- ટાટા મોટર્સે છેલ્લા ૧ મહિનામાં એક પછી એક ચાર CNG વાહનો લોન્ચ કર્યા છે. કંપનીએ સૌથી પહેલા ટાટા અલ્ટ્રોઝનું સીએનજી વર્ઝન લોન્ચ કર્યું છે અને ત્યાર બાદ ટાટા પંચનું સીએનજી વર્ઝન લાવવામાં આવ્યું છે.
પેટ્રોલ અને ડીઝલની વધતી કિંમતોને કારણે લોકો CNG કાર ખરીદવાનું પસંદ કરી રહ્યા છે. માર્કેટમાં CNG કારના વિકલ્પો સતત વધી રહ્યા છે અને ટાટા મોટર્સ આ તકનો લાભ લેવાનો શ્રેષ્ઠ પ્રયાસ કરી રહી છે. ટાટા મોટર્સે છેલ્લા ૧ મહિનામાં એક પછી એક ચાર CNG વાહનો લોન્ચ કર્યા છે. કંપનીએ સૌથી પહેલા ટાટા અલ્ટ્રોઝનું સીએનજી વર્ઝન લોન્ચ કર્યું અને ત્યાર બાદ ટાટા પંચનું સીએનજી વર્ઝન લાવવામાં આવ્યું છે. આ સિવાય Tata Tiago અને Tata Tigor ના CNG વર્ઝન અપડેટ કરવામાં આવ્યા છે.
કંપનીએ આ વર્ષની શરૂઆતમાં આ નવી ટેક્નોલોજીને Altroz સાથે રજૂ કરી હતી. આ અંતર્ગત એક મોટી CNG ટાંકીની જગ્યાએ બે નાના CNG સિલિન્ડર ફીટ કરવામાં આવ્યા છે. આમાં ૬૦ લિટરની ટાંકીને ૩૦-૩૦ લિટરમાં વહેંચવામાં આવે છે. આ કારણે તમને અન્ય CNG કારની સરખામણીમાં વધુ બૂટ સ્પેસ મળે છે.
ટાટા પંચ CNG :
ટાટા મોટર્સે તાજેતરમાં ટાટા પંચ CNG ડયુઅલ-સિલિન્ડર CNG ટેક્નોલોજી સાથેની માઇક્રો એસયુવી લોન્ચ કરી છે. CNG સંચાલિત પંચ ચાર વેરિઅન્ટમાં ઉપલબ્ધ છે – પ્યોર, એડવેન્ચર, એડવેન્ચર રિધમ અને કોમ્પ્લીશ્ડ. તેમની કિંમત ૭.૧૦ લાખ રૂપિયાથી ૮.૮૫ લાખ રૂપિયા સુધીની છે.
ટાટા અલ્ટ્રોઝ CNG :
ટાટાએ થોડા સમય પહેલા અલ્ટ્રોઝ સીએનજી લોન્ચ કરી હતી જેની કિંમત રૂ.૭.૫૫ લાખથી શરૂ થાય છે. તે દેશની પ્રથમ CNG હેચબેક છે. જેમાં સનરૂફની સુવિધા પણ સામેલ છે. તેના ૬ વેરિઅન્ટ ઉપલબ્ધ છે. CNG મોડલમાં ૨૧૦ લિટર બૂટ સ્પેસ મળે છે. જે સ્ટાન્ડર્ડ અલ્ટ્રોઝની ૩૪૫ લિટરની બૂટ સ્પેસ કરતાં ૧૩૫ લિટર ઓછી છે.
Tata Tiago અને Tigor CNG :
ટાટા મોટર્સે ટાટા ટિયાગો અને ટિગોર સીએનજીને ડયુઅલ-સિલિન્ડર CNG ટેક્નોલોજીથી સજ્જ કર્યું છે. આ સુવિધા બુટ સ્પેસમાં મદદ કરે છે અપડેટેડ Tata Tiago iCNG ની કિંમત ૬.૫૫ લાખ રૂપિયાથી શરૂ થાય છે, જ્યારે તેના ટોપ વેરિઅન્ટની કિંમત ૮.૧૦ લાખ રૂપિયા સુધી જાય છે. તેવી જ રીતે ટાટા ટિગોર સીએનજીની કિંમત હવે રૂ.૭.૧૦ લાખથી રૂ.૮.૯૦ લાખ સુધીની છે.
આ પણ વાંચો :-
