Home Blog Page 1058

સુરતમાં ભારે પવનથી છત પરથી પાણીની ટાંકી રાહદારીની માથે ધડામ દઈને પડી

News Editor
-
0

In Surat, a water tank fell from the roof  

  • સુરત પરથી વાવાઝોડાનું સંકટ ટળી ગયું છે. તેમ છતાં ભારે પવન ફૂંકાઈ રહ્યો છે. ભારે પવનના કારણે પતરા ઉડવાની સાથે સાથે મકાનની છત પર રાખવામાં આવેલી પાણીની ટાંકીઓ પણ ફંગોળાઈને નીચે પડી.

ભેસ્તાન (Bhestan) વિસ્તારમાં રસ્તા પર જઈ રહેલા યુવક પર પાણીની ખાલી ટાંકી પડતાં ઈજાગ્રસ્ત થયો હતો. જેથી તેને તાત્કાલિક સારવાર માટે નજીકની હોસ્પિટલ (Hospital) લઈ જવાયો હતો.

યુવકને ઈજા બાળકી બચી ગઈ :

કહેવાય છે કે રામ રાખે તેને કોણ ચાખે.. આ કહેવત એક બાળકી માટે ચરિતાર્થ થઈ હતી. બાળકી અને યુવક સામ સામે રસ્તા પરથી ચાલ્યા જતાં હતાં. એ દરમિયાન જ ભસ્તાન આવાસની ટેરેસ પર રહેલી પાણીની ખાલી ટાંકી ઉપરથી જાણે આફત આવી રહી હોય તે રીતે યુવકના માથા પર પડી હતી. જ્યારે બાળકી થોડી આગળ જતી રહી હોવાથી તે બચી ગઈ હતી.

સમગ્ર ઘટના સીસીટીવીમાં કેદ :

શુક્રવારે સાંજે સર્જાયેલી ઘટના સીસીટીવીમાં કેદ થઈ ગઈ હતી. જેમાં કેસરી કલરનો શર્ટ પહેરેલો યુવક શાંતિથી ચાલ્યો હતો. તે દરમિયાન ભારે પવનના કારણે ટેરેસ પરથી પાણીની ખાલી ટાંકી ધડામ દઈને યુવકના માથા પર પડી હતી. જેથી યુવક ત્યાં જ પાણીના ટાંકા નીચે પડી ગયો હતો. બાદમાં આસપાસથી લોકો દોડી આવ્યાં હતાં અને યુવકને સારવાર માટે હોસ્પિટલ ખસેડ્યો હતો.

આ પણ વાંચો :-

વિરાટની નવી ઘડિયાળ પર અટકી ગઈ સૌની નજર, કિંમત જાણીને તમે પણ રહી જશો દંગ !

News Editor
-
0

Everyone’s eyes are stuck on Virat’s new watch 

  • વિરાટ કોહલી પોતાના લુક અને સ્ટાઈલને કારણે અવારનવાર હેડલાઈન્સમાં રહે છે. વિરાટ કોહલી પાસે સૌથી મોંઘી ઘડિયાળોનું કલેક્શન છે. આ ઘડિયાળોની કિંમત લાખોમાં છે. વિરાટ કોહલી હવે બીજી એક લેટેસ્ટ લક્ઝરી ઘડિયાળ પહેરીને જોવા મળ્યો.

વિરાટ કોહલીએ (Virat Kohli) હાલમાં જ તેની ઈન્સ્ટાગ્રામ સ્ટોરી પર પોતાનો એક ફોટો શેર કર્યો છે. આ ફોટામાં વિરાટ સેન્ટોસ ડી કાર્ટીયર ગ્રીન ડાયલ ઘડિયાળ (Santos de Cartier Green Dial Watch) પહેરેલો જોવા મળ્યો.

વિરાટ કોહલીએ પહેરેલી ઘડિયાળની કિંમત લગભગ 7,95,000 રૂપિયા છે. આ પહેલા વિરાટ કોહલી પાટેક ફિલિપ નોટિલસ ઘડિયાળ પહેરેલો જોવા મળ્યો હતો. તેની કિંમત લગભગ 57 લાખ રૂપિયા હતી.

વિરાટ કોહલી પાસે બ્લેક ડાયલ Daytona ઘડિયાળ પણ છે. જેની કિંમત 20 લાખ રૂપિયા છે. વિરાટ પાસે Patek Philippe Aquanaut ઘડિયાળ છે. જેની બજારમાં કિંમત 30 થી 35 લાખ રૂપિયા છે.

વિરાટ કોહલીના ઘડિયાળના કલેક્શનમાં Rolex DayDate 40 પણ સામેલ છે. આ ઘડિયાળની કિંમત લગભગ 27 લાખ રૂપિયા છે. વિરાટ કોહલી હાલમાં લાંબા બ્રેક પર છે. હવે તે વેસ્ટ ઈન્ડિઝ પ્રવાસમાં એક્શનમાં જોવા મળશે.

આ પણ વાંચો :-

૮૮ હજાર કરોડની ૫૦૦ની નોટો છપાઈ પણ RBI ને મળી જ નહીં, કોણ ખાઈ ગયું ?

News Editor
-
0
  • ભારતીય રિઝર્વ બેંક (RBI) ને ૧૯૯૯-૨૦૧૦ વચ્ચે લોકર્સમાં જમા કરાયેલી એડિશનલ ૩૩૯.૯૫ મિલિયન કરન્સી નોટો મુદ્દે સમસ્યા હતી. જે સરકારી સિક્યુરિટી પ્રિન્ટિંગ પ્રેસોના આઉટપુટથી વધુ હતી પરંતુ હવે એક સંપૂર્ણ રીતે અલગ મામલો સામે આવ્યો છે.

ભારતીય રિઝર્વ બેંક (RBI)ને ૧૯૯૯-૨૦૧૦ વચ્ચે લોકર્સમાં જમા કરાયેલી એડિશનલ ૩૩૯.૯૫ મિલિયન કરન્સી નોટો મુદ્દે  સમસ્યા હતી. જે સરકારી સિક્યુરિટી પ્રિન્ટિંગ પ્રેસોના આઉટપુટથી વધુ હતી પરંતુ હવે એક સંપૂર્ણ રીતે અલગ મામલો સામે આવ્યો છે. ટંકશાળોએ નવી ડિઝાઈન કરેલી 500 રૂપિયાની ૮૮૧૦.૬૫ મિલિયન નોટ ઈશ્યું કરી પરંતુ આરબીઆઈને ફક્ત ૭૨૬૦ મિલિયન નોટ મળી. મિસિંગ નોટોની કિંમત ૮૮,૦૩૨.૦૫ કરોડ રૂપિયા છે.

રહસ્યમય રીતે ગાયબ થઈ ૫૦૦ રૂપિયાની નોટો :

ધ ફ્રીસ પ્રેસ જર્નલમાં છપાયેલા એક રિપોર્ટ મુજબ કોઈને ખબર નથી કે રહસ્યમય રીતે ગાયબ થયેલી ૧૭૬૦.૬૫ મિલિયન ૫૦૦ રૂપિયાની નોટ  ક્યાં છે. જેમાં એપ્રિલ ૨૦૧૫ થી માર્ચ ૨૦૧૬ સુધી નાસિક મિન્ટમાં છપાયેલી ૨૧૦ મિલિયન નોટ સામેલ છે. ગાયબ થનારી નોટોની કિંમત ૮૮,૦૩૨.૦૫ કરોડ રૂપિયા છે. વારંવાર પ્રયત્નો કરવા છતાં ભારતીય રિઝર્વ બેંકના પ્રવક્તાએ રિઝર્વ  બેંક વોલ્ટથી ગાયબ થનારી નોટો પર ટિપ્પણી કરવાનો ઈન્કાર કર્યો છે.

અહીં થાય છે નોટનું છાપકામ :

ભારત અધિકૃત નોટનું છાપકામ ૩ સરકારી મિન્ટો- ભારતીય રિઝર્વ બેંક નોટ મુદ્રણ (પી) લિમિટેડ, બેંગ્લુરુ, કરન્સી નોટ પ્રેસ નાસિક, અને બેંક નોટ પ્રેસ દેવાસમાં થાય છે અને  તેમને ભારતીય રિઝર્વ બેંક વોલ્ટમાં મોકલે છે. જે ભારતીય અર્થવ્યવસ્થામાં આગળના વિતરણ માટે હોય છે.

RTI થી થયો ખુલાસો :

RTIના ડેટા અધિકાર હેઠળ જાણકારી મેળવવામાં આવી જે એક્ટિવિસ્ટ મનોરંજન રોયે મેળવી. નાસિક કરન્સી નોટ પ્રેસ દ્વારા ૩૭૫.૪૫૦ મિલિયનની નવી ડિઝાઈન કરાયેલી ૫૦૦ રૂપિયાની નોટ  છાપવામાં આવી પરંતુ રિઝર્વ બેંકના રેકોર્ડમાં ફક્ત ૩૪૫.૦૦૦ મિલિયન નોટ જ મળી છે. જે એપ્રિલ ૨૦૧૫ થી ડિસેમ્બર ૨૦૧૬ સુધીમાં છાપવામાં આવી હતી. ગત મહિને એક અન્ય આરટીઆઈના ઉત્તરમાં નાસિક કરન્સી નોટ પ્રેસે કહ્યું કે નાણાકીય વર્ષ ૨૦૧૫-૨૦૧૬ (એપ્રિલ ૨૦૧૫-માર્ચ ૨૦૧૬) માટે ૨૧૦ મિલિયન રૂપિયાની ૫૦૦ નોટ આરબીઆઈને આપૂર્તિ કરાઈ હતી તે સમયે રઘુરામ રાજન ભારતીય રિઝર્વ બેંકના ગવર્નર હતા.

આ પણ વાંચો :-

 

બનાસકાંઠામાં આભ ફાટ્યું, વાવાઝોડાની અસરથી ઉત્તર ગુજરાત પર આવ્યું મોટું સંકટ

News Editor
-
0

The aura burst in Banaskantha 

  • વાવાઝોડું પસાર થઈ ગયા બાદ પણ વરસાદી સંકટ યથાવત. ઉત્તર ગુજરાતમાં બનાસકાંઠા, પાટણ, મહેસાણા અને સાબરકાંઠામાં રેડ એલર્ટ આપવામાં આવ્યું. 41 સી 61 કિલોમીટરની ઝડપે પવન અને ઠંડરસ્ટોર્મ એક્ટિવિટી સાથે રહેશે ભારે વરસાદ

વાવાઝોડું જતુ રહ્યું છે એવુ નથી. ગુજરાત પર વાવાઝોડાનું સંકટ હજી પણ યથાવત છે. કચ્છ બાદ હવે બિપોરજોય વાવાઝોડાનો કહેર ઉત્તર ગુજરાત પર વરસ્યો છે. ઉત્તર ગુજરાતમાં બનાસકાંઠા, પાટણ, મહેસાણા અને સાબરકાંઠામાં રેડ એલર્ટ આપવામાં આવ્યું. 41 સી 61 કિલોમીટરની ઝડપે પવન અને ઠંડરસ્ટોર્મ એક્ટિવિટી સાથે ભારે વરસાદ તૂટી પડ્યો છે. ત્યારે આખુ ગુજરાત હાલ વરસાદના બાનમાં છે.

બનાસકાંઠા, પાટણ, સાબરકાંઠામાં હાલ વરસાદ જ વરસાદ છે. ખાસ કરીને બનાસકાંઠાની સ્થિતિ વણસી. રાતભર પડેલા વરસાદથી આખું બનાસકાંઠા જળબંબાકાર બન્યુ છે. લોકોના ઘરોમાં પાણી ઘૂસ્યા છે. તો ભારે તારાજી સર્જાઈ છે. બનાસકાંઠામાં આજે આખો દિવસ ભારે વરસાદની આગાહી

બનાસકાંઠા જિલ્લાના તમામ તાલુકાઓમાં મોડી રાત્રિથી ભારે પવન સાથે ધોધમાર વરસાદ વરસી રહ્યો છે ભારે પવનના કારણે અનેક વૃક્ષો ધરાસાઈ થયા છે તો પાલનપુરમાં પડેલા ધોધમાર વરસાદના કારણે અમદાવાદ-આબુ હાઈવે ઉપર પાણી ભરાતા અમદાવાદથી પાલનપુર થઈને આબુરોડ જવાનો રસ્તો બ્લોક કરાયો છે અને આબુરોડ જતા વાહનોનું પાલનપુર થી ચંડીસર અને ત્યાંથી વાઘરોણ થઈને ચિત્રાસણી થઈ આબુરોડ તરફ ડાયવજન અપાયું છે.

આબુરોડથી અમદાવાદ તરફ આવતા માર્ગ ઉપર પણ ભારે પાણી ભરાતા વાહન ચાલકો અટવાયા છે મોટા વાહનો મહામુસીબતે પસાર થઈ રહ્યા છે તો નાના વાહનો આ રસ્તે આવવાનું ટાળી રહ્યા છે તો નેશનલ હાઈવે ઉપર ખાડા પડી જતા એક કાર પાણીમાં ફસાઈ હતી.

જોકે કાર ચાલક અને સ્થાનિક લોકોએ અનેક પ્રયત્નો કર્યા છતાં કાર બહાર ન નીકળતા ટ્રાફિક જામના દર્શયો સર્જાયા હતા જોકે  હવામાન વિભાગ દ્વારા બનાસકાંઠામાં હજુ પણ ભારે થી અતિભારે વરસાદની આગાહી કરાઈ છે જેને લઈને હજુ વધુ વરસાદ પડે તો જનજીવન ઉપર ભારે અસર પડી શકે છે.

આ પણ વાંચો :-

વાવાઝોડાની દહેશત વચ્ચે અચાનક જુનાગઢમાં શું થયું ? DySP સહિત અનેક પોલીસકર્મી ઘાયલ

News Editor
-
0
  • હજુ તો બિપોરજોય વાવાઝોડાની અસરમાંથી ગુજરાત મુક્ત નથી થયું ત્યાં જૂનાગઢમાં મજેવડી વિસ્તારમાં દરગાહનું ડિમોલિશન કરવાની નોટિસ પર વિવાદ થયો અને બાદમાં તોફાનો થયા. ગેરકાયદે બનેલી ડિમોલિશનની નોટિસ મળતા ટોળું બેકાબૂ બન્યું.

હજુ તો બિપોરજોય વાવાઝોડાની અસરમાંથી ગુજરાત મુક્ત નથી થયું ત્યાં જૂનાગઢમાં મજેવડી વિસ્તારમાં દરગાહનું ડિમોલિશન કરવાની નોટિસ પર વિવાદ થયો અને બાદમાં તોફાનો થયા. ગેરકાયદે બનેલી ડિમોલિશનની નોટિસ મળતા ટોળું બેકાબૂ બન્યું. પોલીસે તોફાનની આશંકા સાથે પહેલા જ બંદોબસ્ત ગોઠવી દીધો હતો. ત્યારે રોષે ભરાયેલા ટોળાએ હિંસા અને તોફાન કરી એસટીના કાચ તોડયાં. આ સાથે  બેકાબૂ બનેલા ટોળાએ પોલીસની ગાડી પર પથ્થરમારો કર્યો.

પોલીસકર્મીઓ ઈજાગ્રસ્ત :

પથ્થરમારાના કારણે પાંચ પોલીસ કર્મચારીઓ ઈજાગ્રસ્ત થયા. 1 DySP, 4 PI સહિતના પોલીસ કર્મચારીઓને ઈજા થઈ છે. ખાનગી વાહનો ઉપર પણ ટોળાએ પથ્થરમારો કર્યો. ટોળાને કાબૂમાં લેવા માટે પોલીસે ટીયરગેસના સેલ છોડવા પડયાં. આ મામલે પોલીસે 174 લોકોને રાઉન્ડઅપ કરી તપાસ હાથ ધરી છે. જૂનાગઢ શહેરમાં હાલ સ્થિતિ સંપૂર્ણ રીતે કાબૂમાં છે.

અત્રે જણાવવાનું કે મજેવડી દરવાજા ખાતે થયેલા પથ્થરમારા મામલે વધુ વિગતો જોઈએ તો જિલ્લા પોલીસ વડાએ પ્રતિક્રિયા આપતા કહ્યું કે ડિમોલીશન નોટિસ અપાયા બાદ ટોળું એકઠું થયું હતું. મનપા દ્વારા દબાણ દૂર કરવા માટે નોટિસ અપાઈ હતી. ત્યારબાદ ટોળાએ પથ્થરમારો કર્યો હતો. રાતે 174 લોકોની અટકાયત કરવામાં આવી હતી.

ઘર્ષણ બાદ કાર્યવાહી :

આ ઘર્ષણ બાદ પોલીસ પણ હવે આકરા પાણીએ છે તોફાન કરનાર લોકોને કાયદાનું ભાન કરાવ્યું છે અને કાયદો હાથમાં લેનારાને પાઠ ભણાવ્યો છે. તમામ લોકો સામે કડક કલમો લગાવવામાં આવશે. રાઉન્ડ અપ કરેલા લોકોની ગેરકાયદે નિર્માણ કે સંપતિ હશે તો કાર્યવાહી કરવામાં આવશે. અત્રે જણાવવાનું કે રસ્તા પર ગેરરકાયદેસર દરગાહ અંગે નોટિસ હતી જેને 5 દિવસમાં ખાલી કરવાનું કહેવાયું હતું.

શું છે મામલો :

જૂનાગઢ મહાનગર પાલિકા તરફથી ગેરકાયદેસર નિર્માણ બદલ નોટિસ અપાઈ હતી. 14 જૂન 2023ના રોજ નોટિસ મોકલવામાં આવી હતી. ગેરકાયદેસર રીતે ધાર્મિક સ્થળ બનાવવા બદલ પાલિકાએ નોટિસ આપી હતી. ધાર્મિક સ્થળ હટાવવાની નોટિસ વચ્ચે જૂનાગઢના સ્થાનિક લોકો અને પોલીસ વચ્ચે ધર્ષણ થયું.

આ પણ વાંચો :-

એક જ દિવસમાં વાવાઝોડાએ તબાહી મચાવી, શુક્રવારે વરસેલા વરસાદના આંકડા આવી ગયા

News Editor
-
0

As the storm wreaked havoc

  • Gujarat Weather Forecast : ગુજરાતમાં બિપોરજોય વાવાઝોડાના કારણે અનેક તાલુકામાં વરસાદ. છેલ્લા 24 કલાકમાં રાજ્યમાં 200 તાલુકામાં વરસાદ પડયો. જેમાં સૌથી વધુ કચ્છના માંડવીમાં સાડા 9 ઈંચ વરસાદ ખાબક્યો અને અંજારમાં 8 ઈંચ વરસાદ વરસ્યો.

બિપોરજોય વાવાઝોડું ડીપ ડીપ્રેશનમાં ફેરવાતા ગુજરાત માટે રાહતના સમાચાર છે. રાત્રે 11.30 વાગ્યે વાવાઝોડું ડીપ ડીપ્રેશનમાં ફેરવાયું હતું. જો કે આજે પણ રાજ્યમાં વરસાદની આગાહી કરવામાં આવી છે. કેટલાક વિસ્તારોમાં ભારેથી અતિભારે વરસાદની આગાહી કરાઈ છે.

આજે ગુજરાતના 9 જિલ્લામાં વરસાદ પડી શકે છે. પરંતુ તે પહેલા શુક્રવારે પડેલા વરસાદનો રિપોર્ટ આવી ગયો છે. હવામાન વિભાગના આંકડા અનુસાર, રાજ્યમાં છેલ્લા 24 કલાક દરમિયાન 200 તાલુકામાં વરસાદ નોંધાયો છે. જેમાં સૌથી વધુ વરસાદ કચ્છ જિલ્લામાં નોંધાયો છે. કચ્છના ચાર તાલુકામાં 8 ઇંચ કરતાં વધારે વરસાદ નોઁધાયો. તો સૌથી વધુ વરસાદ કચ્છના અંજાર અને માંડવીમાં 9 ઈંચ વરસ્યો છે. કચ્છના ભચાઉ, ભુજ અને મુન્દ્રામાં 8 ઈંચ કરતાં વધારે વરસાદ પડયો. કચ્છના જ રાપરમાં પોણા આઠ ઇંચ વરસાદ અને નખત્રાણામાં 7 ઇંચ વરસાદ રહ્યો.

હવામાન વિભાગની લેટેસ્ટ માહિતી અનુસાર, રાજ્યમાં છેલ્લા 24 કલાક દરમિયાન 19 તાલુકામાં ચાર ઈંચ કરતા વધારે વરસાદ વરસ્યો. રાજ્યના 37 તાલુકામાં ત્રણ ઈંચ કરતાં વધારે વરસાદ રહ્યો. રાજ્યના 58 તાલુકામાં બે ઈંચ કરતાં વધારે વરસાદ નોંધાયો. તેમજ રાજ્યના 103 તાલુકામાં એક ઈંચ કરતાં વધારે વરસાદ ચોપેડે રેકોર્ડ થયો.

તો મધ્ય ગુજરાતમાં બિપોરજોય વાવઝોડાની ગઈકાલે વડોદરામાં આખો દિવસ અસર રહી. આખો દિવસ 80 કિમીની ઝડપે પવન ફુંકાયો હતો. જેમાં 73 ઝાડ અને એક મકાન દીવાલ ધરાશાઈ થઈ હતી. બે દિવસમાં MGVCLના 260 થાંભલા ધરાશાયી થયા. તો 48 ગામોમાં વીજળી ડૂલ થઈ હતી. દિવાલ ધસી પડવાથી એક મહિલાનું મોત થયું છે. તેમજ 3 લોકો ઈજાગ્રસ્ત થયા હતા.

આ પણ વાંચો :-

આદિપુરુષ ફિલ્મ ફરી વિવાદમાં, ડાયલોગ્સ સાંભળી ભડક્યા લોકો..

News Editor
-
0

Adipurush film in controversy again

  • ફિલ્મ રિલીઝ થયાની સાથે જ લોકોની ઉત્સુકતા ગુસ્સામાં બદલી ગઈ. પ્રભાસના ચાહકો પણ ફિલ્મ જોઈને નાખુશ જોવા મળ્યા. અભિનયની દ્રષ્ટિએ ફિલ્મ કદાચ લોકોને સારી પણ લાગે પરંતુ ફિલ્મના ડાયલોગે બાજી બગાડી દીધી.

આદિપુરુષ ફિલ્મને (Adipurush movie) લઈને છેલ્લા ઘણા સમયથી વિવાદ ચાલતો હતો. પરંતુ તેમ છતાં ફિલ્મ ચાહકોને ફિલ્મથી ઘણી બધી આશાઓ હતી. ખાસ કરીને પ્રભાસને શ્રીરામના (Shree Ram) પાત્રમાં જોવા માટે લોકો ઉત્સુક હતા. પરંતુ ફિલ્મ રિલીઝ થયાની સાથે જ લોકોની ઉત્સુકતા ગુસ્સામાં બદલી ગઈ. પ્રભાસના ચાહકો પણ ફિલ્મ જોઈને નાખુશ જોવા મળ્યા. અભિનયની દ્રષ્ટિએ ફિલ્મ કદાચ લોકોને સારી પણ લાગે પરંતુ ફિલ્મના ડાયલોગે બાજી બગાડી દીધી.

ફિલ્મ રિલીઝ થયાની સાથે જ દિલ્હી હાઈકોર્ટમાં ફિલ્મ આદિપુરુષ પર પ્રતિબંધ મૂકવાની અને ફિલ્મમાંથી કેટલાક આપત્તિજનક દ્રશ્યો દૂર કરવાની માંગ કરતી અરજી કરવામાં આવી છે. ફિલ્મ વિરુદ્ધમાં અરજી હિન્દુ સેનાના અધ્યક્ષ વિષ્ણુ ગુપ્તાએ કરી છે. તેમણે અરજીમાં કહ્યું છે કે ફળના પાત્ર મહાકાવ્ય રામાયણમાં વર્ણિત પાત્રો કરતાં સાવ અલગ છે. સાથે જ તેમને સેન્સર બોર્ડ દ્વારા ફિલ્મને પ્રમાણપત્ર આપવામાં આવ્યું તે નિર્ણયને પણ પડકાર્યો છે.

જનહિતની અરજી કરી ગુપ્તાએ ફિલ્મ પર તત્કાલ પ્રભાવથી પ્રતિબંધ મૂકવાની માંગ કરી છે. તેમણે કહ્યું છે કે ફિલ્મમાં ધાર્મિક ચરિત્રોને ખોટી રીતે અને અનુચિત રીતે દેખાડવામાં આવ્યા છે જેના કારણે હિન્દુ સમુદાયની ભાવના આહત થઈ છે. તેમણે કહ્યું છે કે ફિલ્મોમાં જે રીતે રામ સીતા હનુમાન અને રાવણના પાત્રને દેખાડવામાં આવ્યા છે તે મહર્ષિ વાલ્મિકી અને સંત તુલસીદાસ રચિત મહાકાવ્યના પાત્રોથી વિરુદ્ધ છે.

ફિલ્મમાં રાવણ અને હનુમાનના પાત્રનું ચિત્રણ પણ ભારતીય સંસ્કૃતિથી વિપરીત છે. ફિલ્મ રાવણને દાઢી સાથે દેખાડવામાં આવ્યો છે જે તદ્દન ખોટું છે. રાવણ બ્રાહ્મણ હતો અને તેને ફિલ્મમાં ખોટી રીતે અને ભયાનક રૂપમાં દેખાડવામાં આવ્યો છે. સાથે જ ફિલ્મના ડાયલોગ પણ મહાકાવ્ય રામાયણના પાત્રોને શોભે તેવા નથી. આ બાબતોને લઈને ફિલ્મ પર પ્રતિબંધ મૂકવાની માંગ કરવામાં આવી છે.

આ પણ વાંચો :-

વીડિયો કોલ કરી કપડાં ઉતારવા લાગી છોકરી, છોકરાનું મગજ “થયું બંધ” અને પછી….

News Editor
-
0

The girl started undressing after

  • નિવૃત્ત જજે પોલીસને આપેલા પોતાના રિપોર્ટમાં જણાવ્યું છે કે કથિત કોલ સવારે ૯.૩૦ વાગ્યે આવ્યો હતો. જ્યારે તે અને તેમનો પુત્ર સેક્ટર ૧૭માં તેમની ચેમ્બરમાં બેઠા હતા. તેણે કહ્યું કે જેવો જ કોલ આવ્યો. તેના પુત્રએ જોયું કે કોલના બીજા છેડે એક છોકરી હતી જે તેના કપડાં ઉતારી રહી હતી.

પહેલા વીડિયો કોલ પર મિત્રતા પછી છેતરપિંડી અને બાદમાં સેક્સટોર્શન. જેના જીવનમાં આ ત્રણ શબ્દો જોડાઈ જાય છે તેનું જીવન નરક બની જાય છે. આવું જ કંઈક ગુરુગ્રામના એક ૨૫ વર્ષના છોકરા સાથે થયું છે. આ છોકરો નિવૃત જજનો પુત્ર હોવાનું જાણવા મળે છે. તે તેના પિતા સાથે ચેમ્બરમાં બેઠો હતો ત્યારે તેના વોટસએપ પર એક વીડિયો કોલ આવ્યો. કોલના બીજા છેડે એક છોકરી હતી જે સતત તેના કપડાં ઉતારી રહી હતી. જાણે પિતા સાથે બેઠેલા છોકરાનું મન સુન્ન થઈ ગયું અને તે બેભાન થઈ ગયો. તેના હૃદયના ધબકારા વધુ તેજ થઈ ગયા.

નિવૃત્ત જજે પોલીસને આપેલા પોતાના રિપોર્ટમાં જણાવ્યું છે કે કથિત કોલ સવારે ૯.૩૦ વાગ્યે આવ્યો હતો. જ્યારે તે અને તેમનો પુત્ર સેક્ટર ૧૭માં તેમની ચેમ્બરમાં બેઠા હતા. તેણે કહ્યું કે જેવો જ કોલ આવ્યો. તેના પુત્રએ જોયું કે કોલના બીજા છેડે એક છોકરી હતી જે તેના કપડાં ઉતારી રહી હતી. આ જોઈને તેનો પુત્ર ગભરાઈ ગયો અને તેણે કોલ ડિસકનેક્ટ કરી દીધો.

કોલ ડિસ્કનેક્ટ થતાં જ મળી ધમકી :

રિટાયર્ડ જજે પોતાના રિપોર્ટમાં જણાવ્યું છે કે કોલ ડિસકનેક્ટ થતાં જ કોલ અને વોટ્સએપ પર પૈસાની માંગણી કરવામાં આવી હતી. જો તેઓ આમ નહીં કરે તો અશ્લીલ ફોટા ઈન્સ્ટાગ્રામ અને ફેસબુક પર વાયરલ કરવાની ધમકી આપવામાં આવી હતી. નિવૃત્ત ન્યાયાધીશે વધુમાં કહ્યું કે, “કેટલાક અસામાજિક તત્વો તેની પ્રતિષ્ઠાને નુકસાન પહોંચાડી શકે છે અને પૈસા ઉપાડવા માટે તેનો મોબાઈલ નંબર હેક કરી શકે છે.”

આ પણ વાંચો :-

 

૧૭ જૂન / કરજમાંથી મુક્તિ, નવા કોન્ટ્રાક્ટ મળશે, આ રાશિના જાતકોનો શનિવાર રહેશે સારો, જુઓ આજનું રાશિ ભવિષ્ય

News Editor
-
0

June 17 / Freedom from debt

મેષઃ
નાણાંકીય આવક વધતી જણાય. પરિવારના તમામત સભ્યો સાથે પ્રેમભર્યું વાતાવરણ રહે. નાવ રોકાણોનું ફાયદા કારક આયોજન કરી શકાય. ધંધાકીય ક્ષેત્રે અનુકુળતા વધે. માતૃપક્ષ તરફથી લાભ, ખોટા ખર્ચ ટાળવા

વૃષભઃ
વાયુ કફની પ્રકૃતિ રહે, મોસાળ પક્ષ તરફથી લાભ, આવક જળવાય. મનમાં આનંદનો અનુભવ થાય. બેકરી, લોજીંગ જેવા તથા સરકારી કામ કરનારને લાભ, દામ્પત્ય જીવનમાં મનમેળ રહે. પ્રિયપાત્રાનું મિલન શક્ય બને.

મિથુનઃ
મનોબળ ધટતું જણાય. આર્થિક બાબતોમાં સાવધાની રાખવી જરૂરી, જીવનસાથી સાથે મતભેદ ટાળવા, પત્નિની તબિયતની કાળજી રાખવી, નોકરી-ધંધામાં સફળતા, વ્યસનથી દૂર રહેવું. પ્રેમ સંબંધમાં ફસાઈ ન જવાય. એનું ધ્યાન રાખવું.

કર્કઃ
દિવસ દરમ્યાન આનંદ વર્તાય, આવકમાં વધારો થતો જણાય. કુટુંબમાં સ્નેહનું વાતારવરણ વધે. માતૃપક્ષ તરફથી લાભ, ગળા તથા જ્ઞાનતંતુઓના રોગોથી સાવધાની જરૂરી. જીવનસાથી સાથે સ્નેહ વધે. નોકરીમાં ઉપરી અધિકારી સાથે વાદવિવાદ ટાળવો.

સિંહઃ
વિચારો ઉપર કાબુ રાખવો ખુબ જરૂરી, આવક વધતી જણાય. પરિવારમાં સુખ, સાંતિ જળવાય. સ્થાવર-જંગમ મિલકથી લાભ, નોકરી, ધંધામા ઉત્સાહ જળવાય. શરદી ખાંસીનો ઉપદ્વ રહે. મિત્રોનો સહકાર મળતો જણાય.

કન્યાઃ
વાણી દ્વારા વ્યવહારમાં સફળતા મળે. આર્થિક ઉપાર્જન શક્ય બને. ભાગ્યનો સાથ મળતાં કાર્યક્ષેત્રે સફળતાનો અનુભવ થાય મિત્રોથી લાભ, જાણીતી વ્યક્તિ દ્વારા દગા-ફટકાનો ભાગ બનવાથી સાવધ રહેવું.

તુલાઃ
પરિવારમાં મતભેદ ન થાય એનું ધ્યાન રાખવું. કાર્યક્ષેત્રે સફળતા અવરોધી જણાય.  અસંતોષનું પ્રમાણ વધે. અગત્યના કાર્યો ટાળવા. આરોગ્ય જળવાય. ભાગ્યનો સાથ મળતો જણાય. શાંતિથી દિવસ પસાર કરવો.

વૃશ્ચિકઃ
વાણી વિલાસ સાચવીને કરવો. કડવું બોલવાથી સંબંધો બગડતાં જણાય. અભિમાન છોડવું. પેટ્રોલ, રંગ, ટાયર, ટ્યુબના ધંધાર્થીઓને લાભ, દામ્પત્ય સુખમાં આનંદ, પ્રેમ પ્રસંગોનું નિર્માણ થાય. ચર્મરોગોથી સાચવવું.

ધનઃ
મનમાં ચિંતાનું વાતાવરણ રહે. નકારાત્મક વિચારો વધે. આવક અંગે સામાન્ય દિવસ. આરોગ્ય સાચવવું. મગજનાં રોગોથી સવાચેતી જરૂરી. પત્નિ સાથે મતભેદ થવાની શક્યતા, માન સન્માન વધે.

મકરઃ
માનસિક સ્વસ્થતા જળવાય. આત્મવિશ્વાસ વધે. નાણાંની આવક વધે. સાથે સાથે ખોટા ખર્ચ ટાળવાા સલાહ છે. સંતાનોની પ્રગતિથી હર્ષ થાય. પતિ, પત્નિના સંબંધોમાં મધુરતા વધે. પડવ, વાગવાથી સાચવવું.

કુંભઃ
આવક જળવાશે. પરિવારમાં આનંદ ઉત્સાહમાં વધારો થાય. કાર્યક્ષેત્રે સફળતા મળતી જણાય. માતૃપક્ષ તરફથી લાભ, નવા રોકાણો સારી રીતે કરી શકાય. નોકરી-ધંધામાં પ્રગતિ થતી જણાય.

મીનઃ
જુસ્સામાં શક્તિમાં વધારો થાય. આત્મવિશ્વાસ બુલંદ બને. આર્થિક પાસુ મજબુત થાય. પરિવારમાં આનંદ-ઉત્સાહ વધે. કાર્યક્ષેત્રે સફળતા, નવા કાર્યની શરૂઆત શક્ય બને. સાંધાના દુઃખાવા, વાયુની તકલીફોથી સાચવવું.

આ પણ વાંચો :-

દાદરમાં પકડીને સાથી સાંસદે મારી છાતી પર જબરદસ્તી હાથ ફેરવ્યો ! મહિલા સાંસદનો આરોપ

News Editor
-
0
  •  મહિલા સાંસદે જણાવ્યું કે સંસદ ભવન હવે સુરક્ષિત જગ્યા રહી નથી. અહીં સાથી સાંસદે જ મારા શરીરે હાથ ફેરવીને મને અડપલાં કર્યાં છે. આ સ્થળ હવે સુરક્ષિત નથી લાગતું. સંસદ ભવનની સીડીમાં મને એકલી જોઈને જબરદસ્તી મને પકડીને એક પાવરફૂલ સાંસદે મને ગંદા અડપલાં કર્યાં !

મહિલા સાંસદના (Woman MP) એક નિવેદન બાદ હડકંપ મચી ગયો. આ મહિલા સાંસદે સંસદ ભવનમાં બધાની હાજરીમાં રડતા રડતા પોતાની આપવીતી જણાવી. મહિલા સાંસદે જણાવ્યું કે, ‘સંસદની સીડીમાં સાથી સાંસદે મને બળજબરી પૂર્વક પકડીને મારા શરીરે બધે હાથ ફેરવ્યો’. મહિલા સાંસદના આ પ્રકારના સનસનીખેજ આરોપ બાદ રાજકારણ ગરમાયું.

આ ઘટના છે ઓસ્ટ્રેલિયાની (Australia). ઓસ્ટ્રેલિયાની સંસદ ભવનમાં એક મહિલા સાંસદે જ્યારે રડતા રડતા આ વાત કરી ત્યારે સૌ કોઈ ચોંકી ગયા. જોત જોતામાં આ સમાચાર વાયુવેગે દુનિયાભરમાં વાયરલ થઈ ગયાં. ઓસ્ટ્રેલિયન સાંસદનો (Australian MP) આરોપ- સંસદમાં મારી જાતીય સતામણી કરવામાં આવીઃ રડતાં રડતાં કહ્યું- આ જગ્યા મહિલાઓ માટે બિલકુલ સુરક્ષિત નથી

ઓસ્ટ્રેલિયાની એક મહિલા સાંસદે આરોપ લગાવ્યો છે કે ત્યાંના સંસદ ભવનમાં તેની સાથે યૌન શોષણ થયું હતું. સાંસદ લિડિયા થોર્પે ગુરુવારે સંસદને આંસુથી સંબોધિત કરી. તેણે કહ્યું- શક્તિશાળી લોકોએ મારા પર જાતીય ટિપ્પણી કરી મને ખોટી રીતે સ્પર્શ કર્યો. આ જગ્યા મહિલાઓ માટે કામ કરવા માટે બિલકુલ યોગ્ય નથી. થોર્પે બુધવારે ઓસ્ટ્રેલિયાની સંસદ વિશે આ નિવેદનો આપવાના એક દિવસ પહેલા જ ઓસ્ટ્રેલિયાના સાંસદ ડેવિડ વેન પર જાતીય શોષણનો આરોપ લગાવ્યો હતો. આ પછી તેના પર આરોપો પાછા ખેંચવા માટે દબાણ કરવામાં આવી રહ્યું હતું.

જાતિય સતામણીનો ભોગ બનનાર પીડિત મહિલા સાંસદ લિડિયા થોર્પે સમજાવ્યું કે જાતીય હુમલાનો અર્થ દરેક માટે અલગ અલગ હોઈ શકે છે. તેણે કહ્યું- મને ઓફિસની બહાર નીકળતા પણ ડર લાગતો હતો. બહાર કોઈ છે કે કેમ તે જોવા માટે હું પહેલા થોડો દરવાજો ખોલતી હતી. જ્યારે પણ હું બિલ્ડિંગમાં પ્રવેશતી ત્યારે હું કોઈને મારી સાથે રાખતી હતી.

લિડિયાએ એમ પણ કહ્યું કે તેના જેવા બીજા ઘણા લોકો છે જેમની સાથે આવું બન્યું છે, પરંતુ તેઓ તેમની કારકિર્દી ખતમ થવાના ડરથી આગળ આવી શકતા નથી. કોઈને પોતાની આપવીતી કહી શકતા નથી. જે લોકો જાતીય સતામણી કરે છે તે પોતે પણ સાંસદ છે અને સરકાર પાવરફૂલ હોલ્ડ ધરાવે છે. ન હતા. તે જ સમયે ભૂતપૂર્વ સાંસદ અમાન્ડા સ્ટોકરે પણ લિડિયાનું સમર્થન કર્યું છે. તેણે કહ્યું કે 3 વર્ષ પહેલા ડેવિડ વેને મને બે વાર ખોટી રીતે સ્પર્શ કર્યો હતો. તેણે મારા શરીર પર પણ હાથ ફેરવ્યો હતો.

ડેવિડ વેને આરોપોને ફગાવી દીધા :

લિડિયા થોર્પે દ્વારા કરવામાં આવેલા જાતીય હુમલાના આરોપો લિબરલ પાર્ચીના સાંસદ ડેવિડ વેન દ્વારા ફગાવી દેવામાં આવ્યા છે. તેણે કહ્યું- લિડિયાએ મારા વિશે જે પણ કહ્યું છે તે સંપૂર્ણપણે ખોટું છે. તેના આરોપોની તપાસ થવી જોઈએ. આ સાથે જ ઓસ્ટ્રેલિયામાં વિપક્ષના નેતા પીટર ડટને ડેવિડને પાર્ટી રૂમમાંથી બહાર હાંકી કઢ્યો. તેને તાત્કાલિક ધોરણે સાંસદ તરીકે સસ્પેન્ડ કરવામાં આવ્યો.

ઓસ્ટ્રેલિયાની સંસદ 2021થી ઉત્પીડનના મામલામાં ફસાયેલી છે :

ઓસ્ટ્રેલિયાની સંસદ 2021થી જાતીય સતામણીના વિવાદોથી ઘેરાયેલી છે. 2021માં ઓસ્ટ્રેલિયન સરકારી કર્મચારીએ તેના સાથીદાર બ્રુસ લેહરમેન પર દારૂ પીધા પછી 2019 માં ઓફિસના પલંગ પર તેના પર બળાત્કાર કરવાનો આરોપ મૂક્યો હતો.

આ પછી સરકારી પૂછપરછમાં સામે આવ્યું છે કે ઓસ્ટ્રેલિયાની સંસદમાં જાતીય સતામણી અને ઉત્પીડનના ઘણા કિસ્સાઓ છે. સંસદમાં કામ કરતા ત્રણમાંથી એક વ્યક્તિએ કહ્યું કે તેમની સાથે આવી ઘટના બની છે. સિડની મોર્નિંગ હેરાલ્ડના અહેવાલ મુજબ લિડિયા થોર્પના મામલાએ સંસદને ફરીથી 2021ના ડાર્ક પીરિયડમાં લાવી દીધી છે.

આ પણ વાંચો :-

1...1,0571,0581,059...1,464Page 1,058 of 1,464