Home Blog Page 583

ટ્રકની ટક્કરે જાનૈયાઓને લઈ જતી કારને અકસ્માત, ત્રણના મોત

News Editor
-
0

ઉત્તરપ્રદેશના અમેઠી શહેરમાં મોડી રાતે ટ્રકની ટક્કરના કારણે કારનો અકસ્માત થયો હતો. જેના પગલે કારના ભૂક્કા બોલાયા હતા. આ અકસ્માતમાં ત્રણ લોકો મૃત્યુ પામી ગયા, જ્યારે અન્ય પાંચ લોકો ઈજાગ્રસ્ત થયા હતા.

માહિતી અનુસાર આ અકસ્માત એટલો ભયાનક હતો કે કારનું તો કચ્ચરઘાણ થઈ ગયું હતું. ઈજાગ્રસ્તોમાં બેની હાલત એટલી ગંભીર છે કે તેમને તાત્કાલિક ધોરણે હાયર સેન્ટર રિફર કરી દેવાયા હતા. સુલતાનપુરના દશ ઘર પારા પોલીસ સ્ટેશનની હદમાં આવતા કલા ગામથી શહેરી વિસ્તારમાં એક જાન આવી હતી. આ લગ્ન સમારોહમાં હાજરી આપ્યા બાદ પપ્પુ કશ્યપ, રુપક, બેટુ, દેવ, અભિષેક, પ્રદીપ, લક્ષ્ય પ્રતાપ સિંહ કાર વડે ઘરે પાછા ફરી રહ્યા હતા તે સમયે જ અકસ્માત સર્જાયો હતો.

પોલીસના જણાવ્યાનુસાર બાંદા-ટાંડા નેશનલ હાઈવે પર એસબીઆઈ બેન્ક નજીક આ સ્કોર્પિયો કારની ટ્રક સાથે ભયંકર ટક્કર થઇ હતી. જેના લીધે ઘટનાસ્થળે ચીસાચીસ મચી ગઈ હતી.જ્યારે કારનું કચ્ચરઘાણ વળી ગયું હતું. કારમાં ફસાયેલા લોકોને હેમખેમ કારમાંથી બહાર કાઢીને હોસ્પિટલ રવાના કરાયા હતા.

આ પણ વાંચો :-

અભિનેત્રી શિલ્પા શેટ્ટીના પતિ રાજ કુન્દ્રાના ઘરે EDના દરોડા

News Editor
-
0

નિર્માતા રાજ કુન્દ્રાના ઘરે EDએ દરોડા પાડ્યા છે. રાજ કુન્દ્રા અભિનેત્રી શિલ્પા શેટ્ટીના પતિ છે અને EDએ પોર્નોગ્રાફી કેસ સાથે જોડાયેલા લોકો પર દરોડા પાડ્યા છે. EDના અધિકારીઓ સવારે 6 વાગ્યાથી સાંતાક્રુઝમાં શિલ્પા શેટ્ટીના ઘરે તપાસ કરી રહ્યા છે. રાજ કુન્દ્રાની અગાઉ પોર્નોગ્રાફીના કેસમાં ધરપકડ કરવામાં આવી હતી.

મુંબઈ પોલીસના જણાવ્યા અનુસાર, રાજ કુન્દ્રાની કંપની અને પોર્નોગ્રાફી ફિલ્મો દ્વારા માત્ર મોટી કમાણી જ નથી કરતો પણ તેણે ભારતના કાયદાને તોડવા માટે સંપૂર્ણ રીતે એક નેટવર્ક ચલાવ્યું હતું. આ રહસ્યનો ખુલાસો કેવી રીતે થયો? ફેબ્રુઆરી 2021માં, એક યુવતીએ માલવાણી પોલીસ સ્ટેશનમાં ફરિયાદ નોંધાવી હતી. તેણે ફરિયાદમાં આ વાતનો ઉલ્લેખ કર્યો હતો કે કેટલાક લોકો છોકરીઓને ફિલ્મો અને ઓટીટી પ્લેટફોર્મમાં કામ આપવાના નામે અશ્લીલ ફિલ્મોમાં કામ કરવા માટે દબાણ કરે છે. પોલીસે આ ફરિયાદના આધારે તરત જ મલાડ વેસ્ટ વિસ્તારમાં એક બંગલામાં દરોડા પાડ્યા.

EDની તપાસ 2021ના મુંબઈ પોલીસના કેસ પર આધારિત છે. જે કેસના કારણે ક્રાઈમ બ્રાન્ચે 2021માં શિલ્પા શેટ્ટીના પતિ રાજ કુન્દ્રાની ધરપકડ કરી હતી. ધરપકડ પછી રાજને 63 દિવસ સુધી જેલમાં રાખવામાં આવ્યા હતા. બાદમાં સિટી કોર્ટે તેને જામીન આપ્યા હતા અને જામીન મળ્યા બાદ રાજ કુન્દ્રાએ તેની સામેના તમામ આરોપોને નકારી કાઢ્યા હતા.

આ પણ વાંચો :-

૨૯ નવેમ્બર, ૨૦૨૪ / આ રાશિના જાતકોને આજે સમાજમાં માન-પ્રતિષ્ઠામાં વધારો થશે, આર્થિક સ્થિતિમાં સુધારો થશે સ્વાસ્થ્ય સંબંધિત સાવચેતી રાખો. જાણો આજનુ રાશિ ભવિષ્ય

News Editor
-
0

મેષઃ

મનોબળમાં વધારો થાય. આવકનું પાસુ મજબૂત થતું જણાય. ધારેલી આવક મેળવવી શક્ય બને. પરિવારના સભ્યોની પ્રગતિથી આનંદ છતાં થોડું ગુસ્સાવાળુ વાતાવરણ રહે. દામ્પત્ય સુખમાં આનંદ.

વૃષભઃ

અણગમતા સંજોગોનો સામનો કરવો પડે. આવક અંગે સામાન્ય દિવસ છે. પરિવારમાં શાંતિ રહે. કાર્યક્ષેત્રે સંઘર્ષ બાદ સફળતા મળતી જણાય. પત્નિ સાથે પ્રેમ જળવાય. મિત્રોથી સહકાર મળે.

મિથુનઃ

મનનું સિદ્ધાંતવાદી વલણ રહે. આવક જળવાશે. પરિવારના સભ્યો સાથે આત્મીયતા વધે. જુના રોકાણોથી ફાયદો તથા નવા રોકાણોનું યોગ્ય આયોજન શક્ય બને. સંતાનની પ્રગતિથી આનંદ વધે.

કર્કઃ

દિવસ દરમ્યાન આનંદની અનુભૂતિ થાય. કરેલા રોકાણો ફળદાયી નીવડે. નવા વાહનની ખરીદી શક્ય બને. નોકરીમાં બઢતી અને ધંધામાં પ્રગતિ થાય. આથી આવક વધે. ઠંડાપીણા, પાણી, આઈસ્ક્રીમનાં ધંધામાં વિશેષ લાભ.

સિંહઃ

થોડું ગુસ્સાનું પ્રમાણ રહે. નાણાંકીય પાસુ મજબૂત થતું જણાય. પરિવારના તમામ સભ્યોની પ્રગતિ આનંદદાયક સાબિત થાય. તમામ કાર્યોમાં સફળતા મળતી જણાય. આરોગ્ય સાચવવું.

કન્યાઃ

સરળ સ્વભાવને કારણે અન્યની હેરાનગતિનો ભોગ ન બનાય એનું ધ્યાન રાખવું. આર્થિક પાસુ મજબૂત બને. જીવનસાથી સાથે ઉગ્રતા ટાળવી. ભાગ્યનો સાથ મળતાં ધંધાકીય ક્ષેત્રે સફળતા મળતી જણાય છે.

તુલાઃ

આનંદની અનુભૂતિ થાય. હિંમત અને વિદ્વત્તામાં વધારો થાય. અણુઉર્જા, ઈલેક્ટ્રોનિક્સ, પુસ્તકાલય, કુરિયર જેવા ધંધામાં વિશેષ લાભ. લીવરની કાળજી રાખવી જરૂરી છે.

વૃશ્ચિકઃ

સ્વભાવમાં ગુસ્સાનું પ્રમાણ વધે. આવકનું પાસુ મજબૂત બનતું જણાય. સંતાન તરફની ચિંતા રહે. પત્નિ સાથે પ્રેમ જળવાય. પ્રિયપાત્રનું મિલન શક્ય બને. ભાગ્યનો સાથ મળતો નથી. આથી નોકરી, ધંધામાં શાંતિ રાખવી.

ધનઃ

જીવનમાં અસંતોષ જણાય પણ માનસિક સ્થિરતા જળવાઈ રહે. ખોટા વિચાર મનનો કબજો ન લઈ લે એનું ધ્યાન રાખવું. મિત્ર વર્ગથી ખૂબ સારો સહકાર મળતો જણાય. આરોગ્ય સારૂં રહે. ધંધાકીય ક્ષેત્રે આનંદમાં વધારો થાય.

મકરઃ

નવી નોકરી અથવા ધંધાની શરૂઆત શક્ય બને. હાલનાં કાર્યક્ષેત્રમાં પ્રગતિ થતી જણાય. માતૃપક્ષ તરફથી લાભ. આર્થિક રોકાણોમાં ફાયદો જણાય. નવા વાહનની ખરીદી શક્ય બને. ઓટોમોબાઈલ ડીલર તથા ટ્રાવેલીંગનાં ધંધામાં વિશેષ લાભ.

કુંભઃ

ભાગ્ય મજબૂત હોવાને કારણે ઓછી મહેનતે વધુ સફળતા મેળવી શકાશે. આવકનું પ્રમાણ વધશે પરંતુ ખોટો ખર્ચ અટકાવવો. શેરબજાર, સ્ત્રી શણગારનાં સાધનોનાં ક્ષેત્રે વિશેષ લાભ. પત્નિનાં ગુસ્સાનો સામનો કરવો પડે. આરોગ્ય જળવાય.

મીનઃ

મજબૂત આત્મબળને કારણે સાહસિક નિર્ણય લઈ શકો. પરિવારમાં આનંદ જળવાય. આવકનું પ્રમાણ સાધારણ રહે. માતાની તબિયતની કાળજી જરૂરી. માથાનો દુઃખાવો, પડવા-વાગવાથી સાચવવું. સંતાન સુખ સારૂં.

મોસ્ટ વોન્ટેડ આતંકવાદીને NIA દ્વારા રવાંડાથી ભારત લાવવામાં આવ્યો

News Editor
-
0

નેશનલ ઈન્વેસ્ટીગેશન એજન્સીને મોટી સફળતા મળી છે. પ્રતિબંધિત આતંકવાદી સંગઠન લશ્કર-એ-તૈયબા સાથે સંકળાયેલા આતંકવાદી સલમાન રહેમાન ખાનનું રવાંડામાંથી પ્રત્યાર્પણ કરવામાં આવ્યું છે. સલમાનનનું નામ બેંગલુરુ જેલ આતંકવાદી કાવતરાના કેસમાં જોડાયેલું છે. સલમાન બેંગલુરુમાં કટ્ટરપંથી અને આતંકવાદી ઓપરેટિવ્સને વિસ્ફોટકોની સપ્લાય કરતો હતો.

રવાંડા ઇન્વેસ્ટિગેશન બ્યુરો, ઇન્ટરપોલ અને નેશનલ સેન્ટ્રલ બ્યુરો (NCBs)ના સહયોગથી સલમાનની રવાંડાની રાજધાની કિગાલીમાં ધરપકડ કરવામાં આવી હતી. તેને ગુરુવારે વહેલી સવારે ભારતમાં ટ્રાન્સફર કરવામાં આવ્યો હતો, જ્યાં તેને NIA દ્વારા ઔપચારિક રીતે કસ્ટડીમાં લેવામાં આવ્યો હતો.

NIAની તપાસમાં ખુલાસો થયો કે સલમાન કટ્ટરપંથી બનીને આતંકવાદી પ્રવૃત્તિઓમાં સક્રિય ભાગ લેવા લાગ્યો. તેણે આતંકી ઓપરેટિવ્સ માટે શસ્ત્રો, દારૂગોળો અને વિસ્ફોટકોની સપ્લાય કરવામાં મદદ કરી હતી. નસીરે કોર્ટમાં હાજરી દરમિયાન ભાગી જવા માટે કાવતરું રચ્યું હતું.

જ્યારે આતંકવાદી ષડયંત્રનો પર્દાફાશ થયો ત્યારે સલમાન ભારતમાંથી ભાગી ગયો, સલમાનબી રવાંડામાં ધપકડ કરવામાં આવી હતી. બેંગલુરુ શહેરના હેબ્બલ પોલીસ સ્ટેશનમાં વર્ષ 2023માં આ અંગે કેસ નોંધવામાં આવ્યો હતો.

આ પણ વાંચો :-

જમ્મુ-કાશ્મીરમાં ભૂકંપના આંચકા, રિક્ટર સ્કેલ પર 5 ની તીવ્રતા

News Editor
-
0

જમ્મુ-કાશ્મીરની ધરતી એકવાર જોરદાર ભૂકંપથી હચમચી ગઈ હતી. આ ભૂકંપની તીવ્રતા રિક્ટર સ્કેલ પર 5 માપવામાં આવી છે. મળતી માહિતી મુજબ, ભૂકંપનું કેન્દ્ર અફઘાનિસ્તાન-તાજિકિસ્તાન સરહદી વિસ્તારમાં હતું. ભૂકંપના આંચકા સાંજે 4.19 કલાકે અનુભવાયા હતા. ભૂકંપ આવતા જ લોકોમાં ગભરાટ ફેલાયો હતો અને લોકો ઘરની બહાર નીકળી ગયા હતા.

ધરતીકંપનું કેન્દ્ર એ સ્થળ છે જેની નીચે પ્લેટોમાં હલનચલનને કારણે ભૂસ્તરશાસ્ત્રીય ઉર્જા બહાર આવે છે. આ જગ્યાએ ભૂકંપના સ્પંદનો વધુ તીવ્ર હોય છે. વાઇબ્રેશનની આવર્તન જેમ જેમ વધે છે તેમ તેમ તેની અસર ઘટતી જાય છે. જો કે, જો રિક્ટર સ્કેલ પર 7 કે તેથી વધુની તીવ્રતાનો ભૂકંપ આવે છે, તો આંચકા 40 કિમીની ત્રિજ્યામાં અનુભવાય છે. પરંતુ તે તેના પર પણ આધાર રાખે છે કે સિસ્મિક આવર્તન ઉપરની તરફ છે કે નીચે તરફ. જો કંપનની આવર્તન વધુ હોય તો ઓછા વિસ્તારને અસર થશે

કેટલું તીવ્ર, કેટલું જોખમી?

  • ભૂકંપ કેટલો ખતરનાક છે? તે રિક્ટર સ્કેલ પર માપવામાં આવે છે. ભૂકંપમાં, રિક્ટર સ્કેલનો દરેક સ્કેલ અગાઉના સ્કેલ કરતા ૧૦ ગણો વધુ ખતરનાક હોય છે.
  • ૦ થી ૧.૯ ની તીવ્રતાવાળા ધરતીકંપ માત્ર સિસ્મોગ્રાફ દ્વારા શોધી શકાય છે.
  • જ્યારે ૨ થી ૨.૯ ની તીવ્રતાનો ભૂકંપ આવે છે, ત્યારે થોડું કંપન થાય છે.
  • જ્યારે૩ થી ૩.૯ની તીવ્રતાનો ભૂકંપ આવે છે ત્યારે એવું લાગે છે કે જાણે કોઈ ટ્રક ત્યાંથી પસાર થઈ ગઈ હોય.
  • ૪ થી ૪.૯ની તીવ્રતાના ભૂકંપમાં વિન્ડો તૂટી શકે છે. દિવાલો પર લટકતી ફ્રેમ્સ પડી શકે છે.
  • ૫ થી ૫.૯ની તીવ્રતાના ભૂકંપમાં ઘરનું ફર્નિચર હલી શકે છે.
  • ૬ થી ૬.૯ ની તીવ્રતાનો ધરતીકંપ ઇમારતોના પાયામાં તિરાડ પડી શકે છે, જેનાથી ઉપરના માળને નુકસાન થાય છે.
  • જ્યારે ૭ થી ૭.૯ની તીવ્રતાનો ભૂકંપ આવે છે ત્યારે ઇમારતો ધરાશાયી થાય છે.
  • ૮ થી ૮.૯ની તીવ્રતાના ભૂકંપમાં ઈમારતો તેમજ મોટા પુલ ધરાશાયી થઈ શકે છે.
  • ૯ કે તેથી વધુ તીવ્રતાનો ધરતીકંપ મોટાપાયે વિનાશનું કારણ બને છે. જો કોઈ ખેતરમાં ઊભું હોય, તો તે પૃથ્વીને ધ્રુજારી જોશે. જો સમુદ્ર નજીક છે, તો સુનામી આવી શકે છે.

આ પણ વાંચો :-

શેરબજારમાં સેન્સેક્સ-નિફ્ટીમાં ફરી મોટો કડાકો, રોકાણકારોને નુકસાન

News Editor
-
0

આજે શેરબજારમાં જોરદાર ઘટાડો જોવા મળી રહ્યો છે. ગુરુવારે બપોર બાદ શેરબજારમાં કડાકો જોવા મળ્યો હતો. BSE સેન્સેક્સ 1190 પોઈન્ટથી વધુ અને નિફ્ટી 360 પોઈન્ટથી વધુ તૂટ્યો હતો. સેન્સેક્સ 79,043 અને નિફ્ટી 23,914.15 પર ટ્રેડ થઈ રહ્યો હતો. નિફ્ટી બેંકની વાત કરીએ તો તે 370 પોઈન્ટ ઘટીને 51930 પર ટ્રેડ કરી રહ્યો હતો.

જો કે 11 દિવસમાં કંપનીના શેરમાં રૂ. 102,334.65નો ઘટાડો નોંધાયો છે. કંપનીનો શેર એક જ દિવસમાં રૂ. 3.53 થી વધીને રૂ. 2,36,250 થયો હતો. એક જ દિવસમાં કંપનીના શેરમાં 66,92,535 ટકાનો જંગી ઉછાળો જોવા મળ્યો હતો. BSE દ્વારા આયોજિત સ્પેશિયલ કોલ ઓક્શન સેશન બાદ એલ્સિડ ઇન્વેસ્ટમેન્ટ્સના શેરમાં આ વધારો થયો છે.

આ વધારા સાથે એલ્સિડ ઇન્વેસ્ટમેન્ટ્સનો શેર દેશનો સૌથી મોંઘો સ્ટોક બની ગયો. કંપનીના શેરોએ એમઆરએફને પાછળ છોડી દીધું હતું. ચાલુ નાણાકીય વર્ષના સપ્ટેમ્બર ક્વાર્ટરમાં સ્ટેન્ડઅલોન બેસિસ પર એલ્સિડ ઇન્વેસ્ટમેન્ટ્સની નેટ સેલ્સ 35.68 કરોડ રૂપિયા રહી છે. ગયા વર્ષના સપ્ટેમ્બર ક્વાર્ટરની સરખામણીમાં કંપનીના ચોખ્ખા વેચાણમાં 131.28 ટકાનો વધારો થયો છે. ગયા વર્ષના સપ્ટેમ્બર ક્વાર્ટરમાં સ્ટેન્ડઅલોન ધોરણે કંપનીનું ચોખ્ખું વેચાણ રૂ. 15.43 કરોડ હતું.

સપ્ટેમ્બર 2024 ક્વાર્ટરમાં સ્ટેન્ડઅલોન ધોરણે કંપનીનો ચોખ્ખો નફો 147.36 ટકા વધીને રૂ. 28.07 કરોડ થયો છે, જે ગયા વર્ષના સપ્ટેમ્બર ક્વાર્ટરમાં રૂ. 11.35 કરોડ હતો. કંપની એશિયન પેઇન્ટ્સના 2,83,13,860 શેર ધરાવે છે. એલસીડ ઇન્વેસ્ટમેન્ટ્સની એશિયન પેઇન્ટ્સમાં 2.95% હિસ્સો ધરાવે છે. એલસીડ ઇન્વેસ્ટમેન્ટ્સનું માર્કેટ કેપ 4610 કરોડ રૂપિયા પર પહોંચી ગયું છે.

આ પણ વાંચો :-

સેલવાસ અકસ્માતમાં સુરતના 4 યુવકોના મોત

News Editor
-
0

સુરત પાસિંગની કારનો દાદરા નગર હવેલી પાસે ભયાનક અકસ્માત થયો હતો. આ અકસ્માત એટલો ભયાનક હતો કે કારનો ખુરદો બોલી ગયો હતો અને અકસ્માતમાં 4 લોકોના મોત નિપજ્યા હતા. સેલવાસના દુધની ગામ નજીકના ઘાટ ઉતરતી વખતે અચાનક કાર ચાલકે સ્ટેયરિંગ પરથી કાબુ ગુમાવતા રોડ નજીક પડેલા મોટા પથ્થર સાથે કાર અથડાયા બાદ ત્રણથી ચાર પલટી ખાઈ ગઈ હતી.

સુરતના કાર સવાર પાંચ પૈકી ચાર વ્યકિતઓના ઘટના સ્થળે મોત થયા હતા. એક શખ્સને ઇજા પહોંચી હતી. અકસ્માતને પગલે ગામના આગેવાનો સહિત લોકો દોડી ગયા હતા. બાદમાં લોકોએ કારમાં ફસાયેલા પાંચ વ્યકિતઓને બહાર કાઢવા કવાયત આદરી હતી. જોકે આ અકસ્માતમાં કમનસીબે ચાર લોકોના મોત થયા હતા અને એક યુવાન ગંભીર રીતે ઈજાગ્રસ્ત થતા તેને સારવાર અર્થે હોસ્પિટલ ખાતે ખસેડાયો છે.

બીજો અકસ્માત આણંદના પેટલાદ નજીક તારાપુર-ધર્મજ હાઈવે પર સર્જાયો હતો. જેમાં લક્ઝરી બસનું કચ્ચરઘાણ વળી ગયું હતું. આ અકસ્માત એટલો ભયાનક હતો કે 3 લોકોના ઘટના સ્થળે જ મોત થયા હતા.પ્રાપ્ત માહિતી અનુસાર તારાપુર-ધર્મજ હાઈવે પર ટ્રક અને લક્ઝરી બસ વચ્ચે આ ભયંકર અકસ્માત સર્જાયો હતો. જેમાં રાજકોટથી સુરત તરફ જતી આ બસની ઓવરટેકના ચક્કરમાં ટ્રક સાથે અથડાઈ હતી.

આ પણ વાંચો :-

આણંદ-તારાપુર હાઇવે પર ભયંકર અકસ્માત, 3 લોકોનાં મોત, 15થી વધુ ઘાયલ

News Editor
-
0

આણંદના પેટલાદ નજીક તારાપુર-ધર્મજ હાઈવે પરથી એક ગમખ્વાર અકસ્માતની ખબર સામે આવી. ટ્રક અને લક્ઝરી બસ વચ્ચે અકસ્માત થતા 3 લોકોના મોત નિપજ્યા, જ્યારે 15થી વધુ લોકો ઇજાગ્રસ્ત થતા તેમને સારવાર માટે ખસેડવામાં આવ્યા છે. ઓવરટેક કરવા જતાં સમયે આ અકસ્માત થયો હોવાનું સામે આવ્યુ છે.

રાજ્યમાં સતત ગોઝારા અકસ્માતોની ઘટનાઓ બની રહી છે ત્યારે સુરત પાસિંગની કારનો દાદરા નગર હવેલી પાસે ભયાનક અકસ્માત થયો હતો. આ અકસ્માત એટલો ભયાનક હતો કે કારનો ખુરદો બોલી ગયો હતો અને અકસ્માતમાં 4 લોકોના મોત નિપજ્યા હતા. જ્યારે બીજો અકસ્માત આણંદ જિલ્લાના પેટલાદ નજીક સર્જાયો હતો. અહીં ટ્રક અને લક્ઝરી બસ વચ્ચે અકસ્માત સર્જાતા 3 લોકોના મોત થયા છે ત્યાં જ 15થી વધુ લોકો ઈજાગ્રસ્ત થયા છે.

આ અકસ્માત એટલો ભયાનક હતો કે લક્ઝરી બસનો કચ્ચરઘાણ નીકળી ગયો હતો. ઘટનાને પગલે એમ્બ્યુલન્સ અને હાઈવે પેટ્રોલીંગ તેમજ પેટલાદ રૂરલ પોલીસની ટીમ દોડી ગઇ હતી અને ઘાયલોને હોસ્પિટલ ખસેડ્યા હતા. જ્યારે મૃતદેહોને પી.એમ માટે પેટલાદ સિવિલ હોસ્પિટલમાં ખસેડવામાં આવ્યા હતા. અકસ્માતના પગલે ટ્રાફિક જામ સર્જાતા પોલીસે ટ્રાફિક પૂર્વવત કરવાની કાર્યવાહી હાથ ધરી હતી.

આણંદના પેટલાદ નજીક તારાપુર-ધર્મજ હાઈવે પર અકસ્માત સર્જાયો હતો. જેમાં લક્ઝરી બસનું કચ્ચરઘાણ વળી ગયું હતું. આ અકસ્માત એટલો ભયાનક હતો કે 3 લોકોના ઘટના સ્થળે જ મોત થયા હતા.પ્રાપ્ત માહિતી અનુસાર તારાપુર-ધર્મજ હાઈવે પર ટ્રક અને લક્ઝરી બસ વચ્ચે આ ભયંકર અકસ્માત સર્જાયો હતો. જેમાં રાજકોટથી સુરત તરફ જતી આ બસની ઓવરટેકના ચક્કરમાં ટ્રક સાથે અથડાઈ હતી.

આ પણ વાંચો :-

હેમંત સોરેને ઝારખંડના મુખ્યમંત્રી તરીકે શપથગ્રહણ કર્યા

News Editor
-
0

હેમંત સોરેન ઝારખંડના મુખ્યમંત્રી તરીકે શપથ ગ્રહણ કર્યા. હેમંત સોરેન ચોથી વખત ઝારખંડના મુખ્યમંત્રી બન્યા છે તેમને રાજ્યપાલ સંતોષ ગંગવારે પદ અને ગોપનીયતાના શપથ લેવડાવ્યા હતા. હેમંત સોરેનના શપથગ્રહણ સમારોહમાં તેમના પિતા અને ત્રણ વખતના ભૂતપૂર્વ મુખ્યમંત્રી શિબુ સોરેન પણ હાજર રહ્યા હત. આ સમારોહમાં કોંગ્રેસ અધ્યક્ષ મલ્લિકાર્જુન ખડગે, લોકસભામાં વિપક્ષના નેતા રાહુલ ગાંધી, પશ્ચિમ બંગાળના સીએમ મમતા બેનર્જી, અખિલેશ યાદવ, તેજસ્વી યાદવ હાજર રહ્યા હતા.

તેમના શપથ સમારોહમાં ઘણા દિગ્ગજ અને મોટા ચહેરાઓ પણહાજર રહ્યા હતા. I.N.D.I.A. ગઠબંધનના તમામ મોટા નેતાઓ તેમની હાજરી આપશે. જેમાં રાહુલ ગાંધી અને મલ્લિકાઅર્જુન ખડગે જેવા દિગ્ગજો પણ સામેલ છે. એટલું જ નહીં, આ સિવાય પીએમ મોદીને પણ આમંત્રણ આપવામાં આવ્યું છે.

હાલમાં શપથ ગ્રહણ પહેલા ભારે અસમંજસની સ્થિતિ દેખાઈ રહી છે. હેમંત જૂથ તરફથી એવું કહેવામાં આવી રહ્યું છે કે માત્ર JMM ચીફ જ સીએમ પદના શપથ લેશે, તો બીજી તરફ કોંગ્રેસ કેમ્પ દાવો કરી રહી છે કે અન્ય કેટલાક ધારાસભ્યો પણ મંત્રીપદના શપથ લેવાના છે. આ અંગે હજુ સુધી કોઈ સ્પષ્ટતા નથી તેથી અસમંજસની સ્થિતિ જોવા મળી રહી છે. એવી ચર્ચા છે કે કોંગ્રેસ ઘણા મંત્રાલયો પોતાની પાસે રાખવા માંગે છે. કોંગ્રેસના આ વખતે 16 ધારાસભ્યો જીતીને વિધાનસભા પહોંચ્યા છે એટલા માટે તે પોતાની પાસે ઘણાં મંત્રાલય રાખવા માગે છે.

આ પણ વાંચો :-

હાથમાં બંધારણની કોપી લઈને પ્રિયંકા ગાંધી લીધા સાંસદ પદના શપથ

News Editor
-
0

વાયનાડથી લોકસભા પેટા ચૂંટણીમાં જીત નોંધાવ્યા બાદ આજે કોંગ્રેસ નેતા પ્રિયંકા ગાંધી વાડ્રાએ સાંસદ પદના શપથ લીધા હતા. આ દરમિયાન તેમના પતિ રોબર્ટ વાડ્રાથી લઈને બાળકો પણ સંસદમાં હાજર હતા. લોકસભામાં પ્રિયંકા ગાંધીએ સાંસદ પદના શપથ લીધા અને બીજી તરફ એક વાર ફરીથી સંસદમાં હંગામો શરુ થયો હતો. જેના પગલે ઓમ બિરલાએ લોકસભાની કાર્યવાહી 12 વાગ્યા સુધી સ્થગિત કરવામાં આવી હતી.

લોકસભા સ્પીકર ઓમ બિરલાએ પ્રિયંકા ગાંધીનું નામ બોલાવતા જ તેઓ પોતાના હાથમાં બંધારણની પુસ્તક લઈને પહોંચ્યા અને શપથ લીધા. રાહુલ ગાંધી દ્વારા ખાલી કરાયેલી સીટ પર યોજાયેલી વાયનાડ પેટાચૂંટણીમાં પ્રિયંકાએ 4 લાખથી વધુ મતોથી જીત મેળવી છે. આ રીતે ગાંધી પરિવારના ત્રણ લોકો આજથી સંસદમાં જોવા મળશે.

આ પહેલા બુધવારે કેરળ કોંગ્રેસના નેતાઓએ પ્રિયંકા ગાંધીને જીતનું પ્રમાણપત્ર આપ્યું હતું. પ્રિયંકા ગાંધીને વાયનાડ પેટાચૂંટણીમાં 6 લાખ 22 હજાર 338 મત મળ્યા હતા. જ્યારે સીપીઆઈના ઉમેદવાર સત્યમ મોકેરી બીજા ક્રમે રહ્યા હતા. તેમને 2 લાખ 11407 મત મળ્યા હતા. આ પેટાચૂંટણીમાં ભાજપ ત્રીજા ક્રમે રહી હતી. ભાજપના ઉમેદવાર નવ્યા હરિદાસને તેમના ખાતામાં 1 લાખ 99939 મત મળ્યા હતા.

આ પણ વાંચો :-

1...582583584...1,470Page 583 of 1,470