Home Blog Page 1406

મોબાઈલ એપથી ઇન્સ્ટન્ટ લોન લેતા પહેલાં 100 વખત વિચારજો, સુરતની મહિલા સાથે બની ચોંકાવનારી ઘટના

News Editor
-
0

Think 100 times

  • સુરતના મોટા વરાછામાં રહેતી એક 30 વર્ષીય પરિણીતાને ઓનલાઇન 3 હજારની ઇન્સ્ટન્ટ લોન લેવી ભારે પડી. લોનની રકમ ચૂકવી દીધા બાદ પણ વધુ રકમની માંગ કરાઇ.

સુરતમાં ઈન્સ્ટન્ટ લોન (Instant loan) લેવાનું એક મહિલાને ભારે પડ્યું. મહિલાએ મોબાઈલ એપથી ઇન્સ્ટન્ટ લોન લીધી હતી. પરંતુ લોનની રકમ ચૂકવ્યા બાદ પણ વધુ રકમની માંગણી કરાઈ. જો કે વધુ રૂપિયા આપવાની ના પાડતા મહિલાને બ્લેકમેલ (Blackmail) કરાઈ. મહિલાને તેના જ મોર્ફ કરેલા ફોટા મોકલીને બ્લેકમેલ કરવામાં આવી. જણાવી દઇએ કે, મહિલાએ એપ મારફતે રૂ. 3 હજારની લોન લીધી હતી. જો કે, મહિલાએ અમરોલી પોલીસ સ્ટેશને આ મામલે ફરિયાદ નોંધાવી હતી. આથી અમરોલી પોલીસે (Amaroli police) ખંડણી અને IT એક્ટનો ગુનો નોંધી સમગ્ર મામલે તપાસ શરૂ કરી છે.

મહિલાએ ઇન્સ્ટન્ટ લોન લીધી ત્યારે પાનકાર્ડ-આધાર કાર્ડ તેમજ ફોટો મોક્લ્યો હતો :

તમને જણાવી દઇએ કે શહેરના મોટા વરાછામાં રહેતી એક 30 વર્ષીય પરિણીતાએ ઓનલાઇન 3 હજારની ઇન્સ્ટન્ટ લોન લીધી હતી. આ મહિલાએ જ્યારે ઇન્સ્ટન્ટ લોન લીધી ત્યારે પરિણીતાએ પાનકાર્ડ અને આધાર કાર્ડ તેમજ ફોટો મોક્લ્યો હતો. 3 હજારની લોનની સામે ચાર્જીસના નામે 1200 રૂપિયા કાપી 1800 રૂપિયા મહિલાને આપ્યા હતા. મહિલાએ લોનની રકમ 1810 અને 1110 મળીને કુલ 2920 રૂપિયા ચૂકવી દીધા હતા છતાં મહિલાને કોલ કરી રૂપિયાની માંગણી કરવામાં આવી રહી હતી.

એક ફેક લિંક દ્વારા મહિલાનો મોબાઇલ હેક કરી લીધો હતો :

આથી વધારે રૂપિયાની માંગણી કરતા મહિલાએ જ્યારે રૂપિયા આપવાની ના પાડી દીધી એટલે કોલ કરનારે મહિલાને બ્લેકમેલિંગ કરવાનું શરૂ કરી દીધું. મહિલાને લોન વખતે એક લિંક મોકલી હતી જે ખોલતા જ તેને તે મહિલાનો મોબાઇલ હેક કરી લીધો હતો. બાદમાં મહિલા તેની બહેન અને અન્ય એક બહેનપણીનો બિભત્સ ફોટો બનાવી તેમાં ખરાબ કોમેન્ટ કરીને સોશિયલ મીડિયામાં તેને વાયરલ કર્યો હતો. છેલ્લા 20 દિવસથી જે-તે વ્યક્તિ મહિલાને હેરાન કરતો હતો. વધુમાં કોલ કરનાર મહિલા પાસેથી પૈસા પડાવવા શરૂઆતમાં તેનો મોર્ફ કરેલો ફોટો ફોન પર મોકલ્યો હતો.

ત્યાર બાદ પરિણીતાના હેક કરેલા ફોન પર તેની બહેનપણીનો મોર્ફ કરેલો ફોટો મોકલ્યો. આ રીતે મહિલાને તેના જ મોર્ફ કરેલા ફોટા મોકલીને બ્લેકમેલ કરવામાં આવતી. આથી મહિલાએ અમરોલી પોલીસ સ્ટેશને આ મામલે ફરિયાદ નોંધાવતા અમરોલી પોલીસે ખંડણી અને IT એક્ટનો ગુનો નોંધી સમગ્ર મામલે તપાસ હાથ ધરી છે.

વડોદરામાં તળાવની સફાઈ દરમિયાન એવી વસ્તુ મળી આવી કે પોલીસ અને IT વિભાગ થયું દોડતું

News Editor
-
0

lake in Vadodara

  • વડોદરાના કમલાનગર તળાવમાં સફાઇ દરમ્યાન 5.30 લાખની બે હજારની નોટોના બંડલ મળી આવતા પોલીસ અને IT વિભાગ દોડતું થઇ ગયું.

વડોદરામાં (Vadodara) તળાવમાં સફાઇ દરમિયાન 2000ની નોટોના બંડલ મળી આવ્યા હોવાની ઘટના સામે આવી છે. 5.30 લાખની બે હજારની નોટોના બંડલ મળી આવ્યા. જો કે, બાપોદ પોલીસે (Bapod police) નોટોના બંડલનો કબજો લઇ લીધો છે. હાલમાં પોલીસે આ મામલે CCTVના આધારે તપાસ હાથ ધરી છે. હાલ વડોદરામાં IT વિભાગ હોસ્પિટલ ગ્રુપની તપાસ કરી રહ્યું છે. છેલ્લાં 3 દિવસથી IT વિભાગે આ મામલે સર્ચ ઓપરેશન હાથ ધર્યું છે. ITની તપાસને લઇને નોટોના બંડલ તળાવમાં (Lake) ફેંક્યા હોવાની આશંકા.

સફાઇ કર્મચારીએ રેલવે પોલીસ કર્મચારીને જાણ કરી હતી :

તમને જણાવી દઇએ કે આ ઘટના અંગેની સમગ્ર વિગત એવી છે કે શનિવારે વડાપ્રધાનની મુલાકાતના આગલા દિવસે સફાઇ કર્મચારીઓ દ્વારા કમલાનગર તળાવમાં સફાઇ કામગીરી ચાલતી હતી. એ દરમ્યાન એક કોથળામાં બે હજારની ચલણી નોટોનો જથ્થો સફાઇ કર્મચારીને મળી આવ્યો. આ અંગે સફાઇ કર્મચારીએ રેલવે પોલીસ કર્મચારીને જાણ કરતા રેલવે પોલીસ કર્મચારીએ શહેર પોલીસ કંટ્રોલ રૂમને માહિતી આપી હતી. બાદમાં બાપોદ પોલીસને મેસેજ આપતા સ્થાનિક પોલીસ ઘટનાસ્થળે પહોંચી ગઇ હતી.

ITનાં દરોડાને લઇને નોટોના બંડલ તળાવમાં ફેંક્યા હોવાની આશંકા :

બાદમાં પોલીસે બે હજારની ચલણી નોટો કબજે કરી તેની તપાસ કરાવતા તે સાચી હોવાનું જણાયું હતું. સાથે આ ચલણી નોટો રૂ. 5.30 લાખની હોવાનું સામે આવ્યું હતું. કમલાનગર તળાવ પાસે બે હજારની ચલણી નોટો કોણ બિનવારસી નાખી ગયું તે અંગે હાલ પોલીસ દ્વારા તપાસ હાથ ધરવામાં આવી છે. જો કે, પોલીસનું એમ માનવું છે કે, કદાચ ઇન્કમટેક્સની રેડ પડે તો ચલણી નોટો ના પકડાઇ જાય એવા ડરથી આ નોટોનો બારોબાર નિકાલ કર્યો હોવાનું અનુમાન સેવાઇ રહ્યું છે.

મહારાષ્ટ્ર રાજકીય સંકટ / કોંગ્રેસ અને NCPએ એકનાથ શિંદેને CM બનાવવાની ઉદ્ધવ ઠાકરેને આપી સલાહ, આજે ધારાસભ્ય દળની બેઠક : સૂત્ર

News Editor
-
0

Maharashtra political crisis / Congress and NCP advise Uddhav Thackeray to make Eknath Shinde CM, MLAs meet today: Sutra

  • મહારાષ્ટ્રમાં શિવસેનામાં મોટી ઉથલપાથલના એંધાણની શક્યતાઓ નજરે પડી રહી છે. એકનાથ શિંદે શિવસેનાના કેટલાક નારાજ ધારાસભ્યોને લઇને ગુવાહાટી પહોંચી ગયા છે. આ વચ્ચે વધુ એક માહિતી સામે આવી રહી છે.

મહારાષ્ટ્રની (Maharashtra) રાજનીતિને લઈને મોટા સમાચાર આવી રહ્યા છે. સૂત્રોનું કહેવું છે કે, તેમણે ઉદ્ધવ ઠાકરે (Uddhav Thackeray) સાથે મુલાકાત કરીને નવી ફોર્મૂલા આપી. માનવામાં આવી રહ્યું છે કે, પવારે કહ્યું કે એકનાથ શિંદેને (Eknath Shinde) મુખ્યમંત્રીબનાવી દેવામાં આવે તો આના પર કોઈ વાંધો નથી. શરદ પવાર અને કોંગ્રેસે એકનાથ શિંદેને મહારાષ્ટ્રના મુખ્યમંત્રી (Chief Minister of Maharashtra) બનાવવાની સલાહ આપી છે.

સૂત્રોનું કહેવું છે કે, એનસીપી અને કોંગ્રેસે કહ્યું છે કે, એકનાથ શિંદેને જો મુખ્યમંત્રી બનાવવામાં આવે તો તેમને કોઇ વાંધો નથી. જોકે, નિર્ણય ઉદ્ધવ ઠાકરેને કરવાનો છે. એ પણ જણાવવામાં આવી રહ્યું છે કે, ગુવાહાટી ગયેલા શિવસેનાના કેટલાક ધારાસભ્યો પરત આવવા તૈયાર છે. તેઓ NCP, કોંગ્રેસ અને શિવસેનાના નેતાઓના સંપર્કમાં છે.

એકનાથ શિંદે આજે કરી શકે છે દાવો : સૂત્ર

એકનાથ શિંદે પાસે કુલ 49 ધારાસભ્યોનું સમર્થન હોવાનો દાવો છે. શિવસેના અને અપક્ષ સહિત કુલ 49 ધારાસભ્યોનું શિંદેને સમર્થન છે. સૂત્રો દ્વારા મળતી માહિતી અનુસાર, એકનાથ શિંદે આજે દાવો કરી શકે છે. શિવસેનાના 17 સાંસદ પણ શિંદેના સંપર્કમાં છે.

રાજકીય ઘમાસાણ વચ્ચે ઉદ્ધવ ઠાકરેએ બોલાવી બેઠક :

ઉદ્ધવ ઠાકરેએ ધારાસભ્યોની બેઠક 11 વાગ્યે બોલાવી છે. સૂત્રોથી મળતી માહિતી અનુસાર, ઉદ્ધવ ઠાકરેના વલણ સામે NCP નારાજ છે. ઉદ્ધવે સરકારી આવાસ છોડતા NCP નારાજ થયું હોવાનું ચર્ચાઈ રહ્યું છે. શિવસેનાના મોટા નેતાની સમગ્ર મામલામાં સંડોવણીની NCPને આશંકા છે.

ગઈકાલે સુરત પહોંચેલા 4 ધારાસભ્યો પણ પહોંચી ચૂક્યા છે ગુવાહાટી :

આ વચ્ચે શિવસેનાના વધુ 3 ધારાસભ્ય અને એક અપક્ષના ધારાસભ્ય ગુવાહાટી પહોંચ્યા છે. તેમાંથી એક યોગેશ કદમ છે, જે દપોલી બેઠકથી શિવસેના ધારાસભ્ય છે. તેઓ રામદાસ કદમના દીકરા છે. જ્યારે અપક્ષના ધારાસભ્યનું નામ ચંદ્રકાંત નિંબા પાટિલ છે, જે જલગાંવથી ધારાસભ્ય છે. ગુવાહાટી પહોંચેલા શિવસેનાના ધારાસભ્યોમાં ગુલાબરાવ પાટીલ અને યોગેશ કદમ પણ સામેલ છે. વધુ ધારાસભ્યો ગુવાહાટી પહોંચતા શિવસેનાની મુશ્કેલીઓ હજુ વધી ગઈ છે.

વધુ ત્રણ બળવાખોર ધારાસભ્યો સુરતથી ગુવાહાટી જશે :

આજે કુર્લાના ધારાસભ્ય મંગેશ કુદાલકર અને દાદરના ધારાસભ્ય સદા સરવાનકર પણ શિંદે કેમ્પમાં પહોંચી શકે છે. જણાવાય રહ્યું છે કે, મુંબઈમાં પણ શિંદેના સમર્થક 3 ધારાસભ્ય હાજર છે. જો દાવા અનુસાર, આ ધારાસભ્ય શિંદેના પક્ષમાં જાય છે તો શિંદેની સાથે શિવસેનાના ધારાસભ્યોની સંખ્યા 36 પર પહોંચી જશે જ્યારે અન્ય 13 ધારાસભ્યો પણ શિંદેની સાથે હોવાનું મનાઇ રહ્યું છે. મહત્વનું છે કે,  ગુવાહાટીની Radisson Blu હોટલમાં એકનાથ શિંદે બળવાખોર ધારાસભ્યો સાથે રોકાયા છે.

ધારાસભ્યો સાથેની શિંદેની ચર્ચાનો વીડિયો આવ્યો સામે :

મહારાષ્ટ્ર શિવસેનાના બળવાખોર ધારાસભ્યો ગુવાહાટીમાં રોકાયા છે. ત્યારે એકનાથ શિંદે હોટલમાં ધારાસભ્યો સાથે સતત બેઠક કરી રહ્યાં છે. તેવામાં હવે ધારાસભ્યો સાથેની શિંદેની ચર્ચાનો વીડિયો આવ્યો સામે છે.

WhatsApp Group માં હવે 256થી વધારે લોકોને એડ કરી શકાશે, જાણો કેટલા લોકોને ઉમેરી શકશો 

News Editor
-
0

More than 256 people

  • એક રિપોર્ટ અનુસાર વોટ્સએપ એક એવુ ફિચર લઈને આવી રહ્યું છે જેની મદદથી યુઝર્સ ગ્રુપ ચેટમાં 512 સદસ્યોને જોડી શકશે. હાલ એક ગ્રુપમાં 256 લોકો જ જોડાઈ શકે છે.

વોટ્સએપ (WhatsApp) કથિત રીતે એક નવું ફિચર લઈને આવી રહ્યું છે. આ ફિચરની મદદથી યુઝર્સ ગ્રુપ (Users group) ચેટમાં 512 સદસ્યોને જોડી શકે છે. હાલમાં એક ગ્રુપમાં 256 લોકોને જોડી શકાય છે. તે ઉપરાંત મેસેજિંગ પ્લેટફોર્મ (Messaging platform) ઘણા અન્ય ફિચર્સ પણ લાવી રહ્યું છે. જેમાં 2GB સુધી ફાઈલને શેર કરવી અને મેસેજ પર ઈમોજી રિએક્શન આપવું શામેલ છે.

એક રિપોર્ટ અનુસાર વોટ્સએપના લેટેસ્ટ સ્ટેબલ અપડેટને દરેક યુઝર્સ માટે એક ફિચર શરૂ કરી દેવામાં આવ્યું છે. હાલ અમુક યુઝર્સને પોતાના વોટ્સએપ પર આ ફિચરનો ઉપયોગ કરવા માટે 24 કલાકની વધુ રાહ જોવી પડી શકે છે. રિપોર્ટમાં ગ્રુપ ચેટમાં 512 પાર્ટિસિપેન્ટ્સના રોલઆઉટની પુષ્ટી કરવામાં આવી છે.

2GB સુધીની ફાઈલ કરી શકશો શેર  :

વોટ્સએપ 2GB સુધી ફાઈલને શેર કરવા માટે એક ફિચર પર કામ કરી રહ્યું છે. હાલ વોટ્સએપ પર 100MB સુધી ફાઈલને જ શેર કરી શકાય છે. મેટાની કંપની વોટ્સએપે હાલમાં જ ઈમોજી રિએક્શન ફિચર લોન્ચ કર્યું છે. જેથી લોકો ટેક્સની જગ્યા પર ઈમોજીના માધ્યમથી પોતાનું રિએક્શન આપી શકે.

મેસેજ કરી શકશો એડિટ  :

વોટ્સએપ કથિત રીતે ડિલિટ કરવામાં આવેલા મેસેજ માટે એક નવુ ફિચર ટેસ્ટિંગ કરી રહ્યું છે. આ ફિચર તે સમયે ઉપયોગ થશે જ્યારે યુઝર ભુલથી ‘ડિલિટ ફોર એવરિવન’ની જગ્યા પર ‘ડિલિટ ફોર મી‘ વિકલ્પનો પસંદ કરે છે.

આ ઉપરાંત વોટ્સએપ મોકલવામાં આવેલા મેસેજને એડિટ કરવા માટે પણ એક વિકલ્પ એડ કરી રહ્યું છે. આ ફિચર યુઝર્સને પોતાના મેસેજમાં ટાઈપિંગ વખતે થયેલી ભૂલોને સુધારવામાં મદદ કરશે. તેના માટે તેમણે જુનો મેસેજ ડિલિટ પણ નહીં કરવી પડે અને નવો ટેક્સ મેસેજ લખવો પણ નહીં પડે. જુના મેસેજને જ તે એડિટ કરી શકશે.

23 જુન 2022, રાશિફળ : વિષ્ણુ ભગવાનની કૃપાથી આ રાશિના જાતકોના ખુલી જશે ભાગ્યના દરવાજા

News Editor
-
0

June 23, 2022, Horoscope Gujarat Guardian

મેષઃ- આપને માનસિક શાંતિ મળશે. કામકાજ અંગે યોગ્ય અને જરૂરી નિર્ણય લઇ શકાશો. પરિવાર ના સભ્યો સાથે આનંદ અનુભવી શકાશે. કરેલા રોકાણો ના સારા ફળ મળતા જણાશે. સુખશાંતિમાં વધારો થતો અનુભવાશે.

વૃષભઃ- ધનથી સંકળાયેલ બાબતો માટે સાનચેતી જરૂરી છે. ખર્ચ ઓછો થાય. એવા પ્રયત્નો કરવા અને નાણાંનું યોગ્ય આયોજન કરવું. વિદેશી કંપની ઓમાં કાર્ય કરતી વ્યકિત માટે શુભ. દામ્પત્ય જીવનમાાં આનંદ અનુભવાશે.

મિથુનઃ- નાણાંની વખતસર હેરફેર થતી જણાશે. દરેક કાર્યમાં મિત્રોનો સાથ સહકાર મળતો જણાશે. સંતાનો તરફથી હર્ષ. સાંસારીક સંબંધોમાં તણાવ વધતો જણાય. આરોગ્ય સારૂં જળવાશે. ભાગ્ય વૃદ્ધિ તથા આકસ્મિક ધનલાભ મળતો જણાય.

કર્કઃ- માનસિક સ્વાસ્થ્ય ખૂબ સારૂ રહેશે. નોકરી ધંધા માંથી સારા સમાચાર. પ્રગતિ થતી જણાય. માતા-પિતાની તબિયત સારી રહેશે. તથા તેમની મદદ મળતી જણાશે. સ્નાયુના રોગો થવાની શક્યતા છે. દામ્પત્ય જીવનમાં આનંદનો અનુભવ થશે.

સિંહઃ- આકસ્મિક દન પ્રાપ્તિના યોગ બની રહ્યા છે. ભાગ્યના બળે ફસાયેલા નાણાં છુટા થાય. પરિવારમાં આનંદ કરેલા રોકાણોમાંથી આવક આવતી જણાય. સંતાન તરફથી ચિંતા રહે. દામ્પત્ય સુખમાં ગુસ્સો ચિંતાનું કારણ બની શકે.

કન્યાઃ- દિવસ દરમ્યાન માનસિક પરિતાપ રહેશે. આવકનું  પ્રમાણ ધટતું જણાશે. નોકરી ધંધામાં દિવસ શાંતિથી પસાર કરી દેવો. સંતાનોની પ્રગતિથી થોડો માનસિક સંતોષ મળશે. આરોગ્યની દ્રષ્ટિએ દિવસ સારો રહેશે .

તુલાઃ- જીવનસાથી સાથે આનંદની અનુભૂ‌િત કરવાનો દિવસ છે. પ્રિય મિત્ર સાથે ઉત્તમ પ્રેમ જમવાશે. ભાગીદારી સંબંધોમાં પણ ફાયદો થતો જણાય. આરોગ્ય જળવાશે. ભાગ્યમાં વૃદ્ધિ અન‌ુભવી શકાશે.

વૃશ્ચિકઃ- આજે આરોગ્યની કાળજી રાખવી. શરદી-ખાંસી ની સમસ્યા વધતી જણાય. પરિવાર માટે સામાન્ય દિવસ જણાય. નવા રોકાણો કરવાની શકયતા વધતી જણાય. નોકરી-ધંધા માં પ્રગતિનો અનુભવ થાય.

ધનઃ- થોડી માનસિક અશાંતિ જણાય. પરંતુ સંતાન ની પ્રગતિથી આનંદમાં વધારાની અનુભૂતી કરી શકાય. વિદ્યાર્થીઓ માટે ઉત્તમ દિવસ. આદ્યાત્મિક પ્રગતિ શક્ય બને. માન-સન્માન માં વધારો થતો અનુભવાય.

મકરઃ- માતૃપક્ષની સારા સમાચાર મળે. જમીન, મકાન, વહાન સુખમાં વધારો થાય. ધંધાકીય રીતે દિવસ સારો પસાર થાય. સાંધાના દુઃખાવાથી સાચવવું. આદ્યાત્મિક પ્રગતિ થી આનંદ થાય. આવક વધતી જણાય.

કુંભઃ- પરિવારમાં વિખવાદને કારણે માનસિક અશાંતિ રહે. યાત્રા-પ્રવાસ ટાળવા. ભાગ્ય બે પગલા પાછળ ચાલતું જણાય. મેહનત વધારે કરવી પડે. માન-સન્માન હણાતું જણાય. અગત્યના રોકાણો ટાળવા. સરકારી સામકાજમાં સાવધાની રાખવી.

મીનઃ- દિવસ દરમ્યાન નાણાંની છુટ વર્તાય. ભાઇ-બહેનોની પ્રગતિથી આનંદ થાય. કાર્યમાં સફળતા મળતી જણાય. હ્રદયમાં અકારણ અજંપો રહે. સંતાનો સાથે સ્નેહ જળવાય. વાયુના રોગોથી સાવચેતી રાખવી.

શરીરના આ લક્ષણોને ઈગ્નોર કરવા પડી શકે છે મોંઘા, હોઈ શકે છે આ ગંભીર બિમારીના સંકેત

News Editor
-
0

These symptoms

  • ભારતમાં મોતનું એક મોટું કારણ છે હાર્ટ એટેક. લગભગ દરેક પરિવારમાં હાર્ટના દર્દી મળી જશે. ભલે યુવાનોમાં હાર્ટ એટેકના શિકાર થવાની સંખ્યા ઓછી છે. પરંતુ કોઈ આધેડની સ્થિતિ જોઈને દહેશતમાં આવવુ સ્વાભાવિક છે. તેથી જરૂરી છે કે હાર્ટ એટેક આવતા પહેલા તમે સંતર્ક થઇ જાઓ અને તેનાથી બચવાના ઉપાય શોધી લો.

હાર્ટની બિમારી ખૂબ ગંભીર હોય  છે, તેથી જો તમારા શરીરમાં કેટલાંક ખાસ ફેરફાર જોવા મળે તો તેને વોર્નિગ સાઈન સમજી લો અને નજરઅંદાજ કરવાની ભૂલ જરા પણ કરશો નહીં. નહીંતર તમે તકલીફમાં મુકાઈ જશો.

હાર્ટ એટેક આવતા પહેલા શરીરમાં થાય છે આ ફેરફાર :

હાર્ટ એટેક આવતા પહેલા છાતીમાં સામાન્ય દુ:ખાવો અને બેચેની થવા લાગે છે. જો કે, છાતીનો દુ:ખાવો અન્ય કારણોને  લીધે પણ ઉભો થઇ શકે છે, પરંતુ તેનો હાર્ટ એટેકના લક્ષણોમાં સમાવેશ કરાય છે.  જો તમને પણ આવી પરેશાની થાય છે તો તાત્કાલિક ચેકઅપ કરાવવુ જોઈએ. તમે વારંવાર જોયુ હશે કે કેટલાંક લોકોને ફૂલ એસી રૂમમાં પણ પરસેવો થાય છે. હકીકતમાં આ મોટી બિમારી તરફ ઈશારો કરે છે. સામાન્ય રીતે હાર્ટ એટેક આવતા પહેલા આવી પરેશાની થાય છે, તેથી તમારા આરોગ્ય વિશે સંતર્ક થઇ જાઓ.

વધારે સ્ટ્રેસ ના લેશો :

જ્યારે શરીરમાં હાર્ટ એટેકનુ જોખમ વધે છે ત્યારે ઓછુ કામ કરવાથી પણ વધારે થાક અનુભવાય છે. અનિંદ્રા પણ થાકનુ કારણ હોઇ શકે છે. પરંતુ જો આવુ ના હોય તો તમારે ડૉકટરની પાસે તાત્કાલિક જવુ જોઈએ. જો તમારી માનસિક સ્થિતિ સારી રહેશે નહીં તો શરીરના બાકીના ભાગમાં પણ મુશ્કેલી ઉભી થઇ શકે છે. હાર્ટ એટેક આવતા પહેલા સ્ટ્રેસ આવે છે, આ જ કારણ છે કે આ લક્ષણોને ઈગ્નોર કરવા ઘાતક સાબિત થઇ શકે છે. જેટલુ બની શકે તેટલુ ટેન્શન ફ્રી રહેવાનો પ્રયાસ કરો.

ચાલી રહ્યું હતું ખોદકામ, અચાનક જ એવું શું નીકળ્યું કે, દર્શન કરવા ઉમટી પડી હિન્દુઓની મોટી ભીડ

News Editor
-
0

Excavation was going

  • તળાવનું ખોદકામ કરતાં અચાનક એવી પ્રતિકૃતિ નીકળતા લોકો તળાવમાં દર્શન કરવા લોકોની ભીડ જામી.

આણંદ (Anand) જિલ્લાના બોરસદ (Borsad) તાલુકાના અભેટાપુરા (Abhetapura)માં ખોદકામ દરમિયાન શિવલિંગ (Lingam) જેવી પ્રતિકૃતિ મળી આવતા જોવા માટે લોકોની મોટી ભીડ ઉમટી પડી હતી. આણંદના બોરસદ પાસે અભેટાપુરામાં તળાવમાં ખોદકામ ચાલી રહ્યું હતું. આ દરમિયાન રેલવે દ્વારા જેસીબી મારફતે ખોદકામ કરવામાં આવી રહ્યું હતું ત્યારે તળાવમાંથી શિવલિંગ (Shivling) આકારની પ્રતિકૃતિ મળી આવતા ત્યાં રહેલા લોકોમાં કુતુહલ સર્જાયું હતું.

ત્યારબાદ આ બાબતે આજુબાજુના લોકોને પણ જાણ થતાં લોકોના ટોળેટોળા શિવલિંગ હોવાના દાવા સાથે દર્શન કરવા ઉમટી પડ્યા હતા. આ મામલા અંગેની જાણ થતાં મામલતદાર અને પોલીસ કાફલો સ્થળ પર દોડી આવ્યો હતો.

મળતી માહિતી અનુસાર, આણંદ જિલ્લાના બોરસદ તાલુકાના અભેટાપુરાના તળાવમાં રેલવેની કામગીરીને કારણે ખોદકામ દરમિયાન શિવલિંગ જેવી પ્રતિકૃતિ મળી આવતા લોકોના ટોળેટોળા સ્થળ પર ઉમટી પડ્યાં હતાં અને શિવલિંગની પ્રતિકૃતિના દર્શન કરવા માટે આતુર બન્યા હતા. આ તળાવમાં ખોદકામ સમયે વૃક્ષના થડ જેવો આકાર જોવા મળ્યો હતો અને લોકો ઝાડનું થડ સમજી રહ્યા હતા. પણ આ 2 દિવસ દરમિયાન વરસાદી ઝાપટાં પડવાને કારણે થડ જેવી દેખાઈ રહેલી પ્રતિકૃતિ પરથી પાણી વહેવાને કારણે ત્યાં શિવલિંગ જેવો આકાર જોવા મળ્યો હતો.

આ મામલા અંગે જાણ આસપાસના ગામોમાં વાયુવેગે પ્રસરતા લોકોના ટોળેટોળા જોવા માટે ઉમટી પડ્યાં હતાં અને બીજી બાજુ ભેખડ ધસી પડવાની શક્યતા હોવાને કારને સ્થાનિક તંત્ર દ્વારા લોકોને અહીંથી દૂર રહેવાની પણ અપીલ કરવામાં આવી હતી. તેમજ પોલીસ દ્વારા પણ તળાવમાંથી લોકોને બહાર કાઢતા આ જોખમી જગ્યા હોવાથી દૂર રહેવા માટે જણાવવામાં આવ્યું હતું.

હાલ આજુબાજુના ગામડાના લોકો પણ અહીં મોટી સંખ્યામાં શિવલિંગના દર્શન કરવા માટે ઉમટી રહ્યા છે. આ સમગ્ર બાબતે ત્યાંના મામલતદારે જણાવતા કહ્યું હતું કે, આ અંગે પુરાતત્વ વિભાગને જાણ કરવામાં આવ્સ્ગે. કારણકે, આ  વિષય પુરાતત્વ વિભાગનો છે. અત્રે ઉલ્લેખનીય છે કે, અભેટાપુરાના તળાવમાં અંદાજે 20 થી 25 ફૂટ ઊંડું ખોદકામ કરવામાં આવ્યું છે.

આ કારણે SRKની દીકરી સુહાના ખાન થઈ રહી છે ટ્રોલ, લોકોએ કહ્યું- “પહેલી ફિલ્મ આવી નથી ને આટલું અભિમાન “

News Editor
-
0

SRK’s daughter Suhana Khan

  • બોલિવૂડના બાદશાહ શાહરૂખ ખાનની પુત્રી સુહાના ખાન આ દિવસોમાં તેની પ્રથમ બોલિવૂડ ફિલ્મ ‘ધ આર્ચીઝ’ની રિલીઝને લઈને ચર્ચામાં છે. આ ફિલ્મને લઈને ચાહકોમાં ભારે ઉત્તેજના છે. જોકે, સુહાના સોશિયલ મીડિયા પર ટ્રોલ થઈ રહી છે.

શાહરૂખ ખાનની (Shah Rukh Khan) પુત્રી સુહાના ખાન (Suhana Khan) બોલિવૂડની સૌથી પ્રખ્યાત અને સ્ટાઇલિશ સ્ટાર કિડ્સમાંથી એક છે. તમને જણાવી દઈએ કે સુહાના ખાન જલ્દી જ ઝોયા અખ્તરની ફિલ્મ ‘ધ આર્ચીઝ’થી બોલિવૂડમાં ડેબ્યૂ કરવા જઈ રહી છે. તેમાં કોઈ શંકા નથી કે તેની પ્રથમ ફિલ્મને લઈને ચાહકો ખૂબ જ ઉત્સાહિત છે. ગઈકાલે સુહાના મુંબઈમાં જોવા મળી હતી. પરંતુ તેણીએ પાપારાઝી (Paparazzi) માટે પોઝ આપવાનું બંધ કર્યું નહીં. જો કે પાપારાઝીએ પણ તેણીને આરામદાયક અનુભવવાનો પ્રયાસ કર્યો પરંતુ તેમ છતાં તે પોઝ આપ્યા વિના જ નીકળી ગઈ.

સુહાનાનો આ વીડિયો વાયરલ થઈ રહ્યો છે :

હવે સુહાના ખાનનો આ વીડિયો સોશિયલ મીડિયા પર વાયરલ થઈ રહ્યો છે, જેના માટે તેને ખૂબ ટ્રોલ કરવામાં આવી રહી છે. વાસ્તવમાં વીડિયોમાં સુહાના ખાન પોતાની કારમાંથી બહાર નીકળતી જોવા મળી હતી. જ્યારે ફોટોગ્રાફર્સે તેને પોઝ આપવા માટે રોકાવાનું કહ્યું તો સુહાના તરત જ નીકળી ગઈ. એક ફોટોગ્રાફરે કહ્યું, ‘સુહાના જી રાહ જુઓ, અત્યારે શું ટેન્શન છે, હવે તમારી ફિલ્મ પણ આવી રહી છે. અમારો ચહેરો યાદ રાખજે, રોજ મળીશું. આ પછી પણ સુહાના કોઈને કંઈ કહ્યા વગર ત્યાંથી નીકળી ગઈ.

લોકો આવી કોમેન્ટ કરી રહ્યા છે :

ઠીક છે કારણ કે સુહાના ખાને પોઝ આપ્યા વિના પાપારાઝી છોડી દીધી હતી નેટીઝન્સ તેના વર્તનથી ગુસ્સે છે. તેના વીડિયો પર પ્રતિક્રિયા આપતા એક યૂઝરે લખ્યું, ‘આટલું ગંદું ઇગ્નોર’. અન્ય યુઝરે લખ્યું – ‘એટિટ્યુડ ક્વીન અને બીજું કંઈ નહીં.’ તો બીજી તરફ અન્ય એક યુઝરે કોમેન્ટમાં લખ્યું- ‘પહેલી ફિલ્મ ન આવી અને આટલું એટિટ્યુડ, 1 મિનિટ પણ વાત ન કરી.. જ્યારે તે મોટી સ્ટાર બનશે ત્યારે શું કરશે… પણ નહીં. તેના પિતાને બોલાવો. વેલ, આ આઉટિંગ માટે સુહાના ખાને લેગિંગ્સ અને સ્લિંગ બેગ સાથે સફેદ ક્રોપ ટોપ પહેર્યું હતું.

સુહાના આ કેઝ્યુઅલ લુકમાં શાનદાર લાગી રહી હતી. તમને જણાવી દઈએ કે સુહાનાએ હાલમાં જ ઉટીમાં ‘ધ આર્ચીઝ’નું શૂટિંગ શેડ્યૂલ પૂરું કર્યું છે. અમિતાભ બચ્ચનના પૌત્ર અગસ્ત્ય નંદા અને સ્વર્ગસ્થ શ્રીદેવીની પુત્રી ખુશી કપૂર પણ આ ફિલ્મથી બોલિવૂડમાં ડેબ્યૂ કરી રહી છે. આ ફિલ્મ વર્ષ 2023માં નેટફ્લિક્સ પર રિલીઝ થવાની છે.

ભાજપ શાસિત પાલિતાણા નગરપાલિકામાં ભંગાણ, 3 નગરસેવકોએ રાજીનામું ધરી દેતા રાજકીય ગરમાવો

News Editor
-
0

Palitana municipality

  • વોર્ડમાં કામ ન થતા હોવાની નારાજગી અથવા તો અંદરોઅંદરના રાજકારણના કારણે પાલિતાણા નગરપાલિકામાં 3 નગરસેવકોએ રાજીનામા ધરી દીધા હોવાની ચર્ચા.

ભાવનગરની (Bhavnagar) પાલિતાણા નગરપાલિકામાં (Palitana Municipality) 3 નગરસેવકોએ રાજીનામા ધરી દેતા સમગ્ર વિસ્તારમાં ખળભળાટ મચી ગયો છે. સત્તાધારી ભાજપના જ નગરસેવકોએ (Corporators) નારાજગી વ્યક્ત કરી રાજીનામા ધરી દેતા હડકંપ મચ્યો છે.

વોર્ડમાં કામ ન થતા હોવાની નારાજગી અને અંદરોઅંદરનું રાજકારણ કારણભૂત હોવાની ચર્ચા ચાલી રહી છે. આ ત્રણેય નગરસેવકો એક જ વોર્ડના છે આથી કામ બાબતની પણ નારાજગી હોવાનું ચર્ચાઇ રહ્યું છે. વોર્ડ નંબર-1ના ત્રણ કોર્પોરેટરોએ રાજીનામા ધરી દેતા ભાજપ સંગઠનમાં એકાએક દોડધામ મચી જવા પામી છે. વોર્ડ નંબર-1ના અજય જોષી, રોશનબેન અબડા અને કિરણબેન કુકડેજાએ રાજીનામા આપ્યા છે. હાલમાં ત્રણેય નગરસેવકોને મનાવવાના પ્રયાસો ચાલી રહ્યાં છે.

નગરસેવકો એક જ વોર્ડના હોવા છતાં કામ બાબતની પણ નારાજગી :

ત્રણેય કોર્પોરેટરોએ નારાજગી વ્યક્ત કરતા પાલીતાણામાં રાજકીય ગરમાવો જોવા મળી રહ્યો છે. મહત્વનું છે કે પાલિતાણા પાલિકામાં ભાજપની સત્તા છે તેમ છતાં કામગીરી ન થતા કોર્પોરેટરોમાં રોષ જોવા મળી રહ્યો છે. નગરસેવકો એક જ વોર્ડના હોવા છતાં સંકલનના અભાવે કામ નથી થઇ રહ્યાં હોવાના કારણે તેઓની અંદર નારાજગી જોવા મળી રહી છે. ત્રણેય નગરસેવકોએ ડેપ્યુટી કલેક્ટરને રાજીનામા ધરી દીધા છે.

મારા ધંધાના કારણે સતત બહાર રહેવાનું હોવાના કારણે મે રાજીનામું આપ્યું : અજય જોષી

જો કે, આ મામલે નગરસેવક અજય જોષીનું કહેવું એમ છે કે, મારે કોઇ પ્રશ્ન નથી પરંતુ મારા ધંધાના કારણે મારે સતત બહાર ને બહાર રહેવાનું થતું હોય છે. જેના લીધે હું મતદારોના કામને પૂરતો વેગ આપી નથી શકતો. ભાજપે જે વિકાસની ગાથા શરૂ કરી છે તે અટકે નહીં તેના કારણે મે મારું સ્વૈચ્છિક રાજીનામું ધર્યું છે. ભાજપ દ્વારા જે વિકાસની યાત્રા થઇ રહી છે તેને વેગ આપવા માટે અને મારા કામના કારણે મારે સતત બહાર રહેતુ પડતું હોવાના કારણે મે સ્વૈચ્છિક રાજીનામું આપ્યું છે.

EDએ રાહુલ ગાંધીની 5માં દિવસે મોડી રાત સુધી કરી પૂછપરછ ! 12 કલાકની પૂછપરછમાં ઘણાં સવાલ-જવાબ આપ્યાં 

News Editor
-
0

ED interrogates Rahul Gandhi

  • રાહુલ ગાંધી CRPFના જવાનોની “Z પ્લસ” શ્રેણીની સુરક્ષા સાથે મંગળવારે સવારે 11.15 વાગ્યે મધ્ય દિલ્હીમાં APJ અબ્દુલ કલામ રોડ પર સ્થિત ED હેડક્વાર્ટર પહોંચ્યા હતા.

નેશનલ હેરાલ્ડ કેસમાં (National Herald case) પાંચમાં દિવસે ED દ્વારા રાહુલ ગાંધીની (Rahul Gandhi) પૂછપરછ કરવામાં આવી હતી. રાહુલ ગાંધીએ 11.30 વાગ્યા પછી એન્ફોર્સમેન્ટ ડિરેક્ટોરેટ (ED)ની ઓફિસ છોડી દીધી હતી. મળતી માહિતી મુજબ EDના અધિકારીઓએ રાહુલ ગાંધીની લગભગ 10 કલાક સુધી બ્રેક લીધા વગર પૂછપરછ કરી હતી. જે બાદ તેને બ્રેક આપવામાં આવ્યો હતો ત્યારબાદ તેને પૂછપરછ માટે બોલાવવામાં આવ્યો હતો. રાહુલ ગાંધી CRPFના જવાનોની “Z પ્લસ” શ્રેણીની સુરક્ષા સાથે મંગળવારે સવારે 11.15 વાગ્યે મધ્ય દિલ્હીમાં APJ અબ્દુલ કલામ રોડ પર સ્થિત ED હેડક્વાર્ટર પહોંચ્યા હતા.

ઉલ્લેખનીય છે કે સોમવારે રાહુલની લગભગ 12 કલાક પૂછપરછ કરવામાં આવી હતી. 52 વર્ષીય રાહુલની ગયા સપ્તાહે સોમવાર મંગળવાર અને બુધવારે સતત ત્રણ દિવસ ED અધિકારીઓ દ્વારા 30 કલાકથી વધુ પૂછપરછ કરવામાં આવી હતી. જે દરમિયાન પ્રિવેન્શન ઓફ મની લોન્ડરિંગ એક્ટ (PMLA) હેઠળ તેમના નિવેદનો નોંધવામાં આવ્યા હતા.

કોંગ્રેસ અધ્યક્ષ સોનિયા ગાંધીને પણ 23 જૂને આ જ કેસમાં ED દ્વારા સમન્સ મોકલવામાં આવ્યા છે. કોવિડ-19 સંબંધિત સ્વાસ્થ્ય સમસ્યાઓના કારણે સોનિયાને તાજેતરમાં દિલ્હીની એક ખાનગી હોસ્પિટલમાં દાખલ કરવામાં આવી હતી. જ્યાંથી સોમવારે સાંજે તેને રજા આપવામાં આવી હતી. કોંગ્રેસનું કહેવું છે કે ડોક્ટરોએ તેમને ઘરે આરામ કરવાની સલાહ આપી છે.

અત્યાર સુધીની પૂછપરછ દરમિયાન રાહુલ ગાંધીને ‘યંગ ઈન્ડિયન‘ની સ્થાપના, ‘નેશનલ હેરાલ્ડ’ની કામગીરી અને કોંગ્રેસ દ્વારા એસોસિએટેડ જર્નલ્સ લિમિટેડ (AJL)ને આપવામાં આવેલી લોન અને ફંડ ટ્રાન્સફર સંબંધિત પ્રશ્નો પૂછવામાં આવ્યા હોવાનું માનવામાં આવે છે. મીડિયા સંસ્થામાં. ગયા છે. સોનિયા ગાંધી અને રાહુલ ગાંધી સહિત કોંગ્રેસના અન્ય કેટલાક નેતાઓ ‘યંગ ઈન્ડિયન’ના પ્રમોટર અને શેરધારકોમાં સામેલ છે.

1...1,4051,4061,407...1,437Page 1,406 of 1,437