Every day he talks about
- Wrestlers Protest In Baba Ramdev News : યોગ ગુરુ સ્વામી રામદેવે પણ નામ લીધા વિના યૌન શોષણના આરોપી બૃજભૂષણ સિંહ પર આકરા પ્રહારો કર્યા આવી વ્યક્તિની તાત્કાલિક ધરપકડ કરીને જેલના સળિયા પાછળ મોકલી દેવા જોઈએ.
દિલ્હી જંતરમંતર (Delhi Jantarmantar) ખાતે છેલ્લા એક મહિનાથી રેસલિંગ ફેડરેશન ઓફ ઈન્ડિયાના પૂર્વ પ્રમુખ બૃજભૂષણ શરણ સિંહની (Brijbhushan Sharan Singh) ધરપકડની માગણી સાથે કુસ્તીબાજો ધરણા કરી રહ્યા છે. આ દરમિયાન કુસ્તીબાજોના સમર્થનમાં વિવિધ રાજકીય પક્ષો, સંગઠનો અને ખેલાડીઓ સતત આગળ આવી રહ્યા છે.
આ તરફ હવે યોગ ગુરુ સ્વામી રામદેવે પણ નામ લીધા વિના યૌન શોષણના આરોપી બૃજભૂષણ સિંહ પર આકરા પ્રહારો કર્યા છે. કુસ્તીબાજોની હડતાળને સમર્થન આપતાં તેમણે કહ્યું કે કુસ્તી સંઘના પ્રમુખ પર ગેરવર્તણૂક અને વ્યભિચારનો આરોપ મૂકવો એ ખૂબ જ શરમજનક બાબત છે.
બૃજભૂષણને જેલમાં મોકલવા જોઈએ : બાબા રામદેવ
રાજસ્થાનના ભીલવાડા પહોંચેલા સ્વામી રામદેવે કહ્યું દેશના કુસ્તીબાજો માટે જંતર-મંતર પર બેસીને કુસ્તી સંઘના પ્રમુખ પર ગેરવર્તણૂક અને વ્યભિચારનો આરોપ લગાવવો એ ખૂબ જ શરમજનક બાબત છે. આવી વ્યક્તિની તાત્કાલિક ધરપકડ કરીને જેલના સળિયા પાછળ મોકલી દેવા જોઈએ. દરરોજ મોં ઉંચુ કરીને તે વારંવાર માં-બહેન અને દીકરીઓ વિશે વાહિયાત વાતો કરે છે, તે ખૂબ જ નિંદનીય છે, તે દુષ્કર્મ અને પાપ છે.
મહત્વનું છે કે આ પહેલા ૭ મેના રોજ દિલ્હીના જંતર-મંતર ખાતે ખાપ પંચાયત પણ યોજાઈ હતી. જેમાં સરકારને બૃજભૂષણની ધરપકડ કરવા માટે ૧૫ દિવસનું અલ્ટીમેટમ આપવામાં આવ્યું હતું. ખાપ પંચાયતમાં કુસ્તીબાજોના મુદ્દે સરકારને ૨૧મી મે સુધીમાં પગલાં લેવાનું અલ્ટીમેટમ આપતાં કહ્યું હતું કે જો કોઈ કાર્યવાહી નહીં થાય તો પછી મોટું આંદોલન કરવામાં આવશે.
આ પણ વાંચો :-