Home Blog Page 1243

સુરતની સૌથી ચર્ચિત બેઠક પર પ્રચાર માટે PM મોદી પોતે મેદાનમાં, પાટીદારોના ગઢમાં AAP આપી રહ્યું છે સીધી ટક્કર

News Editor
-
0

AAP is giving a direct fight to PM Modi

  • વડાપ્રધાન નરેન્દ્ર મોદી સુરતમાં જાહેરસભા અને રોડ-શો કરવા જઈ રહ્યા છે. 27મી નવેમ્બરે પીએમ મોદીનો એરપોર્ટથી મોટા વરાછા સુધી રોડ શો યોજાશે. સાથે પાટીદારોના ગઢ સમાન મોટા વરાછામાં જાહેર સભા યોજાશે.

પાટીદારોના ગઢ સુરતમાં PM મોદીની જાહેર સભા :

વડાપ્રધાન નરેન્દ્ર મોદી (Prime Minister Narendra Modi) ઉપરા ઉપરી ગુજરાતના પ્રવાસે આવી રહ્યા છે અને સભાઓ ગજવી રહ્યા છે. આ તરફ હવે વડાપ્રધાન નરેન્દ્ર મોદી પાટીદારોના ગઢ સુરતની (Surat) મુલાકાતે આવવાના છે. રાજ્યમાં વિધાનસભાની ચૂંટણીને લઈ વડાપ્રધાન નરેન્દ્ર મોદી આગામી 27 નવેમ્બરે સુરતમાં આવવાના છે. જેને લઈ સુરત ભાજપની ટીમ કવાયતમાં લાગી છે. પીએમ મોદીનો એરપોર્ટથી મોટા વરાછા (Mota Varacha) રૂટ પર રોડ શો યોજાશે. સાથે પાટીદારોના (Patidar) ગઢ સમાન મોટા વરાછામાં જાહેર સભા યોજાશે.

રાત્રિ રોકાણ પણ સુરતમાં જ કરશે PM મોદી :

મહત્વનું છે કે સુરત સહિત ગુજરાતની ચૂંટણીમાં આ વખતે કોંગ્રેસની સાથે સાથે આમ આદમી પાર્ટી પણ મેદાને છે. તેવામાં હવે પાટીદાર પ્રભુત્વવાળી બેઠકો પર PMનો રોડ-શો અને જાહેર સભા યોજાશે. મોટા વરાછામાં જાહેર સભા પૂર્ણ થયા બાદ પીએમ મોદી રાત્રિ રોકાણ પણ સુરતમાં જ કરશે. તેઓ બીજા દિવસે બપોરે 12 વાગ્યા સુધી સુરતમાં રોકાણ કરશે.

ગત વખતે ભાજપને પ્રચાર કરવા માટે ભારે મુશ્કેલી થઈ :

વર્ષ 2017 વિધાનસભાની ચૂંટણીમાં સુરતની વરાછા બેઠક પર ભાજપના કાર્યકર્તાઓને પ્રચાર કરવા માટે ભારે મુશ્કેલી થઈ હતી. આ વિસ્તારમાં આંદોલનને લગતા વિરોધ પ્રદર્શન પણ થયા હતા. ભાજપને પ્રચારમાં પણ ઘણી મુશ્કેલીનો સામનો કરવો પડ્યો હતો. તેમ છતા ભાજપે આ બેઠકને જાળવી રાખી હતી. ત્યારે જોવાનું એ રહ્યું કે પાટીદારોનું દિલ જીતવામાં આ વખતે કોણ સફળ થાય છે. ભાજપ, આપ કે કોંગ્રેસ.

આ પણ વાંચો :-

અમિતાભ બચ્ચનનું નામ કે ફોટો ગમે ત્યાં વાપર્યો તો તમારું આવી બન્યું સમજો ! કોર્ટે આપ્યો ચુકાદો

News Editor
-
0

If Amitabh Bachchan’s name or photo

  • કેટલીક કંપનીઓ અમિતાભ બચ્ચનના નામ, અવાજ અને વ્યક્તિત્વનો ખોટો ઉપયોગ કરી રહી હતી અને બચ્ચને તેની અરજીમાં કહ્યું છે કે જે લોકો આ કામ કરી રહ્યા છે એ ખોટું છે.

બોલિવૂડના (Bollywood) શહેનશા કહેવાતા અમિતાભ બચ્ચને (Amitabh Bachchan) દિલ્હી હાઈકોર્ટમાં (Delhi High Court) અરજી દાખલ કરી છે કે ઘણી કંપનીઓ તેમની પરવાનગી વિના તેમના નામ, અવાજ અને વ્યક્તિત્વનો ઉપયોગ કરી રહી છે. જો કે આપણ બધાએ જાણીએ છીએ કે આ ઘટના ઘણા લાંબા સમયથી બની રહી છે. જણાવી દઈએ કે અમિતાભ બચ્ચન તેમના હકમાં તેમના પબ્લિસિટી (Publicity) અને પર્સનાલિટી (Personality) અધિકારો ઈચ્છે છે અને પ્રખ્યાત પબ્લિક ફિગર (Public Figure) હોવાને કારણે અમિતાભ બચ્ચન નથી ઈચ્છતા કે તેમની પરવાનગી વગર કોઈ તેમની ઓળખનો ઉપયોગ કરે.

જણાવી દઈએ કે તેમાં પણ અમિતાભને રાહત મળી છે. જણાવી દઈએ કે જસ્ટિસ ચાવલાએ ઓથોરિટી અને ટેલિકોમ ડિપાર્ટમેન્ટને અમિતાભ બચ્ચનનું નામ, ફોટો અને પર્સનાલિટી ટ્રેટસ જે સાર્વજનિક રૂપે ઉપલબ્ધ છે તેને તાત્કાલિક દૂર કરવા માટે આદેશો જારી કરવામાં આવ્યા છે.

આ સિવાય કોર્ટે ટેલિકોમ સર્વિસ પ્રોવાઈડર્સને પણ એ ફોન નંબર વિશે જાણકારી આપવા માટે કહ્યું છે જે બચ્ચનના નામ અને અવાજનો ગેરકાયદેસર ઉપયોગ કરી રહ્યા છે. આ ઉપરાંત ઈન્ટરનેટ સર્વિસ પ્રોવાઈડર્સને આવી ઓનલાઈન લિંક્સ હટાવવા માટે કહેવામાં આવ્યું છે જે બચ્ચનના પર્સનાલિટી રાઈટસને ખરાબ કરે છે.

શું હતો સમગ્ર મામલો?

જણાવી દઈએ કે કેટલીક કંપનીઓ અમિતાભ બચ્ચનના નામ, અવાજ અને વ્યક્તિત્વનો ખોટો ઉપયોગ કરી રહી હતી અને બચ્ચને તેની અરજીમાં કહ્યું છે કે જે લોકો આ કામ કરી રહ્યા છે એ ખોટું છે. કોમર્શિયલ ઈન્ડસ્ટ્રીમાં એ વસ્તુ પર કંટ્રોલ કરવો જોઈએ. જણાવી દઈએ કે સોશિયલ મીડિયા પ્લેટફોર્મ પર અમિતાભ બચ્ચનના નામે એક લોટરીની જાહેરાત પણ ચાલી રહી છે અને ત્યાં પ્રમોશનલ બેનર પર તેમનો ફોટો પણ પ્રદર્શિત કરવામાં આવ્યો છે અને તેના પર KBC નો લોગો પણ લગાવવામાં આવ્યો છે.

વરિષ્ઠ વકીલ હરીશ સાલ્વેએ અમિતાભ બચ્ચન દ્વારા અરજી રજૂ કરી હતી અને કહ્યું હતું કે મારા ક્લાઈન્ટના વ્યક્તિત્વ અધિકારોનું ઉલ્લંઘન થઈ રહ્યું છે અને તે ઈચ્છે છે કે કોઈપણ જાહેરાતમાં તેના નામ, અવાજ અને વ્યક્તિત્વનો ઉપયોગ ન થવો જોઈએ અને તેને કારણે તેની ઈમેજ બગડે છે.

જણાવી દઈએ કે રિપોર્ટ્સમાં સામે આવી રહ્યું છે કે અમિતાભ બચ્ચન એક મોટી સેલિબ્રિટી છે અને આવી સ્થિતિમાં તેમના નામનો ઉપયોગ કોઈપણ પ્રકારના પ્રચારમાં થઈ શકે નહીં. અને એ માટે જાહેરાત કંપનીઓ પર પ્રચાર અધિકારોનું ઉલ્લંઘન કરવાનો આરોપ લગાવ્યો છે. અમિતાભ બચ્ચનના વકીલે પણ કોર્ટને કહ્યું હતું કે બચ્ચન એક પ્રખ્યાત વ્યક્તિ છે.

કોઈ જાહેરાતમાં તેમની પરવાનગી વિના તેમનું આ રીતે પ્રતિનિધિત્વ કરવું તે પણ ખોટું છે. જો એડ કંપનીઓ અમિતાભ બચ્ચનના નામ અને અવાજનો ઉપયોગ કરવા માંગે છે. તો તેઓ અભિનેતાની પરવાનગીથી જ કરી શકે છે.

આ પણ વાંચો :-

સલમાન ખાન જેવી બોડી બનાવવા માગતા યુવકે ઘોડાનું ઈંજેક્શન લગાવી લીધું, બાદમાં થઈ જોવા જેવી

News Editor
-
0

The young man who wanted

  • સિક્સ પેક એબ્સ માટે આજના યુવાનો પોતાની જિંદગીને દાવ પર લગાવતા પણ અચકાતા નથી. ડોક્ટરની સલાહ વિના જ દવાઓ અને સપ્લીમેન્ટ લઈ રહ્યા છે. તેના ગંભીર પરિણામ પણ સામે આવી રહ્યા છે.

સિક્સ પેક એબ્સ (Six pack abs) માટે આજના યુવાનો પોતાની જિંદગીને દાવ પર લગાવતા પણ અચકાતા નથી. ડોક્ટરની સલાહ વિના જ દવાઓ અને સપ્લીમેન્ટ (supplement) લઈ રહ્યા છે. તેના ગંભીર પરિણામ પણ સામે આવી રહ્યા છે. ઈન્દોરમાંથી (Indore) આવો જ એક મામલો સામે આવ્યો છે. એક યુવકે સલમાન ખાન જેવી બોડી બનાવવાની ઈચ્છાથી ઘોડાને લગાવાનું ઈંજેક્શન (Injection) લગાવી દીધુ હતું.

એક દુકાનદારે તેને કહ્યું હતું કે પ્રોટિન પાઉડરની સાથે સાથે આ ઈંજેક્શનથી તેની બોડીમાં ફેરફાર થશે. યુવકની બોડી તો સલમાન ખાન જેવી ન થઈ પણ તેની તબિયત ચોક્કસથી ખરાબ થઈ ગઈ. શરીદમાં દુખાવો થવા લાગ્યો. લીવરમાં સોજો આવી ગયો. બાદમાં તેને ખબર પડી કે તેણે જે ઈંજેક્શન લગાવ્યું છે તે ઘોડાને લગાવાનું ઈંજેકશન છે.

આ મામલો ઈન્દોરના વિજય નગર વિસ્તારનો છે. છોડા બાંગડદા નિવાસી જય સિંહ બે મહિનાથી જીમમાં જઈ રહ્યો છે. તેણે ડોક્ટરની સલાહ વગર જ પ્રોટીન પાઉડર અને એક ઈંજેક્શન લગાવી લીધું હતું. જે બાદ તેની તબિયત ખરાબ થઈ. લીવરમાં સોજો આવી ગયો. આખા શરીરમાં ખાસ કરીને પેટમાં દુખાવો થવા લાગ્યો.

જ્યારે તે ડોક્ટર પાસે બતાવવા ગયો તો ખબર પડી કે તેણે જે ઈંજેક્શન લીધું હતું કે ઘોડાને લગાવાનું હતું. આ મામલે વિજય નગર પોલીસ સ્ટેશનમાં ફરિયાદ પણ નોંધાવી છએ. દુકાનદાર મોહિત આહૂજા વિરુદ્ધ ફરિયાદ પણ લખાવી છે.

જય સિંહનું કહેવુ છે કે દુકાન સંચાલક મોહિત આહૂજાએ દાવો કર્યો હતો કે પ્રોટીન પાઉડર અને ઈંજેક્શન લગાવ્યા બાદ શરીરમાં ચેન્જ થવા લાગશે. બે મહિના બાદ ફરક દેખાવા લાગશે. પહેલો ડોઝ લગાવ્યા બાદ તેની તબિયત ખરાબ થઈ ગઈ. પોલીસ હવે એ ચેક કરી રહી છે કે દુકાનદારે અત્યાર સુધીમાં કેટલા લોકોને આ ઈંજેક્શન લગાવ્યા છે. તેના આધાર પર તેના પર કેસ નોંધાશે.

આ પણ વાંચો :-

માલધારી સમાજે વધાર્યું ભાજપનું ટેન્શન ! 40 બેઠકો પર પડી શકે છે સીધી જ અસર, સમજો આખું સમીકરણ 

News Editor
-
0

Maldhari society increased the tension of BJP

  • તાજેતરમાં માલધારી સમાજની મહાપંચાયતમાં સૌએ એક અવાજે લોકશાહીની શક્તિ બતાવવાનો સંકલ્પ લઈને ભાજપ વિરુદ્ધ મતદાન કરવા હાકલ કરી હતી.

ગુજરાતમાં વિધાનસભાની (Gujarat Election) ચૂંટણી પહેલા હવે ભાજપ સામે માલધારી (Maldhari) સમાજ નારાજ હોવાનું સામે આવ્યું છે. વાત જાણે એમ છે કે ગુજરાતની સત્તાધારી ભારતીય જનતા પાર્ટીની સરકાર તેમના સમુદાયને અન્યાય કરી રહી હોવાનો આક્ષેપ કરીને પશુપાલક (Cattle breeder) માલધારી સમાજના સભ્યોએ ભાજપનો વિરોધ કરવાની જાહેરાત કરી છે. તાજેતરમાં માલધારી સમાજની મહાપંચાયતમાં સૌએ એક અવાજે લોકશાહીની શક્તિ બતાવવાનો સંકલ્પ લઈને ભાજપ વિરુદ્ધ મતદાન (Vote Against Bjp) કરવા હાકલ કરી હતી.

માલધારી મહાપંચાયતના પ્રવક્તા નાગજીભાઈ દેસાઈ દ્વારા જાહેર કરાયેલા નિવેદનમાં જણાવાયું છે કે, છેલ્લા દોઢ વર્ષથી ભાજપ સરકારથી સમાજ ભારે નારાજ છે. આ નિવેદનમાં તેમણે કોંગ્રેસના (Congress) વખાણ કર્યા હતા અને પ્રદેશ પ્રમુખ જગદીશ ઠાકોરનો પણ આભાર માન્યો હતો. જેમણે ભૂતકાળમાં સમાજ માટે સમર્થન દર્શાવ્યું હતું. માલધારી સમાજે ફરી એકવાર તેમની પડતર માંગણીઓ તરફ ધ્યાન દોરીને ભાજપ વિરૂદ્ધ મતદાન કરવા અપીલ કરી હતી અને મતદાનનો હથિયાર તરીકે ઉપયોગ કરવાનો નિર્ણય કર્યો હતો. સમાજના સભ્યોએ ભાજપને પાઠ ભણાવવાની વાત કરી હતી.

માલધારી સમાજની માંગણીઓ શું છે ? 

નાગજીભાઈ દેસાઈના જણાવ્યા મુજબ માલધારી સમાજની મુખ્ય માંગણીઓમાં માલધારી રહેણાંક વિસ્તારની સ્થાપના, સમાજના સભ્યો સામેના ખોટા પોલીસ કેસો પાછા ખેંચવા, જંગલ વિસ્તારમાં રહેતા સમુદાયના લોકોને ખેડૂત બનવાનો અધિકાર અને અનુસૂચિત જાતિનો સમાવેશ થાય છે. ગીર બરડા અને આલેચ ના વન વિસ્તારમાં રહેતા સમુદાયના લોકોને અનુસૂચિત જનજાતિનો દરજ્જો આપવા બાબતે અનેક માંગણીઓ પડતર છે.

જાણો ક્યારથી વિરોધ શરૂ થયો ? 

ગુજરાતના શહેરી વિસ્તારો માટે રખડતા ઢોર નિયંત્રણ બિલ પસાર થયું ત્યારે માલધારી સમુદાયે સૌપ્રથમ ભાજપનો વિરોધ કર્યો હતો. આ વર્ષે 18 સપ્ટેમ્બરે માલધારી સમાજ દ્વારા આ બિલને રદ્દ કરવાની માંગણી માટે મહાપંચાયતનું આયોજન કરવામાં આવ્યું હતું.

ગાંધીનગર નજીક શેરથા ગામમાં આયોજિત આ મહાપંચાયતમાં પચાસ હજાર સભ્યોએ ભાગ લીધો હતો. તેના એક દિવસ બાદ રાજ્યપાલ આચાર્ય દેવવ્રતે આ બિલ રાજ્ય સરકારને પુનર્વિચાર માટે મોકલ્યું હતું. તેને 21 સપ્ટેમ્બરે વિધાનસભામાં સર્વાનુમતે પાછું ખેંચી લેવામાં આવ્યું હતું.

ગુજરાતમાં માલધારી સમાજ મોટી વોટ બેંક  :

પશુપાલક માલધારી સમુદાય ગુજરાતમાં એક મોટી વોટ બેંક છે, તેમને હાંસલ કરવા માટે સરકારે સપ્ટેમ્બરમાં રખડતા ઢોર નિયંત્રણ બિલને પાછું ખેંચી લીધું હતું. એવું માનવામાં આવે છે કે ગુજરાતમાં માલધારી સમાજ 40 થી 45 બેઠકો ધરાવે છે. સમુદાયના લોકો પણ આ બેઠકો પર કિંગમેકર હોવાનો દાવો કરે છે.

સપ્ટેમ્બર મહિનામાં યોજાયેલી મહાપંચાયતમાં પણ માલધારી સમાજના લોકોએ ભાજપને મત નહીં આપવાનો સંકલ્પ લીધો હતો. હવે ફરી એકવાર આ વાતનું પુનરાવર્તન કરીને ભાજપના દિલના ધબકારા વધી ગયા છે.

આ પણ વાંચો :-

વડોદરામાં ભાજપનો સપાટો, મધુ શ્રીવાસ્તવના પુત્રી સહિત 51 હોદ્દેદારો-કાર્યકરો પાર્ટીમાંથી સસ્પેન્ડ

News Editor
-
0

BJP in Vadodara

  • ભારતીય જનતા પાર્ટીમાં આ વખતે ચૂંટણીમાં ટિકિટ ન મળતા ઘણા નેતાઓ નારાજ છે. પાર્ટીએ 39 જેટલા સીટિંગ ધારાસભ્યોની ટિકિટ કાપી નાખી છે. આ વચ્ચે ઘણા ધારાસભ્યોએ અપક્ષથી ચૂંટણી લડવા ફોર્મ ભર્યા છે.

વડોદરામાં (Vadodara) પાર્ટીમાં જ રહીને પક્ષને નુકસાન કરનારા 51 જેટલા લોકોને ભાજપે એકસાથે સસ્પેન્ડ કરી દીધા છે. જેમાં વાઘોડિયાના (Vaghodiya) દબંગ નેતા મધુ શ્રીવાસ્તવના (Madhu Srivastava) પુત્રી નીલમ શ્રીવાસ્તવ પણ સામેલ છે.

ભાજપે કોને-કોને સસ્પેન્ડ કર્યા ?

વડોદરા જિલ્લા ભાજપે ગઈકાલે મોટી કાર્યવાહી કરતા પાર્ટી વિરુદ્ધ કામગીરી કરનારા પાદરા અને વાઘોડિયા તાલુકાના બળવાખોરો સામે લાલ આંખ કરતા 51 જેટલા લોકોને સસ્પેન્ડ કરી દીધા છે. જેમાં પાદરા નગરપાલિકાના 10 સદસ્યોને સામેલ છે. બીજી તરફ વાઘોડિયામાં અપક્ષમાંથી ઉમેદવારી નોંધાવનારા વાઘોડિયાના દબંગ નેતા મધુ શ્રીવાસ્તવના પુત્રી નીલમ શ્રીવાસ્તવને પણ ભાજપે પાર્ટીમાંથી સસ્પેન્ડ કરી દીધા છે.

આ પહેલા ગત અઠવાડિયે જ ભાજપે મધુ શ્રીવાસ્તવ, દિનુ મામાએ અપક્ષથી ઉમેદવારી નોંધાવતા તેમને પાર્ટીમાંથી સસ્પેન્ડ કર્યા હતા. ત્યારે હવે આ નેતાઓના સમર્થકોને પણ પાર્ટીમાંથી બહારનો રસ્તો બતાવી દેવામાં આવ્યો છે.

મહિસાગર જિલ્લામાં પણ 8 નેતાઓ સસ્પેન્ડ :

નોંધનીય છે કે, આ પહેલા ગઈકાલે જ મહિસાગર જિલ્લામાં પણ અપક્ષના નેતાનો પ્રચાર કરનારા 8 જેટલા નેતાઓને ભાજપે સસ્પેન્ડ કરી દીધા હતા. જિલ્લા ભાજપ પ્રમુખે 8 હોદ્દેદારો પર આકરા પગલાં ભર્યા હતા. તેમણે અપક્ષ ઉમેદવાર જે.પી પટેલનો પ્રચાર કરતા આ તમામ ભાજપના નેતા સામે લાલ આંખ કરી હતી.

પાર્ટીએ તમામ માહિતી એકઠી કર્યા પછી તાત્કાલિક ધોરણે 8 નેતાને સસ્પેન્ડ કરતા ચર્ચાનો મુદ્દો ગરમાયો હતો. સસ્પેન્ડ લેટરમાં ભાજપે જણાવ્યું છે કે આ પગલાં તમામ પ્રકારના વીડિયો પુરાવા ચકાસ્યા પછી લેવામાં આવ્યા છે.

આ પણ વાંચો :-

પત્નીના ત્રાસનો VIDEO બનાવ્યો, બાદમાં 2 ફૂલ જેવા બાળકોને કેનાલમાં ફેંકી અને યુવાને પણ ઝંપલાવ્યું, કાળજુ કંપાવતી ઘટના

News Editor
-
0

Video made of torture of wife

  • કણભાના પરઢોલ ગામના યુવકે પોતાના બે બાળકો સાથે આપઘાત કરી લેતા અરેરાટી મચી જવા પામી છે. પત્નીના ત્રાસથી વિડીયો બનાવીને યુવકે કેનાલમાં પડતું મૂકીને આપઘાત કરી લીધો હતો.

કણભાના (Kanbha) પરઢોલ ગામના વિનોદ ઠાકોરએ પત્ની અને સાસરિયાના ત્રાસથી આયખું ટૂંકાવી લીધું છે. યુવકે વિડીયો (Video) બનાવીને કેનાલમાં ઝંપલાવ્યું હતું. વિનોદએ  પ્રથમ પોતાના 2 બાળકોને આરવ અને ઋષભને કેનાલમાં (Canal) ફેંકી ત્યારબાદ આપઘાત કરી લીધો હતો. આપઘાત કરતા પહેલા તેને પોતાના માતા પિતાને યાદ કરીને પત્નીનાઆ ત્રાસની વેદના વ્યક્ત કરી હતી. આ ઘટનાએ પરઢોલ ગામમાં માતમ ફેલાઈ દીધો છે. હસતો રમતો પરિવાર સામાન્ય ઝઘડાને લઈને પલભરમાં વિખેરાઈ ગયો હતો.

6 વર્ષ પહેલાં વિનોદ ઠાકોરના લગ્ન થયા હતા :

6 વર્ષ પહેલાં વિનોદ ઠાકોરના લગ્ન કોમલ ઠાકોર સાથે થયા હતા. બન્ને ફૂલ જેવા બે બાળકો હતા. વિનોદ ખેતીવાડીમાં મજૂરી કરીને પરિવારનો ગુજરાન ચલાવતો હતો. માતા પિતાનો એકનો એક દીકરો હતો. પરંતુ 7 મહિના સામાન્ય બાબતે પત્ની કોમલ સાથે ઝઘડો થતા તે રિસાઈને પિયર જતી રહી.

તેને મનાવવાનો અનેક પ્રયાસ બાદ પણ તે પરત આવી ન હતી. ત્યારબાદ સાસરિયા છૂટાછેડા અને ભરણપોષણના નામે 10 લાખની માંગ કરી રહ્યા હોવાનો આક્ષેપ તેના પિતાએ કર્યો હતો. આ દબાણ અને તણાવમાં વિનોદએ આપઘાતનું અંતિમ પગલું ભર્યું હોવાની રાવ ઉઠાવી હતી.

પત્નીના ત્રાસથી વિડીયો બનાવીને યુવકે કેનાલમાં પડતું મૂક્યું :

2 સંતાન સાથે રાયપુર કેનાલમાં આત્મહત્યા કરનાર વિનોદનો મૃતદેહ અડાલજ કેનાલથી મળ્યો. જ્યારે 3 વર્ષના આરવનો મૃતદેહ કડીના બાવલુ નજીકથી મળ્યો જ્યારે ઋષભનો કડી કેનાલથી બહાર કાઢવામાં આવ્યો હતો.  બાળકોની ચિચિયારીઓથી ગુંજતું આ ઘરમાં આક્રંદ જોવા મળે છે. આ પરિવાર ન્યાનની માંગ કરી રહ્યો છે. ઘરના વંશવેલો ગુમાવી દેનાર પિતાની આંખો ન્યાય માંગે છે.

ત્યારે આ કેસમાં બે જુદા જુદા પોલીસ સ્ટેશનમાં અકસ્માત મોત નોંધીને તપાસ શરૂ કરાઇ છે. પરંતુ આપઘાતનું કારણ બનેલી પુત્રવધુ વિરુદ્ધ ફરિયાદ નોંધીને તેને સજા આપવાની માંગ માતા પિતા કરી રહ્યા છે. હાલમાં પોલીસે આ કેસમાં પરિવારના નિવેદન લઈને વધુ તપાસ શરૂ કરી છે.

આ પણ વાંચો :-

આટલું કરશો તો ફોનમાંથી ક્યારેય લીક નહીં થાય પ્રાઈવેટ ફોટો અને વીડિયો, ન કરતા આવી ભૂલ

News Editor
-
0

If you do this private photos

  • જો ફોનમાંથી પર્સલન ફોટો-વીડિયો લીક થયાના અહેવાલ આવતા રહે છે. એવામાં જરૂરી છે કે તમે સાવધાન રહો. એક ભૂલથી તમારી પર્સનલ ઈમેજ ઈન્ટરનેટ પર લીક થઇ શકે છે. અહીં ફોટો પરથી ફોટો-વીડિયો લીક થવાના કારણો અંગે જણાવી રહ્યાં છે.

મોબાઈલમાંથી વીડિયો-ફોટો લીક થવાના ઘણા કારણ હોઈ શકે :

ફોનમાંથી પ્રાઈવેટ ફોટો લીક (Private photo leaked) થવો કોઈ સામાન્ય વાત નથી. પહેલા પણ ઘણી વખત ફોનમાંથી પ્રાઈવેટ ફોટો લીક થયાના રિપોર્ટ્સ સામે આવ્યાં છે. ફોનમાં સિક્યોરિટી (Security) થયા બાદ પણ મોબાઈલમાંથી વીડિયો-ફોટો લીક (Video-photo leak) થાય છે. જેના ઘણા કારણ હોઇ શકે છે.

આ સ્થિતિમાં ફોટા લીક થઇ શકે  :

જો તમે કોઈને પોતાનો પ્રાઈવેટ ફોટો સેન્ડ કર્યો છે અને તે આ ફોટાને બીજી કોઈ જગ્યાએ ટ્રાન્સફર કરી દે છે તો ફોટા લીક થઇ શકે છે. આ ઉપરાંત જો કોઈને તમારા ફોનનું એક્સેસ મળી ગયું છે તો પણ તમારા ફોનમાં ફોટો-વીડિયોને ટ્રાન્સફર કરી ફાઈલ લીક કરી શકે છે.

થર્ડ પાર્ટી એપ્સથી રહો સાવધાન :

ફોટો-વીડિયો લીકમાં થર્ડ પાર્ટી મૈલેશિયસ એપ્સનું પણ તેમાં મહત્વનું યોગદાન હોય છે. ઘણા એવા મૈલેશિયસ અથવા વાયરસવાળા એપ્સ હોય છે. જે તમારી પાસેથી ઘણા પ્રકારની મંજૂરી લઇ લે છે. જેનાથી આ એપ્સને તમારા ફાઈલનુ એક્સેસ પણ મળી જાય છે. આ ફાઈલ્સને રિમોટ સર્વર પર અપલોડ કરી દેવામાં આવે છે. જ્યાંથી સ્કેમર્સ આ ફાઈલ્સને થર્ડ પાર્ટીને વેચી દે છે અને તમારી ઈમેજ લીક થાય છે.

એપ ઈન્સ્ટોલ કરતા પહેલા તેના રિવ્યુને આવશ્ય ચેક કરો :

એવામાં જરૂરી છે કે તમે હંમેશા સત્તાવાર એપ સ્ટોર પરથી જ કોઈ એપને ઈન્સ્ટોલ કરો. એપ ઈન્સ્ટોલ કરતા પહેલા તેના રિવ્યુને આવશ્ય ચેક કરો. કોઈ થર્ડ પાર્ટી એપ સ્ટોર અથવા વેબસાઈટ પરથી કરવામાં આવેલા એપમાં વાયરસ હોઈ શકે છે.

આ પણ વાંચો :-

લોચો પડયો ! PM મોદીની સભામાં જેની અટકાયત કરી તેઓ ભાજપના ફોટોગ્રાફર નીકળ્યા

News Editor
-
0

The one who was detained in PM Modi

  • અમદાવાદ ગ્રામ્યની પોલીસે પીએમ મોદીની સભામાં ડ્રોન ઉડાવવાના કિસ્સામાં ભાજપ દ્વારા જ ભાડે રખાયેલા ફોટોગ્રાફરની અટકાયત કરી.

ગુજરાત વિધાનસભાની (Gujarat Election 2022) ચુંટણીને લઇને પ્રધાનમંત્રી નરેન્દ્ર મોદીથી (Prime Minister Narendra Modi) લઈને ભાજપના સ્ટાર પ્રચારકો મેદાનમાં ઉતર્યા છે. કેન્દ્રીય નેતાઓ ગુજરાતમાં સભા ગજવી રહ્યાં છે. ત્યારે વડાપ્રધાન નરેન્દ્ર મોદી (Narendra Modi) પણ બે દિવસના ગુજરાતના પ્રવાસે હતા. આજે પાલનપુર, મોડાસા, દહેગામ અને અમદાવાદના બાવળામાં તેમની સભા યોજાઈ હતી.

આ દરમિયાન PM મોદીની સભામાં ડ્રોન દેખાયું હોવાનું સામે આવતા કાર્યવાહી કરવામાં આવી હતી. ત્યારે આ મામલે મોટો ખુલાસો થયો છે. PM મોદીની સભામાં ઉડેલું ડ્રોન કોઈ મોટી ચૂક ન હોવાનું ખુલ્યુ છે. મોદીની સભાની જ ફોટોગ્રાફી માટે જ આ ડ્રોન ઉડાવાયુ હતું. ભાજપે રોકેલા ફોટોગ્રાફર જ આ ડ્રોન ઉડાડતા હોવાનું ખુલ્યું છે.

આજે અમદાવાદના બાવળામાં PM નરેન્દ્ર મોદીની સભા દરમ્યાન ડ્રોન ઉડાડવામા આવ્યુ હતું. ‘નો ફ્લાઈંગ ઝોન’નું જાહેરનામું હોવા છતાં ડ્રોન કેમેરાથી શૂટિંગ કરવામાં આવ્યું હતું. સભા સ્થળે ઉડતું ડ્રોન સ્થાનિક અમદાવાદ ગ્રામ્ય પોલીસના ધ્યાને આવ્યું હતું.

modi_drone_zee.jpg

જેના બાદ પોલીસે જાહેરનામાના ભંગની ફરિયાદ કરીને ત્રણ વ્યક્તિઓની અટકાયત કરી હતી. પરમિશન વગર અને જાહેરનામાં ભંગ ડ્રોન ઉડાવવા બદલ પોલીસે કાર્યવાહી કરી હતી. જાહેરનામા ભંગનો ગુનો નોંધી પોલીસે અટકાયત કરાયેલા ત્રણેય વ્યક્તિઓની પૂછપરછ હાથ ધરી હતી.

જો કે આ પૂછપરછમાં બાદમાં ખુલાસો થયો હતો કે, BJP તરફથી જ વીડિયોગ્રાફી માટે ડ્રોન કેમેરાથી શૂટિંગ માટે ઓર્ડર આપવામાં આવ્યો હતો. પૂછપરછ દરમ્યાન ત્રણેય વ્યકિતઓ અગાઉ કોઈ ગુનામાં સંડોવાયેલ નથી માત્ર વીડિયોગ્રાફી ના વ્યવસાય સાથે સંકળાયેલા હોવાનું સામે આવ્યું હતું. પૂછપરછ બાદ થોડા જ સમયમાં મુક્તિ મળશે તેવુ અમદાવાદ ગ્રામ્ય પોલીસ દ્વારા જણાવાયું હતું.

આ પણ વાંચો :-

માત્ર 10 રૂપિયામાં 100 કિ.મી.ની મુસાફરી ! ગમે તે ને વોટ આપો તકલીફ વગર ચાલતું રહેશે તમારું સ્કૂટર !

News Editor
-
0

Travel 100 km for just 10 rupees

  • આ સ્કૂટરને બજેટ સેગમેન્ટમાં લાવવામાં આવ્યું છે અને તેની કિંમત 79 હજાર રૂપિયા રાખવામાં આવી છે. ખાસ વાત એ છે કે આ સ્કૂટર માત્ર 10 રૂપિયામાં 100 કિ.મી. ચલાવી શકાય છે તેની બેટરી સરળતાથી બહાર કાઢી શકાય છે.

હાલ ગુજરાતમાં ચૂંટણીની (Gujarat Election) મોસમ ચાલી રહી છે. ત્યારે દરેક પક્ષો વચનો વાયદાઓ અન ફ્રીની રેવડીની ગેરેંટીઓ આપી રહ્યાં છે. પણ વધતા જતા પેટ્રોલ-ડિઝલના (Petrol-Diesel) ભાવ કંટ્રોલમાં આવશે તેવું કોઈ નથી કહી રહ્યું. ત્યારે અમે આજ આપને એક એવું સ્કૂટર (scooter) સજેશ કરી રહ્યાં છીએ જે તમારી સમસ્યાનું સમાધાન કરશે. તમે ભલે કોઈપણ પાર્ટીને વોટ આપો પણ તમારું સ્કૂટર અધ વચ્ચે અટકશે નહીં અને માત્ર 10 રૂપિયામાં થઈ જશે તમારું કામ…

લોકપ્રિય ઈલેક્ટ્રીક ટુ-વ્હીલર કંપની Komaki Electricએ ભારતીય બજારમાં તેનું નવું સ્કૂટર Komaki Flora લોન્ચ કર્યું છે. ખાસ વાત એ છે કે આ સ્કૂટરને બજેટ સેગમેન્ટમાં લાવવામાં આવ્યું છે. કંપનીએ તેની કિંમત 79 હજાર રૂપિયા રાખી છે. તેને ચાર અલગ-અલગ કલર ઓપ્શનમાં લોન્ચ કરવામાં આવ્યો છે. ખાસ વાત એ છે કે આ સ્કૂટર માત્ર 10 રૂપિયામાં 100 કિ.મી. ચલાવી શકાય છે તેની બેટરી સરળતાથી બહાર કાઢી શકાય છે.

આર્થિક હોવા છતાં, આ સ્કૂટરને ખૂબ જ સ્ટાઈલિશ ડિઝાઇન આપવામાં આવી છે. તેમાં રાઉન્ડ શેપ્ડ હેડલેમ્પ્સ આપવામાં આવ્યા છે, જેની સાથે ક્રોમનો પણ ઉપયોગ કરવામાં આવ્યો છે. તેમાં આરામદાયક સીટ અને પાછળના પેસેન્જર માટે વધારાનો બેક આરામ છે. તેમાં ડ્યુઅલ ફૂટરેસ્ટ અને ફ્લેટ ફૂટ બોર્ડ પણ છે.

સ્કૂટરમાં મળેલા ફીચર્સ વિશે વાત કરીએ તો, તેમાં વાઈબ્રન્ટ ડેશબોર્ડ, રિવર્સ ગિયર, પાર્કિંગ અને ક્રૂઝ કંટ્રોલ સાથે સ્વ-ડાયગ્નોસ્ટિક મીટર જેવી સુવિધાઓ શામેલ છે. તેને કુલ ચાર રંગ વિકલ્પોમાં ઉપલબ્ધ કરાવવામાં આવ્યું છે – બ્લેક, રેડ, ગ્રે અને ગ્રીન. તેને આગળના ભાગમાં ડિસ્ક બ્રેક અને પાછળના ભાગમાં ડ્રમ બ્રેક મળે છે.

કંપનીએ જણાવ્યું કે સ્કૂટરને ફુલ ચાર્જ કરવા પર 80 થી 100 કિ.મી. સુધીની રેન્જ ઓફર કરી શકે છે. કોમાકીએ દાવો કર્યો છે કે બેટરીને સંપૂર્ણ ચાર્જ કરવા માટે 1.8 થી 2 યુનિટનો ખર્ચ થશે. જો આપણે યુનિટ દીઠ રૂ.5 ગણીએ તો પણ તમે રૂ.10 ખર્ચીને 100KMની મુસાફરી કરી શકો છો.

આ પણ વાંચો :-

 

25 નવેમ્બર 2022, રાશિફળ : સાંઈબાબાની અસીમ કૃપાથી આ રાશિના જાતકોને મળશે મનોવાંછિત ફળ

News Editor
-
0

25 November 2022, Horoscope Gujarat Guardian

મેષઃ
સ્વભાવમાં ગુસ્સાનો અનુભવ થાય. દિવસ દરમિયાન આળશ રહે. આર્થિક પાસુ મજબૂત થાય. પરિવારમાં વાદવિવાદથી દૂર રહેવું. શરદી-કફનો ઉપદ્રવ રહેતો જણાય. માતાની તબિયતની ચિંતા રહે.

વૃષભઃ
દિવસ દરમિયાન આનંદનો અનુભવ થાય. સારા સમાચાર સાંભળવા મળે. નાણાકીય બાબતોમાં લાભ મળતો જણાય. બપોર બાદ આવક ઘટતી જણાય. પ્રિયપાત્રનું મિલન શક્ય બને. દામ્પત્ય સુખમાં આનંદ.

મિથુનઃ
સ્વભાવમાં જીદનું પ્રમાણ વધે. ખોટા વિચારો મગજ ઉપર હાવી થાય. કાર્યક્ષેત્રે સફળતા હાંસલ થાય. નોકરીયાત વર્ગને આનંદ, ધંધાવાળાએ સાચવવું. બ્લડપ્રેશરના દર્દીએ વિશેષ કાળજી રાખવી જરૂરી.

કર્કઃ
દિવસની શરૂઆત આનંદથી થતી જણાય. બપોર બાદ મન અશાંત રહેતું જણાય. વિદ્યાઅભ્યાસમાં મન એકાગ્ર રહેતું જણાય. સંતાનની પ્રગતિથી આનંદ અનુભવાય. બપોર બાદ આરોગ્ય ક્ષેત્રે સાવધાની જરૂરી.

સિંહઃ
દિવસ દરમિયાન આનંદ, ઉત્સાહ, તાજગીનો અનુભવ થાય. નવા વાહનની ખરીદી સક્ય બને. નાણાકીય વ્યવહારોમાં સાવધાની રાખવી જરૂરી. માતૃપક્ષ તરફથી સુખાકારી જળવાય. સારા સમાચાર મળે. સ્વાસ્થ્ય સારું રહે.

કન્યાઃ
પરોપકાર, દાન કરવાન‌ી ભાવના પ્રબળ બને. વાણીના પ્રભાવ થકી સફળતા મળતી જણાય. પરિવારમાં સ્નેહ વધે. નવા વાહનની ખરીદી શક્ય બને. માતાની તબિયતનું ધ્યાન રાખવું. આરોગ્ય જળવાશે.

તુલાઃ
દીલમાં અજંપો વર્તાય. આવક વધતી જણાય. પરિવારના સભ્યોની તબિયતની કાળજી રાખવી જરૂરી. સ્થાવર-જંગમ મિલકત અંગેના વ્યવહારોમાં સાવધાની રાખવી જરૂરી. ભાગ્યનો સાથ મળતો જણાય.

વૃશ્ચિકઃ
મન ચંચળ રહે. ખોટા વિચારો મનનો કાબૂ લેતા જણાય. નાણાકીય બાબતો અંગે અસંતોષ રહે. જીવનસાથી સાથે પ્રેમની અનુભૂતિ થાય. પ્રિયપાત્ર સાથે વાત કરવાના સંયોગ ઉભા થતા જણાય.

ધનઃ
દિવસ દરમિયાન મુંઝવણનો અનુભવ થાય. વિચારવાયુ વધારે રહે. ખોટા વિચાર આવે. આર્થિક ફાયદો થતો જણાય. શરીરમાં ઢીલાશ અનુભવાય. હાલની પરિસ્થિતિને અનુલક્ષીને બહાર નીકળવાનું ટાળવું.

મકરઃ
આનંદ ઉત્સાહનું વાતાવરણ પેદા થાય. નવું કામ કરવાની ઈચ્છા પ્રબળ બને. પરિવારમાં શાંતિ જળવાય. આવક પણ વધતી જણાય. મિત્રો તરફથી સારા સમાચાર અને સહકાર મળતો જણાય. સ્વાસ્થ્ય સારું રહે.

કુંભઃ
માનસિક ચિંતા રહે. ખર્ચનું પ્રમાણ વધતું જણાય. ધંધા સંબંધી ચિંતા રહે. નોકરીયાતને ઉપરી અધિકારીથી ઠપકો સાંભળવો પડે. માતા વૃદ્ધ હોય તો તબિયત સાચવવી. દિવસ શાંતિથી પસાર કરી દેવો.

મીનઃ
આવકનું પ્રમાણ વધવાથી દિવસ દરમિયાન આનંદ વધે. નાના ભાઈબહેન સાથે વાદવિવાદ ટાળવો. ભાગ્યનો સાથ મળે. મિત્રો તરફથી સાથ સહકાર મળતો જણાય. આંખ અને કમરના દુઃખાવાથી સાચવવું.

આ પણ વાંચો :-

 

1...1,2421,2431,244...1,448Page 1,243 of 1,448