Home Blog Page 1094

શિક્ષકો અને અધ્યાપકોની વેકેશનની મજા બગડી, રજા ટાણે સરકારે સોંપી દીધી આ મોટી જવાબદારી

News Editor
-
0

The fun of vacation of teachers

  • આ પરીક્ષા માટે ૧૮ લાખ ઉમેદવારોમાંથી ૮ લાખથી વધુ ઉમેદવારે પરીક્ષા આપવા માટે સંમંતિ આપી હતી. અને હાલ મંડળ દ્વારા પરીક્ષાની ઓનલાઈન હોલ ટીકિટ પણ ઈસ્યુ કરી દેવાઈ છે.જે ઉમેદવારો ડાઉનલોડ કરી શકે છે.

ગુજરાત સરકાર (Gujarat Govt) દ્વારા તલાટીની પરીક્ષા (Talati Exam) લેવાની તડામાર તૈયારીઓ ચાલી રહી છે. ત્યારે આટલા મોટા વ્યાપથી પરીક્ષાનું આયોજન કરવામાં આવ્યું હોવાથી તેના મોનિટરિંગ માટે મોટા સ્ટાફની જરૂર પડે તે સ્વભાવિક છે. જેથી આ વખતે શિક્ષકો અને પ્રાધ્યાપકોનો પણ તેમાં ઉપયોગ કરવામાં આવશે.

મોટી સંખ્યામાં સ્ટાફની જરૂર હોવાથી તલાટી પરીક્ષા માટે સ્કૂલ શિક્ષકો અને કોલેજોના અધ્યાપકોને પણ કામગીરી સોંપવાનું સરકારનું આયોજન છે. સરકારે તલાટીની પરીક્ષામાં જવાબદારી સોંપતા શિક્ષકોના સમુહોમાં અત્યારે એક જ ગણગણાટ છે કે આ વખતે વેકેશનની મજા બગડી.

કમિશનર કચેરી અને ટેકનિકલ શિક્ષણ કચેરી દ્વારા તમામ ગુજરાત પંચાયત સેવા પસંદગી મંડળની તાલટી કમમંત્રીની સરકારી અને ગ્રાન્ટેડ કોલેજોને કલેકટર અને ડીડીઓ કચેરી લેખિત પરીક્ષા આગામી ૭મી મેના રોજ લેવાનાર છે ત્યારે આ હેઠળ ફાળવી છે.હવે કલેકટર કચેરી દ્વારા આ પરીક્ષા માટે પરીક્ષા માટે સુપરવાઈઝર, કેન્દ્ર નિયામક સહિતની વિવિધ કોલેજોમાંથી જરૂરી સ્ટાફ નક્કી કરાશે. કોલેજો ઉપરાંત સ્કૂલોના કામગીરી માટે સ્ટાફની જરૂરીયાતને પગલે ઉચ્ચ શિક્ષણ શિક્ષકોને પણ કામગીરી સોંપવામા આવી છે.

ક્યારે લેવાશે પરીક્ષા?

ઉચ્ચ શિક્ષણ કમિશનરે તમામ સરકારી અને ગ્રાન્ટેડ કોલેજોને પરીક્ષા માટે સંબંધિત કલેકટર હેઠળ ફાળવી ગ્રામપંચાયત સેક્રેટરી એટલે કે તલાટી મંત્રીની લેખિત સ્પર્ધાત્મક પરીક્ષા ગુજરાત પંચાયત સેવા પસંદગી મંડળ દ્વારા રાજ્યભરના કેન્દ્રોમાં આગામી ૭મી મેના રોજ લેવામાં આવનાર છે. ૭મીએ પોરે ૧૨:૩૦ થી ૧:૩૦ દરમિયાન આ પરીલા લેવાનાર છે.

કેટલાં ઉમેદવારો પરીક્ષા આપશે?

આ પરીક્ષા માટે ૧૮ લાખ ઉમેદવારોમાંથી ૮ લાખથી વધુ ઉમેદવારે પરીક્ષા આપવા માટે સંમંતિ આપી હતી. અને હાલ મંડળ દ્વારા પરીક્ષાની ઓનલાઈન હોલ ટીકિટ પણ ઈસ્યુ કરી દેવાઈ છે.જે ઉમેદવારો ડાઉનલોડ કરી શકે છે.

આ પરીક્ષા માટે ઉમેદવારોના મોટા સંખ્યા સાથે કેન્દ્રોની પણ મોટી સંખ્યા હોવાથી સ્ટાફની જરૂરીયાત પણ મોટા પ્રમાણમાં ઉભી થઈ છે. જેથી ઉચ્ચ શિક્ષણ અને ટેકનિકલ શિક્ષણ કચેરીઓ દ્વારા પોતાના તાબા હેઠળની સરકારી વોકેશનલ અને ટેકનિકલ કોલેજોને પરીક્ષા માટે કલેકટર હેઠળ ફાળવી છે.

આ પણ વાંચો :-

વિરાટ સાથે ભડકેલી વિવાદની આગને ઠંડી નથી કરવા માંગતો ગંભીર ! ગંભીરે કહ્યું આ જ કળિયુગ છે…

News Editor
-
0

Gambhir

  • મેદાન પર શાબ્દિક યુદ્ધ બાદ ગૌતમ ગંભીરે ફરી એકવાર વિરાટ કોહલી પર પ્રહારો કર્યા છે. કોઈ પણ ખેલાડીનું નામ લીધા વિના ગંભીરે સોશિયલ મીડિયા દ્વારા પોતાનો ગુસ્સો ઠાલવ્યો હતો.

મેદાન પર વિરાટ કોહલી (Virat Kohli) અને ગૌતમ ગંભીર (Gautam Gambhir) વચ્ચે મેદાન વચ્ચે શાબ્દિક યુદ્ધ બાદ શરૂ થયેલો વિવાદ અટકવાનું નામ નથી લઈ રહ્યો. જણાવી દઈએ કે હવે એ કિસ્સામાં લખનૌ સુપર જાયન્ટ્સના મેન્ટર ગંભીરએ વિરાટ પર ફરી શબ્દો દ્વારા પ્રહાર કરવામાં આવ્યો છે.

જો કે નામનો ઉલ્લેખ કર્યા વિના ગંભીરે ટ્વિટર પર કંઈક એવું લખ્યું જેણે આ વિવાદને વેગ આપ્યો. લોકો દ્વારા એવું માનવામાં આવી રહ્યું છે કે આ ટ્વીટમાં ગંભીરે DDCAના પૂર્વ પ્રમુખ પર પ્રહાર કરતા વિરાટ પર પ્રહાર કર્યા છે.

વાત એમ છે કે ગૌતમ ગંભીરની આ ટ્વીટ અડધી હિન્દીમાં અને અડધી અંગ્રેજીમાં છે જેમાં ગંભીરે લખ્યું છે કે, “જે વ્યક્તિ દિલ્હી ક્રિકેટથી ભાગી ગયો હતો તે હવે દબાણ બનાવી રહ્યો છે. એવું લાગે છે કે તે ક્રિકેટ પ્રત્યે પોતાની ચિંતા વ્યક્ત કરતી વખતે પેઇડ પીઆર કરવામાં વ્યસ્ત છે. આ કલયુગ છે જ્યાં ભાગેડુઓ પોતાની અદાલત ચલાવે છે.

નોંધનીય છે કે લખનઉ સુપર જાયન્ટ્સ અને રોયલ ચેલેન્જર્સ બેંગ્લોર વચ્ચેની મેચ દરમિયાન દિલ્હીના આ બંને ખેલાડીઓ સામસામે આવી ગયા હતા અને 10 વર્ષ પછી બંને આ રીતે મેદાન પર લડતા જોવા મળ્યા હતા. હાલના મામલામાં BCCI તરફથી કડક વલણ અપનાવતા બંનેની મેચ ફીમાંથી 100 ટકા કાપવામાં આવ્યો હતો.

સાથે જ જણાવી દઈએ કે આ વિવાદ ત્યારે શરૂ થયો જ્યારે વિરાટ કોહલીએ નવીન ઉલ હક અને અમિત મિશ્રાને મેદાન પર રમી રહ્યા હતા અને એ બાદ મેચ પછી હાથ મિલાવતી વખતે નવીને આ મુદ્દે વિરાટને વાતો સંભળાવી હતી. આ પછી કાયલ મેયર્સ આ સમગ્ર વિવાદમાં વચ્ચે આવ્યા હતા અને તેનો અંત ગૌતમ ગંભીર અને વિરાટ કોહલી વચ્ચેના શાબ્દિક યુદ્ધ સાથે થયો હતો.

આ પણ વાંચો :-

સૂરજ પંચોલી જ નહીં આ કલાકારો પણ ફસાયા વિવાદો અને કોર્ટ કેસમાં અને કારર્કિદીનો આવ્યો અંત

News Editor
-
0

Not only Sooraj Pancholi

  • Actors Career Ended Due To Controversies : બોલીવુડ કલાકારોની લોકપ્રિયતા અને સ્ટારડમ એક પળમાં ખતમ પણ થઈ શકે છે. લોકોનો પ્રેમ કલાકારોને સાતમા આસમાન સુધી લઈ શકે છે.

પરંતુ જ્યારે કલાકારો આ સ્ટારડમના અભિમાનમાં ખોટો રસ્તો અપનાવે છે તો તેઓ લોકોની નજરમાંથી તો ઉતરી જ જાય છે પરંતુ સાથે જ તેમની સફળ કારર્કિદીનો પણ અંત આવે છે.  આજે તમને આવા જ કલાકારો વિશે જણાવી જેઓ કોર્ટ કચેરી અને કાયદામાં ફસાયા અને તેમની કારકિર્દી ખતમ (Career over) થઈ ગઈ.

ગોવિંદા :

ગોવિંદા એક સમયે બોલીવુડનો સૌથી વધુ કમાણી કરનાર અભિનેતા હતો પરંતુ તેણે સ્ટારડમના નશામાં એક માણસને માર માર્યો અને તેની ખરાબ વર્તન કર્યું જેના કારણે તેની સામે કોર્ટ કેસ થયો અને ત્યાર પછી તેની કારકિર્દીનો અંત આવ્યો.

ગોવિંદાએ વર્ષો જૂનો કિસ્સો શૅર કર્યો, કહ્યું- 'મને પછી ખબર પડી કે તે પૈસાદાર ઘરની હતી' | Govinda shared an old incident, saying- 'I later came to know that she was from

સૂરજ પંચોલી :

સૂરજ પંચોલીએ બોલીવુડમાં એન્ટ્રી જ કરી હતી અને ત્યાં જ તેના પર જિયા ખાનને આત્મહત્યા કરવા માટે પ્રેરિત કરવાનો આરોપ લાગ્યો. આ કેસ વર્ષો સુધી ચાલ્યો. આ દરમિયાન તે એક પણ ફિલ્મ કરી શક્યો નહીં. જોકે તાજેતરમાં જ કોર્ટે તેને નિર્દોષ જાહેર કર્યો છે.

જેકલીન ફર્નાન્ડીઝ :

જેકલીન ફર્નાન્ડીઝની ગણતરી બોલીવુડની સફળ અભિનેત્રીઓમાં થાય છે. પરંતુ થોડા સમય પહેલા તેનું નામ મની લોન્ડરિંગ કેસમાં આરોપી સાથે જોડાયું અને તે પણ છેલ્લા કેટલાક સમયથી કોર્ટના ચક્કર લગાવે છે. આ દરમિયાન તેને ફિલ્મ મળતી બંધ થઈ છે.

જેકલીન ફર્નાન્ડીઝની સાથે ફેશન ડિઝાઈનર લિપાક્ષીની આજે થશે પૂછપરછ, EOW પાઠવ્યું સમન્સ - Jacqueline Fernandez Leepakshi summoned to Delhi Police in Sukesh Chandrashekhar case | TV9 Gujarati

રિયા ચક્રવર્તી :

રિયા ચક્રવર્તી પર સુશાંત સિંહ રાજપૂતને ડ્રગ્સ આપવાનો આરોપ હતો. તેને એક મહિના સુધી જેલમાં પણ રહેવું પડયું હતું. તે છેલ્લા 3 વર્ષથી જેલની બહાર છે પરંતુ તેની પાસે કોઈ ફિલ્મ કે પ્રોજેક્ટ નથી.

આ પણ વાંચો :-

 

Wrestlers Protest : દિલ્હીના જંતર મંતર પર પ્રદર્શનકારી રેસલર્સ અને દિલ્હી પોલીસ વચ્ચે બબાલ

News Editor
-
0

Wrestlers Protest

  • રાષ્ટ્રીય રાજધાની દિલ્હીના જંતર મંતર પર ધરણા આપી રહેલા  રેસલરો અને પોલીસ વચ્ચે બબાલ થવાનો વીડિયો સામે આવ્યો છે. વીડિયોમાં બંને પક્ષ વચ્ચે બોલાચાલી થઈ રહી હોવાનું સામે આવ્યું છે.

રાષ્ટ્રીય રાજધાની દિલ્હીમાં (Delhi) જંતર-મંતર પર ધરણા કરી રહેલા કુસ્તીબાજો અને પોલીસ વચ્ચે બોલાચાલી અને ઝપાઝપીનો એક વીડિયો સામે આવ્યો છે. વીડિયોમાં ઘણો અવાજ સંભળાય છે. બુધવારે (3 મે) રાત્રે લગભગ 11.30 વાગ્યે વિરોધ કરી રહેલા કુસ્તીબાજો (Wrestlers Protest) અને દિલ્હી પોલીસ (Delhi Police) વચ્ચે ઝપાઝપી થઈ હતી.

રેસલરોનો આરોપ છે કે વરસાદને કારણે બેડ મંગાવવામાં આવ્યા હતા. પોલીસે તેને આવતા રોકી દીધા. આ દરમિયાન પોલીસ અને પ્રદર્શનકારીઓ વચ્ચે ધક્કામુક્કી થઈ ગઈ. વીડિયોમાં જોવા મળી રહ્યું છે કે સ્ટાર રેસલર બજરંગ પુનિયા અને પોલીસ વચ્ચે બોલાચાલી થઈ રહી છે.

દિલ્હી પોલીસના જવાનો અને પ્રદર્શનકારી પહેલવાનો વચ્ચે હંગામાનો બીજો એક વીડિયો સામે આવ્યો છે. રેસલર બજરંગ પુનિયાએ આરોપ લગાવ્યો કે પોલીસકર્મીઓએ બહેન-દીકરીઓને ગાળો આપી અને મારપીટ કરી. દિલ્હી પોલીસે રેસલરોના આરોપો પર હાલ કોઈ સત્તાવાર નિવેદન આપ્યું નથી.

આ પણ વાંચો :-

 

Weather Update : ગરમીની ઋતુમાં કેમ ધાબળા ઓઢવાનો વારો આવ્યો ? ચોંકાવનારું છે કારણ

News Editor
-
0

Weather Update

  • દેશમાં એપ્રિલ મે મહિનામાં કાળઝાળ ગરમી હોય છે. ભીષણ ગરમીના કારણે દર વર્ષે આ સમયે ગરમીનું લોકડાઉન જેવી સ્થિતિ હોય છે.

પરંતુ આ વખતે તો આ મહિનામાં કઈક અલગ જ સ્થિતિ જોવા મળે છે. ગરમીથી રાહત અને કૂલ કૂલ મોસમના કારણે બધાના ચહેરા ખિલેલા છે. આકાશમાં છવાયેલા વાદળા જોઈને એવું લાગે છે કે જાણે મે મહિનામાં જ ચોમાસુ આવી ગયું. અટકી અટકીને પડી રહેલા વરસાદથી (Rain) તાપમાનમાં ઘટાડો થયો છે. પરંતુ જે ઠંડીની તમે મજા લઈ રહ્યા છો તેના વિશે વિચાર્યું છે કે કેટલી ઘાતક હોઈ શકે છે. શું તમારા મનમાં આ સવાલ આવ્યો છે કે નહીં કે મે મહિનામાં અચાનક કેમ હવામાન (Weather) બદલાઈ રહ્યું છે.

હકીકતમાં આ બદલાયેલા મોસમ પાછળ વૈજ્ઞાનિક એક મોટું કારણ વેસ્ટર્ન ડિસ્ટર્બન્સ જણાવી રહ્યા છે. માર્ચ અને એપ્રિલ મહિનામાં 6-6 વેસ્ટર્ન ડિસ્ટર્બન્સ આવ્યા હતા. આમ તો વેસ્ટર્ન ડિસ્ટર્બન્સ દર વર્ષે થાય છે પરંતુ આ વખતે જે પરિસ્થિતિઓ બની છે તેવી દર વર્ષે બનતી નથી અનેક વર્ષો બાદ મે મહિનામાં આવા હાલાત છે.

હવામાનમાં શું ફેરફાર :

સામાન્ય રીતે જે ચક્રવાતી પવન સર્જાય છે તે ખુબ લો લેટિટ્યૂડ પર બને છે જેનું સેન્ટર મોટાભાગે ચેન્નાઈની આજુબાજુ હોય છે. પરિણામે મે મહિનામાં ઉત્તર ભારતના રાજ્યોમાં આટલો વરસાદ પડતો નથી. અને વેસ્ટર્ન ડિસ્ટર્બન્સની અસર કર્ણાટક, કેરળ, સુધી જ રહે છે. પરંતુ આ વખતે વેસ્ટર્ન ડિસ્ટર્બન્સના કારણે સાઈક્લોનિક સર્ક્યુલેશન એટલે કે ચક્રવાતી હવાઓ હરિયાણા અને પંજાબ ઉપર બનેલી છે. આ ચક્રવાતી પવનના કારણે પશ્ચિમ ભારત સુધી વરસાદ પડી રહ્યો છે.

દક્ષિણ ભારતમાં એન્ટી સાઈક્લોનિક એક્ટિવિટી થવાના કારણે પણ હવામાનમાં ફેરફાર થયો. દક્ષિણ ભારતમાં આ એક્ટિવિટીના કારણે ખુબ વરસાદ પડી રહ્યો છે. દિલ્હી, ઉત્તરાખંડ, ઉત્તર પ્રદેશ, મધ્ય પ્રદેશ, બિહારથી લઈને કાશ્મીર સુધી હવામાનના બદલાયેલા મિજાજે લોકોને કન્ફ્યૂઝ કરી રાખ્યા છે. આ હવામાનને જોઈને તમે પણ એસી બંદ કરીને પંખા ચાલુ રાખ્યા હશે. રાતના સમયે તો પંખામાં ઠંડી લાગે છે. ન્હાવા માટે ગીઝર ઓન કરવું પડે છે. વરસાદનો આ અસાધારણ દોર એક સાથે દેશના અનેક રાજ્યોમાં આવ્યો છે.

વરસાદ જ નહીં કરા પણ પડી રહ્યા છે જેને જોઈને વૈજ્ઞાનિકો પણ ચોંકી ગયા છે. મે મહિનામાં આવું હવામાન જોઈને જો તમે એ વિચારી રહ્યા હોવ કે આ વખતે ગરમી ઓછી હશે તો તમે ખોટું વિચારો છો. હવામાનમાં થયેલા ફેરપારના કારણે આ વખતે ગરમી ગત વર્ષ કરતા પણ વધુ હશે. તેનું એક કારણ અલ નીનો હશે. અલ નીનો કારણે ભારતમાં જ નહીં પરંતુ દુનિયાભરમાં વરસાદનો ક્રમ બગડી શકે છે.

આ પણ વાંચો :-

માત્ર 649 રૂપિયામાં Apple જેવો સ્માર્ટફોન ! લોકો કરી રહ્યાં છે ધડાધડ ઓર્ડર

News Editor
-
0

A smartphone like Apple for only 649 rupees

Realme C55 Discount offer : રિયલમી તરફથી ગ્રાહકોને 649 રૂપિયામાં સ્માર્ટફોન ખરીદવાની ઓફર આપવામાં આવી રહી છે.

Flipkart Saving Days Sale : Realme C55 સ્માર્ટફોનમાં Apple જેવા કેમેરા કટઆઉટ મળે છે. જેને એપલ આઈફોન 15માં રજૂ કરવામાં આવ્યો હતો. Realme એ તેને કેપ્સૂલ નામ આપ્યું છે. તેમાં તમને ચાર્જિંગ અને બેટરી પર્સેન્ટેજની જાણકારી મળે છે.

આ સ્માર્ટફોનને Flipkart Saving Days Sale માં વેચાણ માટે ઉપલબ્ધ કરાવવામાં આવી રહ્યો છે. જે 4 મેથી શરૂ થશે. આ સેલમાં 12999 રૂપિયાવાળો Realme C55 સ્માર્ટફોનને 649 રૂપિયામાં ખરીદી શકાશે.

કિંમત અને ઓફર્સ :

Realme C55 સ્માર્ટફોનની કિંમત 12999 રૂપિયા છે. ફોનને 15 ટકાના ડિસ્કાઉન્ટ બાદ 10999 રૂપિયામાં વેચાણ માટે ઉપલબ્ધ કરાવવામાં આવ્યો છે. ફોનની ખરીદી પર 10350 રૂપિયાની છૂટ આપવામાં આવી રહી છે. જો તમે ફુલ એક્સચેન્જ ઓફરનો લાભ ઉઠાવો છો તો ફોનની કિંમત 649 રૂપિયા થઈ જાય છે. ફોન 4 જીબી અને 64 જીબી સ્ટોરેજ વેરિએન્ટમાં આવે છે.

ફોનને 1834 રૂપિયાના મંથલી ડિસ્કાઉન્ટ ઓફરમાં પણ ખરીદી શકાશે. ફોનના વેચાણ પર 1 વર્ષની મેન્યુફેક્ચરિંગ અને 6 મહિનાની ઇન બોક્સ એસેસરીઝ વોરંટી આપવામાં આવી રહી છે.

સ્પેસિફિકેશન્સ :

Realme C55 સ્માર્ટફોનમાં 6.72 ઇંચની ફુલ એચડી પ્લસ ડિસ્પ્લે આપવામાં આવી છે. તેના રિયરમાં ડ્યૂલ કેમેરા સેટઅપ આપવામાં આવ્યું છે. તેનો મેન કેમેરો 64 મેગાપિક્સલનો છે. આ સિવાય 2 મેગાપિક્સલનો અન્ય કેમેરો છે. જ્યારે ફ્રંટમાં 8 મેગાપિક્સલનો કેમેરો આપવામાં આવ્યો છે.

પાવર બેકઅપ માટે ફોનમાં 5000 mAh ની બેટરી આપવામાં આવી છે. ફોનમાં Helio G88 પ્રોસેસર સપોર્ટ આપવામાં આવ્યો છે. ફોનની ખરીદી પર 7 દિવસની રિપ્લેસમેન્ટ પોલિસી ઓફર કરવામાં આવે છે.

આ પણ વાંચો :-

સૂર્ય કુમાર અને ઈશાન કિશનની તોફાની ઈનિંગ, મુંબઈએ સતત બીજી મેચમાં 200થી

News Editor
-
0

Stormy innings by Surya Kumar

  • મુંબઈ શાનદાર પંજાબ કિંગ્સને 6 વિકેટે પરાજય આપ્યો છે. મુંબઈએ સતત બીજી મેચમાં 200થી વધુ રન ચેઝ કરી ટૂર્નામેન્ટમાં પાંચમી જીત મેળવી છે.

ઈશાન કિશન (Ishan Kishan) (41 બોલ 75 રન) અને સૂર્યકુમાર યાદવ (Suryakumar Yadav) (31 બોલમાં 66 રન) ની 116 રનની શાનદાર ભાગીદારીની મદદથી મુંબઈ ઈન્ડિયન્સે (Mumbai Indians) પંજાબ કિંગ્સને 6 વિકેટે પરાજય આપ્યો છે. મુંબઈએ સતત બીજી વખત 200થી વધુ રનનો સફળતાપૂર્વક પીછો કરી જીત મેળવી છે. ટોસ હારી પ્રથમ બેટિંગ કરતા પંજાબ કિંગ્સે (Punjab Kings) 20 ઓવરમાં 3 વિકેટે 214 રન બનાવ્યા હતા. જેના જવાબમાં મુંબઈએ 18.5 ઓવરમાં 216 રન બનાવી મેચ પોતાના નામે કરી લીધી હતી.

લક્ષ્યનો પીછો કરવા ઉતરેલી મુંબઈને પ્રથમ ઓવરમાં કેપ્ટન રોહિત શર્મા (0) ના રૂપમાં પ્રથમ ઝટકો લાગ્યો હતો. ત્યાર બાદ કેમરૂન ગ્રીન અને ઈશાન કિશને બીજી વિકેટ માટે 54 રનની ભાગીદારી કરી હતી. કેમરૂન ગ્રીન 23 રન બનાવી પાવરપ્લેના અંતિમ બોલ પર આઉટ થયો હતો. મુંબઈએ પાવરપ્લેમાં બે વિકેટે 54 રન બનાવ્યા હતા.

સૂર્યકુમાર અને ઈશાન કિશન છવાયા :

સૂર્યકુમાર યાદવ અને ઈશાન કિશને ત્રીજી વિકેટ માટે 116 રનની ભાગીદારી કરી હતી. ઈશાન કિશન 41 બોલમાં 7 ફોર અને ચાર સિક્સ સાથે 75 રન બનાવી આઉટ થયો હતો. તો સૂર્યકુમાર યાદવે 31 બોલમાં આઠ ફોર અને બે સિક્સ સાથે 61 રન બનાવ્યા હતા. ટિમ ડેવિડ 10 બોલમાં 19 અને તિલક વર્મા 10 બોલમાં 26 રન બનાવી અણનમ રહ્યાં હતા.

આ પહેલા લિયામ લિવિંગસ્ટોનના 42 બોલમાં સાત ફોર અને ચાર સિક્સ સાથે અણનમ 82 રન અને જીતેશ શર્માના 27 બોલમાં અણનમ 49 રનની મદદથી 214 રન ફટકાર્યા હતા. પ્રભરિમરન 9 રન બનાવી આઉટ થયો હતો. શિખર ધવન 20 બોલમાં 30 રન અને મેથ્યૂ શોર્ટે 26 બોલમાં 27 રનનું યોગદાન આપ્યું હતું.

આ પણ વાંચો :-

૦૪ મે ૨૦૨૩નું રાશિફળ : દામ્પત્ય જીવનમાં મતભેદ, વિરોધીઓથી સાવધાન : આ જાતકોએ ગાફેલ ન રહેવું, શું કહે છે આજનું રાશિ ભવિષ્ય

News Editor
-
0

Horoscope of 04 May 2023

મેષઃ
નાણાંકીય બાબતોમાં લાભ મળશે. આદ્યાત્મમાં રૂચિ વધશે. કરેલા કાર્યો વિલંબે પૂરા થતા જણાય. ભાગ્ય સારૂ છે. માતૃપક્ષની લાભ મેળવી શકાશે. સંતાન તરફથી ચિંતા રહેશે. સ્નાયુનો દુઃખાવો પરેશાન કરે. વિદેશ સંબંધી બાબતોથી લાભ મળશે.

વૃષભઃ
કવિતા, સંગીત જેવી બાબતોમાં રસ વધશે. અભિમાન વધશે. સ્ત્રી તથા સંતાન તરફથી લાભ મળશે. નાણાંકીય વ્યવહારોમાં સાવચેતી રાખવી. દેવું કરવાથી દૂર રહેવું. મિત્રોથી લાભ મળશે. નાની મુસાફરીની શક્યતા છે.

મિથુનઃ
દીલમાં અજંપો રહે. આર્થિક બાબતોમાં ફાયદો જણાય. પરિવારમાં સુખ શાંતિનો અનુભવ થાય. કરેલા કાર્ય ભાગ્યને આધારે સફળ થતા જણાય. જીવનસાથીની તબિયતની ચિંતા રહે. ધંધામાં સંઘર્ષ કરવો પડે.

કર્કઃ
માનસિક ચિંતા હળવી થતી જણાય. આવકનું પ્રમાણ જળવાય. પરિવારમાં સ્નેહ વધે. મિત્રોથી સારા સમાચાર મળે. દામ્પત્ય જીવનમાં સ્નેહ વધે. વિદ્યાર્થી મિત્રો માટે વધુ મહેનત જરૂરી. ખોટા ખર્ચ ટાળવા.

સિંહઃ
ધંધામાંથી આવક વધતાં, આનંદની અનુભુતિ થાય. પરિવારના તમામ સભ્યો સાથે સુમેળ વધે. રોકાણોમાંથી આવક મળવાના યોગ બને. સંતાન તરફથી ચિંતા. નોકરીમાં બઢતી, બદલીના સંજોગો શક્ય બને.
કન્યાઃ
વાણીને કારણે આવક વધતી જણાય.ભાગ્યનો સાથ મળવાથી આનંદ. કાર્ય સફળતા અનુભવાય. મિલકતના પ્રશ્નો હોય તો તેનું નિરાકરણ આવે. નવું વાંચવા, જાણવાનો યોગ બને. આંખની કાળજી જરૂરી.

તુલાઃ
સંઘર્ષ બાદ કાર્ય સફળ થતા જણાય. ખોટું લાગે એવા પ્રસંગો ઉપસ્થિત થતા જણાય. સ્વાસ્થ્ય અંગે સાનુકુળતા જણાય. ધાર્મિક આયોજનોમાં સમય પસાર થાય. દિવસ દરમ્યાન મિશ્રફળ અનુભવાય.

વૃશ્ચિકઃ
નવા કાર્ય તથા નવા રોકાણ કરી શકાય. નાના ભાઇ બહેનની જવાબદારી વધે. આવક તથા ખર્ચનું પ્રમાણ સરભર કરી શકાય. ભાગીદારોથી અસંતોષ રહે. ગળાના રોગોથી સાચવવું.

ધનઃ
દિવસ દરમ્યાન અજંપો રહે. આર્થિક પાસુ મજબુત બનતું જણાય. કરેલા કાર્યોથી પૂર્ણ સંતોષ ન મળે. અચાનક આરોગ્ય બગડે. પડવા વાગવા અગ્નિથી સાચવવું. તમામ બાબતોમાં જીવન સાથીનો સહકાર મળે.

મકરઃ
દિવસ દરમ્યાન આનંદ-ઉત્સાહમાં વધારો થાય. માન-સન્માનમાં વૃધ્ધિ થાય. આવકનો સ્તોત્ર વધતો જણાય. પરિવારના સભ્યોની જવાબદારી ઉઠાવવી પડે. આરોગ્યની કાળજી રાખવી.

કુંભઃ
ગુસ્સામાં વધારો થાય. આવક અંગે ચિંતા રહે. નાના-ભાઇ બહેનને વાઇરલ ઇન્ફેકશનથી સાચવવંુ. દેવું કરવાથી દુર રહેવું. પૈસા ફસાઇ જાય. વિદેશના સંબંધોથી લાભ મેળવી શકાય.

મીનઃ
જુના ગુરૂ શિક્ષકોને મળવાના યોગ થાય. વડીલોની આમન્યા જળવાય. આદ્યાત્મિક પ્રગતિ થાય. સંતાનથી પ્રેમ વધારે મળે. સ્ત્રી વર્ગથી લાભ થાય. ડાયાબીટીસ, અને વાયુના રોગોથી પરેશાની વધે.

આ પણ વાંચો :-

રાતોરાત ખુલી ગઈ આ એન્જિનિયર યુવકની કિસ્મત, મળી ઐશ્વર્યાની ફિલ્મ ‘પોનીયિન સેલ્વન 2’

News Editor
-
0
 young engineer Aishwarya
  • દિવ્ય પ્રકાશ દુબે એક ભારતીય હિન્દી લેખક છે. દિવ્યના નસીબમાં જ્યારે તેને વિક્રમ અને ઐશ્વર્યા અભિનીત મણિરત્નમની ફિલ્મ ‘પીએસ-1’ અને ‘પીએસ-2’ મળી ત્યારે તેનું નસીબ ચમકયું

દિવ્ય પ્રકાશ દુબે (Divya Prakash Dube) હરદોઈ, શાહજહાંપુર, ગાઝિયાબાદ, લખનઉ અને વારાણસી જેવા શહેરોમાં ઉછર્યા હતા. કોલેજ ઓફ એન્જિનિયરિંગ રૂડકીથી કોમ્પ્યુટર સાયન્સ એન્જિનિયરિંગમાં (Computer Science Engineering) ડિગ્રી પૂર્ણ કર્યા પછી તેમણે સિમ્બાયોસિસ ઈન્સ્ટિટ્યૂટ ઓફ બિઝનેસ મેનેજમેન્ટ પુણેમાંથી એમબીએ કર્યું. તેને એક મોટી કંપનીમાં નોકરી પણ મળી ગઈ અને તે જ સમયે વાર્તાઓ લખવાનું શરૂ કર્યું. જે પછીથી પ્રકાશિત પણ થઈ.

આ સમયે દિવ્યને લેખનમાં સૌથી મોટી સફળતા ત્યારે મળી જ્યારે તેણીને વિક્રમ અને ઐશ્વર્યા રાય બચ્ચન સ્ટારર મણિરત્નમની ફિલ્મ ‘પોનીયિન સેલ્વન-1‘ અને ‘પોનીયિન સેલવાન-2’ મળી. તાજેતરમાં મીડિયાને આપેલા એક ઈન્ટરવ્યુમાં તેણે એન્જિનિયરિંગથી રાઈટર અને પછી સ્ક્રિપ્ટ રાઈટર સુધીની તેની સફર વિશે વાત કરી.

દિવ્યએ કહ્યું કે છેલ્લા 10 વર્ષથી અત્યાર સુધી બધું જ સપના જેવું લાગે છે. તેણે કહ્યું કે મણિરત્નમની ફિલ્મો માટે લખવું તેની ક્ષમતાની બહારનું હતું. પરંતુ આજે આ બધું શક્ય બન્યું છે. ઉલ્લેખનીય છે કે તેણે પીએસ 1 અને 2 માટે હિન્દી ડાયલોગ્સ લખ્યા છે. જેની ખૂબ પ્રશંસા પણ થઈ રહી છે.

તેણે એમ પણ કહ્યું કે હું એક એન્જિનિયરિંગનો માણસ છું. જ્યારે મારી પાસે સમય હતો ત્યારે હું શનિવાર અને રવિવારે લખતો હતો. પછી જ્યારે મારા પુસ્તકો પ્રકાશિત થવા લાગ્યા ત્યારે મને થોડી ઓળખ મળી અને પુસ્તકોને કારણે મને પીએસ 1 અને 2 પણ મળ્યો. તેણે કહ્યું કે તે એક લિટરેચર ફેસ્ટમાં ફિલ્મ ‘ગુરુ’ લખનાર વિજય કૃષ્ણ આચાર્યને મળ્યો અને તેનો નંબર લીધો. પરંતુ દિવ્ય તેનો નંબર લઈ શક્યો નહીં.

એક દિવસ દિવ્યને વિજયનો ફોન આવ્યો અને તેણે કહ્યું કે, તમે એક ફિલ્મ માટે લખો ઘણા સારા લોકો છે, મારી પાસે સમય નથી નહીંતર મેં લખી નાખ્યું હોત. ત્યાં સુધી દિવ્યને કહેવામાં આવ્યું ન હતું કે તે મણિરત્નમની ફિલ્મ છે.

તેને માત્ર એટલું જ કહેવામાં આવ્યું કે, ‘ચેન્નઈ સે કોલ આયેગા…’ આવુ થયું અને આ રીતે તેને ફિલ્મ મળી. PS-2એ તેની રિલીઝ સાથે જ બોક્સ ઓફિસ પર દબદબો જમાવી લીધો છે અને મીડિયા અહેવાલનું માનીએ તો 4 દિવસમાં જ ફિલ્મે ૪૦૦ કરોડનું કલેક્શન કરી લીધું છે.

આ પણ વાંચો :-

 

 

IPL 2023 : ગુજરાત ટાઈટન્સના આ ખેલાડીની ધરપકડની માગણી લઈને પત્નીએ પહોંચી સુપ્રીમ કોર્ટ

News Editor
-
0

IPL 2023

  • ટીમ ઈન્ડિયાના સ્ટાર બોલર મોહમ્મદ શમી હાલ તો આઈપીએલમાં વ્યસ્ત છે.

જ્યારે તેમની પત્ની હસીન જહાએ (Wife Hasin Jaha) હવે હાઈકોર્ટમાંથી સુપ્રીમ કોર્ટના દ્વાર ખખડાવ્યા છે. શમીની વાઈફે વર્ષ 2018માં મોહમ્મદ શમી (Mohammed Shami) પર અનેક પ્રકારના આરોપ લગાવ્યા હ તા. પરંતુ શમીએ આ તમામ આરોપો ફગાવ્યા હતા. હાઈકોર્ટના (High Court) નિર્ણયથી નારાજ થઈને હવે શમીની વાઈફ સુપ્રીમ કોર્ટમાં ગઈ છે. તેણે શમીની ધરપકડની માંગણી કરી છે.

વાઈફ હસીન જહાએ આરોપ લગાવ્યો છે કે સમીના એક્સ્ટ્રા મેરેટિયલ અફેર હતા અને તે તેને દહેજ માટે હેરાન કરતો હતો. હસીન જહાની અરજીમાં કહેવાયું છે કે કાયદા પ્રમાણે કોઈ પણ જાણીતી હસ્તીને વિશેષ સ્થાન મળવું જોઈએ નહીં. કોર્ટનો ચુકાદો અયોગ્ય છે.

અત્રે જણાવવાનું કે જાન્યુઆરી 2023માં શમીને કોલકાતા હાઈકોર્ટે આદેશ આપ્યો હતો કે તે તેની વાઈફને દર મહિને 1.30 લાખ રૂપિયા આપશે. જેમાંથી 80 હજાર તેની પુત્રી માટે અને 50હજાર તેની પૂર્વ પત્ની હસીન જહાના ખર્ચા માટે હશે. જો કે આ રકમથી તે ખુશ નહતી અને તેણે 10 લાખ રૂપિયાની માંગણી કરી હતી.

શમીએ એક ઈન્ટરવ્યુમાં કહ્યું હતું કે જો હસીન જહાના આરોપ કોર્ટમાં સાબિત થઈ જાય તો તે તેની માફી માંગવા માટે પણ તૈયાર છે. અત્રે જણાવવાનું કે હજુ સુધી એવો કોઈ પુરાવો હાથ લાગ્યો નથી જેનાથી મોહમ્મદ શમીની ધરપકડ થઈ શકે. હવે મામલો સુપ્રીમ કોર્ટ સુધી પહોંચ્યો છે તો જોવાનું રહેશે કે તે ક્યાં જઈને ખતમ થાય છે.

આ પણ વાંચો :-

1...1,0931,0941,095...1,461Page 1,094 of 1,461