Home Blog Page 1085

આજે વિકરાળ રૂપ લેશે ‘Mocha’, ગુજરાત પર પડશે વિપરીત અસર

News Editor
-
0

‘Mocha’ 

  • ચક્રવાત ‘મોચા’ આજે ગંભીર ચક્રવાતી તોફાનમાં ફેરવાઈ શકે છે એવામાં ગુજરાતમાં આ ચક્રવાતની અસર વિપરીત રહેશે તો તેની સામે દેશના આ રાજ્યોમાં વરસાદ પડવાની શક્યતા પણ છે.

હવામાન વિભાગના (Meteorological Department) જણાવ્યા અનુસાર ચક્રવાત ‘મોચા‘ (Mocha) ઝડપથી વધી રહ્યું છે અને આજે એટલે કે શુક્રવારે તે ગંભીર ચક્રવાતી તોફાનમાં ફેરવાઈ શકે છે. પરિણામે ૧૩૫ કિલોમીટર પ્રતિ કલાકની ઝડપે પવન પણ ફૂંકાઈ શકે છે અને તે બાંગ્લાદેશ–મ્યાનમારના (Bangladesh-Myanmar) દરિયાકાંઠા તરફ આગળ વધે તેવી શક્યતા છે. જાણો આજે કેવું રહેશે હવામાન.

દિલ્હીમાં ગરમી વધવાની સંભાવના :

ચક્રવાત ‘મોચા‘ના ભણકારા વચ્ચે શુક્રવારે દિલ્હીમાં ગરમી વધવાની સંભાવના છે અને તાપમાન 40 ડિગ્રી સેલ્સિયસને પાર કરી શકે છે. ભારતીય હવામાન વિભાગે આ માહિતી આપી છે. રાષ્ટ્રીય રાજધાનીમાં દિવસ દરમિયાન સ્વચ્છ આકાશ રહેવાની આગાહી કરી છે અને વરસાદની શક્યતા ઓછી છે.

ગુજરાતમાં વિપરીત રહેશે ચક્રવાત ‘મોચા’ની અસર :

ગુજરાતના મોટાભાગના ભાગોમાં હીટ વેવની સ્થિતિ પ્રવર્તી રહી હતી અને રાજ્યના ઉત્તરીય પ્રદેશમાં પાટણ ગુરુવારે મહત્તમ તાપમાન ૪૫.૪ ડિગ્રી સેલ્સિયસ સાથે સૌથી ગરમ હતું. ભારતીય હવામાન વિભાગ (IMD) એ જણાવ્યું હતું. હવામાન વિભાગના અધિકારીઓએ જણાવ્યું કે ૧૩ મે પછી લોકોને ગરમીથી થોડી રાહત મળે તેવી શક્યતા છે. આ સાથે જ ચક્રવાત ‘મોચા’ના ભણકારા વચ્ચે સૌરાષ્ટ્ર અને કચ્છના થોડા ભાગોમાં ભારે લૂ પડી શકે છે.

આ રાજ્યોમાં બગડશે હાલત :

ઓડિશા અને પશ્ચિમ બંગાળનો ભારતીય દરિયાકિનારો આ ચક્રવાતથી સુરક્ષિત અંતરે હશે અને જમીન પર કોઈ નુકસાનકારક હવામાન પ્રવૃત્તિની અપેક્ષા નથી. જો કે આ રાજ્યોના દરિયાકાંઠે દરિયાની સ્થિતિ ખૂબ જ ખરાબ રહેશે. ભૂપ્રદેશ સાથે અથડાયા બાદ નબળું પડેલું વાવાઝોડું ૧૪ અને ૧૫ મે ૨૦૨૩ના રોજ ત્રિપુરા અને મિઝોરમમાં ભારે વરસાદનું કારણ બની શકે છે.

આ પણ વાંચો :-

અરે બાપ રે ! પગાર ૩૦ હજાર પણ ઘરે ૨૦ લક્ઝયુરિયસ કાર અને અને કરોડોનો બંગલો…વાંચો, મહિલા એન્જિનિયરના કારનામા

News Editor
-
0

Salary 30 thousand  

  • મધ્યપ્રદેશમાં (Madhya Pradesh) લોકાયુક્તની ટીમે જોરદાર ઓપરેશન હાથ ધર્યું છે. ગુરુવારે ટીમે રાજ્યની રાજધાની ભોપાલમાં કોન્ટ્રાક્ટ પર કામ કરતા આસિસ્ટન્ટ એન્જિનિયરના ઘરે દરોડા પાડ્યા હતા.

મહિલા આસિસ્ટન્ટ એન્જિનિયરની (Female Assistant Engineer) વૈભવી જીવનશૈલી જોઈને લોકાયુક્તની ટીમ પણ આશ્ચર્યચકિત થઈ ગઈ હતી. મહિલા આસિસ્ટન્ટ એન્જિનિયરનો પગાર માત્ર ત્રીસ હજાર રૂપિયા છે અને દરોડા દરમિયાન જે વસ્તુઓ અને મિલકત મળી છે તે પગાર કરતાં ત્રણસો ગણી વધારે છે. આસિસ્ટન્ટ મહિલા ઈજનેરે ત્રીસ હજારના પગારથી આટલું મોટું પ્રોપર્ટીનું સામ્રાજ્ય કેવી રીતે ઊભું કર્યું ? મહિલાના ઘરેથી દેશી-વિદેશી જાતિના ૧૫૦ કૂતરા, ત્રીસ લાખની કિંમતનું ટીવી, ૨૦ લક્ઝરી કાર અને અઢી લાખ રૂપિયાનું રોટલી બનાવવાનું મશીન મળી આવ્યું છે.

૩૦ હજારનો પગાર અને ૩૦લાખનું ટી.વી :

દરોડા પાડનાર ટીમને મહિલા આસિસ્ટન્ટ એન્જિનિયરના ઘરમાંથી ત્રીસ લાખની કિંમતનું ટીવી મળી આવ્યું છે. ત્રીસ હજારનો પગાર ધરાવતા આસિસ્ટન્ટ એન્જિનિયર પાસે આટલી મોંઘી ચીજવસ્તુઓ ખરીદવાના પૈસા ક્યાંથી આવ્યા તે પ્રશ્ન હજુ યથાવત છે. જો કે આ મામલે તપાસ કરવામાં આવી રહી છે. દરોડા પાડનાર ટીમે જણાવ્યું કે મળી આવેલ ત્રીસ લાખની કિંમતનું ટીવી હજુ સુધી અનબોક્સ પણ કરવામાં આવ્યું નથી.

૨૦ લક્ઝરી કાર અને એક થાર ગાડી :

કોન્ટ્રાક્ટ જોબ કરતી મહિલાનું જીવન કેટલું વૈભવી હોય છે. તેનો અંદાજ એ વાત પરથી લગાવી શકાય છે કે તેણે પોતાના એપાર્ટમેન્ટમાં 20 લક્ઝરી કાર અને એક મહિન્દ્રા થાર પાર્ક કરી છે. આટલી બધી કાર અને પ્રોપર્ટી ખરીદવા માટે કોન્ટ્રાક્ટની નોકરી કરતી મહિલા આસિસ્ટન્ટ એન્જિનિયર માટે પૈસા ક્યાંથી આવ્યા તે હજુ એક રહસ્ય છે.

૧૫૦ દેશી-વિદેશી જાતિના કૂતરા :

ભોપાલ સ્થિત એક મહિલા આસિસ્ટન્ટ એન્જિનિયરના ઘરે દરોડો પાડવા ગયેલી ટીમે જ્યારે જોયું કે મહિલા એન્જિનિયરના ઘરે દેશી અને વિદેશી જાતિના ૧૫૦થી વધુ કૂતરા હાજર હતા ત્યારે તે આશ્ચર્યચકિત થઈ ગઈ હતી. પ્રાપ્ત માહિતી અનુસાર આ શ્વાનને રહેવા માટે ઘરમાં વીસ રૂમ બનાવવામાં આવ્યા હતા. આ શ્વાન આ વીસ રૂમમાં રહેતા હતા. એન્જિનિયરના ઘરે દરોડો પાડવા ગયેલી ટીમના સભ્યો ત્યારે ચોંકી ગયા જ્યારે તેમને ખબર પડી કે આ કૂતરાઓ માટે રોટલી બનાવવા માટે એક મશીન ખરીદવામાં આવ્યું છે અને તે મશીનની કિંમત ૨.૫ લાખ રૂપિયા છે.

આ પણ વાંચો :-

 

માર્કેટમાં ધુમ મચાવનારી 5 Car Brand જે ભારતમાં હંમેશા માટે થઈ ગઈ બંધ

News Editor
-
0

5 Car Brands 

  • Car Brands That Left India : ભારત વિશ્વના સૌથી મોટા ઓટોમોબાઈલ બજારોમાંનું એક છે જ્યાં 20 થી વધુ કાર બ્રાન્ડસ છે જેઓ તેમના વાહનો વેચે છે. તે જ સમયે એવી ઘણી કાર કંપનીઓ છે. જેણે ભારતીય બજાર છોડી દીધું છે.

ભારત હંમેશા કાર ઉત્પાદકો માટે આકર્ષક બજાર રહ્યું છે. દુનિયાભરની કંપનીઓએ તેમના ઉત્પાદનોને અહીં લાવવાનો પ્રયાસ કર્યો છે. ભારત વિશ્વના સૌથી મોટા ઓટોમોબાઈલ (Automobile) બજારોમાંનું એક છે. ત્યાં 20 થી વધુ કાર બ્રાન્ડસ છે. એવી ઘણી કાર કંપનીઓ છે. જેણે ભારતીય બજાર છોડી દીધું છે. જે એક યા બીજા કારણોસર ભારતમાં પોતાની સ્થિતિ જાળવવામાં નિષ્ફળ રહી છે. ચાલો તમને એવી 5 કંપનીઓ વિશે જણાવીએ જે હવે ભારત છોડી ચૂકી છે.

ફોર્ડ :

ભારતમાં ફોર્ડની (Ford) ઘણી કારની પ્રશંસા થઈ હતી. જેમ કે એન્ડેવર અને ઈકો સ્પોર્ટસ. પરંતુ માર્કેટમાં કોમ્પિટિશનને કારણે તે ટકી શકી નહીં અને સપ્ટેમ્બર 2021માં ભારતમાં બિઝનેસ બંધ કરવાનો નિર્ણય લીધો. કંપનીની ખોટ ઘણી વધી ગઈ હતી. જેના કારણે તેણે ભારતને અલવિદા કહેવું પડ્યું હતું.

ફિયાટ :

Fiat એ ભારતીય કાર ઈતિહાસની સૌથી પ્રસિદ્ધ બ્રાન્ડસમાંની એક છે પરંતુ હવે આ કંપનીએ ભારતમાં તેનો બિઝનેસ બંધ કરી દીધો છે. નીચા વેચાણ અને ઊંચા ઓપરેટિંગ ખર્ચને કારણે Fiat Indiaએ 2019માં તેની કામગીરી બંધ કરી હતી.

શેવરોલે :

શેવરોલેની કેટલીક કારને ભારતમાં સફળતા મળી હતી પરંતુ જેમ જેમ સમય પસાર થતો ગયો તેમ તેમ સ્પર્ધા વધી અને આખરે ઓછા વેચાણને કારણે આ બ્રાન્ડને પણ દેશ છોડવો પડ્યો.

મિત્સુબિશી :

તમે પજેરો એસયુવીનું નામ તો સાંભળ્યું જ હશે. તે મિત્સુબિશી કાર હતી. હિન્દુસ્તાન મોટર્સ તેની કાર બનાવતી હતી. પછી જ્યારે હિન્દુસ્તાન મોટર્સ બંધ થઈ. મિત્સુબિશી માટે ઘણી મુશ્કેલીઓ ઊભી થવા લાગી અને તેણે પણ ભારતમાં તેની કામગીરી બંધ કરી દીધી.

ડેટસન :

ડેટસન તેની નાની અને સસ્તી કાર લઈને ભારતમાં આવી પરંતુ તે માર્કેટમાં પકડ જમાવી શકી નહીં. ડેટસન કારની ઓછી માંગને કારણે તેની પેરેન્ટ કંપની નિસાને તેને બંધ કરવી પડી.

આ પણ વાંચો :-

અભિનેત્રીનો અસિત મોદી પર ગંભીર આરોપ, ભીડે માસ્તરે આપી ચોંકાવનારી પ્રતિક્રિયા

News Editor
-
0

Actress’s Asit Modi

  • તારક મહેતા કા ઉલ્ટા ચશ્માની અભિનેત્રી જેનીફર મિસ્ત્રી બંસીવાલ ઉર્ફે મિસિસ રોશન સોઢીએ શોના પ્રોડ્યુસર અસિત મોદી પર જાતીય સતામણીનો આરોપ લગાવીને કેસ કર્યો છે.

તારક મહેતા કા ઉલ્ટા ચશ્માની (Tarak Mehta Ka Ulta Chashma) અભિનેત્રી જેનીફર મિસ્ત્રી બંસીવાલ ઉર્ફે મિસિસ રોશન સોઢીએ (Jennifer Mistry Bansiwal alias Mrs. Roshan Sodhi) શોના પ્રોડ્યુસર અસિત મોદી (Asit Modi) પર જાતીય સતામણીનો (Sexual harassment) આરોપ લગાવીને કેસ કર્યો છે.

જો કે કામ ખોવાની બીકે શરૂઆતમાં તેમણે તે નજરઅંદાજ કર્યું. જેનિફરે (Jennifer) એમ પણ કહ્યું કે સેટનો માહોલ ખુબ પુરુષવાદી છે. અહીં ફક્ત પુરુષોનું ચાલે છે અને ત્યાં કામ કરનાર દરેક વ્યક્તિ બંધુઆ મજૂર છે. હવે આ સમગ્ર મામલે શોમાં ભીડે માસ્તરની ભૂમિકા ભજવતા મંદાર ચંદવાડકરનું (Mandar Chandwadkar) નિવેદન સામે આવ્યું છે.

શું કહ્યું ભીડે માસ્તરે ? 

‘પિંકવિલા’ એ તારક મહેતા કા ઉલ્ટા ચશ્માની અભિનેત્રી જેનિફર મિસ્ત્રી બંસીવાલના કોએક્ટર મંદાર ચંદવાડકર સાથે વાતચીત કરી. જો કે મંદાર ઉર્ફે ભીડેએ કહ્યું કે, ‘હું સ્તબ્ધ છું કે તેમણે આવું કેમ કર્યું. તેમની વચ્ચે શું થયું હતું તે વાત વિશે મને કોઈ જાણકારી નથી.’ જેનીફર મિસ્ત્રીના પુરુષવાદી કમેન્ટ પર પ્રતિક્રિયા આપતા મંદાર સંદવાડકરે કહ્યું કે ‘આ પુરુષ રૂઢિવાદી જેવી જગ્યા બિલકુલ નથી. આ એક સ્વસ્થ વાતાવરણની સાથે એક ખુશનુમા જગ્યા છે. નહીં તો આ શો આટલા લાંબા સમય સુધી ચાલ્યો ન હોત.’

અસિત મોદી પર શારીરિક શોષણનો આરોપ :

અત્રે જણાવવાનું કે ટીવી અભિનેત્રી જેનિફર મિસ્ત્રી બંસીવાલે જાહેરાત કરી હતી કે તે સીરિયલ ‘તારક મહેતા કા ઉલ્ટા ચશ્મા’ છોડી રહી છે. આ સાથે તેણે શોના નિર્માતા અસિત મોદી અને અન્ય લોકો પર માનસિક અને જાતીય સતામણીનો ગંભીર આરોપ લગાવ્યો હતો. જેનિફરે એક ઈન્ટરવ્યુમાં દાવો કર્યો હતો કે તેણે નિર્માતા અસિત મોદી વિરુદ્ધ જાતીય સતામણીનો કેસ દાખલ કર્યો છે.

TMKOC mrs sodhi quit aka jennifer mistry quit show and accused pruducer asit modi of sexual harassment | 'मिसेज सोढ़ी' जेनिफर मिस्त्री ने 15 साल बाद छोड़ा 'तारक मेहता' शो, असित मोदी

તેણે કહ્યું કે અસિતના સોહેલ રામાણી અને એક્ઝિક્યુટિવ પ્રોડ્યુસર જતીન બજાજે પણ તેની સાથે ગેરવર્તણૂક કરી. અભિનેત્રીના કહેવા પ્રમાણે આ ઘટના હોળીની છે. તેને સેટની બહાર જવાની પરવાનગી આપવામાં આવી ન હતી અને તે પછી ઘણી ગેરવર્તણૂક થઈ હતી. આ કારણે તે ખૂબ જ પરેશાન થઈ ગઈ હતી.

જેનિફર મિસ્ત્રી બંસીવાલે એક વેબસાઈટને જણાવ્યું હતું કે, ‘શરૂઆતથી જ આસિતજી ઘણી વાર કહેતા હતા તમે ખૂબ જ સુંદર દેખાઈ રહ્યા છો.  મને એકવાર પૂછ્યું કે તું શું પીવે છે? મેં બિન્દાસ્ત થઈને વ્હિસ્કી. આ પછી તેમણે વારંવાર મને વ્હિસ્કી પીવા માટે આમંત્રણ આપ્યા હતા. તેઓ મજાકમાં બોલતા હશે. પરંતુ ૨૦૧૯માં અમારી આખી ટીમ સિંગાપોર ગઈ હતી. ત્યાં અસિત મોદીએ 8 માર્ચે મને કહ્યું – મારા રૂમમાં આવી જાઓ સાથે બેસીને વ્હિસ્કી પીએ. મને તેમની પાસેથી આ સાંભળીને આશ્ચર્ય થયું. પછી એક દિવસ પછી તેમણે કહ્યું – તે ખૂબ જ સુંદર દેખાઈ રહી છે. મન થાય છે કે મને પકડીને ચુંબન કરી લે. તેમની આ વાત સાંભળીને હું ધ્રૂજવા લાગી હતી.

Who is Jennifer Mistry Bansiwal, Taarak Mehta Ka Ooltah Chashmah actress who has accused makers of sexual harassment?

અભિનેત્રી આગળ કહે છે, ‘મેં મારા બે સાથીઓને આ વિશે જણાવ્યું હતું. એકે અસિત મોદીને ઘણું બધું સંભળાવ્યું હતું. બીજાએ અસિત મોદીની સામે મને બચાવવાનો પ્રયાસ કર્યો હતો. એકવાર આસિત મોદીએ કહ્યું- જો તમારી પાસે રાત્રે રૂમ પાર્ટનર ન હોય તો મારા રૂમમાં આવી જા સાથે વ્હિસ્કી પીએ. જ્યારે તેમને લાગ્યું કે અહીં દાળ ગળવાની નથી તો તેમને મને ઓછી સ્ક્રીન સ્પેસ આપવાનું શરૂ કર્યું.

ગયા વર્ષે પણ જ્યારે મેં આસિત મોદીને રજા માંગવા માટે ફોન કર્યો ત્યારે તેમણે મને કહ્યું કે રડો નહીં, જો હું પાસે હોત તો મને ગળે લગાડીને ફ્લર્ટ કરતો અને ફ્લર્ટ કર્યા પછી કહેતો કે હું મજાક કરું છું. મારા વકીલે મને સમજાવ્યું કે હવે ચૂપ રહેવું યોગ્ય નથી. તમારે તમારો અવાજ ઉઠાવવો પડશે.

આ પણ વાંચો :-

Gujarat : કાળઝાળ ગરમી વચ્ચે ગુજરાતના આ શહેરમાં બે દિવસ રહેશે વીજકાપ

News Editor
-
0

Gujarat

  • ગ્રામ્ય વિસ્તારોમાં PGVCLની કામગીરીને લઈ જુદા-જુદા ફીડરોમાં આવતા ગ્રામ્ય વિસ્તારોમાં છ કલાક માટે વીજ પુરવઠો ખોરવાશે.

રાજ્યમાં કાળઝાળ ગરમી પડી રહી છે. ગરમી વચ્ચે ભાવનગરમાં (Bhavnagar) આજે અને આવતીકાલે વીજકાપ કરાશે. ગ્રામ્ય વિસ્તારોમાં PGVCLની કામગીરીને લઈ જુદા-જુદા ફીડરોમાં આવતા ગ્રામ્ય વિસ્તારોમાં છ કલાક માટે વીજ પુરવઠો ખોરવાશે.

આજે સવારે ૭થી ૧૨ વાગ્યા સુધી ૬૬-કે.વી હડદડમાં આવતા ગ્રામ્ય વિસ્તારમાં તેમજ સિહોર પંથકમાં આવતા ધાંધળી-૩માં આવતા ગામોમાં અને સીટી નજીક આવેલ સિદસર સબ સ્ટેશન હેઠળ આવતા ગામોમાં વીજ કાપ જાહેર કરવામાં આવ્યો છે.

તો આવતીકાલે સવારે ૭થી ૧૨ વાગ્યા સુધી રતનપર સબ સ્ટેશનમાં આવતા ગામડામાં વીજ કાપ રહેશે. એક તરફ ઉનાળામાં આકરી ગરમી પડી રહી છે જેના કારણે ૪૨ ડિગ્રી સુધી તાપમાન રહેતું હોય છે ત્યારે આવા સમયે વીજ કાપ કરવામાં આવતા લોકોની મુશ્કેલીઓમાં વધારો થશે. બે દિવસ માટે વીજ કાપ જાહેર કરતા ગ્રામ્ય પંથકમાં ૫૦ હજારથી વધુ ઘરોમાં અસર થશે.

આ પણ વાંચો :-

રોહિત શર્માની નિવૃત્તિ બાદ ટીમ ઈન્ડિયાનો કેપ્ટન બનશે આ ખતરનાક ખેલાડી !

News Editor
-
0

After the retirement

  • રોહિત શર્મા પાસે કેપ્ટન તરીકે પોતાને સાબિત કરવા માટે હવે બહુ ઓછો સમય બચ્યો છે. આ વર્ષે ભારતમાં રમાનારા 2023 વર્લ્ડ કપ બાદ કોઈને ખબર નથી કે રોહિત શર્મા ટીમ ઈન્ડિયાના કેપ્ટન રહેશે કે નહીં.

રોહિત શર્મા (Rohit Sharma) પાસે કેપ્ટન તરીકે પોતાને સાબિત કરવા માટે હવે બહુ ઓછો સમય બચ્યો છે. આ વર્ષે ભારતમાં રમાનારા 2023 વર્લ્ડ કપ બાદ કોઈને ખબર નથી કે રોહિત શર્મા ટીમ ઈન્ડિયાના (Team India) કેપ્ટન રહેશે કે નહીં. રોહિત શર્માની ઉંમર હવે 36 વર્ષ થઈ ગઈ છે. 36 વર્ષના રોહિત શર્મા માટે હવે લાંબા સમય સુધી ભારતની કેપ્ટનશીપ સંભાળવી શક્ય નહીં રહે.

2023 વનડે વર્લ્ડ કપ બાદ ભારતીય ટીમને નવા કેપ્ટનની શોધ રહેશે. 36 વર્ષના રોહિત શર્મા હવે વધુ દિવસ માટે ભારતના કેપ્ટન રહી શકશે નહીં. અત્રે જણાવવાનું કે એક એવો ખેલાડી છે જે રોહિત શર્મા બાદ ટીમ ઈન્ડિયાનો કાયમી ટેસ્ટ વનડે અને ટી20 કેપ્ટન બની શકે છે. મેદાન પર આ ખેલાડીનો ખુબ જ આક્રમક અંદાજ છે.

કાયમી કેપ્ટન બની શકે છે આ ખેલાડી :

ઋષભ પંત ટીમ ઈન્ડિયાના આગામી કેપ્ટન બની શકે છે. છેલ્લા કેટલાક વર્ષોમાં ઋષભ પંતે ટીમ ઈન્ડિયા માટે શાનદાર પ્રદર્શન કર્યું છે. આ જ કારણ છે કે તેનું ત્રણેય ફોર્મેટમાં જગ્યા પાક્કી થયેલી છે. ઋષભ પંત પાસે એક સ્માર્ટ દિમાગ છે. પંતમાં કેપ્ટન બનવાના તમામ ગુણ પણ રહેલા છે.

આઈપીએલમાં દિલ્હી કેપિટલ્સની કેપ્ટનશીપ કરતા પંતે શાનદાર કામ કરેલું છે. ઋષભ પંત હાલ એક્સિડન્ટમાં ઘાયલ થવાના કારણે ટીમ ઈન્ડિયામાંથી બહાર છે. પરંતુ તેઓ જલદી ટીમ ઈન્ડિયામાં પાછા ફરી શકે છે.

કેપ્ટનશીપમાં ખુબ ચતુર :

ઋષભ પંત આવનારા સમયમાં ભારતના ટોપ કેપ્ટનોમાંથી એક હોઈ શકે છે. ઋષભ પંત શીખવામાં ખુબ ચતુર છે. પંતમાં એ ચિંગારી જોવા મળે છે જે આગળ જઈને એક ધધગતી આગ બની શકે છે. પંતની કેપ્ટનશીપમાં દિલ્હી કેપિટલ્સે આઈપીએલમાં શાનદાર પ્રદર્શન કરેલું છે. ઋષભ પંતમાં એક ચિંગારી છે જેને જો નેચરલ રીતે આગળ વધવા દેવાય તો તે એક આગ બની શકે છે.

પંતની એક પોતાની જ સ્ટાઈલ છે અને તેઓ યુનિક બ્રાન્ડની ક્રિકેટ રમે છે. ઋષભ પંતની બેટિંગથી ખુબ એન્ટરટેઈનમેન્ટ થાય છે. દરેક કંડિશનમાં આ યુવા બેટરનો જલવો જોવા મળતો હોય છે. વિકેટકિપિંગમાં પણ ઋષભ પંતનું પ્રદર્શન શાનદાર જોવા મળ્યું છે. પંતની બેટિંગની સ્ટાઈલ પણ ખુબ આક્રમક છે. પંતથી બેસ્ટ કઢાવવાનો એક જ રસ્તો છે કે તેમને એ કરવા દેવામાં આવે જે તેઓ કરવા માંગે છે.

આ પણ વાંચો :-

Royal Enfield ની સૌથી મોંઘી બાઈક થઈ વધુ મોંઘી, કિંમતમા આટલો થયો વધારો

News Editor
-
0

Royal Enfield

  • Royal Enfield Super Meteor 650 : Royal Enfieldએ આ વર્ષે જાન્યુઆરીમાં તેની બહુપ્રતીક્ષિત સુપર મીટીયોર 650 લોન્ચ કરી. તે ભારતમાં વેચાણ માટે ઉપલબ્ધ કંપનીની સૌથી મોંઘી અને ફ્લેગશિપ મોટરસાઈકલ છે.

Royal Enfieldએ આ વર્ષે જાન્યુઆરીમાં તેની બહુપ્રતીક્ષિત સુપર Meteor 650 લોન્ચ કરી. તે ભારતમાં વેચાણ માટે ઉપલબ્ધ કંપનીની સૌથી મોંઘી અને ફ્લેગશિપ મોટરસાઈકલ છે. હવે, સત્તાવાર લોન્ચ થયાના પાંચ મહિનાની અંદર Super Meteor 650ની કિંમતમાં વધારો કરવામાં આવ્યો છે. તેની કિંમતમાં આ પ્રથમ વધારો છે. વધારા પછી Royal Enfield Super Meteor 650 ની કિંમત હવે રૂ.3.54 લાખ (એક્સ-શોરૂમ) થી શરૂ થાય છે જે અગાઉ રૂ.3.49 લાખ હતી. તેની કિંમતમાં 5,000 રૂપિયાનો વધારો થયો છે.

Royal Enfield Super Meteor 650 ત્રણ વેરિઅન્ટમાં વેચાઈ રહી છે – એસ્ટ્રલ, ઈન્ટરસ્ટેલર અને સેલેસ્ટિયલ. તેના એસ્ટ્રલ વેરિઅન્ટની કિંમત હવે રૂ. 3.54 લાખ (એક્સ-શોરૂમ), ઇન્ટરસ્ટેલર વેરિઅન્ટની કિંમત રૂ. 3.69 લાખ (એક્સ-શોરૂમ) અને સેલેસ્ટિયલ વેરિઅન્ટની કિંમત રૂ.3.84 લાખ (એક્સ-શોરૂમ) છે. ત્રણેય વેરિઅન્ટની કિંમતમાં 5,000 રૂપિયાની સમાન રકમનો વધારો કરવામાં આવ્યો છે.

Royal Enfield Super Meteor 650 એ 650cc પેરેલલ-ટ્વીન, એર- અને ઓઇલ-કૂલ્ડ ઇંધણ-ઇન્જેક્ટેડ એન્જિન દ્વારા સંચાલિત છે. જે 46.3bhp અને 52.3Nm આઉટપુટ આપે છે. તે 6-સ્પીડ મેન્યુઅલ ગિયરબોક્સ સાથે જોડાયેલું છે. ઈન્ટરસેપ્ટર 650 અને કોન્ટિનેંટલ જીટી 650માં પણ આ જ એન્જિન પહેલેથી જ ઓફર કરવામાં આવ્યું છે.

ફીચર્સ વિશે વાત કરીએ તો Royal Enfield Super Meteor 650માં નવી ટ્રિપર નેવિગેશન સિસ્ટમ અને ટ્વિન-પોડ ઈન્સ્ટ્રુમેન્ટ ક્લસ્ટર આપવામાં આવ્યું છે. તેમાં 43 mm USD ફ્રન્ટ ફોર્ક્સ અને પાછળના ભાગમાં ડ્યુઅલ સ્પ્રિંગ-લોડેડ શોક એબઝોર્બર છે. આગળ અને પાછળ ડિસ્ક બ્રેક્સ પણ છે આગળ અને પાછળના ભાગમાં LED લાઈટિંગ પણ છે.

આ પણ વાંચો :-

દુનિયાની સૌથી ખૂબસુરત પ્રધાનમંત્રીના થયા છૂટાછેડા, પ્રાઈવેટ વીડિયો થયો હતો લીક

News Editor
-
0

The most beautiful Prime Minister

  • ફિનલેન્ડના પીએમ સના મારિન તેના પતિ સાથે છુટાછેડા થયા છે. બીજી તરફ ચૂંટણીમાં હાર બાદ સના સપ્ટેમ્બર મહિનામાં પીએમ પદ પણ છોડવાની છે.

ફિનલેન્ડની (Finland) સૌથી નાની ઉંમર એટલે કે માત્ર 34 વર્ષની ઉંમરમાં વડાપ્રધાન બનેલા સના મારિનનાં તેના પતિ સાથે છુટાછેડા થયા છે. બીજી તરફ ચૂંટણીમાં હાર બાદ સના સપ્ટેમ્બર મહિનામાં પીએમ પદ પણ છોડવાની છે.મહત્વનું છે કે સના તથા તેના પતિ માર્ક્સ રાયકોનેને (Marks Raiko) ઈન્સ્ટાગ્રામ દ્વારા આ મામલે જાહેરાત કરી હતી. જેમાં તેમણે લખ્યું હતું કે 19 સાલ સાથે રહેવા બદલ આભારી છીએ. મહત્વનું છે કે બનેને એક દીકરી પણ છે.

મારિનનો જન્મ 16 નવેમ્બર,1985માં ફિનલેન્ડમાં થયો હતો :

માર્ક્સ રાયકો અને પીએમ સના 2020માં લગ્ન ગ્રંથિથી જોડાયાએ હતા. આ દરમિયાન તેઓએ ઇન્ટગ્રામ પર પોસ્ટ શેર કરી હતી. ફિનલેન્ડના રાજકીય ઈતિહાસમાં સના મારિનને સૌથી નાની ઉંમરે પીએમ બનવાનું સૌભાગ્ય સાંપડયું છે. જોકે ફિનલેન્ડની સોશિયલ ડેમોક્રેટિક પાર્ટીએ (Social Democratic Party) ગત મહિના ચૂંટણીમાં હારનો સામનો કરવાની નોબત આવી હતી.

એ પણ મહત્વનું છે કે સુસની ધમકી વચ્ચે પણ પીએમએ નાટોમા સહભાગી થવાનો નિણર્ય કર્યો હતો. સના મારીને પીએમ એન્ટી રિનેને વિશ્વાસમતમાં હરાવ્યા હતા. મારિનનો જન્મ 16 નવેમ્બર,1985માં ફિનલેન્ડમાં થયો હતો. વર્ષ-2015માં તેણી સંસદસભ્ય તરીકે ચૂંટાઈ આવી હતી.

અગાઉ થયો હતો વીડિયો વાયરલ :

ગત ઓગષ્ટ માસમાં ફિનલેન્ડના વડાપ્રધાન સના મારિનનો પાર્ટી કરતો એક વીડિયો સોશિયલ મીડિયા પર વાયરલ થયો હતો, જેમાં તે પોતાના મિત્રો સાથે ડાન્સ કરતી જોવા મળી રહી હતી. આ વીડિયો વાયરલ થયા બાદથી ફિનલેન્ડની વિપક્ષી પાર્ટીઓએ તેમના પર આક્ષેપો કરવાનું શરૂ કરી દીધું હતું.જેના કારણે બાદમાં વિવાદ સર્જાયા બાદ તે ખૂબ ચર્ચામાં આવ્યા હતા. વિપક્ષી નેતાઓએ માંગ કરી હતી કે પીએમ સના મારિને પોતાનો ડ્રગ ટેસ્ટ કરાવવો જોઈએ.

આ પણ વાંચો :-

BIG BREAKING : પાવાગઢમાં ફરી મોટી દુર્ઘટના ; વિશ્રામ કુટિર ઉતારતી વખતે ૦૩ લોકો દટાયા, ૦૨ ઈજાગ્રસ્ત

News Editor
-
0

BIG BREAKING

  • પોલીસ અને વહીવટી તંત્ર ઘટનાની જાણ થતાં સ્થળ પર પહોંચી ગયા છે અને આગળની કાર્યવાહી હાથ ધરી છે. તમને જણાવી દઈએ કે એક અઠવાડિયા પહેલા જ આવા જ અકસ્માત થયો હતો. જેમાં એક મહિલાનું મોત અને ૦૯ યાત્રિકો ગંભીર રીતે ઈજાગ્રસ્ત થયા હતા.

યાત્રાધામ પાવાગઢમાં (Pilgrimage Pavagadh) ફરી એક વખત મોટો અકસ્માતના સમાચાર મળી રહ્યા છે. વિશ્રામ કુટિર (Rest cottage) ઉતારવાની કામગીરી દરમ્યાન ફરી એક મોટો અકસ્માત થયો છે. ફરી એક વખત વિશ્રામકુટીરનો ઢાંચો તૂટતા શ્રમિકો દબાયા હોવાના સમાચાર મળી રહ્યા છે. આ અકસ્માતમાં ૦૩ શ્રમિકો દબાયા હોવાના અહેવાલ છે. હાલ ત્રણેય શ્રમિકોને હાલોલ રેફરલ હોસ્પિટલમાં (Halol Referral Hospital) સારવાર માટે ખસેડાયા છે. જ્યારે અતિ ગંભીર ઇજાગ્રસ્ત ૦૨ શ્રમિકોને રીફર કરાયા છે.

પોલીસ અને વહીવટી તંત્ર ઘટનાની જાણ થતાં સ્થળ પર પહોંચી ગયા છે અને આગળની કાર્યવાહી હાથ ધરી છે. તમને જણાવી દઈએ કે એક અઠવાડિયા પહેલા જ આવા જ અકસ્માત થયો હતો. જેમાં એક મહિલાનું મોત અને ૦૯ યાત્રિકો ગંભીર રીતે ઈજાગ્રસ્ત થયા હતા.

અત્રે નોંધનીય છે કે એક અઠવાડિયા પહેલા જ પાવાગઢના માચી ખાતે દુર્ઘટના સર્જાઈ હતી. અહીં માઈ ભક્તો માટે બનાવવામાં આવેલ વિશ્રામ કુટિરનો ઘુમ્મટ તૂટ્યો હતો. જેમાં ૧૦થી વધુ લોકો દટાયા છે અને એક મહિલાનું મોત થયું હતું. પથ્થરથી બનાવેલો ઘુમ્મટ ધરાશાયી થતાં આ ગમખ્વાર દુર્ઘટના બની હતી. એટલું જ નહીં ૦૨ બાળકો અને ૦૩ મહિલાઓ સહિત ૧૦ લોકો ઈજાગ્રસ્ત થયા હતા. ઈજાગ્રસ્તોને સારવાર અર્થે હોસ્પિટલમાં ખસેડવામાં આવ્યા હતા. આ બનાવની જાણ થતાં પોલીસ કાફલો ઘટનાસ્થળે દોડી આવ્યો હતો.

આ પણ વાંચો :-

IPL 2023 : યુવા બેટર યશસ્વી જાયસવાલનો ધમાકો, 13 બોલમાં અડધી સદી ફટકારી બનાવ્યો રેકોર્ડ

News Editor
-
0

IPL 2023

  • KKR vs RR : રાજસ્થાન રોયલ્સના યુવા બેટર યશસ્વી જાયસવાલે આઈપીએલ ઈતિહાસની સૌથી ઝડપી અડધી સદી ફટકારી દીધી છે. જયસવાલે કોલકત્તાના ઈડન ગાર્ડનમાં આ રેકોર્ડ બનાવ્યો છે.

ઈન્ડિયન પ્રીમિયર લીગ-2023ની 56મી મેચમાં વધુ એક નવો રેકોર્ડ બની ગયો છે. રાજસ્થાન રોયલ્સના યુવા બેટર યશસ્વી જાયસવાલે (Yashaswi Jaiswale) આઈપીએલ ઈતિહાસની સૌથી ઝડપી અડધી સદી ફટકારી દીધી છે. યશસ્વીએ પ્રથમ ઓવરમાં જ 26 રન ફટકારી દીધા હતા. જયસવાલે પ્રથમ ત્રણ ઓવરમાં જ પોતાની અડધી સદી ફટકારી દીધી હતી. તેણે માત્ર 13 બોલમાં પોતાની અડધી સદી પૂરી કરી હતી. જાયસવાલે કેએલ રાહુલનો (KL Rahul) રેકોર્ડ તોડી દીધો છે.

આઈપીએલ ઈતિહાસની સૌથી ઝડપી અડધી સદી :

યશસ્વી જાયસવાલે પ્રથમ બોલથી જ આક્રમક શરૂઆત કરી હતી. તેણે નીતિશ રાણાની પ્રથમ ઓવરમાં બે સિક્સ અને ત્રણ ચોગ્ગા ફટકાર્યા હતા. તેણે કોલકત્તાના દરેક બોલર પર આક્રમક પ્રહાર કર્યા હતા. ત્રીજી ઓવરના પાંચમાં બોલ પર યશસ્વીએ પોતાની અડધી સદી પૂરી કરી હતી. તેણે આઈપીએલ ઈતિહાસની સૌથી ઝડપી અડધી સદીનો રેકોર્ડ તોડી નાખ્યો છે.

આ પણ વાંચો :-

1...1,0841,0851,086...1,462Page 1,085 of 1,462