Home Blog Page 659

રાજ્યમાં 24 હજાર 700 શિક્ષકોની કરાશે ભરતી: શિક્ષણ પ્રધાન કુબેર ડિંડોર

News Editor
-
0

શિક્ષકોની ભરતીને લઈ શિક્ષણ પ્રધાન કુબેર ડિંડોરે નિવેદન આપ્યુ છે. તેમણે જણાવ્યુ કે ભરતી પ્રક્રિયા સતત ચાલતી પ્રક્રિયા છે. શિક્ષકોની ભરતી માટે કેલેન્ડર તૈયાર કરાયું કરાયુ છે. ભરતી કેલેન્ડર અનુસાર ભરતી પ્રક્રિયા કરાશે. રાજ્યમાં 24700 જેટલા શિક્ષકોની ભરતી કરાશે. TAT માધ્યમિક અને ઉચ્ચ માધ્યમિકમાં 7500 જેટલા શિક્ષકો ભરતી કરાશે. CMના માર્ગદર્શન હેઠળ કામગીરી ચાલી રહી છે.

NCTE has proposed new rules for teacher recruitment | 9 થી 12 ધોરણ સુધીના શિક્ષકોની ભરતી માટે હવે TET થશે ફરજિયાત, NCTEએ કરી ભલામણ

ગાંધીનગર સચિવાલય ખાતે આંદોલન માટે પહોંચેલા 25 જેટલા ઉમેદવારોની ગેટ નંબર 1 પાસેથી અટકાયત કરી લેવામાં આવી હતી, જ્યારે અન્ય ઉમેદવારો ગાંધીનગર ખાતે આવેલા ચ 3 સર્કલ પાસે ભેગા થયા હતા અને રસ્તા રોકો આંદોલન શરુ કરી દીધું હતું. ભરતી કરવાની, ભરતીમાં બેઠકો વધારવાની, કોમ્પ્યુટર શિક્ષકની માંગ સાથે સૂત્રોચ્ચાર કરી રહ્યા છે. અત્રે ઉલ્લેખનીય છે કે યુવા નેતા યુવરાજ સિંહની આગેવાનીમાં ઉમેદવારો આંદોલન કરી રહ્યા છે.

નોંધનીય છે કે ગુજરાત સરકાર દ્વારા ઑગસ્ટ-2024થી ડિસેમ્બર-2024 દરમિયાન વિવિધ તબક્કે સંભવત: અંદાજે 24,700થી વધુ શિક્ષકોની ભરતી કારવાની જાહેરાત કરવામાં આવી છે અને તેમાં અમુક વિષયના શિક્ષકોની જાહેરાત ન થતાં અલગ અલગ વિષયના શિક્ષક સંગઠનો અને સંઘો સરકાર સામે લેખિત અને રૂબરૂ રજૂઆત કરવા આવી રહ્યા છે.

આ પણ વાંચો :-

સુપ્રીમ કોર્ટમાં આજે કેજરીવાલની જામીન અરજી પર સુનાવણી

News Editor
-
0

સુપ્રીમ કોર્ટ ગુરુવારે દિલ્હીના મુખ્ય પ્રધાન અરવિંદ કેજરીવાલની જામીન માંગતી અને એક્સાઇઝ ડ્યુટી નીતિ કૌભાંડમાં CBI દ્વારા તેમની ધરપકડને પડકારતી અરજીઓ પર સુનાવણી કરે તેવી શક્યતા છે. કારણ યાદી અનુસાર જસ્ટિસ સૂર્યકાન્ત અને જસ્ટિસ ઉજ્જલ ભુઈયાની બેંચ આ કેસની સુનાવણી કરી શકે છે.

ARVIND KEJRIWAL: CM અરવિંદ કેજરીવાલને ઝટકો, વચગાળાની જામીન અરજી ફગાવી, કોર્ટે મેડિકલ ટેસ્ટના આપ્યા આદેશ | Moneycontrol Gujarati

સુપ્રીમ કોર્ટે 23 ઓગસ્ટના રોજ સીબીઆઈને આ કેસમાં તેનું કાઉન્ટર એફિડેવિટ દાખલ કરવાની મંજૂરી આપી હતી અને કેજરીવાલને જવાબ દાખલ કરવા માટે બે દિવસનો સમય આપ્યો હતો. કેજરીવાલે આ કેસમાં સીબીઆઈ દ્વારા જામીન નકારવા અને તેમની ધરપકડને પડકારતી બે અલગ-અલગ અરજીઓ દાખલ કરી છે. AAP સુપ્રીમોએ તેમને જામીન ન આપવાના દિલ્હી હાઈકોર્ટના 5 ઓગસ્ટના આદેશને પડકાર્યો છે.

સુપ્રીમકોર્ટમાં હાથ ધરાયેલી સુનાવણી દરમિયાન કેજરીવાલ વતી દિગ્ગજ વકીલ અભિષેક મનુ સિંઘવી હાજર થયા હતા અને તેમણે દલીલો કરી હતી. તેમણે કહ્યું હતું કે કેજરીવાલ સમાજ માટે કોઈ ખતરો નથી એટલા માટે જ તેમને જામીન આપી દેવા જોઈએ. અમારા અસીલ વિરુદ્ધ કોઈ પૂરાવા નથી. ફક્ત નિવેદનોના આધારે જ તેમને જેલમાં રખાયા છે. તે દિલ્હીના સીએમ છે.

ઉલ્લેખનીય છે કે દિલ્હી લીકર પોલિસી કેસમાં જ ફસાયેલા દિલ્હીના પૂર્વ ઉપમુખ્યમંત્રી અને આપના કદાવર નેતા મનીષ સિસોદિયાને આ કેસમાં જામીન મળી ગયા હતા. જ્યારે બીજી બાજુ તેલંગાણાના પૂર્વ સીએમની દીકરી કે.કવિતાને પણ 10 લાખના બોન્ડ પર જામીન મળી જતાં કેજરીવાલને જામીન મળશે તેવી આશા વધી ગઇ હતી.

આ પણ વાંચો :-

લખનૌ પટના વંદે ભારત એક્સપ્રેસ પર પથ્થરમારો, તૂટ્યો કોચનો કાચ

News Editor
-
0

દેશમાં વિવિધ સ્થળોએ તોફાની તત્વોમાં સુધરવાના આસાર દેખાઈ રહ્યાં નથી. છેલ્લા 24 કલાકમાં 2 વંદે ભારત ટ્રેનો પર પથ્થરમારાની ઘટનાઓ સામે આવી છે. પહેલી ઘટના બુધવારે રાત્રે બની હતી જ્યારે લખનૌ પટના વંદે ભારત પર પથ્થરમારો કરવામાં આવ્યો હતો. બીજી ઘટના ગુરુવારે સવારે પ્રકાશમાં આવી જ્યારે રાંચીથી પટના જતી વંદે ભારત ટ્રેન પર પથ્થરમારો કરવામાં આવ્યો.

Vande Bharat Express miscreants pelted stones at the train: બેંગલુરુમાં વંદે ભારત એક્સપ્રેસ પર પથ્થરમારો, બે બારીના કાચ તોડ્યા,RPFએ અસામાજિકતત્વોની તપાસ શરૂ કરી, Two ...

બુધવારે રાત્રે બદમાશોએ લખનઉથી પટના જતી વંદે ભારત ટ્રેન પર ભારે પથ્થરમારો કર્યો હતો. પથ્થરમારાને કારણે ટ્રેનના સી-5 કોચનો કાચ તૂટી ગયો હતો. મળતી માહિતી મુજબ, વારાણસી સ્ટેશનથી ટ્રેન ઉપડ્યા બાદ આ ઘટના બની હતી. આ ઘટનામાં કોઈ મુસાફરને ઈજા થઈ હોવાના અહેવાલ નથી. હાલ પોલીસે આ મામલે ગુનો નોંધી તપાસ શરૂ કરી છે. રેલવે પણ આ મામલે તપાસ કરી રહી છે.

બીજી તરફ ઝારખંડના હજારીબાગમાં ગુરુવારે સવારે રાંચીથી પટના જતી વંદે ભારત ટ્રેન પર પથ્થરમારાની ઘટના બની હતી. રેલવેએ કહ્યું છે કે 24 કલાકની અંદર બે વંદે ભારત ટ્રેનો પર આવો જ હુમલો થયો હતો. રાંચીથી પટના જતી વંદે ભારત ટ્રેન નંબર 22350ની બોગી નંબર E 1 પર પથ્થરમારો કરવામાં આવ્યો હતો. જેમાં સીટ નંબર પાંચ અને છ પાસેના કાચ તૂટી ગયા હતા. આ ઘટના હજારીબાગના ચર્હી અને બેઝ રેલવે સ્ટેશન વચ્ચે બની હતી.

મળતી માહિતી મુજબ આ પથ્થરમારામાં બારીના કાચ ખરાબ રીતે તૂટી ગયા હતા. આ ઘટનામાં ટ્રેનમાં બેઠેલા કોઈપણ મુસાફરને કોઈ નુકસાન થયું નથી. રેલવે તરફથી મળેલી માહિતી મુજબ સીસીટીવી ફૂટેજ દ્વારા અસામાજિક તત્વોની ઓળખ કરવાનો પ્રયાસ કરવામાં આવી રહ્યો છે. આરપીએફએ આ મામલે એફઆઈઆર નોંધીને તપાસ શરૂ કરી છે.

આ પણ વાંચો :-

ISI સે બોલ રહા હું…હિન્દુ નેતા ઉપદેશ રાણાને ફરી જાનથી મારી નાખવાની ધમકી

News Editor
-
0

સુરતમાં રહેતા હિન્દુ નેતા અને સામાજિક કાર્યકર્તા ઉપદેશ રાણાને ફરી એક વખત ધમકી ભર્યો કોલ મળતા ગોડાદરા પોલીસ મથકમાં આ મામલે લેખિતમાં અરજી આપવામાં આવી છે. ઉપદેશ રાણાએ કરેલી અરજીમાં જણાવવામાં આવ્યું છે કે, ISIના નામે બોમ્બથી ઉડાવી તેની હત્યા કરી દેવામાં આવશે તેવી ગર્ભિત પ્રકારની ધમકી આપવામાં આવી છે. મહત્વનું છે કે અગાઉ પણ કઠોરના મૌલવી દ્વારા ઉપદેશ રાણાને જાનથી મારી નાખવાની ધમકી આપવામાં આવી હતી. જે મૌલવીની ક્રાઈમ બ્રાન્ચ દ્વારા ધરપકડ કરવામાં આવી હતી.

Hindu leader Udayesh Rana threatened to be killed again in shahera | હિન્દુવાદી નેતા ઉપદેશ રાણાને ફરીથી જાનથી મારી નાખવાની ધમકી મળી, શહેરા પોલીસ સ્ટેશનમાં ફરિયાદ ...

ઉપદેશ રાણાને કોલ આવ્યો કે, ‘ISI સે બોલ રહા હું, હમારે અભી કુછ હી લોક પોલીસને અરેસ્ટ કિયે હૈ, અભી બહોત લોક તેરી હત્યાં કરને કે લિયે પુરે ભારત મેં તેરે પીછે ઘુમ રહે હૈ’ વધુમાં કહ્યું કે, ‘બહોત હી જલ્દ તેરી ગાડી કે નીચે બમ લગાકાર તેરી હત્યાં કર દી જાયેગી’ મળતી વિગતો પ્રમાણે છેલ્લા 1 મહિનાથી ISI દ્વારા આવી ધમકીઓ આપવામાં આવી રહીં છે. નોંધનીય છે કે, ISI દ્વારા ધમકીઓ આપવામાં આવી રહી છે. ગતરોજ ગોડાદરા પોલીસ સ્ટેશન ખાતે ઉપદેશ રાણા દ્વારા ફરિયાદ કરવામાં આવી છે.

વધારે વિગતે વાત કરવામાં આવે તો, સરકાર પાસે સુરક્ષા વધારવાની માંગ કરવામાં આવી છે. નોંધનીય છે કે, ઉપદેશ રાણાને સરકાર દ્વારા X કેટેગરી સુરક્ષા આપી છે. જો કે, X કેટેગરી સુરક્ષા માત્ર ગુજરાત પૂરતી જ છે. સામાજિક કાર્યો માટે અન્ય રાજ્યોના પ્રવાસ હોવાથી સુરક્ષા વધારવા પણ માંગણી કરવામાં આવી છે.

આ પણ વાંચો :-

અમેરિકાના જ્યોર્જિયાની શાળામાં ગોળીબાર, 4ના મોત, અનેક ઘાયલ

News Editor
-
0

ફરી એકવાર અમેરિકાને લજવતી ઘટના સામે આવી છે. આ વખતે અમેરિકાના જ્યોર્જિયાની એક હાઈસ્કૂલમાં ગોળીબારની ઘટના બની છે જ્યાં ઓછામાં ઓછા 4 લોકો મૃત્યુ પામ્યા હોવાનું સામે આવ્યું છે. આ ઉપરાંત વિન્ડરમાં અપાલાચી હાઇસ્કૂલમાં ગોળીબારમાં અન્ય 30 લોકો ઘાયલ પણ થયા હતા. શાળાના પ્રવક્તાએ જણાવ્યું હતું કે હવે સ્થિતિ નિયંત્રણમાં છે અને વિદ્યાર્થીઓને બપોરે ઘરે મોકલી દેવાયા હતા.

અમેરિકન મીડિયા અનુસાર, જ્યોર્જિયાના બેરો કાઉન્ટીમાં આવેલી અપલાચી હાઈસ્કૂલમાં વાલીઓને સંદેશો મોકલવામાં આવ્યો હતો કે ગોળીબારના અહેવાલોને પગલે જિલ્લાની તમામ શાળાઓ હાલ માટે બંધ કરી દેવામાં આવી છે. માહિતી મળી છે કે આ ઘટનામાં કેટલાક લોકો ઘાયલ થયા છે, જ્યારે એક વ્યક્તિને એર એમ્બ્યુલન્સ દ્વારા બહાર કાઢવામાં આવ્યો છે. આ ઉપરાંત વધારાના હેલિકોપ્ટર પણ તૈયાર રાખવામાં આવ્યા છે. વાસ્તવમાં, આ શાળા રાજ્યની રાજધાની એટલાન્ટાના ઉત્તરપૂર્વમાં લગભગ 45 માઇલ (70 કિલોમીટર) દૂર વિન્ડર શહેરમાં સ્થિત છે.

આ ઘટના અંગે અમેરિકી રાષ્ટ્રપતિ જો બિડેનને જાણ કરવામાં આવી છે. વ્હાઇટ હાઉસે એક નિવેદન જારી કરીને કહ્યું કે હોમલેન્ડ સિક્યોરિટી એડવાઇઝર લિઝ શેરવુડ-રેન્ડલે રાષ્ટ્રપતિને ઘટના અંગે જાણકારી આપી છે. વ્હાઇટ હાઉસે કહ્યું, “અમને વધુ માહિતી મળતાં વહીવટીતંત્ર ફેડરલ, રાજ્ય અને સ્થાનિક અધિકારીઓ સાથે સંકલન કરવાનું ચાલુ રાખશે.

આ પણ વાંચો :-

હરિયાણા વિધાનસભાના ઉમેદવારોની જાહેરાત થતા જ ભાજપમાંથી પડ્યા રાજીનામા

News Editor
-
0

હરિયાણા વિધાનસભા ચૂંટણી પહેલા રાજકીય ગતિવિધિઓ તેજ થઈ ગઈ છે. હરિયાણાના ફતેહાબાદના રતિયાના ભાજપના ધારાસભ્ય લક્ષ્મણ નાપાએ પાર્ટી છોડી દીધી છે. તેમણે ભાજપના પ્રાથમિક સભ્યપદેથી રાજીનામું આપી દીધું છે. કહેવામાં આવી રહ્યું છે કે આગામી ચૂંટણીમાં ટિકિટ ન મળવાને કારણે લક્ષ્મણ નાપાએ પાર્ટી છોડી દીધી છે. આ વખતે ભાજપે રતિયા બેઠક પરથી સુનીતા દુગ્ગલને ટિકિટ આપી છે.

આ પહેલા બીજેપીના અન્ય એક વરિષ્ઠ નેતા શમશેર ગિલે પાર્ટીનું પ્રાથમિક સભ્યપદ છોડી દીધું હતું અને તમામ જવાબદારીઓમાંથી રાજીનામું આપી દીધું હતું. ઉકલાના વિધાનસભા મતવિસ્તારમાંથી પક્ષની ખોટી ટિકિટ ફાળવણીના વિરોધમાં તેમણે આ પગલું ભર્યું હતું. ગિલ કહે છે કે આ ટિકિટ ફાળવણી માત્ર પાર્ટીને જ નારાજ કરશે પરંતુ સમગ્ર હરિયાણાને ભારે નુકસાન પહોંચાડશે. તેમણે કહ્યું કે ભારતીય જનતા પાર્ટી હવે અટલ બિહારી વાજપેયીના સિદ્ધાંતો પર આધારિત પાર્ટી નથી રહી.

દરમિયાન, નવીન ગોયલે, જે ગુરુગ્રામ બેઠક પરથી ભારતીય જનતા પાર્ટીની ટિકિટ ઇચ્છે છે, તેણે બુધવારે શહેરમાં પદયાત્રા દ્વારા પોતાની તાકાત બતાવવાનો પ્રયાસ કર્યો. પદયાત્રામાં સેંકડો લોકો જોડાયા હતા. ગુરુગ્રામ વિધાનસભા ક્ષેત્ર માટે ભાજપની ટિકિટના દાવેદારોમાં પૂર્વ ધારાસભ્યો સુધીર સિંગલા, જીએલ શર્મા, મુકેશ શર્મા, ગાર્ગી કક્કર અને સુભાષ ચંદ સિંગલાનો સમાવેશ થાય છે. ગોયલે કહ્યું, ‘મારા સમર્થકોએ મને ગઈકાલે રાત્રે મીટિંગ કરવાનું કહ્યું હતું. બેઠકમાં પદયાત્રા કાઢવાનું નક્કી કરાયું હતું. મારા રાજકીય ભવિષ્ય વિશે ગુરુગ્રામના લોકો નિર્ણય લેશે. મને આશા છે કે પાર્ટીમાં મારા કામને મહત્વ આપવામાં આવશે.

ભારતીય જનતા પાર્ટીએ બુધવારે 90 સભ્યોની હરિયાણા વિધાનસભાની ચૂંટણી માટે 67 ઉમેદવારોની પ્રથમ યાદી જાહેર કરી. મુખ્યપ્રધાન નાયબ સિંહ સૈનીને લાડવા સીટ પરથી ઉમેદવાર બનાવવાની સાથે ભાજપે તાજેતરમાં જ પાર્ટીમાં જોડાયેલા ઘણા લોકોને ટિકિટ આપી છે.

આ પણ વાંચો :-

કોલકાતા રેપ-હત્યા: પીડિતાના પિતાનો કોલકાતા પોલીસ ઉપર મોટો આરોપ

News Editor
-
0

કોલકાતાની આરજી કર મેડિકલ હોસ્પિટલમાં ટ્રેઇની ડોક્ટર પર બળાત્કાર અને હત્યાનો મામલો હજુ પણ ચર્ચામાં છે. પીડિતાને ન્યાયની માંગ સાથે સતત દેખાવો થઈ રહ્યા છે. આ દરમિયાન પીડિતાના પિતાએ કોલકાતા પોલીસને લઈને મોટું નિવેદન આપ્યું છે.

કોલકાતા રેપ-હત્યા પીડિતાના પરિવારે દાવો કર્યો છે કે કોલકાતા પોલીસે શરૂઆતથી જ કેસને દબાવવાનો પ્રયાસ કર્યો હતો. પરિવારજનોને મૃતદેહ જોવા દેવાયા ન હતા. મૃતદેહને પોસ્ટમોર્ટમ માટે લઈ જવામાં આવતાં તેણે પોલીસ સ્ટેશનમાં રાહ જોવી પડી હતી. બાદમાં, જ્યારે મૃતદેહ પરિવારને સોંપવામાં આવ્યો, ત્યારે એક વરિષ્ઠ પોલીસ અધિકારીએ તેમને પૈસાની ઓફર કરી. પરિવારે તરત જ તેને ફગાવી દીધો.

One arrested in connection with alleged rape, murder of doctor in Kolkata's medical college - The Hindu

કોલકાતામાં બુધવારે સાંજે નાગરિકોએ એકતામાં શક્તિશાળી પ્રદર્શન કર્યું. આરજી કર હોસ્પિટલમાં મહિલા ડૉક્ટર પર બળાત્કાર અને હત્યાના વિરોધમાં અહીંના રહેવાસીઓએ રાત્રે 9 વાગ્યાથી 10 વાગ્યા સુધી એક કલાક માટે તેમના ઘરોની લાઇટ બંધ કરી દીધી હતી અને શેરીઓમાં કેન્ડલ માર્ચ કાઢી હતી. બરાબર 9 વાગ્યે, વિરોધના ભાગ રૂપે, વિક્ટોરિયા મેમોરિયલ અને રાજભવન જેવા અગ્રણી સીમાચિહ્નો, શહેર, ઉપનગરો અને જિલ્લાઓમાં ઘરો અંધકારમાં ડૂબી ગયા હતા.

9 ઓગસ્ટની વહેલી સવારે કોલકાતાની આરજી કર મેડિકલ કોલેજમાં એક મહિલા રેસિડેન્ટ ડોક્ટર પર બળાત્કાર અને હત્યા કરવામાં આવી હતી. આ ઘટનાને અંજામ આપ્યા બાદ દારૂના નશામાં ધૂત આરોપી સંજય રોય એ જ બિલ્ડિંગમાં સૂતો હતો, જેને પોલીસે પાછળથી પકડી લીધો હતો. સીબીઆઈ હાલ આ મામલે તપાસ કરી રહી છે.

આ ઘટના બાદ સંજય રોયની ધરપકડ અને પૂછપરછમાં ઘણા મહત્વના ખુલાસા થયા છે. આ ઘટના બાદ સંજય રોયે જે કર્યું તે પોલીસને અનેક સવાલોમાં ફસાવી દીધી છે.પૂછપરછ બાદ જે માહિતી બહાર આવી છે તે મુજબ ઘટના બાદ સંજય રોય સીધો ચોથી બટાલિયનમાં ગયો હતો અને ત્યાં જ સૂઈ ગયો હતો. 10 ઓગસ્ટની સવારે જ્યારે તે જાગી ગયો, ત્યારે તેણે ફરીથી દારૂ પીધો અને પાછો સૂઈ ગયો. પોલીસને શંકા જતાં તેણે હોસ્પિટલના સેમિનાર હોલની આસપાસના તમામ સીસીટીવી ફૂટેજની તપાસ કરી. આ ફૂટેજમાં સંજય રોયની ગતિવિધિઓ સાથે અન્ય લોકોની પણ ઓળખ થઈ હતી.

આ પણ વાંચો :-

૦૫ સપ્ટેમ્બર, ૨૦૨૪ / આ રાશિના જાતકોને આજે સમાજમાં માન-પ્રતિષ્ઠામાં વધારો થશે, આર્થિક સ્થિતિમાં સુધારો થશે સ્વાસ્થ્ય સંબંધિત સાવચેતી રાખો. જાણો આજનુ રાશિ ભવિષ્ય

News Editor
-
0

મેષઃ

આવક ઓછી થવાના કારણે માનસિક અસ્વસ્થતા જણાય. ઉપરાંત તબિયત પણ થોડી અસ્વસ્થ રહે. ખાંસી, થાંક લાગવાની તકલીફો સહન કરવી પડે. નોકરી-ધંધામમાં પ્રગતિ થતી જણાય. માન સન્માનમાં વધારો થાય.

વૃષભઃ

આધાત્મિકતામાં વધારો થતો જણાય. સધ્ધાંતવાદી વલણ રહે. સંતાનો તરફથી વિશેષ આનંદ મળતો જણાય. સંતાનની પ્રગતિથી દીલ હરખાય. નવું જાણવાનો યોગ બને છે. ભાગ્ય સારૂં છે. ધંધાકીય ક્ષેત્રે સફળતા મળતી જણાય.

મિથુનઃ

વાહનસુખ, મકાન-મિલકતના સુખમાં વૃધ્ધિ થાય. નવા વાહનની ખરીદી શકય બને. માતાની તબિયતમાં સુધારો જણાય. માતૃપક્ષ તરફથી લાભ મળતો જણાય. ધંધામાં પરિસ્થિતિ સુધરતાં આવકમાં વૃધ્ધિ થાય. ભાગ્ય સારૂં રહે.

કર્કઃ

આજે શરૂ કરવામાં આવેલા તમામ કાર્યો સફળ થતાં જણાય. પરિવારમાં આનંદ-ઉત્સાહમાં વધારો થાય. શુભ પ્રસંગેનું આયોજન થાય. આરોગ્ય સંબંધી થોડી ચિંતા રહે. હિત સગુ ઓથી સાવધ રહેવું.

સિંહઃ

આનંદ ઉત્સાહ, ઉમંગમાં વધારો થાય. કાર્યમાં સફળતાં મળતી જણાય. નવા કપડાંની ખરીદી શકય બને. દામ્પત્ય જીવનમાં મધુરતા જણાય. પ્રેમી પાત્રનું મિલન શકય બને. આરોગ્ય સારૂં જળવાશે.

કન્યાઃ

માનસિક આનંદ વધતો જણાય. ખર્ચમાં અણધાર્યો વધારો થાય. ઉખ્ણવાતની શરદીનો પ્રકોપ રહે. સુકી ખાંસી, માથાનો દુઃખોવો, માઇગ્રેનથી પરેશાની વધે. માતાની તબિયતની કાળજી રાખવી. અગત્યના રોકાણો મુલતવી રાખવા.

તુલાઃ

સંધર્ષથી સફળતા મળતી જણાય. આવક અંગે અસંતોષ રહે. ઉપરાંત ખર્ચમાં વધારો થતો જણાય. માતૃપક્ષ તરફી ચિંતા રહે. પરિવારમાં ઉચાટ ભયું વાતાવરણ રહે. સ્વાસ્થય અંગેની સુખાકારી જળવાય.

વૃ‌શ્ચિકઃ

આજે આપના મિત્રોને કારણે આપને આનંદનો અનુભવ થશે. મિત્રોનો સાથ મળતો જણાય. લક્ષ્મીની વખતસર હેરફેર શકય બને. પરિવારમાં સુખ-શાંતિ સમૃધ્ધિ જળવાય. સ્થાવર-જંગમ મિલકત થી લાભ મેળવી શકાય.

ધનઃ

નોકરી-ધંધામાં સફળતા. નવી નોકરી મળવાના યોગ બને છે. ધંધામાં સફળતાં-યશ મળતો જણાય. આવક જાવકનું પલ્લુ સરભર થતું જણાય. સાસરા પક્ષ તરફથી લાભ. આરોગ્ય સારૂ રહેશે. ભાગ્યનો સાથ મળતો જણાય.

મકરઃ

આજે ભાગ્ય બળવાન છે. ઓછી મહેનતે કાર્યમાં સફળતા મળે. યાત્રા-પ્રવાસનું આયોજન શકય બને. પરિવારમાં મનમેળ રહે. નવા કાર્યો હાથ પર લઇ શકાય. જુની ઉધારાણી છુટી થતી જણાય. પરિણામે નાણાંમાં વૃધ્ધિ થાય.

કુંભઃ

દિવસ દરમ્યાન માનસિક પરિતાપ રહે. નકારાત્મક વિચારો મન ઉપર હાવી થતા જણાય. અને પરિણામે જેવા વિચારો તેવું ફળ પ્રાપ્ત થાય. આથી હકારાત્મક વિચારો કરવાની સલાહ છે. નોકરી-ધંધામાં દિવસ શાંતિ થી પસાર કરી દેવો.

મીનઃ

શેકચલ્લી જેવા વિચારો ટાળવા. મીઠાઇ, ઠંડાપીણાનો શોખ વધતો જણાય. વાણિજય, દૂરસંચાર, જળ આધારિત કાર્યો તથા સુગંધીત ય્રવ્યો, ચાંદી, રબ્બરના વેપાર વાળાને લાભ. પત્નિ સાથે પ્રેમ જળવાશે. આરોગ્ય સારૂ રહેશે. આંખની કાળજી રાખવી.

ભારતે પેરિસ પેરાલિમ્પિક્સમાં તેનો 21મો મેડલ મળ્યો

News Editor
-
0

ભારતે પેરિસ પેરાલિમ્પિક્સમાં તેનો 21મો મેડલ જીત્યો છે. સચિન ખિલારીએ પુરુષોની શોટ પુટ સ્પર્ધામાં સિલ્વર મેડલ જીત્યો હતો. સચિન ખિલારીએ સાતમા દિવસે ભારતનું ખાતું ખોલાવ્યું અને પુરુષોની શોટ પુટ F46 ઈવેન્ટમાં મેડલ જીત્યો. વિશ્વ ચેમ્પિયન સચિનનો 16.32 મીટરનો થ્રો F46 કેટેગરીમાં એશિયન દ્વારા અત્યાર સુધીનો સર્વશ્રેષ્ઠ થ્રો હતો. 2023 અને 2024ના વર્લ્ડ ચેમ્પિયન સચિન ખિલારી કેનેડાના ગ્રેગ સ્ટુઅર્ટને પાછળ છોડી દીધા છે. ગ્રેગ સ્ટુઅર્ટે 16.38ના થ્રો સાથે ગોલ્ડ જીત્યો હતો.

પેરિસ પેરાલિમ્પિક્સ 2024: પેરિસ પેરાલિમ્પિક્સમાં ભારત માટે વધુ એક મેડલ, પ્રીતિ પાલે 100 મીટર રેસમાં બ્રોન્ઝ જીત્યો - Paris Paralympics 2024: Another medal for ...

આ ઈવેન્ટમાં કુલ ત્રણ ભારતીયોએ ભાગ લીધો હતો. મોહમ્મદ યાસર અને રોહિત કુમાર પોડિયમ પૂરો કરી શક્યા ન હતા. તેઓ અનુક્રમે 14.21 મીટર અને 14.10 મીટરના શ્રેષ્ઠ થ્રો સાથે 8મું અને 9મું સ્થાન મેળવ્યું હતું. વર્લ્ડ ચેમ્પિયન અને એશિયન ગેમ્સ જીતીને પેરિસ પેરાલિમ્પિકમાં પહોંચેલા સચિન. તેણે તમામ 6 માન્ય થ્રો કર્યા અને બીજા પ્રયાસમાં તેના શ્રેષ્ઠ પ્રદર્શન સાથે શાનદાર રમત રમી. શરૂઆતથી જ સચિન કેનેડાના સ્ટુઅર્ટની સાથે ટોપ-2 દાવેદારોમાં રહ્યો હતો.

પેરિસ પેરાલિમ્પિક્સમાં ભારતની એથ્લેટિક્સ ટીમે શાનદાર પ્રદર્શન કર્યું છે. સચિનના સિલ્વરની સાથે પેરા-એથ્લેટિક્સમાં આ ભારતનો 11મો મેડલ છે. પેરાલિમ્પિક્સ 2024માં ભારત માટે મેડલ જીતવામાં ટ્રેક એન્ડ ફિલ્ડ ટીમ મોટી ભૂમિકા ભજવતી જોવા મળી રહી છે. ભારતને ભવિષ્યમાં વધુ મેડલની આશા છે. છઠ્ઠા દિવસે જ, ભારતે 20મો મેડલ જીતીને ટોક્યોમાં આયોજિત પેરાલિમ્પિક્સમાં પોતાનું સર્વશ્રેષ્ઠ પ્રદર્શન સુધાર્યું હતું. ભારતે ટોક્યોમાં 19 મેડલ જીત્યા હતા, જે અત્યાર સુધીની કોઈપણ પેરાલિમ્પિક સિઝનમાં સર્વશ્રેષ્ઠ પ્રદર્શન છે.

આ પહેલા ભારતે ટોક્યોમાં 19 મેડલ જીત્યા હતા. ભારતે પેરિસ પેરાલિમ્પિક્સ માટે અત્યાર સુધીની તેની સૌથી મોટી ટુકડી મોકલી હતી અને તેની નજર આ વખતે 25 થી વધુ મેડલ જીતવા પર છે. ભારતીય ખેલાડીઓ હજુ પણ વધુ મેડલ લાવીને મોટો રેકોર્ડ બનાવવાના પ્રયાસ પર નજર રાખી રહ્યા છે.

આ પણ વાંચો :-

મધ્યપ્રદેશમાં ફરિયાદીએ દસ્તાવેજોને લઈને અનોખા અંદાજમાં કલેક્ટર કચેરી પહોંચ્યા

News Editor
-
0

મધ્યપ્રદેશમાં એક પીડિત લગભગ 7 વર્ષથી કાંકરિયા તલાઈ ગામમાં થયેલા ભ્રષ્ટાચાર સામે પગલાં લેવાની માંગ કરી રહ્યો છે. તેમ છતાં તેની વાત સાંભળવામાં આવી રહી નથી. પરિણામે આ વ્યક્તિ મંગળવારે જનસુનાવણી દરમિયાન અનોખા અંદાજમાં નીમચ કલેક્ટર કચેરીએ પહોંચ્યો હતો. ફરિયાદોના કાગળની હાર બનાવી ઢસડીને કલેક્ટર કચેરીએ પહોંચ્યો હતો. એટલું જ નહીં કલેક્ટર કચેરીએ પહોંચીને તેણે પોતાના માથા પર ચપ્પલ મૂક્યા હતા.

ઉલ્લેખનીય છે કે પડોશી મંદસૌર જિલ્લામાં પણ એક પીડિત ખેડૂતની સમસ્યા ન સાંભળ્યા બાદ જનસુનાવણીમાં જમીન પર આળોટતા આળોટતા પહોંચ્યો હતો. મામલો સરકાર સુધી પહોંચતા કલેકટર વિરુદ્ધ પગલાં લેવાયા હતા. હકીકતમાં, નીમચ જિલ્લાની પંચાયત કાંકરિયા તલાઈમાં બાંધકામ અને વિકાસનાં કામોનાં નામે ગામના મુકેશ પ્રજાપત દ્વારા તત્કાલીન મહિલા સરપંચ અને તેમના પતિ પર કરોડોના ભ્રષ્ટાચારનો સતત આરોપ લગાવવામાં આવી રહ્યો છે. મુકેશનું કહેવું છે કે તેણે તથ્યોની સાથે લોકાયુક્તને પણ ફરિયાદ કરી હતી. મુખ્યમંત્રીને પણ જાણ કરવામાં આવી હતી, પરંતુ નીમચ પ્રશાસનથી લઈને સરકારી તંત્ર દ્વારા કોઈ કાર્યવાહી કરવામાં આવી રહી નથી.

1.25 કરોડનો ભ્રષ્ટાચાર માત્ર કાંકરિયા તળમાં જ થયો હોવાનું તેમનું કહેવું છે, જેના પુરાવા રજૂ કરવામાં આવ્યા હતા, પરંતુ તપાસમાં જિલ્લા અને જિલ્લા પંચાયતો પણ ભ્રષ્ટાચારમાં સંડોવાયેલા છે. મુકેશે તત્કાલિન જિલ્લા પંચાયતના સીઈઓ ગુરુ પ્રસાદ પર ભ્રષ્ટાચારમાં સામેલ હોવાનો પણ આરોપ લગાવ્યો હતો અને ઈડી તપાસની માંગ કરી હતી. 7 વર્ષમાં જ્યારે કોઈ સુનાવણી ન થઈ ત્યારે મુકેશ પ્રજાપત અરજીઓની પૂંછડી સાથે અજગરની જેમ કલેક્ટર કચેરીએ આવ્યા, તેમના કપડાં પણ ફાટી ગયાં, જોનારાઓની ભારે ભીડ પણ એકઠી થઈ ગઈ.

મુકેશે જિલ્લાના નવા કલેક્ટર હિમાંશુ ચંદ્રાને સમગ્ર મામલો જણાવ્યો હતો. કલેકટરે સમગ્ર મામલાની ફરી તપાસ કરવા સૂચના આપી હતી. જો કે મુકેશ ભ્રષ્ટાચારના અજગરના પ્રતીક બનીને સરકારી તંત્રને ચેતવણી આપવા આવ્યા હતા કે જો સમયસર પગલાં નહીં લેવાય તો આ અજગર તંત્રને ગળી જશે.

આ પણ વાંચો :-

1...658659660...1,474Page 659 of 1,474