Home Blog Page 1340

આજે ગુજરાતના કેટલાક જિલ્લામાં ગાજવીજ સાથે વરસાદની આગાહી, બનાસકાંઠામાં ફરી મેઘરાજાનું આગમન

News Editor
-
0

Thunderstorm forecast in some

  • આજે પણ રાજ્ય (Gujarat) ના કેટલાક જિલ્લાઓમાં ગાજવીજ સાથે વરસાદની આગાહી કરાઇ છે. ત્યારે વહેલી સવારથી ડીસા સહિત બનાસકાંઠાના વિસ્તારોમાં ધીમીધારે વરસાદ શરૂ.

તમને જણાવી દઇએ કે હવામાન વિભાગે આગાહી કરતા જણાવ્યું છે કે, આજે રાજ્યના કેટલાક જિલ્લાઓમાં ગાજવીજ સાથે વરસાદ વરસી શકે છે. સૌરાષ્ટ્ર-કચ્છના તમામ જિલ્લાઓમાં સામાન્ય વરસાદની શક્યતા રહેલી છે. તો બીજી બાજુ દીવ-દમણ અને દાદરાનગર હવેલી સહિતના વિસ્તારમાં સારો એવો વરસાદ પડી શકે છે.

બનાસકાંઠાના અનેક વિસ્તારોમાં વહેલી સવારથી જ ધીમીધારે વરસાદ :

ત્યારે આજે ડીસા સહિત બનાસકાંઠાના અનેક વિસ્તારોમાં વહેલી સવારથી જ ધીમીધારે વરસાદ શરૂ થઇ ગયો હતો. મહત્વનું છે કે, બનાસકાંઠા સહિત રાજસ્થાનમાં ભારે વરસાદની હવામાન વિભાગે આગાહી કરી છે.

છેલ્લા 24 કલાકમાં રાજ્યના 41 તાલુકામાં વરસાદ :

નોંધનીય છે કે, છેલ્લા 24 કલાકમાં રાજ્યના 41 તાલુકામાં વરસાદ વરસ્યો છે. જેમાં સૌથી વધુ અમીરગઢમાં 20 મીમી વરસાદ નોંધાયો છે. તો દાહોદમાં 16 મીમી, ધરમપુરમાં 14 મીમી, કપરાડામાં 13 મીમી, દિયોદરમાં 13 મીમી વરસાદ, વઘઈમાં 11 મીમી, લાખણીમાં 11 મીમી, ડાંગમાં 9 મીમી, ચિખલીમાં 8 મીમી, ખેરગામમાં 8 મીમી અને માળિયામાં 8 મીમી વરસાદ વરસી ચૂક્યો છે.

જુલાઈ-ઓગસ્ટમાં સુરતના તમામ તાલુકાઓમાં રેકોર્ડબ્રેક વરસાદ :

બીજી બાજુ જુલાઈ-ઓગસ્ટમાં સુરતના તમામ તાલુકાઓમાં રેકોર્ડબ્રેક વરસાદ નોંધાયો છે. સુરત જિલ્લામાં અત્યાર સુધીમાં 61 ઈંચ જેટલો વરસાદ ખાબકી ચૂક્યો છે. 2019-2020માં 58 ઈંચની આસપાસ વરસાદ વરસ્યો હતો.

આ પણ વાંચો :-

અમેરિકી પોલીસની બર્બરતા : એક વ્યક્તિને જમીન પર પટક્યો, લાત-મુક્કા માર્યા, જુઓ તસ્વીરો 

News Editor
-
0

US Police Brutality

  • અમેરિકાના અર્કાંસસ રાજ્યમાં પોલીસની બર્બરતાનો એક વીડિયો સામે આવ્યો છે.

અમેરિકાના (America) અર્કાંસસ રાજ્યમાં પોલીસની બર્બરતાનો એક વીડિયો સામે આવ્યો છે. જે બાદ અર્કાંસસની ક્રૉફર્ડ કાઉન્ટીમાં (Crawford County, Arkansas) ત્રણ પોલીસ અધિકારીઓને સસ્પેન્ડ કરી દેવાયા છે. સોશિયલ મીડિયા પર શેર કરવામાં આવેલા એક વીડિયોમાં તેમને પાર્કિંગમાં એક વ્યક્તિને માર મારતા દર્શાવવામાં આવ્યા છે. ગવર્નરે કહ્યુ કે સ્ટેટ પોલીસ (State Police) આ ઘટનાની તપાસ કરશે.

સોશિયલ મીડિયા પર વાયરલ થયેલા એક વીડિયોમાં એક પોલીસ અધિકારી વારંવાર અને નિર્દયતાથી એક વ્યક્તિને મુક્કા મારે છે અને ઘણીવાર સિમેન્ટની ટાઈલ્સ પર તેનુ માથુ પટકે છે. એક અન્ય પોલીસ અધિકારી નીચે પડેલા વ્યક્તિના શરીરના નીચેના ભાગ પર વારંવાર લાત મારે છે જ્યારે એક ત્રીજા પોલીસ અધિકારીએ તે વ્યક્તિને નીચે દબાવી રાખ્યો છે.

જેમાંથી બે પોલીસ અધિકારી ક્રૉફર્ડ કાઉન્ટી શેરિફ કાર્યાલયમાં નિયુક્ત છે અને ત્રીજા મલબરી શહેરના પોલીસ વિભાગના અધિકારી છે. અર્કાંસસના ગવર્નર અસા હચિંસને કહ્યુ કે સ્ટેટ પોલીસ આ ઘટનાની તપાસ કરશે. તેમણે એક ટ્વીટમાં કહ્યુ કે મે અર્કાંસસ સ્ટેટ પોલીસના કર્નલ બિલ બ્રાયંટ સાથે વાત કરી છે અને ક્રૉફર્ડ કાઉન્ટીમાં લોકલ અરેસ્ટની ઘટનાની તપાસ વીડિયો પુરાવા અને ફરિયાદ પક્ષના વકીલની વિનંતી મુજબ કરવામાં આવશે.

જ્યારે ક્રૉફર્ડ કાઉન્ટીના શેરિફ જેમ્સ ડેમાન્ટેએ એક નિવેદનમાં કહ્યુ હતુ કે ઘટનામાં સામેલ બે ડેપ્યુટીને તપાસનો રિપોર્ટ આવ્યા સુધી સસ્પેન્ડ કરી દેવાયા છે. ડેમાન્ટેએ ફેસબુક પર પોસ્ટ કરવામાં આવેલા નિવેદનમાં કહ્યુ કે તેઓ પોતાના તમામ કર્મચારીઓને તેમના કામ માટે જવાબદાર ઠેરવે છે અને આ કેસમાં યોગ્ય પગલા ઉઠાવવામાં આવશે.

મલબરી પોલીસના એક અલગ નિવેદનમાં કહેવામાં આવ્યુ છેકે વીડિયોમાં કેદ થયેલી ઘટનામાં તેમના એક અધિકારી સામેલ હતા. તેમને સ્ટેટ પોલીસની તપાસનો રિપોર્ટ આવ્યા સુધી સસ્પેન્ડ કરી દેવાયા છે. એક ફેસબુક પોસ્ટમાં કહેવામાં આવ્યુ છે કે મલબરી સિટી પોલીસ વિભાગ આ પ્રકારની તપાસને ખૂબ ગંભીરતાથી લે છે. અમે તપાસ પૂર્ણ થતા યોગ્ય કાર્યવાહી કરીશુ.

આ પણ વાંચો :-

સોના અને ચાંદીમાં ફરી મોટો ઘટાડો, દાગીના બનાવવાનો યોગ્ય સમય, આજે જ કરો ખરીદી

News Editor
-
0

Big fall in gold and silver again

  • ગયા અઠવાડિયે સોના-ચાંદીમાં ઘટાડો જોયા બાદ હવે આ સપ્તાહે પણ કિંમતી ધાતુઓ પર દબાણ યથાવત છે. છેલ્લા દિવસોમાં સરકાર દ્વારા સોના પરની આયાત ડ્યુટીમાં વધારો કરવામાં આવ્યા બાદ ધાતુના ભાવમાં વધઘટ જોવા મળી રહી છે.

સપ્તાહના પ્રથમ કારોબારી દિવસે સોના અને ચાંદીના (Gold and silver) ભાવમાં ફરી દબાણ જોવા મળી રહ્યું છે. ગત સપ્તાહે બુલિયન માર્કેટમાં સોના અને ચાંદીમાં મોટો ઘટાડો જોવા મળ્યો હતો. બીજી તરફ સોમવારે વાયદા બજારમાં પણ સોના-ચાંદીના ભાવમાં નરમાઈ જોવા મળી હતી.

સરકાર દ્વારા છેલ્લા દિવસોમાં સોના પરની આયાત ડ્યુટીમાં વધારો કર્યા બાદ ધાતુના ભાવમાં વધઘટ જોવા મળી રહી છે. ગત દિવસોમાં 52 હજારને પાર જતું સોનું ફરી એકવાર તેની નીચે આવી ગયું છે.

સોનું અને ચાંદી આવી શકે છે અને ઘટી શકે છે :

સોમવારે કારોબારી સપ્તાહના પહેલા દિવસે 24 કેરેટ 10 ગ્રામ સોનાની કિંમતમાં 252 રૂપિયાનો ઘટાડો થયો છે. સોમવારે ઈન્ડિયા બુલિયન એસોસિએશન (https://ibjarates.com) દ્વારા જાહેર કરાયેલા રેટ મુજબ, 24 કેરેટ સોનું 51,550 રૂપિયા પ્રતિ 10 ગ્રામ પર પહોંચી ગયું છે. એક કિલો ચાંદીનો ભાવ રૂ.715ના ઘટાડા સાથે રૂ.55166 થયો હતો. આગામી દિવસોમાં ઊંઘ વધુ નીચે આવી શકે છે.

એમસીએક્સ પર સોનું રૂ.1106 તૂટ્યું :

મલ્ટી કોમોડિટી એક્સચેન્જ (MCX) પર સોમવારે સોનાના ભાવમાં 0.40 ટકાનો ઘટાડો થયો અને 51,275 રૂપિયા પ્રતિ 10 ગ્રામના સ્તરે આવી ગયો. ચાંદીમાં પણ બ્રેકિંગ જોવા મળી રહ્યું છે. સપ્ટેમ્બર ડિલિવરી માટે ચાંદી 356 રૂપિયા ઘટીને 55140 રૂપિયા પ્રતિ કિલોગ્રામ પર છે.

બીજી તરફ ડિસેમ્બર ડિલિવરી માટે ચાંદી રૂ.337 ઘટીને રૂ.56,151 પર જોવા મળી હતી. ગત સપ્તાહે એમસીએક્સ પર સોનું રૂ.1106 તૂટ્યું હતું, જ્યારે ચાંદી રૂ.3780 ઘટી હતી.

ઈન્ડિયા બુલિયન એસોસિએશનના જણાવ્યા અનુસાર, 23 કેરેટ સોનું 51344 રૂપિયા પ્રતિ 10 ગ્રામ, 22 કેરેટ સોનું 47220 રૂપિયા પ્રતિ 10 ગ્રામ, 20 કેરેટ સોનું 38663 રૂપિયા પ્રતિ 10 ગ્રામ અને 18 કેરેટ સોનું 30157 રૂપિયા પ્રતિ 10 ગ્રામ જોવા મળ્યું હતું. સામાન્ય રીતે લોકો 22 કેરેટ સોનાની જ્વેલરી બનાવે છે, જેનો રેટ 47220 રૂપિયા છે. 999 શુદ્ધતાની ચાંદી 55166 રૂપિયા પ્રતિ કિલો પર પહોંચી ગઈ છે.

આ પણ વાંચો :-

લોકમેળામાં મોતના કુવામાં મોટી દુર્ઘટના, ચાલુ શોમાં કાર નીચે ખાબકી, Video

News Editor
-
0

A big tragedy in the well of death

  • Accident In LokMela : રાજકોટના લોકમેળામાં આવેલા એક મોતના કૂવામાં દુર્ઘટના બની છે. જેમાં ચાલુ મોતના કૂવામાં એક કાર નીચે ખાબકી.

એક તરફ સૌરાષ્ટ્રના (Saurashtra) મેળા લોકોમાં આકર્ષણનું કેન્દ્ર બન્યા છે. રજા હોઈ મોટી સંખ્યામાં લોકો મેળામાં મ્હાલવા નીકળી પડ્યા છે. ત્યારે આ વર્ષે અનેક મેળામાં દુર્ઘટનાના કિસ્સા બની રહ્યાં છે. રાજકોટના લોકમેળામાં (Lok Mela) મોતના કૂવામાં મોટી દુર્ધટના બની છે. મોતના કુવામાં ચાલુ શો દરમિયાન કાર નીચે પડી હતી. સદ્દનસીબે કોઇ જાનહાનિ ન થઈ. કારનું ટાયર નીકળી જતા દુર્ઘટના બની હતી. જેના શોકિંગ સીસીટીવી (CCTV) પણ સામે આવ્યા છે.

પ્રાપ્ત માહિતી અનુસાર, રાજકોટના લોકમેળામાં આવેલા એક મોતના કૂવામાં દુર્ઘટના બની છે. ચાલુ શો દરમિયાન ત્રણ વાહનો મોતના કુવામાં ગોળ ગોળ ફરી રહ્યા હતા. જેમાં એક કારનું ટાયર નીકળી ગયુ હતું. આ કારણે ચાલુ મોતના કૂવામાં એક કાર નીચે ખાબકી હતી.

ટાયર નીકળી જતા જ કાર સીધી નીચે ખાબકી હતી. સદનસીબે આ બનાવમાં કોઈ જાનહાનિ થઈ નથી. આ અંગેનો વીડિયો પણ સામે આવ્યો છે.

ઉલ્લેખનીય છે કે આ વર્ષના લોકમેળામાં અનેક અકસ્માતો સર્જાઈ રહ્યાં છે. એક દિવસ પહેલા લોકમેળામાં બ્રેક ડાન્સ રાઇડમાં બેઠેલા યુવકની રાઇડની સેફ્ટી લોક ખુલી ગયુ હતું. જેને લીધે યુવકને ઇજાઓ પહોંચી હતી. તો તે પહેલા ગોંડલના લોકમેળામાં 2 વ્યક્તિઓનું વીજ કરંટ લાગતા મોત નિપજ્યુ હતું. તો ચાલુ રાઇડમાંથી એક વ્યક્તિ નીચે પટકાયો હતો. જે ગંભીર રીતે ઘાયલ થતા તેને સારવાર માટે હોસ્પિટલ ખસેડવો પડ્યો હતો.

આ પણ વાંચો :-

નારાજગી ! ગુજરાત સરકારે માજી સૈનિકોની 5 માંગ સ્વીકારી ! છતાં માજી સૈનિકો નારાજ, જાણો શું હતી 14 માંગણીઓ

News Editor
-
0

Displeasure ! Gujarat government

  • રાજ્ય સરકાર દ્વારા માજી સૈનિકોની 14માંથી 5 માગનો કરવામાં આવ્યો સ્વીકાર, તમામ માંગો સ્વીકારવા માજી સૈનિકોની માંગ.

રાજ્ય સરકાર (State Govt) સામે 14 માંગણીઓને લઇને આંદોલન પર ઉતરેલા માજી સૈનિકોની (ex-servicemen) પાંચ માગ આખરે રાજ્ય સરકાર દ્વારા સ્વીકારવામાં આવી. મહત્વનું છે કે રાજ્યમાં 14 માંગણીઓ સાથે માજી સૈનિકો મેદાને ઉતર્યા હતા.

છેલ્લા ઘણા સમયથી માજી સૈનિકો દ્વારા પડતર માંગણીઓને લઇને અનેકવાર રજૂઆતો કરવામાં આવી હતી. ગાંધીનગર સચિવાલય ખાતે સફેદ કપડા અને હાથમાં તિરંગો લઇને મોટી સંખ્યામાં માજી સૈનિકો ભેગા થયા હતા.

રાજ્ય સરકારે આ માગણીઓ સ્વીકારી :

  • શહીદ જવાનના પરિવારને 1 કરોડની સહાય આપવી.
  • શહીદ જવાનાના બાળકોને રૂ.5 હજાર શિક્ષણ સહાય આપવી.
  • શહીદ જવાનના માતા-પિતાને માસિક રૂ.5 હજારની સહાય આપવી.
  • અપંગ જવાનના કિસ્સામાં 2.5 લાખની આર્થિક સહાય  અથવા મહિને 5 હજારની સહાય આપવી.
  • અપરણિત શહીદ જવાનના કિસ્સામાં માતા-પિતાને રૂ.5 લાખની સહાય આપવી.

તમામ માગણીઓ પુરી કરવામાં આવે- માજી સૈનિકો

ઉલ્લેખનીય છે કે આજ સવારથી જ માજી સૈનિક પડતર માંગણીઓને લઇને ગાંધીનગર સચિવાલય ખાતે પહોંચ્યા હતા.  અગાઉ સરાકરે હૈયાધારણા આપી હતી પરંતુ કોઇ યોગ્ય નિર્ણય ન લેવાતા તેઓ ફરીથી આંદોલનના માર્ગે ઉતર્યા હતા. જો કે રાજ્ય સરકારે પાંચ માગણીઓનો સ્વીકાર કર્યો પરંતુ હજી અન્ય 9 માગણીઓ બાકી છે. જે  તમામ માંગ સ્વીકારાય અને તેનો GR કરવા માજી સૈનિકો દ્વારા માગણી કરવામાં આવી.

 માજી સૈનિકોની શું છે માંગણી ?

  • શહીદ સૈનિકના પરિવારને રાજ્ય સરકાર દ્વારા 1 કરોડની સહાય
  • શહીદ સૈનિકના દીકરા અથવા પરિવારના સભ્યને સરકારી નોકરી
  • શહીદના પરિવારને રાજ્ય સરકાર તરફથી પેન્શન
  • ગાંધીનગર ખાતે રાજ્ય લેવલનું શહીદ સ્માકર
  • શહીદ સ્મારકમાં માજી સૈનિકો માટે આરામ ગૃહની વ્યવસ્થા
  • વર્ગ-1 અને વર્ગ-4 સુધીની નિમણૂક વખતે માજી સૈનિકોને અપાતા અનામતનો ચુસ્ત અમલ
  • માજી સૈનિકને પરિવારના જીવનનિર્વાહ માટે ખેતીની જમીન આપવાના નિયમનો ચુસ્ત અમલ
  • રહેણાક માટે પ્લોટની ફાળવણીના નિયમનો ચુસ્ત અમલ
  • દારૂ માટે ભારતીય સેનાએ આપેલી પરમિટ માન્ય રાખવાની જોગવાઈ
  • કોન્ટ્રાક્ટ પદ્ધતિ રદ્દ કરીને સરકાર દ્વારા સીધી માજી સૈનિકની નિમણૂકની જોગવાઈ
  • હથિયાર લાયસન્સ રિન્યુ કરવા અને નવા લાયસન્સ લેવા તાત્કાલિક કાર્યવાહી
  • માજી સૈનિકના સામાજિક પ્રશ્નોને અગ્રતા આપી તાત્કાલિક નિરાકરણ
  • સેનાની નોકરીનો સમય ગાળો પુનઃ નોકરીમાં સળંગ ગણી પગાર રક્ષણ
  • ગુજરાત સરકારી સેવામાં 5 વર્ષ ફિક્સ પગાર પ્રથા નાબૂદી
  • સરકારી નોકરીમાં રહેઠાણ નજીક નિમણૂક
  • ઉચ્ચ અભ્યાસમાં માજી સૈનિકના બાળકોને અનામત
  • માજી સૈનિકના બાળકોના અભ્યાસનો સંપૂર્ણ ખર્ચ રાજ્ય સરકારે ઉઠાવવો
  • માજી સૈનિકને વ્યવસાય વેરામાંથી મુક્તિ આપવામાં આવે

આ પણ વાંચો :-

શા માટે ટોયોટાએ ભારતમાં Innova Crysta ડીઝલ કારનું બુકિંગ બંધ કર્યું ? જાણો શું છે કારણ 

News Editor
-
0

Why Toyota stopped booking of Innova Crysta

  • આ કારની કિંમતોમાં વધારો થયા બાદ પણ આ કાર લોકોને ખૂબ જ પસંદ આવી રહી હતી. આ કારણોસર આ નિર્ણય ચોંકાવનારો માનવામાં આવી રહ્યો છે. માનવામાં આવી રહ્યું છે કે, કંપનીએ ન્યૂ જનરેશનને ઈનોવા માટે આ પ્રકારે કર્યું છે.

 Innova Crysta Diesel : વાહન નિર્માતા કંપની ટોયોટા કિર્લોસ્કરે (Toyota Kirloskar) સૌથી વધુ વેચાતી SUVમાંથી એક ઈનોવા ક્રિસ્ટા (Innova Crysta)ના ડીઝલ વેરિએન્ટનું બુકિંગ થોડા સમય માટે બંધ કરી દીધું છે. આ કાર માત્ર પેટ્રોલ વેરિએન્ટ માટે બુક કરી શકાય છે.

કંપનીની કુલ કારોના વેચાણમાં ઈનોવા ક્રિસ્ટાના ડીઝલ વેરિએન્ટના કારના વેચાણને સૌથી વધુ મહત્વપૂર્ણ માનવામાં આવે છે. ટોયોટાનો આ નિર્ણય ખૂબ જ ચોંકાવનારો છે. જેનો અર્થ છે કે ભારતીય રસ્તાઓ પર નવી ઈનોવા ક્રિસ્ટા કાર જોવા નહીં મળે.

બુકિંગ શા માટે બંધ કરવામાં આવ્યું :

આ કારની કિંમતોમાં વધારો થયા બાદ પણ આ કાર લોકોને ખૂબ જ પસંદ આવી રહી હતી. આ કારણોસર આ નિર્ણય ચોંકાવનારો માનવામાં આવી રહ્યો છે. માનવામાં આવી રહ્યું છે કે કંપનીએ ન્યૂ જનરેશનને ઈનોવા માટે આ પ્રકારે કર્યું છે. જે પેટ્રોલ હાઈબ્રિડ પાવરટ્રેન અથવા ડીઝલ એન્જિનમાં કેટલાક પરિવર્તન સાથે રજૂ કરવામાં આવી શકે છે. આ મામલે ટોયોટાએ કોઈપણ ખુલાસો કર્યો નથી. માનવામાં આવી રહ્યું છે કે ન્યૂ જનરેશનની ઈનોવા કાર આગામી વર્ષ સુધીમાં આવશે અને તેનું ઈનોવા ક્રિસ્ટા સાથે વેચાણ થઈ શકે છે.

કંપની શું વિચારી રહી છે :

નેક્સ્ટ જનરેશનની ઈનોવાને હાઈબ્રિડ પાવરટ્રેન સાથે તૈયાર કરવામાં આવી શકે છે. ટોયોટા હાઈરાઈડરમાં પણ આ પ્રકારે જોવા મળ્યું હતું. આગામી સમયમાં ટોયોટા ફોર્ચ્યુનર સાથે પણ આ પ્રકારનો ફેરફાર થઈ શકે છે. નેક્સ્ટ જનરેશનની ઈનોવા એક નવા પ્લેટફોર્મ, નવા હાઈબ્રિડ પાવરટ્રેન અને શાનદાર ઈન્ટીરિયર પર આધારિત હોવાના કારણે તે હાલના મોડલ કરતા અલગ હોઈ શકે છે.

જે લોકોને ડીઝલ વેરિએન્ટમાં ઈનોવા પસંદ આવી રહી છે, તે લોકો માની રહ્યા છે કે, તેમને નવી ઈનોવામાં હાલની ઈનોવા ક્રિસ્ટા જેવો જ સંતોષ મળશે. કંપની પણ પોતાના ગ્રાહકોને નિરાશ કરવા ઈચ્છતી નથી.

ન્યૂ જનરેશન ઈનોવા કેવી હશે :

ભારતમાં લોકોને ડીઝલ એન્જિનવાળી ઈનોવા વધુ પસંદ આવી રહી છે. આ કારણોસર પેટ્રોલ ઈનોવાનું વધુ વેચાણ થાય તે માટે બજારનું પરીક્ષણ કરવા માટે હાઈબ્રિડ મોડલ સાથે ભવિષ્યમાં બુકિંગ ફરી શરૂ થઈ શકે છે. ભારતમાં ડીઝલ કારનું ભવિષ્ય સવાલોથી ઘેરાયેલું છે. ડીઝલ કારની સૌથી વધુ માંગ કરવામાં આવી રહી છે. આ કારણોસર સ્પષ્ટરૂપે કહી ના શકાય કે, ડીઝલ કારને ક્યાં સુધીમાં રજૂ કરવામાં આવી શકે છે.

આ પણ વાંચો :-

 

પાટીદાર નેતા અલ્પેશ કથીરિયા કાઢશે આ તારીખે  તિરંગા યાત્રા, શું ભાજપ નેતા હાર્દિક પટેલ રહેશે હાજર ?

News Editor
-
0

Patidar leader Alpesh Kathiria will

  • પાટીદાર અનામત આંદોલન સમિતિ (PAAS) દ્વારા આઝાદીના 75 વર્ષ અંતર્ગત સાથે પાટીદાર અનામત આંદોલન ના સાત વર્ષ પૂર્ણ થઈ રહ્યા હોય તે અંતર્ગત 25 ઓગસ્ટના રોજ પાટીદાર ક્રાંતિ દિવસ અને 26 ઓગસ્ટના રોજ પાટીદાર શહીદ દિવસની ઉજવણી કરશે.

15 ઓગસ્ટ 2022 ના રોજ ભારત દેશ આઝાદીના 75 વર્ષ પૂર્ણ કરી 76 માં વર્ષમાં પ્રારંભ કર્યો છે. જ્યારે આ વર્ષ દરમિયાન આઝાદી કા અમૃત મહોત્સવ (Azadi Ka Amrit Mahotsav)ની દેશભરમાં ધામધુમ પૂર્વક ઉજવણી કરવામાં આવી હતી. ત્યારે હવે પાટીદાર અનામત આંદોલન સમિતિ (PAAS) દ્વારા આઝાદીના 75 વર્ષ અંતર્ગત સાથે પાટીદાર અનામત આંદોલન ના સાત વર્ષ પૂર્ણ થઈ રહ્યા હોય તે અંતર્ગત 25 ઓગસ્ટના રોજ પાટીદાર ક્રાંતિ દિવસ અને 26 ઓગસ્ટના રોજ પાટીદાર શહીદ દિવસની ઉજવણી કરશે.

સાથે શ્રદ્ધાંજલિના ભાગરૂપે પાટીદાર અનામત આંદોલન સમિતિ દ્વારા આગામી 28 ઓગસ્ટના રોજ અલ્પેશ કથીરિયાની આગેવાનીમાં તિરંગા પદયાત્રાનું આયોજન કરવામાં આવ્યું છે.

જાણો શું છે તિરંગા પદયાત્રાની રૂપરેખા ?

પાટીદાર અનામત આંદોલન સમિતિ દ્વારા તિરંગા પદયાત્રા 28 ઓગસ્ટના રોજ સવારે 9:00 કલાકે ક્રાંતિ ચોક એટલે કે કિરણ ચોક ખાતેથી નીકળીને સરદાર પ્રતિમા, માનગઢ ચોક, મીની બજાર વરાછા રોડ પૂર્ણ કરવામાં આવશે. આ તિરંગા યાત્રામાં મોટી સંખ્યામાં વરાછા, કતારગામ, સરથાણા સહિત  વિવિધ વિસ્તારના યુવકો જોડાશે.

PAAS - Trishul News Gujarati Azadi ka Amrit Mahotsav, paas, Surat, પાટીદાર અનામત આંદોલન સમિતિ

તિરંગા પદ યાત્રામાં આ દિગ્ગજ નેતાઓ રહી શકે છે હાજર :

આ તિરંગા પદયાત્રામાં હમણાં જ કોંગ્રેસ સાથે છેડો ફાડીને ભાજપમાં જોડાયેલા હાદિક પટેલ પણ હાજર રહી શકે તે પ્રકારની જાણકારી સામે આવી રહી છે. પાટીદાર આંદોલન દરમિયાન નેતાઓ બનેલા અને હાલમાં ભાજપમાં સેટ થયેલા નેતાઓ પણ આ યાત્રામાં ભાગ લે તેવું માનવામાં આવી રહ્યું છે.

સાથે જ આમ આદમી પાર્ટી ગુજરાતના પ્રદેશ પ્રમુખ ગોપાલ ઇટાલીયા અને અન્ય પાટીદાર નેતાઓ પણ હાજર રહેશે તેવી જાણકારી સામે આવી છે. સાથે જ આ યાત્રામાં અનેક પાટીદાર સમાજના નેતાઓ હાજર રહી શકે છે.

અચાનક જ તિરંગા પદયાત્રાના આયોજનથી રાજકીય ચર્ચાએ પકડ્યું જોર :

પાટીદાર અનામત આંદોલન સમિતિ દ્વારા 28 ઓગસ્ટના રોજ જે પદયાત્રાનું આયોજન કરવામાં આવ્યું છે તેની પાછળ રાષ્ટ્રીય શક્તિ પ્રદર્શન બતાવવાનો હેતુ હોય તેવી ચર્ચા એ પણ જોર પકડ્યું છે. ગુજરાતમાં આવી રહેલી આગામી 2022 ની વિધાનસભાની ચૂંટણીને લઈને પાટીદાર અનામત આંદોલન સમિતિ પોતાનું રાજકીય અસ્તિત્વ બતાવવા માટે પદયાત્રાનું આયોજન કર્યું હોય તેવું લાગી રહ્યું છે.

આ પણ વાંચો :-

 

ગુજરાતમાં ફરી ગેંગવોર સક્રિય ! કુખ્યાત સૂર્યા મરાઠી ગેંગના સભ્ય પર ફાયરિંગ, ઘટના CCTVમાં કેદ

News Editor
-
0

Gangwar active again in Gujarat

  • સુરતના ચોક બજાર વિસ્તારમાં આવેલા વેડ રોડ વિસ્તારમાં સરદાર હોસ્પિટલની બાજુમાં ફાયરિંગની ઘટના બની હતી. સફિ શેખ નામના ઇસમ પર ફાયરિંગ કરવામાં આવ્યો હતો.

સુરત શહેરમાં ગુનેગારોને (Criminals) પોલીસનો કોઇ પણ ડર ન હોય તેમ ખુલ્લેઆમ ફાયરિંગ કરીને પોતાનું વર્ચસ્વ જમાવી રહ્યા છે ત્યારે આવી જ એક ઘટના સુરતના ચોક બજાર પોલીસ મથક (Chowk Bazar Police Station) વિસ્તારમાં બન્યો છે જ્યાં એક ગુનેગાર પર અજાણ્યા શખ્સો દ્વારા બે રાઉન્ડ ફાયરિંગ કરી અત્યારનો પ્રયાસ કરવામાં આવ્યો હતો. સમગ્ર ઘટના મામલે પોલીસે ગુનો દાખલ કરી વધુ તપાસ હાથ ધરી છે.

આ ઘટના વિશે મળતી માહિતી પ્રમાણે, સુરતના ચોક બજાર વિસ્તારમાં આવેલા વેડ રોડ વિસ્તારમાં સરદાર હોસ્પિટલની બાજુમાં ફાયરિંગની ઘટના બની હતી. સફિ શેખ નામના ઇસમ પર ફાયરિંગ કરવામાં આવ્યો હતો. બે રાઉન્ડ ફાયરિંગ દરમિયાન એક ગોળી તેના પેટના ભાગે વાગી હતી હતી.

જેથી ઈજાગ્રસ્ત અને સારવાર માટે હોસ્પિટલમાં દાખલ કરવામાં આવ્યો છે. આ સમગ્ર ઘટના સીસીટીવી કેમેરામાં પણ કેદ થઈ છે. ફાયરિંગની ઘટનાથી અધિકારીઓ સહિતનો કાફલો ઘટના સ્થળે દોડી ગયો અને તપાસ શરૂ કરી હતી.

એસીપી આર આર આહિરએ જણાવ્યું હતું કે અગાઉ કુખ્યાત એવા સૂર્યા મરાઠીના જુના ઝઘડાની અદાવતમાં અગાઉ સાહિદ રહી ચૂકેલા સફિ શેખ પર ફાયરિંગ કરવામાં આવ્યું છે. બે શખ્સો ફાયરિંગ કરીને નાસી ગયા છે. હાલ પોલીસ તપાસ હાથ ધરી રહી છે. જેથી સફી શેખ સહિત તેની ગેંગના સભ્યોનો જૂનો ઇતિહાસ તપાસી આરોપીઓને શોધવા માટે પોલીસે કામગીરી શરૂ કરી છે.

આ પણ વાંચો :-

સરદાર સરોવર ડેમની સપાટીમાં વધારો, જળ સપાટી વધીને 136.01 મીટર થઈ

News Editor
-
0

Sardar Sarovar Dam level

  • હવામાન વિભાગની આગાહી પ્રમાણે સોમવારે રાજ્યમાં અનેક જગ્યાએ વરસાદ ખાબકી શકે છે. રાજ્યના લગભગ તમામ જિલ્લાઓમાં યલો એલર્ટ આપવામાં આવ્યું છે.

સરદાર સરોવર ડેમ (Sardar Sarovar Dam water level)ની સપાટીમાં સતત વધારે થઈ રહ્યો છે. નર્મદા ડેમની સપાટી વધીને 136.01 મીટરે પહોંચી છે. છેલ્લા 24 કલાકની વાત કરીએ તો ડેમની સપાટીમાં 20 સેન્ટીમીટરનો વધારો થયો છે. ડેમમાં હાલ ઉપરવાસથી 1,92,234 ક્યુસેક પાણીની આવક થઈ રહી છે.

ડેમમાંથી હાલ 1,49,122 ક્યુસેક પાણી છોડવામાં આવી રહ્યું છે. હાલ ડેમના 10 દરવાજા 1.5 મીટર ખુલ્લા છે. ઉપરવાસમાંથી પાણીની આવક વધતા ડેમની સપાટીમાં સતત વધારો થઈ રહ્યો છે.

ગુજરાતમાં વરસાદની આગાહી :

હવામાન વિભાગની આગાહી પ્રમાણે સોમવારે રાજ્યમાં અનેક જગ્યાએ વરસાદ ખાબકી શકે છે. રાજ્યના લગભગ તમામ જિલ્લાઓમાં યલો એલર્ટ આપવામાં આવ્યું છે. ખાસ કરીને પાટણને બાદ કરતાં સમગ્ર રાજ્યમાં વરસાદ પડી શકે છે. પાટણમાં વરસાદને લઇને કોઇ ખાસ વોર્નિંગ નથી. પરંતુ રાજ્યમાં મોટાભાગે થન્ડર સ્ટ્રોમ સાથે વરસાદ જોવા મળી શકે છે.

મંગળવારનો દિવસનો ગુજરાત માટે મહત્વનો છે. કેમ કે, 23 ઓગસ્ટે સમગ્ર રાજ્યમાં વરસાદ પડી શકે છે. ખાસ કરીને તમામ રાજ્યોમાં યલો એલર્ટ આપવામાં આવ્યું છે, જ્યારે બે જિલ્લાઓમાં ઓરેન્જ એલર્ટ આપવામાં આવ્યું છે.

હવામાન વિભાગ દ્વારા બનાસકાંઠામાં ઓરેન્જ એલર્ટ આપવામાં આવ્યું છે. અહીં ભારે વરસાદ થઇ શકે છે. આ સિવાય અરવલ્લીમાં પણ ઓરેન્જ એલર્ટ આપવામાં આવ્યું છે. અહીં પણ ભારે વરસાદ જોવા મળી શકે છે.

આ પણ વાંચો :-

વિધાનસભા ચૂંટણીને લઈને તમામ પક્ષોએ લગાવ્યું જોર, આજે રાહુલ ગાંધી, બી.એલ સંતોષ અને કેજરીવાલ સહિતના દિગ્ગજોની પધરામણી

News Editor
-
0

All the parties put pressure on the assembly

  • ગુજરાત વિધાનસભાની ચૂંટણીને લઈ તમામ રાજકીય પક્ષો પોત-પોતાની તૈયારીમાં જોતરાઇ ગયા છે. ત્યારે આજથી આગામી સપ્તાહ સુધી ગુજરાતમાં કેન્દ્રીય નેતાઓના ધામા જોવા મળશે.

રાજ્ય (Gujarat) માં આગામી થોડા મહિનાની અંદર એટલે કે વર્ષના અંત સુધીમાં વિધાનસભા ચૂંટણી (Gujarat Assembly Election 2022) યોજાશે ત્યારે વિધાનસભા ચૂંટણીના પડઘમરૂપે કેન્દ્રીય ગૃહમંત્રી અમિત શાહ (Amit Shah) સહિતના રાષ્ટ્રીય નેતાઓ વારંવાર ગુજરાતની મુલાકાતે આવી રહ્યાં છે. વિધાનસભાની ચૂંટણીને લઇને રાજ્યમાં તમામ પક્ષોએ પણ સંપૂર્ણ તૈયારીઓ શરૂ કરી દીધી છે.

ત્યારે એકવાર ફરી ચૂંટણીલક્ષી તૈયારીઓને ધ્યાને રાખતા કેન્દ્રના દિગ્ગજ નેતાઓ PM મોદી, અરવિંદ કેજરીવાલ, રાહુલ ગાંધી, કે.સી વેણુગોપાલ અને અશોક ગેહલોત સહિતના નેતાઓ ગુજરાતના આંગણે આવી રહ્યાં છે.

અરવિંદ કેજરીવાલ અને મનીષ સિસોદિયા આજે ગુજરાત આવશે :

આપ પાર્ટીના સંયોજક અને દિલ્હીના CM અરવિંદ કેજરીવાલ પણ એકવાર ફરી ગુજરાત પ્રવાસે આવશે. તારીખ 22 અને 23 ઓગસ્ટના રોજ અરવિંદ કેજરીવાલ ગુજરાત પ્રવાસે આવશે. Dy. CM અને શિક્ષણમંત્રી એવા મનીષ સિસોદિયા પણ ઉપસ્થિત રહેશે. અમદાવાદમાં  CM કેજરીવાલ તથા મનીષ સિસોદિયા એક પ્રેસ-કોન્ફરન્સમાં પણ ભાગ લેશે.

અમદાવાદ બાદ હિંમતનગરમાં એક કાર્યક્રમમાં પણ સામેલ થશે. અરવિંદ કેજરીવાલ ગુજરાતની જનતા માટે એક મહત્વની જાહેરાત પણ કરે તેવી શક્યતા છે. જ્યારે મનીષ સિસોદિયા 23 તારીખ સુધી ગુજરાતમાં રોકાશે. મનીષ સિસોદિયા ભાવનગરમાં યુવાનો સાથે રોજગાર અને શિક્ષા સંવાદ કરશે.

અશોક ગેહલોત પણ આજે ગુજરાતના આંગણે, રાહુલ ગાંધી આગામી સપ્તાહે આવશે :

બીજી બાજુ મિશન 2022ને લઇને હવે રાહુલ ગાંધી પણ આગામી સપ્તાહે ગુજરાત આવશે. રાહુલ ગાંધી અને મહાસચિવ કે.સી વેણુગોપાલ ગુજરાત આવશે. ત્યારે રાહુલ ગાંધીની ગુજરાત મુલાકાતને લઇને આજે કોંગ્રેસની મહત્વની બેઠક યોજાશે. જે અંતર્ગત ગુજરાત કોંગ્રેસના મુખ્ય નિરીક્ષક અશોક ગેહલોત પણ આજે ગુજરાત આવશે કે જેઓ અમદાવાદમાં કોંગ્રેસના અગ્રણી નેતાઓ સાથે આજે બેઠક કરશે.

PM મોદી તારીખ 27 અને 28 ઓગસ્ટના રોજ આવશે ગુજરાત :

બીજી બાજુ PM મોદી પણ ફરીવાર ગુજરાત આવશે. PM મોદી તારીખ 27 અને 28 ઓગસ્ટના રોજ ગુજરાત પ્રવાસે આવશે. PM મોદી 27 ઓગસ્ટના રોજ અમદાવાદની મુલાકાતે આવશે. અમદાવાદમાં નવી સિવિલ હોસ્પિટલનું લોકાર્પણ કરશે. અમદાવાદમાં PM મોદી જનસભાને સંબોધન કરશે.

જ્યારે 28 ઓગસ્ટના રોજ PM મોદી કચ્છની મુલાકાત લેશે. 28 ઓગસ્ટે PM મોદી કચ્છમાં સ્મૃતિવનની મુલાકાત લેશે. અહીં ભુજમાં પણ PM મોદી જનસભાને સંબોધિત કરશે. PM મોદી સભાસ્થળેથી અન્ય 11 કામોનું ઉદ્ઘાટન કરશે.

આ પણ વાંચો :-

1...1,3391,3401,341...1,438Page 1,340 of 1,438