Home Blog Page 1132

VIDEO : Kane Williamson IPLમાંથી બહાર જતાં જતાં ઈન્ડિયાને આપ્યો ઈમોશનલ મેસેજ, જુઓ વીડિયો

News Editor
-
0

VIDEO 

  • Kane Williamson out of IPL 2023 : IPLના 16માં સીઝનમાં ચેન્નાઈ સુપર કિંગ્સને હરાવીને પહેલી મેચ જીતનાર ગુજરાત ટાઈટન્સના ફેંસ માટે ખરાબ ખબર સામે આવી છે. ટીમના ટોપ ઓર્ડર બેટસમેન કેન વિલિયમસન ઈજાના કારણે આ સીઝનથી બહાર થઈ ગયા છે.

ચેન્નાઈ (Chennai) વિરૂદ્ધ મેચમાં કેન વિલિયમસનને (Kane Williamson) ઈજા પહોંચી હતી. તેના કારણે તે સીઝનમાં કોઈ મેચ નહીં રમી શકે. તેમના સીઝનમાંથી બહાર થવાની પુષ્ટિ ગુજરાત જાયન્ટસના (Gujarat Giants) ઓફિશ્યલ ટવીટરના માધ્યમથી આપવામાં આવી છે. પોતાના ઘરે પરત ફરી રહેલા વિનલિયમસને પોતાની ટીમને એક ઈમોશનલ ગુડ બાય કહ્યું છે જેનો વીડિયો સોશિયલ મીડિયા (Social Media) પર વાયરલ થઈ રહ્યો છે.

આ વીડિયોમાં જોઈ શકાય છે કે વિલિયમસન કારમાં બેસી રહ્યા છે અને પોતાની ટીમના નામે સંદેશો આપતા કહે છે. “મારી ટીમને આટલી જલ્દી છોડીને જઈ રહ્યો છું. ખરાબ લાગી રહ્યું છે. મને આ કેમ્પની ખૂબ જ યાદ આવશે. જલ્દી જ તમને લોકોને મળીશ.”

આ પણ વાંચો :-

ડાયરો તો ગીતા રબારીનો, એવી જમાવટ થઈ કે રૂપિયાના ઢગલા થઈ ગયા, જુઓ Video

News Editor
-
0

Diro to Geeta Rabari 

  • Geeta Rabari Dayro : ગીતા રબારી પર નોટોનો વરસાદ, ડાયરામાં આવેલા લોકો જોતા જ રહી ગયા !

Viral Video : ફરી એકવાર લોકગાયિકા ગીતા રબારીના (Folk singer Geeta Rabari) ડાયરામાં નોટોનો વરસાદ થયો હતો. બનાસકાંઠાના (Banaskantha) થરાદમાં નાંણદેવી માતાની વાવના પુનઃપ્રાણ પ્રતિષ્ઠા મહોતસ્વ અને નવચંડી યજ્ઞ નિમિતે ભવ્ય લોક ડાયરાનું આયોજન કરવામાં આવ્યું હતું. ગુજરાતની કોયલ કહેવાતા ગીતા રબારીના ડાયરામાં લોકોએ મન મૂકીને રૂપિયાનો વરસાદ કર્યો હતો. જોતજોતામાં રૂપિયાનો ઢગલો થઈ ગયો હતો.

ગીતા રબારીએ તેના અવાજથી લોકોને મંત્રમુગ્ધ કર્યા હતા. થરાદમાં માતાજીના ભક્તો અને દાતાઓ દ્વારા ગીતા રબારી પર નોટો ઉડાવવામાં આવી હતી.

થરાદમાં આયોજીત ભવ્ય લોક ડાયરમાં આસપાસના ગામોના લોકો ઉપસ્થિત રહ્યા અને ગીતા રબારીના સુરીલા ભજન અને ગીતો પર ઝૂમી ઉઠ્યા હતા. કોઈપણ પ્રસંગે ડાયરાનું અવારનવાર આયોજન થતું રહે છે. જેમાં અનેક કલાકારો હાજરી આપતા હોય છે. લોકો કલાકારો પર રૂપિયાનો વરસાદ પણ કરતા હોય છે. ત્યારે થરાદમાં ગીતા રબારીના ભજન પર લોકોએ રૂપિયાનો વરસાદ કરી નાંખ્યો હતો. હાલ આ વીડિયો સોશિયલ મીડિયામાં વાયરલ થઇ રહ્યો છે.

આ પણ વાંચો :-

પરિણીતી-રાઘવની સગાઈ થશે આ અઠવાડિયે જ ! દિલ્હીમાં થઈ રહી છે રિંગ સેરેમની તૈયારીઓ

News Editor
-
0

Parineeti-Raghava  

  • Parineeti Chopra Raghav Chadha Ring Ceremony : રાઘવ ચઢ્ઢાનું ઘર દિલ્હીમાં છે તેથી આ સગાઈ દિલ્હીમાં રાખવામાં આવી છે. હાલ પરિણીતી ચોપડા પણ દિલ્હીમાં છે. જ્યારે પરિણીતી દિલ્હી પહોંચી હતી ત્યારે એરપોર્ટ ઉપર તેને રાઘવ ચઢ્ઢાએ રિસીવ કરી હતી.

બોલીવુડ અભિનેત્રી પરિણીતી ચોપડા (Parineeti Chopra) અને આપના સાંસદ રાઘવ ચઢ્ઢા (MP Raghav Chadha) તેમના સંબંધોને લઈને હાલ ચર્ચામાં છે. છેલ્લા કેટલાક સમયથી બંને સતત એકબીજાની સાથે જોવા મળે છે. તેવામાં હવે તેમની સગાઈની ચર્ચા જોરશોરથી થઈ રહી છે. ચર્ચાઓ છે કે બંને ટૂંક સમયમાં જ સગાઈ કરશે અને આ સગાઈનું ફંક્શન દિલ્હીમાં યોજાશે. દિલ્હીમાં (Delhi) પરિવારના સભ્યો અને ખાસ મિત્રોની હાજરીમાં બંનેની સગાઈ થવાની છે.

ચર્ચાઓ એવી પણ છે કે પરિણીતી અને રાઘવ પાંચ એપ્રિલ પછી સગાઈ કરશે. રાઘવ ચઢ્ઢાનું ઘર દિલ્હીમાં છે તેથી આ સગાઈ દિલ્હીમાં રાખવામાં આવી છે. હાલ પરિણીતી ચોપડા પણ દિલ્હીમાં છે. જ્યારે પરિણીતી દિલ્હી પહોંચી હતી ત્યારે એરપોર્ટ ઉપર તેને રાઘવ ચઢ્ઢાએ રિસીવ કરી હતી.

પરિણીતી અને રાઘવની સગાઈ એપ્રિલના પહેલા વીકમાં જ થશે તે ચર્ચા એ જોર એટલા માટે પણ પકડ્યું છે કે હાલ પ્રિયંકા ચોપડા જોનસ પોતાના પતિ નિક જોનસ અને દીકરી માલતી સાથે મુંબઈમાં છે. ચર્ચાઓ છે કે પ્રિયંકા પોતાની બહેનની સગાઈમાં હાજરી આપશે. આ સાથે જ પરિણીતિની બહેન મીરા ચોપડા અને ખાસ મિત્રો પણ દિલ્હી પહોંચી શકે છે. જોકે પરિણીતી ચોપડા કે તેના પરિવારના સભ્યોએ આ અંગે કોઈ જ પુષ્ટિ કરી નથી.

આ પણ વાંચો :-

Direct Tax Collection : Tax Payers ને સરકારે આપી ખુશખબરી, સરકારી ખજાનાને લઇને પહેલીવાર બન્યો આ રેકોર્ડ

News Editor
-
0

Direct Tax Collection

  • Tax Collection : ટેક્સ કલેક્શન શરૂઆતી બજેટ અનુમાન કરતાં 16.97 ટકા વધુ અને સુધારેલા અંદાજ કરતાં 0.69 ટકા વધુ હતી. નાણાકીય વર્ષ 2021-22ની સરખામણીમાં નેટ ટેક્સ કલેક્શનમાં 17.63 ટકાનો વધારો થયો છે.

જો તમે પણ ઈનકમ ટેક્સ (Income tax) ભરો છો તો આ સમાચારની અપડેટ તમારી પાસે હોવી જરૂરી છે. 31 માર્ચે પૂરા થયેલા નાણાકીય વર્ષ 2022-23માં ટેક્સપેયર્સે સરકારી તિજોરી પર મહેરબાન થયા છે. આ સમયગાળા દરમિયાન નેટ ડાયરેક્ટ ટેક્સ કલેક્શન (Direct Tax collections) એક વર્ષ અગાઉની સરખામણીમાં 17.63 ટકા વધીને રૂ. 16.61 લાખ કરોડ થયું છે. આ ટેક્સ કલેક્શન સુધારેલા બજેટ અંદાજ કરતાં વધુ છે.

બજેટ અનુમાન 14.20 લાખ રૂપિયા હતું :

નાણા મંત્રાલય તરફથી  2022-23 માટે ટેક્સ કલેક્શનના આંકડાઓ જાહેર કરતા, એવું કહેવામાં આવ્યું હતું કે તાજેતરમાં પૂરા થયેલા નાણાકીય વર્ષમાં કુલ ડાયરેક્ટ ટેક્સ કલેક્શન રૂ. 19.68 લાખ કરોડ હતું. આ ટેક્સ કલેક્શન નાણાકીય વર્ષ 2021-22માં 16.36 લાખ કરોડ રૂપિયા કરતાં 20.33 ટકા વધુ છે. નાણાકીય વર્ષ 2022-23 માટે પ્રત્યક્ષ કર વસૂલાતનો અંદાજપત્ર રૂ. 14.20 લાખ કરોડ હતો. જે પાછળથી સુધારીને રૂ. 16.50 લાખ કરોડ કરવામાં આવ્યો હતો.

ટેક્સ કલેક્શનમાં 17.63 ટકાનો વધારો :

નેટ ટેક્સ કલેક્શન શરૂઆતીબજેટ અંદાજ કરતાં 16.97 ટકા વધુ અને સુધારેલા અંદાજ કરતાં 0.69 ટકા વધુ હતું. નાણાકીય વર્ષ 2021-22ની સરખામણીમાં નેટ ટેક્સ કલેક્શનમાં 17.63 ટકાનો વધારો થયો છે. એક વર્ષ પહેલા તે 14.12 લાખ કરોડ રૂપિયા હતો. નાણા મંત્રાલયે જણાવ્યું કે નાણાકીય વર્ષ 2022-23માં ગ્રોસ કોર્પોરેટ ટેક્સ કલેક્શન એક વર્ષ અગાઉની સરખામણીમાં 16.91 ટકા વધીને રૂ. 10.04 લાખ કરોડ થયું છે.

વ્યક્તિગત આવકવેરામાં વધારો :

ગ્રોસ પર્સનલ ઈન્કમ ટેક્સ કલેક્શન (એસટીટી સહિત) સમાપ્ત થયેલા નાણાકીય વર્ષમાં રૂ. 9.60 લાખ કરોડ હતું. આ રીતે નાણાકીય વર્ષ 2021-22માં રૂ. 7.73 લાખ કરોડની સરખામણીમાં 24.23 ટકાનો વધારો નોંધાયો છે. નાણાકીય વર્ષ 2022-23માં રૂ. 3,07,352 કરોડના રિફંડ પણ જારી કરવામાં આવ્યા હતા. જે એક વર્ષ અગાઉના રૂ. 2,23,658 કરોડ કરતાં 37.42 ટકા વધુ છે.

આ પણ વાંચો :-

#DelhiMetro માં સનસની મચાવનારી બિકિની ગર્લની આ છે અસલ કહાની

News Editor
-
0

This is the original

  • બિકીની પહેરીને દિલ્હી મેટ્રોમાં મુસાફરી કરતી એક છોકરી આ દિવસોમાં ચર્ચામાં છે.

તેના વીડિયો અને તસવીરો ઝડપથી વાયરલ થઈ રહી છે. આવી સ્થિતિમાં, દરેક વ્યક્તિ જાણવા માંગે છે કે તે છોકરી કોણ છે. જાણો મેટ્રોમાં (Metro) સફર કરીને સનસનાટી મચાવનાર આ બિકીની ગર્લની (Bikini Girl) વાસ્તવિક કહાની…

છેલ્લા કેટલાક દિવસોથી મેટ્રોમાં મુસાફરી ન કરતા લોકો સોશિયલ મીડિયા પર #delhimetro હેશટેગ પણ સર્ચ કરી રહ્યા છે. આ હેશટેગ (Hashtag) ઘણો ટ્રેન્ડ કરી રહ્યો છે. કારણ એ છે કે છોકરીની આવી તસવીરો અને વીડિયો જોઈને લોકો દાંત કચકચાવી રહ્યા છે.

19 વર્ષની આ છોકરીનું નામ રિદમ ચન્ના (Rhythm chanana) છે. જે ખુદને મોડલ કહે છે અને અભિનેત્રી કહે છે. રિદમે કહ્યું કે, તે એક પારંપરિક પરિવારથી આવે છે પણ પોતાના ખુલ્લા વિચારોને કારણે પરિવારથી તેની વધુ બનતી નથી. તેના ઈંસ્ટાગ્રામ પેજ પર આવી જ બોલ્ડ તસવીરોની ભરમાર છે.

રિદમનું કહેવું છે કે તે ઉર્ફી જાવેદથી પ્રભાવિત નથી પણ પોતાની મરજીના કપડા પહેરવામાં માને છે. તેણે ખુદ આ બાબતની પુષ્ટી કરી છે કે જે તસવીરો વાયર છે. તે તેની જ છે. મેટ્રોમાં બિંદાસ પોઝમાં પોતાની તસવીર નાખવાનો તેને એટલો શોખ છે, તેના માટે અલગ સેક્શન બનાવી રાખ્યું છે.

જોકે પછી ગયા વર્ષથી નવ ઓક્ટોબરથી તેણે એક એવી પોસ્ટ નાખી જેનાથી બધું જ બદલાઈ ગયું. આ ફોટો પર કમેંટ કરતા કોઈએ લખ્યું હતું કે તોફાન પહેલાની શાંતિ ! રિદમ એક એક્ટિંગ સ્કૂલથી કોર્સ પણ કરી રહી છે અને તેને વિશ્વાસ છે કે તે એક સફળ મોડેલ બનવાના રસ્તા પર છે. રિદમે કહ્યું કે તેને પિંક લાઈન મેટ્રો છોડીને ક્યારેય પણ કપડાને લઈને કોઈ મુશ્કેલી થઈ નથી.

આ પણ વાંચો :-

દર મહિને 1 લાખની કમાણી કરવી હોય તો શરૂ કરો આ બિઝનેસ, ઝડપથી વધી રહી છે માંગ

News Editor
-
0

If you want to earn 1 lakh

  • ફ્લાય એશ બિક્સ એટલે કે, ઈંટ બનાવવાના બિઝનેસમાં તમને માત્ર 1 વાર 2 લાખ રૂપિયાનું રોકાણ કરવું પડશે. ત્યારબાદ તમે તેના દ્વારા દર મહિને 1 લાખ રૂપિયા સુધી સરળતાથી કમાઈ શકો છો.

જો તમે પણ કંઈક નવુ શરૂ કરવાની યોજના બનાવી રહ્યા હોવ, તો આજે અમે તમારા માટે એક જોરદાર બિઝનેસ આઈડિયા લઈને આવ્યા છીએ. આ બહુ જ ફાયદાકારક બિઝનેસ આઈડિયા (Business idea) છે. જો તમે મોટી કમાણીવાળો બિઝનેસ શરૂ કરવા માંગો છો, તો તમે રાખમાંથી ઈંટો બનાવી શકો છો.

ફ્લાય એશ બિક્સ (Fly Ash Bix) એટલે કે ઈંટ બનાવવાના બિઝનેસમાં તમને માત્ર 1 વાર 2 લાખ રૂપિયાનું રોકાણ કરવું પડશે. ત્યારબાદ તમે તેના દ્વારા દર મહિને 1 લાખ રૂપિયા સુધી સરળતાથી કમાઈ શકો છો. જાણકારી અનુસાર, રાખમાંથી ઈંટ બનાવવાનો સામાન્ય રીતે સિમેન્ટની ઈંટ પણ કહેવામાં આવે છે. આજકાલ તે ખૂબ જ ચર્ચામાં છે અને તેનો ઉપયોગ પણ વધી રહ્યો છે.

સિમેન્ટની ઈંટો બનાવવા માટે તમારે રાખ, ફ્લાય એશ, રેતી અને સિમેન્ટ વગેરેની જરૂર પડશે. આ ઉપરાંત તમે ઈચ્છો તો, તેને બનાવવા માટે ચૂનો અને જિપ્સમના મિક્ચરથી પણ ઈંટ બનાવી શકો છો. તેના માટે તમારે 100 યાર્ડ જમીન અને ઓછામાં ઓછા 2 લાખ રૂપિયાનું રોકાણ કરવું પડશે. આ બિઝનેસ માટે રોકાણનો મોટાભાગનો હિસ્સો મશીનરીમાં લાગશે. આ મશીન દ્વારા બનાવવા માટે ઓછામાં ઓછા 5-6 લોકોની જરૂર પડે છે.

ફ્લાય એશથી બનેલી ઈંટો, માટીથી બનેલી ઈંટોના પ્રમાણમાં સસ્તી હોય છે. આ ઈંટથી મકાન બનાવવા પર સિમેન્ટનો ખર્ચ પણ ઘટી જાય છે. તેની દિવાલની બંને બાજુએ સારુ ફિનિશિંગ આવે છે અને પ્લાસ્ટરમાં પણ ઓછો સિમેન્ટ ખર્ચ થાય છે. આ ઉપરાંત ફ્લાય એસથી બનેવી ઈંટોમાં સૂકી રાખ હોવાને કારણે મકાનમાં ભેજ પણ આવતો નથી. જેનાથી તેની મજબૂતાઈ વધી જાય છે. આ બધા ફાયદાનો જોતા માર્કેટમાં તેની માંગ ઘણી વધી છે અને આમાં સતત વધારો થઈ રહ્યો છે.

જો તમે આ બિઝનેસને નાના સ્તર પર શરૂ કરો છો. તો તમને 2 લાખ રૂપિયાના રોકાણમાં દર મહિને 1 લાખ રૂપિયાની કમાણી થઈ શકે છે. આ ઈંટોની માંગ પહાડી વિસ્તારોમાં અને ઓછી માટીવાલી જગ્યાઓ પર વધારે છે. આ બિઝનેસને શરૂ કરવા માટે તમારે કેન્દ્ર સરકારની મુદ્રા યોજના હેઠળ સરળતાથી લોન મળી જાય છે.

(Disclaimer : અહીં આપવામાં આવેલ બિઝનેસ આઈડિયા ફક્ત સમાન્ય માહિતી રજૂ કરે છે. Gujarat Guardian કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)

આ પણ વાંચો :-

IPLમાં ઋતુરાજ ગાયકવાડે મેચમાં ફટકારી એવી સિક્સ કે ઈનામમાં મૂકેલી કાર થઈ ડેમેજ, VIDEO વાયરલ

News Editor
-
0

Rituraj Gaikwad’s six hit in the match

  • IPL 2023 : CSKના સ્ટાર બેટ્સમેન ઋતુરાજ ગાયકવાડે મેદાન પર એવી સિક્સ ફટકારી જે ટાટા કાર પર ડેન્ટ પાડી દીધો હતો.

પ્રથમ વખત હાર ભોગવનાર ચેન્નાઈ સુપર કિંગ્સે (Chennai Super Kings) બીજી મેચમાં જીતનો સ્વાદ ચાખ્યો છે.  IPL 2023મા ચેપોક સ્ટેડિયમમાં લખનૌ સુપર જાયન્ટ્સ (Lucknow Super Giants) અને ચેન્નાઇ સુપર કિંગ વચ્ચે જોરદાર મુકાબલો થયો હતો. જેમાં ભારે રસાકસી બાદ ચેન્નાઇ સુપર કિંગ્સે જીત હાંસલ કરી લીધી હતી. ચેન્નાઈએ સિઝનની તેની બીજી મેચમાં લખનૌ સુપર જાયન્ટ્સને 12 રને હરાવ્યું.

લખનૌ સુપર જાયન્ટ્સના કેપ્ટન કેએલ રાહુલે (KL Rahul) ચેન્નાઈ સુપર કિંગ્સ સામે પહેલા બેટિંગ કરવાનો નિર્ણય કર્યો હતો પણ આ મેચમાં ચેન્નાઈ ટીમના ઓપનરોએ ધમાકેદાર બેટિંગ કરીને 217 રનનો ખડકલો કરી દીધો હતો. સીએસકેના ઋતુરાજ ગાયકવાડની સતત બીજી અડધી સદી ફટકારી હતી. જેમાં એક સ્ટ્રોક એવો માર્યો હતો કે નવી ઈનામમાં આપવાની કાર પર ડેન્ટ થઈ ગયું હતું.

ગાયકવાડે ફટકારી હતી શાનદાર સિક્સ : 

CSKના સ્ટાર બેટ્સમેન ઋતુરાજ ગાયકવાડે મેદાન પર એવો સ્ટ્રોક માર્યો કે જોઈને બધા આશ્ચર્યચકિત થઈ ગયા. તેણે કૃષ્ણપ્પા ગૌતમના બોલ પર સિક્સ ફટકારી જે ટાટા કાર પર ડેન્ટ પાડી દીધો હતો. સિક્સ મારતાની સાથે જ બોલ કારને જોરથી અથડાયો અને તેના પર ખાડો પડી ગયો. હવે તેનો વીડિયો સોશિયલ મીડિયા પર વાયરલ થઈ રહ્યો છે.

ઋતુરાજે 31 બોલમાં 57 રન બનાવ્યા હતા :

ઋતુરાજ ગાયકવાડે લખનૌ સુપર જાયન્ટ્સ માટે શાનદાર બેટિંગ કરી હતી. તેને 31 બોલમાં 57 રન બનાવ્યા જેમાં ત્રણ ચોગ્ગા અને ચાર છગ્ગા ફટકાર્યા હતા. આ પહેલા ગાયકવાડે ગુજરાત ટાઇટન્સ સામે પણ 92 રનની ઇનિંગ રમી હતી.

આ પણ વાંચો :-

OTPની કે પિનની નથી કોઈ જરૂર. હવે Aadhaar Card થી પૈસાની કરો લેવડદેવડ

News Editor
-
0

No need for OTP or PIN

  • Money Transfer By Aadhaar Card : આ સિસ્ટમ નેશનલ પેમેન્ટ કોર્પોરેશન ઓફ ઈન્ડિયા દ્વારા વિકસાવવામાં આવી છે. આધાર નંબર નાખીને અને ફિંગરપ્રિન્ટ વડે વેરિફિકેશન કરીને ડિજિટલ ટ્રાન્ઝેક્શન કરી શકાય છે. તે એકદમ સુરક્ષિત પણ છે કારણ કે તેને બેંક વિગતો આપવાની જરૂર નથી.

આધાર કાર્ડ (Aadhaar Card) એ આજે ​​આપણી ઓળખનો સૌથી મજબૂત પુરાવો છે. આજે લગભગ દરેક જગ્યાએ આધાર ફરજિયાત બની ગયું છે. તમે આધાર કાર્ડનો (Aadhaar Card) ઉપયોગ માત્ર ઓળખ કાર્ડ તરીકે કરી શકતા નથી, પરંતુ તેની મદદથી તમે પૈસા પણ ઉપાડી શકો છો. તમે એક ખાતામાંથી બીજા ખાતામાં પૈસા ટ્રાન્સફર પણ કરી શકો છો.

આ બધું આધાર સક્ષમ પેમેન્ટ સિસ્ટમ (AePS) ના કારણે શક્ય બન્યું છે. આ સિસ્ટમ નેશનલ પેમેન્ટ કોર્પોરેશન ઓફ ઈન્ડિયા (NPCI) દ્વારા વિકસાવવામાં આવી છે. આધાર નંબર (Aadhaar Card) નાખીને અને ફિંગરપ્રિન્ટ વડે વેરિફિકેશન કરીને ડિજિટલ ટ્રાન્ઝેક્શન કરી શકાય છે. તે એકદમ સુરક્ષિત પણ છે કારણ કે તેને બેંક વિગતો પ્રદાન કરવાની જરૂર નથી.

આ પેમેન્ટ સિસ્ટમ યુનિફાઈડ પેમેન્ટ ઈન્ટરફેસ (UPI) પ્લેટફોર્મ પર આધારિત છે. તે એક પ્રકારનું બેંક-આધારિત મોડલ છે જે ATM, કિઓસ્ક અને મોબાઈલ ઉપકરણો પર આધાર (Aadhaar Card) ઓથેન્ટિકેશન દ્વારા ઓનલાઈન વ્યવહારોને મંજૂરી આપે છે. જો તમે આ સેવાનો લાભ લેવા ઈચ્છો છો, તો તમારું આધાર કાર્ડ (Aadhaar Card) બેંક ખાતા સાથે લિંક હોવું જરૂરી છે. જો તમારું એકાઉન્ટ બેંક સાથે લિંક નથી, તો તમે આ સિસ્ટમ દ્વારા પૈસાની લેવડદેવડ કરી શકશો નહીં. આ સિસ્ટમ હેઠળ વ્યવહારો કરવા માટે કોઈ OTP અને PIN ની જરૂર નથી. એક આધાર કાર્ડને (Aadhaar Card) અનેક બેંક ખાતાઓ સાથે લિંક કરી શકાય છે.

AePS સાથે કઈ સેવાઓ જોડાયેલ છે?

AePS સિસ્ટમની મદદથી યૂઝર પૈસા ઉપાડી શકે છે, બેલેન્સ ચેક કરી શકે છે, પૈસા જમા કરી શકે છે અને આધારથી આધારમાં ફંડ ટ્રાન્સફર કરી શકે છે. આધાર આધારિત પેમેન્ટ સિસ્ટમ (AePS) માં બેલેન્સ પૂછપરછ, પૈસા ઉપાડવા, ડિપોઝિટ, આધારથી આધાર ફંડ ટ્રાન્સફર, ચૂકવણી, વ્યવહારો અને આવી અન્ય સેવાઓનો સમાવેશ થાય છે. આ સેવા ગ્રાહકને કોઈ પણ બેંક શાખાની મુલાકાત લીધા વિના ઘરના દરવાજા પર બેંકિંગ કરવા અને બેંકની મૂળભૂત સુવિધાઓનો લાભ લેવાની મંજૂરી આપે છે.

વ્યવહાર કેવી રીતે કરવો :

તમે આધાર સક્ષમ પેમેન્ટ સિસ્ટમ (AePS) નો ઉપયોગ ફક્ત બેંકિંગ કોરોસપોન્ડેંટની પાસે જઈને જ શકો છો અથવા તમે તેને ઘરે ફોન કરીને આ સેવાનો લાભ લઈ શકો છો. કોમન સર્વિસ સેન્ટર (CSC) ઓપરેટરો પણ આ સેવા પૂરી પાડે છે. બેંકિંગ સંવાદદાતાઓને બેંકો દ્વારા ડિજિટલ વ્યવહારો માટે અધિકૃત કરવામાં આવ્યા છે.

આ પણ વાંચો :-

બે નંબરમાં અમેરિકા ગયા બાદ પત્ની તેના પ્રેમી સાથે ભાગી ગઈ, આ ગુજરાતીનો કિસ્સો છે અજીબ

News Editor
-
0

In number two

  • Gujarati In America : એજન્ટો એક વ્યક્તિને અમેરિકા પહોંચાડવા માટે હવે લાખો અને કરોડો રૂપિયા વસૂલી રહ્યાં છે. તેમાં કેટલાક લોકો બે નંબરમાં અમેરિકા જવાની લ્હાયમાં શું ને શું કરે છે.

Illegal immigration In America : ગુજરાતીઓનો અમેરિકા (America) જવાનો મોહ ક્યારેય ઘટતો નથી. અમેરિકા જવા માટે ગુજરાતીઓ ગમે તે હદે જતા રહે છે. લાખો રૂપિયા તો શું, કરોડો આપવા તૈયાર થઈ જાય છે. સીધી રીતે જવા ન મળે તો બે નંબરમાં અમેરિકા (America) જવા માટે લોકો આતુર હોય છે. પછી ભલેને રસ્તામાં ગમે તેવી યાતના મળે. લોકો આ યાતના પણ સહન કરવા તૈયાર થાય છે. અમેરિકા પહોંચવા માટે લોકો એવા એવા તિકડમ અજમાવતા હોય છે કે જાણીને તમારા હોંશ ઉડી જશે. ગમે તે ભોગે લોકો અમેરિકા જવા તૈયાર થાય છે.

મહેસાણાનો એક કિસ્સો અજીબોગરી છ. મહેસાણામાં એક માતાપિતાએ પોતાના પુત્ર, પુત્રવધુ અને પૌત્રીને બે નંબરમાં અમેરિકા મોકલ્યા હતા. આ માટે વૃદ્ધ દંપતીએ પોતાની 20 વીધા જમીન દોઢ કરોડ રૂપિયામાં વેચી હતી. પરંતુ અમેરિકા ગયા બાદ તેમના પુત્રની દુનિયા લૂંટાઈ ગઈ હતી. તેમની પુત્રવધુ અમેરિકામાં રહેતા પ્રેમી સાથે ભાગી ગઈ હતી. તેથી પતિ અને દીકરો અમેરિકા ભટકવા મજબૂર બન્યો હતો. તો બીજી તરફ ગામડામાં રહેતા માતાપિતા નોંધારા બન્યા હતા.

તો અન્ય એક કિસ્સો પણ અજીબોગરીબ છે. કલોલના એક ગામમાં લાખો રૂપિયા ખર્ચીને એક યુવક અને તેની પત્ની અમેરિકા ગયા હતા. ત્યાં એરપોર્ટ પર ઉતર્યા બાદ પુત્રવધુ તેના પ્રેમી સાથે ભાગી ગઈ હતી. બીજા દિવસે તેણે પતિને છૂટાછેડાના કાગળો મોકલ્યા હતા.

મહેસાણાના એક વ્યક્તિની આપવીતી  :

અમેરિકા રહેતા ઉત્તર ગુજરાતના એક યુવકે પોતાની આપવીતી જણાવી હતી, જે કહેતા તે રડી પડ્યો હતો. તેણે કહ્યું કે, હું વર્ષ 2011 માં 33 લાખ રૂપિયા ખર્ચીને અમેરિકા આવ્યો હતો. ગુજરાતથી દિલ્હી, અને ત્યાંથી અનેક દેશો ફરીને 45 દિવસે હું મેક્સિકો બોર્ડર પહોંચ્યો હતો. જ્યાં પોલીસે મને પકડી લીધો હતો. આ બાદ હું 6 મહિના જેલમાં રહ્યો હતો. 6 મહિના બાદ એજન્ટોએ છોડાવીને મને ફ્લોરીડા મોકલ્યો હતો. ત્યાં મેં હોટલમાં વેઈટરથી લઈને રસોઈ બનાવવાના કારીગર સુધીના બધા કામ કર્યાં.

અમેરિકાનું ગ્રીન કાર્ડ મેળવવા શું શું ન કર્યું. 22 લાખ આપીને એક હબસી છોકરી સાથે કોન્ટ્રાક્ટ મેરેજ પણ કર્યાં. જેના માટે 11 લાખ એડવાન્સમાં આપવાના હતા, અને બીજા 11 લાખ ગ્રીન કાર્ડ મળ્યા બાદ આપવાના હતા. પરંતુ આ વચ્ચે કોરોના આવી ગયો, ને મને ગ્રીન કાર્ડ ન મળ્યું. અત્યાર સુધી મારા 55 લાખ જેટલા ખર્ચાયા. પરંતુ છતા હું વતન આવી શક્તો નથી.

આ પણ વાંચો :-

Car Care Tips : Ohh No ! પેટ્રોલની જગ્યાએ ડીઝલ ભરાઈ ગયું છે, તો પહેલાં કરો આ કામ

News Editor
-
0

Car Care Tips

  • Car Care Tips : ઘણી વખત એવા કિસ્સાઓ સામે આવ્યા છે કે તેઓ ઉતાવળમાં પેટ્રોલ એન્જિનમાં ડીઝલ અને ડીઝલ એન્જિનમાં પેટ્રોલ પૂરાઈ જાય છે. જો આવી સ્થિતિ ક્યારેય થાય છે તો તે તમારા એન્જિન પર ખરાબ અસર કરી શકે છે.

કાર ખરીદતી વખતે ગ્રાહકો ઘણી બાબતોનું ધ્યાન રાખે છે. ઉદાહરણ તરીકે- વાહનમાં કયું એન્જીન (Engine) આપવામાં આવ્યું છે અને વાહનની (Vehicle) વિશિષ્ટતાઓ શું છે. પરંતુ ઘણી વખત કાર ખરીદ્યા બાદ તેઓ કારની સંભાળ રાખવામાં અસમર્થ હોય છે. ઘણી વખત એવા કિસ્સાઓ સામે આવ્યા છે કે ઉતાવળમાં પેટ્રોલ (Petrol) એન્જિનમાં ડીઝલ અને ડીઝલ એન્જિનમાં (Diesel Engine) પેટ્રોલ નાખે છે.

જો આવી સ્થિતિ ક્યારેય થાય છે તો તે તમારા એન્જિન પર ખરાબ અસર કરી શકે છે. આવું કરવું ગ્રાહકોને ઘણું મોંઘુ પડી શકે છે અને તમારા વાહનનું એન્જિન ફેલ થવાની પણ શક્યતા છે.

કાર ટ્રાન્સમિશન એન્જિન સાથે જોડાય છે :

તમને જણાવી દઈએ કે વાહનના એન્જિન અને સ્પેરપાર્ટ્સ તેના ઈંધણના પ્રકાર અનુસાર બનાવવામાં આવે છે. એટલું જ નહીં કારનું સમગ્ર ટ્રાન્સમિશન પણ એન્જિન સાથે જોડાયેલું છે. હવે જો આવી સ્થિતિમાં તમારી સાથે આવું થાય છે, તો અહીં જાણો તેનાથી બચવા અને એન્જિન બગડે નહીં તે માટે શું કરવું જોઈએ.

ખોટું ઈંધણ નાખવા પર કરો આ કામ :

  • જો ઇંધણની ટાંકી પેટ્રોલની હોય અને તમે ડીઝલ નાખ્યું હોય અથવા તેનાથી ઊલટું નાખ્યું હોય તો પહેલા વાહનની સ્વીચ ઓફ કરો.
  • વાહનને બેટરી મોડમાં ન રાખો. આમ કરવાથી ઇંધણ પંપ ચાલુ રહે છે અને તમારા એન્જિનમાં ઇંધણ મોકલી શકે છેકારને મિકેનિક પાસે લઈ જાવ, પણ કાર ટોઈંગ કરીને મિકેનિક પાસે લઈ જાઓ
  • મિકેનિક ઇંધણ લાઇનને ડિસ્કનેક્ટ કરશે અને તેને સંપૂર્ણપણે ડ્રેઇન કરશે.
  • આ સિવાય ઈંધણ નાખતી વખતે ધ્યાન રાખો. પેટ્રોલ પંપ પર સ્પષ્ટપણે જણાવો કે તમારું વાહન પેટ્રોલ છે કે ડીઝલ એન્જિન.

જો ઈંધણ ખોટી રીતે નાખવામાં આવે તો મોટું નુકસાન થઈ શકે છે.

ખોટું ઈંધણ ભરવાથી વાહનને ભારે નુકસાન થઈ શકે છે. જો પેટ્રોલ કારમાં ડીઝલ નાખીને વાહન ચાલુ કરવામાં આવે તો ઇન્જેક્ટર, સ્પાર્ક પ્લગ, ફિલ્ટર સહિત એન્જિન સીઝ થવાનું જોખમ રહેલું છે. આ કિસ્સામાં સેન્સર પણ ક્ષતિગ્રસ્ત થઈ શકે છે. પરંતુ ડીઝલ કારમાં પેટ્રોલ પૂરાય તો પણ તેનાથી બચી શકાય છે. જો કે, સેન્સર અને ઇન્જેક્ટર સિવાય ડીઝલ ફિલ્ટરને નુકસાન થવાની સંભાવના છે.

આ પણ વાંચો :-

1...1,1311,1321,133...1,463Page 1,132 of 1,463