- ફિલ્મ ‘ચંદ્રમુખી ૨’ માં રાઘવ લોરેન્સ અને કંગના રનૌત લીડ રોલમાં જોવા મળશે. આ ફિલ્મ તમિલ, હિન્દી, તેલુગુ, મલયાલમ અને કન્નડમાં રિલીઝ થવા જઈ રહી છે.
બોલિવૂડની પંગા ગર્લ કંગના રનૌત હંમેશા કોઈને કોઈ કારણોસર સમાચારમાં રહે છે. કંગના બેબાક નિવેદનથી દરેક વ્યક્તિ વાકેફ છે પણ કંગના રનૌત એક મજબૂત અભિનેત્રી છે તેમાં કોઈ શંકા નથી. અભિનેત્રી ઘણી ફિલ્મોમાં પોતાના અભિનયથી ચાહકોને પ્રભાવિત કર્યા છે. એવામાં હવે કંગનાના ચાહકોને એક સરપ્રાઈઝ મળી છે. જણાવી દઈ કે કંગના રનૌત ટૂંક સમયમાં ‘ચંદ્રમુખી ૨‘માં જોવા મળશે.
‘ચંદ્રમુખી ૨‘ ફિલ્મના સાઉથ એક્ટર રાઘવ લોરેન્સનો ફર્સ્ટ લૂક ઘણા સમય પહેલા જોવા મળ્યો છે સાથે કંગના પહેલીવાર સ્ક્રીન શેર કરશે. હવે આ ફિલ્મમાંથી કંગના રનૌતનો ફર્સ્ટ લુક પણ સામે આવ્યો છે. ફિલ્મના આ પોસ્ટરમાં કંગના શાહી અંદાજમાં જોવા મળી રહી છે.
જણાવી દઈએ કે કંગના રનૌતે તેના ઓફિશિયલ ઈન્સ્ટાગ્રામ એકાઉન્ટ પર ફિલ્મ સાથે સંબંધિત તેનો પહેલો લુક શેર કર્યો છે. આ પોસ્ટરમાં કંગનાનો રાણીનો અવતાર ઘણો આકર્ષક છે. અભિનેત્રીએ હેવી ગ્રીન કલરનો આઉટફિટ પહેર્યો છે. સાથે જ હેવી જ્વેલરી પહેરી છે. જેમાં કંગના રનૌત ખૂબ જ સુંદર લાગી રહી છે.
ગણેશ ચતુર્થીના અવસર પર સિનેમાઘરોમાં રિલીઝ થશે ફિલ્મ :
કંગના રનૌતે આ પોસ્ટર સાથે લખ્યું, ‘સુંદરતા અને મુદ્રા જે આપણું ધ્યાન ખેંચે છે. ચંદ્રમુખી ૨ માંથી ચંદ્રમુખી તરીકે કંગના રનૌતનો ઈર્ષાળુ, પ્રભાવશાળી અને ખૂબસૂરત ફર્સ્ટ લુક રજૂ કરી રહ્યાં છીએ. આ સાથે કંગના રનૌતે જણાવ્યું કે આ ફિલ્મ ગણેશ ચતુર્થીના અવસર પર સિનેમાઘરોમાં રિલીઝ થઈ રહી છે.’
આ ભાષાઓ રિલીઝ થશે ‘ચંદ્રમુખી ૨ ‘
પી.વાસુના નિર્દેશનમાં બનેલ આ ફિલ્મમાં રાઘવ લોરેન્સ અને કંગના રનૌત લીડ રોલમાં જોવા મળશે. ‘ચંદ્રમુખી ૨’ તમિલ, હિન્દી, તેલુગુ, મલયાલમ અને કન્નડમાં રિલીઝ થઈ રહી છે. જણાવી દઈએ કે ‘ચંદ્રમુખી ૨‘ 2005માં આવેલી સુપરસ્ટાર રજનીકાંત સ્ટારર ફિલ્મ ચંદ્રમુખીની સિક્વલ છે. કંગના આ ફિલ્મમાં કામ કરવાને લઈને ખૂબ જ ઉત્સાહિત છે.
ચાહકોને કંગનાનો લુક પસંદ આવ્યો :
ચંદ્રમુખી ૨માં કંગના રનૌતનો આ લુક ચાહકોને પસંદ આવ્યો છે. ઘણા લોકોએ કમેન્ટ સેક્શનમાં લખ્યું છે કે કંગના આ રોલ સાથે ન્યાય કરવા જઈ રહી છે. આ યુઝરે કંગનાને દેવીનું ટેગ પણ આપ્યું છે.
આ પણ વાંચો :-