Home Blog Page 1076

Creta જેવી જ ગાડી સાવ સસ્તામાં ! બુકિંગ માટે થઈ રહી છે પડાપડી

News Editor
-
0

A car similar to Creta

  • Best SUV under 8 Lakh : બલેનોની કિંમતે ઉપલબ્ધ SUV 3 લાખ ઓછામાં ક્રેટા જેવો લુક આપે છે. ફીચર્સ છે અદ્ભુત. આજે અમે તમને એક એવી એસયુવી વિશે જણાવવા જઈ રહ્યા છીએ જે કિંમતની બાબતમાં બલેનો જેવી જ છે.

શું તમને પણ ક્રેટા ગમે છે અને તમારું બજેટ એની સામે ઓછું પડે છે? ફિકર નોટ…હવે માર્કેટમાં ધૂમ મચાવવા આવી ગઈ છે ક્રેટા જેવા જ લૂક અને ફિચર્સવાળી સ્માર્ટ એક્સયુવી કાર. આ ગાડીનો લૂક છે એકદમ ક્રેટા જેવો. હાલ આ ગાડીના બુકિંગ માટે થઈ રહી છે પડાપડી. કારણકે બલેનોની કિંમતમાં મળી રહી છે ક્રેટા જેવી જાયન્ટ કાર.

મારુતિ સુઝુકી બલેનો (Maruti Suzuki Baleno) દેશમાં લોકપ્રિય હેચબેક કાર છે. પરંતુ એવા ઘણા લોકો છે જે હેચબેકને બદલે SUV ખરીદવા ઈચ્છે છે. જો SUV ની વાત આવે તો કોમ્પેક્ટ SUV સેગમેન્ટમાં Hyundai Creta સૌથી વધુ વેચાતી કાર છે. પરંતુ કિંમતમાં તે થોડી મોંઘી છે. પરંતુ આજે અમે તમને એક SUV વિશે જણાવવા જઈ રહ્યા છીએ જે કિંમતના મામલે બલેનો જેટલી છે. પરંતુ તેનો લુક તમને Creta જેવો જ મળશે. અમે વાત કરી રહ્યા છીએ Hyundai Venue વિશે.

તમને જણાવી દઈએ કે મારુતિ બલેનોની કિંમત રૂ.6.6 લાખથી શરૂ થાય છે અને રૂ.9.8 લાખ સુધી જાય છે. જ્યારે Hyundai Cretaની કિંમત રૂ.10.87 લાખથી શરૂ થાય છે. આવી સ્થિતિમાં, તમને હ્યુન્ડાઈ વેન્યુ માત્ર 7.7 લાખ રૂપિયાની પ્રારંભિક કિંમતે મળશે. એટલે કે તે Hyundai Creta કરતાં 3 લાખ રૂપિયા સસ્તી મળી રહી છે.

કેવો છે આ શાનદાર ગાડીનો લૂક :

તેનો લુક તમને ઘણી હદ સુધી ક્રેટાની યાદ અપાવશે. તેમાં ક્રોમ ફિનિશ સાથે મોટી ફ્રન્ટ ગ્રિલ મળે છે. વળાંક સૂચક બોનેટની બંને બાજુએ છે. ફોગ લેમ્પને બદલે નવા પહોળા એર ઈનલેટ્સ ઉપલબ્ધ છે. તેને ક્રોમ વિન્ડો લાઈન, એલોય વ્હીલ્સ માટે ડ્યુઅલ-ટોન ડિઝાઈન અને કનેક્ટિંગ લાઈટ બાર સાથે સ્પ્લિટ ટેલ લેમ્પ મળે છે.

Hyundai Venue Engine :

સ્થળ કુલ ત્રણ એન્જિન વિકલ્પોમાં ઉપલબ્ધ છે. બે પેટ્રોલ પાવરટ્રેન છે : એક 83PS 1.2-લિટર પેટ્રોલ અને 120PS 1.2-લિટર ટર્બો-પેટ્રોલ. 1.5-લિટર ડીઝલ યુનિટ છે જે 116PS/250Nm જનરેટ કરે છે. ત્રણેય એન્જિન મેન્યુઅલ ટ્રાન્સમિશન સાથે ઉપલબ્ધ છે. જ્યારે ટર્બો-પેટ્રોલ યુનિટ સાથે સાત-સ્પીડ DCT અને છ-સ્પીડ IMT ઓફર કરવામાં આવે છે.

Hyundai Venue Features :

સ્થળની વિશેષતાઓની યાદીમાં આઠ ઈંચની ટચસ્ક્રીન, એર પ્યુરીફાયર, ફોર-વે સંચાલિત ડ્રાઈવર સીટ, વાયરલેસ એન્ડ્રોઈડ ઓટો અને એપલ કારપ્લે અને સનરૂફનો સમાવેશ થાય છે. તેમાં કનેક્ટેડ કાર ટેક, ઓટો એસી, પુશ બટન સ્ટાર્ટ/સ્ટોપ, વાયરલેસ ફોન ચાર્જિંગ અને કૂલ્ડ ગ્લોવબોક્સ મળે છે.

સુરક્ષામાં ચાર એરબેગ્સ, EBD સાથે ABS, રીઅર પાર્કિંગ સેન્સર, રીઅર વ્યુ કેમેરા, હિલ-હોલ્ડ આસિસ્ટ, ટાયર પ્રેશર મોનિટરિંગ સિસ્ટમ અને ઈલેક્ટ્રોનિક સ્ટેબિલિટી કંટ્રોલનો સમાવેશ થાય છે.

આ પણ વાંચો :-

Parineeti-Raghav Wedding : આ વર્ષમાં જ પરિણીતી અને રાઘવ કરશે લગ્ન, જાણો ક્યાં કરશે લગ્ન

News Editor
-
0

Parineeti-Raghav Wedding

  • Parineeti Raghav Wedding : ઉદયપુર ટુરિઝમ વિભાગના ડેપ્યુટી ડાયરેક્ટર શિખા સક્સેનાએ ખુલાસો કર્યો છે કે તે પરિણીતીને થોડા દિવસો પહેલા એરપોર્ટ પર મળ્યા હતા. બંને વચ્ચે આ મીટિંગ ૨૦ મિનિટ સુધી ચાલી અને ત્યારબાદ તેમણે આખો દિવસ અલગ અલગ સ્થળ જોવામાં સમય વિતાવ્યો હતો.

દિલ્હીમાં (Delhi) ધામધૂમથી સગાઈ કર્યા બાદ પરિણીતી ચોપરા (Parineeti Chopra) અને રાઘવ ચઢ્ઢા (Raghav Chadha) આ વર્ષમાં જ લગ્ન કરી લેવાના મૂડમાં છે. જાણવા મળતી માહિતી અનુસાર બંને આ વર્ષના અંત સુધીમાં લગ્નના બંધનમાં બંધાઈ જશે. પરિણીતી અને રાઘવે લગ્નની તૈયારીઓ પણ શરુ કરી દીધી છે. હાલ આ બંને લગ્ન માટે સ્થળ શોધી રહ્યા છે. ચર્ચાઓ છે કે આ કપલ આ વર્ષે સપ્ટેમ્બરથી નવેમ્બર વચ્ચે લગ્નના બંધનમાં બંધાઈ શકે છે.

ઉદયપુર ટુરિઝમ વિભાગના ડેપ્યુટી ડાયરેક્ટર શિખા સક્સેનાએ ખુલાસો કર્યો છે કે તે પરિણીતીને થોડા દિવસો પહેલા એરપોર્ટ પર મળ્યા હતા. બંને વચ્ચે આ મીટિંગ ૨૦ મિનિટ સુધી ચાલી અને ત્યારબાદ તેમણે આખો દિવસ અલગ અલગ સ્થળ જોવામાં સમય વિતાવ્યો હતો. શિખાએ ખુલાસો કર્યો કે પરિણીતીએ તેની સાથે વાતચીત દરમિયાન લગ્નનો ઉલ્લેખ કર્યો નથી.

પરંતુ જે થયું તેના પરથી અંદાજ છે કે તે રાજસ્થાનમાં લગ્ન કરી શકે છે. પરિણીતીએ તેની પાસેથી ઉદયપુરના વાતાવરણ વિશે માહિતી લીધી હતી અને તેને સપ્ટેમ્બર મહિનો બરાબર લાગ્યો હતો. આ સિવાય પરિણીતી નવેમ્બરના વિચારમાં પણ હતી. આ મીટિંગ દરમિયાન પરિણીતીની ટીમે દરેક માહિતીને બરાબર નોંધી હતી.

સૂત્રોના જણાવ્યા અનુસાર પરિણીતી અને રાઘવ ધામધૂમથી પંજાબી સ્ટાઈલમાં લગ્ન કરશે. તેઓ ઈચ્છે છે કે લગ્નમાં પરિવારના તમામ સભ્યો અને મિત્રો ખૂબ જ આનંદ માણે. પરિણીતીએ વાતનું પણ ધ્યાન રાખી રહી છે કે વેડિંગ ફંક્શન વચ્ચે પણ તે મહેમાનો માટે પૂરતો સમય કાઢે.

બોલીવુડ અભિનેત્રી પરિણીતી ચોપડા અને આમ આદમી પાર્ટીના નેતા રાઘવ ચઢ્ઢાએ ૧૩ મેના રોજ દિલ્હીના કપૂરથલા હાઉસમાં ખૂબ જ ધામધૂમથી સગાઈ કરી હતી. જેમાં ઘણા મોટા રાજનેતાઓએ પણ ભાગ લીધો હતો. પરિણીતીની બહેન પ્રિયંકા ચોપડા પણ ખાસ સગાઈ માટે અમેરિકાથી ભારત આવી હતી.

આ પણ વાંચો :-

વાવાઝોડા સાથે આવેલા વરસાદે ગુજરાતમાં વિનાશ નોતર્યો

News Editor
-
0

The rains accompanied

  • છેલ્લા ૨૪ કલાકમાં ગુજરાતના ૫૫થી વધુ તાલુકામાં પડયો વરસાદ. સૌથી વધુ બેચરાજીમાં અઢી ઈંચ ખાબક્યો. આજે પણ રાજ્યમાં ભારે વરસાદની આગાહી.

ગુજરાતમાં (Gujarat) ગઈકાલે સાંજે અચાનક આવેલા વાતાવરણના પલટા બાદ ધોધમાર વરસાદ (Torrential rain) તૂટી પડયો હતો. હવામાન વિભાગના (Meteorological Department) આંકડા અનુસાર, ગુજરાતમાં છેલ્લા ૨૪ કલાકમાં ૫૫ થી વધુ તાલુકામાં વરસાદ પડયો છે. જેમાં સૌથી વધુ બેચરાજીમાં (Becharaj) ૨.૫ ઈંચ વરસાદ ખાબક્યો છે. તો હજી પણ ગુજરાતના માથે વરસાદની ઘાટ ટળી નથી. ગુજરાતમાં આજે પણ ભારે વરસાદની આગાહી છે.

ગુજરાતમાં બનાસકાંઠા, પાટણ, મહેસાણા અને સાબરકાંઠા ઉપરાંત રાજકોટ, અમરેલી, ભાવનગર અને કચ્છમાં વરસાદ થશે. ઉત્તર-પશ્ચિમ રાજસ્થાન અને તેને અડીને આવેલા વિસ્તારોમાં સાઈક્લોનિક સર્ક્યુલેશન સિસ્ટમ સર્જાઈ છે. તેની સાથે જ ઉત્તરી મધ્યપ્રદેશમાં ટ્રફ સર્જાયું છે.

જ્યારે પાકિસ્તાન નજીક વેસ્ટર્ન ડિસ્ટર્બન્સ સર્જાયું છે. આ ત્રણ સિસ્ટમથી ગઈ કાલે બપોર બાદ અમદાવાદમાં વીજળીના કડાકા તેમજ તોફાની પવન સાથે વરસાદના છાંટા પડવાના શરૂ થયા. તેના બાદ અમદાવાદ અને ભાવનગરમાં ધોધમાર વરસાદ તૂટી પડયો હતો. વધુમાં આ સક્રિય સિસ્ટમની અસર નબળી પડતાં 30 મે પછી વાતાવરણ નોર્મલ થશે.

સૌરાષ્ટ્રમાં રાજકોટ, અમરેલી, ભાવનગરમાં ભારે વરસાદની આગાહી છે. તો પોરબંદર, પાટણ, મહેસાણાની સાથોસાથ બનાસકાંઠા, સાબરકાંઠા, વડોદરા અને આણંદ સહિતના જિલ્લામાં કમોસમી વરસાદની આગાહી કરવામાં આવી છે. આજે અને આવતી કાલે ગુજરાતમાં સૂસવાટાભેર પવન અને ગાજવીજ સાથે માવઠું થવાનું અનુમાન લગાવવામાં આવ્યું છે.

આ પણ વાંચો :-

૨૯ મે / અંગત કાર્યોમાં ડખા, ટેન્શન હાઈપર, આ રાશિના જાતકોનો સોમવાર મજાને બદલે સજાનો સાબિત થશે, જુઓ આજનું રાશિ ભવિષ્ય

News Editor
-
0

29 May / In personal affairs

મેષઃ
દિવસની શરૂઆત આનંદથી થતી જણાય. બપોર સુધી આવક પણ જળવાય. બપોર પછી આવક ઓછી થતી જણાય અને તબિયતમાં પણ અસ્વસ્થતા જણાય. શરદી-ખાંસી-થાક લાગવાની તકલીફ જણાય. ધંધામાં પ્રગતિ.

વૃષભઃ
સ્વભાવમાં થોડી ઉગ્રતા જણાય. આર્થિક મોરચે ફાયદો થતો જણાય. પરિવારમાં આનંદ-પ્રમોદનું વાતાવરણ પેદા થાય.માતૃસુખ સારૂ. નોકરી-ધંધામાં પ્રગતિ.

મિથુનઃ
કોઇ બનાવી ન જાય એનું ધ્યાન રાખવું. સરકારી કામકાજ, લખાણ બરોબર વાંચી ને કરવું. નાણાંકીય લાભ મેળવી શકાશે. પરિવારમાં આનંદ. સંતાનની પ્રગતિથી મન હરખાય. વાહન સુખ મળે. નવા રોકાણો યોગ્ય રીતે કરી શકાય.

કર્કઃ
દિવસ દરમ્યાન આનંદ ઉત્સાહમાં વધારો થતો જણાય. માનસિક શાંતિ અનુભવાય. નાણાંની આવક અંગે મધ્યમ દિવસ છે. પરિવારના સભ્યો વચ્ચે એકરાગીતા જળવાશે. નોકરી-ધંધામાં મિશ્રફળ મળે. આરોગ્ય સારૂં રહેશે. જમણી છાતી ની કાળજી રાખવી.

સિંહઃ
મનમાં ચંચળતા રહે. આપનું મન કોઇ કળી શકે નહીં. નવા મિત્રો બનશે. જુના મિત્રોને મળવાનું થાય. પ્રિય ‌પાત્ર સાથે પ્રેમ જળવાશે. જીવનસાથી ની પ્રગતિથી આનંદ. ધંધામાં પ્રગતિ. સત્તા,હોદ્દો, માન માં વધારો થાય.

કન્યાઃ
દિવસ દરમ્યાન આનંદ ઉત્સાહમાં ‍વધારો થતો જણાય. માનસિક શાંતિ અનુભવાય. નાણાંની આવક અંગે મધ્યમ દિવસ છે. પરિવાર ના સભ્યોની પ્રગતિ થતી જણાય. નોકરી-ધંધા માં ફાયદો થતો જણાય. માથાનો દુઃખાવો રહે.

તુલાઃ
વિદેશના સંબંધો તરફથી લાભ મળતો જણાય. વિદેશ જવાની વ્યવસ્થા નું આયોજન થતું જણાય. માનસિક સંતોષ રહેતો જણાય. પરિવારના સભ્યોના આરોગ્યની ચિંતા રહે. નોકરીમાં બઢતી અને ધંધામાં પ્ર‌ગતિ શક્ય બને.

વૃશ્ચિકઃ
સ્વભાવમાં થોડી ઉગ્રતા જણાય. સિધ્ધાંતવાદી વલણ રહે. આર્થિક દ્રષ્ટિએ સારો દિવસ. માતા-પિતા સાથે મનમેળ રહે. નવા રોકાણો ફાયદા કારક નીવડે. વાહન સુખ, મિલકત સુખમાં વધારો થાય. સ્વાસ્થ્ય જળવાય.

ધનઃ
માનસિક રીતે અસંતોષની ભાવના પેદા થાય. નાના ભાઇ બહેનો સાથે સારૂ. કાર્યક્ષેત્ર સફળતા મળતી જણાય. પરિવાર પ્રત્યે ઉદાસીનતા વર્તાય. ભાગ્ય બળવાન છે. નોકરીમાં બઢતી અને ધંધામાં પ્રગતિ અનુભવાય.

મકરઃ
માન-સન્માનમાં વધારો થતો જણાય. નાણાંકીય બાબતો અંગે સંતોષ. પરિવારમાં આનંદ. સ્થાવર જંગમ મિલકતના રોકાણોમાં સાનુકુળતા જણાય. સંતાન ના પ્રશ્નો ઉકેલાય. સંતાન તરફથી પ્રેમ મળતો જણાય.

કુંભઃ
આર્થિક બાબતો અંગે શુભ દિવસ. છતાં આજે કોઇને ઉધાર આપવું નહીં. નાણાં ઉછીના આપવા નહીં. પૈસા ફસાઇ ન જાય તેનું ધ્યાન રાખવું. ખાંસી, તાવનો ઉપદ્રવ રહે. દિવસના પૂર્વાર્ધમાં ધંધા બાબતે સારૂ.

મીનઃ
આનંદ-ઉત્સાહ સભર દિવસ જણાય. આર્થિક પાસુ મજબુત બને. પરિવારના સ્ત્રીવર્ગને સફળતા મળતી જણાય. પત્નિ સાથે ઉત્તમ પ્રેમ જળવાશે. ધંધાકીય બાબતોમાં સાચવવું. વિચારીને નિર્ણયો લેવાની સલાહ છે.

આ પણ વાંચો :-

 

શુભમન ગિલ IPL ફાઈનલમાં રચશે ઈતિહાસ ! કોહલીના ‘વિરાટ’ રેકોર્ડથી માત્ર….

News Editor
-
0

Shubman Gill will create history

  • IPL 2023 ની ફાઈનલ મેચ આજે એટલે કે ૨૮ માર્ચે અમદાવાદના નરેન્દ્ર મોદી સ્ટેડિયમમાં રમાશે. આ મેચમાં ચેન્નાઈ સુપર કિંગ્સ અને ગુજરાત ટાઈટન્સની ટીમો આમને-સામને છે.

IPL 2023 ની ફાઈનલ મેચ ચેન્નાઈ સુપર કિંગ્સ (Chennai Super Kings) અને ગુજરાત ટાઈટન્સ (Gujarat Titans) વચ્ચે ૨૮ મે (આજે) ના રોજ રમાશે. આ શાનદાર મેચ વિશ્વના સૌથી મોટા ક્રિકેટ સ્ટેડિયમ નરેન્દ્ર મોદી સ્ટેડિયમમાં (Narendra Modi Stadium) રમાશે. આ મોટી મેચમાં ઘાતક ફોર્મમાં ચાલી રહેલ ગુજરાતનો સ્ટાર ઓપનર શુભમન ગિલ (Shubman Gill) એક મોટો રેકોર્ડ તોડી શકે છે. તે નંબર ૧ બનવાથી માત્ર ૨ રન દૂર છે.

ગિલ ઘાતક ફોર્મમાં :

ગુજરાત ટાઈટન્સ માટે ઓપનિંગ કરતા શુભમન ગિલે તેની છેલ્લી ત્રણ મેચમાં સતત સદી ફટકારીને દુનિયાને બતાવી દીધું છે કે તે આવનારા સમયમાં કેવો ખેલાડી બનવાનો છે. છેલ્લી મેચમાં મુંબઈ ઈન્ડિયન્સ સામે સદી ફટકારીને તેણે એક ચપટીમાં ઘણા મોટા રેકોર્ડ તોડી નાખ્યા હતા. હવે તે IPL 2023ની ફાઈનલમાં ચેન્નાઈ સુપર કિંગ્સ સામે એક મોટો રેકોર્ડ પોતાના નામે કરી શકે છે. વિરાટ કોહલીને પાછળ છોડીને તેની પાસે નંબર-૧ બનવાની મોટી તક છે.

તુટી જશે કોહલીનો ‘વિરાટ’ રેકોર્ડ !

વિરાટ કોહલીની આ IPL સિઝન ખૂબ જ શાનદાર રહી હતી. વર્તમાન સિઝનમાં તેની બેટિંગ જોઈને કંઈક અંશે ૨૦૧૬ની યાદ આવી ગઈ. જ્યાં તેણે ૪ ઝડપી સદી ફટકારીને ૯૭૩ રન બનાવ્યા હતા. તે સિઝનમાં તેણે સ્પિન બોલરો સામે ૩૬૪ રન બનાવ્યા હતા. વિરાટનો આ રેકોર્ડ હવે શુભમન ગિલના નિશાના પર છે.

ગિલ પાસે ૬ સિઝન પછી આ રેકોર્ડ તોડવાની મોટી તક છે. ગિલે વર્તમાન સિઝનમાં ૩૬૩ રન બનાવ્યા છે. જો તે આજની મેચમાં ૨ રન બનાવશે તો તે એક સિઝનમાં સ્પિન બોલરો સામે સૌથી વધુ રન બનાવનાર ખેલાડી બની જશે.

આ પણ વાંચો :-

પ્રેમિકાનું ઢીમ ઢાળી દેનાર સુરજ ભુવાજી ઉદ્યોગપતિ જેવી જિંદગી જીવતો, તસ્વીરો જોઈને ઈર્ષ્યા આવશે

News Editor
-
0

Suraj Bhuwaji

  • પ્રેમિકાથી પીછો છોડાવવા માટે પ્રેમી ભુવાજીએ હત્યાનું કાવતરું રચ્યું અને એક વર્ષ બાદ હત્યાનો ભાંડો ફૂટતા એક મહિલા સહિત ૮ આરોપીઓની ઝોન ૭ LCB ટીમે ધરપકડ કરી.

રિલ લાઈફની (Real life) સ્ટોરીને પણ ટક્કર મારતી રિયલ લાઈફમાં હત્યાની સનસનીખેજ ઘટના અમદાવાદમાં બની છે. ત્યારે સુરજ ભુવાજીની (Suraj Bhuwaji) વૈભવી લાઈફસ્ટાઈલ ભલભલાની ઈર્ષ્યા કરાવે તેવી છે. તેની સોશિયલ મીડિયા તસવીરો આ બાબતના પુરાવા આપે છે કે તે કેવા પ્રકારની જીવનશૈલી જીવતો હતો.

સુરજ ભુવાજીનું સોશિયલ મીડિયા એકાઉન્ટ કોઈ નબીરા જેવુ છે. કોઈ ઉદ્યોગપતિ પરિવારના નબીરા જેવી તેની જીવનશૈલી છે. અહી તેની અનેક તસવીરો અને વીડિયો મળી આવ્યા છે. સૂરજ સોલંકી માતાજીનો ભૂવો હોવાનો દાવો કરે છે.  તેના સોશિયલ મીડિયામાં હજારોની સંખ્યામાં ફોલોઅર્સ છે. સોશિયલ મીડિયા પર તેની વૈભવી કાર અને હોટલની તસવીરો છે. તે મોંઘીદાટ ગાડીઓનો શોખીન છે.

આ ઉપરાંત તેની એવી તસવીરો પણ શેર કરાઈ છે. જેમાં તે ફુલોના ઢગલા વચ્ચે બેઠો હોય. ઉલ્લેખનીય છે કે, મૃતક યુવતી ધારા પોતાના પ્રેમી સુરજ ભુવાજીને જ પોતાની દુનિયા માનતી હતી, પણ પ્રેમી એ જ પ્રેમિકાની દુનિયાનો અંત લાવવાનો પ્લાનિંગ કરી નાખ્યો હતો.

તે વાતનો ખ્યાલ મૃતક ધારાને સપને ય નહિ વિચાર્યું હોય. ગત ૨૦ જૂન ૨૦૨૨ના રોજ ધારા કડીવાર જૂનાગઢથી આરોપી મિત શાહ અને સુરજ સોલંકી ઉર્ફે ભુવાજી સાથે નીકળેલી. જોકે તે પહેલા જ તેની હત્યાનો પ્લાનિંગ થઈ ગયો હતો અને ધારાને અમદાવાદ લાવવાને બદલે ચોટીલા પાસેના વાટાવછ લઈ જવાઈ. તે જ સમયે આરોપી મિત શાહે ગળું દબાવી ધારાની હત્યા કરી નાખી.

બાદમાં તુરંત જ ધારાના કપડાં અને મોબાઇલ લઈ અગાઉથી જ પુરાવાનો નાશ કરવા ધારાના મૃતદેહને આરોપી યુવરાજ સોલંકીની વાડીમાં જ સળગાવી દીધી. જોકે ધારાના મૃતદેહનો નિકાલ કરવા લાકડા, પેટ્રોલ અને ઘાસચારો પણ અગાઉથી જ પકડાયેલા આરોપીઓએ પ્લાનિંગ મુજબ મંગાવી રાખેલો હતો. ધારાની હત્યા કેસની આ કહાની માત્ર આટલે જ ન અટકી પરંતુ પોલીસને ગુમરાહ કરવા આ કેસમાં સંડોવાયેલા આરોપીઓ પૈકી બે આરોપીઓ મિત શાહ અને સૂરજ સોલંકી ઉર્ફે ભુવાજી અમદાવાદ આવ્યા.

બાદમાં આરોપી મિત શાહે માતા મોના શાહને મૃતક ધારાના કપડાં પહેરાવી પાલડી અને સનાથલ વિસ્તારમાં ફેરવામાં આવી. અને તે જ સમયે અન્ય આરોપીઓ યુવરાજ અને ગુંજન ધારાનો મોબાઈલ લઈ મુંબઈ પહોંચ્યા હતા. જ્યાંથી સંજય સોહેલિયા નામના આરોપીના મોબાઈલ પર એક મેસેજ કરી પોલીસને ગેરમાર્ગે દોરવાનું શરૂ કરાયું.

આ પણ વાંચો :-

૨૮ મે / આકસ્મિક ધનલાભની સંભાવના, વાહન ખરીદવાના યોગ, આ રાશિના જાતકોને રવિવાર ફળશે, આજનું રાશિ ભવિષ્ય

News Editor
-
0

May 28 / Possibility

મેષઃ
સ્વભાવમાં શાંતિનો અનુભવ થાય. આ‌ર્થિક બાબતો અંગે સામાન્ય. નાના-ભાઇ બહેનોના સ્વભાવમાં ઉગ્રતા વર્તાય. પરિવામાં શાંતિ. સંતાનોની ‌તબિયત સંબંધી ચિંતા રહે. એમની આંખ સાચવવાની સલાહ છે. આપનું આરોગ્ય જળવાશે.

વૃષભઃ
આવક વધતી જણાય. પરિવારમાં આનંદનું વાતાવરણ પેદા થાય. માતૃસુખ સારૂ મળશે. સ્થાવર જંગમ મિલકતથી લાભ. નવું વાહન ખરીદવાનો યાગ બને છે. વાહનમાંથી ભાડાની આવક પેદા કરી શકાય. નોકરી-ધંધામાં સફળતા મળતી જણાય.

મિથુનઃ
સ્વભાવમાં જીદ્દી પણું વધતુ જણાય. આવક સંબંધી સમસ્યા હળવી થતી જણાય. કુટુંબમાં પરસ્પર સંપ નું વાતાવરણ રહે. નાની મુસાફરી ના યોગ બને છે. જીવનસાથી સાથે મનદુઃખના પ્રસંગ ઉદભવે. આરોગ્ય સારૂં રહેશે.

કર્કઃ
આનંદ-ઉત્સાહ ભર્યો દિવસ. આવકનું પ્રમાણ વધે. અચાનક ધન લાભ ના યોગ છે. પરિવારમાં વાદ-વિવાદ વધતા જણાય. દગા-ફટકાથી સાચવવું. આરોગ્યની ચિંતા રહે. મિત્રો તરફથી લાભ મળતો જણાશે.

સિંહઃ
પૂર્વ જન્મોના કર્મ અનુસાર કલ્યાણ કારી ફળ મળશે. સ્વમાની, અધિકારની લાલસા વધતી જણાશે. સાથે સાથે રંગીન તત્વ અને શારિરીક કલા નો સુમેળ સર્જાતો જણાશે. વેપાર, શેર, સ્ટોક એક્ષચેન્જ તથા કેમીસ્ટના ધંધા વાળા માટે શુભ.

કન્યાઃ
વિદેશથી સારા સમાચાર મળે. એક્ષપોર્ટ-ઇમ્પોર્ટના ધંધામાં લાભ. સાહિત્યમાં રસ વધે. નવા મિત્રો બનતા જણાય. માતૃસુખ તથા સ્થાવર-જંગમ મિલકત અંગે સામાન્ય દિવસ. ચામડીના રોગોની કાળજી રાખવી.

તુલાઃ
પરોપકારની ભાવના વધે. સ્વભાવમાં લાગણી શીલતા વિશેષ રહે. આવકમાં વધારો થતા આનંદ ઉત્સાહ વધે. પરિવારના સભ્યોની થોડી ચિંતા સતાવે. મિત્રો તરફથી સહકાર મળતો જણાય. આરોગ્ય જળવાય.

વૃશ્ચિકઃ
દામ્પત્ય સુખમાં ઉણપ આવે. પત્નિ સાથે ગુસ્સા ના પ્રસંગ બને. નોકરી-ધંધામાં પ્રગતિ થતી જણાય. નવા રોકાણો યોગ્ય રીતે થાય. જુના રોકાણોમાંથી સામાન્ય ફાયદો થતો જણાય. આરોગ્ય સારૂ રહે.

ધનઃ
આજે આપનું ભાગ્ય બળવાન છે. દરેક કાર્યમાં ભાગ્યનો સાથ મળે. પિતા તરફથી લાભ. ધાર્મિક યાત્રાનું આયોજન શક્ય બને. છતાં થોડો અસંતોષ વર્તાય. કાર્યમાં સફળતા મળે. આરોગ્ય સારૂ રહેશે.

મકરઃ
આવકમાં ઘટાડો થતો જણાય. પરિવારના સ્ત્રીવર્ગ ને તકલીફનો અનુભવ કરવો પડે, આથી માનસિક શાંતિ હણાતી જણાય. સંતાનની પ્રગતિ થી આનંદ થાય. પડવા-વાગવાથી સાચવવું. નોકરી-ધંધા માટે સામાન્ય દિવસ છે.

કુંભઃ
આવક ના નવા નવા સ્ત્રોતો ખુલતા જણાય. કરેલા રોકાણોમાંથી સારી આવક આવતી જણાય. શેરબજારમાથી પણ લાભ થવાના યોગ બને છે. સંતાનને ગરમીનો ઉપદ્રવ રહે. આરોગ્ય સારૂ રહેશે. સામાન્ય શરદી-કફ રહેતા જણાય.

મીનઃ
સેવા દ્વારા સાચા આનંદનો અનુભવ કરી શકશો. સંતાનથી આનંદ રહેશે. નવી વિદ્યા પ્રાપ્ત કરવાના યોગ બને છે. વિદ્યાર્થી મિત્રો માટે ખૂબ સરસ દિવસ. જમણા હાથની કાળજી રાખવી. નોકરી-ધંધામાં મિશ્રફળનો અનુભવ થશે.

આ પણ વાંચો :-

હરિયાણાનાં સીએમ ૦૪ કલાક સુધી પોતાના જ ઘરમાં રહ્યાં બંધ, જાણો શું છે સમગ્ર ઘટના

News Editor
-
0

The CM of Haryana 

  • આશ્વાસન આપતાં મુખ્યમંત્રી મનોહર લાલ ખટ્ટરે કહ્યું કે હવે તેઓ બંને ગામોની શક્યતાનો રિપોર્ટ મેળવશે. જે ગામનો રિપોર્ટ સાચો હશે તેને જ ઉપ-તાલુકો બનાવવામાં આવશે.

આશ્વાસન આપતાં મુખ્યમંત્રી મનોહર લાલ ખટ્ટરે (Chief Minister Manohar Lal Khattar) કહ્યું કે હવે તેઓ બંને ગામોની શક્યતાનો રિપોર્ટ મેળવશે. જે ગામનો રિપોર્ટ સાચો હશે તેને જ ઉપ-તાલુકો બનાવવામાં આવશે.

હરિયાળાના મુખ્યમંત્રી મનહર ખટ્ટરના મહેન્દ્રગઢ જિલ્લામાં જન સંવાદ કાર્યક્રમનો છેલ્લો દિવસ હતો. મુખ્યમંત્રીના લોક સંવાદ કાર્યક્રમમાં ફરી એકવાર હોબાળો થયો હતો. સિહમા ગામને ઉપ તાલુકાનો દરજ્જો આપવાની જાહેરાત બાદ આ બધો હંગામો થયો હતો. આ વાતની જાણ ડોગડા આહીર ગામના લોકોને થતાં જ તેઓનો રોષ ફાટી નીકળ્યો હતો અને રસ્તા પર આવી ગયા હતા.

રોષે ભરાયેલા ગ્રામજનોએ મુખ્યમંત્રીના ઘેરાવની જાહેરાત કરી હતી. ગામના લોકોએ કહ્યું કે તેમનું ગામ ડોગડા આહીર સિંહ કરતાં મોટું છે. તેથી તેને પણ ઉપ તાલુકાનો દરજ્જો આપવો જોઇએ. સીએમ ખટ્ટર ડોગડા આહીર ગામમાં જ રોકાયા હતા. ગ્રામજનોએ રાત્રે જ મુખ્યમંત્રી વિરુદ્ધ સૂત્રોચ્ચાર શરૂ કરી દીધા હતા. સીએમ જ્યાં રોકાયા હતા ત્યાં આખું ગામ એકત્ર થઈ ગયું. આ સ્થિતિમાં સીએમ ખટ્ટરને લગભગ ૦૪ કલાક સુધી નજરકેદ રાખવામાં આવ્યા હતા.

જ્યારે તે વિસ્તારના ધારાસભ્યો ગ્રામજનોને સમજાવવા આવ્યા તો તેઓએ પણ તેમનો ઉગ્ર વિરોધ કર્યો. ધારાસભ્યો નિરાશ થઈને પરત ફર્યા હતા. વિરોધ જોઈને મુખ્યમંત્રી મનોહરખટ્ટર એ ડોગડા આહીરના લોકોને વાતચીત માટે બોલાવ્યા. જેમાં તેમણે ઉપ-તાલુકા માટેના ગામોના ફિઝિબિલિટી રિપોર્ટ માટે અધિકારીઓને જવાબદાર ઠેરવ્યા હતા. તેમણે કહ્યું હતું કે જ્યારે પણ એટલી વિધાનસભામાં જનસંવાદનો કાર્યક્રમ હશે ત્યારે તેઓ તેની જાહેરાત કરશે.

મુખ્યમંત્રીએ આપ્યું આશ્વાસન :

સીએમના આશ્વાસન બાદ ગ્રામજનોએ આંદોલન પાછું ખેંચ્યું હતું. આ બેઠક અટેલીના ધારાસભ્ય સીતારામ યાદવ પણ હાજર હતા. આ પછી મુખ્યમંત્રી જન સંવાદ કાર્યક્રમ માટે નાંગલ સિરોહી જવા રવાના થયા હતા.

સિરસામાં પણ વિવાદ થયો હતો :

આ પહેલા સિરસામાં સીએમ ખટ્ટરના જન સંવાદ કાર્યક્રમના ત્રીજા દિવસે પણ વિવાદ થયો હતો. બાની ગામની મહિલા સરપંચે પોતાના ગળામાંથી દુપટ્ટો ઉતારીને મુખ્યમંત્રીના પગમાં ફેંકી દીધો હતો. આ જોઈને ત્યાં ઉભેલા પોલીસ અને અધિકારીઓમાં દોડધામ મચી ગઈ હતી. જો કે આ દરમિયાન સીએમ મનોહર લાલ આ અંગે ખુલાસો કરતા જોવા મળ્યા હતા.

આ પણ વાંચો :-

દુબળા પાતળા લોકોએ વધારવું હોય ફટાફટ વજન તો આ રીતે કેરી ખાવાનું કરો શરુ

News Editor
-
0

If thin people want  If thin people  

  • Weight Gain Tips : વધેલું વજન ઘટાડવું જ નહીં વજન વધારવું પણ મુશ્કેલ કાર્ય છે. કેટલાક લોકો એવા હોય છે જેમનું શરીર દુર્બળ હોય છે અને તેમને વજન વધારવું હોય છે. પરંતુ અનેક પ્રયાસો પછી પણ તેમનું વજન વધતું નથી.

મોટાભાગના લોકો વધતા વજનથી પરેશાન હોય છે. કારણ કે વધેલું વજન (Increased weight) ઘટાડવું મુશ્કેલ લાગે છે. જો કે માત્ર વધેલું વજન ઘટાડવું જ નહીં વજન વધારવું પણ મુશ્કેલ કાર્ય છે. કેટલાક લોકો એવા હોય છે જેમનું શરીર દુર્બળ હોય છે અને તેમને વજન (weight) વધારવું હોય છે. પરંતુ અનેક પ્રયાસો પછી પણ તેમનું વજન વધતું નથી.

જેના કારણે ક્યારેય કોઈ કપડા તેમને ફિટ નથી બેસતા તો ક્યારેક તેઓ પોતાના પાતળા શરીરને કારણે કેટલાક લોકોની સામે સંકોચ અનુભવે છે. જો તમે પણ એવા લોકોમાંથી એક છો જેમનું વજન વધતું નથી તો તમે કેરી ખાઈને વજન વધારી શકો છો.

ઉનાળામાં કેરી (Mango) ખાવી દરેક વ્યક્તિને ભાવે છે. વજન વધારવા માટે કેરી ખાવી ફાયદાકારક માનવામાં આવે છે. આજે તમને જણાવીએ કે કેરી ખાઈને તમે તમારું વજન કેવી રીતે વધારી શકો છો.

1. વજન વધારવા માટે માત્ર આહાર પર આધાર ન રાખો. તેના માટે નિયમિત કસરત પણ કરવી જોઈએ.

2. રોજના આહારમાં કેરીનો સમાવેશ કરો. તેને કાપીને ખાવાનું રાખો.

3. ઉનાળામાં વજન વધારવામાં કેરી ખૂબ જ ઉપયોગી છે. આ માટે કેરીના નાના ટુકડા કરી લો. એક ગ્લાસ દૂધમાં કેરીના ટુકડા ઉમેરી તેની મિક્સરમાં સ્મુધી તૈયાર કરો. તેને પીવાથી સ્વસ્થ વજન વધે છે.

આ પણ વાંચો :-

લંડનની સ્ટ્રિપ ક્લબમાં પાર્ટી કરતો જોવા મળ્યો ઈજાગ્રસ્ત કે એલ રાહુલ

News Editor
-
0

Injured KL Rahul  

  • KL Rahul Strip Club : સોશિયલ મીડિયા પર વાયરલ થયેલા એક વીડિયોમાં જોઈ શકાય છેકે કે એલ રાહુલ એક નાઈટ ક્લબમાં પાર્ટી કરી રહ્યો છે.

આઈપીએલની મેચ દરમિયાન ઈજાગ્રસ્ત થયેલા લખનઉ સુપર જાયન્ટસ (Lucknow Super Giants) ટીમના કેપ્ટન કે એલ રાહુલ (Captain KL Rahul) હાલ લંડનમાં છે. જો કે તે WTC ફાઈનલ માટે ભારતીય ટેસ્ટ ટીમનો ભાગ નથી. પગમાં ઈજા બાદ રાહુલની સર્જરી કરવામાં આવી છે અને તે ધીરે ધીરે ઠીક થઈ રહ્યો છે.

આ બધા વચ્ચે એક વીડિયો સામે આવ્યો છે જેમાં કે એલ રાહુલ લંડનની એક સ્ટ્રિપ ક્લબમાં જોઈ શકાય છે. કે એલ રાહુલનો પાર્ટી એન્જોય કરતો આ વીડિયો સોશિયલ મીડિયામાં (Social media) ઝડપથી વાયરલ થઈ રહ્યો છે.

લંડનની Luxx ક્લબ સ્ટ્રિપ ક્લબ એટલે કે એડલ્ટ ક્લબ તરીકે ઓળખાય છે. સામે આવેલા વીડિયોમાં જોઈ શકાય છે કે મોટા અવાજવાળા મ્યૂઝિકના શોરમાં એક સ્ટ્રિપર ડાન્સ કરી રહી છે અને ડિમ લાઈટ વચ્ચે કે એલ રાહુલ પણ ક્લબમાં બેસીને પાર્ટી એન્જોય કરી રહ્યો છે. તેનો આ વીડિયો સામે આવ્યા બાદ સોશિયલ મીડિયા પર મજેદાર રિએક્શન પણ જોવા મળી રહ્યા છે.

ફેન્સ ચોંકી ગયા :

કે એલ રાહુલને ક્લબમાં જોઈને ફેન્સ પણ દંગ રહી ગયા. કેટલાક લોકોએ તો પૂછી પણ લીધુ કે તે ઈજાગ્રસ્ત હતો તો ક્લબમાં કેવી રીતે આવ્યો? કેટલાક લોકોએ ફની રિએક્શન પણ આપ્યા અને લખ્યું કે કે એલ રાહુલ અહીં પણ ખુશ નથી. કેટલાક લોકોએ ટ્રોલર્સનો જવાબ આપતા લખ્યું કે ભાઈ ઓછામાં ઓછી ઈન્જરીમાં તો રાહુલને એકલો છોડો અને રિકવર થવા દો. મેદાનથી બહાર તે ગમે તે કરે.

અત્રે જણાવવાનું કે ઈજાના કારણે કે એલ રાહુલ ૦૭ જૂનથી શરૂ થતી ટેસ્ટ ચેમ્પિયનશીપની ફાઈનલ મેચમાં રમી શકશે નહીં. કે એલ રાહુલની જગ્યાએ ઈશાન કિશનને ટેસ્ટ ટીમમાં જગ્યા મળી છે. હાલ કે એલ રાહુલ સર્જરી બાદ રિકવર થઈ રહ્યો છે.

આ પણ વાંચો :-

 

1...1,0751,0761,077...1,465Page 1,076 of 1,465