Home Blog Page 1316

કમલમ બહાર ફેંકી દેવાયા ભાજપના ખેસ, રોષે ભરાયેલ લોકોએ કહ્યું-ભાજપે અમને ખેસ ઉતારવા મજબૂર કર્યાં

News Editor
-
0

BJP’s khas thrown out of Kamalam, angry

  • વિચરતી જાતિના કેટલાક આગેવાનોએ કમલમ પહોંચીને ભાજપના ખેસ ઉતારી દીધા, 2017માં સરકારે આપેલા વચન પૂરા ન કરતાં આગેવાનોનો ભાજપ છોડવાનો નિર્ણય, STની જગ્યાએ OBCમાં સામેલ કરવા સામે આગેવાનોનો વિરોધ

હાલ ગાંધીનગર (Gandhinagar) વિવિધ આંદોલનોનું ગઢ બન્યું છે. વિવિધ માંગણીઓ સાથે ગુજરાતના અનેક નાગરિકો તથા સરકારી કર્મચારીઓ (Government employee) રસ્તા પર ઉતર્યા છે. ત્યારે આજે આ વિરોધ પ્રદર્શન વચ્ચે એક અજીબ ઘટના બની હતી. એક તરફ જ્યાં ભાજપ દ્વારા ખેસ પહેરાવીને લોકોને આવકારવામાં આવી રહ્યાં છે.

ત્યાં બીજી તરફ વિચરતી જાતિના લોકોએ પોતાની માંગણીઓ પૂરી ન થતા વિરોધમા ભાજપના ખેસ ઉતારીને ફેંક્યો હતો. તમામે દુખી હ્રદયે રડતા રડતા ખેસ ઉતાર્યા. આ જાતિના લોકેએ કહ્યું કે, વર્ષ 2017 માં વચન આપ્યું હતું એ પૂરું ના કર્યું. ભાજપે અમને ખેસ ઉતારવા મજબુર કર્યા.

હાઇવે પર જાહેર રસ્તા પર ભાજપના ખેસ ઉતાર્યા :

ગુજરાતની વિચરતી વિમુક્ત જાતિ લાંબા સમયથી સરકાર સામે માંગણીઓ કરી રહી છે. સમાજના પડતર પ્રશ્નોની માંગ પૂરી ન થતાં સમાજના લોકોમાં રોષ વ્યાપ્યો છે. આ કારણે જ્ઞાતિના લોકોએ આજે ભાજપના કાર્યાલય કમલમ તરફ કૂચ કરી હતી.

કાકા જોતા જ રહ્યાં અને એક ટાબરિયું બિન્દાસ્ત બાઈક પર લટકાવેલી થેલી લઈને ફરાર, સીસીટીવીનો વીડિયો વાયરલ | Gujarat Guardian

વિચરતી વિમુક્ત જાતિના લોકોને કમલમ જતા પોલીસે અટકાવ્યા હતા. તેઓ કમલમ પહોંચે તે પહેલાં પોલીસે ઘેરી લીધા હતા. જેથી વિચરતી જાતીના લોકોએ હાઇવે પર જાહેર રસ્તા પર ભાજપના ખેસ ઉતાર્યા હતા. સમાજના પડતર પ્રશ્નોની માંગ પુરી ન થતાં સમાજના લોકોમાં રોષ છે, જેથી ખેસ ઉતારી વિરોધ વ્યક્ત કર્યો.

ભાજપે અમને ખેસ ઉતારવા મજબૂર કર્યા :

સમાજના આગેવાનોએ કમલમ પહોંચીને ભાજપનો ખેસ ઉતાર્યો હતો. એટલુ જ નહિ, પોતાના પ્રશ્નોનો ઉકેલ ન આવતા ભાજપ છોડવા નિર્ણય કર્યો. આ અંગે અખિલ ભારતીય આદિ મહાસંધના પ્રમુખ રૂપસંઘ ભાઈએ કહ્યું કે, આ સરકારે અમને અમારી અધિકાર ન આપ્યા.

વર્ષ 2017 માં વચન આપ્યું હતું એ પૂરું ના કર્યું. તેથી દુખી હૃદયે રડતા રડતા ખેસ ઉતાર્યા. ભાજપે અમને ખેસ ઉતારવા મજબૂર કર્યા. તેથી અમારે રોડ પર ખેસનો ઢગલો કરવો પડ્યો. જ્યા સુધી અધિકાર નહી મળે ત્યાં સુધી ખેસ ધારણ કરીશું નહિ.

આ પણ વાંચો :-

ઠગ સુકેશને મળવા તિહાડ જેલ ગઈ હતી ચાર હિરોઈન, નોરા-જેક્લીનની સાથે આ લોકો પણ પોલીસ રડારમાં

News Editor
-
0

Four heroines went to Tihar Jail to

  • સુકેશ ચંદ્રશેખરને ચાર અભિનેત્રીઓ તિહાડ જેલમાં મળી હતી, જેના માટે તેમને પૈસા પણ આપવામાં આવ્યા હતા.

લાંબા સમયથી સુકેશ ચંદ્રશેખર (Sukesh Chandrasekhar) સાથે કનેક્શનને કારણે અભિનેત્રી જેક્લીન ફર્નાન્ડિસ (Jacqueline Fernandes) અને નોરા ફાટેલી ચર્ચાઓમા છે. દિલ્હી પોલીસની (Delhi Police) આર્થિક ગુના શાખા જેક્લીન સાથે મામલાને લઈને પૂછપરછ પણ કરી ચૂકી છે.

આ ઉપરાંત કહેવામાં આવી રહ્યું છે કે ટીમ એ ચાર એક્ટ્રેસ સાથે પણ પૂછપરછ કરી શકે છે, જેમણે તિહાડ જેલમાં સુકેશ ચંદ્રશેખર સાથે મુલાકાત કરી હતી. આ ચાર એક્ટ્રેસના નામ નીકીતા તંબોલી, ચાહત ખન્ના, સોફિયા સિંહ અને અરુષ પાટિલ છે.

અલગ અલગ નામો સાથે કરાવી હતી ઓળખાણ  :

રિપોર્ટ્સ અનુસાર સુકેશની સહયોગી પિંકી ઈરાનીએ નીકીતા તંબોલી, ચાહત ખન્ના, સોફિયા સિંહ અને અરુષા પાટિલને અલગ અલગ નામોથી સુકેશ સાથે મુલાકાત કરાવી હતી. મુલાકાત બાદ એક્ટ્રેસને મોંઘી મોંઘી ગિફ્ટ્સ અને પૈસા પણ મળ્યા હતા.

કાકા જોતા જ રહ્યાં અને એક ટાબરિયું બિન્દાસ્ત બાઈક પર લટકાવેલી થેલી લઈને ફરાર, સીસીટીવીનો વીડિયો વાયરલ | Gujarat Guardian

આ મુલાકાત તિહાડ જેલમાં થઈ હતી. અરુષાએ મુલાકાતની વાતને કબૂલ  પણ  કરી હતી પણ તેણે કહ્યું હતું કે આ મુલાકાત તિહાડમાં નહોતી થઈ.

તિહાડમાં સુકેશને મળી હતી નીકીતા :

રિપોર્ટમાં કહેવામાં આવ્યું છે કે નીકીતા તંબોલી એક નહીં પણ બે વાર સુકેશને તિહાડ જેલમાં કાર્યાલયમાં મળી હતી. રિપોર્ટમાં ઇડીની ચાર્જશીટનો દાવો કરતાં જણાવવામાં આવ્યું છે કે 2018માં તિહાડ જેલનાં ગેટ નંબર 3થી અંદર જઈને સુકેશ સાથે નીકીતાની મુલાકાત થઈ હતી.

તંબોલીએ પોતાની ચાર્જશીટમાં જણાવ્યું છે કે પિંકીના કહેવા પર તેણે મુલાકાત કરી હતી અને પિંકીએ કહ્યું  હતું કે કોઈ ગરબડને કારણે તે જેલમાં છે અને ઓગસ્ટ 2018 સુધીમાં તેને જામીન મળી જશે. તંબોલીએ એમ પણ જણાવ્યું કે તે સમયે ગાડીની તપાસ કરવામાં આવી ન હતી અને કોઈ આઈડી પણ માંગવામાં આવ્યું ન હતું.

ચાહત સાતે શેખર બનીને મળ્યો હતો સુકેશ :

રિપોર્ટ અનુસાર ચાહત ખન્નાએ ઇડીને જણાવ્યું કે પિંકીએ સુકેશને સાઉથ ઇન્ડિયન ચેનલ્સનો માલિક શેખર રેડ્ડીના નામથી મળાવ્યો હતો. રિપોર્ટમાં કહેવામાં આવ્યું કે 2018માં શેખર રેડ્ડી સાથે મુલાકાતના બદલે એક્ટ્રેસને 2 લાખ રૂપિયા કેશ, મોંઘી ઘડિયાળ પણ મળી હતી.

આ પણ વાંચો :-

લગ્નના 6 વર્ષ બાદ મહિલાને ખબર પડી કે તેનો પતિ ટ્રાન્સજેન્ડર છે, ભાંડો ફૂટતા જ…

News Editor
-
0

After 6 years of marriage, the woman

  •  દિલ્હીની ઠગ યુવતીએ પુરુષ બનવા સર્જરી કરાવી વડોદરાની યુવતી સાથે લગ્ન કર્યા.

સંસ્કારી નગરી વડોદરામાં (Vadodara) વધુ એક ચોંકાવનારો કિસ્સો બન્યો છે. વડોદરાની મહિલા સાથે તેના પતિએ એવી છેતરપિંડી કરી કે જેણે જાણીને વિચારમાં પડી જશો. દિલ્હીની (Delhi) ઠગ યુવતીએ પુરુષ બનવા સર્જરી કરાવી વડોદરાની યુવતી સાથે લગ્ન કર્યા.

લગ્નના 6 વર્ષ બાદ મહિલાને ખબર પડી કે તેનો પતિ ટ્રાન્સજેન્ડર છે. મહિલાએ લિંગ પરિવર્તન (Gender change) કરીને સ્ત્રીમાંથી પુરુષ બનીને ડોક્ટર તરીકે ઓળખ આપી વડોદરાની મહિલા સાથે લગ્ન કર્યાં.

વડોદરાની મહિલાએ ટ્રાન્સજેન્ડર પતિ વિરુદ્ધ વડોદરાના ગોત્રી પોલીસ સ્ટેશનમાં છેતરપિંડીની ફરિયાદ નોંધાવી છે. મહિલાએ કહ્યું કે, વડોદરાની યુવતીના પહેલા પતિનું મૃત્યુ થયું છે, અને તેને પહેલા પતિથી સંતાનમાં એક દીકરી હતી. દીકરીના ભવિષ્ય માટે મહિલાએ બીજા લગ્ન કરવાનું નક્કી કર્યું. તેના બીજા લગ્ન દિલ્હીના યુવક વિરાજ હર્ષવર્ધન સાથે 6 વર્ષ પહેલા થયા હતા. પરિવારજનોએ યુવતી સાથે ફાઈવ સ્ટાર હોટલમાં ધામધૂમથી લગ્ન પણ કર્યાં.

કેવી રીતે ભાંડો ફૂટ્યો :

પતિ વિરાજ હર્ષવર્ધન સુહાગરાતે થાકી ગયાનું બહાનું કરીને સૂઈ ગયો હતો. તેના બાદ ડૉ.વિરાજ એલર્જીના બહાને પત્નીથી દૂર રહીને પૂજા-પાઠ કરતો હતો. પરંતું બે વર્ષથી ડો.વિરાજની હરકતો સામે શંકા જતાં વડોદરાની યુવતી પુરાવા શોધવા લાગી હતી. પરંતું મહિલા એકવાર પતિને દિલ્હીની સેક્સવર્કર સાથે જોઈ ગઈ હતી.

જેના બાદ મહિલાના હાથમાં એક ફાઈલ આવી, જે જોઈને તેના પગ નીચેથી જમીન સરકી ગઈ. ફાઈલમાં પતિના કલકત્તામાં થયેલી સર્જરીની માહિતી હતી. જેમાં પતિની હકીકત સામે આવી હતી.

ફાઈલમાં ઉલ્લેખ કરાયો હતો કે, ડો.વિરાજ હકીકતમાં વિજેતા હતો. લિંગ પરિવર્તનની સર્જરી કરાવીને તે યુવતીમાંથી યુવક બન્યો હતો. ડો.વિરાજે મોંઘીદાટ સર્જરી કરાવીને શરીરના ઉપરના ભાગનું પરિવર્તન કરાવ્યું હતું. આમ, લગ્નના 6 વર્ષ બાદ મહિલાને ખબર પડી કે તેનો પતિ ટ્રાન્સજેન્ડર છે.

કાકા જોતા જ રહ્યાં અને એક ટાબરિયું બિન્દાસ્ત બાઈક પર લટકાવેલી થેલી લઈને ફરાર, સીસીટીવીનો વીડિયો વાયરલ | Gujarat Guardian

આમ, પતિની સચ્ચાઈ સામે આવતા જ પત્નીએ ફરિયાદ કરી. જેના બાદ આરોપી પતિ વિરાજ હર્ષવર્ધનની દિલ્હીમાં પોલીસે ધરપકડ કરી છે. આરોપી ડો.વિરાજની ગોત્રી પોલીસે ધરપકડ છે. હાલ વિરાજને તપાસ અને પૂછપરછ માટે વડોદરા લાવવામાં આવ્યો છે.

વડોદરા પોલીસ આ મામલે તપાસ કરશે કે લિંગ પરિવર્તન એકટ મુજબ આ અંગેની સર્જરી થયા બાદ એક તબીબોની પેનલ બેસે છે અને ત્યારબાદ જિલ્લા કલેકટર તેને મંજૂરી આપે પછી લિંગ પરિવર્તન મુજબ તે પુરુષ બન્યો કે સ્ત્રી બન્યો તે અંગેની જાહેરાત ગેઝેટમાં થાય છે. આ પ્રક્રિયાને ડો.વિરાજે અનુસરી છે કે કેમ?

ડો.વિરાજની હકીકતો પરથી પડદો ઊંચકાયો :

ડો.વિરાજ સામે શંકા જતાં વડોદરાની યુવતી પુરાવા શોધવા લાગી હતી. ડો.વિરાજે તેને ધમકી આપતો હતો કે, ભારત સરકારના કેન્દ્રીય મંત્રી હર્ષ વર્ધનનું નાજાયઝ સંતાન છું અને તેઓ મારા નામે અનેક સ્કીમો મુકે છે. એટલે યુવતીએ કેન્દ્રીય મંત્રીની ઓફિસમાં જઇ આ અંગેની તપાસ કરતાં મંત્રીના અંગત મદદનીશે કહ્યું હતું કે, આ વાત બિલકુલ વાહીયાત અને બિનપાયેદાર છે. આ સાંભળી યુવતીને વિરાજના કારસ્તાનની ગંભીરતા સમજાઈ હતી.

ચોંકાવનારી હકીકત એ છે કે, ડો.વિરાજે અન્ય યુવતી સાથે પણ લગ્ન કર્યા હતાં. તેની બે માતા અને બે સાવકી બહેનો સામે ફરિયાદ થઇ છે. જેમાં સગી માતા કુસુમ હર્ષબર્ધન શ્રીવાસ્તવ (વર્ધા), સાવકી માતા અનીતા હર્ષબર્ધન શ્રીવાસ્તવ (હૈદરાબાદ), સાવકી બહેનો શુબી હર્ષબર્ધન, અસ્મિતા અગ્રવાલ છે.

વડોદરામાં મીડિયા સમક્ષ આરોપી વિરાજે સ્વીકાર્યુ કે, જેન્ડર ચેન્જ કરવા ત્રણ સ્ટેજની સર્જરી કરવી જરૂરી છે. મારી બે સ્ટેજની સર્જરી થયેલી હતી. આ બાબત મેં લગ્ન પહેલા જ જણાવી હતી. ફેલો સર્જરીની સારવાર બાકી હતી. મારી સર્જરી સક્સેસ થઈ હતી.

આ વિશે ઝોન-2ના ડીસીપી અભય સોનીએ કહ્યું કે, વિરાજે મહિલા તરીકે રહીને મહિલા સાથે અકુદરતી સંબંધ બાંધ્યા હતા. તેમજ ખોટી રીતે લોન લઈ ગુનો કર્યો છે. આરોપીની બહેનો અને સાસુને આરોપી તરીકે લેવામાં આવશે.

સાથે જ વિરાજે સેકસ ચેન્જ કરવાની કાયદાકીય પ્રક્રિયા પૂરી કરી નથી. તેમના લગ્ન 2014 માં થયા હતા. પરંતું 2014 થી 2020 સુધી અંગત પાર્ટમાં ઇન્ફેક્શન હોવાનું બહાનું કાઢી મહિલા સાથે અંગત સંબંધો બાંધવાનું ટાળ્યું હતું.

આ પણ વાંચો :-

17 વર્ષ બાદ પાકિસ્તાન આવેલી ઇંગ્લેન્ડની ટીમે દાખવી દરિયાદિલી, પૂર પીડિતો માટે કરી મદદની જાહેરાત

News Editor
-
0

After 17 years, the England team came to

  • ઈંગ્લેન્ડ ક્રિકેટ ટીમના કેપ્ટન જોસ બટલરને આશા છે કે પાકિસ્તાન સાથેની 7 મેચની T20 શ્રેણી દેશમાં વિનાશક પૂરથી પ્રભાવિત લાખો લોકોનો ઉત્સાહ વધારવામાં મદદરૂપ થશે.

ઈંગ્લેન્ડ ક્રિકેટ ટીમના (England Cricket Team) કેપ્ટન જોસ બટલરને (Jos Buttler) આશા છે કે પાકિસ્તાન સાથેની 7 મેચની T20 શ્રેણી દેશમાં વિનાશક પૂરથી પ્રભાવિત લાખો લોકોનો ઉત્સાહ વધારવામાં મદદરૂપ થશે. ઈંગ્લેન્ડની ટીમ ગુરુવારે 17 વર્ષ બાદ પાકિસ્તાનના (Pakistan) પ્રવાસે આવી હતી. ટીમ આવતા સપ્તાહથી સાત T20 આંતરરાષ્ટ્રીય મેચોની શ્રેણી રમીને આગામી મહિને ઓસ્ટ્રેલિયામાં (Australia) યોજાનારા T20 વર્લ્ડ કપની તૈયારી કરશે.

બટલરે કહ્યું, “આ મુશ્કેલ સમય છે કે પાકિસ્તાનના લોકો પૂરનો સામનો કરી રહ્યા છે. એક ટીમ તરીકે, અમે અમુક રકમ દાન કરી રહ્યા છીએ. બોર્ડ (ઈંગ્લેન્ડ અને વેલ્સ ક્રિકેટ બોર્ડ) પણ એટલી જ રકમ આપશે. જરૂરિયાતમંદ લોકોને મદદ કરવાનો આ એક નાનકડો પ્રયાસ છે. આશા છે કે અમે રોમાંચક ક્રિકેટ રમીને લોકોનો ઉત્સાહ વધારી શકીશું.”

બટલર સહિત ઈંગ્લેન્ડના મોટાભાગના ખેલાડીઓ પ્રથમ વખત પાકિસ્તાનનો પ્રવાસ કરી રહ્યા છે. ટીમમાં પરત ફરેલા એલેક્સ હેલ્સ, મોઈન અલી અને લિયામ ડોસન પાકિસ્તાન સુપર લીગમાં પણ સામેલ થયા છે.

બેન સ્ટોક્સ, ક્રિસ જોર્ડન અને લિયમ લિવિંગસ્ટોને આ પ્રવાસમાંથી પોતાનું નામ પાછું ખેંચ્યું હતું. પરંતુ તેઓ ઈંગ્લેન્ડની T20 વર્લ્ડ કપ ટીમનો ભાગ છે. ઈંગ્લેન્ડની ટીમ 20 થી 25 સપ્ટેમ્બર દરમિયાન કરાચીમાં ચાર T20 ઈન્ટરનેશનલ મેચ રમશે. બાકીની ત્રણ મેચ લાહોરમાં 28 સપ્ટેમ્બરથી 2 ઓક્ટોબર સુધી રમાશે.

ઈંગ્લેન્ડ ક્રિકેટ છેલ્લે વર્ષ 2005માં ઈંગ્લેન્ડની મુલાકાતે આવ્યું હતું. આ પ્રવાસમાં ટીમે ત્રણ ટેસ્ટ અને પાંચ વન-ડેની શ્રેણી રમી હતી, જેમાં તેને ખરાબ રીતે હારનો સામનો કરવો પડ્યો હતો. પાકિસ્તાને ઈંગ્લેન્ડને ટેસ્ટમાં 2-0થી અને વનડેમાં 3-2થી હરાવ્યું હતું.

કાકા જોતા જ રહ્યાં અને એક ટાબરિયું બિન્દાસ્ત બાઈક પર લટકાવેલી થેલી લઈને ફરાર, સીસીટીવીનો વીડિયો વાયરલ | Gujarat Guardian

જો કે, આ 17 વર્ષોમાં બંને ટીમો લગભગ સંપૂર્ણપણે બદલાઈ ગઈ છે. તે જ સમયે, ઇંગ્લેન્ડની ટીમ ટી20માં તેના શાનદાર ફોર્મમાં છે. આવી સ્થિતિમાં પાકિસ્તાન માટે આ વખતે મુલાકાતી ટીમને હરાવવાનું એટલું સરળ નથી.

આ સિવાય એશિયા કપની ફાઇનલમાં હાર બાદ પાકિસ્તાની ટીમનું મનોબળ ઘટી ગયું છે. આ સિવાય ટીમના કેટલાક ખેલાડીઓ ખરાબ ફોર્મ અને ઈજાથી પણ ઝઝૂમી રહ્યા છે જેના કારણે તેમની મુશ્કેલીઓ વધી ગઈ છે.

આ પણ વાંચો :-

22 સપ્ટેમ્બરે ST બસથી મુસાફરી કરવાના હોવ તો પહેલા જાણી લેજો આ સમાચાર, નિગમે લીધો છે મોટો નિર્ણય

News Editor
-
0

If you want to travel by ST bus on September

  • ચૂંટણી પૂર્વે ગુજરાતમાં વધુ એક આંદોલનના ભણકારા વાગી રહ્યાં છે. એટલે કે આરોગ્યકર્મીઓ, ખેડૂતો અને પૂર્વ સૈનિકો બાદ હવે ST નિગમના કર્મચારીઓ આંદોલનના મૂડમાં.

ગુજરાતમાં આરોગ્યકર્મીઓ (Health workers), ખેડૂતો અને પૂર્વ સૈનિકોના આંદોલનના કારણે હાલ સમગ્ર રાજ્યનું વાતાવરણ ડહોળાયું છે. હાલમાં ગાંધીનગર (Gandhinagar) ખાતે વિધાનસભા ગેટ નંબર 1 નજીક પોલીસનો ચુસ્ત બંદોબસ્ત ગોઠવી દેવાયો છે. ત્યારે હવે રાજ્ય સરકાર (State Govt) સામે વઘુ એક આંદોલનના ભણકારા વાગી રહ્યાં છે.

રાજ્યની તમામ ST બસોના પૈડા 22 સપ્ટેમ્બરની મધરાતથી થંભી શકે :

રાજ્ય સરકાર સામે વધુ એક આંદોલનની તૈયારી શરૂ કરવામાં આવી રહી છે. તાજેતરમાં જ રાજ્યના ST નિગમને લઇને સૌથી મોટા સમાચાર સામે આવ્યા છે. એટલે કે ટૂંક સમયમાં ST નિગમના કર્મચારીઓ પણ રાજ્ય સરકાર વિરૂદ્ધ આંદોલન કરી શકે છે. આથી ST નિગમના કર્મચારીઓ જો આંદોલનના માર્ગ પર ઉતરશે તો રાજ્યની તમામ ST બસોના પૈડા 22 સપ્ટેમ્બરની મધરાતથી થંભી જશે.

કાકા જોતા જ રહ્યાં અને એક ટાબરિયું બિન્દાસ્ત બાઈક પર લટકાવેલી થેલી લઈને ફરાર, સીસીટીવીનો વીડિયો વાયરલ | Gujarat Guardian

ST નિગમના ત્રણેય યુનિયનની બેઠકમાં આ પ્રકારે નિર્ણય લેવાયો :

ખેડૂતો, આરોગ્યકર્મીઓ અને પૂર્વ સૈનિકો બાદ હવે રાજ્યના ST નિગમના હજારો કર્મચારીઓ આંદોલનના મૂડમાં જોવા મળી રહ્યાં છે. આ મુદ્દે ST નિગમના ત્રણેય યુનિયનની બેઠક પણ મળી ચૂકી છે. ત્રણેય યુનિયનની બેઠકમાં આ પ્રકારે નિર્ણય લેવાયો છે. આ બેઠકમાં મોંઘવારી ભથ્થા સહિતના 20 મુદાને લઈને રજૂઆત કરાઈ હતી.

તમને જણાવી દઇએ કે મળતી માહિતી મુજબ ST નિગમના કર્મચારીઓ 22 સપ્ટેમ્બરની મધરાતથી જ માસ સીએલ પર ઉતરી જશે. જ્યાં સુધી પડતર પ્રશ્નોનો કોઇ નિકાલ નહીં થાય ત્યાં સુધી કર્મચારીઓ માસ સીએલ પર રહેશે એવું જાણવા મળી રહ્યું છે.

જાણો શું છે ST નિગમના કર્મચારીઓની માંગ ?

1. રાજ્યના તમામ કર્મચારીઓ ની જેમ ST ના કર્મચારીઓને 34 ટકા DA આપવાની માંગ
2. વર્ગ 4ના કર્મચારીઓને છેલ્લા 2 વર્ષથી નથી મળ્યું બોનસ તે તાત્કાલિક આપવા માંગ
3. ડ્રાઇવર અને કાંડક્ટરને 1900 ગ્રેડ પે આપવા માંગ
4. ફિક્સ પે ના કર્મચારીઓને 16,500 ની બદલે બીજા 19950 આપવા માંગ
5. છેલ્લા 25 વર્ષમાં ભાડા ભથ્થામાં નથી થયો વધારો, તાત્કાલિક વધારો કરવા માંગ
6. 2011 પહેલા ચાલુ નોકરીએ મરણ પામેલ કર્મચારીના વારસદારોને નોકરીની માંગ
7. રજાના પગારનું રોકડમાં ચુકવણી
8. નિવૃત કર્મચારીઓને રજા ના પગાર નું ચુકવણું કરવું
9. નિગમના મહિલા કર્મચારીઓને રેસ્ટ રૂમની અલગ વ્યવસ્થા કરવા માંગ
10. કામદાર વિરોધી 20/77 નો પરિપત્ર રદ્દ કરવા માંગ

આ પણ વાંચો :-

પિતા પુત્ર આમને સામને : જુનાગઢ ભાજપમાં પાયાનો પથ્થર ગણાતા જેઠાભાઈ પાનેરાના પુત્ર આપમાં જોડાયા

News Editor
-
0

Father and son face each other: Son of Jethabhai Panera

  • પિતા ભાજપમાં અને પુત્રએ આમ આદમી પાર્ટીનો ખેસ પહેર્યો, માણાવદરમાં વર્ષોથી ભાજપના પાયાના પથ્થર ગણાતા વ્યક્તિ ભાજપ અગ્રણી જેઠાભાઈ પાનેરાના પુત્ર સમીર પાનેરા આમ આદમી પાર્ટીમાં જોડાયા.

વિધાનસભા 2022 (Assembly 2022) ની ચૂંટણી જ્યારે નજીક આવી રહી છે ત્યારે આમ આદમી પાર્ટી (Aam Aadmi Party) જોરશોરથી પ્રચારમાં લાગી ગઈ છે. અનેક નેતાઓ અને લોકો આપમાં જોડાઈ રહ્યાં છે. પાર્ટી દ્વારા શહેર નગર અને ગામડે ગામડે જઈ દિલ્હીમાં (Delhi) કરેલા કામોનું સરવૈયું કરવામાં આવી રહ્યું છે. આવામાં જુનાગઢ (Junagadh) ભાજપને મોટો ફટકો પડ્યો છે.

જુનાગઢ ભાજપમાં પાયાનો પથ્થર ગણાતા અગ્રણી નેતા જેઠાભાઈ પાનેરાનો પુત્ર સમીર પાનેરા આમ આદમી પાર્ટીમાં જોડાયા છે. ત્યારે પિતા વર્સિસ પુત્રનું રાજકારણ જૂનાગઢમાં હવે જોવા મળશે.

જૂનાગઢમાં માણાવદર તાલુકાના જે.એમ પાનેરા કોલેજના ટ્રસ્ટી અને વર્ષોથી ભાજપના પાયાના પથ્થર અને રાજકારણમાં અગ્રણી ગણાતા આહીર સમાજના જેઠાભાઈ પાનેરાના નાના દીકરા સમીર પાનેરા આમ આદમી પાર્ટીમાં જોડાતા રાજકારણમાં તર્ક વિતર્કો સર્જાયા છે. પિતા ભાજપમાં હોવા છતાં પુત્ર સમીર પાનેરાએ આમ આદમી પાર્ટીનો ખેસ ધારણ કર્યો છે.

થોડા સમય પહેલા જ માણાવદર ખાતે ભાજપ અધ્યક્ષ સી.આર.પાટીલ જેઠાભાઈ પાનેરાની કોલેજ ખાતે વાર્ષિક મહોત્સવમાં હાજરી આપી હતી. આ બાદ અચાનક સમીર પામેરા આપમાં જોડાયા સમાચાર મળતા રાજકારણમાં ગરમાવો આવ્યો છે.

કાકા જોતા જ રહ્યાં અને એક ટાબરિયું બિન્દાસ્ત બાઈક પર લટકાવેલી થેલી લઈને ફરાર, સીસીટીવીનો વીડિયો વાયરલ | Gujarat Guardian

બીજી તરફ સમીર પાનેરા સાથે વાત કરતા તેમને જણાવ્યું હતું કે, સમાજના સેવાકીય કાર્યો કરવાની પદ્ધતિને લઈ આમ આદમી પાર્ટીથી આકર્ષાઈને હું આમ આદમી પાર્ટીમાં જોડાયો છું. મારા પિતા ભાજપમાં વર્ષોથી છે. અમે લોકો સાથે ડિનર કરવા બેસીએ છીએ. પરંતુ એકબીજાના વિચારો અલગ હોય.

હું સમાજ સેવાના ભાવથી આમ આદમી પાર્ટીમાં જોડાયો છું અને આવનાર સમયમાં પણ આમ આદમી પાર્ટી લોકોની વચ્ચે રહી લોકોના પ્રશ્નોનું નિરાકરણ લાવશે અને લોકોને સુખ સુવિધાઓ પૂરી પાડવા હંમેશા આગળ રહેશે.

આણ માણાવદરમાં વર્ષોથી ભાજપના પાયાના પથ્થર ગણાતા વ્યક્તિ ભાજપ અગ્રણી જેઠાભાઈ પાનેરાના પુત્ર સમીર પાનેરા આમ આદમી પાર્ટીમાં જોડાતા રાજકીય ગણગણાટ શરૂ થયો છે. સમીર પાનેરાએ પોતાના facebook આઇડીમાં આમ આદમી પાર્ટીમાં જોડાયાની જાહેરાત કરી છે.

આ પણ વાંચો :-

ગેનીબેન ઠાકોરની પોલીસને ખુલ્લી ચેતવણી : ધરણાં પર બેસેલી આંગણવાડી બહેનોને આંગળી અડાડી તો…

News Editor
-
0

Ganiben Thakor’s open warning to the police

  • આંગણવાડી બહેનોના વિરોધ કાર્યક્રમમાં વાવના ધારાસભ્ય ગેનીબેન ઠાકોરની પોલીસને ચેતવણી, ગેનીબેને કહ્યું બહેનોને આંગળી અડાડશો તો આંગળી કાપી નાખીશું, હક માગતા લોકો સામે અત્યાચાર કરવાની પોલીસની ડ્યુટી નથી.

આંગણવાડી બહેનોના (Anganwadi sisters) વિરોધ કાર્યક્રમમાં વાવના ધારાસભ્ય ગેનીબેન ઠાકોરની પોલીસને ખુલ્લી ચેતવણી આપી છે. ગેનીબેને કહ્યું કે, બહેનોને આંગળી અડાડશો તો આંગળી કાપી નાંખીશું, હક માગતા લોકો સામે અત્યાચાર કરવાની પોલીસની ડ્યુટી નથી.

તમે કાયદો અને વ્યવસ્થા (Law and order) જાળવવા બંધાયેલા છો. ન્યાય માટે હક માગતા લોકો સામે અત્યાચાર કરવાની ડ્યુટી નથી. વાવના ધારાસભ્ય ગેનીબેનનું (Legislator Ganiben) આ નિવેદન પોલીસને પડકાર ફેંકતું નિવેદન છે.

થરાદમાં આંદોલન કરી રહેલી આંગણવાડી અને તેડાગર બહેનોને ફરજ પર હાજર થવા ICDSએ નોટિસ આપી હતી. જેના પછી થરાદ આંગણવાડી બહેનોના ધરણા કાર્યક્રમમાં વાવ તાલુકાની બહેનો પણ જોડાતા સંખ્યાબળ વધ્યું છે. જેના કારણે વાવના ધારાસભ્ય ગેનીબહેન ઠાકોર પણ આંગણવાડી બહેનોના સમર્થનમાં આવ્યા છે. થરાદમાં આંગણવાડી બહેનોના ધરણા કાર્યક્રમમાં પહોંચેલા વાવ ધારાસભ્યની પોલીસને ચેલેન્જ કરતું નિવેદન આપ્યું છે.

ધારાસભ્ય ગેનીબેને પોલીસ તરફ ઈશારો કરતા કહ્યું કે, જો આ બહેનોને આંગળી અડાડી છે તો આંગળી કાપી નાંખીશું. તમે કાયદો અને વ્યવસ્થા જાળવવા બંધાયેલા છો. ન્યાય માટે હક માંગતા અત્યાચાર કરવાની તમારી ડ્યુટી નથી. છતાં પણ કોઈ પોલીસ વહીવટી તંત્રના કહેવાથી તમને હેરાન કરતી હોય તો અમે તમારી સાથે છીએ.

થરાદમાં આંદોલનકરી આંગણવાડી અને તેડાગર બહેનોને ફરજ પર હાજર થવા આઇસીડીએસએ પાઠવેલી નોટિસોની પણ અવગણના કરવામા આવી છે. તંત્રની નોટિસો બાદ થરાદ આંગણવાડી બહેનોના ધરણા કાર્યક્રમમાં વાવ તાલુકાની બહેનો પણ જોડાઈ છે. જેથી વિરોધ પ્રદર્શનમાં સંખ્યાબળ વધ્યું છે.

રાજેન્દ્ર ત્રિવેદી બાસ્કેટબોલ રમ્યા પણ ગોલ ન કરી શક્યા, જુઓ વિડીયો | Gujarat Guardian

તો બીજી તરફ, ગાંધીનગરમાં ચાલતા આંદોલનને લઈ સરકાર એકશનમાં આવી છે. આરોગ્ય કર્મચારીઓ સાથે આજે સરકારના મંત્રીઓ બંધબારણે બેઠક કરશે. ઉલ્લેખનીય છે કે, છેલ્લા 41 દિવસથી ગુજરાતના આરોગ્ય કર્મીઓ હડતાળ પર છે, જેમની સમસ્યાનો કોઈ ઉકેલ આવ્યો નથી.

ત્યારે ગાંધીનગરમાં વધી રહેલા વિરોધ પ્રદર્શનોને જોતા સરકાર હવે આંદોલનો સમેટવાના મૂડમાં છે, કારણ હવે ચૂંટણી આવી રહી છે. આ આંદોલનોની સીધી અસર ચૂંટણી પર થશે. આ માટે સરકારે કમિટીના સભ્યોને બેઠક માટે બોલાવ્યા છે. જોકે, આરોગ્ય કર્મચારીઓ સાથે મંત્રીઓની આ વધુ એક બેઠક છે. આ અગાઉ પણ અનેક વખત બેઠકો યોજી ચુક્યા છે, પરંતુ આરોગ્ય કર્મચારીઓની સમસ્યાઓનો કોઈ ઉકેલ આવતો નથી.

આ પણ વાંચો :-

iPhone બનાવવામાં હવે TATA નો પણ હશે મોટો રોલ ? ડીલ માટે ચાલી રહી છે ચર્ચા

News Editor
-
0

TATA will also have a big role in making

  • ભારતમાં iPhone મેન્યુફેક્ચરિંગ માટે ટાટા ગ્રુપ અને તાઈવાનની Wistron Corp વચ્ચે વાતચીત ચાલી રહી છે.

ભારતમાં iPhone મેન્યુફેક્ચરિંગ માટે ટાટા ગ્રુપ અને તાઈવાનની Wistron Corp વચ્ચે વાતચીત ચાલી રહી છે. બંને કંપનીઓ મળીને જોઇન્ટ વેન્ચર સ્થાપિત કરી શકે છે, જ્યાં Apple iPhone એસેમ્બલ કરવામાં આવશે. આ જાણકારી બ્લૂબર્ગે (Blauber) શુક્રવારે આપી છે.

શું છે પ્લાન ?

મામલા સાથે જોડાયેલ એક વ્યક્તિએ જણાવ્યું કે આ વેન્ચર ટાટા ગ્રુપની ટેકનોલોજી મેન્યુફેક્ચરિંગ સેક્ટરમા નવી કોશિશ હશે. ભારતમા Apple iPhoneની એસેમ્બલિંગ વર્ષ 2017મા શરૂ થઈ હતી. ભારતમા Foxconn અને Wistron બંને આઇફોન એસેમ્બલ કરે છે.

રાજેન્દ્ર ત્રિવેદી બાસ્કેટબોલ રમ્યા પણ ગોલ ન કરી શક્યા, જુઓ વિડીયો | Gujarat Guardian

એપલ ચીન અને તાઇવાન બહાર હવે ભારતમા એસેમ્બલી યૂનિટ્સ તૈયાર કરી રહ્યું છે. જો કે ટાટા અને Wistron વચ્ચે ચાલી રહેલી વાતચીતમાં એપલ સામેલ છે કે નહીં એ જાણકારી મળી નથી.

હાલમાં જ iPhone 14 લોન્ચ થયો :

આ પ્લાનને પૂરો કરવા માટે બે રસ્તા છે. ટાટા ગ્રુપ Wistronનાં ઈન્ડિયા ઓપરેશનમાં ઇક્વિટી ખરીદી શકે છે અથવા બંને કંપનીઓ મળીને એક નવો એસેમ્બલી પ્લાન્ટ શરૂ કરી શકે છે. ડીલ સાથે જોડાયેલ બધી જ ડિટેલ્સ હજુ ફાઇનલ નથી થઈ. આ મામલામાં એપલ, ટાટા ગ્રુપ અને Wistron કોઈએ ટિપ્પણી કરી નથી.

આ પણ વાંચો :-

તમે તમારી ગાડી ભાડે આપી હોય તો ખાસ જોજો, સામે આવ્યું રાજ્ય વ્યાપી છેતરપીંડીનું કૌભાંડ

News Editor
-
0

Watch out if you’ve rented your car

  • અમદાવાદના ગોતા વિસ્તારમાંથી પણ આરોપીઓએ ગાડી હર્ષદ પરમાર અને પાર્થ શાહને ભાડ લીધી હતી. પરંતુ આરોપીઓએ આ ગાડી અન્ય વ્યક્તિને ગીરવે આપી અને ઉંચી કિંમત મેળવી હતી.

અમદાવાદમાં (Ahmedabad) ફોરવ્હીલ ગાડી ભાડે રાખીને તેને ગીરવે મૂકવાના કૌભાંડનો પર્દાફાશ થયો છે. અમદાવાદ ક્રાઈમ બ્રાન્ચે (Ahmedabad Crime Branch) રૂપિયા 1.54 કરોડના કૌભાંડ કેસમાં બે આરોપીની ધરપકડ કરી છે.

ક્રાઈમ બ્રાન્ચે ધરપકડ કરેલ બન્ને આરોપીઓના નામ હર્ષદ પરમાર અને પાર્થ ઉર્ફે જય શાહ છે. જેમની પર 1.54 કરોડનું કૌભાંડ આચરવાનો આરોપ છે. આ રાજ્ય વ્યાપી કૌભાંડમાં આરોપીઓએ ફોરવ્હીલ ગાડીઓ ભાડે લઈ બારોબાર અન્ય વ્યક્તિઓને મોટી રકમ મેળવી ગીરવે મૂકી દીધી.

અમદાવાદના ગોતા વિસ્તારમાંથી પણ આરોપીઓએ ગાડી હર્ષદ પરમાર અને પાર્થ શાહને ભાડ લીધી હતી. પરંતુ આરોપીઓએ આ ગાડી અન્ય વ્યક્તિને ગીરવે આપી અને ઉંચી કિંમત મેળવી હતી. જેની જાણ ફરિયાદી વિપુલભાઈને થતા તેમણે ક્રાઈમ બ્રાન્ચને જાણ કરી હતી. તપાસ કરતા ફોરવહીલ ગાડીનું કૌભાંડ સામે આવતા પોલીસે બન્ને આરોપીની ધરપકડ કરી લીધી છે.

રાજેન્દ્ર ત્રિવેદી બાસ્કેટબોલ રમ્યા પણ ગોલ ન કરી શક્યા, જુઓ વિડીયો | Gujarat Guardian

પકડાયેલા આરોપીઓ છેલ્લા એક વર્ષથી ગાડીઓ ભાડે લઈને ગીરવે આપીને ઠગાઈ કરતા હતા. બંને આરોપીઓને ટૂંક સમયમાં વધુ પૈસા કમાવાની લાલચ હતી. જેથી તેમને છેતરપીંડીનો ધંધો શરૂ કર્યો. આ આરોપીઓ સૌ પ્રથમ ગાડીઓના માલિકનો સંપર્ક કરતા હતા. તેમની સાથે પરિચય કેળવીને વિશ્વાસમાં લઈને તેઓને ટાર્ગેટ કરતા હતા. જેમાં ગાડી માલિકોને ઊંચું ભાડું ચૂકવવાની લાલચ આપીને ગાડીના માલિકને વિશ્વાસમાં લેતા હતા.

No description available.

થોડા સમય માટે તેઓ નિયમિત ભાડું ચૂકવતા હતા અને ત્યારબાદ ગાડી બારોબાર અન્ય વ્યક્તિને ગિરવે આપીને ઊંચી કિંમત મેળવી લઈ ફરાર થઈ જતા હતા. આ પ્રકારે અસંખ્ય ગાડીઓના માલિકને ટાર્ગેટ કરીને રૂપિયા 1.54 કરોડનું કૌભાંડ આચર્યું હતું.

ગાડીઓને ગીરવે આપવાના કૌભાંડ મામલે ક્રાઈમ બ્રાન્ચ બંને આરોપી હર્ષદ પરમાર અને પાર્થ શાહની ધરપકડ બાદ કોર્ટમાં રજૂ કરી રિમાન્ડની કાર્યવાહી હાથ ધરી છે. આ આરોપીઓ સાથે અન્ય કોઈ વ્યક્તિની સંડોવણી હતી કે નહીં તે મુદ્દે પણ તપાસ શરૂ કરી છે.

આ પણ વાંચો :-

ગુજરાતમાં AAP મોટો દાવ રમવાની તૈયારીમાં, આ લોકપ્રિય નેતાને આપશે મોટી જવાબદારી

News Editor
-
0

As AAP prepares to make a big bet in Gujarat

  • ગુજરાતના લોકો આવા ભરોસાપાત્ર ચહેરા પર વિશ્વાસ જીતવા માંગે છે, જે ખુદ સક્ષમ હોય. તેમજ બાકીની પાર્ટીના રિમોટ કન્ટ્રોલ્ડ નેતાઓની જેમ ઈશારા પર ચાલનારો ન હોય. તેથી આમ આદમી પાર્ટી એવા નેતાને લાવી રહી છે જે યુવાઓમા લોકપ્રિય છે.

આમ આદમી પાર્ટી (Aam Aadmi Party) ગુજરાતના પંજાબની તર્જ પર ચૂંટણી જીતવા માંગે છે. તે માટે હવે તે ગુજરાતમાં મોટો દાવ ખેલવા જઈ રહી છે. પંજાબમાં આમ આદમી પાર્ટીના મોટા ગજાના નેતાની ગુજરાતમા નિમણૂંક થવા જઈ રહી છે. પંજાબમાં આમ આદમી પાર્ટીની જીત જે નેતાને કારણે થઈ અને પંજાબમાં સહપ્રભારી રહેલા રાજ્યસભા સાંસદ રાઘવ ચઢ્ઢાને (Rajya Sabha MP Raghav Chadha) ગુજરાતમાં મોટી જવાબદારી મળવા જઈ રહી છે.

યુવા નેતા રાઘવ ચઢ્ઢા યુવાઓની વચ્ચે ભારે લોકપ્રિય છે. આ પહેલા તેઓ દિલ્હી અને પંજાબમાં મહત્વની જવાબદારી નિભાવી ચૂક્યા છે. ત્યારે હવે આપ તેમને ગુજરાતમાં મોટી જવાબદારી સોંપવા જઈ રહ્યું છે.

ગુજરાતમાં AAP રમશે મોટો દાવ :

ઉલ્લેખનીય છે કે, રાઘવ ચઢ્ઢા કુશળ રાજકીય નેતા અને ચૂંટણી મેનેજમેન્ટમાં એક્સપર્ટ ગણાય છે. રાઘવ ચઢ્ઢાની એન્ટ્રી બાદ ગુજરાતના શહેરી અને ગ્રામીણ વિસ્તારો અને યુવાઓની વચ્ચે આમ આદમી પાર્ટી જોરશોરથી ઉતરવાની તૈયારી કરી રહી છે.

Gujarat Elections 2022: गुजरात में AAP खेलने जा रही बड़ा दांव, राघव चड्ढा को मिल सकती है अहम जिम्मेदारी

સૂત્રોનું કહેવુ છે કે, ગુજરાતને આમ આદમી પાર્ટીને સારો ફીડબેક મળી રહ્યો છે. ગુજરાતના લોકો આવા ભરોસાપાત્ર ચહેરા પર વિશ્વાસ જીતવા માંગે છે જે ખુદ સક્ષમ હોય. તેમજ બાકીની પાર્ટીના રિમોટ કન્ટ્રોલ્ડ નેતાઓની જેમ ઈશારા પર ચાલનારો ન હોય.

ગુજરાતમાં સક્રિય છે રાઘવ ચઢ્ઢા :

રાઘવ ચઢ્ઢા સતત ગુજરાતમા એક્ટિવ છે અને ટ્વિટર પર તેઓ સક્રિય રહે છે. આ વચ્ચે તેઓ ગુજરાતની મુલાકાત પણ કરતા રહે છે અને ઈલેક્શને લઈને ગુજરાતના નેતાઓ સાથે બેઠકો પણ યોજે છે.

રાજેન્દ્ર ત્રિવેદી બાસ્કેટબોલ રમ્યા પણ ગોલ ન કરી શક્યા, જુઓ વિડીયો | Gujarat Guardian

તેઓ પંદર દિવસ પહેલા પણ ગુજરાત આવ્યા હતા અને બીજેપીને આડે હાથ લીધા હતા. તેમણે કહ્યું હતું કે, વિધાનસભા ચૂંટણીની લડાઈ ભાજપ પાર્ટીના નકલી ગુજરાત મોડલ અને કેજરીવાલના અસલી શાસનની વચ્ચે હશે.

ગુજરાત ભાજપ પર વાર :

આ પહેલા ગુજરાત આપના મહાસચિવ મનોજ સોરઠિયા પર સુરતમાં અંદાજે 10 લોકોના ગ્રૂપે હુમલો કર્યો હતો. ત્યારે રાઘવ ચઢ્ઢાએ બીજેપીને આડે હાથ લીધા હતા. તેઓ સતત ગુજરાતની રાજકીય સ્થિતિ પર નજર બનાવી રહ્યાં છે અને ગુજરાતને લઈને ટ્વીટ પણ કરી રહ્યાં છે.

આ પણ વાંચો :-

1...1,3151,3161,317...1,440Page 1,316 of 1,440