Home Blog Page 1067

ઓડિશા ટ્રેન અકસ્માત : કપાયેલા શરીર, ચોંટી ગયેલી બોગીઓ, દર્દનાક બૂમો પાડતા લોકો…મૃત્યુઆંક ૨૦૦ને પાર

News Editor
-
0

Odisha train accident

  • Odisha train accident : ઓડિશાના બાલાસોરમાં બહનાગા બજાર સ્ટેશન પાસે અત્યંત ભયાનક ટ્રેન અકસ્માત થયો. શુક્રવારે સાંજે અકસ્માત સર્જયો. આ અક્સમાત અંગે પહેલા એવા અહેવાલ સામે આવ્યા કે કોરોમંડલ એક્સપ્રેસ અને માલગાડીમાં ટક્કર થઈ. ત્યારબાદ તેમાં હાવડા એક્સપ્રેસ સાથે પણ ટક્કરની વાત સામે આવી. મોડી સાંજે સ્થિતિ સ્પષ્ટ થઈ કે ત્રણ ટ્રેનમાં ટક્કર થઈ. અકસ્માતની જે તસવીરો પણ સામે આવી છે તે ભયાનક છે.

ઓડિશાના (Odisha) બાલાસોરમાં બહનાગા બજાર સ્ટેશન પાસે અત્યંત ભયાનક ટ્રેન અકસ્માત થયો. શુક્રવારે સાંજે અકસ્માત સર્જયો. આ અક્સમાત અંગે પહેલા એવા અહેવાલ સામે આવ્યા કે કોરોમંડલ એક્સપ્રેસ અને માલગાડીમાં ટક્કર થઈ. ત્યારબાદ તેમાં હાવડા એક્સપ્રેસ (Howrah Express) સાથે પણ ટક્કરની વાત સામે આવી. મોડી સાંજે સ્થિતિ સ્પષ્ટ થઈ કે ત્રણ ટ્રેનમાં ટક્કર થઈ.

અકસ્માતની જે તસવીરો પણ સામે આવી છે તે ભયાનક છે. તેનાથી અંદેશો થઈ ગયો કે મૃતકોનો આંકડો વધુ હોઈ શકે છે. પહેલા ૩૦ પછી ૫૦ અને જોત જોતામાં તો મૃત્યુઆંક હાલ ૨૩૩ સુધી પહોંચી ગયો છે. છેલ્લે મળતી માહિતી મુજબ ૯૦૦ લોકો  ઘાયલ થયા છે. ઓડિશાના પ્રમુખ સચિન પ્રદીપ જેનાએ આ માહિતી આપી. રાતથી રેસ્ક્યૂ ઓપરેશન ચાલુ છે. જાણો લેટેસ્ટ અપડેટ…

સેના પણ રાહત કાર્યમાં સામેલ :

શનિવારે સવારે અકસ્માતની તસવીર સ્પષ્ટ થઈ. બહનાગા બજાર વિસ્તારમાં રાતભર દર્દનાક ચીસો સાંભળવા મળી. જાણવા મળ્યું છે કે ટ્રેનના ડબ્બાના કાટમાળમાં હજુ પણ મૃતદેહો ફસાયેલા છે. કોરોમંડલ એક્સપ્રેસના અનેક એસી કોચ આગામી ટ્રેક પર પલટી ગયા હતા. આથી તેમાં મોતનો આંકડો સૌથી વધુ છે. એનડીઆરએફને બોગીઓ વચ્ચે ફસાયેલા મૃતદેહો કાઢવા માટે ગેસ કટરનો ઉપયોગ કરવો પડયો છે.

જ્યારે અનેક ઘાયલો એવા પણ છે જે ક્ષતિગ્રસ્ત બોગીઓમાં ફસાયેલા છે. બચાવ અભિયાનમાં મદદ માટે સેનાએ પણ હાથ આગળ વધાર્યો છે. જે ભાગમાં કોરોમંડલ એક્સપ્રેસ માલગાડી સાથે ટકરાઈ તે ભાગમાંથી મુસાફરોના મૃતદેહો મળી રહ્યા છે.

કઈ રીતે થયો અક્સમાત :

અધિકારીઓએ જણાવ્યું કે આ અકસ્માત બે નહીં ત્રણ ટ્રેનો વચ્ચે થયો. બગનાગા સ્ટેશન પાસે બે પેસેન્જર ટ્રેનો અને એક માલગાડી વચ્ચે ટક્કર થઈ. સૌથી પહેલા બેંગ્લુરુ હાવડા સુપરફાસ્ટ ટ્રેન પાટા પરથી ઉતરી ગઈ હતી અને અનેક કોચ પાટાઓની આજુબાજુ પલટી ગયા હતા.

બીજા પાટા પર આવેલી શાલીમાર-ચેન્નાઈ કોરોમંડલ એક્સપ્રેસ આ ડબ્બાઓ સાથે ટકરાઈ અને તેના પણ અનેક ડબ્બા પલટી ગયા. આ દરમિયાન ત્રીજા ટ્રેક પરથી પસાર થઈ રહેલી માલગાડી પણ ઝપેટમાં આવી ગઈ અને તે પણ દુર્ઘટનાનો ભોગ બની.

આ પણ વાંચો :-

મધરાતે રાજકોટમાં બાબા બાગેશ્વરનો સિક્રેટ વીઆઈપી દરબાર યોજાયો, ઊંચી કિંમતે ટિકિટ વેચાયાની ચર્ચા

News Editor
-
0
Secret VIP Darbar of Baba Bageshwar
  • Vijay Rupani Meet Baba Bageshwar : રાજકોટમાં રેસકોર્ષમાં બાબા બાગેશ્વરનો દિવ્ય દરબાર પૂર્ણ થયા બાદ જન કલ્યાણ હોલ ખાતે મોડી રાત્રે ફરી દરબાર યોજાયો હતો. પરંતુ આ દરબાર ખાસ હોવાનું કહેવાય છે.

બાબા બાગેશ્વર (Baba Bageshwar) હાલ ગુજરાતમાં છે અને ગુજરાતના વિવિધ શહેરોમાં પોતાનો દિવ્ય દરબાર યોજી રહ્યાં છે. ગઈકાલે રાજકોટ ખાતે બાગેશ્વર ધામના બાબા ધીરેન્દ્ર કૃષ્ણ શાસ્ત્રીનો (Dhirendra Krishna Shastri) દિવ્ય દરબાર યોજાયો હતો. તે પહેલા બાબા ધીરેન્દ્ર શાસ્ત્રીએ બી.એ.પી.એસ સ્વામિનારાયણ મંદિરમાં પ્રેસ કોફરન્સ કરી હતી. રાજકોટના દિવ્ય દરબારમાં મોટી સંખ્યામાં ભક્તો પહોંચ્યા હતા.

જોકે ચર્ચા એ છે કે રાજકોટમાં મોડી રાત્રે ધીરેન્દ્ર શાસ્ત્રીનો VIP દરબાર યોજાયો હતો. રાત્રે ૧.૩૦ વાગ્યાથી ૩ વાગ્યા સુધી યોજાયેલા ધીરેન્દ્ર શાસ્ત્રીના VIP દરબારમાં અનેક ભાજપી નેતાઓએ માથું ટેકવ્યું હતું. અનેક ભાજપી નેતાઓ બાબા બાગેશ્વરના શરણે ગયા હતા. જેમાં પૂર્વ મુખ્યમંત્રી વિજય રૂપાણીનો વીડિયો પણ સામે આવ્યો છે.

રાજકોટમાં રેસકોર્ષમાં બાબા બાગેશ્વરનો દિવ્ય દરબાર પૂર્ણ થયા બાદ જન કલ્યાણ હોલ ખાતે મોડી રાત્રે ફરી દરબાર યોજાયો હતો. પરંતુ આ દરબાર ખાસ હોવાનું કહેવાય છે. આયોજક સમિતિના સભ્યોના સગા સબંધીઓ માટે આ દરબાર યોજાયો હતો.

જેમાં ભાજપના નેતાઓ, સામાજિક આગેવાનો અને બાગેશ્વરધામ સેવા સમિતિના કાર્યકરો અને તેના પરિવારજનો હાજર રહ્યા હતા. ચર્ચા છે કે રાત્રે ૧ થી ૩ વાગ્યા દરબાર યોજાયો હતો. જેમાં મીડિયાની કોઈ હાજરી ન હતી. જો કે આ દરબારની ટિકિટો હજારોમાં વેંચાઈ હોવાની ચર્ચા પણ ચાલી રહી છે. ત્યારે VIP દરબારને લઈને ફરી એકવાર ધીરેન્દ્ર શાસ્ત્રી સામે સવાલો ઉઠ્યા છે.

આ દરબારમાં ભાજપના નેતાઓ જોવા મળ્યા હતા. રાજકોટના અનેક ભાજપી નેતાઓ બાબા બાગેશ્વરના શરણે ગયા હતા. આવચ્ચે પૂર્વ મુખ્યમંત્રી વિજય રૂપાણીએ પણ ધીરેન્દ્ર શાસ્ત્રીના આશીર્વાદ લીધા હતા. પૂર્વ સિન્ડિકેટ સભ્ય અને કોર્પોરેટર નેહલ શુક્લ પણ સાથે જોવા મળ્યા. બાબા ધીરેન્દ્ર શાસ્ત્રી સાથે કિશોર ખંભાયતાના નિવાસ સ્થાને મળ્યા હતા. ચર્ચા છે કે રાજકોટમાં દર કલાકે બાબાને ભાજપના નેતાઓ મળવા આવે છે.

આ પણ વાંચો :-

ગુજરાતને હચમચાવતી બે ઘટના : રાજકોટમાં માતાએ અને દાહોદમાં પિતાએ સંતાનોને મારીને……..

News Editor
-
0

Two incidents shaking Gujarat 

  • Family Suicide Two Incidence : માતાપિતાએ પોતાના જ સંતાનોને મારી આપઘાત કર્યાના બે બનાવ ગુજરાતમાં બન્યા છે. રાજકોટમાં માતાએ અને દાહોદમાં પિતાએ સંતાનોને મારી આપઘાત કર્યો.

ગુજરાતમાં (Gujarat) આજે બે હચમચાવી દેતી ઘટના બની છે. ઘરકંકાસમાં બે પરિવારો હોમાયા છે. ચોંકાવનારી બાબત તો એ છે કે જન્મ આપનારા માતાપિતા જ જાલીમ બન્યા છે. રાજકોટમાં (Rajkot) એક માતાએ ઘરકંકાસથી કંટાળીને પોતાના જ ૨ બાળકોને મોતને ઘાટ ઉતારી ગળાફાંસો ખાઈ લીધો છે.

તો બીજી તરફ દાહોદના ડુંગરીમાં એક પિતાએ પુત્ર અને પુત્રીની હત્યા કર્યા બાદ આત્મહત્યાનો પ્રયાસ કર્યો હતો. આ ઘટનાઓ અનેક સવાલો પેદા કરે છે કે આખરે એવી તો શું મજબૂરી કે માતાપિતા જ પોતાના સંતાનોને મારી રહ્યાં છે.

રાજકોટમાં માતાએ બે સંતાનોને મારી એસિડ પીધું  :

રાજકોટમાં માસુમ દીકરા દીકરીની હત્યા કરી માતાએ આપઘાત કર્યો છે. ગોંડલ રોડ એસ.ટી.વર્કશોપ પાછળ આંબેડકર નગરમાં આ ઘટના બની હતી. મનીષા પરમાર નામની મહિલાએ પોતાના ૩ વર્ષના પુત્ર ભાર્ગવ અને ૩ મહિનાની પુત્રી ઇશીતાને ગળા ટૂંપો દઈ પોતે પણ આપઘાત કર્યો.આ માટે તેણે પતિ સાગરનું અન્ય સ્ત્રી સાથે લફરૂ અને ત્રાસ જવાબદાર હોવાનું જણાવ્યું.

મૃતક મનીષાએ આપઘાત કરતા પહેલા વિડીયો પણ બનાવ્યો હોવાનું સામે આવ્યું છે. ત્યારે ચકચારી બનાવ બાદ માલવીયાનગર પોલીસે કાયદેસર કાર્યવાહી હાથ ધરી છે. પતિ સાગર પરમારને પોલીસ સકંજામાં લીધો છે.

દાહોદમાં પિતાએ બે સંતાનોને માર્યા

તો અન્ય કિસ્સામાં દાહોદના ડુંગરીમાં પિતાએ કરી પુત્ર અને પુત્રીની હત્યા કરી આત્મહત્યા કરવાનો પ્રયાસ કર્યો હતો. ઘર કંકાસ અને સાસરીના ત્રાસથી કંટાળી પિતાએ તેના બંને સંતાનોની ગળુ દબાવી હત્યા કરી હતી. વહેલી સવારે બન્ને સંતાનનુ ગળુ દબાવી હત્યા કર્યા બાદ પોતે ઝાડ ઉપર લટકી આત્મહત્યાનો પ્રયાસ કર્યો હતો. પિતાએ ૧૨ વર્ષીય બાળકી અને ૭ વર્ષીય બાળકની હત્યા કરી હતી.

પિતાએ સ્યુસાઈડ નોટ લખી બન્ને બાળકોની હત્યા કરી આત્મહત્યા કરવાનો પ્રયાસ પણ કર્યો હતો. લીમડી પોલીસે આરોપી પિતાની અટકાયત કરી તપાસ હાથ ધરી છે. બંને બાળકોના મૃતદેહને પોસ્ટમાર્ટમ માટે ખસેડાયા છે.

આ પણ વાંચો :-

ઓફિસમાં કલાકો સુધી ટોઈલેટમાં બેસી રહેતો હતો યુવક, કારણ બહાર આવ્યું તો નોકરી ગઈ

News Editor
-
0

The young man used to sit  

  • Toilet Breaks at Work : ઓફિસમાં કામ વચ્ચે બ્રેક લેવો ખુબ જરૂરી હોય છે. ડોક્ટરથી લઈને મનોચિકિત્સક બધાનું કહેવું છે કે તમારે કલાકમાં ઓછામાં ઓછું ૨ મિનિટ સીટ છોડીને આમતેમ હલનચલન કરવી જોઈએ.

ઓફિસમાં કામ વચ્ચે બ્રેક લેવો ખુબ જરૂરી હોય છે. ડોક્ટરથી લઈને મનોચિકિત્સક (Psychiatrist) બધાનું કહેવું છે કે તમારે કલાકમાં ઓછામાં ઓછું ૨ મિનિટ સીટ છોડીને આમતેમ હલનચલન કરવી જોઈએ. લંચ બ્રેક હોય કે પછી નેચર કોલ કે પછી કઈ બીજુ અને બ્રેકનું લાઈફમાં ખુબ મહત્વ હોય છે.

પરંતુ વારંવાર બ્રેક લેવું એ પોતાનો અધિકાર સમજતા લોકોએ વાત સારી પેઠે જાણવી જોઈએ કે બિનજરૂરી બ્રેક અને કામમાં ઢીલાશ આપવાના કારણે નોકરી પણ જઈ શકે છે. આવા જ એક કેસમાં એક વ્યક્તિની નોકરી ગઈ. યુવક રોજ ૬-૬ કલાક ઓફિસના ટોઈલેટમાં વીતાવતો હતો.

કોર્ટ સુધી પહોંચ્યો મામલો :

સાઉથ ચાઈના મોર્નિંગ પોસ્ટમાં પ્રકાશિત એક રિપોર્ટ મુજબ એક વ્યક્તિને એટલા માટે નોકરીમાંથી કાઢી મૂકવામાં આવ્યો કારણ કે તે તેની સીટ કરતા વધુ સમય ટોઈલેટમાં વીતાવતો હતો. તે ઓફિસમાં તો રહેતો હતો પરંતુ તેની વર્ક પ્રોડક્ટિવિટી ઝીરો હતો. હકીકતમાં તે દર બે કલાકે વોશરૂમ જવાના નામ પર ત્યાં કલાકો સુધી સમય વીતાવતો હતો. શરૂઆતમાં તો તેની આ હરકતને તેની સાથે કામ કરતા લોકો અને મેનેજરે ઈગ્નોર કરી. પરંતુ જ્યારે તેની આ રોજની આદત બની ગઈ તો તેને નોટિસ પાઠવીને પૂછપરછ કરાઈ. ત્યારે જઈને આ મામલો પોતાના અંજામ સુધી પહોંચ્યો.

HR એ કોર્ટમાં રજૂ કર્યો વર્ક રિપોર્ટ :

નોકરીમાંથી કાઢી મૂકવામાં આવેલા વ્યક્તિએ ૨૦૦૬માં આ કંપની જોઈન કરી હતી. અહીં તેણે લગભગ સાત વર્ષ એટલે કે ૨૦૧૩ સુધી કોન્ટ્રાક્ટ પર કામ કર્યું. બીજા વર્ષે ૨૦૧૪માં તેને પેટમાં પાચન સંબંધિત એવી બીમારી થઈ કે ટ્રીટમેન્ટ કરાવી તો પણ ફાયદો થયો નહીં. સારવાર ચાલતી રહી પરંતુ સમસ્યા દૂર થઈ નહીં અને તેણે દિવસમાં ૩ થી ૬ કલાક સુધી ટોઈલેટ બ્રેક પર રહેવું પડતું હતું.

નોકરીથી કાઢવામાં આવ્યા બાદ તે કોર્ટમાં ગયો. ત્યાં એચઆર ડિપાર્ટમેન્ટે કોર્ટ સામે રજૂ કરેલા ડોક્યુમેન્ટનો હવાલો આપતા કહ્યું કે ૨૦૧૫માં તે એક શિફ્ટમાં ૨ થી ૩ વખત ઓફિસ ટોઈલેટ જતો હતો. તે ત્યાં રોજ ૫૦ થી લઈને ૨૦૦ મિનિટ વિતાવતો હતો. પુરાવા જોયા બાદ જજે ફટકાર લગાવતા તેની  આ અરજી ફગાવી દીધી.

આ પણ વાંચો :-

હોકી જુનિયર એશિયા કપ : ફાઈનલમાં ભારતીય ટીમે પાકિસ્તાનને ૨-૧થી આપી કારમી હાર, રચાયો ઈતિહાસ

News Editor
-
0

Hockey Junior Asia Cup

  • જૂનિયર હોકી એશિયા કપ ૨૦૨૩ની સેમિફાઈનલ મેચમાં પાકિસ્તાનને પછાડી ભારતે જીત હાંસલ કરી છે.

૨૩ મેથી ૧ જૂન વચ્ચે ઓમાનમાં ૧૦ ટીમો વચ્ચે મેન્સ જૂનિયર હોકી (Men’s Junior Hockey) એશિયા કપ ૨૦૨૩નું (Asia Cup 2023) આયોજન કરાયું હતું. ઓમાનના સલાલાહમાં જુનિયર એશિયા હોકી કપ રમાઈ રહો છે. જેમાં ભારતીય હોકી ટીમે જબરદસ્ત પ્રદર્શન કર્યું છે. આજે ગુરુવારે એશિયા કપની ફાઈનલમાં ભારતીય હોકી ટીમનો પાકિસ્તાન સાથે જોરદાર સોમાંચક મુકાબલો ખેલાયો હતો. આજે ગુરુવારે (૧ જૂન) રમાયેલી આ મેચમાં ભારતીય ટીમે ૨-૧થી જોરદાર જીત પોતાને નામે કરી હતી.

૮ વર્ષ બાદ યોજાયેલ કપની આ મેચ જીતીને ભારતીય ટીમે ઈતિહાસ રચી દીધો છે. જુનિયર હોકી ભારતીય ટીમ સૌથી વધુ વખત એશિયન ટાઈટલ જીતનારી ટીમ બની છે. ૩૧ મેના રોજ ૨ સેમિફાઈનલ મેચનું આયોજન થયું હતું. જેમાં પાકિસ્તાનને પછાડી ભારતે જીત હાંસલ કરી છે.

સાઉથ કોરિયાની ટીમ ત્રીજા ક્રમે 

મેચમાં કટ્ટર વિરોધી ભારત અને પાકિસ્તાનની ટીમ વચ્ચે ટ્રોફીની જંગમાં ભારતે સફળતા હાંસલ કરી છે. ભારતીય ખેલાડીઓ એ પાકિસ્તાની ખેલાડીઓને ૨-૧ના સ્કોરથી હરાવ્યા છે. ભારતીય ટીમ ચોથીવાર ચેમ્પિયન બની છે.પાકિસ્તાનની ટીમ રનર અપ રહી હતી. સાઉથ કોરિયાની ટીમ ત્રીજા ક્રમે રહી છે.

આ પણ વાંચો :-

 

ગુજરાતમાં ચોમાસું વહેલુ આવશે કે મોડું, આવી ગઈ એકદમ સચોટ આગાહી

News Editor
-
0

Whether monsoon will come early or late in Gujarat

  • Gujarat Weather Forecast : અમદાવાદમાં ૨૦થી ૨૫ જૂન વચ્ચે ચોમાસું બેસવાની શક્યતા. હાલ ચોમાસું કેરળના દરિયા કિનારાથી ૪૦૦ કિમી દૂર પહોંચ્યું. ગુજરાતમાં આ વર્ષે સામાન્યથી નબળું ચોમાસું રહેવાની કરાઈ છે આગાહી.

કાળઝાળ ગરમી બાદ બધા કાગડોળે ચોમાસાની (Monsoon) રાહ જોઈને બેસી રહ્યાં છે. કેરળમાં તો વહેલુ ચોમાસું આવી જાય છે. પરંતુ ગુજરાતમાં ચોમાસું ક્યારે આવશે તેની આગાહી પણ આવી ગઈ છે. ૨૦ થી ૨૫ જૂન વચ્ચે અમદાવાદમાં ચોમાસુ બેસી જવાની શક્યતા છે.

જો જૂનના બીજા સપ્તાહમાં ચોમાસું ગતિ પકડે તો ૭ રાજ્યમાં ચોમાસું આવી શકે છે. રાહતના સમાચાર એ છે કે આંદામાન-નિકોબારથી નીકળેલા ચોમાસાએ ૧૦ થી ૧૨ દિવસનં અંતર કાપી લીધું છે. ચોમાસું કેરળના દરિયા કિનારાથી હવે માત્ર ૪૦૦ કિલોમીટર દૂર છે. જે કેરળમાં ૪ થી ૬ જુને આવી પહોંચશે.

હાલ ચોમાસું કેરળના દરિયાથી ૪૦૦ કિમી દૂર છે. તે હાલ દક્ષિણી અરબ સાગર, માલદીવ અને કોમોરિન વિસ્તારમાં છે. દક્ષિણની બંગાળની ખાડી અને પૂર્વ મધ્ય બંગાળની ખાડીમાં ચોમાસું આગળ વધી રહ્યું છે. ચોમાસું આગળ વધવા માટે આગામી બે દિવસ પરિસ્થિતિ અનુકૂળ છે.

તેથી ૪ થી ૬ જુનમાં કેરળમા ચોમાસું આવી જશે. કેરળમાં ચોમાસું બેસ્યા બાદ સામાન્ય રીતે ૧૫ દિવસ બાદ મુંબઈ અને દક્ષિણ ગુજરાત થઈને ગુજરાતમાં ચોમાસું પ્રવેશતુ હોય છે. તેથી ગુજરાતમાં ૨૦ થી ૨૫ જૂને ચોમાસું બેસવાની શક્યતા છે.

વાવાઝોડું ફુંકાશે :

જુન મહિનાની શરૂઆતમાં જ ગુજરાતમાં વાવાઝોડુ ફુંકાશે. વેસ્ટર્ન ડિસ્ટર્બન્સ સાયક્લોનિક સરક્યુલેશનથી ગુજરાતના અનેક શહેરોમાં ૩૦ થી ૪૦ કિમીની ઝડપે પવનની શક્યતા છે. આગામી ૪ થી ૫ દિવસમાં ગુજરાતમાં વાદળછાયુ વાતાવરણ રહેશે. જેમાં ૩૦ થી ૪૦ કિમીની ઝડપે પવન ફૂંકાઈ શકે છે. હાલ વાતાવરણમાં જે સિસ્ટમ સક્રિય થઈ છે, તે મુજબ તેની અસર ઉત્તર ગુજરાતમાં દેખાશે.

ખાસ કરીને બનાસકાંઠા, સાબરકાંઠા, પાટણ અને મહેસાણાના અનેક વિસ્તારોમાં જોવા મળશે. અહી ભારે પવન ફૂંકાશે. વીજળીના કડાકા ભડાકા સાથે વરસાદ પણ પડી શકે છે. તો સૌરાષ્ટ્ર-કચ્છના કેટલાક વિસ્તારોમાં પણ ઝડપી પવન ફૂંકાઈ શકે છે. આ વિસ્તારોમાં ૪૦ થી ૫૦ કિમીની સ્પીડે પવન ફૂંકાઈ શકે છે.

આ પણ વાંચો :-

Asaram Case : આસારામના પરિવારની મુશ્કેલી વધશે 

News Editor
-
0

Asaram Case: The trouble of Asaram

  • Asaram Rape Case: રાજ્ય સરકારના કાયદા વિભાગે આ નિર્ણય લીધો છે. સરકાર આસારામની પત્ની, તેમની પુત્રી અને તેમના ચાર શિષ્યોને નિર્દોષ જાહેર કરવાને પડકારશે. આ કેસમાં આસારામને આજીવન કેદની સજા ફટકારવામાં આવી છે.

ગુજરાત સરકાર આસારામ (Asaram) સાથે જોડાયેલા ૨૦૧૩ના બળાત્કારના કેસમાં ટ્રાયલ કોર્ટ દ્વારા છ આરોપીઓને નિર્દોષ જાહેર કરવા સામે ગુજરાત સરકાર હાઈકોર્ટમાં (High Court) અપીલ કરશે. રાજ્ય સરકારના કાયદા વિભાગે આ નિર્ણય લીધો છે. સરકાર આસારામની પત્ની, તેમની પુત્રી અને તેમના ચાર શિષ્યોને નિર્દોષ જાહેર કરવાને પડકારશે. આ કેસમાં આસારામને આજીવન કેદની સજા ફટકારવામાં આવી છે.

ફરિયાદ પક્ષે ગાંધીનગર કોર્ટના ૩૧ જાન્યુઆરીના આદેશને પડકારવા માટે સરકારની મંજૂરી પણ માંગી છે, જેમાં સૂચવવામાં આવ્યું હતું કે જોધપુર અને અમદાવાદના કેસમાં આસારામને આજીવન કેદની સજા એક સાથે ચાલવી જોઈએ. એક કાયદાકીય અભિપ્રાય આપવામાં આવ્યો હતો કે રાજસ્થાન અને ગુજરાતના કેસ અલગ હોવાથી ટ્રાયલ કોર્ટને સહવર્તી સજા નક્કી કરવાનો કોઈ અધિકારક્ષેત્ર નથી.

ગાંધીનગર કોર્ટે સજા ફટકારી :

ઉલ્લેખનીય છે કે ૩૧ જાન્યુઆરીએ ગાંધીનગરની એક કોર્ટે આસારામને તેની પૂર્વ મહિલા શિષ્યા દ્વારા ૨૦૧૩માં નોંધાયેલા બળાત્કારના કેસમાં આજીવન કેદની સજા ફટકારી હતી. કોર્ટે આસારામની પત્ની લક્ષ્મીબેન, પુત્રી ભારતી અને તેના ચાર શિષ્યોને પુરાવાના અભાવે નિર્દોષ જાહેર કર્યા હતા. જેમના પર ગુનામાં મદદ કરવાનો આરોપ હતો.

જોધપુર જેલમાં ભોગવી રહ્યા છે આજીવન કેદની સજા : 

૨૦૧૩માં રાજસ્થાનમાં તેના આશ્રમમાં સગીર બાળકી પર બળાત્કાર કરવાના અન્ય એક કેસમાં આસારામ હાલમાં રાજસ્થાનની જોધપુર જેલમાં આજીવન કેદની સજા કાપી રહ્યો છે. આસારામને અમદાવાદ નજીક મોટેરા સ્થિત તેમના આશ્રમમાં ૨૦૦૧ થી ૨૦૦૭ દરમિયાન સુરત સ્થિત શિષ્યા પર વારંવાર બળાત્કાર કરવા બદલ ગાંધીનગર કોર્ટે દોષિત ઠેરવ્યો હતો.

આ પણ વાંચો :-

 

Watch Video : સ્ટેજ પર અચાનક પડી ગયા અમેરિકી રાષ્ટ્રપતિ, ઈશારો કરીને જાણો શું કહ્યું?

News Editor
-
0

Watch Video

  • Joe Biden : કોલોરાડો એરફોર્સ એકેડેમીમાં આયોજિત એક કાર્યક્રમ દરમિયાન અમેરિકાના રાષ્ટ્રપતિ જો બાઈડેન સ્ટેજ પર પડી ગયા. વધુ વિગતો માટે વાંચો અહેવાલ.

અમેરિકાના (America) રાષ્ટ્રપતિ જો બાઈડેન (Joe Biden) ગુરુવારે એક કાર્યક્રમ દરમિયાન બધાની સામે સ્ટેજ પર પડી ગયા. ત્યારબાદ તેમણે ઈશારો કરીને બતાવ્યું કે તેમનો પગ કઈ વસ્તુ સાથે અથડાયો હતો. આ ઘટનાનો એક વીડિયો પણ સામે આવ્યો છે.

૮૦ વર્ષના બાઈડેનને એરફોર્સના અધિકારીએ ઊભા કર્યા. તેઓ હાલ ઠીક છે. બાઈડેન કોલોરાડોના એરફોર્સ એકેડેમીમાં આયોજિત એક કાર્યક્રમમાં સામેલ થવા માટે આવ્યા હતા. તેમણે અહીં સૈન્ય એકેડેમીના સ્નાતકોને સંબોધિત કર્યા. ત્યારબાદ એક કેડેટ સાથે હાથ મિલાવ્યા અને પોતાની સીટ તરફ પાછા ફરી રહ્યા હતા. તેઓ આગળ વધી જ રહ્યા હતા કે સ્ટેજ પર પડી ગયા. તેમને સ્ટેજ પર હાજર એરફોર્સના અધિકારીઓએ સપોર્ટ આપીને ઊભા કર્યા. આ દરમિયાન રાષ્ટ્રપતિએ ઈશારો કરીને જણાવ્યું કે તેમનો પગ સેન્ડબેગ સાથે અથડાયો હતો.

સ્ટેજ પર રાખેલી સેન્ડબેગ બાઈડેનને દેખાઈ નહીં :

સ્ટેજ પર કાળા રંગની સેન્ડ બેગ હતી. બાઈડેન તેને જોઈ શક્યા નહીં. બાઈડેન જલદી ઉઠયા અને પાછા પોતાની સીટ તરફ જતા રહ્યા. પડયા બાદ બાઈડેન સ્ટેજ પર કોઈ પણ સહારા વગર ચાલતા જોવા મળ્યા. આ સમારોહના સમાપન પર હસતા  હસતા તેઓ પોતાની ગાડીમાં પણ સવાર યા. આ ઘટના બાદ વ્હાઈટ હાઉસના સંચાર નિદેશક બેન લાબોલ્ટે ટ્વીટ કરીને કહ્યું કે તેઓ ઠીક છે. મંચ પર એક સેન્ડબેગ હતી. તેઓ હાથ મિલાવીને પાછા ફર્યા તો તેઓ સેન્ડબેગ સાથે અથડાયા હતા.

અત્રે જણાવવાનું કે જો બાઈડેન અમેરિકાના સૌથી વયોવૃદ્ધ રાષ્ટ્રપતિ છે. તેઓ ૨૦૨૪માં થનારી ચૂંટણી પણ લડશે. આ વર્ષે તેમના અધિકૃત ડોક્ટરના રિપોર્ટે તેમને શારીરિક રીતે ફીટ જાહેર કરેલા છે. તેઓ નિયમિતપણે કસરત કરે છે. નવેમ્બર ૨૦૨૦માં રાષ્ટ્રપતિ ચૂંટણી જીત્યાના થોડા દિવસ બાદ બાઈડેનનો પગ તૂટ્યો હતો. પાળતુ શ્વાન સાથે રમતી વખતે તેઓ અકસ્માતનો ભોગ બન્યા હતા.

આ પણ વાંચો :-

 

માર્કેટમાં ધૂમ મચાવા આવી ગયો છે Nokia નો Flip Phone ! ઓછી કિંમતે આકર્ષક ફીચર્સ

News Editor
-
0

Nokia’s Flip Phone has become

  • Nokia 2660 Flip Phone : કંપનીએ નોકિયા 2660 ફ્લિપ ફોનને બે નવા રંગોમાં ફરીથી લોન્ચ કર્યો છે. પોપ પિંક અને લશ ગ્રીન..

Nokiaનો ફ્લિપ ફોન ફરી ટ્રેન્ડ કરી રહ્યો છે. કંપનીએ નોકિયા 2660 ફ્લિપ ફોનને બે નવા રંગોમાં ફરીથી લોન્ચ કર્યો છે. ફોનને પોપ પિંક અને લશ ગ્રીન કલરમાં લોન્ચ કરવામાં આવ્યો છે. કંપનીએ ફોનની અંદર કોઈ ફેરફાર કર્યો નથી. સુવિધાઓ સમાન ઉપલબ્ધ છે. ચાલો નોકિયા 2660 ફ્લિપ ફોન વિશે વિગતવાર જાણીએ…

Nokia 2660 Flip Phone Specs :

તમને જણાવી દઈએ કે પોશ પિંક અને લશ ગ્રીન ઘણા બજારોમાં આવી ચુક્યા છે. નવો ફોન 4G કનેક્ટિવિટી જાળવી રાખે છે જ્યારે 2.8-ઇંચની પ્રાઈમરી સ્ક્રીન અને 1.77-ઇંચની સેકન્ડરી સ્ક્રીનનો ડ્યુઅલ-ડિસ્પ્લે સેટઅપ છે. ફોન Unisoc T107 ચિપસેટ દ્વારા સંચાલિત છે અને બ્લૂટૂથ 4.2, વાયરલેસ એફએમ રેડિયો અને MP3 પ્લેયરને સપોર્ટ કરે છે.

Nokia 2660 Flip Phone Battery :

નોકિયા 2660 ફ્લિપ ફોનમાં તમને 1,480mAh બેટરી મળશે જે માઇક્રો-USB પોર્ટ દ્વારા ચાર્જ કરી શકાય છે. ફોનમાં 0.3 મેગાપિક્સલનો કેમેરા, LED ફ્લેશ અને 5 જેટલા સંપર્કોને ઝડપી કોલ કરવા માટેનું ઈમરજન્સી બટન પણ છે.

Nokia 2660 Flip Phone Price :

નોકિયા 2660ની કિંમત યુરોપમાં લગભગ €79.90 (રૂ. 7,024) છે અને તે બહુવિધ ઓનલાઈન રિટેલ પ્લેટફોર્મ પર સરળતાથી ઉપલબ્ધ છે. વધુમાં, નોકિયા 2660 યુકેમાં નોકિયા પાસેથી £64.99 (રૂ. 6,694)માં પણ ઉપલબ્ધ છે.

આ પણ વાંચો :-

૦૨ જૂન / આકસ્મિક ફાયદાની શક્યતા, વિલંબમાં પડેલા કાર્યો ઉકેલાશે, આ રાશિના જાતકોનો શુક્રવાર કામ કાઢનારો રહેશે, જુઓ રાશિ ભવિષ્ય

News Editor
-
0

June 02 / Possibility of unexpected benefits

મેષઃ
આવક જળવાય. કાર્યક્ષેત્રે સફળતા તથા કરેલા રોકાણોથી લાભ મળતો જણાય. દામ્પત્ય સુખમાં વૃદ્ધિ થાય. ધંધાકીય ક્ષેત્રે સફળતા. બપોર બાદ આવકનું પ્રમાણ ઘટે. અગત્યના કાર્યો બપોર સુધી પુરા કરવા. આરોગ્ય સાચવવું.

વૃષભઃ
બપોર સુધી પ્રતિકૂળતા રહે. બપોર બાદ આવક જળવાય. પરિવારમાં શાંતિ રહે. કાર્યક્ષેત્રે આનંદ વર્તાય. જીવનસાથી સાથે આનંદ. પ્રેમીપાત્રનું મિલન શક્ય બને. ભાગ્યનો સાથ મળતો જણાય. મિત્રોનો સહકાર મળે.

મિથુનઃ
આવકનું પ્રમાણ જળવાય. હોટલ, વીમો, એકાઉન્ટિંગ ક્ષેત્રે કાર્ય કરતી વ્યક્તિઓને વિશેષ લાભ. સંતાનની પ્રગતિથી આનંદ. સંતાન તરફની ચિંતા હળવી બને. બપોર બાદ તમામ કાર્યોમાં પ્રતિકૂળતા વર્તાય.

કર્કઃ
શુભ પ્રસંગનું આયોજન શક્ય બને. નાણાંકીય ક્ષેત્રે પ્રગતિ જણાય. સ્થાવર-જંગમ મિલકતથી લાભ. વાહનસુખ મળવાના યોગ બને છે. સંતાન સંબંધી ચિંતા હળવી બને. યશ-પ્રતિષ્ઠામાં વધારો થાય.

સિંહઃ
કાર્યક્ષેત્રે સફળતા મળતી જણાય. પરિવારના સભ્યો વચ્ચે પરસ્પર પ્રેમ વધે. નવા રચનાત્મક કાર્યોની શરૂઆત શક્ય બને. જમીન-મકાનથી લાભ. સ્થાવર જંગમ મિલકતની ખરીદી-વેચાણ શક્ય બને. આરોગ્યની કાળજી જરૂરી.

કન્યાઃ
પરિવારમાં આનંદ-ઉત્સાહનું વાતાવરણ જળવાય. તમામ સભ્યોની પ્રગતિથી આનંદ થાય. કાર્યમાં સફળતા, યશ વધે. માતાપિતાનું આરોગ્ય જળવાય. ટેક્ષ કન્સલટન્ટ, ઈમ્પોર્ટ-એક્સપોર્ટના ધંધામાં વિશેષ લાભ.

તુલાઃ
વિનયી, વિવેકી, માનવતાવાદી વલણને કારણે યશ-પ્રતિષ્ઠા વધે. સાચુ-ખોટું પારખવાની કુદરતી શકિતને કારણે કાર્યમાં સફળતા મળતી જણાય. પ્લાસ્ટિક, જાહેરખબર, ટ્રાન્સપોર્ટના ક્ષેત્રમાં લાભ. છાતી, પેટના રોગોથી સાવધાની જરૂરી.

વૃષિકઃ
ગુસ્સાનું વાતાર રહે. આર્થિક બાબતો માટે સામાન્ય દિવસ. પરિવારમાં મનમેળ જળવાય. સ્થાવાર જંગ મિલકત અંગે શુભફળની પ્રાપ્તિ થાય. સંતાનથી આનંદ આરોગ્ય સાચવવું. જરૂરી. ચર્મરોગોથી સાચવવું.

ધનઃ
બપોર સુધી આનંદ વધે. આર્થિક પાસુ મજબૂત બનતું જણાય. રોકાણોનું આયોજન યોગ્ય રીતે થતું જણાય. ધંધાકીય ક્ષેત્રે પ્રગતિ થતી જણાય. બપોર બાદ આવકમાં ઘટાડો થાય. ખર્ચનું પ્રમાણ વધે. વિચારો ઉપર કાબુ રાખવો.

મકરઃ
ધંધાકીય ક્ષેત્રે ચિંતા વધતી જણાય. અગત્યના નિર્ણયો મોકુફ રાખવા. પિતાની તબિયતની કાળજી જરૂરી. કાર્યક્ષેત્રે સંઘર્ષ બાદ સફળતા મળતી જણાય. આત્મવિશ્વાસ ઘટતો જણાય. બપોર બાદ પરિસ્થિતિમાં સુધારો જણાય.

કુંભઃ
દિવસ દરમિયાન ભાગ્યનો સાથ મળતો હોવાને કારણે કાર્યમાં સફળતા અનુભવાય. નોકરીમાં આનંદ તથા ધંધામાં પ્રગતિ થતી જણાય. આવક જળવાશે, છતાં ધંધામાં નાણાં ઊછીના આપવા નહીં.

મીનઃ
બપોર સુધી સંતાન સંબંધી સમસ્યાઓનો સામનો કરવો પડે. શરદી-ખાંસી માથાના દુઃખાવાની સમસ્યા રહે. બપોર બાદ પરિસ્થિતિ સુધરે. ભાગ્યમાં વૃદ્ધિ જણાય. કાર્યમાં સફળતા મળે. તથા આવકમાં પણ વધારો થાય.

આ પણ વાંચો :-
1...1,0661,0671,068...1,461Page 1,067 of 1,461