Protest against the BJP candidate at this meeting
- મહેસાણાની વિજાપુર બેઠકના ભાજપના ઉમેદવાર રમણ પટેલ સામે વિરોધનો સૂર ઉઠ્યા છે. ત્યારે આજે ગાંધીનગર કમલમ ખાતે મોટી સંખ્યામાં નારાજ ભાજપના કાર્યકરો ઉમટી પડ્યા હતા.
ગુજરાત વિધાનસભાની ચૂંટણીઓ જાહેર થઈ ચૂકી છે. ભારતીય જનતા પાર્ટીએ પોતાના ઉમેદવારો જાહેર કરી દીધા છે. જેમાં અમુક સીટો પર ભાજપે જાહેર કરેલા ઉમેદવારો (Candidates) સામે વિરોધના સૂર ઉઠી રહ્યા છે. મહેસાણાની વિજાપુર (Bijapur of Mehsana) બેઠકના ભાજપના ઉમેદવાર રમણ પટેલ (Raman Patel) સામે વિરોધનો સૂર ઉઠ્યા છે. જેથી મોટી સંખ્યામાં નારાજ ભાજપના કાર્યકરો ગાંધીનગર કમલમ (Gandhinagar Kamalam) ખાતે પહોંચી વિરોધ કરી રહ્યા છે. કાર્યકરો ઉમેદવાર બદલવા માટે રજૂઆત કરી રહ્યા છે.
મહેસાણાની વિજાપુર બેઠકના ભાજપના ઉમેદવાર રમણ પટેલ સામે વિરોધનો સૂર ઉઠ્યા છે. ત્યારે આજે ગાંધીનગર કમલમ ખાતે મોટી સંખ્યામાં નારાજ ભાજપના કાર્યકરો ઉમટી પડ્યા હતા. વિજાપુરમાં ભાજપના ઉમેદવાર રમણ પટેલનો તેમને જબરદસ્ત વિરોધ કરીને પ્રદર્શન કર્યું હતું.
ઉમેદવાર સામે નારાજ લોકોએ કમલમમાં રજૂઆત કરી હતી કે વિજાપુરમાં સ્થાનિક ઉમેદવારને ટિકિટ આપવામાં આવે. બીજી બાજુ કમલમ ખાતે મોટી સંખ્યામાં લોકો પહોંચતા પોલીસનો ચુસ્ત બંદોબસ્ત ગોઠવવામાં આવ્યો હતો.
મહત્વનું છે કે વડોદરા જિલ્લાની બેઠકો પર ડેમેજ કંટ્રોલ માટે હર્ષ સંઘવીને જવાબદારી સોંપાઈ છે. વાઘોડિયાના મધુ શ્રીવાસ્તવ, કરજણના સતીષ નિશાળિયા અને પાદરામાં નારાજ દિનુ મામા સાથે ગૃહ રાજ્યમંત્રી બેઠક કરશે. ત્રણેય નારાજ નેતાઓએ અપક્ષ ઉમેદવારીની જાહેરાત કરી છે. જેથી કોઈ મોટો બળવો ના થાય તેના માટે હર્ષ સંઘવીને જવાબદારી સોંપાઈ છે.
આ પણ વાંચો :-