ચેક રિપબ્લિકની રાજધાની પ્રાગમાં ફાયરિંગની એક ઘટના સામે આવી છે, જેમાં લગભગ ૧૦ \લોકોના મોત થયા છે અને ૩૦ થી વધુ લોકો ઘાયલ થયા છે. જોકે, પોલીસે જવાબી કાર્યવાહી કરીને હુમલાખોરને ઠાર માર્યો હતો. જોકે, પ્રાગ શહેરમાં ગોળીબાર કયા સંજોગોમાં થયો તે અંગે પોલીસે ઉલ્લેખ કર્યો નથી.

ચાર્લ્સ યુનિવર્સિટીના ફિલોસોફી વિભાગને સંપૂર્ણપણે ખાલી કરી દેવામાં આવ્યો છે તેમજ ઈન્ટરસેક્શનને સંપૂર્ણ રીતે સીલ કરી દેવામાં આવ્યું છે. તેમજ સ્થાનિક લોકોને રસ્તા પર ન આવવા સૂચના આપવામાં આવી છે અને લોકોને માત્ર ઘરની અંદર જ રહેવાની વિનંતી કરવામાં આવી છે.

આ બાબતની માહિતી આપતા ચેકના ગૃહમંત્રી વિટ રાકુસને કહ્યું કે ઘટનાસ્થળે અન્ય કોઈ હુમલાખોર હાજર ન હતો, એક હુમલાખોરને પોલીસ કર્મચારીઓએ માર્યો હતો. હું લોકોને પોલીસને સહકાર આપવા વિનંતી કરું છું. પ્રાગની બચાવ સેવાએ કહ્યું કે હુમલાખોરને મૃત જાહેર કરવામાં આવ્યો છે. આ ઘટનામાં ૧૦  લોકોના મોત થયા છે અને ૯  લોકો ગંભીર રીતે ઘાયલ થયા છે.

અયોધ્યામાં શ્રી રામ મંદિરના ઉદ્ઘાટન અને અભિષેકને હવે માત્ર એક મહિનો જ બાકી છે. ઉદઘાટનની તડામાર તૈયારીઓ ચાલી રહી છે. આ દરમિયાન સરકારે ગુરુવારે મોટો નિર્ણય લીધો છે. રાજ્ય સરકારે ૨૨ મી જાન્યુઆરીએ અયોધ્યામાં તમામ હોટલ અને ધર્મશાળાઓનું પ્રી-બુકિંગ રદ કરી દીધું છે. VVIP સુરક્ષાને ધ્યાનમાં રાખીને આ નિર્ણય લેવામાં આવ્યો છે.

આ નિર્ણય અંગે સીએમ યોગી આદિત્યનાથે કહ્યું કે, એવું ધ્યાને આવ્યું છે કે ૨૨ જાન્યુઆરીએ પ્રાણ પ્રતિષ્ઠા સમારોહના દિવસે કેટલાક લોકોએ સ્થાનિક હોટલો અને ધર્મશાળાઓ બુક કરાવી છે. તેમણે નિર્દેશ આપ્યો કે આને રદ કરવામાં આવે જેથી સરકાર અને પ્રશાસનમાં કોઈ મુશ્કેલી ન આવે, કારણ કે તે દિવસે ભારતથી વિશેષ આમંત્રિતો અયોધ્યા આવશે અને અયોધ્યા એરપોર્ટ પર ૧૦૦  વિમાનો આવવાની સંભાવના છે, તેના ડાયવર્ઝનની વ્યવસ્થા પણ કરવી પડશે.

આગામી ૩૦ ડિસેમ્બરે વડાપ્રધાન મોદીની અયોધ્યા મુલાકાત પહેલા સીએમ યોગીએ ઘણી મહત્વની જાહેરાત કરી છે. એવું પ્રકાશમાં આવ્યું છે કે ધાર્મિક નગરી અયોધ્યાને વડાપ્રધાન મોદીના હાથમાંથી હજારો કરોડ રૂપિયાના પ્રોજેક્ટ ભેટમાં આપવામાં આવશે. સીએમએ કહ્યું કે, ૩૦ ડિસેમ્બરે રામમય અવધપુરીમાં વડાપ્રધાન મોદીનું ભવ્ય નાગરિક સ્વાગત કરવામાં આવશે. આ પ્રસંગે અયોધ્યાને ત્રેતાયુગના મહિમા પ્રમાણે શણગારવામાં આવશે.

આ પણ વાંચો :-

વડાપ્રધાન નરેન્દ્ર મોદીએ ભારતની ધરતીને મુસ્લિમો માટે જન્નત બતાવી છે. વિદેશી અખબાર ‘ફાઈનાન્સિયલ ટાઈમ્સ’ને આપેલા ઈન્ટરવ્યુમાં એક સવાલના જવાબમાં PM મોદીએ કહ્યું કે, ભારતની ધરતી મુસ્લિમો માટે જન્નત છે. તેમણે કહ્યું કે, વિશ્વમાં અન્ય જગ્યાએ અત્યાચારનો સામનો કરવા છતાં, તેઓને ભારતમાં સુરક્ષિત આશ્રયસ્થાન મળ્યું છે, તેઓ ખુશીથી રહી રહ્યા છે અને સમૃદ્ધ જીવન જીવી રહ્યા છે. એટલું જ નહીં, તેમણે કેનેડા વિવાદ અને ઈઝરાયેલ-હમાસ સંઘર્ષ અંગે પણ ખુલીને ચર્ચા કરી. કેનેડા મુદ્દે પીએમ મોદીએ સ્પષ્ટ શબ્દોમાં કહ્યું કે, અભિવ્યક્તિની આઝાદીની આડમાં હિંસાનો ખેલ રમાઈ રહ્યો છે.

પાર્ટીના ટીકાકારોનું કહેવું છે કે હાલમાં ભાજપમાં કોઈ મુસ્લિમ સાંસદ કે મુસ્લિમ વરિષ્ઠ મંત્રી નથી. જ્યારે ઈન્ટરવ્યુમાં પણ આ વાતનો ઉલ્લેખ કરવામાં આવ્યો ત્યારે પીએમ પારસીઓની સફળતાની ચર્ચા કરવા લાગ્યા. ભારતમાં વસતા ધાર્મિક સૂક્ષ્મ લઘુમતીઓમાં પારસી સમુદાયની ગણતરી થાય છે કારણ કે તેમની વસ્તી ઘણી ઓછી છે. આમ કહીને PM એ મોટો સંદેશ આપ્યો.

જ્યારે પીએમ મોદીને ઇન્ટરવ્યુ દરમિયાન પૂછવામાં આવ્યું કે, ભારતમાં મુસ્લિમ લઘુમતીનું ભવિષ્ય શું છે, તો પીએમ મોદીએ તેના બદલે ભારતના પારસીઓની આર્થિક સફળતા તરફ ધ્યાન દોર્યું, જેમને તેઓ ‘ભારતમાં રહેતા ધાર્મિક માઈક્રો લઘુમતી’ માને છે. તેમણે કહ્યું, ‘વિશ્વમાં અન્યત્ર અત્યાચારનો સામનો કરવા છતાં, તેઓ (મુસ્લિમ લઘુમતી)ને ભારતમાં સુરક્ષિત આશ્રય મળ્યો છે. તેઓ સુખી અને સમૃદ્ધ જીવન જીવે છે.

અમેરિકાના આરોપો પર પોતાની પહેલી પ્રતિક્રિયા આપતા વડા પ્રધાન મોદીએ બુધવારે કહ્યું કે જો અમને કોઈ માહિતી આપશે તો અમે ચોક્કસપણે તેની તપાસ કરીશું. કાયદાના શાસન પ્રત્યે અમારી પ્રતિબદ્ધતા છે. આ સાથે જ કેનેડાના મુદ્દા પર જવાબ આપતાં તેમણે કહ્યું હતું કે અભિવ્યક્તિની સ્વતંત્રતાની આડમાં હિંસાનો ખેલ રમાઈ રહ્યો છે. જ્યાં સુધી કેનેડા તેના આરોપો સાબિત નહી કરે ત્યાં સુધી ભારત તે આરોપોને સ્વીકારશે નહિ.

આ પણ વાંચો :-