Amitabh Bachchan and Abhishek Bachchan
- Amitabh Bachchan : બોલીવુડના મેગાસ્ટાર અમિતાભ બચ્ચન જીવનના આ તબક્કે પણ જ્યારે સ્ક્રીન પર દેખાય છે ત્યારે તેઓ એક અલગ જ જાદુ સર્જે છે.
બોલીવુડના મેગાસ્ટાર અમિતાભ બચ્ચન (Amitabh Bachchan) જીવનના આ તબક્કે પણ જ્યારે સ્ક્રીન પર દેખાય છે ત્યારે તેઓ એક અલગ જ જાદુ સર્જે છે. અમિતાભ બચ્ચને તેના પુત્ર અભિષેક બચ્ચન (Abhishek Bachchan) સાથે પણ ઘણી હિટ ફિલ્મો આપી છે. પિતા-પુત્રની જોડીને દર્શકોએ પણ પસંદ કરી છે.
જો કે ઘણા વર્ષોથી બંને સાથે જોવા મળ્યા નથી. તેવામાં તેમના ચાહકો માટે સારા સમાચાર છે. અમિતાભ બચ્ચન અને અભિષેક બચ્ચન એક ફિલ્મમાં સાથે જોવા મળવાના છે. પિતા-પુત્રબંને એકસાથે કામ કરવા માટે તૈયાર છે માત્ર તેઓ એક સારી સ્ક્રિપ્ટની રાહ જોઈ રહ્યાં છે.
અભિષેક બચ્ચને અમિતાભ બચ્ચન સાથે ‘બંટી ઔર બબલી’, રામ ગોપાલ વર્માની ‘સરકાર’ અને ‘સરકાર રાજ’, કરણ જોહરની ડ્રામા ફિલ્મ ‘કભી અલવિદા ના કહેના’ જેવી ફિલ્મોમાં કામ કર્યું છે. અભિષેક બચ્ચને એક મુલાકાતમાં કહ્યું હતું કે, તેમને બંને એકબીજા સાથે કામ કરવાની મજા આવે છે. પરંતુ અભિનેતા તરીકે દર્શકો પ્રત્યે પણ તેમની જવાબદારી હોય છે. તે વાતને ધ્યાનમાં રાખીને તેઓ ફિલ્મની સ્ક્રિપ્ટ પસંદ કરવા ઈચ્છે છે.
તેવામાં જાણવા મળતી માહિતી અનુસાર આ બંનેની જોડી હવે ટુંક સમયમાં જોવા મળવાની છે. અભિષેક અને અમિતાભ બચ્ચનની જોડી ફીચર ફિલ્મ ઘુમરમાં જોવા મળશે. તેવામાં બંનેના ચાહકોને ફરી એકવાર મોટા પડદા પર પિતા અને પુત્રની અદ્ભુત જોડી સાથે જોવા મળશે.
આ પણ વાંચો :-