Home Blog Page 847

સુરત સિવિલના ડોક્ટરોની જહેમત લેખે લાગી, ૫ વર્ષના બાળકનો હાથ જોડી દીધો

admin
-
0

સુરતની નવી સિવિલ હોસ્પિટલ ખાતે સારવાર લઈ રહેલા ૫ વર્ષનો ગૌરવને ૩ જાન્યુઆરીના રોજ ડીંડોલી વિસ્તારમાં એક ટ્રકના ચાલકે અડફેટે લીધો હતો. ગૌરવ જ્યારે રોડ ક્રોસ કરી રહ્યો હતો ત્યારે જ ટ્રક ચાલકે એને ટક્કર મારીને ઇજાગ્રસ્ત કર્યો હતો. જેમાં ટ્રકનું ટાયર ફરી વળતા તેનો હાથ શરીરથી છૂટો પડી ગયો હતો. બાળકનું નામ ગૌરવ જ્ઞાન હોવાનું સામે આવ્યું છે. સમગ્ર દુર્ઘટનામાં બાળકનો હાથ કપાયો હતો. જેથી બાળકને સારવાર માટે તાત્કાલિક નવી સિવિલ હોસ્પિટલ ખાતે ખસેડવામાં આવ્યું હતું.

આ બાદ ગૌરવને ગૌરવને તાત્કાલિક શરીરથી જુદા પડેલા હાથની સાથે સારવાર માટે સુરતની નવી સિવિલ હોસ્પિટલ ખાતે ખસેડાયો હતો. ૫ વર્ષના ગૌરવ સાથે થયેલી આ ઘટનાને સિવિલના ડોક્ટરે પણ ગંભીરતાથી લીધી હતી અને એની સારવારમાં કોઈ કસર ના રહે એ માટેની તકેદારી રાખવામાં આવી હતી. ગૌરવના શરીરથી જુદો પડી ગયેલો હાથ ફરીથી જોડવા માટે સુરત નવી સિવિલ હોસ્પિટલના અલગ અલગ ડિપાર્ટમેન્ટના ડોક્ટરો કામે લાગ્યા હતા. ૫ કલાકના ઓપરેશન બાદ અલગ અલગ ડિપાર્ટમેન્ટના ડોકટરની ટીમે ઇજાગ્રસ્ત ગૌરવના હાથને જોડવાનું સફળ ઓપરેશન કર્યું હતું.

સુરત નવી સિવિલ હોસ્પિટલના સુપ્રીટેન્ડેન્ટ ગણેશ ગોવેકરે જણાવ્યું હતું કે, અકસ્માતમાં બાળકનો ડાબો હાથ છૂટો પડી ગયો હતો. આ ઘટના સવારે બની હતી અને બાદમાં બાળકને તાત્કાલીક સારવાર અર્થે સિવિલ હોસ્પિટલ લાવવામાં આવ્યો હતો. બાળકની હોસ્પિટલમાં સર્જરી કરવામાં આવી હતી જે સફળ રહી છે. પાંચ કલાક બાળકની સર્જરી ચાલી હતી.

આ પણ વાંચો :-

લક્ષદ્વીપ જાય છે તો મણિપુર કેમ નહીં? ખડગેનો પીએમ મોદી પર મોટો પ્રહાર

admin
-
0

વડા પ્રધાન મોદીની લક્ષદ્વીપ મુલાકાતને લઈને કોંગ્રેસ અધ્યક્ષ મલ્લિકાર્જુન ખડગેએ વડાપ્રધાન પર નિશાન સાધ્યું છે. હાલમાં પીએમ મોદીની લક્ષદ્વીપ પ્રવાસની તસવીરો વાઈરલ થઈ રહી છે. જેને લઈ ખડગેએ આકારા પ્રહાર કરતાં કહ્યું કે, મોદીજી મણિપુર કેમ નથી જતા, શું તે દેશનો ભાગ નથી, તે લક્ષદ્વીપની મુલાકાત લઈ શકે છે. એકવાર તો મણિપુર જાઓ અને જુઓ ત્યાંની હાલત શું છે.

પીએમ મોદી પર નિશાન સાધતા ખડગેએ કહ્યું, ‘મણિપુરમાં દુર્ભાગ્યપૂર્ણ ઘટનાઓ બની અને બનતી રહી. પણ રાત-દિવસ મોદીજી ક્યારેક દરિયામાં જઈને કે સ્વિમિંગ કરીને ફોટો સેશન કરે છે, ક્યારેક મંદિરોનું કન્સ્ટ્રક્શન થઈ રહ્યું છે, ત્યાં જઈને ફોટા પડાવે છે, ક્યારેક કેરળમાં જઈને ફોટો પડાવે છે તો ક્યારેક બોમ્બે જઈને પડાવી લે છે. તેઓ દરેક જગ્યાએ જાય છે અને નવા કપડા પહેરીને પોતાનો ફોટો પડાવે છે… આ મહાન માણસ મણિપુર કેમ ન ગયા, જ્યાં લોકો મરી રહ્યા છે, જ્યાં મહિલાઓ પર બળાત્કાર થઈ રહ્યો છે, જ્યાં લોકો ઠંડીમાં મરી રહ્યા છે. ત્યાં તેમના ખબર-અંતર પૂછવા નથી જઈ રહ્યા, કેમ નથી જઈ રહ્યા? શું તે દેશનો ભાગ નથી? તમે લક્ષદ્વીપ જાઓ અને પાણીમાં રહો, શું તમે મણિપુર જઈને લોકોને સમજાવી શકતા નથી?

પીએમ મોદી નવી નવી જગ્યાએ જઈને ફોટોશૂટ કરાવે છે પણ તેઓ મણિપુર જઈને લોકોને સમજાવી નથી શકતા. તેમણે કહ્યું કે કોંગ્રેસની યાત્રા જનજાગૃતિ માટે છે. શિયાળુ સત્રમાં સાંસદોને સસ્પેન્ડ કરવા વિશે ખડગેએ કહ્યું કે જે સાંસદો શાંત હતા તેમની સામે પણ કાર્યવાહી કરવામાં આવી. વિપક્ષને તેની વાત રજૂ કરવાની તક પણ ન અપાઈ.

કેન્દ્ર પર નિશાન સાધતા ખડગેએ કહ્યું, ‘જ્યારે અમે સંસદમાં દેશને લગતા મુદ્દા ઉઠાવવાનો પ્રયાસ કર્યો ત્યારે સરકારે અમને બોલવા દીધા ન હતા. દેશના ઈતિહાસમાં આવું પહેલીવાર બન્યું છે, જ્યારે ૧૪૬ સાંસદોને સસ્પેન્ડ કરવામાં આવ્યા હતા. એટલા માટે અમે ‘ભારત જોડો ન્યાય યાત્રા’ દ્વારા લોકો વચ્ચે જઈ રહ્યા છીએ જેથી કરીને અમે તેમના મંતવ્યો તેમની સમક્ષ વ્યક્ત કરી શકીએ અને સમાજના દરેક વર્ગને મળીને તેમની વાત સાંભળી શકીએ. આ દરમિયાન તેમણે ‘ભારત જોડો ન્યાય યાત્રા’નો લોગો પણ લોન્ચ કર્યો હતો અને કહ્યું હતું કે ‘ભારત જોડો ન્યાય યાત્રા’ દેશવાસીઓને આર્થિક, સામાજિક અને રાજકીય ન્યાય અપાવવાની દિશામાં એક મજબૂત પગલું છે.

આ પણ વાંચો :-

મુખ્યમંત્રી અરવિંદ કેજરીવાલના ગુજરાત પ્રવાસનું શું છે કારણ?

admin
-
0

આવતીકાલે આમ આદમી પાર્ટીના સંયોજક અને દિલ્હીના મુખ્યમંત્રી અરવિંદ કેજરીવાલ ગુજરાતના પ્રવાસે આવી રહ્યા છે. પંજાબના મુખ્યમંત્રી સાથે ગુજરાત આવતા કેજરીવાલ લોકસભાની ચૂંટણીની સમીક્ષા બેઠક કરશે. આ સાથે જ તેઓ જેલમાં બંધ આમ આદમી પાર્ટીના ધારાસભ્ય ચૈતર વસાવાને પણ મળવા માટે પહોંચશે.

દિલ્હીમાં આપના ભૂતપૂર્વ ઉપમુખ્ય મંત્રી મનીષ સિસોદિયા અને રાજ્યસભાના સાંસદ સંજયસિંહની પણ અગાઉ આ મામલે ધરપકડ થઈ હતી. આપના મોટા નેતાઓની ઈડીની પૂછપરછ બાદ ધરપકડ થતાં ઘણા સમયથી અરવિંદ કેજરીવાલની પણ ધરપકડ થશે એવી આશંકા વ્યક્ત કરાઈ રહી હતી. અરવિંદ કેજરીવાલ આવતીકાલે બપોરે વડોદરા એરપોર્ટ પર પહોંચશે. અહીંથી તેઓ ૧ વાગ્યે નેત્રંગમાં જનસભાને સંબોધશે. આ બાદ સાંજે ૭ વાગ્યે તેઓ પ્રદેશ આગેવાનો સાથે મુલાકાત કરીને લોકસભાની ચૂંટણીની સમીક્ષા બેઠક કરશે અને વડોદરામાં જ રાત્રિ રોકાણ કરશે.

ગુજરાત આમ આદમી પાર્ટીના પ્રદેશપ્રમુખ ઈસુદાન ગઢવીએ કેજરીવાલના ગુજરાત પ્રવાસ અંગે અરવિંદ કેજરીવાલ અને પંજાબના મુખ્ય મંત્રી ભગવંત માન ૭ અને ૮ જાન્યુઆરીએ ગુજરાત આવીને આપના ધારાસભ્ય ચૈતર વસાવાની જેલમાં મુલાકાત લેશે. અરવિંદ કેજરીવાલે સમનને ગેરકાયદે ગણાવ્યું છે અને પોતાની ધરપકડની શંકા વ્યક્ત કરી છે. આ બાદ તેઓ સોમવારે ૧૧ વાગ્યે રાજપીપળા જેલમાં ચૈતર વસાવાને મળવા માટે પહોંચશે. તેમની મુલાકાત માટે જેલ તંત્ર તરફથી પણ મંજૂરી આપી દેવામાં આવી છે. આ બાદ તેઓ દિલ્હી જવા માટે રવાના થશે.

આ પણ વાંચો :-

બોઇંગ હવામાં ઉડતું હતું, ને દરવાજો ઉડી ગયો

admin
-
0

અલાસ્કા એરલાઇન્સના બોઇંગ ૭૩૭-૯ મેક્સ વિમાને આજે ઉડાન ભરતાંની સાથે જ કટોકટીનો સામનો કરવો પડ્યો હતો. વિમાને ઉડાન ભર્યાની થોડી જ મિનિટોમાં તેનો દરવાજો હવામાં ઉડી ગયો હતો. મુસાફરો દ્વારા લેવામાં આવેલા વિડિયોમાં દર્શાવવામાં આવ્યું છે કે કેન્દ્ર-કેબિનનો એક્ઝિટ ડોર વિમાનથી સંપૂર્ણપણે અલગ થઈ ગયો હતો.

આ ઘટના બની ત્યારે વિમાનમાં ૧૭૪ મુસાફરો અને ૬ ક્રૂ મેમ્બર સવાર હતા. એરલાઇન્સે કહ્યું કે અમે આ ઘટનાની તપાસ કરી રહ્યા છીએ. અલાસ્કા એરલાઇન્સની ફ્લાઈટ નંબર ૧૨૮૨માં આ ઘટના બની હતી. જોકે આ વિમાનનું પોર્ટલેન્ડ ઈન્ટરનેશનલ એરપોર્ટ પર સફળતાપૂર્વક ઈમરજન્સી લેન્ડિંગ કરાવાયું હતું. સોશિયલ મીડિયા પર આ ઘટનાનો વીડિયો પણ વાયરલ થઇ રહ્યો છે જેમાં વિમાનમાં બેસેલા લોકો દેખાઈ રહ્યા છે અને બારીનો એક હિસ્સો તૂટી ગયેલો પણ દેખાય છે.

આજની ઘટનામાં સામેલ બોઇંગ ૭૩૭ મેક્સ ૧ ઓક્ટોબર, ૨૦૨૩ ના રોજ અલાસ્કા એરલાઇન્સને સોંપવામાં આવ્યું હતું. અને ૧૧ નવેમ્બર, ૨૦૨૩ ના રોજ કોમર્શિયલ સર્વિસમાં પ્રવેશ કર્યો. Flightradar૨૪ એ જણાવ્યું કે ત્યારથી તેણે માત્ર ૧૪૫ ફ્લાઈટ્સ ચલાવી છે. આ ફ્લાઈટમાં લગભગ ૧૭૧ યાત્રી હતા જે તમામ સુરક્ષિત હોવાનું જાણવા મળ્યું છે.

આ પણ વાંચો :-

મેક્સિકોમાં પ્લેન ક્રેશ થતાં પાઇલટ સહિત ૪ લોકોના દુઃખદ મોત

admin
-
0

મેક્સિકોમાં રનવેથી માત્ર 200 મીટરના અંતરે એક નાનું પાઇપર પ્લેન ક્રેશ થતાં પાઇલટ સહિત ચાર લોકોના મૃત્યુ થયા હોવાની ઘટનાના સમાચાર જાણવા મળ્યા છે. પ્લેન ક્રેશની આ ઘટના ઉત્તરી મેક્સિકોના કોહુઇલા રાજ્યના શહેર રામોસ એરિઝપેમાં બની હતી.

પાઇપર PA-૪૬ પ્લેનમાં કુલ ચાર લોકો સવાર હતા, જે અમેરિકામાં બનાવવામાં આવ્યું હતું અને કોહુઇલા માટે ઉત્તર મેક્સિકોના તામૌલિપાસના સરહદી શહેર માટામોરોસથી ઉડાન ભરી હતી. સ્થાનિક અધિકારીઓના જણાવ્યા અનુસાર, આ દુર્ઘટના બપોર પછી થઈ જ્યારે પ્લેનના પાયલોટે લેન્ડિંગ માટે રામોસ એરિઝપે એરપોર્ટથી મદદની વિનંતી કરી. ત્યાર બાદ પ્લેન સાલ્ટિલો એરપોર્ટના રનવે નજીક લગભગ ૨૦૦ મીટરની ઊંચાઈએથી નીચે પડી ગયું હતું. કહેવામાં આવી રહ્યું છે કે ક્રેશ પહેલા પાયલટે કહ્યું હતું કે તેમના પ્લેનમાં ઈંધણ ખતમ થઈ ગયું છે.

પાયલોટ એન્ટોનિયો અવિલા સિવાય મૃતકોમાં ત્રણ મહિલાઓનો સમાવેશ થાય છે. આ દિવસોમાં એડ્રિયાના ગાર્ઝા ઈબારા, રોઝારિયો ગાર્ઝા ઈબારા અને હિલ્ડા ગાર્ઝા ઈબારા છે. આ તમામ મહિલાઓ અમેરિકાથી આવી હતી.  આ સિંગલ એન્જિન પ્લેન મેટામોરોસમાં રોકાતા પહેલા બ્રાઉન્સવિલે, ટેક્સાસથી ઉડાન ભરી હતી. તમને જણાવી દઈએ કે આ બંને શહેરો યુએસ-મેક્સિકો બોર્ડર પર સ્થિત છે. એવું કહેવામાં આવી રહ્યું છે કે વિમાનની દુર્ઘટનામાં બળતણ સિવાય તેજ પવનોએ પણ મહત્વની ભૂમિકા ભજવી હશે. આ એરક્રાફ્ટ મેક્સિકો સ્ટેટના ટોલુકા સ્થિત કંપનીના નામે રજીસ્ટર્ડ હતું.

આ પણ વાંચો :-

લોરેન્સ બિશ્નોઈ ગેંગના શાર્પશૂટર પ્રદીપ સિંહનીદિલ્હી પોલીસે દ્વારા ધરપકડ

admin
-
0

દિલ્હી પોલીસના સ્પેશિયલ સેલ વિભાગ દ્વારા શનિવારે દિલ્હીના રોહિણી વિસ્તારમાંથી લોરેન્સ બિશ્નોઈ-કાલા રાણા ગેંગના શાર્પશૂટર પ્રદીપ સિંહની ધરપકડ કરવામાં આવી છે. સ્પેશિયલ સેલે તેની પાસેથી અત્યાધુનિક હથિયારો અને જીવતા કારતુસ પણ જપ્ત કર્યા છે. દિલ્હી પોલીસ શાર્પશૂટર પ્રદીપ સિંહની પૂછપરછ કરી રહી છે. દિલ્હી પોલીસ ઘણા સમયથી પ્રદીપ સિંહને શોધી રહી હતી. તેની સામે અપહરણ, લૂંટ અને હત્યાના અનેક કેસ નોંધાયેલા છે.

લોરેન્સ બિશ્નોઈ ગેંગ દેશના ટોપ ગેંગસ્ટરોમાંની એક છે. લોરેન્સ બિશ્નોઈની ગેંગમાં ૬૦૦થી વધુ શાર્પશૂટર્સ સામેલ છે. લોરેન્સ બિશ્નોઈ-કાલા રાણા ગેંગનું નેટવર્ક દેશભરમાં ફેલાયેલું છે. આ ગેંગનું દિલ્હી NCR, હરિયાણા, પંજાબ અને રાજસ્થાનમાં સૌથી વધુ વર્ચસ્વ છે. ગેંગ ચીફ લોરેન્સ બિશ્નોઈ લાંબા સમયથી તિહાડ જેલમાં બંધ છે. તેનું નિશાન બોલિવૂડ સ્ટાર સલમાન ખાન અને પંજાબના ચાર મોટા ગાયકો છે.

ટેકનિકલ સર્વોલેન્સ અને બાતમીદાર પાસેથી મળતી માહિતી અનુસાર, પ્રદીપ રોહિણી વિસ્તારમાં કોઈને મળવા જઈ રહ્યો છે. આ માહિતીની પુષ્ટિ થતાં પછી સ્પેશિયલ સેલની ટીમે ટ્રેપ ગોઠવીને શૂટરને ઘેરી લીધો અને તેને પકડી લીધો હતો. બાદમાં જ્યારે આરોપીની તલાશી લેવામાં આવી ત્યારે તેની પાસેથી હથિયાર અને કરતૂસ મળી આવ્યા હતા. હાલ તેની પૂછપરછ કરવામાં આવી રહી છે.

આ પણ વાંચો :-

બાંગ્લાદેશમાં સમાન્ય ચૂંટણી પહેલા હિંસા, તોફાનીઓએ ટ્રેન સળગાવતાં ૫ લોકોનાં મોત

admin
-
0

બાંગ્લાદેશમાં શુક્રવારે રાત્રે બર્નિગ ટ્રેનની ઘટના બની હતી. એક પેસેંજર ટ્રેનને કથિક રીતે બદમાશો દ્વારા આગ લગાડવામાં આવતા ઓછામાં ઓછા ૫ લોકો માર્યા ગયા હતા અને ઘણા લોકો ઘાયલ થયા હતા. ચૂંટણી ટાણે જ બાંગ્લાદેશમાં હિંસા ભડકી છે. રાજધાની ઢાકામાં શુક્રવારે રાત્રે બદમાશોએ એક ટ્રેનને આગ ચાંપી દીધી હતી જેમાં પાંચ લોકો મૃત્યુ પામ્યાના અહેવાલ મળી રહ્યા છે. જ્યારે આ હિંસામાં ઘણા લોકો ઘાયલ થયાની પણ માહિતી છે. ઘટના રાત્રે ૯:૦૮ કલાકે બની હતી જેની માહિતી મળતાં જ ફાયર બ્રિગેડની ૭ ગાડીઓ ઘટનાસ્થળે રવાના થઇ ગઈ હતી.

આ ઘટના રાજધાની ઢાકાના ગોપીબાગ વિસ્તારમાં બેનપોલ એક્સપ્રેસમાં બની હતી બાંગ્લાદેશમાં સામાન્ય ચૂંટણીના બે દિવસ પહેલા જ આ ઘટના બની હતી. બાંગ્લાદેશમાં સાત જાન્યુઆરીએ સામાન્ય ચૂંટણી માટે મતદાન થવાનું છે. વડાપ્રધાન શેખ હસીના આ વખતે પણ દાવેદાર છે.

ગોપીબાગ વિસ્તારમાં રાત્રે લગભગ ૯ વાગ્યે આગ લાગી હતી, રાત્રે ૧૦.૨૦ વાગ્યા સુધીમાં આગ પર કાબૂ મેળવી લેવા માં આવ્યો હતો. ટ્રેનમાં કેટલાક ભારતીય મુસાફરો પણ સવાર હતા. આ ટ્રેન પશ્ચિમી શહેર જેસોરથી ઢાકા જઈ રહી હતી. બદમાશોએ પહેલા એક કોચમાં આગ લગાવી પરંતુ ધીરે ધીરે આગ ૫ કોચ સુધી ફેલાઈ ગઈ હતી. અગાઉ ૧૯ ડિસેમ્બરે એક ટ્રેનમાં આગ લાગી હતી જેમાં 4 લોકોના મોત થયા હતા.

આ ઘટના બાદ એક નિવેદન જારી કરીને વિદેશ મંત્રાલયે કહ્યું કે ઘટનાનો સમય સ્પષ્ટ કરે છે કે ચૂંટણીનો વિરોધ કરી રહેલા લોકો કોઈપણ રીતે લોકતાંત્રિક પ્રક્રિયાને ખલેલ પહોંચાડવા માંગે છે. દરમિયાન ઢાકા પોલીસ કમિશનર મોઈનુદ્દીને કહ્યું કે આ એવા લોકોની કાર્યવાહી છે જેઓ બાંગ્લાદેશમાં શાંતિપૂર્ણ ચૂંટણી નથી ઈચ્છતા. મીડિયા રિપોર્ટ્સ અનુસાર ચૂંટણી પહેલા જાણી જોઈને હિંસા કરવામાં આવી છે જેથી અશાંતિ ફેલાઈ શકે.

આ પણ વાંચો :-

પશ્ચિમ બંગાળમાં રાશન વિતરણ કૌંભાડમાં EDએ TMC નેતાની ધરપકડ

admin
-
0

પશ્ચિમ બંગાળના ચર્ચિત રાશન વિતરણ કૌભાંડ કેસ એન્ફોર્સમેન્ટ ડિરેક્ટોરેટ સતત કાર્યવાહી કરી રહી છે. ગઈકાલે મોડી રાત્રે તૃણમુલ કોંગ્રેસના નેતા અને બોનગાંવ પૂર્વ નગરપાલિકા પ્રમુખ શંકર આદ્યાની ED દ્વારા ધરપકડ કરવામાં આવી છે. EDની ટીમે ગઈકાલે આદ્યાના સાસરિયાના ઘરે દરોડા પાડ્યા હતા. તેઓ પૂર્વ ખાદ્ય પ્રધાન જ્યોતિપ્રિયા મલિકના નજીકના માનવામાં આવે છે. ED અધિકારીઓએ શુક્રવારે ઉત્તર ૨૪ પરગણા જિલ્લામાં તૃણમૂલના બે નેતાઓના ઘરે દરોડા પાડ્યા હતા.

કેન્દ્રીય તપાસ એજન્સીની એક ટીમ બોનાગાંવ નગરપાલિકાના પૂર્વ અધ્યક્ષ શંકર આદ્યાના સાસરે પહોંચી હતી. બીજી ટીમ સંદેશખાલીમાં શાહજહાં શેખના ઘરે પહોંચી હતી. સૂત્રોના જણાવ્યા મુજબ શંકર અને શાહજહાં બંને પશ્ચિમ બંગાળના પૂર્વ ખાદ્ય પ્રધાન અને ટીએમસીના નેતા જ્યોતિપ્રિયા મલિકના નજીકના છે. EDએ શુક્રવારે સવારે લગભગ ૭:૩૦ વાગ્યે બોંગગાંવના શિમુતલામાં શંકર આદ્યાના સાસરિયાના ઘરે સર્ચ શરૂ કર્યું અને ૧૭ કલાક પછી ત્યાંથી બહાર નીકળી હતી. ત્યારબાદ રાત્રે ૧૨.૩૦ વાગે આદ્યની ધરપકડ કરવામાં આવી હતી.

EDએ ગઈકાલે સાંજે શંકર આધ્યાના સાસરના ઘરેથી ૮ લાખ ૫૦ હજાર રૂપિયા રિકવર કર્યા હતા. બાદમાં અડધી રાત્રે કાર્યવાહી કરીને બોનગાંવ નગરપાલિકાના પૂર્વ અધ્યક્ષ શંકર આધ્યાની ધરપકડ કરવામાં આવી હતી. તેમને કોલકાતાના CGO કોમ્પ્લેક્સમાં લાવવામાં આવશે તેમજ આજે સવારે મેડિકલ તપાસ બાદ તેમને કોર્ટમાં રજૂ કરવામાં આવી શકે છે. તેમની ધરપકડ સમયે ભારે ભીડ જોવા મળી હતી. આ પહેલા ગઈકાલે સવારે EDના અધિકારીઓ પર સરબેરિયા વિસ્તારમાં જીવલેણ હુમલો કરવામાં આવ્યો હતો. સ્થાનિક લોકોએ અને TMC નેતા શેખ શાહજહાંના સમર્થકોએ CRPF જવાનોની હાજરીમાં અધિકારીઓને માર મારવામાં આવ્યો હતો, ત્યારે અધિકારીઓએ પોતાનો જીવ બચાવવા ત્યાંથી ભાગવાની ફરજ પડી હતી.

આ પણ વાંચો :-

રાજસ્થાનના કોટામાં ટ્રેનના બે કોચ પાટા પરથી ઉતર્યા

admin
-
0

રાજસ્થાનના કોટા જંકશન રેલવે સ્ટેશન પાસે એક મોટી ટ્રેન દુર્ઘટના ટળી ગઈ છે. કોટા જંકશન પાસે એક ટ્રેન અચાનક પાટા પરથી ઉતરી ગઈ, જેના કારણે મુસાફરોમાં ગભરાટ ફેલાઈ ગયો હતો. માહિતી મળતા જ નજીકના રેલવે સ્ટેશનના અધિકારીઓ અને કર્મચારીઓ ઘટનાસ્થળે પહોંચી ગયા હતા અને બચાવ કાર્ય શરૂ કર્યું હતું. જો કે હજુ સુધી અકસ્માતનું કારણ જાણવા મળ્યું નથી.

આ ઘટના રાજસ્થાનના કોટા જંકશન રેલવે સ્ટેશન પાસે બની હતી.જોધપુર-ભોપાલ પેસેન્જર ટ્રેનના બે ડબ્બા પાટા પરથી ઉતરી ગયા હતા. ટ્રેનના અચાનક પાટા પરથી ઉતરી જવાથી મુસાફરો ભયભીત થઈ ગયા હતા અને ટ્રેન ઉભી રહેતા જ તેઓ કોચમાંથી બહાર આવી ગયા હતા. આ પછી લોકો પાયલટે નજીકના સ્ટેશન માસ્ટરને આ દુર્ઘટના વિશે જાણ કરી. ત્યારબાદ કોટા જંક્શનથી કર્મચારીઓની એક ટીમ બચાવ કાર્ય માટે ઘટનાસ્થળે પહોંચી ગઈ હતી. આ અકસ્માતમાં કોઈ મુસાફરને ઈજા થઈ હોવાના સમાચાર નથી.

અધિકારીઓનું કહેવું છે કે જોધપુરથી પેસેન્જર ટ્રેન ભોપાલ જઈ રહી હતી. આ અકસ્માત બાદ આ લાઇન પરથી પસાર થતી અન્ય ટ્રેનોને રોકી દેવામાં આવી છે. ટ્રેન દુર્ઘટનાને લઈને એક વીડિયો પણ સામે આવ્યો હતો, જેમાં ટ્રેનના બે ડબ્બા પાટા પરથી ઉતરી ગયેલા જોવા મળી રહ્યાં છે. ઉપરાંત મુસાફરોની ભીડ પણ જોવા મળી રહી છે.

આ પણ વાંચો :-

ગુજરાતમાં હવામાન વિભાગ દ્વારા કડકડતી ઠંડીની સાથે કમોસમી વરસાદની આગાહી

admin
-
0

ગુજરાતમાં હવામાન વિભાગ દ્વારા ૮ જાન્યુઆરીથી સૌરાષ્ટ્ર, સુરેન્દ્રનગર અને બોટાદ તેમજ ઉત્તર ગુજરાતનાં સાબરકાંઠા, બનાસકાંઠા, દક્ષિણ ગુજરાત, વલસાડ, નવસારી, દમણ, દાદરા નગર હવેલીમાં વરસાદ પડવાની પણ શક્યતા વ્યક્ત કરી છે. જ્યારે હાલ અમદાવાદ, ગાંધીનગર તેમજ મધ્ય ગુજરાતમાં વરસાદની શક્યતા નથી.  તેમજ હવામાન વિભાગ દ્વારા જણાવ્યું હતું.

આગામી ૨૪ કલાકમાં પંજાબ, હરિયાણા, દિલ્હી, પશ્ચિમ રાજસ્થાન, ગુજરાત, પશ્ચિમ મધ્ય પ્રદેશમાં કડકડતી ઠંડી પડી શકે છે. પૂર્વીય રાજસ્થાન અને પૂર્વ મધ્યપ્રદેશમાં પણ આવી જ સ્થિતિ પ્રવર્તશે, જ્યાં આવી સ્થિતિ ચાલુ રહી શકે છે. જો કે, વધુ ઠંડીનો સામનો કરવા માટે તૈયાર રહો, કારણ કે ૮ જાન્યુઆરીથી ઉત્તર અને મધ્ય ભારતમાં વરસાદ જોવા મળશે. અહીં વરસાદી વાદળો વરસશે એવી પણ આગાહી કરવામાં આવી છે.

રાજ્યમાં ખાસ કરીને ચાર કે પાંચ તારીખ સુધી એકથી બે ડિગ્રી સુધીનો ઘટાડો થશે. આ ઠંડી શિયાળુ પાક માટે ઘણી સારી રહેશે. આ સાથે તેમણે કહ્યુ કે, ગાત્રો થીજવતી ઠંડી એક અઠવાડિયા સુધી જોવા નહીં મળે. જે બાદ ૧૧થી ૨૦ જાન્યુઆરી સુધીમાં કોલ્ડવેવનો માહોલ જોવા મળે તેવી પણ શક્યતા છે. ૧૧થી ૨૦ તારીખ દરમિયાન તાપમાન વધારે નીચું આવે તેવી પણ શક્યતા છે. જેમા ક્યાંક તીવ્ર ઠંડીનો અનુભવ જોવા મળે તેવી પણ શક્યતા છે. આજે ગુજરાતના ૨૦ શહેરોમાં ૧૫ ડિગ્રીની આસપાસ તાપમાન નોંધાયું છું. નલિયામાં સૌથી ઓછું ૯ ડિગ્રી તાપમાન નોંધાયું છે. જેમાં અમદાવાદ અને ગાંધીનગરમાં ૧૩.૮ અને ૧૨ ડિગ્રી.જ્યારે વડોદરા, સુરત અને રાજકોટમાં અનુક્રમે ૧૪.૬, ૧૬.૪ અને ૧૦.૦૪ ડિગ્રી તાપમાન નોંધાયું છે.

1...846847848...1,481Page 847 of 1,481