Home Blog Page 956

૨૨ સપ્ટેમ્બર /  વાહન ચલાવવામાં વિધ્ન, રોકાણમાં રૂપિયા ડૂબવાના સંકેત, આ રાશિના જાતકો શનિવાર ઘા નહીં ભૂલી શકે, જુઓ આજનું રાશિ ભવિષ્ય

News Editor
-
0

મેષ (અ.લ.ઈ.)
આ રાશિનાં જાતકો માટે આજનો દિવસ સામાજિક સેવામાં રૂચિ વધશે. વહીવટી કામમાં નુકસાનથી સંભાળવું. સ્નેહીમિત્રોની મુલાકાતથી મન પ્રસન્ન જણાશે. વાયુજન્ય બીમારીમાં સાવધાની રાખવી.

વૃષભ (બ.વ.ઉ.)
આ રાશિનાં જાતકો માટે આજનો દિવસ શેર-સટ્ટાના કામકાજમાં લાભની સંભાવના. પરિવારમાં સાધારણ ક્લેશ જણાશે. નાના-મોટા રોકાણમાં લાભ થાય. માનસિક ચિંતાથી દૂર રહેવું.

મિથુન (ક.છ.ઘ.)
આ રાશિનાં જાતકો માટે આજનો દિવસ ધંધા-નોકરીમાં ઉત્તમ તક મળે. કુટુંબ પરિવારના સહયોગથી લાભ થાય. દામ્પત્ય સુખમાં વૃદ્ધિ થાય. લે-વેચના કામકાજમાં લાભની સંભાવના.

કર્ક (ડ.હ.)
આ રાશિનાં જાતકો માટે આજનો દિવસ વ્યવસાયના કામમાં આવકમાં વૃદ્ધિ. મશીનરીને લગતા કામકાજમાં ફાયદો. ભાગીદાર પાર્ટનર સાથે યાત્રાના યોગ બને. સકારાત્મક વિચારોથી સાથીઓનો સહયોગ.

સિંહ (મ.ટ.)
આ રાશિનાં જાતકો માટે આજનો દિવસ વ્યવસાયમાં નવા કામ મળે. સાથી કર્મચારી અને સહયોગીથી લાભ. મા-બાપના આશીર્વાદથી અધૂરા કામ પૂરાં થાય. તબિયતની બાબતે સાચવીને કામકાજ કરવું.

કન્યા (પ.ઠ.ણ.)
આ રાશિનાં જાતકો માટે આજનો દિવસ કોઈપણ પ્રકારની ઉધારી કરવી નહીં. લેવડ-દેવડ અને નાણાં બાબતે સાચવવું. મંગલપ્રસંગના કોઈ સારા સમાચાર મળશે. નજીકના સગા-વ્હાલાથી પરેશાની જણાય.

તુલા (ર.ત.)
આ રાશિનાં જાતકો માટે આજનો દિવસ સ્વાસ્થ્યની બાબતે સાવધાની રાખવી. ચંચળ સ્વભાવને સરળ બનાવો. કારણ વગરની યાત્રાથી બચવું. આપના કરેલા સારા કામની સરાહના થાય.

વૃશ્ચિક (ન.ય.)
આ રાશિનાં જાતકો માટે આજનો દિવસ નોકરી-ધંધામાં ધોખાઘડીથી બચવું. સંપત્તિ બાબતે વિચારીને નિર્ણય લેવો. સાથી મિત્રોનો ઉત્તમ સહકાર મળે. તબિયત બાબતે કાળજી રાખવી.

ધન (ભ.ધ.ફ.ઢ.)
આ રાશિનાં જાતકો માટે આજનો દિવસ આર્થિક સ્થિતિમાં સુધારો જોવા મળશે. જવાબદારીવાળા કામમાં યશ મળશે. લાપરવાહીથી કરેલા કામમાં નુકસાન થશે. જૂના દર્દ અને પરેશાનીઓમાંથી મુક્તિ મળે.

મકર (ખ.જ.)
આ રાશિનાં જાતકો માટે આજનો દિવસ સગા સ્નેહીજનોથી આર્થિક સહકાર મળશે. કોઈપણ જાતના રોકાણ માટે સમય સારો નથી. સાથીઓને મદદ કરવાથી પ્રસન્નતા વધશે. ટેક્નિકલ ક્ષેત્ર સાથે જોડાયેલાને લાભ જણાય.

કુંભ (ગ.સ.શ.ષ.)
આ રાશિનાં જાતકો માટે આજનો દિવસ મિત્રો દ્વારા માનસિક વ્યથા અનુભવાશે. પરિવારમાં મોટાની મીઠી નજરથી લાભ થશે. નોકરી-ધંધામાં લાભ થશે. ભાગીદારીથી મનમુટાવ જણાશે.

મીન (દ.ચ.ઝ.થ.)
આ રાશિનાં જાતકો માટે આજનો દિવસ વાહન ચલાવવામાં કાળજી રાખવી. વેપાર-ધંધામાં મહેનત વધશે. અંગત માણસો સાથે ઉધારીથી બચવું. માનસિક અશાંતિનો અનુભવ થશે.

આ પણ વાંચો :-

હવે બધા પાસે હશે iPhone ! પહેલીવાર આટલા સસ્તા થયા આ ચાર પોપ્યુલર મોડલ, ફટાફટ થઈ રહ્યું છે વેચાણ

News Editor
-
0
  • અનેક લોકો નવો આઈફોન લોન્ચ થવાની રાહ જોઈ રહ્યા છે. જેથી જૂના આઈફોનની કિંમતમાં ઘટાડો થાય અને તે ખરીદી શકાય. જો તમે પણ ઓછી કિંમતે આઈફોન ખરીદવાનું વિચારી રહ્યા છો. તો તમારા માટે સારા સમાચાર છે.

જો તમે આઈફોન ખરીદવાનું વિચારી રહ્યા છો. તો તમારા માટે સારા સમાચાર છે. આઈફોનની કિંમતમાં ખૂબ જ ધટાડો થયો છે. આઈફોનની નવી કિંમતો વિશે અહીંયા જણાવવામાં આવ્યું છે.

આઈફોનની કિંમત વધુ હોવાને કારણે કોઈપણ વ્યક્તિ આ ફોન ખરીદી શકતું નથી. અનેક લોકો નવો આઈફોન લોન્ચ થવાની રાહ જોઈ રહ્યા છે. જેથી જૂના આઈફોનની કિંમતમાં ઘટાડો થાય અને તે ખરીદી શકાય. જો તમે પણ ઓછી કિંમતે આઈફોન ખરીદવાનું વિચારી રહ્યા છો. તો તમારા માટે સારા સમાચાર છે. નવા આઈફોનના લોન્ચિંગ પછી અનેક આઈફોનની કિંમતમાં ઘટાડો થઈ ગયો છે.

Appleએ iPhone 15 સીરિઝ લોન્ચ કર્યા પછી iPhone 13, iPhone 14 અને iPhone 14 Plus સ્માર્ટફોનની કિંમતમાં ઘટાડાની જાહેરાત કરે છે. iPhone 14 લોન્ચ થયા પછી બીજી વાર iPhone 13ની કિંમતમાં ઘટાડો થયો છે.

iPhone 14 Plus :

આ આઈફોનમાં 6.7 ઈંચની મોટી ડિસપ્લે છે. એપલે આ આઈફોનની કિંમતમાં 10,000 રૂપિયાનો ઘટાડો કર્યો છે. આ આઈફોનની કિંમત 79,900 રૂપિયા છે. એમેઝોન પર આ આઈફોનની કિંમતમાં 2,910 રૂપિયાની વધારાની છૂટ આપવામાં આવી છે. જેથી આ ફોન 76,990 રૂપિયાની કિંમતમાં ઉપલબ્ધ છે. ઉપરાંત એક્સચેન્જ પર 40,750 રૂપિયાની છૂટ મળી શકે છે.

iPhone 14 :

એપલે આ આઈફોનની કિંમતમાં 10,000 રૂપિયાનો ઘટાડો કર્યો છે. આ આઈફોનની કિંમતમાં ઘટાડો થતા તેની કિંમત 69,900 રૂપિયા થઈ ગઈ છે. એમેઝોન પર આ આઈફોનની કિંમતમાં 3,901 રૂપિયાની વધારાની છૂટ આપવામાં આવી છે. જેથી આ ફોન 65,999 રૂપિયાની કિંમતમાં ઉપલબ્ધ છે. ઉપરાંત એક્સચેન્જ પર 40,750 રૂપિયાની છૂટ મળી શકે છે. એમેઝોન પે ICICI ક્રેડિટકાર્ડધારકોને નો-કોસ્ટ EMI ઓપ્શન આપે છે.

iPhone 13 :

આ આઈફોનની કિંમતમાં બીજી વાર ઘટાડો કરવામાં આવ્યો છે, જેથી આ ફોન 59,900 રૂપિયામાં ઉપલબ્ધ છે. એમેઝોન પર આ આઈફોનની કિંમતમાં 3,901 રૂપિયાની વધારાની છૂટ આપવામાં આવી છે, જેથી આ ફોન 55,999 રૂપિયાની કિંમતમાં ઉપલબ્ધ છે. એક્સચેન્જ પર 40,750 રૂપિયાની છૂટ મળી શકે છે.

એપલે ભારતમાં iPhone 14 Pro અને iPhone 14 Pro Max સ્માર્ટફોન બંધ કરી દીધા છે. આ ડિવીસ એમેઝોનપર સેલ માટે ઉપલબ્ધ છે. Apple iPhone 14 Pro પર 9,901 રૂપિયાની છૂટ આપવામાં આવી છે. ગ્રાહકો HDFC બેન્ક ડેબિટ અથવા ક્રેડિટ કાર્ડનો ઉપયોગ કરીને વધારાનું 3,000 રૂપિયાના ડિસ્કાઉન્ટનો લાભ મેળવી શકે છે.

આ પણ વાંચો :-

 

સલમાન ખાને ધૂમ-ધામથી કર્યું ગણપતી વિસર્જન, વિડીયોમાં શાનદાર ડાન્સ કરતો જોવા મળ્યો દબંગ ખાન

News Editor
-
0
  • બોલિવુડ અભિનેતા સલમાન ખાને ગુરૂવારે ખૂબ જ ધૂમ-ધામથી બાપ્પાનું વિસર્જન કર્યું. વિસર્જન પહેલા તેમણે પોતાની બહેન અર્પિતાની સાથે જોરદાર ડાન્સ પણ કર્યો.

બોલિવુડ અભિનેતા સલમાન ખાને ઢોલ નગાડાની સાથે ગણપતિ બાપ્પાને વિદાય આપી. તેમણે જેટલી શાનદાર રીતે બાપ્પાનું સ્વાગત કર્યું હતું. તેટલી જ ધૂમધામથી તેમણે તેમનું વિસર્જન પણ કર્યું. તેમનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે.

આ વીડિયોમાં સલમાન ખાન પોતાની બહેન અર્પિતા સાથે નાચતા જોવા મળી રહ્યા છે. વીડિયોમાં તે પોતાના પિતા સલીમ ખાન સાથે બાપ્પાની આરતી કરતા પણ જોવા મળી રહ્યા છે.

આ સેલેબ્સ પણ રહ્યા હાજર :

સલમાન ઉપરાંત આયુષ શર્મા, અરબાઝ ખાન, સોહેલ ખાન, જેનેલિયા ડિસૂઝા, રિતેશ દેશમુખ, પુલકિત સમ્રાટ, યુલિયા વંતૂર સહિત ઘણા અન્ય સેલેબ્સ પણ ગણપતિ બાપ્પાની વિદાયના કાર્યક્રમમાં સામેલ થયા હતા. જ્યાં અન્ય સેલેબ્સ ટ્રેડિશનલ ડ્રેસમાં જોવા મળ્યા ત્યાં જ સલમાન ખાન બ્લૂ રંગની ટી-શર્ટ અને બ્લેક કલરના પેન્ટમાં જોવા મળ્યો હતો.

આ પણ વાંચો :-

સુરતના બીઆરટીએસ રૂટ પર પ્રજાના ટેક્સના પૈસાએ લગાવેલ કરોડના સ્વિંગ ગેટ ભંગાર થઈ ગયાં

News Editor
-
0
  • સુરતના બીઆરટીએસ રૂટમાં ખાનગી વાહનોને રોકવા માટે ૪.૪૨ કરોડના ખર્ચે સ્વિંગ ગેટ લગાવવામાં આવ્યાં હતાં.

આમ તો સુરતને સ્માર્ટ સિટી તરીકે ખ્યાતિ મળેલ છે. પરંતુ સુરતના બીઆરટીએસ રૂટમાં ખાનગી વાહનોને રોકવા માટે ૪.૪૨ કરોડના ખર્ચે સ્વિંગ ગેટ લગાવવામાં આવ્યાં હતાં. આ સ્વિંગ ગેટ લગાડનાર એજન્સીની બેદરકારીના કારણે તમામ ગેટ ભંગાર થઈ ગયાં છે. જેથી આ એજન્સીને બ્લેક લિસ્ટ કરવાના આદેશ આપવામાં આવ્યાં છે.

પાલિકા દ્વારા બીઆરટીએસમાં સ્વિંગ ગેટ લગાડનાર એજન્સીને બ્લેક લિસ્ટ કરવા આદેશ આપવામાં આવ્યાં છે. કોરિડોરમાં લગાવેલા ૨૭૮ પૈકી ફક્ત ૫૦ ગેટ જ કાર્યરત છે. સ્વિંગ ગેટ પાછળ રૂપિયા ૪.૪૨ કરોડનો ખર્ચ માથે પડ્યો હોય તેવું સામે આવ્યું છે.

ખર્ચ કરવા છતાં સ્વિંગ ગેટ કામ ન કરતા પાલિકાના ભાજપ શાસકોએ ગંભીર નોંધ લીધી છે. શાસકોએ એજન્સીને બ્લેક લિસ્ટ કરવા સ્થાયી સમિતિની બેઠકમાં તાકીદ કરી છે. બીઆરટીએસ કોરિડોરમાં ખાનગી વાહનો ઘૂસી જતા હોવાથી બસ સ્ટેન્ડ પાસે સ્વિંગ ગેટ મુકાવ્યા હતા. જેના કારણે ખાનગી વાહનો આગળ વધી શકતા નહોતા.

બીઆરટીએસ કોરિડોરમાં ખાનગી વાહનોના પ્રવેશ અટકાવવા વર્ષ ૨૦૧૮માં ૨૭૬ સ્વિંગગ ગેટ લગાવ્યા હતા. એક સ્વિંગ ગેટ પાછળ સવા લાખનો ખર્ચ કરાયો હતો. એજન્સીને ૩.૭૩ કરોડની સામે ૩.૩૭ કરોડની ચુકવણી થઈ ચૂકી છે. હાલમાં માત્ર ૫૦ સ્વિંગ ગેટ ચાલુ હાલતમાં છે.

બાકીના તમામ ગેટ માથે પડતા ભાજપ શાસકોએ ગંભીર નોંધ લીધી હતી. જાહેર પરિવહન સમિતિના ચેરમેન તરીકે હેમાલી બોઘાવાળાએ અગાઉ કોરિડોરમાં જ ઉપવાસ પણ શરૂ કર્યા હતા. ત્યારબાદ સ્વિંગ ગેટ શરૂ કરવાની ખાતરી આપવામાં આવી હતી. પરંતુ આજ દિન સુધી કોઈ પરિણામ નહીં આવતા અંતે નિર્ણય લેવાયો છે

આ પણ વાંચો :-

લાલ બાગ ચા રાજાના આશીર્વાદ લેવા પહોંચ્યો શાહરુખ ખાન, દીકરા અબરામે પણ લીધા બાપ્પાના આશીર્વાદ, જવાનની કમાણી ૯૦૦ કરોડને પાર

News Editor
-
0
  • બોલિવુડના ‘જવાન’ શાહરૂખ ખાન ગુરૂવારે લાલ બાગ કે રાજાના દર્શન કરવા પહોંચ્યા હતા. તેમની સાથે દિકરો અબરામ પણ દર્શન કરવા પહોંચ્યો હતો.

બોલિવુડના કિંગ ખાન શાહરૂખ હાલ પોતાની ફિલ્મ ‘જવાન’ની સફળતાને એન્જોય કરી રહ્યા છે. છેલ્લા ઘણા મહિનાઓથી તે કામમાં વ્યસ્ત રહ્યા હતા. ત્યાં જ ૩ દિવસથી SRK ગણપતિ બાપ્પાની સેવામાં જોવા મળી રહ્યા છે. શાહરૂખ ખાન ગુરૂવારે મુંબઈના પ્રસિદ્ધ લાલ બાગના રાજાના દરબારમાં પોતાના નાના દિકરા અબરામ સાથે પહોંચ્યા હતા.

શાહરૂખ દર વર્ષે જાય છે દર્શન માટે  :

શાહરૂખ અને અબરામે બાપ્પાના ચરણોમાં નમન કરી તેમના આશીર્વાદ લીધા. શાહરૂખ આ વખતે જ્યારે અબરામને લઈને પહોંચ્યા હતા તેમના ફેંસ પણ તેમને જોઈને ખૂબ ખુશ થઈ ગયા હતા. જણાવી દઈએ કે શાહરૂખ ખાન દર વર્ષે બાપ્પાના દર્શન માટે જાય છે.

મહત્વનું છે કે ગયા વર્ષે આર્યન ખાન લાલબાગના રાજાના આશીર્વાદ માટે પહોંચ્યો હતો અને શાહરૂખ ન હતા જઈ શક્યા. અને આ વર્ષે તે પોતાના નાના દિકરા અબરામ સાથે અને મેનેજર પૂજા દદલાનીની સાથે બાપ્પાના દર્શન માટે પહોંચ્યા હતા.

આ પણ વાંચો :-

મુનમુન દત્તાને “બબીતા જી”ને જેઠાલાલને કારણે રોલ મળ્યો, જાણો એપિસોડના કેટલા રૂપિયા વસૂલે છે ?

News Editor
-
0

મુનમુન દત્તાને “બબીતા જી”ને જેઠાલાલને કારણે રોલ મળ્યો, જાણો એપિસોડના કેટલા રૂપિયા વસૂલે છે ?

  • Taarak Mehta Ka Ooltah Chashmah ટીવીનો સૌથી લોકપ્રિય શો છે. જેના દરેક પાત્ર પર દર્શકો ભરપૂર પ્રેમ વરસાવે છે.

Taarak Mehta Ka Ooltah Chashmah ટીવીનો સૌથી લોકપ્રિય શો છે. જેના દરેક પાત્ર પર દર્શકો ભરપૂર પ્રેમ વરસાવે છે. આજે અમે તમને શોના સૌથી ગ્લેમરસ પાત્ર એટલે કે ‘બબીતા ​​જી‘ સાથે જોડાયેલી એક રસપ્રદ વાત જણાવી રહ્યા છીએ.

તારક મહેતા કા ઉલ્ટા ચશ્મા ૧૫ વર્ષથી સતત દર્શકોનું મનોરંજન કરી રહ્યો છે એટલું જ નહીં પરંતુ મોટાભાગે ટીઆરપી લિસ્ટમાં નંબર વન પર પણ રહે છે. બાળકોથી લઈને વૃદ્ધો સુધી દરેકને આ શો ગમે છે. આવી સ્થિતિમાં આજે અમે તમને શોના સૌથી લોકપ્રિય પાત્ર એટલે કે ‘બબીતા ​​જી‘ વિશે વાત કરવાના છીએ.

આ શોમાં સુંદર અભિનેત્રી મુનમુન દત્તા બબીતા ​​જીનું પાત્ર ભજવી રહી છે. પરંતુ શું તમે જાણો છો કે મુનમુનને આ રોલ અભિનેતા દિલીપ જોશીના કારણે મળ્યો છે, જેમણે શોમાં ‘જેઠાલાલ‘નો રોલ કર્યો હતો.

બહુ ઓછા લોકો જાણે છે કે આ શો પહેલા દિલીપ અને મુનમુન બીજા શોમાં પણ સાથે જોવા મળ્યા હતા. બંનેએ ૨૦૦૪માં આવેલા શો ‘હમ સબ બારાતી’માં કામ કર્યું હતું. તેથી ‘તારક મહેતા‘ની શરૂઆત પહેલા જ બંને મિત્રો બની ગયા હતા.

'જેઠાલાલ'ના કારણે મુનમુન દત્તાને મળ્યો હતો 'બબીતા જી' નો રોલ, જાણો એપિસોડના કેટલા રૂપિયા વસૂલે છે?

આવી સ્થિતિમાં જ્યારે ‘તારક મહેતા‘ના નિર્માતાઓ બબીતાના રોલ માટે અભિનેત્રીની શોધમાં હતા. ત્યારે દિલીપે મુનમુનનું નામ સૂચવ્યું અને નિર્માતાએ તેમના સૂચનને માન આપી અને મુનમુનને કાસ્ટ કરી હતી.

મુનમુન માત્ર ટીવી પર જ નહીં પરંતુ  બોલિવૂડમાં પણ જોવા મળી છે. અભિનેત્રીએ ‘મુંબઈ એક્સપ્રેસ’ જેવી ફિલ્મોમાં કામ કર્યું છે. જોકે અભિનેત્રીને લોકપ્રિયતા ‘તારક મહેતા‘થી જ મળી હતી. અભિનેત્રી હવે એક એપિસોડ માટે ૩૦ થી ૫૦ હજાર રૂપિયા ચાર્જ કરે છે.

મુનમુન સોશિયલ મીડિયા પર પણ ઘણી એક્ટિવ છે. જ્યાં તે અવારનવાર શોના સેટ અને તેના જીવન સાથે જોડાયેલ દરેક અપડેટ ફેન્સ સાથે શેર કરે છે.

આ પણ વાંચો :-

હોટલમાં સેક્સ પાર્ટી ! ૨૫ યુવાન-યુવતીઓ શરીરસુખ માણતા ઝડપાયા, નજારો જોઈને પોલીસે બંધ કરી આંખો

News Editor
-
0
  • ચંદીગઢ અને લખનઉ બાદ હવે ત્રીજા દિવસે બિહારના પટણામાં એક મોટા સેક્સ રેકેટનો પર્દાફાશ થયો છે.

દેશમાં વધુ એક સેક્સ રેકેટ ઝડપાતાં ચકચાર મચી છે. સતત ત્રીજા દિવસે એક મોટું સેક્સ રેકેટનો પર્દાફાશ થયો છે. પહેલા ચંદીગઢ અને પછી લખનઉ તથા હવે બિહારના પટણાની એક ફાઈવ સ્ટાર હોટલમાંથી મોટું દેહ વ્યાપાર કરતી કેટલીક છોકરીઓ અને છોકરાઓ ઝડપાયા છે.

પટના પોલીસે પટનાના બિહાટાની ખાનગી હોટલ ઓયોમાં ચાલતું  સેક્સ રેકેટ ખુલ્લું પાડ્યું છે. પોલીસે આ ગેરકાયદેસર પ્રવૃત્તિના સંબંધમાં એક ડઝનથી વધુ યુવતીઓ અને એક ડઝનથી વધુ પુરુષોને પકડ્યા છે.

સ્થાનિક ગ્રામજનો દ્વારા આપવામાં આવેલી માહિતીના આધારે દરોડાની શરૂઆત કરવામાં આવી હતી. હાલ પોલીસ આ કેસની તપાસ કરી રહી છે.

ડેપ્યુટી સુપરિન્ટેન્ડેન્ટ ઓફ પોલીસ (ડીએસપી) ડો.અનુ કુમારીએ આ કેસ વિશે વિગતો આપતા જણાવ્યું હતું કે, ઘણા દિવસોથી પોલીસને ગ્રામજનો પાસેથી માહિતી મળી રહી હતી કે બિહાટામાં “હોટેલ પ્રિન્સ આઈએનએન” નામની સંસ્થા સેક્સ રેકેટ ચલાવવામાં સંડોવાયેલી છે.

સ્થાનિક લોકોએ હોટેલ પરિસરમાં અવારનવાર યુવાનો-યુવતીઓ આવતા હોવાનું પણ જણાવ્યું હતું. સંદિગ્ધ હરકતોને કારણે તેમને શંકા પડી અને પોલીસને જાણ કરતા જે પછી તરત પોલીસે દરોડા પાડ્યા જેમાં ૨૫ યુવાન-યુવતીઓ કઢંગી હાલતમા ઝડપાયા હતા.

બાતમીના પગલે પટના પોલીસની ખાસ ટીમને એકઠી કરવામાં આવી હતી અને એક ખાનગી હોટલમાં દરોડા પાડવામાં આવ્યા હતા. ઘટના સ્થળે પહોંચ્યા બાદ ઘણા યુવાન પુરુષો અને સ્ત્રીઓ હોટલના ઓરડાઓની અંદર કઢંગી હાલતમાં જોવા મળ્યાં હતા. પોલીસની કેટલીક વાંધાજનક વસ્તુઓ પણ મળી આવી હતી.

ગ્રાહકોની ડિમાન્ડ પર હોટલવાળા છોકરીઓ બોલાવતા હોવાનું પણ સામે આવ્યું છે. પોલીસે જ્યારે દરોડા પાડ્યા ત્યારે ત્યાંના માહોલ જોઈને તે ચકરાવો ખાઈ ગઈ હતી અને તેને પણ શરમ આવી ગઈ હતી. હાલ તો આ સેક્સ પાર્ટીમાં સંડાવાયેલા તમામ આરોપીઓને પોલીસે જેલના સળિયા પાછળ ધકેલી દીધા છે.

હોટલવાળા ચલાવતા હતા સેક્સ રેકેટ : ડીએસપી

સેક્સ રેકેટના સૂત્રધારને લઈને પણ ડીએસપીએ ખુલાસો કર્યો છે. ડીએસપીએ કહ્યું કે આ સેક્સ રેકેટ હોટલ મેનેજમેન્ટ જ ચલાવતું હતું. આ કેસોમાં સામેલ યુવતીઓ કોણ હતી તેની તપાસ ચાલી રહી છે.

આ પણ વાંચો :-

જો તમે પિત્ઝા ખાતા હોય તો થઈ જજો સાવધાન, આ બ્રાન્ડેડ સેન્ટરમાં પિત્ઝામાંથી નીકળ્યા જીવડા

News Editor
-
0
  • અમદાવાદમાં બ્રાન્ડેડ કંપની સમજીને તમે જ્યાં પિત્ઝા ખાવા જઈ રહ્યા છો ત્યાં પણ હવે પિત્ઝામાં જીવાત નીકળી રહી છે.

જો તમે અમદાવાદમાં પિત્ઝા ખાવા જતા હોવ તો સાવધાન થઈ જજો. અમદાવાદમાં બ્રાન્ડેડ કંપની સમજીને તમે જ્યાં પિત્ઝા ખાવા જઈ રહ્યા છો ત્યાં પણ હવે પિત્ઝામાં જીવાત નીકળી રહી છે.

શહેરના બોપલ વિસ્તારમાં આવેલા લા પિનોઝના પિત્ઝામાં જીવાત નીકળવાની ઘટના બની હતી. ગુરૂવારના ફરી શહેરના એલિસબ્રિજ વિસ્તારમાં લા પિનોઝ પિત્ઝામાં જીવજંતુઓ નીકળ્યા હોવાની ઘટના બની હતી. એક યુવક તેના અન્ય મિત્રો સાથે અહી પિત્ઝા ખાવા માટે ગયો હતો.

ત્યારે પિત્ઝા બોક્સ ખોલતા તેમાંથી નાના-નાના જીવડા નીકળ્યા હતાં. જેને લઈને યુવકે ત્યાંના સ્ટાફને ફરિયાદ કરી હતી. જેથી તેમણે તાત્કાલિક પિત્ઝા પરત લઈ લીધો હતો અને ભૂલનો સ્વીકાર કર્યો હતો.

જોકે ગ્રાહકે બાદમાં અમદાવાદ મહાનગરપાલિકા અને પોલીસને જાણ કરતા તે પણ આવી પહોંચી હતી. સ્ટાફ તરફથી તેમને રિફંડ આપવાની વાત પણ કરવામાં આવી હતી. ગ્રાહકની ફરિયાદના આધારે અમદાવાદ મહાનગરપાલિકાની આરોગ્ય ટીમ સ્થળ પર પહોંચી હતી અને તાત્કાલિક પિત્ઝા સેન્ટરને સીલ કર્યું હતું. આ અગાઉ વસ્ત્રાપુર સ્થિત લા પિનોઝ પિત્ઝા સેન્ટરમાં પણ ગંદકી મળી આવતા એકમને સીલ કરવામાં આવ્યું હતું.

આ પણ વાંચો :-

કહેવું પડે હો ! રાજકોટમાં ૧૭ કરોડમાં બનેલ અન્ડરબ્રિજનું હવે ૫૬ કરોડ રૂપિયા ખર્ચીને સમારકામ થશે

News Editor
-
0
  • એપ્રિલ-૨૦૧૭માં આ અંડરબ્રિજ રૂપિયા ૧૭ કરોડમાં થયો હતો તૈયાર થયો હતો. જેમાં હવે તળિયાનું પાણી રોકવા અને બ્રિજનાં પ્રાથમિક સ્ટ્રક્ચરને ફેરફાર કરવા હવે ૫૬ કરોડનો ખર્ચ થશે.

રાજકોટના રેલનગર વિસ્તારમાં કોર્પોરેશન દ્વારા કરોડો રૂપિયાના ખર્ચે અન્ડરબ્રિજ બનાવવામાં આવ્યો હતો જેનું જેનું બાંધકામ રેલવે વિભાગ દ્વારા કરવામાં આવ્યું છે.

લોકાર્પણ બાદ દર વર્ષે ચોમાસાની સિઝનમાં સતત ત્રણ થી ચાર મહિના સુધી બ્રિજમાં પાણી નીકળતું રહે છે. પાણી નીકળવાના કારણે અંડરબ્રિજ આસપાસ કાયમ પાણી રહે છે. તળિયામાંથી પાણી નીકળવાના કારણે શેવાળ થવાની સમસ્યા આવતી હતી. રેલનગર, પોપટપરા, સંતોષીનગર સહિતના વિસ્તારના લોકો અંડરબ્રિજથી પસાર થાય છે અને આ શેવાળ અને ભરાયેલા પાણીને કારણે રોજ અનેક લોકોના વાહનો સ્લીપ થતા હતા. ભૂતકાળમાં ઈજનેરોના ભૂલના કારણે અંડરબ્રિજ સુવિધાહિન સાબિત થઈ હતી.

આ સમસ્યાના કાયમી નિવારણ માટે કોર્પોરેશન દ્વારા ૫૬ લાખના ખર્ચે પ્રેશર ગ્રાઉન્ટીંગ ફિલીંગ કરવાનો નિર્ણય લેવામાં આવ્યો છે. આ માટે સ્ટેન્ડિંગ કમિટીએ ખર્ચને મંજૂરી આપી છે અને હવે તેની કામગીરી શરૂ થશે. જેના કારણે આગામી સોમવારથી આ અન્ડરબ્રિજ વાહન ચાલકો માટે બંધ કરી દેવામાં આવશે.

એપ્રિલ-૨૦૧૭માં આ અંડરબ્રિજ રૂપિયા ૧૭ કરોડમાં થયો હતો તૈયાર થયો હતો. જેમાં હવે તળિયાનું પાણી રોકવા અને બ્રિજનાં પ્રાથમિક સ્ટ્રક્ચરને ફેરફાર કરવા રૂપિયા ૫૬ કરોડનો ખર્ચ થશે. અંડરબ્રિજના તળિયા-દીવાલ પર પડેલી તિરાડોમાં કેમિકલ ટ્રીટમેન્ટ કરી સમારકામ કરવામાં આવશે.

આ પણ વાંચો :-

શું અમેરિકાએ કેનેડાને સમર્થન આપ્યું ? જો બાઈડેને G20 શિખર સંમેલન દરમિયાન પીએમ મોદી સામે ઉઠાવ્યો હતો નિજ્જરની હત્યાનો મુદ્દો ?

News Editor
-
0
  • આ મહિનાની શરૂઆતમાં જી ૨૦ શિખર સંમેલન દરમિયાન ખાલિસ્તાની આતંકી હરદીપસિંહ નિજ્જર હત્યામાં ભારત સામેલ હોવાના કેનેડાના દાવા પર અમેરિકી રાષ્ટ્રપતિ જો બાઈડેન સહિત અન્ય નેતાઓએ ભારતીય પીએમ નરેન્દ્ર મોદી સામે ચિંતા વ્યક્ત કરી હતી. એક રિપોર્ટમાં આ દાવો કરાયો છે.

આ મહિનાની શરૂઆતમાં જી ૨૦ શિખર સંમેલન દરમિયાન ખાલિસ્તાની આતંકી હરદીપસિંહ નિજ્જર હત્યામાં ભારત સામેલ હોવાના કેનેડાના દાવા પર અમેરિકી રાષ્ટ્રપતિ જો બાઈડેન સહિત અન્ય નેતાઓએ ભારતીય પીએમ નરેન્દ્ર મોદી સામે ચિંતા વ્યક્ત કરી હતી. ફાઈનાન્શિયલ ટાઈમ્સના એક રિપોર્ટમાં આ દાવો કરાયો છે.

શિખ સંમેલનમાં ચર્ચાથી પરિચિત ત્રણ લોકોનો હવાલો આપતા રિપોર્ટમાં કહ્યું કે ફાઈવ આઈઝના અનેક સભ્યો (એક ઈન્ટેલિજન્સ શેરિંગ ગઠબંધન જેમાં અમેરિકા, બ્રિટન, કેનેડા, ઓસ્ટ્રેલિયા અને ન્યૂઝિલેન્ડ સામેલ છે) એ પીએમ મોદી સામે આ મુદ્દો ઉઠાવ્યો હતો. રિપોર્ટમાં કહેવાયું છે કે ‘બાઈડેનને મહેસૂસ થયું કે આ મુદ્દોને સીધી રીતે પોતાના ભારતીય સમકક્ષ સામે ઉઠાવવું મહત્વપૂર્ણ છે.’

રિપોર્ટમાં દાવો કરાયો છે કે કેનેડા દ્વારા પોતાના સહયોગીઓને મામલાને સીધો પીએમ મોદી સામે ઉઠાવવાનો આગ્રહ કરાયા બાદ નેતાઓએ જી ૨૦ શિખર સંમેલનમાં હસ્તક્ષેપ કર્યો, સ્થિતિથી પરિચિત બે લોકોએ કહ્યું કે કેનેડાએ તેમને અંગત સ્તર પર દાવાઓનો ઉલ્લેખ કરવા માટે કહ્યું હતું.

છેલ્લે મળતી માહિતી મુજબ ન તો વ્હાઈટ હાઉસે આ રિપોર્ટની સત્યતાની પુષ્ટિ કરી છે કે ન તો ભારત તરફથી કોઈ નિવેદન બહાર પાડવામાં આવ્યું છે કે આ મામલો શિખર સંમેલન દરમિયાન ઉઠાવવામાં આવ્યો હતો કે કેમ.

ખાસ કરીને આ સપ્તાહની શરૂઆતમાં પ્રકાશિત વોશિંગ્ટન પોસ્ટના એક રિપોર્ટમાં કહેવાયું હતું કે કેનેડિયન પ્રધાનમંત્રી જસ્ટિન ટ્રુડોએ અમેરિકા સહિત પોતાના નજીકના સહયોગીઓને શીખ અલગાવવાધી નેતાની હત્યાની જાહેરમાં ટીકા કરવાનું કહ્યું હતું પરંતુ ભલામણોને ફગાવી દેવાઈ હતી. રિપોર્ટમાં જી ૨૦ શિખર સંમેલનનો ઉલ્લેખ કરાયો નહીં અને એ પણ ન જણાવાયું કે શું આ એ જ સ્થળ હતું કે જ્યાં અમેરિકાને આરોપોથી અવગત કરાયું હતું.

રસપ્રદ વાત એ છે કે નવી દિલ્હીમાં જી ૨૦ શિખર સંમેલન જ એ સ્થળ હતું જ્યાં ટ્રુડો સાથે મોદી સરકારે નીરસ કહી શકાય તેવો વ્યવહાર કર્યો હતો. કેનેડામાં ચાલી રહેલા અલગાવવાદી આંદોલન પ્રત્યે ટ્રુડોના રસના કારણે મોદી સરકારે છેલ્લા કેટલાક વર્ષોથી તેમની લિબરલ સરકારથી અંતર જાળવી રાખ્યું છે.

ટ્રુડોના પ્રવાસ દરમિયાન બહુ ઓછું મીડિયા કવરેજ મળ્યું અને તેઓ ફક્ત શિખર સંમેલનના છેલ્લા દિવસે પોતાના સમકક્ષ સાથે દ્વિપક્ષીય વાર્તા કરવામાં સફળ રહ્યાં જ્યાં તેમને સન્માનિત કરાયા. ત્યાબાદ તેઓ ૩૬ કલાક સુધી રાજધાનીમાં ફસાયેલા રહ્યા. કારણ કે તેમના વિમાનમાં ટેક્નિકલ ખામી આવી ગઈ હતી.

ટ્રુડોએ શું કહ્યું :

કેનેડા પહોંચ્યા પછી ટ્રુડોએ રાજનયિક ગતિરોધને ત્યારે વધાર્યો જ્યારે તેમણે ઈમરજન્સી સંસદ સત્રમાં ભારત વિરુદ્ધ સનસનીખેજ આરોપ લગાવ્યો. ટ્રુડોએ હાઉસ ઓફ કોમેન્સમાં આપેલા નિવેદનમાં કહ્યું કે કેનેડિયન સુરક્ષા એજન્સીઓ ભારત સરકારના એજન્ટો અને એક કેનેડિયન નાગરિક હરદીપસિંહ નિજ્જરની હત્યા વચ્ચે સંબંધિત સંબંધના વિશ્વસનીય આરોપો પર સક્રિય રીતે કામ કરી રહી છે. જો કે ભારતે મંગળવારે તે આરોપોને પાયાવિહોણા અને પ્રેરિત ગણાવીને ફગાવી દીધા હતા.

અત્રે જણાવવાનું કે ખાલિસ્તાની આતંકી હરદીપસિંહ નિજ્જરની બ્રિટિશ કોલમ્બિયાના સરેમાં એક શીખ સાંસ્કૃતિ કેન્દ્રની બહાર ૧૮ જૂનના રોજ ગોળી મારીને હત્યા કરી દેવાઈ હતી.

આ પણ વાંચો :-

 

1...955956957...1,472Page 956 of 1,472