Home Blog Page 1356

મોંઘવારીથી મળશે છૂટકારો, આજે જ લાવો આ ચૂલો, ગેસની જરૂર નહી પડે

News Editor
-
0

You will get rid of inflation

  • આ સ્ટવ હાઇબ્રિડ મોડ પર પણ કામ કરે છે. એટલે કે આ સ્ટવમાં સૌર ઉર્જા સિવાય વીજળીના અન્ય સ્ત્રોતોનો પણ ઉપયોગ કરી શકાય છે. સૂર્ય નૂતનની ઇન્સ્યુલેશન ડિઝાઇન એવી છે. જે સૂર્યપ્રકાશના કિરણોત્સર્ગ અને ગરમીના નુકસાનને ઘટાડે છે. સૂર્યા નૂતન ત્રણ અલગ-અલગ મોડલમાં ઉપલબ્ધ છે.

હાલ મોંઘવારીએ (inflation) માઝા મુકી છે. એક બાદ એક વસ્તુઓના ભાવ વધી રહ્યા છે જેના કારણે પ્રજા ત્રસ્ત બની છે. ગ્લોબલ માર્કેટમાં ક્રુડ ઓઈલ (Crude oil) અને ગેંસની કિંમતો (Gas prices) ઓલટાઈમ હાઈ બનેલી છે. જેના કારણે ઘરેલુ બજારમાં પેટ્રોલ-ડીઝલની (Petrol-Diesel) સાથે રસોઈ ગેસ સિલેન્ડરના ભાવ સતત વધી રહ્યા છે. ગયા મહિને જ રસોઈ ગેસના ભાવમાં 50 રૂપિયાનો વધારો થયો હતો.

તમે પણ સતત વધતા ભાવથી પરેશાન હશો તો સરકારી કંપની ઈન્ડિયન ઓઈલે એક અલગ જ સમાધાન શોધી કાઢ્યું છે. જે તમને ખુબ જ કામ આવશે. કંપનીએ બજારમાં પોતાનો સોલાર સ્ટવ લોન્ચ કર્યો છે. જેને ઘરે લાવીને તમે ગેસની વધતી કિંમતોથી છૂટકારો મેળવી શકો છો.

આ રીતે થયું ‘સૂર્ય નૂતન‘નું ડેવલપમેન્ટ :

ઇન્ડિયન ઓઇલે સૌર ઉર્જાથી ચાલતા આ સ્ટવને ‘સૂર્ય નૂતન‘ નામ આપ્યું છે. ઈન્ડિયન ઓઈલનું કહેવું છે કે તેમણે પ્રધાનમંત્રીના પડકારથી પ્રેરાઈને સૂર્ય નૂતન વિકસાવ્યું છે. પ્રધાનમંત્રી નરેન્દ્ર મોદીએ 25 સપ્ટેમ્બર, 2017ના રોજ પેટ્રોલિયમ અને પ્રાકૃતિક ગેસ મંત્રાલયના અધિકારીઓને પોતાના સંબોધનમાં રસોડાના ઉકેલના વિકાસને પડકાર ફેંક્યો હતો, જે ઉપયોગમાં સરળ હોય અને પરંપરાગત ચૂલાને બદલી શકે. પ્રધાનમંત્રીની આ વાતથી પ્રેરિત થઈને સોલર કૂક ટોપ ‘સૂર્યા નૂતન‘ વિકસાવવામાં આવ્યું છે.

‘સૂર્ય નૂતન‘ રાત્રે પણ કરી શકાશે ઉપયોગ :

સૂર્ય નૂતન સોલર કૂક ટોપમાં ઘણી સુવિધાઓ છે. તેને એક જ જગ્યાએ સ્થાયી કરી શકાય છે. તે રિચાર્જેબલ અને ઇન્ડોર સોલર કૂકિંગ સિસ્ટમ છે. તે ઇન્ડિયન ઓઇલના સંશોધન અને વિકાસ કેન્દ્ર, ફરીદાબાદ દ્વારા ડિઝાઇન અને વિકસાવવામાં આવ્યું છે. ઇન્ડિયન ઓઇલે તેની પેટન્ટ પણ કરાવી છે. તેનું એક યુનિટ તડકામાં રહે છે અને તે ચાર્જ કરતી વખતે ઓનલાઈન કૂકિંગ મોડ ઓફર કરે છે.

જુઓ સંપૂર્ણ વીડિયો. : ભારતીય કોસ્ટ ગાર્ડ જહાજોએ દરિયામાં માછીમારોને રાષ્ટ્રીય ધ્વજનું વિતરણ કર્યું અને તેમની સાથે ‘આઝાદી કા અમિત મહોત્સવ’ની ઉજવણી કરી .

આ સિવાય ચાર્જ થયા પછી પણ તેનો ઉપયોગ કરી શકાય છે. આ રીતે ‘સૂર્ય નૂતન’ સૌર ઊર્જાનો મહત્તમ ઉપયોગ સુનિશ્ચિત કરે છે અને સૂર્યપ્રકાશ ન હોય ત્યારે પણ તેના પર ખોરાક બનાવી શકાય છે.

સિંગલ ચાર્જ પર 3 વખત બનાશી શકાશે ભોજન :

આ સ્ટવ હાઇબ્રિડ મોડ પર પણ કામ કરે છે. એટલે કે આ સ્ટવમાં સૌર ઉર્જા સિવાય વીજળીના અન્ય સ્ત્રોતોનો પણ ઉપયોગ કરી શકાય છે. સૂર્ય નૂતનની ઇન્સ્યુલેશન ડિઝાઇન એવી છે, જે સૂર્યપ્રકાશના કિરણોત્સર્ગ અને ગરમીના નુકસાનને ઘટાડે છે. સૂર્યા નૂતન ત્રણ અલગ-અલગ મોડલમાં ઉપલબ્ધ છે. સૂર્ય નૂતનનું પ્રીમિયમ મોડલ સિંગલ ચાર્જ પર ચાર જણના પરિવાર માટે ત્રણ સમયનું ભોજન બનાવી શકે છે.

કેટલી છે આ સોલાર સ્ટવની કિંમત ?

આ સ્ટોવના બેઝ મોડલની કિંમત લગભગ 12,000 રૂપિયા છે અને ટોપ મોડલની કિંમત લગભગ 23,000 રૂપિયા છે. જોકે, ઈન્ડિયન ઓઈલનું કહેવું છે કે આગામી સમયમાં તેની કિંમતોમાં નોંધપાત્ર ઘટાડો થવાની આશા છે. સૂર્ય નૂતન એક મોડ્યુલર સિસ્ટમ છે અને તેને જરૂરિયાત મુજબ વિવિધ કદમાં ડિઝાઇન કરી શકાય છે.

આ પણ વાંચો :-

બોલો જુબાં કેસરી : સુરતમાં ‘કલાકારો’ બે ટેમ્પો ભરી લાખોની વિમલ ગુટખા ચોરી ગયા

News Editor
-
0

Bolo Juban Kesari: In Surat

  • સુરતનાં ગોડાઉનમાં વિમલ ગુટખાની ચોરી કરવા આવેલા ત્રણ તસ્કરો ગોડાઉનમાં મુકેલ બોરીઓને ઉઠાવી બહાર મૂકેલ વાહનમાં ભરવા લાગ્યા હતા.

સુરત (Surat) જિલ્લામાં છેલ્લા ઘણા સમયથી ચોરી અને લૂંટની (Theft and Robbery) ઘટનામાં વધારો થયો છે. તસ્કરો પોલીસને પડકાર ફેંકી રહ્યા હોય તેમ જિલ્લાના બારડોલી, કડોદરા અને ચલથાણ વિસ્તારમાં રોજે રોજ ચોરીની ઘટના બની રહી છે ત્યારે કડોદરામાં (Kadodara) વધુ એક લૂંટની ઘટના બનતા પોલીસ દોડતી થઈ ગઈ છે.

કડોદરા ચાર રસ્તા નજીક નિતિનકુમાર ગમનલાલ મોદીની જય અંબે ટ્રેડર્સ નામની દુકાન આવેલી છે. આ દુકાનની નજીક જ તેનું ગોડાઉન આવેલું છે. શુક્રવારે આશરે 4 વાગ્યાની આસપાસ આ ગોડાઉનની બહાર વોચમેન દલ બહાદુર સિંઘ ફરજ બજાવતો હતો.

ત્યારે એક ગાડી આવીને ઊભી રહેતા વોચમેને તેને અહીં ગાડી કેમ ઊભી રાખી તેમ પૂછતાં તસ્કરોએ વોચમેનને બંધક બનાવી તેને માર મારી કોથળામાં ભરીને કારમાં લઈ ગયા હતા અને ઊંભેળ ગામની સીમમાં ધક્કો મારી ફેંકી દીધો હતો. ત્યારબાદ ગોડાઉનમાં પ્રવેશી 42 બોરી અને 25 છૂટક પેકેટ વિમલ ગુટખાની લૂંટ કરી બે ટેમ્પોમાં ભરીને નાસી છૂટ્યા હતા.

જુઓ સંપૂર્ણ વીડિયો. : ભારતીય કોસ્ટ ગાર્ડ જહાજોએ દરિયામાં માછીમારોને રાષ્ટ્રીય ધ્વજનું વિતરણ કર્યું અને તેમની સાથે ‘આઝાદી કા અમિત મહોત્સવ’ની ઉજવણી કરી .

જય અંબે ટ્રેડર્સના માલિકે સવારે આવીને જોતાં ગોડાઉનમાંથી 10.46 લાખના વિમલ ગુટખાની ચોરી થઈ હોવાનું માલુમ પડ્યું હતું. પોલીસે સ્થળ પર પહોંચી CCTV ફૂટેજ આધારે વધુ તપાસ હાથ ધરી છે.

ભાર્ગવ પંડ્યા (નાયબ પોલીસ અધિક્ષક)એ જણાવ્યું કે, ગોડાઉનમાં વિમલ ગુટખાની ચોરી કરવા આવેલા ત્રણ તસ્કરો ગોડાઉનમાં મુકેલ બોરીઓને ઉઠાવી બહાર મુકેલ વાહનમાં ભરવા લાગ્યા હતા. 42 બોરીઓ પૈકી 5થી 6 બોરીઓ તસ્કરો ગોડાઉનની બહાર લઈ ગયા બાદ એક તસ્કરની નજર ગોડાઉનમાં લાગેલ CCTV કેમેરા પર પડી હતી. તે તસ્કર બહારથી લાકડી લાવી કેમેરાને ઉંચો કર્યા બાદ ચોરીની ઘટનાને બિન્દાસપણે અંજામ આપ્યો હતો.

આ પણ વાંચો :-

સોનિયા ગાંધીનું રાજીનામું ? રાજસ્થાનનાં આ વ્યક્તિ બની શકે છે નવા કોંગ્રેસ પ્રમુખ : રિપોર્ટ

News Editor
-
0

Sonia Gandhi Resigns

  •  સૂત્રો પાસેથી મળતી માહિતી પ્રમાણે રાજસ્થાનના મુખ્યમંત્રી અશોક ગહેલોત રાષ્ટ્રીય અધ્યક્ષ બની શકે છે.

કોંગ્રેસના કાર્યકારી (Congress functionaries) અધ્યક્ષ સોનિયા ગાંધીએ (Sonia Gandhi) પોતાના પદ પરથી રાજીનામું આપી દીધું છે. મીડિયા રિપોર્ટ દ્વારા આ જાણકારી સામે આવી રહી છે કે સોનિયા ગાંધીએ (Sonia Gandhi) અધ્યક્ષ પદેથી રાજીનામું આપી દીધું છે. હવે રાજસ્થાનના મુખ્યમંત્રી અશોક ગહેલોત (Ashok Gehlot) રાષ્ટ્રીય અધ્યક્ષ બની શકે છે.

વર્ષ 2019માં લોકસભા ચૂંટણી હાર્યા બાદ તત્કાલીન રાષ્ટ્રીય અધ્યક્ષ રાહુલ ગાંધીએ હારની જવાબદારી લેતા અધ્યક્ષ પદેથી રાજીનામું આપી દીધુ હતું. ત્યારબાદ ફરીથી સોનિયા ગાંધીને વચગાળાના અધ્યક્ષ બનાવવામાં આવ્યા હતા. ત્યારબાદ સતત કોંગ્રેસની અંદર જ રાહુલ ગાંધીને ફરીથી અધ્યક્ષ બનાવવાની માંગ ઉઠી રહી હતી પરંતુ રાહુલે જવાબદારી લેવાથી સ્પષ્ટ ઈન્કાર કરી દીધો હતો.

રાહુલ ગાંધી હજુ પણ કોંગ્રેસ અધ્યક્ષનું પદ સંભાળવામાં ખચકાટ અનુભવી રહ્યા છે. સંગઠન ચૂંટણીની પ્રક્રિયા ચાલી રહી છે. સપ્ટેમ્બર/ઓક્ટોબરમાં નવા અધ્યક્ષની પસંદગી કરવાની સમય મર્યાદા નક્કી કરવામાં આવી છે પરંતુ રાહુલે અત્યાર સુધી સ્પષ્ટ જવાબ નથી આપ્યો. કોંગ્રેસ વર્કિંગ કમિટીની બેઠકમાં અધીર રંજન ચૌધરીના સવાલ પર રાહુલ ગાંધીએ અધ્યક્ષ પદ સંભાળવાની સંભાવના પર વિચાર કરવા કહ્યું હતું.

જુઓ સંપૂર્ણ વીડિયો. : ભારતીય કોસ્ટ ગાર્ડ જહાજોએ દરિયામાં માછીમારોને રાષ્ટ્રીય ધ્વજનું વિતરણ કર્યું અને તેમની સાથે ‘આઝાદી કા અમિત મહોત્સવ’ની ઉજવણી કરી .

એટલા માટે જ પાર્ટી અશોક ગહેલોતના નામ પર પણ વિચાર કરી રહી છે. છેલ્લા કેટલાક દિવસોમાં પાર્ટી મામલે તેમની સક્રિયતા વધી છે. જો કે અશોક ગહેલોત રાજસ્થાનનું CM પદ છોડવા નથી માગતા. પરંતુ પાર્ટીમાં મંથન ચાલું છે અને રાહુલ ગાંધીને મનાવવાની પ્રયત્ન કરવામાં આવશે. પરંતુ જો રાહુલ ગાંધી ઈનકાર કરી દે તો રાજસ્થાનના મુખ્યમંત્રી અશોક ગહેલોતને અધ્યક્ષ બનાવવાની સંભાવના પર મંથન થઈ રહ્યું છે.

તમને જણાવી દઈએ કે આ મહિને 20 ઓગષ્ટના રોજ કોંગ્રેસ સંગઠનમાં ચૂંટણી પ્રક્રિયા પૂરી થઈ રહી છે. આ સંબંધે કોંગ્રેસની ચૂંટણી સમિતિના વડા મધુસૂદન મિસ્ત્રી બુધવારે દિલ્હી આવી રહ્યા છે. બીજી તરફ કોંગ્રેસના મીડિયા વિભાગ દ્વારા આ મામલે સવાલ પૂછવા પર કંઈ પણ કહેવાનો ઈનકાર કરી દીધો હતો.

જ્યારે રાહુલ ગાંધીએ અધ્યક્ષ પદ છોડ્યું ત્યારે તેમણે પાર્ટી માટે ગાંધી પરિવારના ના હોય એવા અધ્યક્ષની નિમણૂક માટે સમર્થન આપ્યું હતું. ત્યારબાદ પૂર્વ કેન્દ્રીય મંત્રી મુકુલ વાસનિકનું નામ અધ્યક્ષ પદ માટે સામે આવ્યું હતું. પરંતુ બાકી ઘણા નેતાઓએ સોનિયા ગાંધીને વિનંતી કરીને તેમને વચગાળાના અધ્યક્ષ બનવા માટે રાજી કર્યા હતા.

સોનિયા ગાંધીએ રાજીનામું આપ્યા હોવાનાં સમાચાર મોડી રાત્રે સોશિયલ મીડિયામાં ફરતાં થયાં હતાં. જેની કોઈ સત્તાવાર જાહેરાત થઈ નથી..

આ પણ વાંચો :-

પસંદગીકારો એશિયા કપને લઈને ચિંતિત નથી, ટીમ ઈન્ડિયાને મળ્યો 31 વર્ષનો ખતરનાક ઓપનર

News Editor
-
0

Selectors not worried about Asia Cup

  • ભારતીય ટીમને વેસ્ટ ઈન્ડિઝ પ્રવાસ માટે એક ખતરનાક ઓપનર મળ્યો છે, જે રોહિત શર્માની જેમ બરાબર બેટિંગ કરી શકે છે.

ભારતીય ટીમ વેસ્ટ ઈન્ડિઝ (West Indies) સામે પાંચ ટી-20 મેચોની શ્રેણી રમી રહી છે. ટીમ ઈન્ડિયાને વેસ્ટ ઈન્ડિઝ પ્રવાસ પર એક મજબૂત ઓપનર બેટ્સમેન મળ્યો છે. આ ખેલાડીએ કે એલ રાહુલની (KL Rahul) ગેરહાજરીમાં શાનદાર રમત દેખાડી અને બધાના દિલ જીતી લીધા. આ ખેલાડી એકલા જ પોતાના દમ પર ભારતને એશિયા કપનો ખિતાબ અપાવી શકે છે.

આ ખેલાડીએ અદ્ભુત પ્રદર્શન કર્યું :

સૂર્યકુમાર યાદવે વેસ્ટ ઈન્ડિઝ પ્રવાસ દરમિયાન શાનદાર રમત બતાવી હતી. તે ટીમ ઈન્ડિયા માટે સૌથી મોટો મેચ વિનર સાબિત થયો છે. તેણે વેસ્ટ ઈન્ડિઝ સામેની ત્રીજી T20 મેચમાં 75 રન બનાવ્યા હતા. સૂર્યકુમાર ઇનિંગ્સની શરૂઆત ધીમેથી કરે છે. પરંતુ એકવાર તે ક્રીઝ પર પહોંચે છે. તે પછી આક્રમક રીતે બેટિંગ કરો.

જુઓ સંપૂર્ણ વીડિયો. : ભારતીય કોસ્ટ ગાર્ડ જહાજોએ દરિયામાં માછીમારોને રાષ્ટ્રીય ધ્વજનું વિતરણ કર્યું અને તેમની સાથે ‘આઝાદી કા અમિત મહોત્સવ’ની ઉજવણી કરી .

ટૂંકી કારકિર્દીમાં દિલ જીતી લીધું :

સૂર્યકુમાર યાદવે વર્ષ 2021માં રોહિત શર્માની કેપ્ટન્સીમાં ભારતીય ટીમ માટે ડેબ્યૂ કર્યું હતું. ત્યારબાદ તેણે ટીમ ઈન્ડિયા માટે ઘણી મેચ વિનિંગ ઈનિંગ્સ રમી. સૂર્યકુમાર યાદવે 22 T20I માં 648 રન બનાવ્યા છે, જેમાં એક આકર્ષક સદીનો સમાવેશ થાય છે. જે જ્યારે સૂર્યકુમાર યાદવ તેના ફોર્મમાં હોય છે, ત્યારે તે કોઈપણ બોલિંગ આક્રમણને તોડી શકે છે.

IPLમાં શાનદાર બેટિંગ :

સૂર્યકુમાર યાદવે IPL 2022માં શાનદાર પ્રદર્શન કર્યું હતું. તે IPLમાં મુંબઈ ઈન્ડિયન્સ તરફથી રમે છે. જેનું નેતૃત્વ રોહિત શર્મા કરે છે. સૂર્યકુમાર છેલ્લા કેટલાક વર્ષોમાં ટીમ ઈન્ડિયા માટે એક ભરોસાપાત્ર બેટ્સમેન તરીકે ઉભરી આવ્યો છે અને તેણે પોતાની બેટિંગથી સાબિત કર્યું છે કે તે કોઈપણ બેટિંગ ઓર્ડર પર બેટિંગ કરી શકે છે.

આ પણ વાંચો :-

 

2008 પછી પહેલીવાર હીરાના ભાવમાં આટલો મોટો ઘટાડો, ડાયમંડ સિટી સુરતના આ ઉદ્યોગકારોની વધી મુસીબત

News Editor
-
0

This is the first time since 2008

  • સુરતના ડાયમંડ ઉદ્યોગકારોને મોટો ફટકો, રેપાપોર્ટે ફિનિશ્ડ ડાયમંડના ભાવમાં કર્યો ઘટાડો.

શ્રાવણમાસની (Shravanamas) શરૂઆત એટલે તહેવારોની શરૂઆત. ત્યારે તહેવાર ટાણે જ સુરતના હીરા ઉદ્યોગકારોએ (Diamond industrialists) નુકસાનીનો સામને કરવો પડશે. કારણ કે રેપાપોર્ટ દ્વારા તૈયાર હીરાના ભાવમાં ઘટાડો કરાયો છે. જે લોકોએ સ્ટોક કર્યો હશે તેવા ઉદ્યોગકારોને નુકસાનીનો સામનો કરવો પડશે.

રેપાપોર્ટે 3થી7 ટકા સુધીનો તૈયાર હીરાના ભાવમાં ઘટાડો કર્યો છે. વર્ષ 2008 બાદ સૌ પ્રથમ વાર તૈયાર હીરાના ભાવમાં ઘટાડો નોંધાયો. તૈયાર હીરાના ભાવમાં ઘટાડો થતા વેપારીઓએ નુકસાનનો સામનો કરવો પડી શકે છે. હીરાની માંગમાં વધારો થવાને કારણે આંતરાષ્ટ્રીય માર્કેટમાં રફના ભાવમાં વધારો નોંધાઈ રહ્યો હતો.

જુઓ સંપૂર્ણ વીડિયો. : ભારતીય કોસ્ટ ગાર્ડ જહાજોએ દરિયામાં માછીમારોને રાષ્ટ્રીય ધ્વજનું વિતરણ કર્યું અને તેમની સાથે ‘આઝાદી કા અમિત મહોત્સવ’ની ઉજવણી કરી .

પ્રોડક્શન ઓછું થતા રોજગારી પર થશે અસર :

સુરત ડાયમંડ એસોસિએશનના મંત્રી દામજી માવાણીએ જણાવ્યું હતું કે  ‘હીરા વેપારીઓની હોલ્ડિંગ કેપેસિટી હોય તે માલનો સ્ટોક કરે. જેમની મજબૂરી હોય તેવા હીરા વેપારીઓ નુકસાન કરીને વેચે. અથવા તો પ્રોડક્શન પર કાપ પણ આવી શકે.’ એટલે કે જેઓએ નફો કરવાના આશયથી હીરાનો સ્ટોક કરી રાખ્યો હતો તેઓએ નુકસાની વેઠવાનો વારો આવશે. જેની અસર રત્નકલાકારો પર પણ જોવા મળશે. કારણ કે વેપારી સ્ટોક પૂરતો હોવાથી નવું પ્રોડક્શન કરશે નહીં અને પ્રોડક્શન બંધ રહેતા રત્નકલાકારોની રોજગારી પર અસર થઇ શકે છે.

હીરા વેપારીઓએ વિરોધ કરવો જોઇએ : દિનેશ નાવડિયા

તો આ તરફ  જીજેઇપીસીના ચેરમેન દિનેશ નાવડિયાએ જણાવ્યું હતું કે, સુરતના હીરા વેપારીઓ મહેનત કરીને હીરાનું મેન્યુફેક્ચરિંગ કરે અને અન્ય કંપની તેના ભાવ નક્કી કરે તે અયોગ્ય બાબત છે. હીરાવેપારીઓએ એક થઈ તેનો વિરોધ કરવો જોઈએ. મહત્વનું છે કે રેપાપોર્ટ પ્રાઇસ લિસ્ટએ આંતરરાષ્ટ્રીય બેન્ચમાર્ક છે જેનો ઉપયોગ ડીલરો દ્વારા તમામ મુખ્ય બજારોમાં હીરાની કિંમતો સ્થાપિત કરવા માટે કરવામાં આવે છે.

આ પણ વાંચો :-

ક્રિકેટર રવિન્દ્ર જાડેજાના ઘરમાં ડખા, બહેને કોંગ્રેસમાંથી ટિકિટ માંગી, તો પત્નીનું વલણ ભાજપ તરફી

News Editor
-
0

At home of cricketer Ravindra Jadeja

  • ગુજરાતના યુવા ક્રિકેટર રવિન્દ્ર જાડેજા ક્રિકેટના મેદાન પર ધમાલ મચાવે છે. પરંતુ જામનગરમાં તેમના પરિવારમાં રાજકીય ધમાલ મચી છે. રવિન્દ્ર જાડેજાનો પરિવાર રાજકીય મામલે સક્રિય થવા માંગે છે, પરંતુ તે પહેલા જ પરિવારમાં ધમાસાણ જોવા મળ્યું છે.

ગુજરાતના યુવા ક્રિકેટર રવિન્દ્ર જાડેજા (Young cricketer Ravindra Jadeja) ક્રિકેટના મેદાન પર ધમાલ મચાવે છે. પરંતુ જામનગરમાં તેમના પરિવારમાં રાજકીય ધમાલ મચી છે. રવિન્દ્ર જાડેજાનો (Ravindra Jadeja) પરિવાર રાજકીય મામલે સક્રિય થવા માંગે છે, પરંતુ તે પહેલા જ પરિવારમાં ધમાસાણ જોવા મળ્યું છે. પરિવારના બે સદસ્ય રાજકીય મામલે આમને સામને જોવા મળ્યાં છે. રવિન્દ્ર જાડેજાના બહેન નયનાબાએ (Nainaba) જામનગર બેઠક પર કોંગ્રેસમાંથી દાવેદારી નોંધાવી છે. તો બીજી તરફ, તેમના પત્ની રીવાબા જાડેજા (Rivaba Jadeja) ભાજપ પડખે છે.

બહેન નયનાબાએ વિધાનસભાની ચૂંટણી માટે જામનગરની બેઠક માટે તૈયારીઓ શરૂ કરી દીધી છે. તેઓ નયનાબા જામનગર મહિલા કોંગ્રેસના પ્રમુખ હતા. તેમણે ગુજરાત પ્રદેશ કોંગ્રેસ સમિતિના મહિલા પ્રમુખ જેનીબેન ઠુંમરને રાજીનામું આપી દીધું છે. હાલ સંકેત એવા છે કે તેઓ જામનગરની બેઠક પરથી ચૂંટણી લડશે. આ માટે તેમણે દાવેદારી પણ નોંધાવી છે. વિધાનસભાની તૈયારીઓ માટે તેમણે રાજીનામું આપ્યુ હોવાનું તેઓ જણાવે છે.

તેમનું કહેવુ છે કે, વિધાનસભા ચૂંટણી લડવી હોય તો બધી જવાબદારીઓમાં પહોંચી વળવું શક્ય નથી, તેથી મેં રાજીનામુ આપ્યુ છે. મેં પત્રમાં પણ આ જ કારણ લખ્યું છે. તો બીજી તરફ રીવાબાનું કહેવું છે કે,  ભાજપ ચૂંટણી વખતે મારી પર ભરોસો કરશે તો હું તૈયાર છું.

જુઓ સંપૂર્ણ વીડિયો. : ભારતીય કોસ્ટ ગાર્ડ જહાજોએ દરિયામાં માછીમારોને રાષ્ટ્રીય ધ્વજનું વિતરણ કર્યું અને તેમની સાથે ‘આઝાદી કા અમિત મહોત્સવ’ની ઉજવણી કરી .

ત્યારે પત્ની અને બહેન, રવિન્દ્ર જાડેજા માટે આ યક્ષ પ્રશ્ન બની રહેશે. ચૂંટણીમાં કોના પડખે રહેવું અને કોના માટે પ્રચાર કરવો તે તો સમય આવતા જ બતાવશે. પણ હાલ રવિન્દ્ર જાડેજાના પારિવારિક મુદ્દાને કારણે જામનગરનું રાજકારણ ગરમાયું છે.

આ પણ વાંચો :-

સોખડા ધામ ફરી એકવાર વિવાદમાં ! મંદિરના શાંત વાતાવરણમાં કાંકરીચાળો થતાં પોલીસને વચ્ચે પડવું પડ્યું , જાણો શું હતો સમગ્ર મામલો 

News Editor
-
0

Sokhda Dham once again in controversy

  • પ્રેમસ્વરૂપ સ્વામીના સમર્થક હરિ ભક્તો શ્રાવણ માસને લઈને કાર્યક્રમના આયોજનનાં પોસ્ટરો લગાવવા આત્મીય વિદ્યાધામ જતા તેઓને પ્રબોધ સ્વામી જૂથના હરિ ભક્તો દ્વારા અટકાવવામાં આવ્યા હતા. જેથી મામલો તંગ બન્યો

સોખડા સ્વામીનારાયણ મંદિરનો (Sokhda Swaminarayan Temple) વિવાદ હવે આણંદના બાકરોલ ખાતેના આત્મીય વિદ્યાધામ (Atmiya Vidyadham) ખાતે પહોંચ્યો છે. પ્રેમ સ્વરૂપ અને પ્રબોધ સ્વામી જૂથના (Prabodha Swami group) હરિ ભક્તો ફરી એક વાર આમને- સામે આવી જતાં બાકરોલ આત્મીય વિદ્યાધામ પર પોલીસ બંદોબસ્ત તૈનાત કરી દેવામાં આવ્યો છે.

સોખડા સ્વામિનારાયણ સંપ્રદાયની ગાદીને લઈને પ્રબોધ સ્વામી અને પ્રેમ સ્વામી જૂથ વચ્ચે વિવાદ સર્જાયા બાદ હાઇકોર્ટના આદેશ અનુસાર પ્રબોધ સ્વામી તેમના જૂથના સંતો અને હરિ ભક્તો સાથે આણંદના બાકરોલ આત્મીય વિદ્યાધામ ખાતે રહેવા આવ્યા હતા. ગત 21 એપ્રિલથી પ્રબોધ સ્વામી અને તેમના જૂથના 64 સંતો અને હરિ ભક્તો આત્મીય વિદ્યાધામ ખાતે નિવાસ કરી રહ્યા છે.

No description available.

ત્યારે આજે પ્રેમસ્વરૂપ સ્વામીના સમર્થક હરિ ભક્તો શ્રાવણ માસને લઈને કાર્યક્રમના આયોજનનાં પોસ્ટરો લગાવવા આત્મીય વિદ્યાધામ જતા તેઓને પ્રબોધ સ્વામી જૂથના હરિ ભક્તો દ્વારા અટકાવવામાં આવ્યા હતા. જેથી મામલો તંગ બન્યો છે. આ મામલે પોલીસે ઘટના સ્થળે દોડી જઈ મામલો થાળે પાડી પોલીસ તૈનાત કરી દેવામાં આવી હતી.

આ દરમિયાન મોડી સાંજે યોગી ડિવાઇન સમિતિના સેક્રેટરી ડૉ. આશવ પટેલ સહિત 100 થી વધુ હરિ ભક્તો આત્મીય વિદ્યાધામ ખાતે પહોંચતા આત્મીય વિદ્યાધામનાં મુખ્ય પ્રવેશ દ્વારને તાળા મારી બંધ કરી દેવાયો હતો. પોલીસે હરિ ભક્તોને અટકાવતા પ્રેમ સ્વરૂપ જૂથના હરિ ભક્તોએ કહ્યું હતું કે, અમે ફક્ત દર્શન કરવા જવા માંગીએ છીએ, પોલીસ અમને રોકી શકે નહીં.

ભગવાનનાં દર્શન કરતા રોકી શકાય નહીં. જેથી પોલીસે કહ્યું હતું કે, કાયદો અને વ્યવસ્થાની સ્થિતિ જાળવી રાખવા માટે આત્મીય વિદ્યા ધામ ખાતે પ્રવેશ આપી શકાય નહીં. આ મામલે પોલીસ અને હરિભક્તો વચ્ચે મામલો ઉગ્ર બનતા ડીવાયએસપી ભરતસિંહ જાડેજા પણ ઘટના સ્થળે દોડી આવ્યા હતા અને મામલો થાળે પાડ્યો હતો.

પ્રબોધ સ્વામીના સમર્થક હરિ ભક્તો આત્મીય વિદ્યાધામની અંદર તરફ અને પ્રેમસ્વરૂપ સ્વામીના ટેકેદારો બહારની તરફ મોટી સંખ્યામાં એકત્ર થતા ઘર્ષણ થાય તેવો માહોલ સર્જાયો હતો. પરંતુ પોલીસે મામલો થાળે પાડી પ્રેમ સ્વરૂપ સ્વામીના સમર્થક હરિ ભક્તોને દર્શન કર્યા સિવાય પરત મોકલ્યા હતા. જો કે હવે આ વિવાદ વધુ વકરે તેવા એંધાણ વર્તાઈ રહ્યા છે.

આ પણ વાંચો :-

ડોક્ટરે દર્દીના પેટમાંથી કાઢ્યો સ્ટીલનો ગ્લાસ, આટલી મોટી વસ્તુ શરીરમાં કેવી રીતે ગઈ ?

News Editor
-
0

The doctor removed the steel

  • 50 વર્ષીય યુવાન પેટમાં દુખાવાની ફરિયાદ સાથે સમરનાથ હોસ્પિટલના ડૉક્ટર પાસે પહોંચ્યા હતા. જ્યારે તેનો એક્સ-રે કરવામાં આવ્યો ત્યારે તેના પેટમાં સ્ટીલનો ગ્લાસ હોવાનું જાણીને ડોક્ટર્સ પણ ચોંકી ગયા હતા.

જો કે તમે પેટમાંથી ટુવાલ, રૂમાલ, કાતર અને મોજા બહાર નીકળતા સાંભળ્યા અને જોયા હશે, પરંતુ પેટમાંથી સ્ટીલના ગ્લાસ નીકળતા એક ચોંકાવનારી ઘટના છે. આ ઘટના ઉત્તર પ્રદેશ (Uttar Pradesh) (યુપી)ના જૌનપુરના ભટૌલી (Bhatauli) ગામમાં રહેતા 50 વર્ષીય સમરનાથ સાથે બની હતી. ડોક્ટરે તેના પેટનું ઓપરેશન (Abdominal operation) કરીને સ્ટીલનો ગ્લાસ કાઢી નાખ્યો છે. તમને જણાવી દઈએ કે સમરનાથના પેટમાં ત્રણ-ચાર દિવસથી ખૂબ જ દુખાવો થતો હતો.

તે ઘણી હોસ્પિટલોમાં ગયો પરંતુ કોઈ રાહત ન મળી. આ પછી કેટલાક સંબંધીઓ પાસેથી ખબર પડતાં તેઓ વાજિદપુરની સિદ્ધાર્થ હોસ્પિટલમાં આવ્યા અને ડૉ.લાલ બહાદુર સિદ્ધાર્થને મળ્યા અને પોતાની સમસ્યા વિશે જણાવ્યું. ત્યારબાદ એક્સ-રે કર્યા બાદ ડોક્ટરે ઓપરેશન કરીને તેના પેટમાંથી સ્ટીલનો ગ્લાસ કાઢી નાખ્યો. તો જ દર્દીનો જીવ બચાવી શકાયો.

ઓપરેશનમાં પેટમાંથી સ્ટીલનો ગ્લાસ કાઢવામાં આવ્યો :

આ મામલાની માહિતી આપતાં ડોક્ટર લાલ બહાદુર સિદ્ધાર્થે જણાવ્યું કે, એક દર્દી અમારી પાસે હર્નિયાના ઓપરેશન માટે આવ્યો હતો અને તેણે કહ્યું કે મારા પેટમાં દુખાવો છે. મારું ઓપરેશન કરો મેં પહેલા એક્સ-રે કરાવ્યો અને જોયું કે પેટમાં સ્ટીલનો એક ફુલ સાઈઝનો ગ્લાસ છે.

જુઓ સંપૂર્ણ વીડિયો. : ભારતીય કોસ્ટ ગાર્ડ જહાજોએ દરિયામાં માછીમારોને રાષ્ટ્રીય ધ્વજનું વિતરણ કર્યું અને તેમની સાથે ‘આઝાદી કા અમિત મહોત્સવ’ની ઉજવણી કરી .

મેં દર્દીને પૂછ્યું કે ગ્લાસ પેટમાં કેવી રીતે ગયો, તેથી દર્દી કંઈ કહી શક્યો નહીં. તેણે કહ્યું કે તેના પેટમાં ઘણા દિવસોથી દુ:ખાવો થઈ રહ્યો છે. ત્યારબાદ ડોક્ટરોની આખી ટીમે કલાકોની મહેનત બાદ ઓપરેશનમાંથી કાચ બહાર કાઢ્યો હતો.

ફુલ સાઈઝનો ગ્લાસ પેટની અંદર કેવી રીતે ગયો? 

ઉલ્લેખનીય છે કે સ્ટીલના ગ્લાસ બહાર આવ્યા બાદ આ સમાચાર લોકોમાં ચર્ચાનો વિષય બન્યા હતા કે સ્ટીલનો ફુલ સાઈઝનો ગ્લાસ પેટની અંદર કેવી રીતે ગયો ? ડોક્ટરે જણાવ્યું કે દારૂ પીવાના કારણે દર્દીની કોઈ સાથે ઝઘડો થયો હતો. તેઓએ કથિત રીતે ગ્લાસને તેના પ્રાઈવેટ પાર્ટમાં નાખ્યો હતો. તેમ છતાં આ મામલો લોકોના ગળે ઉતરતો નથી.

દર્દીએ આ દાવો કર્યો :

દર્દી સમરનાથને જણાવ્યું કે ગામમાં જ કેટલાક લોકો સાથે મારો વિવાદ થયો હતો. દારૂ પીધા પછી લોકો મારા પ્રાઈવેટ પાર્ટમાં ગ્લાસ નાખ્યો હતો. જ્યારે હું ભાનમાં આવ્યો, ત્યારે દુખાવો શરૂ થયો. 5 દિવસથી પેટમાં થોડો દુખાવો હતો અને ખાવા-પીવાનું પણ બંધ કરી દીધું હતું. જે બાદ ડોક્ટર પાસે ગયા.

ત્યાં એક્સ-રે કરવામાં આવ્યો તો ખબર પડી કે પેટમાં સ્ટીલનો ફુલ સાઈઝનો ગ્લાસ છે. હાલમાં ઓપરેશન બાદ દર્દીને રાહત મળી હશે, પરંતુ લોકો માની શકતા નથી કે ગ્લાસ તેના પ્રાઈવેટ પાર્ટ દ્વારા દર્દીના પેટ સુધી પહોંચ્યો હતો.

આ પણ વાંચો :-

સુરતમાં ઢોર પકડવા ગયેલી મનપાની ટીમ પર મહિલાઓ ઘાતક હથિયારો લઈ તૂટી પડી

News Editor
-
0

In Surat, the women attacked

  • ધારદાર હથિયાર અને લાકડીના ફટકા વડે હુમલો કરતા મનપાના  SRP  સિક્યુરિટી જવાનને ઈજા થઇ હતી. હુમલો કર્યા બાદ ઢોર માલિકો પોતાના ઢોર છોડાવી નાસી છૂટયા હતા. મનપાના કર્મચારીઓએ ગોડાદરા પોલીસ મથક ખાતે પોલીસ ફરિયાદ નોધાવી.

સુરત (Surat)ના ગોડાદરા વિસ્તાર (Godadara Area)માં સુરત મનપા (SMC)ની દબાણખાતાની ટીમ પર ઢોર માલિકો અને મહિલાઓએ મળીને હિંસક હુમલો કર્યો હતો. મનપાની ટીમ જ્યારે ઢોર પકડવા ગઈ હતી તે દરમિયાન મનપાના કર્મચારીઓ પર હથિયારો વડે હુમલો (Assault with weapons) કરતા પોલીસ મથકમાં ફરિયાદ કરવામાં આવી છે. આ હુમલામાં મહિલાઓ પણ હાથમાં હથિયારો લઇને મનપાની ટીમના કર્મચારીઓ પર તુટી પડી હતી.

સુરત મહાનગર પાલિકાની ઢોર પકડવા જતી ટીમ પર અવારનવાર હુમલાની ઘટનાઓ સુરતમાં સામે આવતી રહે છે તેવામાં સુરતના ગોડાદરા વિસ્તારમાં આવેલા સંતનું ચાર રસ્તા પર મનપાની ટીમ પર હુમલો થયો હોવાની ઘટના બની હતી. સુરત મહાનગર પાલિકાની દબાણખાતાની રસ્તે રખડતા ઢોર પકડતી ટીમ રોડ પર રખડતા ઢોરને પકડવા માટે ગઈ હતી. મનપાની ટીમે સંતનું ચાર રાસ્ત પર ઢોર પકડીને મનપાના વાહનમાં ચડાવી રહ્યા હતા તે દરમ્યાન ઢોરના માલિકો એ ત્યાં પહોંચી બબાલ કરી હતી.

જોતજોતામાં મહિલાઓ પણ ત્યાં પહોંચી ગઈ હતી અને ઢોરના માલિકોએ મહિલાઓને આગળ કરી પોતાના ઢોર છોડાવતા હતા તે દરમ્યાન SRP સિક્યોરિટી જવાન તેમને રોકવા જતા તેમના પર હુમલો કરાયો હતો. ત્યાર બાદ મનપાના કર્મચારીઓ વચ્ચે પડતા તેમના પર પણ હુમલો કરાયો હતો. એટલું જ નહીં આ દરમિયાન મહિલાઓના હાથમાં લાકડીઓની સાથે દારદાર હથિયારો પણ હતા. સાથે જ મહિલાઓએ આ ધારદાર હથિયાર અને લાકડીના ફટકા વડે હુમલો કરી મનપાના SRP સિક્યુરિટી જવાનને ઇજા પણ પહોંચાડી હતી.

હુમલો કર્યા બાદ ઢોર માલિકો પોતાના ઢોર છોડાવી નાસી છૂટયા હતા. મનપાના કર્મચારીઓએ ગોડાદરા પોલીસ મથક ખાતે પોલીસ ફરિયાદ કરી હતી. હાલ ગોડાદરા પોલીસે ફરિયાદના આધારે ગુનો નોંધવા તજવીજ હાથ ધરી છે. જોકે આ પ્રકારની ઘટના પહેલી વખત સામે નથી આવી.

ભૂતકાળમાં ઢોર પકડવા ગયેલી મહાનગરપાલિકાની ટીમો પર હુમલા થઈ ચૂક્યા છે. આ મામલે કાયદેસરની કાર્યવાહી કરવામાં આવ્યા છતાં પણ આ પ્રકારના હુમલા કાયમી થાય છે. જોકે હવે પશુપાલકો મહિલાઓને આગળ ધરીને પોતાના ઢોર છોડાવતા હોય છે.

આ પણ વાંચો :-

8 વેરિએન્ટ્સમાં લોન્ચ થશે અલ્ટો K10, આટલું પાવરફૂલ હશે એન્જીન, જાણો ખૂબીઓ

News Editor
-
0

Alto K10 will be launched

  • મારૂતિ અલ્ટો K10 સ્ટાડર્ડ, સ્ટાડર્ડ (O), LXI, LXI (O), VXI, VXI(O), VXI+ અને VXI+ (O) વેરિએન્ટમાં લોન્ચ થશે. નવી અલ્ટો ફક્ત વેરિએન્ટમાં અલગ નહી પરંતુ સાઇઝ અને ડાઇમેંશનના મામલે પણ અલગ હશે.

મારૂતિ સુઝુકી (Maruti Suzuki) પોતાની નવી જનરેશન અલ્ટો કાર આ મહિને લોન્ચ કરવાની છે. કંપની આ એન્ટ્રી લેવલ હેચબેક કાર બે અલગ એન્જીન ઓપ્શનમાં લોન્ચ કરશે. K10 માં 1.0 લીટર મોટર પાવરવાળું એન્જીન લાગેલું છે. આ તમામ જાણકારીઓ ઉપરાંત વધુ એક વાત આ નવી જનરેશન મારૂતિ અલ્ટોને લઇને સામે આવી છે. એપ્રૂવલ સર્ટિફિકેટના અનુસાર હવે નવી અલ્ટો 8 વેરિએન્ટમાં લોન્ચ થશે.

ઓટો વેબસાઇટ રશ લેનના અનુસાર મારૂતિ અલ્ટો K10 સ્ટાડર્ડ, સ્ટાડર્ડ (O), LXI, LXI (O), VXI, VXI(O), VXI+ અને VXI+ (O) વેરિએન્ટમાં લોન્ચ થશે. નવી અલ્ટો ફક્ત વેરિએન્ટમાં અલગ નહી પરંતુ સાઇઝ અને ડાઇમેંશનના મામલે પણ અલગ હશે.

શું થશે કારના નવા ડાઇમેંશન :

એપ્રૂવલ સર્ટિફિકેટ દ્રારા સ્પષ્ટ થઇ રહ્યું છે કે નવી અલ્ટોની સાઇઝ જોનીની તુલનામાં અલગ હશે. કારની લંબાઇ 3530mm, પહોળાઇ 1490mm અને ઉંચાઇમાં 1520mm હશે. આ ઉપરાંત વ્હીલબેસની વાત કરીએ તો 2380mm હશે. અલ્ટો કારનું કુલ વજન 1150 કિલોગ્રામ છે. અલ્ટો K10 માં 998CC નું એન્જીન આપવામાં આવ્યું છે. આ એન્જીન 5 હજાર RPM પર 66 BHP ની તાકાત જનરેટ કરશે. આ એન્જીન મેન્યુઅલ અને ઓટોમેટિક બંને વર્જનમાં મળશે. બંને જ 5 સ્પીડ ફેરની સાથે હશે.

ક્યારે ઉઠશે પડદો ?

અત્યાર સુધીની જાણકારી અનુસાર મારૂતિ સુઝુકી નેકસ્ટ જનરેશન અલ્ટોને 18 ઓગસ્ટના રોજ દેશ સ્મક્ષ રજૂ કરવામાં આવશે. કંપની 18 ઓગસ્ટના રોજ આ કારની વધુ જાણકારીઓ રજૂ કરવામાં આવશે.

આ પણ વાંચો :-

1...1,3551,3561,357...1,438Page 1,356 of 1,438