Home Blog Page 868

ઉત્તરાયણ પહેલા જ સુરતમાં યુવકનું પતંગના ઘાતક દોરાતી ગળું ચીરાયુ

admin
-
0

ઉત્તરાયરમાં હજુ એક મહિનો બાકી છે અને પતંગ રસિકોએ અત્યારથી જ તૈયારી શરૂ કરી દીધી છે. ત્યારે સુરતથી એક ચેતવણી રૂપ કિસ્સો સામે આવ્યો છે. શહેરના સાતવલ્લા બ્રિજ પર પતંગની દોરીએ મોપેડ સવાર યુવકનું ગળું કાપી નાખ્યું હતું. યુવકને ગંભીર હાલતમાં સિવિલ હોસ્પિટલમાં ખસેડવામાં આવ્યો હતો.

આ ઘટના બાદ યુવકને નજીકના દવાખાને પ્રાથમિક સારવાર અપાઈ હતી, ત્યારબાદ તેને ઘરે મોકલી દેવાયો હતો. જોકે, ગળાના ભાગ પર ગંભીર રીતે પતંગની દોરી વાગી હતી અને તેની હાલત બગડતા તેને આજે ફરી સિવિલ હોસ્પિટલમાં સારવાર માટે ખસેડવામાં આવ્યો હતો. પીડિત મોહન ભીમરાવ સાતપુતે કહ્યું કે, તેઓ નવાગામના દીપાલી પાર્કમાં રહે છે અને ઉધનામાં આવેલા બાઇકના શો રૂમમાં મિકેનિક તરીકે કામ કરે છે. તેમણે કહ્યું કે, તે નવસારીથી નવાગામ જતો હતો. નજર સામે સાતવલ્લા બ્રિજ પર પતંગની દોરી દેખાતા જ બ્રેક મારી દેતા જીવ બચી ગયો હતો.

મોહન ભીમરાવ સાતપુતે (ઉં.વ. ૨૦) એ કહ્યું કે, તેઓ નવાગામના દીપાલી પાર્કમાં રહે છે અને ઉધનામાં આવેલા બાઇકના શો રૂમમાં મિકેનિક તરીકે કામ કરે છે. ઘટના સચિન સાતવલ્લા બ્રિજ ઉપર રવિવારની મોડી સાંજે બની હતી. અચાનક આંખ સામે ચાલુ મોપેડે પંતગનો દોરો આવી જતા તાત્કાલિક બ્રેક મારી મોપેડ ધીમી કરી દીધી હતી છતાં ગળું ચીરાઈ ગયું હતું. ગણતરીની સેકન્ડમાં ટ્રાફિક જામ થઈ ગયો હતો. રાહદારીઓ તાત્કાલિક નજીકના દવાખાને સારવાર માટે લઈ ગયા બાદ મારા ફેમિલી ડોક્ટર પાસે સારવાર લીધી હતી. જોકે ટાંકા લેવાની વાત આવતા ડર લાગતો હોવાથી ગળા પર ડ્રેસિંગ કરાવી ઘરે જતો રહ્યો હતો. આજે હિંમત આવતા સિવિલ આવ્યો હતો. જ્યાં ગળા પર ટાંકા લેવા પડશે એમ ડોક્ટરોએ જણાવ્યું હતું. પરિવારમાં મોટોભાઈ અને માતા-પિતા છે.

મેડિકલ ઓફિસર ડો. પ્રિંયંકા કંથારીયાએ કહ્યું કે, ઘટના રવિવારના રોજ સાંજે લગભગ ૪:૩૦ વાગ્યાના અરસા બની હતી. દર્દીને ગળા પર ૫ સે.મી. લાંબો અને ઉંડાણમાં ઓછો ઘા છે. લગભગ ટાંકા લેવા પડશે. ENT વિભાગના ડોક્ટરોને બોલાવ્યા છે. હા ઘા નોર્મલ છે એટલે જીવને કોઈ જોખમ ન હોવાનું કહી શકાય છે.

આ પણ વાંચો :-

આજે વારાણસીમાં વિશ્વના સૌથી મોટી ‘સ્વરવેદ મહામંદિર’ની PM મોદીએ કર્યું ઉદ્ઘાટન

admin
-
0

વડા પ્રધાન નરેન્દ્ર મોદીએ આજે ​​વારાણસીમાં વિશ્વના સૌથી મોટા ધ્યાન કેન્દ્ર સ્વરવેદ મહામંદિરનું ઉદ્ઘાટન કર્યું. આ મંદિરને કમળના ફૂલની જેમ ડિઝાઇન કરવામાં આવ્યું છે. જેની દીવાલો પર વેદના ૪૦૦૦ દોહા લખેલા છે. આ વિશ્વનું સૌથી મોટું ધ્યાન કેન્દ્ર છે, જેની કોતરણી ખૂબ જ સુંદર માનવામાં આવે છે.

સ્વરવેદ મહામંદિરનું નિર્માણ કાર્ય વર્ષ ૨૦૦૪માં શરૂ થયું હતું. સાત માળનું સ્વરવેદ મહામંદિર ૬૮,૦૦૦ ચોરસ ફૂટમાં ફેલાયેલું છે અને તે હસ્તકલા અને અત્યાધુનિક ટેકનોલોજીની અદ્ભુત સંવાદિતાનું પ્રતીક છે. તે સ્વરવેદને સમર્પિત એક આધ્યાત્મિક મંદિર છે, આધ્યાત્મિક લખાણ જેમાં સાત માળનો સમાવેશ થાય છે જે મૂળ રૂપે ૭ ચક્રોને સમર્પિત છે. સ્વરવેદ મહામંદિરને કમળના ફૂલનો આકાર આપવામાં આવ્યો છે.

સ્વરવેદ મંદિરનું નામ સ્વાહ અને વેદથી બનેલું છે. સ્વાહનો એક અર્થ આત્મા છે, વેદનો અર્થ છે જ્ઞાન. જે માધ્યમ દ્વારા આત્માનું જ્ઞાન પ્રાપ્ત થાય છે, જેના દ્વારા સ્વયંનું જ્ઞાન પ્રાપ્ત થાય છે, તેને સ્વરવેદ કહે છે. આ મંદિરની દીવાલો પર વેદ સંબંધિત ૪૦૦૦ દોહા પણ લખેલા છે. ઉપરાંત, મંદિરની બહારની દિવાલો પર ઉપનિષદ, મહાભારત, રામાયણ, ગીતા વગેરે સંબંધિત ચિત્રો બનાવવામાં આવ્યા છે જેથી લોકો થોડી પ્રેરણા લઈ શકે.

વંંુપરુપ

પ્રધાનમંત્રીએ કાશીમાં ગઈકાલે મહાદેવનાં ચરણોમાં ભવ્ય ‘વિશ્વનાથ ધામ’ સમર્પિત કરવામાં આવ્યું એ યાદ કરાવ્યું હતું. તેમણે કહ્યું, “કાશીની ઊર્જા ન માત્ર અખંડ છે પણ એ નવાં પરિમાણો પણ લેતી રહે છે.” ગીતા જયંતીના પવિત્ર અવસરે તેમણે ભગવાન કૃષ્ણનાં ચરણોમાં નમન પણ કર્યાં હતાં. “આ દિવસે, જ્યારે કુરુક્ષેત્રનાં યુદ્ધનાં મેદાનમાં સેનાઓ આમને સામને હતી, માનવતાને યોગ, આધ્યાત્મ અને પરમાર્થનું પરમ જ્ઞાન મળ્યું હતું. આ અવસરે હું ભગવાન કૃષ્ણનાં ચરણોમાં નમન કરતા, આપ સૌને અને દેશવાસીઓને ગીતા જયંતીના અવસરે હાર્દિક શુભકામનાઓ પાઠવું છું,” એમ પ્રધાનમંત્રીએ કહ્યું હતું.

વડાપ્રધાન નરેન્દ્ર મોદી રવિવારે બપોરે તેમના સંસદીય ક્ષેત્ર વારાણસીની બે દિવસીય મુલાકાતે પહોંચ્યા હતા. તેમણે વિકાસ ભારત સંકલ્પ યાત્રા અને તમિલ સંગમમમાં ભાગ લીધો હતો. આ દરમ્યાન તેમણે કાશી કન્યાકુમારી ટ્રેનનો શુભારંભ કર્યો હતો. પ્રવાસના બીજા દિવસે પીએમ મોદીએ વારાણસીના ચૌબેપુર વિસ્તારના ઉમરાહમાં બનેલા સ્વર્વેદ  મહામંદિર ધામનું ઉદ્ઘાટન કર્યું. વિહંગમ યોગ સંસ્થાના સ્થાપક સંત સદાફલ મહારાજના વિશ્વના ઘણા દેશોમાં સેંકડો આશ્રમો છે. તેમાંથી વારાણસીનું આ સ્વર્વેદ મહામંદિર સૌથી મોટું છે. ૧૦૦૦ કરોડના ખર્ચે લગભગ ૨૦ વર્ષોથી બનેલું આ સાત માળનું મંદિર વિશ્વનું સૌથી મોટું ધ્યાન કેન્દ્ર હોવાનું કહેવાય છે. અહીં ૨૦ હજાર લોકો એક સાથે યોગ અને ધ્યાન કરી શકે છે.

આ પણ વાંચો :-

મહારાષ્ટ્રના કલ્યાણ હાઈવે પર ભયાનક માર્ગ અકસ્માત સર્જાયો, આઠ લોકોના મોત

admin
-
0

મહારાષ્ટ્રના પુણેમાં રવિવારે રાત્રે એક ભયાનક માર્ગ અકસ્માત સર્જાયો હતો. આ અકસ્માત નગર કલ્યાણ હાઈવે પર રાત્રે સર્જાયો હતો. જેમાં ૨ બાળકો સહિત ૮ લોકોના મોત થયા છે. એક પીકઅપ વાન ઓતૂર જિલ્લા નજીક આવેલા કલ્યાણ તરફ જઈ રહી હતી. આ દરમિયાન પાછળથી ટ્રકે તેને ટક્કર મારી હતી. જેના કારણે પીકઅપ વાન પલટી મારી ગઈ હતી અને ૮ લોકોના મોત થયા હતા.

પીકઅપ વાહન અહમદનગરથી કલ્યાણ તરફ જઈ રહ્યું હતું. ત્યારબાદ પિંપલગાંવ જોગામાં પેટ્રોલ પંપ પાસે તેની ઓટો રિક્ષા સાથે ટક્કર થઇ હતી. આ અકસ્માતમાં ઓટો રિક્ષા અને પીકઅપ વાહનના ડ્રાઈવર સહિત ૮ લોકોના મોત થયા હતા.  અકસ્માત પુણેથી ૧૫૦ કિલોમીટર દૂર સ્થિત કલ્યાણ-અહમદનગર રોડ પર થયો હતો. પોલીસના જણાવ્યા મુજબ આ અકસ્માત ગઈકાલે રાત્રે ૧૧:૩૦ વાગ્યાની આસપાસ થયો હતો.

જ્યારે આ અકસ્માત થયો ત્યારે મુખ્યમંત્રી એકનાથ શિંદેનો કાફલો ત્યાંથી પસાર થઈ રહ્યો હતો. આ પછી સીએમ એકનાથ શિંદેએ તેમના કાફલાને રોક્યો અને ઘટનાસ્થળે હાજર પોલીસ અધિકારીઓ પાસેથી અકસ્માતની માહિતી મેળવી. આ પછી મુખ્યમંત્રીએ તેમના કાફલાની એમ્બ્યુલન્સમાં તમામ ઈજાગ્રસ્તોને હોસ્પિટલ મોકલ્યા હતા.

આ પણ વાંચો :-

ઉમેશ પાલ હત્યાનો આરોપી નફીસ બિરયાની જેલમાં હાર્ટ એટેકથી મૃત્યુ

admin
-
0

પ્રયાગરાજના પ્રખ્યાત ઉમેશ પાલ ટ્રિપલ મર્ડર કેસમાં કથિત રીતે સંડોવાયેલા ૫૦ વર્ષીય નફીસ બિરયાની નું રવિવારે મોડી રાત્રે હૃદય બંધ થવાથી મૃત્યુ થયું હતું. નફીસને માફિયા અતીક અહેમદનો નજીકનો પણ માનવામાં આવતો હતો અને તેનો ફાયનાન્સર હોવાનું પણ માનવામાં આવતું હતું. નૈની સેન્ટ્રલ જેલમાં બંધ નફીસ બિરયાનીને રવિવારે સાંજે ખરાબ તબિયતના કારણે એસઆરએન હોસ્પિટલમાં દાખલ કરવામાં આવ્યો હતો.

પ્રારંભિક તપાસમાં મૃત્યુનું કારણ હાર્ટ એટેક માનવામાં આવે છે. પોલીસે પંચનામા કરી લાશને પોસ્ટમોર્ટમ માટે મોકલી આપી છે. ઉમેશ પાલ અને તેના બે સુરક્ષાકર્મીઓ પર હુમલા વખતે જે કારનો ઉપયોગ કરવામાં આવ્યો હતો તે કથિત રીતે નફીસ બિરયાનીની હોવાનું તપાસ દરમિયાન જાણવા મળ્યું હતું. ઉમેશ પાલ હત્યા કેસમાં હજુ પણ ઘણા આરોપીઓ ફરાર છે.

હકીકતમાં, નફીસ બિરયાની ઉમેશ પાલ મર્ડર કેસમાં આરોપી હતો અને તેને નવાબગંજ પોલીસ સ્ટેશન વિસ્તારના અનાપુર વિસ્તારમાં એન્કાઉન્ટર દરમિયાન ૨૨ નવેમ્બરની મોડી સાંજે ધરપકડ કરાઈ હતી. ફાયનાન્સર નફીસ બિરયાની પર ૫૦,૦૦૦ રૂપિયાનું ઈનામ પણ જાહેર કરાયું હતું. પોલીસ એન્કાઉન્ટર દરમિયાન નફીસને પગમાં ગોળી વાગી હતી. જે બાદ તેની ધરપકડ કરવામાં આવી હતી. પોલીસ કસ્ટડીમાં હતા ત્યારે તેને સારવાર માટે હોસ્પિટલમાં દાખલ કરવામાં આવ્યો હતો. આ પછી ૯ ડિસેમ્બરે તેને સારવાર બાદ પ્રયાગરાજની નૈની સેન્ટ્રલ જેલમાં ખસેડવામાં આવ્યો હતો.’

ઉમેશ પાલ મર્ડર કેસ સહિત ૧૦૦ થી વધુ ગુનાહિત કેસોમાં નામાંકિત અતીક અહેમદ અને તેના ભાઈ અશરફની આ વર્ષે ૧૫ એપ્રિલે પ્રયાગરાજની કેલ્વિન હોસ્પિટલ બહાર ગોળી મારીને હત્યા કરવામાં આવી હતી. અતીકની પત્ની શાઇસ્તા પરવીન, ગુડ્ડુ મુસ્લિમ, અશરફની પત્ની ઝૈનબ સહિત ઘણા આરોપીઓ ફરાર છે. પોલીસ આ આરોપીઓને શોધી રહી છે.

આ પણ વાંચો :-

લીબીયામાં જહાજ ડૂબવાથી બાળકો સહિત ૬૧ પ્રવાસીઓના મૃત્યુ

admin
-
0

લિબિયાના દરિયા કિનારે મોટી દુર્ઘટના બની છે. અહીં સમુદ્ર તટ પર જહાજ તૂટી પડતાં મહિલાઓ અને બાળકો સહિત ૬૧ પ્રવાસીઓ ડૂબી ગયા હતા. બચી ગયેલા લોકોના જણાવ્યા મુજબ, લગભગ ૮૬ લોકો સાથેની બોટ લિબિયાના ઝવારા શહેરના દરિયા કિનારાથી નીકળી હતી. લીબીયામાં એક દુ:ખદ જહાજ દુર્ઘટનામાં મહિલાઓ અને બાળકો સહિત ઓછામાં ઓછા ૬૧ પ્રવાસી ડૂબી ગયા હતા.

IOMએ બચી ગયેલા લોકોને ટાંકીને કહ્યું કે, લગભગ ૮૬ લોકોને લઈને જતી બોટ લિબિયાના ઝવારા શહેરથી રવાના થઈ હતી.  લિબિયા કે જ્યાં ૨૦૧૧માં નાટો સમર્થિત વિદ્રોહ પછી સ્થિરતા અથવા સુરક્ષા ખૂબ જ ઓછી છે, તે(લિબિયા) લોકો માટે દરિયાઈ માર્ગે યુરોપ પહોંચવા ઈચ્છતા લોકો માટે એક મુખ્ય લોન્ચિંગ પોઈન્ટ છે. અહેવાલમાં જણાવાયું છે કે, માનવ તસ્કરીનું નેટવર્ક મુખ્યત્વે લશ્કરી જૂથો દ્વારા ચલાવવામાં આવે છે જે દરિયાકાંઠાના વિસ્તારોને નિયંત્રિત કરે છે.

આ જહાજ લિબિયાથી રવાના થઈ હતી અને શિપિંગ મંત્રાલયના એક અધિકારીએ નામ ન આપવાની શરતે જણાવ્યું હતું કે, બોટ પરના મોટાભાગના લોકો ઈજિપ્ત, સીરિયા અને પાકિસ્તાનના હતા. આ પહેલા ફેબ્રુઆરીમાં તોફાન દરમિયાન ઈટાલીના કેલેબ્રિયન કિનારે એક લાકડાની બોટ ખડકો સાથે અથડાઈ હતી, જેમાં ૯૬ લોકો માર્યા ગયા હતા.

આ પણ વાંચો :-

પ્રેમિકાને કચડી મારવાનો પ્રયાસ કરનારા અશ્વજીત ગાયકવાડ સહિત ત્રણની ધરપકડ

admin
-
0

મહારાષ્ટ્રના થાણેમાં ૨૬ વર્ષીય પ્રિયા સિંહને કારથી કચડી નાખવાના આરોપી અશ્વજીત ગાયકવાડની રવિવારે ધરપકડ કરવામાં આવી હતી. ગાયકવાડ મહારાષ્ટ્રના એક વરિષ્ઠ IAS અધિકારીનો પુત્ર છે. આ ઘટનાની તપાસ માટે રચાયેલી વિશેષ તપાસ ટીમ (SIT) એ લેન્ડ રોવર ડિફેન્ડર કાર પણ જપ્ત કરી છે.

મુંબઇના થાણેમાં સરકારના એક ઉચ્ચ અમલદારના દીકરાએ કથિત રીતે તેમની એસયુવી હેઠળ પ્રેમિકાને કચડી મારવાનો પ્રયાસ કર્યા બાદ પોલીસે આ પ્રકરણની તપાસ માટે એક સ્પેશિયલ ઇન્વેસ્ટિગેશન ટીમની રચના કરી હતી. એસઆઈટીએ તરત જ આરોપીઓ અશ્વજીત ગાયકવાડ તથા તેના બે સાગરિતો સાગર શેડગે તથા રોમિલ પાટિલની ધરપકડ કરી હતી.

આ ઘટનાને પગલે રાજ્યભરમાં ઉહાપોહ મચ્યો હતો અને વિપક્ષોએ પણ સરકાર પર પસ્તાળ પાડી હતી. તે પછી રાજ્ય સરકારે SIT દ્વારા તપાસના હુકમો આપ્યા હતા. SITએ આજે ત્રણેય આરોપીઓની તત્કાળ ધરપકડ કરી લીધી હતી.

આ ઘટના ૧૧ ડિસેમ્બરના રોજ વહેલી સવારે ૪.૩૦ વાગ્યે ઘોડબંદરની એક હોટલ પાસે બની હતી જ્યાં ૨૬ ૨૬ વર્ષીય પીડિતા તેના પ્રેમી અશ્વજીતને મળવા ગઈ હતી. આ સમયે બન્ને વચ્ચે વિવાદ થયો હતો. આ વિવાદ વધુ વકરતા પીડિતાએ આરોપીની કારમાંથી તેનો સભ્યનું લીધો હતો અને તેને છોડીને જવાની તૈયારીમાં હતી ત્યારે કાર ચલાવી રહેલા અન્ય આરોપી અને મુખ્ય આરોપીના સાગરિતે કાર ચાલુ કરી તેને કાર હેઠળ કચડી મારવાનો પ્રયાસ કર્યો હતો. જેમાં તે નીચે પડી ગઈ હતી અને તેને ગંભીર ઇજાઓ થઈ હતી. આ ઘટના બાદ પીડિતાએ સમાજ-માધ્યમો પર ઘટના બાબતની વિવિધ પોસ્ટ વહેતી મૂકી ન્યાય માટે ધા નાખી હતી.

અંડરવર્લ્ડ ડોન દાઉદ ઈબ્રાહીમને ઝેર આપીને મારી નાખવાનો થયો પ્રયાસ!

admin
-
0

વિશ્વના કુખ્યાત અંડરવર્લ્ડ ડોન અને ભારતના મોસ્ટ વોન્ટેડ દાઉદ ઈબ્રાહિમને પાકિસ્તાનમાં
ઝેર આપીને મારી નાખવાનો પ્રયાસ કરવામાં આવ્યો છે. દાઉદ ઈબ્રાહિમને અજાણ્યા લોકોએ ઝેર આપીને મારવાનો પ્રયાસ કર્યા બાદ તેને પાકિસ્તાનના કરાચીની એક હોસ્પિટલમાં દાખલ કરવામાં આવ્યો છે. જોકે, આ અહેવાલની પુષ્ટિ થઈ નથી.

ડી-કંપનીનો ચીફ દાઉદ ઈબ્રાહિમ દાયકાઓથી ભારતમાંથી ફરાર છે. ૧૯૯૩ના મુંબઈ વિસ્ફોટોના આયોજન અને તેને અંજામ આપવામાં તેની કથિત સંડોવણીને કારણે તેને ભારતનો મોસ્ટ વોન્ટેડ આતંકવાદી જાહેર કરવામાં આવ્યો હતો. ભારતે કરાચીમાં તેની હાજરીના પુરાવા રજૂ કર્યા છતાં પાકિસ્તાને તેને આશ્રય આપ્યો હોવાની બાબતનો ઇનકાર કરવાનું ચાલુ રાખ્યું હતું. ભારત સરકારે દાઉદ ઈબ્રાહિમ પર દેશની આર્થિક રાજધાની મુંબઈમાં તેના નેટવર્ક દ્વારા ૨૬/૧૧નો હુમલો કરાવવાનો અને મુંબઈ આતંકી હુમલા દરમિયાન ભારત વિરુદ્ધ યુદ્ધ છેડનારા ૧૦ પાકિસ્તાની આતંકવાદીઓને શસ્ત્રો અને દારૂગોળો સપ્લાય કરવાનો આરોપ પણ લગાવ્યો છે.

ઝેર આપવામાં આવ્યા બાદ દાઉદ ઈબ્રાહિમની હાલત નાજુક હોવાનું કહેવાય છે. પાકિસ્તાનમાં ઈન્ટરનેટ સેવા બંધ કરી દેવામાં આવી છે અને સોશિયલ મીડિયા પર પ્રતિબંધ મૂકી દેવામાં આવ્યો છે. ઝેરનો આ કથિત મામલો એવા સમયે સામે આવ્યો છે જ્યારે પાકિસ્તાનના વિવિધ શહેરોમાં લશ્કર-એ-તૈયબાના કમાન્ડર અદનાન અહેમદ ઉર્ફે અબુ હંજાલા સહિત વોન્ટેડ આતંકવાદીઓ માર્યા ગયા છે. દાઉદ ઈબ્રાહિમને આપવામાં આવેલા કથિત ઝેરને લગતા અહેવાલોએ સીમા પારના આતંકવાદના જટિલ મુદ્દાઓ અને ભારત અને પાકિસ્તાન વચ્ચે લાંબા સમયથી ચાલી રહેલા તણાવ વિશે ફરી ચર્ચાઓ શરૂ કરી છે.

આ પણ વાંચો :-

ગુજરાતમાં કોલ્ડવેવ લઈ ને હવામાન નિષ્ણાંત અંબાલાલ પટેલની આગાહી

admin
-
0

રાજ્યમાં હવામાન વિભાગે ઠંડીને લઈ લધુ એકવાર આગાહી કરી છે. હવામાન વિભાગનું અનુમાન છે કે, આગામી 3 દિવસ રાજ્યમાં વાતાવરણ સૂકું રહેશે તેમજ રાજ્યના અમુક ભાગોમાં વાદળછાયું વાતાવરણ રહેશે જ્યારે અરબી સમુદ્રમાં સાયક્લોનિક સર્ક્યુલેશન સક્રિય થયો છે. તાપમાન ૨થી ૩ ડિગ્રી વધશે. હવામાન વિભાગે જણાવ્યું છે કે, પવનની દિશા બદલાતા તાપમાનનો પારો ઊંચકાશે તેમજ રાજ્યમાં નલિયામાં સૌથી નીચું ૧૦ ડિગ્રી તાપમાન નોંધાશે છે.

શિયાળાની સિઝન શરૂ બાદ જ હવે ધીમે ધીમે રાજ્યમાં ઠંડીનો ચમકારો વધી રહ્યો છે, ગુલાબી ઠંડીનું જોર વધતા લોકો તાપણાનો સહારો પણ લેતા જોવા મળી રહ્યા છે. જ્યારે બીજી તરફ કેટલાક લોકો ઠંડીમાં પર્યટક સ્થળો ફરવા જવાનું વધુ પસંદ કરી રહ્યાં છે. જો કે, વહેલી સવારે ગુલાબી ઠંડીમાં મોનિંગ વોક માટે જતા લોકોમાં પણ વધારો જોવા મળી રહ્યો છે. તો વળી કેટલાક લોકો ઠંડીનું પ્રમાણ વધતા લોકો ઘરમાં જ પૂરાઈ રહેવાનું વધારે પસંદ કરી રહ્યા છે. રાજ્યમાં ગુલાબી ઠંડી દસ્તક દેતા ખેડૂતોમાં આનંદ છવાયો છે. ચાલો જાણીએ આજે મોટો શહેરમાં કેટલું તાપમાન છે. અત્રે જણાવીએ કે, અમદાવાદ શહેરમાં આ સિઝનમાં પહેલીવાર તાપમાન ૧૩.૩ ડિગ્રી નોંધાયો છે. જેને લઈ ઠંડીનો ભારે ચમકારો જોવા મળી રહ્યો છે

આજે વડોદરામાં૧૬.૨ ડિગ્રી તપામાન નોંધાયું છે. જ્યારે સુરતમાં ૨૨.૪ ડિગ્રી તો રાજકોટમાં ૧૬.૮ અને દ્વારકામાં ૧૯ ડિગ્રી તાપમાન નોંધાયું છ. ભૂજમાં ૧૬.૨ ડિગ્રી જ્યારે ડિસામાં ૧૪.૬ ડિગ્રી તાપમાન નોંધાયું છે. વેરાવળણાં ૨૧.૬ ડિગ્રી તાપમાન નોંધાયું

આ પણ વાંચો :-

૧૮ ડિસેમ્બર, ૨૦૨૩/ હૃદમાં અસંતોષ રહે, નોકરી-ધંધામાં પ્રગ‌તિ ખર્ચનું પ્રમાણ ઓછું, આ જાતકોને રવિવારે થશે ધનપ્રાપ્તિ, જુઓ આજનું રાશિ ભવિસ્ય

admin
-
0

મેષઃ

સ્વભાવ થોડો જીદ્દી રહે. આર્થિક ઉપાર્જન શક્ય બને. પરિવારમાં મનમેળ રહે. કરેલા કાર્ય સફળ થતા જણાય. સંતાન તરફથી શુભ સમાચાર મળે. સ્વાસ્થ્ય સારૂં રહે. નોકરી-ધંધામાં લાભ. ઝેરી જીવ-જંતુ કરડવાની શક્યતા છે.

વૃષભઃ

આનંદિત દિવસની શરૂઆત થાય. નાણાંકીય બાબતો માટે અનુકુળતા સર્જાય. કાર્યમાં સફળતા નોકરી ધંધામાં લાભ મળશે . નવું જાણવાના યોગ બને. આરોગ્ય સારૂ રહે. જીવનસાથી તરફથી લાભ. માન-સન્માનમાં વધારો થાય.
‌

મિથુનઃ

સ્વભાવમાં ઉગ્રતા વર્તાય. નાણાંકીય વ્યવહારો સફળ થતા જણાય. કાર્યમાં સફળતા. માતા સાથે મતભેદ થાય. સંતાનો તરફથી આનંદ. સ્વાસ્થ્ય સારૂં રહે. જીવનસાથી તરફથી અસંતોષ રહે. ભાગ્ય સારૂં ધાર્મિક બાબતોમાં ખર્ચ થાય.

કર્કઃ

મન ડામાડોળ રહે. આવક આવતી જણાય. નાણાંની સરળ હેરફેર શક્ય બને. મિત્રોથી લાભ. પરિવારમાં શાંતિ જળવાય. કરેલા રોકાણોમાંથી વળતર મળતું જણાય. ઉત્તમ દામ્પત્ય સુખ મળે. સામાન્ય શરદી-ખાંસી રહે.

‌સિંહઃ

સમગ્ર દિવસ દરમ્યાન આનંદની અનુભૂતિ થાય. આર્થિક મોરચે સફળતા. પરિવારના સભ્યોની પ્રગતિથી આનંદ. સ્થાવર-જંગમ મિલકતથી ફાયદો. સંતાન તરફથી અસંતોષ. પાણીના રોગોથી સાચવવું. ભાગ્યમાં વૃધ્ધિ થાય.

કન્યાઃ

સરળ નિખાલસ સ્વભાવ રહેશે. આર્થિક દ્રષ્ટિએ ફાયદો. કાર્ય સફળતા મળશે. માતા તરફથી અસંતોષ, નવું રોકાણ ટાળવું. સંતાન તરફથી અસંતોષ, નવું રોકાણ ટાળવું. સંતાન તરફથી ઉત્તમ, આરોગ્ય જળવાય. જીવનસાથી સાથે પ્રેમ જળવાય. આદ્યાત્મિક ઉન્નતિ અનુભવાય.

તુલાઃ

આળસ સાથે. કામ કરવાની ઇચ્છાન થાય. આર્થિક રીતે સામાન્ય દિવસ. પરિવારમાં અસંતોષની ભાવના પેદા થાય. હૃદયમાં થોડો અજંપો રહે. સંતાન તરફથી સારા સમાચાર મળે. આરોગ્ય જળવાય. ધાર્મિક ભાવનામાં વૃધ્ધિ થાય.

વૃ‌શ્ચિકઃ

સ્વભાવમાં ઉગ્રતા. જલ્દી ખોટું લાગી જાય. નાણાંકીય બાબતોમાં સાવધાની જરૂરી. પરિવારમાં આનંદ. કરેલા રોકાણોનું સારૂ વળતર મળે. સંતાન બાબતમાં સામાન્ય. જીવનસાથી સાથે મતભેદની શક્યતા.

ધનઃ

માનસિક અશાંતિ રહે. નાણાંકીય વ્યવહારોમાં સફળતા. કાર્યક્ષેત્રે સફળતા. માતા સાથે મતભેદની શક્યતા. સંતાન તરફથી આનંદ રહે. આરોગ્ય સારૂં રહે. જીવનસાથી સાથે સંતોષની ભાવના રહે. નોકરી-ધંધામાં સામાન્ય.

મકરઃ

આત્મવિશ્વાસમાં વધારો. નાણાંકીય બાબતોમાં લાભ. કરેલા કાર્યોમાં અસરફળતા. અગત્યના કાર્યો ટાળવા. કરેલા રોકાણોમાંથી સારૂં વળતર મળે. સંતાન તરફથી સારા સમાચાર મળે. હાડકાનો દુઃખાવો અનુભવાય. નોકરી ધંધામાં રાહત.

કુંભઃ
જરૂરી વસ્તુ ખોવાઇ જાય. ફુડ પોઇઝનીંગની શક્યતા. આવકમાં વધારો. નોકરી-ધંધામાં પ્રગતિ થાય. ભાગ્યમાં વૃ‌ધ્ધિ થાય. મિત્રને તમામરે મદદ કરવી પડે. ખર્ચનું પ્રમાણ વધે. હકારાત્મક વિચારો કરવા.

મી‌નઃ

ઉદાર દીલ રહે. નવી વિદ્યા પ્રાપ્‍ત કરી શકાય. કાર્યમાં સફળતા જણાય. સંતાન તરફથી શુભ સમાચાર મળે. આંખની કાળજી રાખવી. બહેનોને ગર્ભાશય સંબંધી રોગોથી સાચવવું. ભાગ્ય બળવાન છે. નોકરી-ધંધામાં સામાન્ય. મિત્રોથી લાભ.

આ પણ વાંચો :-

ભારતીય નૌકાદળે અપહરણ કરાયેલા માલ્ટા જહાજને બચાવ્યું

પીએમ મોદીએ સુરત ડાયમંડ બુર્સનું લોકાર્પણ કર્યુ, આ છે વિશ્વની સૌથી મોટી ઓફિસ

admin
-
0

વડાપ્રધાન મોદી સુરતમાં બે સૌથી મોટા કાર્યક્રમમાં હાજરી આપવા માટે પહોંચ્યા હતા. જેના માટે સુરતમાં વિવિધ સ્થાનો પર તૈયારીઓ કરવામાં આવી હતી. વડાપ્રધાન મોદીના સ્વાગત માટે 6થી વધુ સ્વાગત પોઇન્ટ બનાવવામાં આવ્યા હતા. આ માટે ભાજપના કાર્યકરો ઉપરાંત મોટી સંખ્યામાં રત્નકલાકારો પણ વડાપ્રધાનને આવકારવા માટે આજે વહેલી સવારથી જ એરપોર્ટથી ડાયમંડ બુર્સ રોડ પર પહોંચ્યા હતા. આ દરમિયાન વડાપ્રધાન મોદી સાથે મુખ્યમંત્રી ભૂપેન્દ્ર પટેલ પણ હાજર રહ્યા હતી.

દેશ અને વિદેશમાં ડાયમંડ સિટી તરીકે ઓળખાતા સુરત શહેરમાં વિશ્વનું સૌથી મોટું ઓફિસ કોમ્પ્લેક્સ ડાયમંડ બુર્સ તૈયાર થઈ ગયું છે. આ કોમ્પ્લેક્સનું આજે વડાપ્રધાન નરેન્દ્ર મોદીએ ઉદ્ધાટન કર્યું હતું. આ ડાયમંડ બુર્સ કટિંગ, પોલિશર્સ અને વેપારીઓ સહિત 65 હજાર કરતા પણ વધારે હીરા વ્યવસાયિકો માટે સૌથી મોટું કેન્દ્ર બનશે. 67 લાખ ચોરસ ફૂટનું બાંધકામ ધરાવતું આ ઓફિસ કોમ્પ્લેક્સ પેન્ટાગોન કરતાં પણ મોટું છે. આ સિવાય નવ ટાવરમાં પથરાયેલી આ ઈમારત સંપૂર્ણપણે ગ્રીન એટલે કે ઈકો ફ્રેન્ડલી છે. આ કોમ્પ્લેક્સ ગ્રીન એનર્જીમાં સર્વોચ્ચ ગણાતું પ્લેટિનિયમ ગ્રેડેશન પણ ધરાવે છે. આ સાથે જ વિશ્વની શ્રેષ્ઠ કહી શકાય તેવી તમામ સુવિધાઓ અહીં ઉપલબ્ધ છે.

આ ડાયમંડ બુર્સમાં 4500 ઓફિસ આવેલી છે, જે નાની ડાયમંડ કટિંગ અને પોલિશિંગ વર્કશોપ તરીકે પણ કામ કરી શકે છે. આ ઈમારતની વાત કરીએ તો અહીં આવનારા વર્કરો માટે 131 એલિવેટર લિફ્તેટ મજ ડાઇનિંગ, રિટેલ, વેલનેસ અને કોન્ફરન્સ સુવિધા પણ છે. આશરે 35 એકર જેટલી વિશાળ જમીનમાં 15 માળની આ ઓફિસ કોમ્પ્લેક્સ પથરાયેલું છે. સુરત ડાયમંડ બોર્ડની વેબસાઈટ મુજબ, આ ઈમારતમાં મનોરંજન ક્ષેત્ર અને પાર્કિંગ વિસ્તાર પણ છે, જે 20 લાખ ચોરસ ફૂટમાં ફેલાયેલો છે. આ સિવાય તેનો ફ્લોર એરિયા 7.1 મિલિયન સ્ક્વેર ફીટથી વધુ છે. આ કોમ્પ્લેક્સ બનાવવાનો હેતુ ભારતમાંથી હીરા, જેમ્સ અને જ્વેલરીની આયાત, નિકાસ અને વેપારને પ્રોત્સાહન આપવાનો છે. આ ઓફિસ કોમ્પ્લેક્સ બનાવવામાં ચાર વર્ષ જેટલો સમય લાગ્યો છે.

સુરતું આ ડાયમંડ બુર્સ રૂ. 2500 કરોડના ખર્ચે તૈયાર કરાયું છે, જેમાં 10 હજારથી પણ વધુ બાઈક તેમજ 4500 જેટલી કારનું પાર્કિંગ છે. આ ડાયમંડ બુર્સ ઓફિસ કોમ્પ્લેક્સના દરેક ફ્લોર પર ફાયર સેફ્ટી માટે સેન્સર છે. આ સિવાય તેમાં 128 ડેસ્ટિનેશન કંટ્રોલ લિફ્ટ તેમજ ટાવર વચ્ચે ત્રણ વિઘામાં લેન્ડસ્કેપિંગ છે, જે તમામ પંચતત્ત્વ થીમ પર ડિઝાઈન કરાઈ છે. 25 ફૂટ ઉંચાઈએ સ્કાયડેક વિઝન વ્યૂવિંગ ગેલેરી પણ છે, જ્યારે સુરક્ષા માટે એન્ટ્રી ગેટ પર ડિજિટલ ચેકિંગ કરાશે. આ સાથે તેમાં હાઉસિંગ કોલોની પણ છે, જ્યાં રહેવાની ઉત્તમ વ્યવસ્થા છે.

આ પણ વાંચો :-

• રામ ભક્તો માટે ૧ હજારથી વધુ સ્પેશ્યલ ટ્રેનો અયોધ્યા સુધી દોડાવશે

• ભારતીય નૌકાદળે અપહરણ કરાયેલા માલ્ટા જહાજને બચાવ્યું

1...867868869...1,484Page 868 of 1,484