રાજસ્થાનમાં ભાજપને પ્રચંડ જીત મળ્યા બાદ હવે આજે મુખ્યમંત્રી તરીકે ભજનલાલ શર્માએ શપથગ્રહણ કર્યા છે. રાજ્યપાલ કલરાજ મિશ્રાએ આજે મુખ્યમંત્રી તરીકે ભજનલાલ શર્મા અને બે નાયબ મુખ્યમંત્રી તરીકે દિયા કુમારી અને પ્રેમચંદ બૈરવાને શપથ લેવડાવ્યા હતા. આ દરમિયાન વડાપ્રધાન નરેન્દ્ર મોદી અને અનેક રાજ્યોના મુખ્યમંત્રી પણ ઉપસ્થિત રહ્યા હતા. મહત્વનું છે કે, ભજનલાલ શર્માએ મુખ્યમંત્રી પદના શપથ લેતા પહેલા તેમના માતા-પિતાના પગ ધોયા અને આશીર્વાદ લીધા હતા. ભજનલાલ શર્માએ રાજસ્થાનના ૧૪માં મુખ્યમંત્રી તરીકે શપથ ગ્રહણ કર્યા છે.
ભજનલાલ શર્મા ૧૫મી ડિસેમ્બરે મુખ્યમંત્રી પદના શપથ લીધા છે. પોતાના જન્મદિવસના અવસર પર મુખ્યમંત્રી તરીકે શપથ લેનારા તેઓ પ્રથમ મુખ્યમંત્રી બન્યા છે. ભજનલાલ માટે બેવડી ખુશી છે. મહત્વનું છે કે, ભજનલાલે ગુરુવારે રાત્રે ૧૨ વાગ્યા પછી સોડાલાના ચંબલ ગેસ્ટ હાઉસમાં તેમના સમર્થકો સાથે જન્મદિવસની ઉજવણી કરી હતી. તેમના જન્મદિવસ નિમિત્તે મુખ્યમંત્રી અને તેમના સમર્થકો દ્વારા રક્તદાન શિબિરનું પણ આયોજન કરવામાં આવશે. આ શિબિરનું આયોજન ધોલપુરમાં કરવામાં આવશે.
ચૂંટણી પંચમાં દાખલ કરાયેલી એફિડેવિટ મુજબ ૫૬ વર્ષીય ભજનલાલ શર્મા પોસ્ટ ગ્રેજ્યુએટ છે. તેમની કુલ જાહેર કરેલી સંપત્તિ ૧.૪૦ કરોડ રૂપિયા. તેમણે તાજેતરમાં પૂર્ણ થયેલી ૨૦૨૩ રાજ્યની ચૂંટણીમાં કોંગ્રેસના પુષ્પેન્દ્ર ભારદ્વાજને ૪૮,૦૮૧ મતોના માર્જિનથી હરાવીને સાંગાનેર બેઠક જીતી હતી. તેઓ પ્રથમ વખત ધારાસભ્ય બન્યા છે. જોકે ભજનલાલ શર્મા ચાર વખત ભાજપના પ્રદેશ મહાસચિવ રહી ચૂક્યા છે. RSS અને ABVP સાથે પણ લાંબા સમયથી જોડાયેલા છે.
આ પણ વાંચો :-
