Home Blog Page 834

૨૧ જાન્યુઆરી, ૨૦૨૪/ આ રાશિ માટે રવિવારના દિવસે આર્થિક બાબતોમાં લાભ. આવકનું પ્રમાણ, સંતાન તરફ થી પ્રગતિના નયા દૌર શરૂ, જાણો આજનું રાશિ ભવિષ્ય

admin
-
0

મેષઃ

નાણાંકીય આવક વધતી જણાય. પરિવારના તમામ સભ્યો સાથે પ્રેમભર્યું વાતાવરણ રહે. નવા રોકાણોનું ફાયદાકારક આયોજન કરી શકાય. ધંધાકીય ક્ષેત્રે અનુકુળતા વધે. માતૃપક્ષ તરફથી લાભ. ખોટા ખર્ચ ટાળવા.

વૃષભઃ

વાયુ-કફની પ્રકૃતિ રહે. મોસાળ પક્ષ તરફથી લાભ. આવક જળવાય. મનમાં આનંદનો અનુભવ થાય. બેકરી, લોજી‍ંગ જેવા તથા સરકારી કામ કરનારને લાભ. દામ્પત્ય જીવનમાં મનમેળ રહે. પ્રિય પાત્રનું મિલન શક્ય બને.

મિથુનઃ

મનોબળ ઘટતું જણાય. આર્થિક બાબતોમાં સાવધાની રાખવી જરૂરી. જીવનસાથી સાથે મતભેદ ટાળવા. પત્નિની તબિયતની કાળજી જરૂરી. નોકરી-ધંધામાં સફળતા. વ્યસનથી દૂર રહેવું. પ્રેમ સંબંધમાં ફસાઈ ન જવાય એનું ધ્યાન રાખવું.

કર્કઃ

દિવસ દરમ્યાન આનંદ વર્તાય. આવકમાં વધારો થતો જણાય. કુટુંબમાં સ્નેહનું વાતાવરણ વધે. માતૃપક્ષ તરફથી લાભ. ગળાના તથા જ્ઞાનતંતુઓના રોગોથી સાવધાની જરૂરી. જીવનસાથી સાથે સ્નેહ વધે. નોકરીમાં ઉપરી અધિકારી સાથે વાદવિવાદ ટાળવો.

સિંહઃ

વિચારો ઉપર કાબુ રાખવો ખૂબ જરૂરી. આવક વધતી જણાય. પરિવારમાં સુખ-શાંતિ જળવાય. સ્થાવર-જંગમ મિલકતથી લાભ. નોકરી-ધંધામાં ઉત્સાહ જળવાય. શરદી-ખાંસીનો ઉપદ્રવ રહે. મિત્રોનો સાથ-સહકાર મળતો જણાય.

કન્યાઃ

વાણી દ્વારા વ્યવહારમાં સફળતા મળે. આર્થિક ઉપાર્જન શક્ય બને. ભાગ્યનો સાથ મળતાં કાર્યક્ષેત્રે સફળતાનો અનુભવ થાય. મિત્રોથી લાભ. જાણીતી વ્યક્તિ દ્વારા દગા-ફટકાનો ભોગ બનવાથી સાવધ રહેવું.

તુલાઃ

પરિવારમાં મતભેદ ન થાય એનું ધ્યાન રાખવું. કાર્યક્ષેત્રે સફળતા અવરોધાતી જણાય. અસંતોષનું પ્રમાણ વધે. અગત્યના કાર્યો ટાળવા. આરોગ્ય જળવાય. ભાગ્યનો સાથ મળતો જણાય. શાંતિથી દિવસ પસાર કરવો.

વૃશ્ચિકઃ

વાણી વિલાસ સાચવીને કરવો. કડવું બોલવાથી સંબંધો બગડતા જણાય. અભિમાન છોડવું. પેટ્રોલ, રંગ, ટાયર-ટ્યુબના ધંધાર્થીઓને લાભ. દામ્પત્ય સુખમાં આનંદ. પ્રેમ પ્રસંગોનું નિર્માણ થાય. ચર્મરોગોથી સાચવવું.

ધનઃ

મનમાં ચિંતાનું વાતાવરણ રહે. નકારાત્મક વિચારો વધે. આવક અંગે સામાન્ય દિવસ. આરોગ્ય સાચવવું. મગજના રોગોથી સાવચેતી જરૂરી. પત્નિ સાથે મતભેદ થવાની શક્યતા. માન-સન્માન વધે.

મકરઃ

માનસિક સ્વસ્થતા જળવાય. આત્મવિશ્વાસ વધે. નાણાંની આવક વધે સાથે-સાથે ખોટો ખર્ચ ટાળવાની સલાહ છે. સંતાનોની પ્રગતિથી હર્ષ થાય. પતિ-પત્નિના સંબંધોમાં મધુરતા વધે. પડવા-વાગવાથી સાચવવું.

કુંભઃ

આવક જળવાશે. પરિવારમાં આનંદ-ઉત્સાહમાં વધારો થાય. કાર્યક્ષેત્રે સફળતા મળતી જણાય. માતૃપક્ષ તરફથી લાભ. નવા રોકાણો સારી રીતે કરી શકાય. નોકરી-ધંધામાં પ્રગતિ થતી જણાય. આરોગ્ય જળવાય.

મીનઃ

જુસ્સામાં, શક્તિમાં વધારો થાય. આત્મવિશ્વાસ બુલંદ બને. આર્થિક પાસુ મજબૂત થાય. પરિવારમાં આનંદ-ઉત્સાહ વધે. કાર્યક્ષેત્રે સફળતા. નવા કાર્યની શરૂઆત શક્ય બને. સાંધાના દુઃખાવા, વાયુની તકલીફોથી સાચવવું.

આ પણ વાંચો :-

ટ્વીટર(X)માં પણ વોટ્સએપ-ઇન્સ્ટાની જેમ થઈ શકશે Audio-Video કોલ

admin
-
0

એલન મસ્ક ટ્વિટર, જેને હવે એક્સના નામથી ઓળખવામાં આવે છે, તેને ધ એવરીથિંગ એપ, ‘the everything app’ બનાવવા માંગે છે. મસ્ક આ એક એપ દ્વારા લોકોને મનોરંજન, સમાચાર, મેસેજિંગ, પેમેન્ટ વગેરેની સુવિધા આપવા માંગે છે. તેઓ અને તેમની કંપની લાંબા સમયથી આ દિશામાં કામ કરી રહ્યા છે. આ સપનું સાકાર કરવા માટે મસ્ક સમયાંતરે એપમાં નવા ફિચર્સ એડ કરી રહી છે. દરમિયાન, કંપનીએ એન્ડ્રોઇડ યૂઝર્સ માટે વધુ એક નવું ફિચર રિલીઝ કર્યુ છે. હાલમાં આ ફિચર iOS યૂઝર્સ માટે ઉપલબ્ધ નથી. એવી અપેક્ષા રાખવામાં આવે છે કે કંપની ટૂંક સમયમાં તેને આ યૂઝર્સ માટે પણ જીવંત બનાવશે.

મસ્કની કંપની એક્સએ એન્ડ્રોઈડ યૂઝર્સ માટે ઓડિયો અને વીડિયો કોલ ફીચર લાઈવ કરી દીધુ છે. આ વાતની જાણકારી પ્રોજેક્ટ પર કામ કરી રહેલા એક્સ એન્જીનિયરોમાંથી એકએ ટ્વિટર પર માહિતી શેર કરી છે.  કેટલાક ઈન્ડિયન યૂઝર્સે પણ આ વિશે એક્સ પર એક પોસ્ટ કરી છે. આ ફીચરની મદદથી હવે તમે તમારા ફોલોવર્સ સાથે ફેસ ટુ ફેસ વીડિયો કોલના માધ્યમથી કનેક્ટ થઈ શકો છો. જેવી રીતે વોટ્સએપ-ઈન્સ્ટાગ્રામમાં વીડિયો કોલના ફીચર કામ કરી રહ્યાં છે બસ તેવી જ રીતે આ ફીચર એક્સમાં પણ કામ કરી રહ્યું છે. એટલે કે તેને ચલાવવું હવે ખુબ જ સરળ છે.

ફક્ત X પ્રીમિયમ યૂઝર્સ જ નવી ઑડિયો-વીડિયો સુવિધાનો લાભ લઈ શકશે. ફ્રી યૂઝર્સને આ વિકલ્પ નહીં મળે. કંપનીએ પહેલાથી જ પ્રીમિયમ યૂઝર્સ માટે ઘણી સુવિધાઓ મર્યાદિત કરી છે. હાલમાં તે જાણી શકાયું નથી કે આ સુવિધા બધા પેઇડ યૂઝર્સ માટે ઉપલબ્ધ હશે અથવા ફક્ત પ્રીમિયમ અને પ્રીમિયમ પ્લસ યૂઝર્સ માટે મર્યાદિત છે.

વીડિયો અને ઓડિયો કોલના ઓપ્શનને ઓન કરવા માટે તમારે સેટિંગમાં જઈને પ્રાઈવેસી એન્ડ સેફ્ટીના ઓપ્શનમાં જવું પડશે અને અહીં ડાયરેક્ટ મેસેજ પર ક્લિક કરીને ઓડિયો અને વીડિયો કોલના ઓપ્શનને ઓન કરવું પડશે.આવુ કરતાની સાથે જ તમે ચેટ્સમાં આ ઓપ્શન જોવા મળશે.

આ પણ વાંચો :-

કથાકાર ભાવિકા માહેશ્વરી ૫૦ લાખની ધનરાશી શ્રીરામ જન્મભૂમિ ટ્રસ્ટને કરી અર્પણ

admin
-
0

અયોધ્યાધામ ખાતે ­મંદિરના નિર્માણ માટે અનેક લોકોઍ યોગદાન આપ્યું છે. ત્યારે સુરતની ૧૧ વર્ષીય બાળા ભાવિકા માહેશ્વરી કથાવાચક અને મોટીવેટર છે કથાઓના માધ્યમથી ૫૦ લાખ રૂપિયા જેટલી માતબર રકમ ભેગી કરીને આ ધનરાશિ શ્રીરામ જન્મભૂમિ મંદિર ટ્રસ્ટને અર્પણ કરી છે.

ભાવિકાએ રાષ્ટ્ર ચેતના સહીત વિવિધ વિષયો અંગે લોકોને જાગૃત કરવા માટે દેશભરમાં ૫૦ હજાર કિમીની યાત્રા કરી છે અને ૩૦૦ જેટલા કાર્યક્રમોનું પણ આયોજન કરી ચુકી છે. એક લેખિકા તરીકે ભાવિકા ત્રણ પુસ્તકો લખી ચુકી છે અને રાષ્ટ્રપતિ દ્રોપદી મુર્મૂ, અમિતાભ બચ્ચન સહીત અનેક રાજ્યોના મુખ્યમંત્રી તેણીના વખાણ કરી ચૂક્યા છે સાથે જ અનેક મંત્રીઓએ ભાવિકાની પોસ્ટ પોતાના સોશ્યલ મીડિયા ઍકાઉન્ટ પર પણ અપલોડ કરીને તેણીને પ્રોત્સાહીત કરી છે. ભાવિકાને અનેક રાષ્ટ્રીય પુરસ્કારો મળવા સાથે જ તે ઇન્ટરનેશનલ રામાયણ પુરસ્કાર પણ જીતી ચૂકી છે.

શ્રીરામ મંદિરના નિર્માણ માટે ટ્રસ્ટ વતી વર્ષ ૨૦૨૧માં સમર્પણ નિધિ ભેગી કરવા માટે અભિયાન શુરૂ કરવામાં આવ્યું હતું. ત્યારે ભાવિકાએ પણ સમર્પણ નિધિમાં યોગદાન અપવાનો સંકલ્પ લીધો હતો. ત્યારબાદ ભાવિકાએ અનેક ઠેકાણે એક દિવસીય રામકથાનું આયોજન કરી આ કથાઓના માધ્યમથી ૫૦ લાખ રૂપિયા ભેગા કર્યા હતા. ત્યારબાદ આ રૂપિયા ટ્રસ્ટના કોષાધ્યક્ષ ગોવિંદગિરી મહારાજને સમર્પિત કર્યા હતા. ભાવિકાની કથામાં નાના-નાના બાળકોએ પોતાના ગુલ્લક પણ ખોલીને મૂકી દીધા હતા. ત્યારે ૩૨૦૦ કરોડની સમર્પણ નિધિમાં આ ૫૦ લાખ રૂપિયાના યોગદાનની ઘટના અનોખી ઘટના જ કહી શકાય.

આ પણ વાંચો :-

પીએમ મોદીએ હાથી પાસેથી આશીર્વાદ લીધા, શ્રી રંગમ મંદિરમાં પૂજા કરી

admin
-
0

રામ મંદિરમાં પ્રાણ પ્રતિષ્ઠા પહેલા પીએમ મોદી ૧૧ દિવસના વિશેષ અનુષ્ઠાન કરી રહ્યા છે. આ દિવસોમાં તેઓ દેશના વિભિન્ન મંદિરોમાં જઈ પૂજા-અર્ચના કરી રહ્યા છે ત્યારે આજે તેઓ તમિલનાડુના તિરુચિરાપલ્લી પહોંચ્યા હતા. પીએમ મોદીએ તિરુચિરાપલ્લીના શ્રીરંગમમાં પ્રસિદ્ધ શ્રી રંગનાથસ્વામી મંદિરમાં ભગવાન વિષ્ણુની પૂજા-અર્ચના કરી હતી. શ્રી રંગનાથસ્વામી મંદિરને ભગવાન વિષ્ણુની પૂજા માટે સૌથી મહત્વપૂર્ણ મંદિરોમાંથી એક માનવામાં આવે છે. આ મંદિરમાં પૂજા-અર્ચના કરવા માટે પીએમ મોદી પરંપરાગત પોશાક પહેરીને પહોંચ્યા હતા. જોકે, પૂજા-અર્ચના બાદનો એક વીડિયો સામે આાવ્યો છે જેમાં પીએમ મોદી એક હાથીને ગોળ ખવડાવતા નજર આવી રહ્યા છે.

PM મોદીએ તિરુચિરાપલ્લીના શ્રી રંગનાથસ્વામી મંદિરમાં કમ્બા રામાયણમના શ્લોકોનું પઠન કરતા વિદ્વાનને સાંભળ્યા હતા. ઉલ્લેખનીય છે કે, રામાયણની ખૂબ જ જૂની આવૃત્તિઓમાંની એક કમ્બા રામાયણ છે, જે ૧૨મી સદીમાં તમિલ કવિ કમ્બને રચી હતી. કમ્બને સૌ પ્રથમ તેમની રામાયણ શ્રી રંગનાથસ્વામી મંદિરમાં જાહેરમાં રજૂ કરી. પીએમ એ જ જગ્યાએ બેઠા હતા જ્યાં કમ્બને પહેલીવાર તમિલ રામાયણ ગાઈને તમિલ, તમિલનાડુ અને શ્રી રામ વચ્ચેના ઊંડા સંબંધોને મજબૂત બનાવ્યા હતા.

એવું માનવામાં આવે છે કે, રંગનાથસ્વામી મંદિર વિજયનગર સમય (૧૩૩૬-૧૫૬૫) દરમિયાન બાંધવામાં આવ્યું હતું. મંદિરમાં દેવતાના નિવાસસ્થાનને મોટાભાગે નામ પેરુમલ અને અઝગિયા માનવલન તરીકે ઓળખવામાં આવે છે. તમિલમાં તેનો અર્થ ‘હમારે ભગવાન’ અને ‘સુંદર દુલ્હા’ થાય છે. ભવ્ય રંગનાથસ્વામી મંદિર ભગવાન રંગનાથનું ઘર છે, જે સૂતેલી મુદ્રામાં ભગવાન વિષ્ણુનું એક સ્વરૂપ છે. બીજી તરફ મંદિરના પૂજારીઓએ સંસ્કૃતમાં લખેલા સૂત્રો સાથે વડાપ્રધાનનું વિશેષ સ્વાગત કર્યું હતું.

આ પણ વાંચો :-

આજથી અયોધ્યામાં બહારના લોકોને નો એન્ટ્રી, આમંત્રિત લોકો જ જઈ શકશે

admin
-
0

ઉત્તર પ્રદેશના અયોધ્યામાં રામલલાના પ્રાણ પ્રતિષ્ઠા મહોત્સવને હવે બે દિવસ જ બાકી રહ્યા છે ત્યારે આ કાર્યક્રમને ધ્યાનમાં રાખીને આજથી અયોધ્યામાં ત્રણ દિવસ સુધી બહારના લોકોને પ્રવેશ આપવામાં આવશે નહીં. ઉલ્લેખનીય છે કે સ્થાનિક લોકોને ઓળખ કાર્ડ આપવામાં આવ્યા છે. ડાયવર્ઝનને કારણે લખનૌ, ગોંડા, બસ્તી, આંબેડકરનગર, સુલતાનપુર, અમેઠીથી અયોધ્યા તરફ આવતા વાહનોને અલગ-અલગ માર્ગો દ્વારા તેમના ગંતવ્ય સ્થાન પર મોકલવામાં આવ્યા છે. અયોધ્યામાં ત્રણ દિવસ સુધી બહારના લોકોને પ્રવેશ આપવામાં આવશે નહીં. જેઓ ત્યાંના સ્થાનિક લોકો છે તેમને ઓળખ કાર્ડ આપવામાં આવ્યા છે.

રામલલાના પ્રાણ પ્રતિષ્ઠાને લઈને રામ ભક્તોમાં ઉત્સાહ જોવા મળી રહ્યો છે ત્યારે પ્રાણ પ્રતિષ્ઠા મહોત્સવ બાદ અયોધ્યામાં શ્રદ્ધાળુઓની સંખ્યામાં વધારો થવાની સંભવાનાને ધ્યાનમાં રાખીને રેલવે પ્રશાસન આસ્થા ટ્રેનો ચલાવવાની તૈયારી કરી રહ્યું છે જે ગોમતીનગર અને ચારબાગથી અયોધ્યા સુધી ચલાવવામાં આવશે. એવી અપેક્ષા છે કે આ ટ્રેનો ૨૫મીથી શરૂ થઈ શકે છે. જો કે, અધિકારીઓ ટ્રેનની સૂચના જારી થવાની રાહ જોઈ રહ્યા છે.

શુક્રવારે મુંબઈ, કોલકાતા, અમદાવાદ અને બેંગ્લોરના વિમાનો નિયમિત અંતરે મહર્ષિ વાલ્મિકી ઈન્ટરનેશનલ એરપોર્ટ પર પહોંચ્યા હતા. દિલ્હીથી બે વિમાન મુસાફરોને લઈને અહીં પહોંચ્યા હતા. ખરાબ હવામાનને કારણે વિમાનોના પ્રસ્થાનમાં વિલંબ થયો હતો. લગભગ ૧.૩૦ વાગ્યા સુધી અહીં કોઈ પ્લેન લેન્ડ થયું ન હતું. જેમ જેમ શ્રી રામ મંદિરમાં અભિષેકની તારીખ નજીક આવી રહી છે તેમ તેમ એરપોર્ટ પર સુરક્ષા સઘન કરવામાં આવી રહી છે. શુક્રવારે પ્રયાગરાજ હાઈવેથી એરપોર્ટ સુધીના દોઢ કિલોમીટરના અંતરની બંને બાજુ નાના-મોટા પોલીસકર્મીઓ તૈનાત કરવામાં આવ્યા હતા. પોલીસ અધિકારીઓની પણ અવરજવર હતી. એરપોર્ટના ગેટ પર સુરક્ષા સઘન કરવામાં આવી હતી. મોટી સંખ્યામાં પોલીસ જવાનો તૈનાત કરવામાં આવ્યા હતા. પાસ વગર કોઈને અંદર પ્રવેશ આપવામાં આવ્યો ન હતો.

રામલલાના પ્રાણ પ્રતિષ્ઠા મહોત્સવ બાદ બાદ લખનઉ અને અયોધ્યા વચ્ચે રોજની ૮૦ બસો ચલાવવામાં આવશે. તેનાથી અંદાજે ૪૦ હજાર શ્રદ્ધાળુઓને રાહત મળશે. બસ સ્ટેન્ડ પરથી દર ૨૦ મિનિટના અંતરે મુસાફરો માટે બસો ઉપલબ્ધ રહેશે. થોડા દિવસો પહેલા જ રોડવેઝ એડમિનિસ્ટ્રેશને કૈસરબાગ અને અયોધ્યા વચ્ચે એસી જનરથ બસો ચલાવવાની શરૂઆત કરી છે. ૨૨ જાન્યુઆરીએ પ્રાણ પ્રતિષ્ઠા બાદ રોડવેઝ ભક્તો માટે લખનઉ અને અયોધ્યા વચ્ચે ૮૦ બસો ચલાવશે.

આ પણ વાંચો :-

મની લોન્ડરિંગ મામલે CM હેમંત સોરેનના ઘરે પહોંચી EDની ટીમ

admin
-
0

ઝારખંડના મુખ્યમંત્રી હેમંત સોરેનની રાંચીના બગડઈ વિસ્તારની જમીન સંબંધિત દસ્તાવેજોમાં છેડછાડ અંગેની તપાસનું નિવેદન નોંધવા ઈડી ઓફિસરો મુખ્યમંત્રી આવાસે પહોંચ્યા છે. રાજ્યમાં કોઈ અનિચ્છનિય ઘટના ન બને તે માટે ઈડી ઓફિસથી લઈને અધિકારીઓની સુરક્ષાની પૂર્ણ તૈયારીઓ કરી લેવાઈ છે. ઈડી ઓફિસથી લઈને મુખ્યમંત્રી આવાસ સુધી બહાર સુરક્ષા વ્યવસ્થામાં ૯૦૦ પોલીસ અધિકારીઓ તૈનાત કરાયા છે. જણાવી દઈએ કે હેમંત સોરેને ઈડીના 8મા સમન્સ પર પૂછપરછ માટે ૨૦ તારીખે બપોરે ૧૨ વાગ્યાનો સમય આપ્યો હતો.

જણાવી દઈએ કે ED રાંચીના બડગઈ વિસ્તારની જમીન સાથે સંબંધિત સરકારી દસ્તાવેજોમાં છેડછાડ કરવાની ઘટનાની તપાસના સંબંધમાં હેમંત સોરેનનું નિવેદન નોંધવા માંગે છે. આ કેસમાં ED IAS છવી રંજન સહિત દોઢ ડઝન લોકોની ધરપકડ કરી ચૂકી છે. હવે તે હેમંત સોરેનને આ ઘટનામાં તેમની ભૂમિકા અંગે ઘણા મુદ્દાઓ પર પૂછપરછ કરવા માંગે છે.

ઝારખંડના મુખ્યમંત્રી હેમંત સોરેનને ED આઠ વખત સમન્સ પાઠવી ચુક્યુ છે. મંત સોરેનને EDએ પ્રથમ વખત ૧૪ ઓગસ્ટ ૨૦૨૩માં હાજર થવા માટે સમન્સ મોકલ્યું હતું. તે બાદ ૨૪ ઓગસ્ટ, ૯ સપ્ટેમ્બર, ૨૩ સપ્ટેમ્બર, ૪ ઓક્ટોબર, ૧૨ ડિસેમ્બર અને ૩૦ ડિસેમ્બરથી ૫ જાન્યુઆરી ૨૦૨૪ વચ્ચે હાજર થવા માટે સમન્સ મોકલવામાં આવ્યું હતું. EDનું કહેવું છે કે વારંવાર મોકલવામાં આવી રહેલા સમન્સ છતાં હેમંત સોરેન હાજર ના થતા તપાસમાં અવરોધ ઉભો થઇ રહ્યો છે.

આ પણ વાંચો :-

૧૯ જાન્યુઆરી, ૨૦૨૪/ ખર્ચનું પ્રમાણ અતિશય વધશે, પારિવારિક સંઘર્ષના સંકેત, આ રાશિના જાતકોનો શનિવાર જશે કષ્ટદાયક, જાણો આજનું રાશિ ભવિષ્ય

admin
-
0

મેષઃ

દિવસ દરમ્યાન નવી શક્તિનો સંચાર થતો જણાય. આવકનું પાસુ મજબૂત બને. પરિવારમાં આનંદ-ઉત્સાહ જળવાય. સ્થાવર-જંગમ મિલકતથી લાભ. કાર્યક્ષેત્રે સફળતા.

વૃષભઃ

કાર્યક્ષેત્રે આગેવાન થવાની વૃત્તિ પેદા થાય. અભિમાન વધતું જણાય. જમીન, ટ્રાવેલ્સ, કેમીકલના ધંધામાં વિશેષ લાભ. આવક જળવાય. પત્નિ સાથે સંબંધમાં મધુરતાનો અનુભવ થાય. આરોગ્ય જળવાય.

મિથુનઃ

સ્વભાવમાં જીદ્દીપણું વધતું જણાય. આવકનું પ્રમાણ જળવાય પરંતુ ખર્ચ પણ વધતો જણાય. શરદી-ખાંસીની તકલીફ રહે. મિત્રો તથા સંતાનો સાથે ઉગ્રતા ટાળવી. સ્વાસ્થ્ય સારું રહે.

કર્કઃ

સ્વભાવમાં ભાવનાત્મકતાનું પ્રમાણ વધે. નવા વસ્ત્રો ખરીદ કરવાના યોગ બને છે. નાના ભાઈ-બહેનોની પ્રગતિથી આનંદ. વાહન સુખ, મિલકત સુખમાં વૃદ્ધિ. નાણાંકીય વ્યવહારોમાં લાભ.

સિંહઃ

નોકરીમાં શાંતિ તથા ધંધામાં પ્રગતિ થતી જણાય. અગત્યના નિર્ણયો ફાયદાકારક પૂરવાર થતા જણાય. જી. આવક જળવાય. કાર્યક્ષેત્રે ભાગ્યનો સાથ મળે.

કન્યાઃ

વાણીમાં મીઠાશ જળવાય. આવકનું પ્રમાણ જળવાય. દગા-ફટકાથી સાચવવું. સ્થાવર-જંગમ મિલકત અંગે લાભ. ધંધાકીય ક્ષેત્રે સફળતા મળતી જણાય. લોહીથી થતા રોગોથી સાચવવું.

તુલાઃ

ધંધાકીય ક્ષેત્રે અગત્યના નિર્ણયો યોગ્ય રીતે લઈ શકાય. ખોટું લાગે એવા પ્રસંગનું નિર્માણ થાય. પરિવારમાં લાગણી ભરેલા સંબંધો જળવાય. કાર્યક્ષેત્રે સફળતા. પિતાની તબિયત સાચવવી. પેટની તકલીફ રહે.

વૃશ્ચિકઃ

જીવનસાથી સાથે આનંદની ક્ષણો માણી શકો. આવક જળવાય. કાર્યક્ષેત્રે સફળતા મળે છે. ભાગ્યનો સાથ મળતો જણાતો નથી. મુસાફરી દરમ્યાન સાવચેતી જરૂરી. હરીફોને શીકસ્ત આપી શકો.

ધનઃ

વિચારવાયુનું પ્રમાણ વધે. ધાર્મિક સંગઠનમાં સામેલ થઈ શકાય. સંતાનના પ્રશ્નો ઉકેલાતા જણાય. યોગ્ય ખર્ચ કરવાની વ્યવસ્થા સરળ બને. ભાગ્યનો સાથ મળતાં ઓછી મહેનતે કાર્યસિદ્ધિ શક્ય બને.

મકરઃ

સ્ત્રી વર્ગથી સફળતા મળતી જણાય. અગત્યના નાણાંકીય નિર્ણયો ટાળવા. પરિવારમાં ઉદાસીનતા વર્તાય. સંતાનસુખમાં વૃદ્ધિ થતી જણાય. પડવા-વાગવાથી સાચવવું. મિત્રોનો સાથ-સહકાર મેળવી શકાય.

કુંભઃ

જીવનસાથી સાથે મતભેદ ટાળવા. હકારાત્મક વિચારો કરવા હિતાવહ છે. લક્ષ્મીની વખતસર હેરફેર શક્ય બને. વાહન સુખ-મિલકત સુખમાં વધારો થતો જણાય. માતૃસુખ-પિતૃસુખમાં વધારો થતો જણાય.

મીનઃ

ખોટા ખર્ચા ટાળવા. કાર્યક્ષેત્રે સફળતા મળતી જણાય. ભાગ્ય બળવાન બને છે. નાના યાત્રા-પ્રવાસના યોગ બને છે. નોકરીમાં બઢતી-બદલી સંભવ. વૈવાહિક જીવનમાં આનંદ. સાંધાના દુઃખાવાથી સાચવવું.

વડોદરામાં હરણી બોટ દુર્ઘટનામાં તપાસ માટે SITની રચના કરાઈ

admin
-
0

વડોદરામાં ગઈકાલે હરણી તળાવમાં ઘટેલી બોટ દુર્ઘટનામાં ૧૪ લોકોના કમકમાટી ભર્યા મૃત્યુ થયાં છે. શિક્ષકો સહિત નાના ભૂલકાંઓ તળાવમાં ડૂબી જવાની ઘટનાના પડઘા હવે હાઈકોર્ટમાં પડ્યાં છે. એડવોકેટ એસોસિએશન દ્વારા હાઈકોર્ટને સમગ્ર ઘટનામાં સુઓમોટો લેવા માટે વિનંતી કરવામાં આવી છે. હાઈકોર્ટે એસોસિએશનને અહેવાલ રજૂ કરવા કહ્યું છે. કોર્ટ સમાચારપત્રોમાં આવેલા અહેવાલો પણ રજૂ કરવાનો હૂકમ કર્યો છે. બીજીબાજુ આ દુર્ઘટનાની તપાસ માટે વડોદરા શહેર પોલીસ કમિશનરે SITની રચના કરી છે. તળાવ દુર્ઘટના બાબતે દાખલ થયેલ ગુનાની તટસ્થ અને સચોટ તપાસ કરવા અધિક પોલીસ કમિશનરના અધ્યક્ષ સ્થાને સીટની રચના કરવામાં આવેલ છે અને ગુનાની તપાસ ACP ક્રાઈમ બ્રાન્ચને સોંપવામાં આવેલ છે.

SIT ટીમના સભ્યો

  • ટીમમાં એડિશનલ પોલીસ કમિશ્નર મનોજ નિનામાને અધ્યક્ષ બનાવ્યા
  • ડીસીપી ઝોન ૪ પન્ના મોમાયાને સુપરવિઝન અધિકારી
  • ડીસીપી ક્રાઈમ યુવરાજસિંહ જાડેજાને સુપરવિઝન અધિકારી
  • ACP ક્રાઇમ એચ એ રાઠોડ – તપાસ અધિકારી
  • હરણી PI – સી બી ટંડેલ – સભ્ય
  • ક્રાઇમ બ્રાન્ચ PI – એમ એફ ચૌધરી – સભ્ય
  • ક્રાઈમ બ્રાન્ચ PSI પી એમ ધાકડા – સભ્ય

દરેક બોટિંગ રાઇડ ચાલુ કરતા પહેલા જરૂરી સૂચનાઓ આપવી જોઇએ. જે અપાઇ ન હોવાનો ખુલાસો થયો છે. એટલું જ નહીં ક્ષમતા કરતા વધારે વિદ્યાર્થીઓને એકી સાથે ઠાંસીઠાંસીને બેસાડી બોટિંગ કરાવાતાં આ દુર્ઘટના ઘટી હોવાનો ફરીયાદમાં ઉલ્લેખ કરાયો છે. જો કે રાજ્યમાં કોન્ટ્રાક્ટ પ્રથા પર ચાલતા તમામ એકમો, જગ્યાઓ કે સેવાઓમાં આચરાતી ઘોર બેદરકારીના કારણે વારંવાર મોટી હોનારતો બને છે. તેવામાં આવી ઘટનાઓ રોકવા માટે બિનીત  કોટીયા જેવા કોન્ટ્રાક્ટરોને આકરીમાં આકરી સજા થાય તેવી માગ ઉઠી રહી છે.

વડોદરા હરણી લેકઝોનની તમામ એન્ટ્રી-એક્ઝિટ કોર્પોરેશને સીલ કરી છે. ફૂડ કોર્ટની દુકાનો પણ સીલ કરવામાં આવી છે. અને ગુનો દાખલ થયો હોવાથી પરિસરમાં પ્રવેશ પર પ્રતિબંધ મુકાયો છે. અને જો કોઇ લેક ઝોનમાં પ્રવેશ કરશે તો અંગે કાર્યવાહી કરાશે.આ મામલે મેસર્સ કોટિયા પ્રોજેક્ટના સંચાલકો વિરુદ્ધમાં હરણી પોલીસ મથકમાં ફરિયાદ નોંધાઇ છે. બેદરકારી તથા નિષ્કાળજી દાખવવા બદલ ૧૮ લોકો સામે ૩૦૪, ૩૦૮, ૩૩૭, ૩૩૮, ૧૧૪ મુજબ ગુનો દાખલ કરવામાં આવ્યો છે.આ મામલે વડોદરા ક્રાઈમ બ્રાન્ચે ત્રણ શખસની અટકાયત કરી છે.

આ પણ વાંચો :-

રામ મંદિર પર ચુકાદો આપનાર પાંચ જજોને મળ્યું આમંત્રણ, VIP યાદીમાં નામ.

admin
-
0

રામજન્મભૂમિની તરફેણમાં ચુકાદો આપનાર પાંચ જજોને પણ આ કાર્યક્રમમાં આમંત્રિત કરવામાં આવ્યા છે. આ પાંચ જજોની મંજૂરી બાદ અયોધ્યામાં રામ મંદિર નિર્માણનું ચિત્ર સ્પષ્ટ થઈ ગયું છે. અયોધ્યામાં રામ લલ્લાના અભિષેકને હવે ગણતરીના દિવસો જ બાકી રહ્યા છે. ૨૨ જાન્યુઆરી સોમવારના રોજ સમારોહ યોજાશે. કોણ આવશે અને કોણ નહીં, કોને આમંત્રણ આપવામાં આવ્યું છે અને કોને નહીં તેના પર સૌની નજર છે. શું પાંચ ન્યાયાધીશો, જેમના ઐતિહાસિક ચુકાદાએ અયોધ્યામાં રામ મંદિરના નિર્માણનો માર્ગ સાફ કર્યો છે, તેમને રામ મંદિરના પ્રાણ પ્રતિષ્ઠા કાર્યક્રમમાં આમંત્રણ આપવામાં આવ્યું છે? આ ચર્ચાનો વિષય હતો જેના પર હવે સંપૂર્ણ સ્પષ્ટતા આવી ગઈ છે.

કોર્ટે પોતાનો ચુકાદો આપ્યો. કોર્ટે ૨.૭૭ એકર વિવાદિત જમીનને રામલલાનું જન્મસ્થળ ગણાવ્યું હતું. કોર્ટે તે જમીન એક ટ્રસ્ટને સોંપી દીધી અને ત્યાં રામ મંદિર બનાવવાનો આદેશ આપ્યો. સાથે જ, સુપ્રીમ કોર્ટે ઉત્તર પ્રદેશ સુન્ની સેન્ટ્રલ વક્ફ બોર્ડને અયોધ્યામાં જ ૫ એકર જમીન આપવાનો આદેશ આપ્યો હતો જેથી બાબરી મસ્જિદની તર્જ પર મસ્જિદ બનાવવામાં આવે. ચુકાદો આવતાની સાથે જ ગુગલ પર સૌથી વધુ સર્ચ કરવામાં આવી હતી કે ચુકાદો આપનાર જજ કોણ છે.

તત્કાલિન ચીફ જસ્ટિસ રંજન ગોગોઈ, જસ્ટિસ શરદ અરવિંદ બોબડે, જસ્ટિસ ડીવાય ચંદ્રચુડ, જસ્ટિસ અશોક ભૂષણ, જસ્ટિસ એસ. ચુકાદો આપનારી બેન્ચમાં અબ્દુલ નઝીરને સામેલ કરવા જોઈએ. અત્યાર સુધી ચર્ચા થતી રહી છે. હવે અન્ય લોકો નિવૃત્ત થતાં જજ ભાઈ સાહેબ પણ નિવૃત્ત થાય છે. તો આમાંથી કેટલાક ન્યાયાધીશોએ પણ સુપ્રીમ કોર્ટમાં પોતાનો સમય પૂરો કર્યો. ચુકાદો સંભળાવનારી બેન્ચના ભાગ હતા તેવા ચાર ન્યાયાધીશો અલગ-અલગ સમયે નિવૃત્ત થયા હતા. ડીવાય ચંદ્રચુડ સાહેબ વિશે તમે પહેલાથી જ જાણો છો કે તેઓ હાલમાં સુપ્રીમ કોર્ટમાં છે અને દેશના મુખ્ય ન્યાયાધીશ તરીકે કામ કરી રહ્યા છે.

કોર્ટે સરકારને ઉત્તર પ્રદેશ સુન્ની સેન્ટ્રલ વક્ફ બોર્ડને અલગથી ૫ એકર જમીન આપવા પણ કહ્યું હતું જેથી બોર્ડ મસ્જિદ બનાવી શકે. ૬ ડિસેમ્બર ૧૯૯૨ના રોજ એક ટોળાએ બાબરી મસ્જિદને તોડી પાડી હતી. આ પછી રામ મંદિર આંદોલને અલગ વળાંક લીધો. ૨૨ જાન્યુઆરીએ રામ મંદિર ઉદ્ઘાટન કાર્યક્રમ યોજાનાર છે. આ માટે કેટલાક રાજ્યોમાં રજા પણ જાહેર કરવામાં આવી છે. આ કાર્યક્રમ માટે ફિલ્મ અને બિઝનેસ જગતના દેશના પ્રખ્યાત લોકોને આમંત્રણ મોકલવામાં આવ્યું છે. વડાપ્રધાન નરેન્દ્ર મોદી આ કાર્યક્રમ માટે ૧૧ દિવસની ધાર્મિક વિધિ પર છે.

આ પણ વાંચો :-

બિલકિસ બાનો કેસમાં સુપ્રીમ કોર્ટ મોટો ચુકાદો, ૧૧ દોષિતોએ આત્મસમપર્ણ કરવું પડશે

admin
-
0

બિલકિસ બાનો કેસના દોષિતોને સુપ્રીમ કોર્ટ તરફથી મોટો ઝટકો લાગ્યો છે જેમાં સુપ્રીમ કોર્ટે બિલકિસ બાનોના ૧૧ દોષિતોએ આત્મસમર્પણ કરતા પહેલા વધુ સમય આપવા માટે દાખલ કરેલી અરજીને ફગાવી દીધી છે. આ દોષિતોએ ગુરુવારે વ્યક્તિગત કારણોને ટાંકીને આત્મસમર્પણનો સમયગાળો વધારવાની માંગ કરી હતી. હવે સુપ્રીમ કોર્ટે પોતાના જૂના આદેશ મુજબ તમામ આરોપીઓને ૨૧ જાન્યુઆરી સુધીમાં સરેન્ડર કરવાનો આદેશ આપ્યો છે.

૧૧માંથી ત્રણ દોષિતોએ સર્વોચ્ચ અદાલતમાં અરજી દાખલ કરીને આત્મસમર્પણની અવધિ વધારવાની માંગ કરી છે. ગોવિંદ નાઈએ કોર્ટ પાસે ૪ અઠવાડિયાના એક્સટેન્શનની માંગણી કરી છે જ્યારે મિતેશ ભટ્ટ અને રમેશ ચંદનાએ 6 અઠવાડિયાના એક્સટેન્શનની માંગ કરી છે. આ ગુનેગારોએ અંગત કારણો ટાંક્યા છે. ગુજરાતના હાઈપ્રોફાઈલ બિલ્કીસ બાનો કેસમાં સુપ્રીમ કોર્ટે ૮ જાન્યુઆરી ૨૦૨૪ના રોજ મહત્વનો ચુકાદો આપ્યો હતો. જસ્ટિસ બીવી નાગરથનાની બેન્ચે બિલ્કીસ બાનો કેસમાં ૧૧ દોષિતોને નિર્દોષ છોડવાના ગુજરાત સરકારના નિર્ણયને રદ કર્યો હતો. એટલું જ નહીં, સુપ્રીમ કોર્ટે પોતાના નિર્ણયમાં દોષિતોને બે સપ્તાહની અંદર સરેન્ડર કરવા માટે કહ્યું હતું.

અગાઉ આ તમામ દોષિતો ૨૦૦૨ના ગુજરાત રમખાણો દરમિયાન બિલ્કીસ બાનો પર ગેંગરેપ અને તેના પરિવારના સભ્યોની હત્યાના કેસમાં આજીવન કેદની સજા ભોગવી રહ્યા હતા, પરંતુ ઓગસ્ટ ૨૦૨૨માં ગુજરાત સરકારે તેમની સજા માફ કરી તમામ દોષિતોને જેલમાંથી મુક્ત કરી દીધા હતા, જેના બાદ સુપ્રીમ કોર્ટે ૦૮ જાન્યુઆરી ૨૦૨૪ના રોજ એક મહત્વનો ચુકાદો આપ્યો હતો. જસ્ટિસ બી.વી. નાગરથનાની બેન્ચે આ કેસમાં તમામ ૧૧ દોષિતોને નિર્દોષ છોડવાના ગુજરાત સરકારના નિર્ણયને રદ કર્યો હતો, ઉપરાંત સુપ્રીમ કોર્ટે પોતાના નિર્ણયમાં દોષિતોને બે અઠવાડિયામાં આત્મસમર્પણ કરવા પણ કહ્યું હતું.

આ પણ વાંચો :-

1...833834835...1,478Page 834 of 1,478