાસભ્યોએ અરજદાર મતવિસ્તારના પ્રશ્નોને લઇને પત્રો લખેલાં પડી રહે છે.

ભાજપના સાંસદો-ધારાસભ્યોની ફરિયાદ એવી છે કે વિભાગોમાં પત્રો પડી રહે છે જેથી પ્રશ્નોનો નિકાલ થઇ શકતો નથી. વારંવાર કડક સૂચના આપવામાં આવી હોવા છતાં આ મામલે પાલન થતું નથી.

આ મામલે સરકારે ગંભીરતાની નોંધ લીધી છે. સામાન્ય વહીવટ વિભાગે આદેશ અથવા કર્યો છેકે, સાંસદો-ધારાસભ્યોના પત્રને માત્ર પાંચ દિવસમાં જ જે તે વિભાગમાં મોકલવાનો રહેશે. જો કે આ સમયમર્યાદા ૧૦ દિવસ સુધીની રાખવામાં આવી છે. આ વખતે સામાન્ય વહીવટ વિભાગે નિયમનુ પાલન નહી કરનારાં અધિકારી- કર્મચારી સામે પગલાં લેવા પણ ચિમકી આપી છે.

આ પણ વાંચો :-

૧૫૦૦ રૂપિયાથી પણ ઓછી કિંમતમાં ખરીદો આ સ્માર્ટ ઘડિયાળ

News Editor
-
0

If you are looking

  • best smartwatch to buy online : જો તમે નવી સ્માર્ટવોચ ખરીદવાનું વિચારી રહ્યા છો. તો અમે તમારા માટે એકથી એક જોરદાર સ્માર્ટવોચના ઓપ્શન લઈને આવ્યા છીએ. એમેઝોન પર ધાસુ ઓફર હેઠળ સ્માર્ટવોચ રૂ.૧૫૦૦થી ઓછી કિંમતમાં અવેલેબલ છે.

એમેઝોન ઈન્ડિયા પર ‘‘Blockbuster Value Days’ સેલ ચાલુ છે. સેલમાં ગ્રાહકોને અનેક પ્રકારની ઓફર્સ અને ડિસ્કાઉન્ટનો લાભ આપવામાં આવી રહ્યો છે. સેલમાં સ્માર્ટ વોચ, એસેસરીઝ, ઈયરબડ જેવી વસ્તુઓ ખૂબ જ સસ્તામાં ખરીદવાની તક છે. ખાસ વાત એ છે કે HDFC બેંકના ક્રેડિટ અને ડેબિટ કાર્ડ પર 10%નું વધારાનું ડિસ્કાઉન્ટ મળી રહ્યું છે..

Fireboltt Ninja Fit :

આ સ્માર્ટવોચમાં ૧.૬૯-ઈંચની ડિસ્પ્લે છે. જે ઘડિયાળની કિનારીઓને સંપૂર્ણપણે આવરી લે છે. એમેઝોન પર આ ઘડિયાળની કિંમત રૂ.૧,૦૯૯ છે. કંપની દાવો કરે છે કે તે સામાન્ય ઉપયોગ પર ૭-૧૦ દિવસ સુધીની બેટરી લાઇફ આપે છે અને તે સ્ટેન્ડબાય મોડ પર ૪૦ દિવસ સુધી ટકી શકે છે.

Dizo Smartwatch  :

ડીઝો વોચ ડી2 પાવરમાં ૫૦૦ નિટ્સ બ્રાઈટ ડિસ્પ્લે છે. જેમાં અમેઝિંગ વ્યૂઈંગ એક્સપિરિયન્સ મળે છે. આ ઘડિયાળ એમેઝોન પર રૂ.૧,૦૯૯માં ખરીદી શકાય છે. તે એક જ ચાર્જ પર ૧૦ દિવસ સુધી ચાલી શકે છે.

boat Wave Leap Call :

આ સ્માર્ટવોચમાં 1.83-ઈંચની HD ડિસ્પ્લે ઉપલબ્ધ છે. તેમાં એડવાન્સ બ્લૂટૂથ કોલિંગ ફીચર આપવામાં આવ્યું છે. એમેઝોન પર તેની કિંમત રૂ.1,599 છે. તેમાં મલ્ટિપલ વોચ ફેસ, મલ્ટી સ્પોર્ટ્સ મોડ, એચઆર અને એસપીઓ2 મોનિટરિંગ અને વેધર ફોરકાસ્ટ ફીચર છે.

આ પણ વાંચો :–

1...1,0751,0761,077...1,462Page 1,076 of 1,462