Home Blog Page 1372

ગુજરાતનાં આ 3 જિલ્લામાં અતિભારે વરસાદનું રેડ એલર્ટ, અમદાવાદ-ગાંધીનગરને પણ ઘમરોળશે મેઘરાજા 

News Editor
-
0

Red alert of heavy rain

  • રાજ્યના હવામાન વિભાગ દ્વારા આગામી 27મી જુલાઈ સુધી ઉત્તર અને મધ્ય ગુજરાતમાં ભારેથી અતિભારે વરસાદની આગહી કરવામાં આવી છે.

ગુજરાતમાં (Gujarat) ચોમાસાના વધુ એક રાઉન્ડનો આજથી પ્રારંભ થઇ શકે છે. હવામાન વિભાગ (Meteorological Department) દ્વારા ભારે વરસાદની સંભાવનાને પગલે કચ્છ, ઉત્તર ગુજરાતના કેટલાક જિલ્લા માટે શનિ-રવિવારે ઓરેન્જ તેમજ રેડ એલર્ટ (Orange as well as Red Alert) જાહેર કરવામાં આવી છે. જ્યારે શનિવાર-રવિવારે અમદાવાદમાં પણ ભારે વરસાદ પડે તેવી સંભાવના છે.

અમદાવાદમાં આજે અને રવિવારે ભારે વરસાદ પડે તેવી સંભાવના :

અમદાવાદમાં આજે અને રવિવારે ભારે વરસાદ પડે તેવી સંભાવના છે. જેમાં રવિવારે વરસાદની સંભાવના વધીને 90 ટકા દર્શાવવામાં આવી છે.રાજ્યમાં હજુ સુધી 20 ઈંચ સાથે મોસમનો સરેરાશ 60 ટકા વરસાદ નોંધાઇ ચૂક્યો છે. હવામાન વિભાગ દ્વારા શનિવારે કચ્છ,બનાસકાંઠા, પાટણ, મહેસાણા, ગાંધીનગર, અરવલ્લી, સુરેન્દ્રનગર, મોરબીમાં ઓરેન્જ, જ્યારે જામનગર, રાજકોટ, બોટાદ, અમદાવાદ, ખેડામાં યલો એલર્ટ જાહેર કરવામાં આવ્યું છે.

રવિવારે અનેક જિલ્લામાં વરસાદનું જોર વધી શકે :

જ્યારે રવિવારે અનેક જિલ્લામાં વરસાદનું જોર વધી શકે છે. આ બાજુ કચ્છમાં શનિવારે રેડ, બનાસકાંઠા, પાટણ, મહેસાણા, મોરબી, જામનગર, સુરેન્દ્રનગર, દેવભૂમિ દ્વારકામાં ઓરેન્જ,જ્યારે રાજકોટ, બોટાદ, પોરબંદર, અમદાવાદ, ખેડા, ગાંધીનગર, સાબરકાંઠા, અરવલ્લીમાં યલો એલર્ટ જાહેર કરવામાં આવી છે. આ સાથે જ 50 જળાશયો હાઇ એલર્ટ પર રખાયા છે.

છેલ્લા 24 કલાકમાં રાજ્યના 126 તાલુકામાં વરસાદ :

સમગ્ર રાજ્યમાં છેલ્લા 24 કલાકમાં દરમિયાન 126 તાલુકામાં વરસાદ નોધાયો છે. જેમાં સૌથી વધુ સિનોર, ડેડિયાપાડા અને સુત્રાપાડમાં 2 ઈંચ જેટલો વરસાદ નોધાયો છે.જ્યારે વડોદરામાં 1.75 ઈંચ, નાંદોદમાં 1.5 ઈંચ, સાગબારામાં 1.5 ઈંચ, કુકરમુંડામાં 1.25 ઈંચ, ગરુડેશ્વરમાં 1.25 ઈંચ, પાદરામાં 1.25 ઈંચ, માંગરોળમાં 1 ઈંચ, કોડીનારમાં 1 ઈંચ, ફતેપુરામાં 1 ઈંચ, વાગરામાં 1 ઈંચ જ્યારે અન્ય તાલુકાઓમાં હળવા વરસાદ નોધાયો હતો.

દરિયામાં ફરી એકવાર વરસાદી સિસ્ટમ થઇ સક્રિય :

હવામાન વિભાગના સૂત્રોના જણાવ્યા પ્રમાણે દરિયામાં ફરીથી વરસાદી સિસ્ટમ સક્રિય થતા ગુજરાતમાં ભારે વરસાદની આગાહી કરવામાં આવી છે.જેમાં  અમદાવાદમાં પણ ધોધમાર વરસાદ વરસવાની વકી કરી છે.તો આ તરફ પગલે હવામાન વિભાગ દ્વારા ઉત્તર ગુજરાતમાં ઓરેન્જ એલર્ટ જાહેર કરવામાં આવ્યું છે. મેઘો ધોધમાર વરસતા 50 જળાશયો હાઇએલર્ટ પર મુકવામાં આવ્યા છે.અત્યાર સુધી ગુજરાતમાં સરેરાશ 60 ટકા વરસાદ નોંધાયો છે.

આ પણ વાંચો –

લ્યો બોલો પાર્થ ચેટર્જીના કુતરાના નામે પણ છે ફ્લેટ !!! ED ની રેડમાં વધુ એક ખુલાસો

News Editor
-
0

Lyo Bolo Parth Chatterjee’

  • ડાયમંડ સિટી દક્ષિણ વિસ્તારમાં વધુ 3 ફ્લેટની જાણકારી ઇડીને મળી છે. Flat no 18d,19d , 20D આ ત્રણેય ફ્લેટ પ્રોસેસ ઓફ ક્રાઇમ રૂપિયા અંતગર્ત લેવામાં આવ્યા હોવાનો ઇડીએ દાવો કર્યો છે. 18D પાર્થ ચેટર્જીના કુતરાના નામે હતો એવું ઇડીને જાણવા મળ્યું છે.

પશ્વિમ બંગાળથી (West Bengal) મોટા સમાચાર સામે આવ્યા છે. ટીચર ભરતી કૌભાંડમાં (Teacher recruitment scam) બંગાળના મંત્રી પાર્થ ચેટર્જીના (Minister Partha Chatterjee) 13 ખાનગી ઠેકાણાઓ પર ED એ રેડ પાડી છે. ED એ મંત્રી પાર્થ ચેટર્જીની ધરપકડ કરી છે. તો બીજી તરફ તેમના સહયોગી અર્પિતા મુખર્જીની (Arpita Mukherjee) પણ ધરપકડ કરવામાં આવી છે. આ ઉપરાંત સુકાંત આચાર્યને (Sukant Acharya) પણ કસ્ટડીમાં લેવામાં આવ્યા છે. શુક્રવારે અર્પિતા મુખર્જીના ઘરેથી 21 કરોડમાં બે હજાર અને 500 ની નોટનો ઢગલો મળ્યો હતો. ત્યારબાદ ઇડીએ રેડ વધુ તેજ કરી હતી.

ડાયમંડ સિટી દક્ષિણ વિસ્તારમાં વધુ 3 ફ્લેટની જાણકારી ઇડીને મળી છે. Flat no 18d,19d , 20D આ ત્રણેય ફ્લેટ પ્રોસેસ ઓફ ક્રાઇમ રૂપિયા અંતગર્ત લેવામાં આવ્યા હોવાનો ઇડીએ દાવો કર્યો છે. 18D પાર્થ ચેટર્જીના કુતરાના નામે હતો એવું ઇડીને જાણવા મળ્યું છે.

અર્પિતા મુખર્જીની માતાજી મિનોતી સાથે વાત કરી જે બેઘરિયા વિસ્તારમાં રહે છે. તેમણે અર્પિતા અને પાર્થ મુખર્જીના સંપર્ક વિશે જણાવ્યું હતું કે તે ઘરે ક્યાં રહેતી હતી તે તો બહાર જ રહેતી હતી, ક્યારેક ક્યારેક મળવા આવતી હતી. તેણે તો બહાર જ કામ કર્યું છે, સીરિયલમાં કામ કરતી હતી, સિનેમામાં કામ કર્યું, વિભિન્ન સંસ્થાઓ સાથે જોડાયેલી હતી. તેના પિતા એક સારી નોકરી કરતા હતા પરંતુ તેણે કેન્દ્ર સરકારની નોકરી ન કરી જે તેને મળી જાત. બાળકોને કહી શું થાય છે.

ટીવીમાં જોઇ રહ્યા છો પાર્થ સાથે તેમની ઓળખાણ હતી. ટીવીમાં જોઇશ શું થઇ રહ્યું છે અને માતા હોવાના નાતે શું કરવાનું છે તે પણ જોઇશ. શું મા-બાપ ઇચ્છે તે બાળકો કરે છે? તો પછી પુત્રી લગ્ન પણ કરાવી દેત.

બીરભૂમિ જિલ્લાના શાંતિનિકેતનના ફુલડાંગ, પ્રાન્તિક વિસ્તારમાં 7 ઘર પાર્થ ચેટર્જીના છે. સૂત્રોના અનુસાર આ બધા ઘરોની દેખરેખ તેમની મિત્ર મોનાલિસા દાસ કરતી હતી. વિસ્તારના લોકોનું કહેવું છે કે આ ઘર પશ્વિમ બંગાળના મંત્રી પાર્થ ચેટર્જી જ છે અને તે વચ્ચે વચ્ચે આવતા હતા. અને મોટાભાગે તેમના ઘરોની દેખરેખ તેમની મિત્ર મોનાલિસ દાસ જ કરતી હતી.

મંત્રી પાર્થ ચેટર્જીની ધરપકડ :

ઇડીની ટીમ સતત પાર્થ ચેટર્જીના નજીકના માણસોના ઠેકાણાઓ પર રેડ પાડી રહી છે. 24 કલાકથી વધુનો સમય વિતી ગયો છે અને રેડ હજુ ચાલુ છે. ઇડીએ મંત્રી પાર્થ ચેટર્જીની ધરપકડ કરી છે. પાર્થ ચેટર્જીને સીએમ મમતા બેનર્જીના નજીકના ગણવામાં આવે છે. તમને જણાવી દઇએ કે 2017 માં થયેલી ટીચર ભરતી કૌભાંડમાં ઇડીએ આ રેડ પાડી હતી. તે સમયે પાર્થ ચેટર્જી બંગાળના શિક્ષા મંત્રી હતા.

અર્પિતા મુખર્જીના ઘરેથી મળ્યા કરોડ રૂપિયા કેશ :

તમને જણાવી દઇએ કે શુક્રવારે ઇડીની ટીમે પાર્થ ચેટર્જીના અંગત અર્પિતા મુખર્જીના ઘરે રેડ પાડી હતી. જ્યાં તેમણે 21 કરોડ રૂપિયા કેશ, 20 મોબાઇલ, અને મોટી માત્રામાં સોના ચાંદી અને વિદેશી કરન્સી મળી હતી. આ ભારે ભરઘમ રકમને ગણવા માટે બેંક કર્મચારીઓને કાઉટીંગ મશીનનો સહારો લેવો પડ્યો હતો. અર્પિતા મુખર્જી ઓડિયા અને તમિલ ફિલ્મોમાં પણ કામ કરી ચૂકી છે.

ઇડીની રેડ યથાવત :

પાર્થ ચેટર્જી સાથે જોડાયેલા 13 સ્થળો પર રેડમાં આ કાળા ખેલનો ખુલાસો થયો હતો. પશ્વિમ બંગાળમાં સ્કૂલ સેવા આયોગ અને પ્રાઇમરી એજ્યુકેશન ભરતી કૌભાંડમાં કરવામાં આવ્યું છે. બંગાળમાં આ મોટા કૌભાંડમાં ઇડીની શરૂઆત થઇ કાર્યવાહી સતત ચાલુ છે. કહેવામાં આવી રહ્યું છે કે તેના સકંજામાં હજુ ઘણા લોકો આવશે.

આ પણ વાંચો –

યુઝવેન્દ્ર ચહલના જન્મદિવસ પર પત્ની ધનશ્રીએ કહી એવી વાત કે જેના પર તમે વિશ્વાસ નહીં કરી શકો 

News Editor
-
0

On Yuzvendra Chahal’s birthday

  • યુઝવેન્દ્ર ચહલ આજે (23 જુલાઈએ) પોતાનો જન્મદિવસ ઉજવી રહ્યો છે. આ અવસર પર તેમની પત્ની ધનશ્રી વર્માએ એક ખાસ પોસ્ટ કરી જે હવે સોશિયલ મીડિયા પર વાયરલ થઈ રહી છે.

યુઝવેન્દ્ર ચહલે (Yuzvendra Chahle) ટીમ ઈન્ડિયા માટે ઘણી મેચો પોતાના દમ પર જીતી છે. તે કોઈપણ પીચ પર વિકેટ લેવાની ક્ષમતા ધરાવે છે. આજે (23મી જુલાઈએ) યુઝવેન્દ્ર ચહલ પોતાનો જન્મદિવસ (birthday) ઉજવી રહ્યો છે. ઘણા દિગ્ગજ સૈનિકો તેમને જન્મદિવસની શુભેચ્છા પાઠવી રહ્યા છે. આ દરમિયાન ધનશ્રીએ (Dhanshree) ઈન્સ્ટાગ્રામ પર પતિ યુઝવેન્દ્ર ચહલ માટે એક ખાસ વાત લખી છે, જેણે બધાનું ધ્યાન ખેંચ્યું છે.

ધનશ્રીએ આ પોસ્ટ કરી હતી :

યુઝવેન્દ્ર ચહલની પત્ની ધનશ્રી વર્માએ સોશિયલ મીડિયા પર લખ્યું છે કે જીવન એક સફર છે, પરંતુ તેમ છતાં તે ઘણી રીતે ખૂબ જ સુંદર છે. તમે એક સારા વ્યક્તિ છો અને ભગવાન હંમેશા તમારા પર દયાળુ રહે. હું તમારી સૌથી મોટી ચાહક છું. ધનશ્રીની આ કોમેન્ટ ફેન્સને ખૂબ જ પસંદ આવી રહી છે.

2020 માં લગ્ન કર્યા :

યુઝવેન્દ્ર ચહલની પત્ની ધનશ્રી વર્મા સોશિયલ મીડિયા પર ઘણી એક્ટિવ રહે છે. તેના દ્વારા શેર કરવામાં આવેલ ફોટા ચાહકોને ખૂબ જ પસંદ આવે છે. તે કોરિયોગ્રાફર અને ડાન્સર છે. ધનશ્રી અને ચહલ લોકડાઉન દરમિયાન મળ્યા હતા, ત્યારબાદ તેઓ એકબીજાને મળવા લાગ્યા હતા અને ધીરે ધીરે આ મિત્રતા પ્રેમમાં બદલાઈ ગઈ હતી. વર્ષ 2020માં બંનેએ લગ્ન કરવાનો નિર્ણય લીધો હતો.

આ પણ વાંચો –

 

ખંભાત: મહિલાને ઝાડ સાથે બાંધી આપી તાલિબાની સજા, આવી ક્રૂરતા કેમ ?

News Editor
-
0

Khambhat: Taliban’s punishment

  • મહિલાએ ગામના લોકોને સરકારની વિવિધ યોજનાનો લાભ અપાવવાની વાત કરી હતી. જેમાં મુખ્યત્વે શૌચાલય યોજના તેમજ વિધવા સહાયનો લાભ અપાવવાની વાત કરી હતી.

આણંદ જિલ્લાના (Anand District) ખંભાતના અકબરપુરના ચુનારવાડ વિસ્તારની એક મહિલાને સ્થાનિક લોકોએ તાલિબાની સજા આપી છે. આ અંગેનો વીડિયો સોશિયલ મીડિયામાં (Social media) વાયરલ થયો છે. આ કેસમાં મહિલાને તાલિબાની સજા (Punishment of the Taliban) આપનાર બે મહિલા અને બે પુરુષો વિરૂદ્ધ ખંભાત શહેર પોલીસ મથકે ફરિયાદ નોંધાઇ છે. વાયરલ થયેલા વીડિયોમાં જોઈ શકાય છે કે એક મહિલાને ઝાડ સાથે બાંધી લોકો યાતના આપી રહ્યા છે.

લોકોનો દાવો છે કે મહિલાએ તેમને સરકારી યોજનાના લાભ અપાવવાની લોભામણી લાલચો આપી હતો. મહિલાએ અનેક લોકોને ઠગ્યા હોવાનો આક્ષેપ થયો છે. અનેકવાર લોભામણી લાલચ આપ્યા બાદ સ્થાનિકોને લાભ નહીં મળતાં મહિલાને ઝાડ સાથે બાંધી તાલિબાની સજા આપવામાં આવી હોવાનો દાવો કરવામાં આવ્યો છે. આ દરમિયાન લોકોએ મહિલાને અપશબ્દો પણ કહ્યા હતા.

આ અંગે વધુ વિગત જોઈએ તો ચુનારવાડમાં રહેતા એક સમાજ સેવિકાને લોકોએ પીપળાના ઝાડ સાથે બાંધી માર માર્યો હતો. લોકોનો દાવો છે કે મહિલાએ એકાદ વર્ષ પહેલા સુનિલ ઉર્ફે જાગો ચુનારા, કોકીલા મીના ચુનારાના બેંક ખાતા ખોલાવી આપ્યા હતા. આ ઉપરાંત બીજા કામ પણ કરાવી આપ્યા હતા. બાદમાં મહિલાએ વિવિધ સરકારી યોજનાના કામ કરી આપવાની બહાને પૈસા પડાવ્યાના આક્ષેપ થયા હતા. આ જ કડીમાં ચાર લોકોએ મહિલા પાસે બે લાખ રૂપિયાની માંગણી કરી હતી.

સાતમી જુલાઈના રોજ ચારેય લોકોએ મહિલાને પૈસા સાથે મળવા આવવાનું કહ્યું હતું. જોકે, મહિલા પોતાની સાથે પૈસા લઈને ન આવતા ચારેયએ મહિલાને ઝાડ સાથે બાંધી દીધી હતી.

જુઓ સંપુર્ણ વિડિયો :-  સુરતનાં સરથાણા વિસ્તારમાં BRTS બસમાં લાગી આગ. ફાયરનાં જવાનો દ્વારા આગ પર મેળવ્યો કાબૂ.. 

એવી પણ માહિતી મળી છે કે અકબરપુર ગામ ખાતે મોટાભાગે મજૂરી કરીને ગુજરાત ચલાવતા લોકો રહે છે. જેમાં દૈનિક છૂટક મજૂરી કરતા લોકો, ભંગારનું કામ કરતા લોકો સામેલ છે. આ મહિલાએ ગામના લોકોને સરકારની વિવિધ યોજનાનો લાભ અપાવવાની વાત કરી હતી. જેમાં મુખ્યત્વે શૌચાલય યોજના તેમજ વિધવા સહાયનો લાભ અપાવવાની વાત કરી હતી.

વિવિધ યોજનાઓનો લાભ અપાવવાના બહાને મહિલાએ ગામના લોકો પાસેથી પૈસા લીધા હતા. આ દરમિયાન લોકોને સહાયનો લાભ ન મળતા તેઓ અકડાયા હતા અને મહિલાને ઝાડ સાથે બાંધી દીધી હતી. આ મામલે આણંદ ટાઉન પોલીસે ચાર લોકો સામે ગુનો દાખલ કરીને તપાસ શરૂ કરી છે.

આ પણ વાંચો –

T20 World Cup 2022 : ટી20 વર્લ્ડ કપ માટે તમામ 16 ટીમના નામ નક્કી

News Editor
-
0

T20 World Cup 2022

  •  ટી-20 વર્લ્ડ કપ ઓસ્ટ્રેલિયામાં ઓક્ટોબર અને નવેમ્બરમાં યોજાશે. તે પહેલા ટી-20 વર્લ્ડ કપમાં રમનારી તમામ 16 ટીમના નામ નક્કી થઈ ગયા છે.

વર્લ્ડ કપ ક્વોલિફાયર-બી (World Cup Qualifiers) ના સેમિફાઈનલ મેચમાં (Semifinal match) ઝિમ્બાબ્વેએ પાપુઆ ન્યુ ગિનીને હરાવ્યા તો બીજી તરફ નેધરલેન્ડે (Netherlands) યુએસએને હરાવીને આ મોટા ટુર્નામેન્ટ માટે ક્વોલિફાય કરી લીધું છે.

બીજી તરફ અમેરિકાની ટીમનુ સપનુ તૂટી ગયુ છે. ક્વોલિફાયરના બીજા સેમિફાઈનલમાં નેધરલેન્ડે અમેરિકાને 7 વિકેટથી હરાવી દીધા જેના કારણે યુએસએ ટી-20 વર્લ્ડ કપ માટે ક્વોલિફાય કરવાથી ચૂકી ગયુ. આઈસીસીએ આ વાતની જાણકારી શેર કરી છે.

ટી20 વર્લ્ડ કપ માટે ટીમને બે ગ્રૂપમાં રાખવામાં આવી છે :

ગ્રૂપ 1 જેમાં ઈગ્લેન્ડ, ન્યુઝીલેન્ડ, ઓસ્ટ્રેલિયા અને અફઘાનિસ્તાનની ટીમ છે.

ગ્રૂપ 2 માં ભારત, પાકિસ્તાન, સાઉથ આફ્રિકા અને બાંગ્લાદેશની ટીમને રાખવામાં આવી છે.

રેન્કિંગના આધારે સીધુ ક્વોલિફાય કરનારી ટીમ :

ઓસ્ટ્રેલિયા, અફઘાનિસ્તાન, બાંગ્લાદેશ, ઈગ્લેન્ડ, ભારત, નામીબિયા, ન્યુઝીલેન્ડ, પાકિસ્તાન, સ્કોટલેન્ડ, સાઉથ આફ્રિકા, શ્રીલંકા, વેસ્ટઈન્ડિઝ

T20 વર્લ્ડ કપની મેચ 16 ઓક્ટોબરથી શરૂ થશે :

T20 વર્લ્ડ કપની મેચ 16 ઓક્ટોબરથી શરૂ થશે. ટુર્નામેન્ટમાં સુપર-12 સ્ટેજ પહેલા રાઉન્ડ – 1 ની મેચ થશે. રાઉન્ડ – 1 માં કુલ આઠ ટીમ સામેલ થઈ રહી છે. આ આઠ ટીમને બે ગ્રૂપમાં વહેંચવામાં આવી છે. બંને ગ્રૂપમાંથી ટોપ-2 ટીમ સુપર-12 સ્ટેજ માટે ક્વોલિફાય કરશે.

રાઉન્ડ-1 માં કુલ આઠ ટીમ સામેલ :

ગ્રૂપ એ- નામીબિયા, શ્રીલંકા, યુએઈ, નેધરલેન્ડ

ગ્રૂપ બી- આયરલેન્ડ, સ્કોટલેન્ડ, વેસ્ટઈન્ડીઝ, ઝિમ્બાબ્વે

ટી 20 વર્લ્ડ કપની ફાઈનલ 13 નવેમ્બરે મેલબોર્ન ક્રિકેટ ગ્રાઉન્ડ પર રમાશે. ટી 20 વર્લ્ડ કપમાં ભારત અને પાકિસ્તાનની મેચ 23 ઓક્ટોબરે મેલબોર્ન ક્રિકેટ ગ્રાઉન્ડ પર રમાશે.

આ પણ વાંચો –

નવી દિલ્હીમાં અડધી રાતે 30 વર્ષની મહિલા ઉપર રેલ્વેના કર્મચારીઓ દ્વારા ગેંગરેપ

News Editor
-
0
  •  આરોપીએ પીડિતાને પાર્ટી આપવાના બહાને બોલાવીને તેની સાથે અધમ કૃત્ય આચર્યું હતું.

નવી દિલ્હી રેલ્વે સ્ટેશન (New Delhi Railway Station) ઉપર બનેલા ફૂટઓવર બ્રિજની નીચે ગેંગરેપનો કેસ (A case of gangrape) સામે આવ્યો છે. આ ઘટના ગત તા. 21 જુલાઈના રોજ રાતની જણાવવામાં આવી રહી છે. દિલ્હી પોલીસે આ કેસમાં 4 આરોપીઓની ધરપકડ કરી છે. રેલ્વેના DCP હરેન્દ્ર સિંહના જણાવ્યા પ્રમાણે ગુરૂવારે રાત્રે રેલ્વે સ્ટેશનના પ્લેટફોર્મ 8-9 ઉપર ઈલેક્ટ્રિકલ મેન્ટેનન્સ સ્ટાફે (Electrical maintenance staff) 30 વર્ષની પીડિતા ઉપર બલાત્કાર ગુજાર્યો હતો. આ તમામ આરોપીઓ રેલ્વેમાં ઈલેક્ટ્રિક વિભાગના (ELECTRIC DEPARTMENT) કર્મચારી છે.

ફોન ઉપર ઘટનાની જાણકારી આપી :

આ ઘટના ગત તા. 21 જુલાઈના રોજ 12.30 વાગ્યે ટ્રેન લાઈટિંગ હટમાં બની હતી. ફોન કરનારી પીડિત મહિલાએ જણાવ્યું હતું કે, રેલ્વે સ્ટેશનના એક રૂમમાં 2 લોકોએ તેનો રેપ કર્યો છે. આ ફોન પહેલા PS ODRS ઉપર લગભગ 2.27 વાગ્યે આવ્યો હતો. ત્યાંના કર્મચારીઓએ ફોન કરનારી મહિલાને શોધખોળ આદરી હતી પરંતુ તે મળી નહી. ત્યારબાદ મહિલાએ આપેલા મોબાઈલ નંબર ઉપર સંપર્ક કરતા ખબર પડી કે તે નવી દિલ્હીના રેલ્વે સ્ટેશનના પ્લેટફોર્મ નંબર 8-9 ઉપર ઉભી છે.

પીડિતા પતિથી અલગ રહે છે :

ઘટનાની માહિતી મળ્યા બાદ SHO, NDRS સ્ટાફ સાથે પ્લેટફોર્મ નંબર 8-9 ઉપર પહોંચ્યા હતા. ત્યાં ફોન કરનારી મહિલા હાજર હતી. ફરીદાબાદની રહેવાસી પીડિતાએ જણાવ્યું હતું કે, તે છેલ્લા એક વર્ષથી પોતાના પતિથી અલગ રહે છે અને ડિવોર્સ માટે કોર્ટમાં કેસ લડી રહી છે.

કોમન ફ્રેન્ડના દ્વારા મિત્રતા થઈ હતી :

પીડિતાએ જણાવ્યું હતું કે, આશરે 2 વર્ષ પહેલા તે પોતાના એક કોમન ફ્રેન્ડ દ્વારા એક છોકરાના સંપર્કમાં આવી હતી. છોકરાએ તેને કહ્યું હતું કે તે એક રેલ્વે કર્મચારી છે અને તેના માટે નોકરીની વ્યવસ્થા કરી આપશે. ત્યારબાદ તેમની વચ્ચે ફોન ઉપર વાતચીત થતી હતી. આરોપી છોકરાએ 21 જુલાઈની રાતે પીડિતાને ફોન કરીને બોલાવી હતી. તેણે કહ્યું હતું કે તેના છોકરાનો જન્મદિવસ છે અને તેણે નવું ઘર પણ ખરીદ્યુ છે તેની પાર્ટી આપવી છે.

પાર્ટી આપવાના બહાને બોલાવી :

પીડિતા રાત્રે આશરે 10.30 વાગ્યે કિર્તી નગર આવી હતી. આરોપી તેને ત્યાંથી પ્લેટફોર્મ નંબર 8-9 ઉપર  લઈ ગયો હતો. આરોપીએ તેને ઈલેક્ટ્રિકલ મેન્ટેનેન્સ કર્મચારીઓ સાથે એક નાનકડા રૂમમાં બેસવાનું કહ્યું હતું. થોડીવાર પછી આરોપી અને તેનો મિત્ર રૂમમાં આવ્યા અને દરવાજો અંદરથી બંધ કરી દીધો હતો. ત્યારબાદ બન્નેએ તેની સાથે રેપ કર્યો હતો. પીડિતા સાથે મારામારી પણ કરવામાં આવી હતી. આ દરમિયાન તેના બે મિત્રો રૂમની બહાર પહેરો આપી રહ્યા હતા.

તમામ આરોપી રેલ્વે કર્મચારી છે :

આરોપીઓ ઉપર IPCની કલમ 376D/342ની અંતર્ગત FIR નોંધવામા આવી છે. આ કેસમાં 4 આરોપીઓની ધરપકડ કરીને તેમને ન્યાયિક કસ્ટડીમાં મોકલવામાં આવ્યા છે. તમામ આરોપીઓ રેલ્વેમાં ઈલેક્ટ્રિક વિભાગના કર્મચારી છે.

આ પણ વાંચો –

 

 

 

બાળકો પણ મંકીપોક્સની ઝપેટમાં ! અમેરિકામાં નવજાત શિશુમાં પણ જોવા મળ્યો કેસ, વિશ્વમાં 13 હજાર લોકો ભરડામાં

News Editor
-
0

Children are also in the grip of monkeypox

  • વિશ્વમાં કોરોના મહામારી બાદ નવી નવી બિમારીઓ જન્મ લઈ રહી છે. ત્યારે હવે વધુ એક વાયરસે હડકંપ મચાવ્યો છે. જેના વિશ્વભરમાં 13 હજારથી વધારે કેસો આવી ચુક્યા છે.

ભારત (India) બાદ હવે અમેરિકામાં (America) પણ મંકીપોક્સના (Monkeypox) પ્રથમ કેસની પુષ્ટિ થઈ છે. અહીં બે બાળકોમાં સંક્રમણ જોવા મળ્યું છે. અમેરિકાના સ્વાસ્થ્ય અધિકારીઓએ જણાવ્યું છે કે કેલિફોર્નિયામાં (California) એક બાળક તથા શિશુ મંકીપોક્સની ઓળખાણ થઈ છે. બંને અમેરિકાના નિવાસી નથી.

ભારતમાં અત્યાર સુધીમાં ત્રણ કેસ આવ્યા :

કેરલમાં મંકીપોક્સથી ત્રીજો કેસ સામે આવ્યો છે. આ શખ્સ પણ પૂર્વમાં મળેલા સંક્રમિતની માફક યુએઈથી પરત ફર્યા છે. દેશમાં અત્યાર સુધીમાં 3 કેસોની પુષ્ટિ કેરલમાં થઈ છે. 35 વર્ષિય આ શખ્સ આ મહિનાની શરૂઆતમાં સંયુક્ત અરબ અમીરાતથી કેરલ આવ્યો હતો. તેના સેમ્પલની તપાસમાં મંકીપોક્સની પુષ્ટિ થઈ હતી. કેરલના સ્વાસ્થ્ય મંત્રી વીણા જોર્જે જણાવ્યું હતું કે, મલપ્પુરમનો રહેવાસી આ યુવક છ જૂલાઈના રોજ પોતાના ઘરે પરત ફર્યો હતો.

તિરુવનંતપુરમના મંજેરી મેડિકલ કોલેજમાં તેની સારવાર ચાલી રહી છે. જોર્જના જણાવ્યા અનુસાર યુવતીની હાલત સ્થિર છે. તેમણે જણાવ્યુ છે કે, સંક્રમિતના સંપર્કમાં આવનારા લોકો પર નજર રાખવામાં આવી રહી છે. આ અગાઉ 14 જૂલાઈએ પણ કેરલમાં મંકીપોક્સનો દર્દી મળી આવ્યો હતો. થોડા દિવસ બાદ બીજો કેસ પણ સામે આવ્યો હતો.

65 દેશોમાં 13 હજાર કેસ :

છેલ્લા 11 અઠવાડીયામાં મંકીપોક્સના કેસ ઝડપથી ફેલાઈ રહ્યા છે. તેમાં લગભગ 13,000 દર્દી 65 જેટલા દેશોમાંથી મળી આવ્યા છે. કોવિડ મહામારીના અનુભવના કારમણે લોકો ચિંતિત છે કે ક્યાંક મંકીપોક્સ પણ એક મોટી મહામારી બનીને સામે ન આવે. પણ વૈજ્ઞાનિક કારણો પર ધ્યાન આપી તો આવી થવાની શક્યતા બહુ ઓછી છે. આશ્વસ્તિના મુખ્ય કારણ એ છે કે કોવિડ શ્વાસ સાથે જોડાયેલ વાયરસ છે અને છીંકવા અથવા ખાંસવાના કારણે ફેલાય છે. તો વળી મંકીપોક્સના પ્રસાર માટે પ્રભાવિત વ્યક્તિ સાથે સીધી સંપર્કમાં આવવાથી થાય છે.

આ પણ વાંચો –

દમણમાં એક નાનકડી ઓળખાણ યુવતીને ભારે પડી, જાણો ગેંગરેપ વિથ મર્ડરની ગુંથ્થી કેવી રીતે ઉકેલાઈ ?

News Editor
-
0

A small acquaintance in Daman

  • સંઘ પ્રદેશ દમણ સમગ્ર દેશમાં પ્રવાસન સ્થળ તરીકે જાણીતો છે. તો સાથે સાથે બિન ગુજરાતી લોકો માટે રોજગારી આપતો મુખ્ય પ્રદેશ પણ છે. આ પ્રદેશમાં આવેલી કંપનીઓમાં દેશભરમાંથી હજારોની સંખ્યામાં કામદાર રોજગારી મેળવી રહ્યા છે.

સંઘ પ્રદેશ દમણ (Union Territory of Daman) માસ ફરી એકવાર ચકચારી ઘટના પ્રકાશમાં આવી છે. દમણના ડાભેલ વિસ્તારમાં આવેલ ઘેલવાડ ગામે ગેંગરેપની ઘટના પ્રકાશમાં આવી છે. મૂળ બિહારની (Bihar) યુવતી સાથે બિન ગુજરાતી બે ઈસમો દ્વારા પાસવી બળાત્કાર (Rape) કરી યુવતીને મોતને ઘાટ ઉતારવામાં આવી છે. જોકે દમણ પોલીસે પણ ગણતરીના સમયમાં આ બે હેવાન ઈસમોની ધરપકડ કરી જેલના સળિયા પાછળ ધકેલી દેવામાં આવ્યો છે.

સંઘ પ્રદેશ દમણ સમગ્ર દેશમાં પ્રવાસન સ્થળ તરીકે જાણીતો છે. તો સાથે સાથે બિન ગુજરાતી લોકો માટે રોજગારી આપતો મુખ્ય પ્રદેશ પણ છે. આ પ્રદેશમાં આવેલી કંપનીઓમાં દેશભરમાંથી હજારોની સંખ્યામાં કામદાર રોજગારી મેળવી રહ્યા છે. ત્યારે બિહારની એક યુવતી છેલ્લા કેટલાક સમયથી દમણના ડાભેલ વિસ્તારમાં રહી રોજગારી મેળવી રહી હતી. ત્યારે ડાભેલ વિસ્તારમાં એક ઝાડી વિસ્તારમાં એક યુવતીનો મૃતદેહ મળવાની ઘટના પ્રકાશમાં આવી હતી.

દમણની નાની પોલીસ પોલીસ સ્ટેશનને આ મામલે જાણકારી મળી હતી કે એક યુવતીનો મૃતદેહ ઝાડીઓમાં પડ્યો છે. આ મામલે દમણ પોલીસનો કાફલો ઘટના સ્થળ પર પહોંચ્યો હતો ત્યારે અર્થ નગ્ન હાલતમાં એક યુવતીઓનો મૃત્યુ મળી આવ્યો હતો. ઘટનાની ગંભીતાને લઈને દમણ પોલીસે આ યુવતીની ઓળખ શરૂ કરી હતી અને યુવતીનું મોતનું સાચું કારણ મેળવવા માટે યુવતીના પોસ્ટમોર્ટમ કરાવવાની તજવીજ હાથ ધરવામાં આવી હતી.

પ્રાથમિક રીતે આ યુવતી સાથે દુષ્કર્મ થવાની ઘટના પ્રકાશમાં આવી હતી. જેને લઇને દમણ પોલીસે વિવિધ ટીમો બનાવી દમણના ડાભેલ વિસ્તારમાં તજવીજ હાથ ધરી હતી. ડાભેલ વિસ્તારમાં આરોપીઓને ઝડપવા તજવીજ હાથ ધરી હતી. ત્યારે દમણ પોલીસે આ મામલે બે આરોપીઓની ધરપકડ કરી લીધી છે. દમણ પોલીસે નીતિશ પાસવાન અને ગજેન્દ્ર નામના બે આરોપીની ધરપકડ કરી લીધી હતી. પોલીસ તપાસમાં બહાર આવ્યું છે કે આ બંને ઈસમો પણ બિન ગુજરાતી છે અને ઉત્તર પ્રદેશ અને બિહારના વતની છે.

દમણ પોલીસની તપાસમાં બહાર આવ્યું છે કે મૃતક યુવતી મૂળ બિહારની છે. દમણ પોલીસે આ યુવતીની ઓળખ પ્રસ્થાપિત કરી નથી. આ યુવતી સાથે ગેંગરેપની ઘટના બની છે. દમણ પોલીસની તપાસમાં આવ્યું છે કે આ બંને હેવાન ઈસમો દ્વારા જ યુવતી જ સાથે ગેંગરેપ કરી તેને મોતને ઘાટ નીપજાવી હતી. પોલીસ સ્ટેશન તપાસમાં પ્રાથમિક રીતે બહાર આવ્યું છે કે આ યુવતી દમણના ઘેલવડ ગામે પોતાની એક મહિલા મિત્રને મળવા ગઈ હતી. પરંતુ જે તે વખતે આ મહિલાના રૂમ પર તાળું મારેલું હતું. તેથી તે તેના પાડોશી નિતેશના ઘરે ગઈ હતી. કારણ કે નિતેશની પત્ની આ યુવતી સાથે પરિચિત હતી.

જો કે, જે તે વખતે નીતિશની પત્ની હાજર ન હતી અને નીતિશ અને તેનો મિત્ર દારૂની પાર્ટી કરી રહ્યા હતા. ત્યારે આ પીડીતાને વાતોમાં ભેળવીને આ બંને ઈસમો દ્વારા યુવતીને તેના રૂમમાં લઈ જવામાં આવી હતી અને બંને હેવાનો દ્વારા દારૂના નશામાં આ યુવતી સાથે ગેંગરેપ કર્યો હતો. ત્યારબાદ આ યુવતીનું ગળું દબાવીને હત્યા કરી નાખી હતી. જોકે રાત્રે 1:00 વાગ્યાના સમય આ બંને હેવાનિ સમયે આ યુવતીના મૃતદેહને થોડી દુર એક ઝાડીઓ નાખી ફરાર થઈ ગયા હતા. દમણ પોલીસે પણ બાતમીદારો તેમજ અન્ય ઇન્ટેલન્જસી ની મદદ લઈને રેપ વિથ મર્ડરને આથી ઉકેલી નાખી છે.

હાલે આ બંને ઇસમોને દમણ કોર્ટમાં હાજર કરવામાં આવ્યા હતા. દમણ કોર્ટ દ્વારા આ બંનેને 25 જુલાઈ સુધીના રિમાન્ડ પણ આપવામાં આવેલા છે. આમ એક નાનકડી ઓળખાણ આ યુવતીને ભારે પડી હતી. નજીક ઓળખાણના કારણે આ બંને ઈસમો સાથે નાની અમથી વાતચીત કરવા તેમની રૂમ પાસે ગયેલી આ યુવતીને આ બંને ઈસમોએ દબોચી લીધી હતી અને દારૂના નશામાં બંને સાથે ગેંગરેપ આચરી તેની હત્યા કરી નાખી છે.

હાલ દમણ પોલીસે આ બંને આરોપીના 25 તારીખ સુધીના રિમાન્ડ મેળવ્યા છે. રિમાન્ડ દરમિયાન વધુ ખુલાસા થાય તેવી શક્યતાઓ પણ જોવાઈ રહી છે, ત્યારે બિહારથી રોજગારી મેળવવા આવેલ આ યુવતીને નાનકડી ઓળખાણ ભારે પડી છે. જોકે દમણ પોલીસે સમયસર આ રેપ વિથ મર્ડરની ગુંથી ઉકેલી યુવતીના હત્યાનો કોયડો ઉકેલી નાખ્યો છે.

આ પણ વાંચો –

ડિંડોલી પોલીસની નાક નીચે કોફી કાફેની આડમાં ધમધમતું હતું કપલ બોક્સ, ક્રાઇમ બ્રાન્ચે રેડ કરી 2ને ઝડપ્યા

News Editor
-
0

Couple box was thriving

  • સ્થાનિક પોલીસને અંધારામાં રાખીને ક્રાઇમ બ્રાંચે ડિંડોલી વિસ્તારમાં કાફેની આડમાં સરાજાહેર ચાલી રહેલા આ કપલ બોક્સ પર દરોડા પાડયા.

સુરતમાં (Surat) ફરી એક વાર કાફેમાં પ્રેમી પંખીડાઓને (love birds) પ્રાઈવસી આપવામાં આવતી હોવાની આંશકાને લઈને પોલીસે દરોડા પાડીને કાર્યવાહી હાથ ધરી છે. ડિંડોલી વિસ્તારમાં (Dindoli area) કોફી કાફેના આડમાં ગેરકાયદે ચાલી રહેલા કપલ બોક્સ પર ક્રાઈમ બ્રાન્ચે (Crime Branch) દરોડા પાડયા છે. ગ્રીષ્મા હત્યા કેસ બાદ સુરત CPએ પોલીસને કપલ બોકસ પર કડક કાર્યવાહી કરવાના આદેશ આપ્યા હતા. તો પણ ડિંડોલી પોલીસની નાક નીચે કપલ બોક્સ ધમધમી રહ્યા હતા ત્યારે સ્થાનિક પોલીસને અંધારામાં રાખીને ક્રાઇમ બ્રાંચે દરોડા પાડયા છે.

મહત્વનું છે કે સુરતમાં ધમધમતા કપલ બોક્સ પોલીસ માટે મોટો પડકાર છે. અરિહંત પ્લાઝામાં કોફી કાફેનું બોર્ડ મારી કપલ બોક્સ ચલાવવામાં આવતું હતું. અહી કલાકોના કલાકો સુધી યુવક યુવતીઓ પૈસા આપી બોકસનો ગોરખધંધા માટે ઉપયોગ કરતાં હતા. આ ફૂલિફાલેલા કપલબોક્સમાં સોફા, ગાદલા, તકિયા, ફેનની વ્યવસ્થા આપવામાં આવે છે તેમજ સુવિધા અનુસાર  લગભગ 1 કલાકનું 150 થી 600 રૂપિયા ભાડું  વસૂલવામાં આવે છે. ક્રાઈમ બ્રાન્ચે રેડ કરી કપલ બોક્સને શીલ મારી દીધું છે. કાર્યવાહી કરી બે યુવકોની ધરપકડ કરી છે. મુખ્ય સંચાલક હાલ ફરાર  હોવાની માહિતી મળી રહી છે.

સ્થાનિક લોકો પણ શહેર વચ્ચે ચાલી રહેલા આ કપલ બોક્સની પરેશાન હતા પણ ડીંડોલી પોલીસ તેના પર કોઈ એક્શન લેતી ન હતી. આથી ક્રાઈમ બ્રાન્ચે બાતમીના આધારે આ રેડ કરી હોવાની પ્રાથમિક માહિતી મળી રહી છે. ઉલ્લેખનીય છે કે, કપલબોક્ષના કારણે યૌનશોષણની ઘટનાઓ વધી રહી છે. સુરતમાં  ગ્રીષ્માની હત્યા કરનાર ફેનિલ પણ કપલબોક્ષ ચલાવતો હતો.

આ પણ વાંચો –

ઋષિ સુનકનું PM બનવાનું સપનું તૂટી શકે છે, જાણો કારણ…

News Editor
-
0

Rishi Sunak’s dream of becoming

  •  લિઝ ટ્રસ 24% પોઈન્ટ્સથી આગળ છે. તેઓ 2 દિવસ પહેલા 20 પોઈન્ટ્સથી આગળ હતા.

બ્રિટનના (Britain) વિદેશ પ્રધાન લિઝ ટ્રુસે (Foreign Minister Liz Truss) બ્રિટનના આગામી વડા પ્રધાન બનવાની રેસમાં ભારતીય મૂળના ભૂતપૂર્વ બ્રિટિશ પ્રધાન ઋષિ સુનક (Former British Minister Rishi Sunak) કરતાં 28 મતોની લીડ મેળવી છે. ડેટા એનાલિસિસ કંપની ‘YouGov’ના લેટેસ્ટ સર્વેમાંથી આ માહિતી મળી છે. કન્ઝર્વેટિવ પાર્ટીના સભ્યોએ બોરિસ જોનસનને (Boris Johnson) બદલવાની રેસમાં સુનક અને ટ્રસ બંનેને પાર્ટીની નેતૃત્વ સ્પર્ધાના અંતિમ તબક્કામાં મોકલવા માટે મત આપ્યો. બ્રિટનના વડાપ્રધાન બનવા માટે ઋષિ સુનકના માર્ગમાં તેમની સંપત્તિ પણ આડે આવી રહી છે.

જેના કારણે તેમને મહામારી બાદ આર્થિક સંકટનો સામનો કરી રહેલા લોકો સાથે જોડાવામાં મુશ્કેલીનો સામનો કરવો પડી રહ્યો છે. યુકેના મીડિયામાં તેમની સંપત્તિ અને પૃષ્ઠભૂમિની ચર્ચા થઈ રહી છે. ચેનલ 4 પર એક કાર્યક્રમમાં ઋષિ સુનકની સંપત્તિ વિશે વિગતવાર ચર્ચા કરવામાં આવી હતી.

બીજી તરફ, YouGov સર્વે મુજબ, 4 ઓગસ્ટથી સપ્ટેમ્બરની શરૂઆતમાં ચાલનારા મતદાનમાં પાર્ટીના સભ્યો દ્વારા હવે તેમાંથી એકને આગામી વડાપ્રધાન તરીકે પસંદ કરવામાં આવશે.

YouGov એક પ્રમુખ બ્રિટિશ આતંરરાષ્ટ્રીય ઈન્ટરનેટ આધારિત બાજાર અનુસંધાન અને ડેટા વિશ્લેષણ કંપની છે. આ સપ્તાહની શરૂઆતના આંકડાઓથી જાણવા મળે છે કે, 46 વર્ષીય ટ્રસના 42 વર્ષીય પૂર્વ ચાન્સલર કરતા લગભગ 19 પોઈન્ટની લીડ ધરાવે છે.

બુધવારે અને ગુરૂવારે કન્ઝર્વેટિવ પાર્ટીના 730 સભ્યોના સર્વે પ્રમાણે 62% સદસ્યોએ કહ્યું કે, તેઓ ટ્રસને મત આપશે અને 38%એ સુનકની પસંદગી કરી. તેમાં એ લોકો સામેલ નથી જેમણે કહ્યું કે, તેઓ મત નહીં આપશે અથવા તેઓ નથી જાણતા.

લિઝ ટ્રસ 24% પોઈન્ટ્સથી આગળ છે. તેઓ 2 દિવસ પહેલા 20 પોઈન્ટ્સથી આગળ હતા. બ્રેક્ઝિટ માટે મત આપનારા પુરુષો અને સ્ત્રીઓમાં દરેક વય જૂથમાં ટ્રસે સુનકને પાછળ છોડી દીધા છે.

જોકે, સુનક સંસદીય દળના પ્રિય રહ્યા છે. તેમણે ટોરી (કન્ઝર્વેટિવ પાર્ટી)ના સાંસદોમાં ટ્રુસના 113ના મુકાબલે 137 મતોથી જીત મેળવી હતી.

આ પણ વાંચો –

1...1,3711,3721,373...1,438Page 1,372 of 1,438