A cautionary case Robber bride caught in Ahmedabad
- સુમિત્રા નામની યુવતીએ યુવકને ફોન કરી જણાવ્યું કે, હું દિવાળી પછી આવું છું, તમે મને કપડાં ખરીદવા અને જ્વેલરી ખરીદવા પૈસા આપો. જેથી યુવકે પૈસા આપ્યા હતા. જોકે, યુવતી આવી ન્હોતી અને ફોન ઉપાડવાનું બંધ કરી દીધું હતું.
જો તમે લગ્ન ઇચ્છુક (Wanted to get married) હોવ અને કોઈ પરિચિત વ્યક્તિઓ પાસેથી અજાણી વ્યક્તિઓનો સંપર્ક કરાવવામાં આવે તો ચેતી જજો. કારણ કે ફરી એક વખત અમદાવાદ (Ahmedabad) શહેરમાં લુટેરી દુલ્હન અને તેની ગેંગનો કિસ્સો સામે આવ્યો છે. એક યુવકે ત્રણ લાખથી વધારે રૂપિયા ખર્ચ્યા હોવા છતાં પણ યુવતીએ તેની સાથે લગ્ન કર્યા ન હતા અને આ ગેંગના સભ્યો રૂપિયા લઇ ફરાર થઈ ગયા હતા. એટલું જ નહીં યુવકને મારી નાખવાની (To kill) ધમકી પણ આપી હતી. જેને લઈને યુવકે પોલીસ ફરિયાદ (Police complaint) કરતા પોલીસે ગુનો નોંધી તપાસ શરૂ કરી છે.
મૂળ રાજસ્થાનનો અને અગાઉ અમદાવાદમાં રહેતો અને હાલ મુંબઈમાં રહેતો 29 વર્ષીય યુવક કોપરની બંગડી બનાવવાનું કામકાજ કરે છે અને તે અપંગ છે. બે વર્ષ પહેલાં અમદાવાદ શહેરના ઇસનપુર ખાતે યુવક છૂટકમાં કટલરીનો વેપાર કરતો હતો. તે સમય દરમિયાન અમરાઇવાડી ખાતે રહેતા વિશ્વનાથ નામના વ્યક્તિ સાથે તે પરિચયમાં આવ્યો હતો.
વિશ્વનાથે યુવકને લગ્ન કરવાની સલાહ આપી હતી. બાદમાં લગ્ન કરાવનાર સુરેશભાઈ કે જે બાપુનગરનો રહેવાસી છે તેની સાથે મુલાકાત કરાવી હતી. ગત 12 ઓગસ્ટ 2020માં આ યુવક અને વિશ્વનાથ બંને સુરેશભાઈના ઘરે બાપુનગર ખાતે ગયા હતા. ત્યાં સુરેશભાઈએ તેમના ઘર પાસે રહેતા હરીદાસ તથા રાજુ તથા દિલીપ નામના વ્યક્તિઓ સાથે મુલાકાત કરાવી હતી અને લગ્ન બાબતે વાતચીત થઈ હતી.
બાદમાં રાજુભાઈએ યુવકને મહારાષ્ટ્રમાં અકોલા ખાતે એક છોકરી છે તેમ જણાવતા યુવકે લગ્નનો ખર્ચ પૂછ્યો હતો. જેથી રાજુ નામના વ્યક્તિએ લગ્ન થઈ જાય અને છોકરી તમારા ઘરે આવે ત્યાં સુધી 2.30 લાખ જેટલો ખર્ચ થશે અને છોકરી અમદાવાદ આવી જાય પછી પૈસા આપવાના રહેશે તેવું જણાવ્યું હતું. બાદમાં રાજુભાઈએ દિલીપભાઈની ગાડી ભાડે લઈ આ યુવક અને વિશ્વનાથ, સુરેશભાઈ, હરિદાસભાઈ, રાજુભાઈ તથા દિલીપભાઈ એક સાથે અકોલા ખાતે ગયા હતા.
બીજા દિવસે ત્યાં પહોંચી રાજુભાઈએ તેમના ઓળખીતા નરેશભાઈને ફોન કરી બોલાવ્યા હતા અને નરેશભાઈએ છોકરીને બતાવતા પહેલા રૂપિયા 11,000 શુકન પેટે આપો તો જ છોકરી બતાવીશું નહીં તેમ કહ્યું હતું. જેથી ફરિયાદી યુવકે નરેશભાઈને પૈસા આપ્યા હતા.
ભાજપને ઝટકો, અમરેલીના સાંસદે કોંગ્રેસ ધારાસભ્યના ભરપેટ કર્યા વખાણ | Gujarat Guardian
બાદમાં રાજુભાઈ નરેશભાઈના ઘરે લઈ ગયા હતા. ત્યાં નરેશભાઈ વિમળા માસી, સંજય, સુરજ પાટીલ તથા સુમિત્રા પાટીલ તથા સંજય તથા કલ્યાણીબેન સાથે મુલાકાત કરાવી હતી. સંજય સુમિત્રાનો બનેવી થતો હતો અને કલ્યાણીબેન સુમિત્રાની બહેન થતી હતી.
બાદમાં યુવકે સુમિત્રા પાટીલ સાથે મુલાકાત કરી પોતે અપંગ છે અને કટલરીનો વેપાર કરે છે તેવું જણાવતા સુમિત્રાએ હું મારી મરજીથી તમારી સાથે લગ્ન કરવા તૈયાર છું તેમ કહ્યું હતું. તે સમયે નરેશભાઈએ છોકરીના હાથમાં 1,100 આપવાનું કહેતા યુવકે પૈસા આપ્યા હતા અને અમદાવાદ પરત આવી ગયા હતા. બાદમાં બીજા દિવસે આ તમામ લોકો બાપુનગર આવ્યા હતા અને પૈસાની વાત કરી હતી.
જેથી યુવકે બાપુનગર ચાર રસ્તા ખાતે 20,000 રૂપિયા રોકડા આપ્યા હતા. બાદમાં ફોટો કોપી કઢાવી પછી કોર્ટમાં લગ્ન કરવા જઈએ તેમ કહી સામેવાળાઓએ 2.20 લાખ લઈ લીધા હતા અને ભાગી ગયા હતા અને ફોન બંધ કરી દીધો હતો.
બાદમાં આ શખ્સોએ ફોન ઉપાડી 30,000 રૂપિયા ખાતામાં નાખો તો અમે છોકરીને લઈને ફરીથી આવીશું તેમ કહ્યું હતું. બાદમાં આ યુવક મહારાષ્ટ્ર ખાતે ગયો હતો જ્યાં તેની પાસે વધુ રૂપિયાની માંગણી કરવામાં આવી હતી અને યુવતીને 15 દિવસ પછી તમારી સાથે મોકલીશું તેમ કહી ભરોસો અને વિશ્વાસ આપ્યો હતો. સાથે જણાવ્યું હતું કે, લગ્ન ન થાય તો તમારા પૂરેપૂરા પૈસા તમને પાછા આપી દઈશું.
જેથી યુવકે લગ્ન કરવાના ઇરાદે આ તમામ નાણા એટલે કે કુલ 3.88 લાખ રૂપિયા આ શખ્સોને ચૂકવ્યા હતા. બાદમાં સુમિત્રા નામની યુવતીએ યુવકને ફોન કરી જણાવ્યું કે હું દિવાળી પછી આવું છું, તમે મને કપડાં ખરીદવા અને જ્વેલરી ખરીદવા પૈસા આપો. જેથી યુવકે પૈસા આપ્યા હતા. જોકે, યુવતી આવી ન્હોતી અને ફોન ઉપાડવાનું બંધ કરી દીધું હતું.
યુવતી ઘરે ન આવતા યુવકે પૈસા પરત માંગતા આ શખ્સોએ ફોન ઉપર ગાળો બોલી જાનથી મારવા મારી નાખવાની ધમકી આપી હતી. સાથે જણાવ્યું હતું કે, મહારાષ્ટ્રમાં પગ મૂકીશ તો તને મારી નાખીશું. આ મામલે યુવકે મલકાપુર પોલીસ સ્ટેશનમાં અરજી આપી હતી. જ્યાં યુવતીએ 15 દિવસ પછી આવી જઈશ તેવું કહેતા અંદરો અંદર સમાધાન થયું હતું.
પરંતુ અનેક દિવસો સુધી રાહ જોવા છતાં પણ આ યુવતી ન આવતા આરોપી નરેશ, કલ્યાણીબહેન, સુમિત્રા પાટીલ અને તેનો બનેવી સંજય, વિમળા માસી અને સંજય અકોલા વાળો નામના શખ્સોએ 3.88 લાખ પડાવી લગ્ન ન કરી છેતરપિંડી આચરતા બાપુનગર પોલીસે ગુનો નોંધી તપાસ શરૂ કરી.
આ પણ વાંચો :-
દેવાધિદેવ મહાદેવ પર વિવાદિત ટિપ્પણી કરનાર સ્વામીનારાયણ સંતે માંગી માફી
Swaminarayan Sant
આનંદસાગર સ્વામીનો (Anandasagar Swami) ભગવાન શિવ પર વિવાદીત ટિપ્પણીનો (Controversial comment) મામલો હવે ટોકિંગ પોઈન્ટ બન્યો છે. ભગવાન શિવ વિશે અયોગ્ય ટિપ્પણી કર્યા બાદ આનંદસાગર સ્વામીને પોતાની ભૂલનું ભાન થયું હતું અને તેમણે પોતાની ભુલનો સ્વીકાર કર્યો છે. એટલુ જ નહિ, પ્રબોધ સ્વામીએ (Prophet Swami) સજા સ્વરૂપે મૌન પાળવા અને સાત દિવસ ઉપવાસના આદેશ કરાયા છે.
ઉલ્લેખનીય છે કે, આનંદસાગર સ્વામીએ હરિધામ સોખડાના પ્રબોધ સ્વામી ગ્રૂપના સ્વામી છે. તેમણે અમેરિકામાં આ પ્રકારનું પ્રવચન આપ્યું હતું જેનો વિવાદ થતા વીડિયો વાયરલ થયો હતો. તેમણે પ્રબોધ સ્વામીને મહાદેવ કરતા મોટા સ્વામી ગણાવ્યા હતા. આવી વાત જાહેર કરતા ભક્તોની લાગણી દુભાઈ હતી. આનંદસાગર સ્વામીએ નવો વીડિયો જાહેર કરીને માફી માંગી છે.
શિવ ભક્તોએ વિરોધ દર્શાવ્યો :
ગઈકાલે રાજકોટમાં આનંદસાગર સ્વામીનો એક વીડિયો વાયરલ થયો હતો. જેમાં આનંદસાગર સ્વામી દ્વારા ભગવાન શિવ વિશે અયોગ્ય ટિપ્પણી કરતા વિવાદ સર્જાયો હતો. ત્યારે આનંદસાગર સ્વામીનો આ વીડિયો વાયરલ થતા બ્રહ્મસમાજ દ્વારા આ નિવેદન પર રોષ વ્યક્ત કરવામાં આવ્યો હતો. વિવિધ જિલ્લાઓમાં આનંદસાગર સ્વામી સામે પોલીસ ફરિયાદ નોંધાવાની ચીમકી ઉચ્ચારી હતી.
MP: ઈન્દોરમાં યોગ્ય ભાવ ન મળવાથી ખેડૂતો પરેશાન, અનેક ક્વિન્ટલ લસણ નાળામાં ફેંકી દીધાં | Gujarat Guardian
સનાતન ધર્મને બદનામ કરવાની અને શાસ્ત્રમાં ઉલ્લેખ ન હોય તે પ્રકારની વાત હોવાનું બ્રહ્મસમાજ દ્વારા આરોપ લગાવવામાં આવ્યો હતો. ત્યારે ભગવાન મહાદેવ પર વાણીવિલાફ કરનાર આનંદસાગર સ્વામીએ પ્રબોધ સ્વામીએ સજા સ્વરૂપે મૌન પાળવા આદેશ કર્યો છે.
પોતાની ભૂલ સ્વીકારી માફી માંગી :
પોતાની ભૂલ સ્વીકરતા આનંદસાગર સ્વામીએ કહ્યું કે, આ અવસર થયો, ત્યારે પ્રબોધ સ્વામીએ કડક શબ્દોમાં સૂચન કર્યું અને શિબિર દરમિયાન મૌન આપ્યું છે. ત્યાર પછી મને સજારૂપે સાત દિવસના ઉપવાસ પણ આપ્યા છે. મારી વાણીથી ભક્તોની લાગણી દુભાઈ છે. તેથી હું સનાતત ધર્મના સમર્થકો, શિવભક્તોની અંતકરણથી હૃદયના સાચા ભાવથી માફી માંગુ છું.
આનંદસાગર સ્વામીએ ભગવાન શિવ વિશે શું કહ્યું હતું…
વીડિયોમાં આનંદસાગર સ્વામી કહી રહ્યા છે કે, નિશીથભાઈ મેઇન ગેટ જે ઝાંપો છે ત્યાં ગયા. ગેટ બંધ હતો અને ગેટની બહાર શિવજી ઊભા હતા. નિશીથભાઈએ વર્ણન કર્યું મને કે પિક્ચરમાં આપણે કેવી રીતે જોઇએ… એવી રીતે શિવજી જટાવાળા, નાગ વીંટેલો, ઋદ્રાક્ષ પહેરેલો, ત્રિશુલ હાથમાં બધી જ પ્રોપર્ટીની સાથે વ્યવસ્થિત ઊભા હતા. પછી નિશીથભાઈએ પ્રાર્થના કરી કે આપ અહીં સુધી આવ્યા છો તો અંદર પધારો તો પ્રબોધ સ્વામીજીનાં આપને દર્શન થઈ જાય.
ત્યારે શિવજીએ એમને કહ્યું કે, પ્રબોધ સ્વામીનાં દર્શન મને થયા એવાં મારાં પુણ્ય જાગ્રત નથી થયાં પણ મને તમારાં દર્શન થઈ ગયાં એ મારાં અહોભાગ્ય છે. એટલું વાક્ય બોલી શિવજી યુવકને નિશીથભાઈના ચરણસ્પર્શ કરી અને ત્યાંથી જતા રહ્યાં. તો એવી પ્રાપ્તિ આણને સૌને થઈ છે.
આ પણ વાંચો :-