- ઓસ્ટ્રેલિયામાંથી એક ચોંકાવનારો કિસ્સો સામે આવ્યો છે. અહીં એક ૬૪ વર્ષની મહિલાના મગજમાં જીવતો કીડો મળી આવ્યો છે. વિશ્વમાં આ પ્રકારનો આ પહેલો કેસ કહેવામાં આવી રહ્યો છે.
ઓસ્ટ્રેલિયામાંથી એક ચોંકાવનારો કિસ્સો સામે આવ્યો છે. અહીં એક ૬૪ વર્ષની મહિલાના મગજમાં જીવતો કીડો મળી આવ્યો છે. વિશ્વમાં આ પ્રકારનો આ પહેલો કેસ કહેવામાં આવી રહ્યો છે. ડોક્ટર્સનું કહેવું છે કે તેમની કારકિર્દીમાં પણ આ પ્રકારનો આ પહેલો કેસ છે. મહિલામાં ન્યુમોનિયા, પેટમાં દુખાવો, ઝાડા, સૂકી ઉધરસ, તાવ અને રાત્રે પરસેવો જેવા તમામ લક્ષણો દેખાઈ રહ્યા હતા. ડોકટરો ૨૦૨૧ થી સ્ટેરોઈડસ અને અન્ય દવાઓથી તેની સારવાર કરી રહ્યા છે.
૨૦૨૨માં મહિલામાં ડિપ્રેશન અને ભૂલી જવાના લક્ષણો પણ દેખાવા લાગ્યા હતા. જે બાદ ડોક્ટરોએ તેના મગજનું એમઆરઆઈ સ્કેન કર્યું. જેમાં કેટલીક ગરબડ જોવા મળી. પછી સર્જરીની સલાહ આપવામાં આવી. પરંતુ પાછળથી તેને ખબર પડી કે મગજમાં એક કીડો જીવતો છે.
ન્યૂ યોર્ક પોસ્ટે ધ ગાર્ડિયનને ટાંકીને જણાવ્યું હતું કે, કેનબેરાના ચેપી રોગના નિષ્ણાત ડો. સંજય સેનાનાયકે જણાવ્યું હતું કે, “ન્યુરોસર્જને શસ્ત્રક્રિયા કરી ન હતી કારણ કે તેમણે એક ક્રોલિંગ વોર્મ શોધી કાઢ્યો હતો.” સેનાનાયકે આશ્ચર્યચકિત થઈ ગયા જ્યારે સર્જને તેમને બોલાવ્યા અને કહ્યું, ‘હે ભગવાન. તમે વિશ્વાસ નહીં કરે કે મને આ મહિલાના મગજમાં શું મળ્યું છે. તે જીવિત છે.
સર્જિકલ ટીમે જે શોધી કાઢ્યું તે ૩-ઈંચ-લાંબું, લાલ, પરોપજીવી રાઉન્ડવોર્મ હતું. જેને વૈજ્ઞાનિકો ઓફિડાસ્કરિસ રોબર્ટસી તરીકે ઓળખે છે. એ સ્ત્રીના મગજમાં ફરી રહ્યો હતો. તેનું મળવું એટલા માટે વિચિત્ર છે કારણ કે તે સામાન્ય રીતે સાપમાં જોવા મળે છે માણસોમાં નહીં. રાઉન્ડવોર્મનો આ ચોક્કસ પ્રકાર કાર્પેટ પાયથોન્સમાં જોવા મળે છે. તે ઓસ્ટ્રેલિયા, ઈન્ડોનેશિયા અને પાપુઆ ન્યુ ગિનીમાં જોવા મળે છે.
સાપમાં જોવા મળેલો કીડો મહિલાના શરીરમાં કેવી રીતે પહોંચ્યો તે ડોક્ટરોને સમજાતું નથી. તેને સાપ સાથે કોઈ સીધો સંપર્ક નહોતો. પરંતુ તેના ઘરની નજીકના તળાવમાં ઘણા સાપ રહે છે. નિષ્ણાતોનું અનુમાન છે કે શક્ય છે કે પાલક જેવી કેટલીક ખાદ્ય ચીજવસ્તુઓ પર કીડાના ઈંડા આવી ગયા હોય. જે મહિલાએ ખાધી હોય. મહિલા ખોરાક માટે પાલક ઉગાડતી હતી. તેથી એવું માનવામાં આવે છે કે તેના પર કૃમિનું ઈંડું હાજર હોઈ શકે છે.
આ પણ વાંચો :-