- એપલ સ્પેશિયલ ઈવેન્ટની જાહેરાત કરવામાં આવી છે. આ ઈવેન્ટ ૧૨ સપ્ટેમ્બરે યોજાશે. અમેરિકન ટેક કંપનીએ લોન્ચ ઈવેન્ટની તારીખ જાહેર કરી છે.
એપલ સ્પેશિયલ ઈવેન્ટની જાહેરાત કરવામાં આવી છે. આ ઈવેન્ટ ૧૨ સપ્ટેમ્બરે યોજાશે. અમેરિકન ટેક કંપનીએ લોન્ચ ઈવેન્ટની તારીખ જાહેર કરી છે. હંમેશાની જેમ આ વખતે પણ કંપનીએ એ નથી જણાવ્યું કે આ દિવસે શું લોન્ચ થશે, પરંતુ એ સ્પષ્ટ છે કે નવી iPhone સીરિઝ ૧૨ સપ્ટેમ્બરે જ લોન્ચ થશે.
નોંધનીય છે કે આ વખતે આઈફોન ૧૫ સીરિઝના તમામ મોડલમાં ડાયનેમિક આઈલેન્ડનું ફીચર આપવામાં આવશે, જે વર્તમાન આઇફોન એટલે કે આઈફોન ૧૫ સીરીઝના પ્રો મોડલ્સમાં આપવામાં આવ્યું છે. આ સિવાય ઘણા નાના-મોટા ફેરફાર જોવા મળશે. જોકે ડિઝાઈન સમાન હશે અને તેમાં કોઈ ખાસ ફેરફાર જોવા મળશે નહીં.
આ વખતે એલર્ટ સ્લાઈડરને બદલે એક બટન આપવામાં આવી શકે છે. આ સિવાય એવા પણ સમાચાર છે કે હવે iPhone ૧૫ સીરિઝ સાથે કંપની ચાર્જિંગ માટે USB Type C પોર્ટ આપશે. અગાઉ, કંપનીનું પ્રોપ્રાઈટી ચાર્જર ચાર્જિંગ માટે ઉપયોગમાં લેવામાં આવતું હતું પરંતુ હવે તે કોઈપણ Android ફોનના ચાર્જરથી ચાર્જ કરી શકાશે જે USB Type C ને સપોર્ટ કરે છે.
ડિઝાઈનમાં કોઈ મોટા ફેરફારો કરવામાં આવશે નહીં :
જો તમે વિચારી રહ્યા છો કે iPhone ૧૫ સાથે ડિઝાઈનમાં મોટો ફેરફાર થશે તો એવું નથી. આ વખતે પણ તમને જૂની ડિઝાઈન જોવા મળશે જે iPhone ૧૨ થી ચાલી રહી છે.
છેલ્લા ચાર વર્ષમાં કંપનીએ ડિઝાઈનમાં કોઈ મોટો ફેરફાર કર્યો નથી. ગત વખતે આઈફોન ૧૪ની ડિઝાઈન માટે કંપનીને ઘણી ટીકાઓનો સામનો કરવો પડયો હતો કે દરેક વખતે કંપની એક જ પ્રકારના ફોન લોન્ચ કરી રહી છે. કેટલાક મોડલમાં પણ છેલ્લી વખત પ્રોસેસર પણ જૂનું આપવામાં આવ્યું હતું. સ્ક્રીનની ચારેતરફ બેઝલ્સ ઓછા થશે અને સ્કીન એરિયા વધશે. રિઝોલ્યુશન પહેલા કરતા વધુ સારું રહેશે અને આ વખતે પણ ફેસ આઈડી સપોર્ટ કરશે.
Wonder awaits. September 12. #AppleEvent pic.twitter.com/48gRXu3Ux4
— Greg Joswiak (@gregjoz) August 29, 2023
iPhone ૧૫ સીરિઝમાં નવું પ્રોસેસર અને નવો કેમેરા સેટઅપ આપવામાં આવશે અને iOSનું નવું વર્ઝન પણ આપવામાં આવશે. જોકે ૧૨ સપ્ટેમ્બરે જૂના iPhoneમાં iOSનું નવું વર્ઝન પણ આપવામાં આવી શકે છે. ઘણી વખત કંપની લોન્ચ ડેટ સાથે બીજા જૂના iPhoneમાં નવા સોફ્ટવેરને અપડેટ આપી દે છે.
આ પણ વાંચો :-
- વડોદરામાં બુલેટ ટ્રેનનો પીલ્લર અચાનક નમી પડયો તંત્ર દોડતું..
- રક્ષાબંધન મુહૂર્ત : રાત્રે રાખડી ન બાંધવી હોય તો આટલા વાગ્યે ૧ કલાક ૧૨ મિનિટ માટે છે મુહૂર્ત
