Home Blog Page 1089

KKR Vs PBKS : KKRના કેપ્ટન નીતિશ રાણા મુશ્કેલીમાં ફસાયા, ચૂકવવા પડશે આટલા લાખ રૂપિયા

News Editor
-
0

KKR Vs PBKS 

  • ઈન્ડિયન પ્રીમિયર લીગ સીઝન 16ની મેચમાં કોલકાતા નાઈટ રાઈડર્સે પંજાબ કિંગ્સને પાંચ વિકેટથી હરાવીને પ્લેઓફમાં પ્રવેશવાની આશા જીવંત રાખી છે.

સોમવારે રમાયેલી ઈન્ડિયન પ્રીમિયર લીગ સીઝન 16ની મેચમાં કોલકાતા નાઈટ રાઈડર્સે (Kolkata Knight Riders) પંજાબ કિંગ્સને (Punjab Kings) પાંચ વિકેટથી હરાવીને પ્લેઓફમાં પ્રવેશવાની આશા જીવંત રાખી છે. પરંતુ આ શાનદાર જીત બાદ તરત જ કોલકત્તાના કેપ્ટન નીતિશ રાણાને (Captain Nitish Rana) મોટો ઝટકો લાગ્યો છે. નીતીશ રાણા સ્લો ઓવર રેટ માટે દોષિત ઠેરવ્યો છે અને તેના પર 12 લાખ રૂપિયાનો દંડ ફટકારવામાં આવ્યો છે.

આઈપીએલ દ્વારા જાહેર કરાયેલી પ્રેસ રિલીઝમાં આ માહિતી આપવામાં આવી છે. આ પ્રેસ રીલિઝમાં કહેવામાં આવ્યું છે કે, “કોલકાતા નાઈટ રાઈડર્સના કેપ્ટન નીતિશ રાણાને દંડ ફટકારવામાં આવ્યો છે. નીતીશ રાણા અને તેની ટીમ સ્લો ઓવર રેટ માટે દોષિત ઠેરવવામાં આવી છે. કોલકત્તા આ સીઝનમાં પ્રથમ વખત સ્લો ઓવર રેટ બદલ દોષિત ઠેરવામાં આવી છે જેના કારણે તેના પર 12 લાખ રૂપિયાનો દંડ ફટકારવામાં આવ્યો છે.

નોંધનીય છે કે જો નીતિશ રાણા અને કોલકત્તા આ સીઝનમાં ફરીથી સ્લો ઓવર રેટ બદલ દોષિત સાબિત થશે તો તેની મુશ્કેલીઓ વધી શકે છે. જો બીજી વખત દોષિત ઠરશે તો સમગ્ર મેચ ફી કાપવા ઉપરાંત એક મેચનો પ્રતિબંધ પણ લાગી શકે છે.

નીતિશ રાણાનું પ્રદર્શન શાનદાર રહ્યું :

જો કે પંજાબ કિંગ્સ સામે રમાયેલી મેચમાં કેકેઆરના કેપ્ટન નીતિશ રાણાએ સારી ઇનિંગ રમી હતી. ત્રીજા નંબર પર બેટિંગ કરવા ઉતરેલા રાણાએ 38 બોલમાં 51 રન બનાવ્યા હતા. રાણાની બેટિંગની મદદથી કેકેઆરએ પંજાબ કિંગ્સ સામે 180 રનનો મુશ્કેલ લક્ષ્યાંક હાંસલ કર્યો હતો.

આ જીત સાથે KKRએ પ્લેઓફમાં રમવાની આશા જીવંત રાખી છે. આ સીઝનમાં 11 મેચ રમ્યા બાદ KKRના 10 પોઈન્ટ છે અને તે ટેબલમાં પાંચમા નંબર પર છે. જો કે પ્લેઓફમાં પ્રવેશ મેળવવા માટે KKRને છેલ્લી ત્રણ મેચ જીતવી પડશે.

આ પણ વાંચો :-

હવે અહીં બન્યું મા ઉમિયાનું ભવ્ય ધામ : ગુજરાતના ૫૧ પાટીદાર પરિવાર પાટલા યજમાન બનશે

News Editor
-
0

Now the grand abode 

  • Patidar Ma Umiya Temple In America : અમેરિકામાં મા ઉમિયાના મંદિરનો પ્રાણપ્રતિષ્ઠા મહોત્સવ થશે. રાજ્યમાંથી 51 પાટીદાર પરિવાર પાટલાના યજમાન તરીકે જોડાશે.

મા ઉમિયાના ભક્તો દેશ વિદેશમાં ફેલાયેલા છે. એક તરફ અમદાવાદના (Ahmedabad) જાસપુર ખાતે જ્યારે વિશ્વનું સૌથી ઊંચામાં ઊંચું જગત જનની મા ઉમિયાનું મંદિર વિશ્વ ઉમિયાધામ (World Umiyadham) બની રહ્યું છે. ત્યારે બીજી તરફ પાટીદારો હવે મા ઉમિયાની ભક્તિને સાત સમુદ્ર પાર લઈ જઈ રહ્યાં છે.

અમેરિકાના (America) કંટકી સ્ટેટના રિચર્મડ શહેરમાં જગત જનની મા ઉમિયાનું મંદિર નિર્માણ પામ્યું છે. આગામી ૨૧ મે ૨૦૨૩ને રવિવારના દિવસે મંદિરનો પ્રાણ પ્રતિષ્ઠા મહોત્સવ યોજાશે. જેમાં ગુજરાતના ૫૧ પાટીદાર પરિવારો પાટલાના યજમાન તરીકે જોડાયા.

મા ઉમિયા નગરયાત્રાએ નીકળશે :

આ પ્રાણ પ્રતિષ્ઠા મહોત્સવ ૦૧ મે થી શરૂ કરી ૨૧ મે, ૨૦૨૩સુધી યોજાશે. અમેરિકાની ધરતી પર પહેલીવાર મા ઉમિયાનો આવો ભવ્ય ઉત્સવ યોજાવા જઈ રહ્યો છે. રીચમોન્ડ શહેરમાં મા ઉમિયા વિશાળ નગર યાત્રાએ નીકળશે. સાથે જ નવચંડીનું પણ આયોજન કરાયું છે.

અમેરિકામાં બનેલું આ મંદિર ખાસ છે :

મંદિરમાં ઉમિયા માતાજીની મૂર્તિની સાથે અન્ય ૨૧ દેવી દેવતાઓની મૂર્તિઓ સ્થાપિત કરવામાં આવી છે. તેમજ ગણપતિજી, હનુમાનજી, રાધા-કૃષ્ણ, શ્રીના શિવ પાર્વતી લક્ષ્મી નારાથા, રામ-સીતા અને નવગ્રહ, મા અંબા બહુચરાજી સહિત છ માતાજી બિરાજમાન છે.

જાસપુરમાં બની રહેલા ભવ્ય ઉમિયા ધામ માટે અમેરિકાના ૨૫ શહેરોમાં મીટિંગ કરવામાં આવશે. આ મીટિંગ વિશ્વ ઉમિયા ધામના ટ્રસ્ટીઓ દ્વારા કરવામા આવશે. ૬ ટ્રસ્ટીઓની ટીમ ૨૫ દિવસમાં આ બેઠકો કરશે. જેનો હેતુ મા ઉમિયાની આસ્થાને વિશ્વભરમાં ઉજાગર કરવાનો છે. અમેરિકાના ઉત્સવમાં રાજ્યમાંથી ૫૧ પાટીદાર પરિવાર પાટલાના યજમાન તરીકે જોડાશે.

આ પણ વાંચો :-

ખરગોનથી ઈન્દોર જઈ રહેલી બસ બેકાબૂ બની પુલ પરથી નીચે ખાબકી, ૧૫ મુસાફરોના મોત, ૨૫ ઘાયલ

News Editor
-
0
Bus going from Khargone
  • મધ્ય પ્રદેશના ખરગોનથી ઈન્દોર જઈ રહેલી એક મુસાફર બસ પુલથી નીચે ખાબકી. ન્યૂઝ એજન્સી એએનઆઈના જણાવ્યાં મુજબ આ ગોઝારા અકસ્માતમાં ૧૫ લોકોના મોત થયા છે. જ્યારે ૨૫ જેટલા લોકો ઘાયલ થયા છે. આ અકસ્માત ઉન પોલીસ મથક હદના ગ્રામ દસંગા પુલ પર થયો.

મધ્ય પ્રદેશના (Madhya Pradesh) ખરગોનથી ઈન્દોર જઈ રહેલી એક મુસાફર બસ પુલથી નીચે ખાબકી. ન્યૂઝ એજન્સી એએનઆઈના જણાવ્યાં મુજબ આ ગોઝારા અકસ્માતમાં ૧૫ લોકોના મોત થયા છે. જ્યારે ૨૫ જેટલા લોકો ઘાયલ થયા છે. આ અકસ્માત ઉન પોલીસ મથક હદના ગ્રામ દસંગા પુલ (Dasanga Bridge) પર થયો. ઘાયલોને નજીકની હોસ્પિટલોમાં ખસેડવામાં આવી રહ્યા છે. આ અકસ્માત સવારે લગભગ ૯.૩૦ વાગે થયો.

આ અકસ્માત સવારે લગભગ ૯.૩૦ વાગે થયો. એવું કહેવામાં આવી રહ્યું છે કે બેકાબૂ બનેલી બસ પુલ પરથી નીચે જઈ ખાબકી. બસ પુલ પરથી નીચે પડ્યા બાદ મોટો અવાજ સાંભળીને આજુબાજુના સ્થાનિકો ઘટનાસ્થળે દોડ્યા. સ્થાનિકોએ બસમાં ફસાયેલા મુસાફરોને કાઢવાનું શરૂ કર્યું અને અકસ્માત અંગે પોલીસને જાણ કરી. સૂચના મળતા જ એસપી, કલેક્ટર અને ધારાસભ્ય ઘટના સ્થળે પહોંચી ગયા હતા.

ખરગોનના SP ધર્મવીર સિંહે કહ્યું કે બસ પુલ પરથી નીચે પડતા ૧૫ લોકોના મોત થયા છે. જ્યારે ૨૫ લોકો ઘાયલ થયા છે. બચાવ કાર્ય હજુ ચાલુ છે.

સરકારે વળતરની કરી જાહરાત :

મધ્ય પ્રદેશ સરકારે ખરગોન બસ દુર્ઘટનામાં મૃતકોના પરિજનોને ૦૪-૦૪ લાખ રૂપિયા, ગંભીર રીતે ઘાયલ લોકોને ૫૦-૫૦ હજાર રૂપિયા અને સામાન્ય ઈજાગ્રસ્તોને ૨૫-૨૫ હજાર રૂપિયા તત્કાળ સહાય આપવાની જાહેરાત કરી છે.

આ પણ વાંચો :-

 

લાઈવ પરફોર્મન્સ દરમિયાન ચાહકે Arijit Singh સાથે કરી એવી હરકત, સિંગરે લેવી પડી ડોક્ટરની મદદ

News Editor
-
0

લાઈવ પરફોર્મન્સ દરમિયાન ચાહકે Arijit Singh સાથે કરી એવી હરકત, સિંગરે લેવી પડી ડોક્ટરની મદદ

  • સિંગર અરિજીત સિંહે તાજેતરમાં ઔરંગાબાદમાં પરફોર્મ કર્યું હતું. શોની સફળતા છતાં એક ઘટના બની જેમાં એક મહિલાએ અરિજિતનો હાથ ખેંચી લીધો જેનાથી ગાયકને ઈજા પહોંચી.

ચાહકો કેટલીકવાર તેમના મનપસંદ સેલેબ્સ માટે તેમનો પ્રેમ દર્શાવતી વખતે તેમની મર્યાદા ભૂલી જાય છે. હાલમાં જ એક લાઈવ કોન્સર્ટ દરમિયાન અરિજીત સિંહ (Arijit Singh) સાથે પણ કંઈક આવું જ બન્યું હતું. સિંગર અરિજીત સિંહે (Singer Arijit Singh) તાજેતરમાં ઔરંગાબાદમાં (Aurangabad) પરફોર્મ કર્યું હતું. શોની સફળતા છતાં એક ઘટના બની જેમાં એક મહિલાએ અરિજિતનો હાથ ખેંચી લીધો. જેનાથી ગાયકને ઈજા પહોંચી.

ફેન્સની એક્શનથી અરિજિત ઘાયલ થયો હતો :

જો કે ઈન્ટરનેટ પર જે વસ્તુએ દરેકનું ધ્યાન ખેંચ્યું તે અરિજિતનું શાંત વર્તન હતું. જ્યારે તેણે ચાહકને આ કેમ ન કરવું જોઈએ તે સમજાવવાનો પ્રયાસ કર્યો. ઈન્ટરનેટ પર વાયરલ થઈ રહેલા વીડિયોમાં અરિજિતને એમ કહેતા સાંભળી શકાય છે કે તમારે આ સમજવું પડશે. મારી વાત સાંભળો, બોલશો નહીં. તમે મજા કરી રહ્યા હતા, તે સારું છે, પરંતુ જો હું પરફોર્મ ન કરી શકું તો તમે કેવી રીતે મજા કરશો? તમે પુખ્ત અને પરિપક્વ વ્યક્તિ છો ને? તમે મારો હાથ કેમ ખેંચ્યો મારો હાથ હવે ધ્રૂજી રહ્યો છે. મારે જવું જોઈએ?”

ચાહકે માફી માંગી :

જ્યારે અરિજિતે પૂછ્યું “શું મારે જવું જોઈએ?” આકસ્મિક રીતે અરિજિતને ઈજા પહોંચાડનાર મહિલાએ ગાયકની ઘણી વખત માફી માંગી હતી. ઈન્ટરનેટ પર ચાહકોએ અરિજીતની પ્રશંસા કરી કે તેણે પરિસ્થિતિને કેવી રીતે સંભાળી. એક પ્રશંસકે કહ્યું, “તેણે પોતાનું મગજ ગુમાવ્યું નહી, અને હજુ પણ સમજાવી રહ્યો છે.” બીજાએ કહ્યું, “તે ખરેખર દુઃખદ છે પરંતુ અરિજિતે જે રીતે તેને સારી રીતે હેન્ડલ કર્યું તે અદ્ભુત છે.”

આ પણ વાંચો :-

‘ભૂત’એ પકડયા પગ અને પછી છોકરીની જે હાલત કરી…અત્યંત ડરામણો વીડિયો, કાચાપોચા ન જુએ

News Editor
-
0

Ghost’ grabs the girl

  • Ghost viral video : સોશિયલ મીડિયા પર અવારનવાર ભાત ભાતના વીડિયો વાયરલ થતા રહે છે. જેને જોઈને ક્યારેક તો રૂવાડાં ઊભા થઈ જાય. હાલ સોશિયલ મીડિયા પર એક એવો વીડિયો વાયરલ થઈ રહ્યો છે જેમાં એક છોકરીનો પગ કોઈ અદ્રશ્ય શક્તિએ જાણે પકડી રાખ્યો હોય તેવું લાગે છે. આ શક્તિ કઈ છે તે કેમેરામાં દેખાતી નથી.

આ વાયરલ વીડિયોમાં (Viral video) તમે જોઈ શકો છો કે છોકરી તેના કામમાં વ્યસ્ત છે. ત્યારે અચાનક જમીન પર પડી જાય છે. ત્યારબાદ કોઈ છોકરીનો પગ પકડીને તેને સામેવાળા રૂમમાં લઈ જાય છે. છોકરીનો પગ કોઈ ખેંચી રહ્યું છે એ તો સારી પેઠે જોવા મળી રહ્યું છે. પરંતુ આ પગ કોણ ખેંચી રહ્યું છે તે દેખાતું નથી. થોડી પળો બાદ છોકરી રૂમમાંથી બૂમો પાડતી નીકળે છે.

ડરામણો વીડિયો થઈ રહ્યો છે વાયરલ :

આ ડરામણા વીડિયોને ટ્વિટર પર @mysteriesfootag નામના એકાઉન્ટથી શેર કરાયો છે. તેના કેપ્શનમાં લખવામાં આવ્યું છે કે Ghost attacks woman at work. આ વીડિયોને અત્યાર સુધીમાં 1.3 M વ્યૂઝ પણ મળી ચૂક્યા છે અને 10.9K લોકો તેને લાઈક કરી ચૂકયા છે.

આ વીડિયોને જોઈને યૂઝર્સ પણ પરેશાન છે અને મિક્સ રિસ્પોન્સ આપી રહ્યા છે. વીડિયોમાં સ્પષ્ટ જોઈ શકાય છે કે છોકરી કઈ રીતે ડરની મારી રૂમની અંદરથી નીકળીને ભાગી રહી છે.

આ પણ વાંચો :-

Maruti Car Discounts : મારુતિની ગાડીઓ સાવ સસ્તામાં ! ડિસ્કાઉન્ટ સાંભળી કરવા લાગશો ડિસ્કો

News Editor
-
0

Maruti Car Discounts

  • Maruti Car Discounts : દરેકનું સપનું હોય છે પોતાની ગાડી લેવાનું. એમાંય ભારતમાં તો જાણી કે આ કંપનીની ગાડીઓએ રીતસરની ધૂમ મચાવી છે. મીડલ ક્લાસમાં આ કંપનીની ગાડીઓની ખુબ જ ડિમાન્ડ છે.

મારુતિ સુઝુકી (Maruti Suzuki) તેના ગ્રાહકોને અલ્ટો 800 (ઉત્પાદન બંધ), અલ્ટો કે 10, સ્વિફ્ટ, વેગનઆર, ડીઝાયર, ઈકો, એસ-પ્રેસો જેવા મોડલ્સ પર વિવિધ ઓફર્સ ઓફર કરી રહી છે. આ મોડલ્સના CNG વેરિઅન્ટ પર પણ ઓફરનો લાભ લઈ શકાય છે.

મારુતિ સુઝુકી તેના ગ્રાહકોને અલ્ટો 800 (ઉત્પાદન બંધ), અલ્ટો K10, સ્વિફ્ટ, વેગનઆર, ડીઝાયર, ઇકો, એસ-પ્રેસો જેવા મોડલ્સ પર વિવિધ ઓફર્સ ઓફર કરી રહી છે. આ મોડલ્સના CNG વેરિઅન્ટ પર પણ ઓફરનો લાભ લઈ શકાય છે. ઓફરમાં રોકડ ડિસ્કાઉન્ટ અને એક્સચેન્જ બોનસનો સમાવેશ થાય છે. મારુતિ દ્વારા આ મહિના (મે 2023) માટે ઓફર્સ રજૂ કરવામાં આવી છે. આ મહિને ગ્રાહકો આ ઓફર્સનો લાભ લઈ શકે છે.

મારુતિ કાર પર ડિસ્કાઉન્ટ ઓફર્સ :

મારુતિ અલ્ટો 800 પર 15,000 રૂપિયા સુધીની ડિસ્કાઉન્ટ ઓફર

મારુતિ અલ્ટો K10 પર રૂ. 59,000 સુધીની ડિસ્કાઉન્ટ ઓફર

મારુતિ S-Presso પર 49,000 રૂપિયા સુધીની ડિસ્કાઉન્ટ ઓફર

Maruti Eeco પર રૂ. 29,000 સુધીની ડિસ્કાઉન્ટ ઓફર

મારુતિ વેગનઆર પર 54,000 રૂપિયા સુધીની ડિસ્કાઉન્ટ ઓફર

મારુતિ સેલેરિયો પર 54,000 રૂપિયા સુધીની ડિસ્કાઉન્ટ ઓફર

મારુતિ સ્વિફ્ટ પર 54,000 રૂપિયા સુધીની ડિસ્કાઉન્ટ ઓફર

મારુતિ ડિઝાયર પર 10,000 રૂપિયા સુધીની ડિસ્કાઉન્ટ ઓફર

આ પણ વાંચો :-

ગુજરાતમાંથી ગુમ થયેલી 41 હજાર મહિલાઓનું શું છે સત્ય ? ગુજરાત પોલીસે કર્યો ધડાકો

News Editor
-
0

What is the truth about 41 thousand

  • અત્રે ઉલ્લેખનીય છે ગુજરાત પોલીસે ટ્વીટ કરીને વધુમાં જણાવ્યું હતું કે ભારતીય સુપ્રીમ કોર્ટની માર્ગદર્શિકા અનુસાર સ્થાનિક પોલીસ ગુમ વ્યક્તિની કેસોની તપાસ કરે છે અને રાષ્ટ્રીય સ્તરે સંકલનના ભાગરૂપે અન્ય રાજ્ય પોલીસ એકમો દ્વારા ટ્રેકિંગ કરવા માટે ડેટાને સમર્પિત વેબસાઈટમાં આપવામાં આવે છે.

આજના જમાનામાં સોશિયલ મીડિયા (Social Media) સૌથી મોટું હથિયાર બની ગયું છે. પરંતુ ફાયદા અને ગેરફાયદા છે. સોશિયલ મીડિયા પર દરરોજ લાખો પ્રકારની માહિતી અને સમાચારો શેર કરવામાં આવે છે. જેમાંથી ઘણા સમાચારો અને માહિતી પાયાવિહોણાની ફોરવર્ડેડ હોય છે. જેની કોઈપણ પ્રકારની ચકાસણી કર્યા વિના ધડાધડ ફોરવર્ડ કરવામાં આવે છે. જ્યારે કોઈ ગંભીર બાબત સરકાર કે તંત્રના ધ્યાને આવે છે તો આ અંગે તે ચોક્ક્સ ખુલાસો આપે છે.

તાજેતરમાં જ આવા એક સમાચાર ગુજરાતમાં વાયરલ થયા હતા જેને લઈને ખળભળાટ મચી ગયો છે. આ વાયરલ સમાચારમાં કહેવામાં આવ્યું હતું કે ગુજરાતમાં છેલ્લા પાંચ વર્ષમાં 40,000થી વધુ મહિલાઓ ગુમ થઈ છે. નેશનલ ક્રાઈમ રેકોર્ડ બ્યુરો (NCRB)ના આંકડા અનુસાર, વર્ષ 2016માં 7,105 મહિલાઓ, વર્ષ 2017માં 7,712, વર્ષ 2018માં 9,246 અને વર્ષ 2019માં 9,268 મહિલાઓ ગુમ થઈ હતી. જ્યારે વર્ષ 2020માં 8,290 મહિલાઓ ગુમ થઈ હોવાનું નોંધાયું હતું. પાંચ વર્ષમાં તેમની કુલ સંખ્યા 41,621 પર પહોંચી ગઈ છે.

જોકે આ સમાચાર અધુરા હતા. જેને લઈને ગુજરાત પોલીસ દ્વારા ખુલાસો કરતાં ટ્વીટ કરવામાં આવ્યું છે. જેમાં ખુલાસો કરવામાં આવ્યો છે કે વર્ષ 2016-2020 માં ગુજરાતમાંથી 41621 મહિલાઓ ગુમ થઈ હતી. પરંતુ આ પૈકી 39497 મહિલાઓને (94.90%) પરત મળી આવી છે  અને તેમના પરીવાર સાથે છે. આ બંને આંકડાઓ પણ NCRB દ્વારા જાહેર કરવામાં આવેલ છે જેની ખરાઈ NCRBના પોર્ટર્લ પરથી પણ કરી શકાય છે. આમ જે સમાચાર અમુક માધ્યમોમાં પ્રકાશીત થયેલ છે તે અધૂરા અને ગેરમાર્ગે દોરનારા છે.

અત્રે ઉલ્લેખનીય છે ગુજરાત પોલીસે ટ્વીટ કરીને વધુમાં જણાવ્યું હતું કે ભારતીય સુપ્રીમ કોર્ટની માર્ગદર્શિકા અનુસાર સ્થાનિક પોલીસ ગુમ વ્યક્તિની કેસોની તપાસ કરે છે અને રાષ્ટ્રીય સ્તરે સંકલનના ભાગરૂપે અન્ય રાજ્ય પોલીસ એકમો દ્વારા ટ્રેકિંગ કરવા માટે ડેટાને સમર્પિત વેબસાઈટમાં આપવામાં આવે છે.

આ પણ વાંચો :-

 

બંગાળની ખાડીમાં સક્રિય થઈ રહ્યું છે ‘મોચા’, આ રાજ્યોમાં પડશે ધોધમાર વરસાદ

News Editor
-
0

Mocha

  • એપ્રિલ બાદ હવે મે મહિનાનું પહેલું અઠવાડિયું પણ પસાર થઈ ચૂક્યું છે. આમ છતાં હજુ પણ મે-જૂનવાળી ગરમી જોવા મળી રહી નથી. જેના કારણે બજારમાં પણ એસી અને કૂલરનો ધંધો ઠપ પડયો છે.

એપ્રિલ બાદ હવે મે મહિનાનું પહેલું અઠવાડિયું પણ પસાર થઈ ચૂક્યું છે. આમ છતાં હજુ પણ મે-જૂનવાળી ગરમી જોવા મળી રહી નથી. જેના કારણે બજારમાં પણ એસી અને કૂલરનો (Cooler) ધંધો ઠપ પડયો છે. વારંવાર પડી રહેલા વરસાદના કારણએ હજુ સુધી પારો સામાન્ય જોવા મળી રહ્યો છે. દિલ્હી (Delhi) એનસીઆર સહિત ઉત્તર ભારતમાં સોમવારે પણ વરસાદ પડયો. જેના  કારણે તાપમાન 20 ડિગ્રી સેલ્સિયસ નીચે ગગડી ગયો.

15 મે સુધી પડશે વરસાદ :

એપ્રિલ અને હવે મે મહિનામાં આ કમોસમી વરસાદ વૈજ્ઞાનિકો માટે પણ અચંબાનો વિષય બન્યો છે. અનેક વર્ષો બાદ વેસ્ટર્ન ડિસ્ટર્બન્સની અસર ઉત્તર ભારતની જગ્યાએ મધ્ય પ્રદેશ, રાજસ્થાન અને ઉત્તર પ્રદેશમાં જોવા મળી રહી છે. જેના પગલે સતત વરસાદ પડી રહ્યો છે. હવામાન વિભાગનું કહેવું છે કે વરસાદની આ સ્થિતિ 15મી મે સુધી જોવા મળી શકે છે. હવામાન વિભાગની તાજા અપડેટ મુજબ વરસાદ છતા દિલ્હી એનસીઆરમાં હવે તાપમાનમાં વધારાનો સિલસિલો જોવા મળશે.

આ જગ્યાઓ પર પડી શકે છે વરસાદ :

જો દેશમાં આગામી 24 કલાકના હવામાનની વાત કરીએ તો આંદમાન નિકોબાર દ્વિપ સમૂહના દક્ષિણી ભાગોમાં મધ્યમથી ભારે વરસાદ પડી શકે છે. ધીરે ધીરે તે સમગ્ર આંદમાન અને નિકોબાર દ્વિપ સમૂહને કવર કરશે. દક્ષિણ પૂર્વ બંગાળની ખાડી અને આંદમાન સાગરમાં સમુદ્રની સ્થિતિ ખુબ ખરાબ થશે અને સમુદ્રમાં ઊંચી લહેરો ઉઠશે.

આ પણ વાંચો :-

ગુજરાત સરકારના VIને રામરામ : સરકારી કર્મચારીઓ હવે જીયો ના સહારે

News Editor
-
0

Gujarat Government’s VI

  • રાજ્ય સરકારે પોતાના દરેક કર્મચારીઓને રિલાયન્સ જિયોની સીયુજી સર્વિસ લેવાનો પરિપત્ર બહાર પાડયો છે. સરકારે આ સાથે વોડાફોન-આઈડિયાની સીયુજી સર્વિસની સેવા સમાપ્ત કરવાનો નિર્ણય કર્યો છે. સરકારે કર્મચારીઓને જિયો સીયુજી પ્લાન લેવા માટેનો ઓર્ડર જારી કરી દીધો છે.

રાજ્ય સરકારે પોતાના કર્મચારીઓ (Employee) માટે એક મોટો નિર્ણય કર્યો છે. રાજ્ય સરકારના કર્મચારીઓ અત્યાર સુધી CUG નંબર માટે વોડાફોન-આઈડિયાની (Vodafone-Idea) સર્વિસનો ઉપયોગ કરતા હતા. પરંતુ હવે સરકારે એક પરિપત્ર બહાર પાડીને કહ્યું કે હવે કર્મચારીઓએ જિયોનો (Jio) નંબર વાપરવો પડશે. એટલે કે સરકારે વોડાફોન-આઈડિયાની સર્વિસ બંધ કરીને જિયોની સર્વિસ શરૂ કરી છે. હવે સરકારી કર્મચારીઓએ જિયોનો સીયુજી પ્લાન લેવો પડશે.

સરકારનો પરિપત્ર :

રાજ્ય સરકારે આ માટે એક પરિપત્ર જાહેર કર્યો છે. પરિપત્રમાં દરેક કર્મચારીઓને જિયોનું સીયુજી કનેક્શન લેવાનું કહેવામાં આવ્યું છે. એટલે કે કર્મચારીઓ મહિને 37.50 રૂપિયાના ભાડામાં જિયોનું સીયુજી કનેક્શન લઈ શકશે. જેમાં કર્મચારીઓએ ફ્રી કોલિંગ અને 3 હજાર એસએમએસનો લાભ મળશે. ફ્રી એસએમએસ બાદ દરેક એસએમએસ પર 50 પૈસાનો ચાર્જ અને આંતરરાષ્ટ્રીય એસએમએસ માટે 1.25 રૂપિયાનો ચાર્જ નક્કી કરવામાં આવ્યો હતો.

રાજ્ય સરકારે આ માટે રિલાયન્સ જિયો સાથે કરાર કર્યો છે. પરિપત્ર અનુસાર આ સીયુજી પ્લાનમાં 25 રૂપિયાથી 4જી ડેટાની સુવિધા શરૂ થશે. સરકારી કર્મચારીઓને મહિને કુલ 30 જીબી ડેટા વાપરવા મળશે. ત્યારબાદ કર્મચારીઓને વધુ ડેટાની જરૂર હોય તો તેના એક્સ્ટ્રા પૈસા ચુકવવા પડશે. જો 60 જીબી સુધી ડેટા જોતો હોય તો 62.50 રૂપિયાનો પ્લાન એડ કરવો પડશે. જો કર્મચારીઓએ અનલિમિટેડ ડેટાનો લાભ લેવો હોય તો 125 રૂપિયાનો પ્લાન લેવો પડશે.

સરકારી કર્મચારીઓને 5જી ડેટાની સુવિધા પણ મળશે. 5જી ડેટા વાપરવા માટે કર્મચારીઓએ 62.50 રૂપિયાનો એક્સ્ટ્રા પ્લાન એડ કરાવવો પડશે. એટલે કે કર્મચારીઓને 4જીની કિંમતમાં 5જી ડેટા વાપરવા મળવાનો છે. નોંધનીય છે કે સરકારી કર્મચારીઓ અત્યાર સુધી વોડાફોન-આઈડિયાની સર્વિસ વાપરતા હતા.

આ માટે ગુજરાત સરકારે જિયો સાથે કરાર કર્યો છે. કર્મચારીઓ હવે જિયોના સિમ વાપરશે. જેમાં તેનો જૂનો નંબર પણ યથાવત રહેશે. એટલે કે સરકારી કર્મચારીઓ હવે પોતાનો નંબર જિયોમાં પોર્ટ કરાવશે. એટલે કે તેમનો નંબર યથાવત રહેશે પરંતુ કંપની બદલાઈ જશે. આ સાથે સરકારે દરેક કર્મચારીઓને વોડાફોન-આઈડિયાના જે બિલ બાકી હોય તેની તત્કાલ ચુકવણી કરવાનો આદેશ આપ્યો છે.

સરકારે બહાર પાડયું હતું ટેન્ડર :

રાજ્ય સરકારે આ માટે નવેમ્બર મહિનામાં એક ટેન્ડર બહાર પાડયું હતું. સરકાર દ્વારા રાજ્ય સરકારના કર્મચારીઓ માટે ઓપન ટેન્ડર બહાર પાડવામાં આવ્યું હતું. જેમાં રિલાયન્સ જિયો ઈન્ફોકોમે બે વર્ષ માટે આ બિડ જીતી છે. આ માટે રાજ્ય સરકાર અને જિયો વચ્ચે કરાર પણ થઈ ગયો છે.

આ પણ વાંચો :-

૦૯ મે ૨૦૨૩નું રાશિફળ : હેલ્થની બાબતે સાવધાની રાખવી, કોની સુધરશે આર્થિક સ્થિતિ, કોની પર વરસશે દૂંદાળા દેવની કૃપા, જુઓ આજનું રાશિ ભવિષ્ય

News Editor
-
0

May 09, 2023 Horoscope

મેષઃ
દિવસ દરમિયાન નવી શક્તિનો સંચાર થતો જણાય. આવકનું પાસુ મજબૂત બને. પરિવારમાં આનંદ-ઉત્સાહ જળવાય, સ્થાવર જંગમ મિલકતથી લાભ. કાર્યક્ષેત્રે સફળતા.

વૃષભઃ
કાર્યક્ષેત્રે આગેવાન થવાની વૃત્તિ પેદા થાય. અભિમાન વધતું જણાય. જમીન, ટ્રાવેલ્સ, કેમિકલના ધંધામાં વિશેષ લાભ. આવક જળવાય. પત્ની સાથે સંબંધમાં મધુરતાનો અનુભવ થાય. આરોગ્ય જળવાય.

મિથુનઃ
સ્વભાવમાં જીદ્દી પણું વધતું જણાય. આવકનું પ્રમાણ જળવાય પરંતુ ખર્ચ પણ વઉધતો જણાય. શરદી-ખાંસીની તકલીફ રહે. મિત્રો તથા સંતાનો સાથે ઉગ્રતા ટાળવી. સ્વાસ્થ્ય સારું રહે.

કર્કઃ
સ્વભાવમાં ભાવનાત્મકતાનું પ્રમાણ વધે. નવા વસ્ત્રો ખરીદ કરવાના યોગ બને છે. નાના ભાઈ બહેનોની પ્રગતિથી આનંદ. વાહનસુખ મિલકત સુખમાં વૃદ્ધિ- નાણાકીય વ્યવહારોમાં લાભ.

સિંહઃ
નોકરીમાં શાંતિ તથા ધંધામાં પ્રગતિ થતી જણાય. અગત્યના નિર્ણયો ફાયદાકારક પૂરવાર થતા જણાય. સંતાનની પ્રગતિથી હર્ષ. આવક જળવાય. કાર્યક્ષેત્રે ભાગ્યનો સાથ મળે.

કન્યાઃ
વાણીમાં મીઠાશ જળવાય. આવકનું પ્રમાણ જળવાય. દગા-ફટકાથી સાચવવું. સ્થાવર-જંગમ મિલકત અંગે લાભ. ધંધાકીય ક્ષેત્રે સફળતા મળતી જણાય. લોહીથી થતા રોગોથી સાચવવું.

તુલાઃ
ધંધાકીય ક્ષેત્રે અગત્યના નિર્ણયો યોગ્ય રીતે લઈ શકાય. ખોટું લાગે એવા પ્રસંગનું નિર્માણ થાય. પરિવારમાં લાગણી ભરેલા સંબંધો જળવાય. કાર્યક્ષેત્રે સફળતા. પિતાની તબિયત સાચવવી. પેટની તકલીફ રહે.

વૃશ્ચિકઃ
જીવનસાથી સાથે આનંદની ક્ષણો માણી શકો. આવક જળવાય. કાર્યક્ષેત્રે સફળતા મળે છે. ભાગ્યનો સાથ મળતો જણાતો નથી. મુસાફરી દરમિયાન સાવચેતી જરૂરી. હરીફોને શીકસ્ત આપી શકો.

ધનઃ
વિચારવાયુનું પ્રમાણ વધે. ધાર્મિક સંગઠનમાં સામેલ થઈ શકાય. સંતાનના પ્રશ્નો ઉકેલાતા જણાય. યોગ્ય ખર્ચ કરવાની વ્યવસ્થા સરળ બને. ભાગ્યનો સાથ મળતા ઓછી મહેનતે કાર્યસિદ્ધિ શક્ય બને.

મકરઃ
સ્ત્રીવર્ગથી સફળતા મળતી જણાય. અગત્યના નાણાકીય‌ નિર્ણયો ટાળવા. પરિવારમાં ઉદાસીનતા વર્તાય. સંતાનસુખમાં વૃદ્ધિ થતી જણાય. પડવા-વાગવાથી સાચવવુ. મિત્રોનો સાથ-સહકાર મેળવી શકાય.

કુંભઃ
જીવનસાથી સાથે મતભેદ ટાળવા. હકારાત્મક વિચારો કરવા હિતાવહ છે. લક્ષ્મીની વખતસર હેરફેર શક્ય બને. વાહનસુખ-મિલકત સુખમાં વધારો થતો જણાય. માતૃસુખ-પિતૃસુખમાં વધારો થતો જણાય.

મીનઃ
ખોટા ખર્ચા ટાળવા. કાર્યક્ષેત્રે સફળતા મળતી જણાય. ભાગ્ય બળવાન બને છે. નાના યાત્રા-પ્રવાસના યોગ બને છે. નોકરીમાં બઢતી-બદલી સંભવ, વૈવાહિક જીવનમાં આનંદ. સાંધાના દુઃખાવાથી સાચવવું.

આ પણ વાંચો :-

1...1,0881,0891,090...1,462Page 1,089 of 1,462