Home Blog Page 1086

મ્યૂચુઅલ ફંડમાંથી કરોડપતિ બનવા માટે ઓછામાં ઓછું કેટલું રોકાણ જરૂરી છે ? 

News Editor
-
0

What is the minimum investment

  • કરોડપતિ બનવાનું દરેકનું સપનું હોય છે. આ સપનાને પૂરુ કરવા માટે તમારે કોઈ વધુ રિટર્ન આપનારી મ્યૂચુઅલ ફંડ સ્કીમ્સમાં રોકાણ કરવું પડશે. અહીં અમે તમને આવી કેટલીક સ્કીમ્સ જણાવી રહ્યાં છીએ.

જો તમે મ્યૂચુઅલ ફંડ (Mutual fund) સ્કીમ્સમાં રોકાણ દ્વારા કરોડપતિ બનવાનું સપનું જોઈ રહ્યાં છો તો આજે તમને જણાવશું કે આ ખરેખર સંભવ છે. પરંતુ તેમાં થોડો સમય લાગી શકે છે. તમારે મ્યૂચુઅલ ફંડમાં પૈસા લગાવ્યા બાદ ધૈર્યની સાથે રાહ જોવી પડશે. હવે તમારા મનમાં સવાલ જરૂર ઉઠશે કે કરોડપતિ બનવા માટે તમારે મ્યૂચુઅલ ફંડમાં કેટલું રોકાણ કરવું પડશે? આ સવાલનો જવાબ તમને આપવા જઈ રહ્યાં છીએ.

દરેક વ્યક્તિની ઈચ્છા હોય છે કે કરોડો રૂપિયા હોય. પરંતુ મોટાભાગના લોકો એ નથી સમજતા કે કરોડપતિ બનવા માટે મ્યૂયુઅલ ફંડમાં કેટલા પૈસા અને કેટલા સમય માટે રોકાણ કરવું જોઈએ? જો તમને પણ આવી જ મૂંઝવણ હોય તો ચાલો સમજીએ.

એક સાથે લગાવવા પડશે પૈસા :

જો કોઈ 20 વર્ષની ઉંમરમાં એક લાખ રૂપિયાનું રોકાણ મ્યૂચુઅલ ફંડ સ્કીમમાં કરે છે તો તે તેને કરોડપતિ બનાવી શકે છે. જો 20 વર્ષની ઉમરમાં રોકાણ કરવામાં આવેલા 1 લાખ રૂપિયા પર 12 ટકા રિટર્ન મળે છે તો તે 60 વર્ષની ઉંમરમાં કરોડપતિ બની જશે. તમને જણાવી દઈએ કે મ્યૂચુઅલ ફંડ સ્કીમ 12 ટકાનું રિટર્ન આરામથી આપી શકે છે. માર્કેટમાં એવા ઘણી મ્યૂચુઅલ ફંડ સ્કીમ્સ ઉપલબ્ધ છે જે 12 ટકાથી વધુનું રિટર્ન આપે છે.

મંથલી કરવું પડશે રોકાણ :

જો તમે એક સાથે 1 લાખ રૂપિયાનું રોકાણ કરવાની જગ્યાએ દર મહિને રોકાણ કરવા ઈચ્છો છો તો તમે 60 વર્ષની ઉંમર સુધી સતત 750 રૂપિયાનું રોકાણ કરી કરોડપતિ બની શકો છો. જો મ્યૂચુઅલ ફંડ પર 10 ટકા રિટર્ન મળે તો 60 વર્ષની ઉંમરમાં આશરે 1 કરોડ રૂપિયાનું ફંડ તૈયાર થઈ જશે. જો 1 લાખ રૂપિયાના રોકાણ પર 8 ટકાનું રિટર્ન મળે તો તે 60 વર્ષની ઉમરમાં કરોડપતિ બનવા માટે તમારે દર મહિને 2200 રૂપિયાનું રોકાણ કરવું પડશે.

સૌથી વધુ રિટર્ન આપનાર મ્યૂચુઅલ ફંડ સ્કીમ્સ :

દેશની ટોપ મ્યૂચુઅલ ફંડ સ્કીમ ક્વાંટ સ્મોલ કેપ મ્યૂચુઅલ ફંડ સ્કીમ છે. જે છેલ્લા પાંચ વર્ષથી સતત 24.08 ટકાનું રિટર્ન આપી રહી છે. આઈસીઆઈસીઆઈ પ્રૂડેન્શિયલ ટેક્નોલોજી મ્યૂચુઅલ ફંડ સ્કીમ છેલ્લા પાંચ વર્ષથી સતત 21.14 ટકાનું રિટર્ન આપી રહી છે.

આ રીતે એસબીઆઈ ટેક્નોલોજી ઓપર્ચ્યુનિટીઝ મ્યૂચુઅલ ફંડ છેલ્લા પાંચ વર્ષથી સતત 20.85 ટકાનું રિટર્ન આપી રહી છે. તો આદિત્ય બિરલા સન લાઈફ ડિજિટલ ઈન્ડિયા મ્યૂચુઅલ ફંડ સ્કીમ પણ પાંચ વર્ષથી સતત 20.67 ટકાનું રિટર્ન આપી રહી છે. આ રીતે કોઈ સ્કિમ તમે રોકાણ માટે પસંદ કરી શકો છો.

આ પણ વાંચો :-

 

પાન કાર્ડમાં નામ અને DOB ચેન્જ કરાવવાનું બન્યું સરળ, જાણો પ્રક્રિયા

News Editor
-
0

Changing name and DOB

  • બેંકમાં ખાતું ખોલાવવું હોય કે ઈન્કમટેક્સ રિટર્ન ફાઈલ (Income Tax Return) કરવું હોય તો દરેક જગ્યાએ પાન કાર્ડ (PAN Card) જરૂરી છે. જો તમે પાન કાર્ડ માટે અરજી કરવા માંગો છો. તો તમે તેને આવકવેરા વેબસાઇટ પરથી કરી શકો છો.

આજે અમે તમને જણાવી રહ્યા છીએ કે કેવી રીતે PAN કાર્ડ ઓનલાઈન ડાઉનલોડ (Online download) કરવું. આ સાથે અમે તમને જણાવીશું કે તમે PAN ની ભૂલને કેવી રીતે સુધારી શકો છો.

બેંકમાં ખાતું ખોલાવવું હોય કે ઈન્કમટેક્સ રિટર્ન ફાઈલ (Income Tax Return)કરવું હોય તો દરેક જગ્યાએ પાન કાર્ડ (PAN Card) જરૂરી છે. જો તમે પાન કાર્ડ માટે અરજી કરવા માંગો છો, તો તમે તેને આવકવેરા વેબસાઇટ પરથી કરી શકો છો.

PAN કાર્ડ (PAN Card Name Update) એ 10 અંકનો યુનિક આલ્ફાન્યૂમેરિક નંબર છે અને તે ભારતીય કર વિભાગ દ્વારા જારી કરવામાં આવે છે. તેનો ઉપયોગ માત્ર ટેક્સ હેતુ માટે જ નહીં પરંતુ ઓળખ કાર્ડ તરીકે પણ થાય છે.

તે ભારતીય નાગરિકો માટે સૌથી મહત્વપૂર્ણ દસ્તાવેજોમાંનો એક છે. પરંતુ ઘણી વખત તેમાં કેટલીક ભૂલો હોય છે જેને સુધારવામાં ન આવે તો નાગરિકોને મુશ્કેલીનો સામનો કરવો પડી શકે છે. તમે તમારા PAN કાર્ડમાં નામ અને જન્મ તારીખમાં ઓનલાઈન સુધારો કરી શકો છો. આ માટે તમારે કોઈ ઓફિસની મુલાકાત લેવાની જરૂર નથી. આજે અમે તમને કેટલાક સરળ સ્ટેપ વિશે જણાવવા જઈ રહ્યા છીએ. જેના દ્વારા તમે PAN કાર્ડમાં નામ (PAN Card Name Update), જન્મ તારીખ (Date of Birth) વગેરે જેવી માહિતી અપડેટ કરી શકો છો :

અપડેટ કરવા માટે 96 રૂપિયા ચૂકવવા પડશે :

જો કે PAN કાર્ડ ધારકે યાદ રાખવું જોઈએ કે PAN કાર્ડમાં નામ, જન્મ તારીખમાં ફેરફાર મફતમાં કરવામાં આવતો નથી. આ માટે તમારે 96 રૂપિયા (રૂ. 85 એપ્લિકેશન ફી અને 12.36 ટકા સર્વિસ ટેક્સ) ચૂકવવા પડશે.

પાન કાર્ડમાં માહિતી આ રીતે અપડેટ કરો-

  • મોટાભાગના પાન કાર્ડમાં માહિતી અપડેટ કરવા માટે, આવકવેરા વિભાગની વેબસાઇટ https://www.onlineservices.nsdl.com/paam/endUserRegisterContact.html પર ક્લિક કરો.
  • અહીં તમે PAN કાર્ડમાં ફેરફાર અથવા Changes or Correction અથવા પાન કાર્ડની Reprint of PAN Card પર ક્લિક કરો.
  • આ પછી તમારી પાસેથી માંગેલા દસ્તાવેજોની નકલ અપલોડ કરો જેમ કે આધાર કાર્ડ, પાસપોર્ટ વગેરે.
    આગળ તમારે અપડેટ માટે ઓનલાઈન પેમેન્ટ કરવું પડશે.
  • તમારે ક્રેડિટ કાર્ડ, ડેબિટ કાર્ડ, નેટ બેંકિંગ વગેરે જેવી કોઈપણ પદ્ધતિ દ્વારા ઓનલાઈન પેમેન્ટની પ્રક્રિયા પૂર્ણ કરવી પડશે.
  • તમારે આ ટ્રાન્ઝેક્શનનો નંબર નોંધવો પડશે.
  • આ પછી તમને એક ફોર્મ મળશે જે તમારે ભરીને સબમિટ કરવાનું રહેશે.
  • આ પછી તમારી PAN માહિતી અપડેટ થઈ જશે.

આ પણ વાંચો :-

૧૨ મે ૨૦૨૩નું રાશિફળ : આ રાશિનાં જાતકોની બગડી શકે છે તબિયત, તો આ જાતકોને મળશે વ્યવસાયમાં ઉત્તમ તક, જુઓ આજનું રાશિ ભવિષ્ય

News Editor
-
0

Horoscope of 12 May 2023

મેષઃ
માનસિક શાંતિ જળવાય. આવકનું પ્રમાણ વધતું જણાય. કાર્યક્ષેત્રે સફળતા, નવી નકોકરી અથવા બઢતી, બદલી શક્ય બને. નવા ધંધાની શરૂઆત કરી શકાય. સ્થાવર જંગમ મિલકત અંગે શુભફળ મળે. માતૃસુખ-પિતૃસુખ જળવાય. માન, સન્માન વધે.

વૃષભઃ
કોઈ મહત્ત્વપૂર્ણ સમાચાર મળવાની શક્યતા છે. ભાવનાત્મક રૂપથી આપ ખૂબ સશકત રહેશો. અટવાયેલા કાર્યો પૂર્ણ થતા જણાય. પતિ-પત્નિ વચ્ચે પ્રેમ જળવાય. વ્યવસાયિક ગતિવિધિઓમાં પ્રગતિ થતી જણાય.

મિથુનઃ
આજે ખાસ આવક આવવાની સંભાવના જણાતી નથી. જીવનસાથી સાથે સારો સમય પસાર થાય. કોઈ કોઈ સમયે શરીરમાં થોડી નબળાઈનો અનુભવ થાય. શરદી-ખાંસીનો ઉપદ્રવ રહેવા પામે.

કર્કઃ
દિવસભર વ્યસ્તતા બની રહેશે. ઉત્સાહના કારણે કાર્યમાં સફળતા મળતી જણાય. પરિવારના સભ્યો સાથે રૂરવા જવાના યોગ બને. દામ્પત્ય સુખમાં વૃદ્ધિ થતી જણાય. આરોગ્ય જળવાય. મિત્રોની મુુલાકાત શક્ય બને.

સિંહઃ
માનસિક તણાવને કારણે આર્થિક ક્ષેત્રે મહત્વપૂર્ણ નિર્ણય લેવામાં અસમર્થતા વર્તાય. સંતાન તરફતી સારા સમાચારા મળે. જીવનસાથી ને સમય અપી શકાશે નહીં. યશ પ્રતિષ્ઠા વધે. શરદી-ખાંસી કફનો ઉપદ્રવ રહે.

કન્યાઃ
જીવનસાથી સાથે તણાવભર્યું વાતાવરણ રહે. આવકનું પ્રમાણ જળવાય. પરિવારના સભ્યો વચ્ચે વાદવિવાદ ટાળવો. સંતાનની પ્રગતિથી આનંદ થાય. એમના પ્રશ્નો ઉકેલાતા જણાય. ગરમીને કારણે માથાનો દુઃખાવો સંભવે.

તુલાઃ
ભાવનાત્મક રૂપથી આપ ખૂબ જ લાગણીશીલ રહેશો. આપના કાર્યોને પૂરા કરવા માટે દીલથી મહેનત કરો. ઈશ્વર તમારે સાથ આપશે. આર્થિક ગતિવિધિઓ સામાન્ય રહેશે. ધંધાકીય ક્ષેત્રે પ્રગતિ. આરોગ્ય જળવાશે.

વૃષિકઃ
આજે‌ દિવસ દરમ્યાન ધન, રોકાણ તથા પરિવારના કાર્યોમાં સમય પસાર થાય વરસાગત સંપત્તિ સંબંધિત મામલા ઉકેલાઈ શકે છે. તમામ ક્ષેત્રે સફળતનો અનુભવ થાય. સ્વભાવમાં અકારણ ઉગ્રતા ટાળવી.

ધનઃ
માન-સન્માનમાં વૃદ્ધિ થતી જણાય. ધર્મ-કર્મ પ્રત્યે વિશેષ આસ્થા અને વિશ્વાસ જાગૃત થાય. આવકનું પ્રમાણ જળવાય. સંતાન સંબંધી સમસ્યાઓ ઉકેલાતી જણાય. જીવનસાથીનો સહયોગ તમને નિર્ણય લેવામાં મદદ કરશે.

મકરઃ
માનસિક સ્થિરતા રહે. દિવસ દરમ્યાન આનંદની અનુભૂતિ થાય. સિમેન્ટ, સેનેટરી, ચા, ખેતી તેમજ ‌ઈલેક્ટ્રોનિક્સના ધંધામાં વિશેષ લાભ. જીવનસાથી સાથે વિવાદ ટાળશો તો આનંદ. માનાના દુઃખાવાથી સમસ્યા રહે.

કુંભઃ
સંબંધમાં તણાઈને ખોટ નિર્ણય લેશો નહીં. ધંધાકીય ક્ષેત્રે જોખમ ટાળવું. અગત્યના આર્થિક ધંધાકીય કાર્યો મુલતી રાખવા. નાણાં ગુમાવવાના યોગ બને છે. સ્વાસ્થય બેદરકારી રાખવાથી સમસ્યા વધતી જણાય.

મીનઃ
પરિવારમાં કોઈ પણ મુદ્દાને લઈને તણાવ ટાળવો. સ્વભાવમાં ઉગ્રતા વર્તાય. મિત્રોના સહકારને લઈને કાર્યમાં સફળતા મળતી જણાય. સ્થાવર-જંગમ મિલકથી લાભ મેળવી શકાય. ધંધામાં લાભ, યશ, પ્રતિષ્ઠા વધે.

આ પણ વાંચો :-

ફિલ્મ ઈન્ડસ્ટ્રીની વધુ એક એક્ટ્રેસે ખરીદ્યો ‘સપનાનો મહેલ’, કિંમત કરોડોમાં, સાંભળીને જ ચોંકી જશો

News Editor
-
0

Another actress  

  • સમંથા રુથ પ્રભુ કોઈને કોઈ કારણોસર ચર્ચામાં રહે છે. ક્યારેક તેના અંગત જીવનના કારણે તો ક્યારેક તેના બોલ્ડ લુકને લઈને આજે ફરી તે ચર્ચામાં આવી છે.

સુપરસ્ટાર એક્ટ્રેસ સમંથા રુથ પ્રભુ (Samantha Ruth Prabhu) પોતાના ફેન્સના દિલો પર રાજ કરે છે. તે સાઉથ સિનેમાની હાઈએસ્ટ પેડ એક્ટ્રેસ છે. સમંથા રુથ પ્રભુ લગ્ઝુરિયસ લાઈફ જીતી છે. તે પોતાની પર્સનલ અને પ્રોફેશનલ લાઈફને લઈ હંમેશા ચર્ચામાં રહે છે.

એક અહેવાલ અનુસાર સમંથા હવે એક નવા આલિશાન ઘરની માલકિન બની ગઈ છે. એક્ટ્રસે પોતાની માટે કરોડોનું ઘર ખરીદી છે.

સમંથાના (Samantha) નવા ઘરની કિંમત લગભગ 7.8 કરોડ રુપિયા છે. આ એક 3 બીએચકે ફ્લેટ છે. રિયલ સ્ટેટ ડેટા એનાલિટિક્સ ફર્મ સીઆરઈ મેટ્રિક્સ અનુસાર આલિશાન ઘરમાં 13માં માળ પર 3,920 સ્કાયર ફુટ અને 14મા માળ પર 4,024 સ્કાયર ફુટનું બિલ્ડ અપ સ્પેસ છે.

સમંથાએ આ ઘર હૈદરાબાદમાં ખરીદ્યુ છે. ઘરની સાથે 6 પાર્કિંગ સ્લોટસ મળી છે. રિપોર્ટમાં બતાવવામાં આવ્યું છે કે, ઘરનું એન્ટીરિયર સમંથાની પસંદનું છે. એન્ટીરિયરમાં મોડર્નિટી અને એલિગેંસનું બ્લેંડ જોવા મળશે.

આ અગાઉ સમંથાએ મુંબઈમાં 15 કરોડનું એપાર્ટમેન્ટ ખરીદ્યુ છે. અહેવાલ અનુસાર એક્ટ્રેસની પાસે જુબલી હિલ્સમાં 100 કરોડનો એક આલિશાન ઘર પણ છે.

આલિશાન ઘરોની સાથે સમંથાની પાસે અનેક લગ્ઝુરિયસ ગાડીઓની માલિકીન છે. એક્ટ્રેસની પાસે રેંજ રોવર, BMW7 કાર પણ છે. સમંથા એક ફિલ્મ માટે 3થી 4 કરોડ રુપિયા ચાર્જ કરે છે. આ ઉપરાંત તે બ્રાંડ એન્ડોર્સમેન્ટથી પણ ઘણી કમાણી કરે છે.

આ પણ વાંચો :-

ગુજરાત અને મધ્યપ્રદેશની જીવાદોરી નર્મદાની પરિક્રમાને મળી શકે છે વર્લ્ડ હેરિટેઝનો દરજ્જો

News Editor
-
0

Circumstances of Gujarat  

  • Tourism and Culture : અમરકંટક સમુદ્ર સપાટીથી 3600 ફૂટની ઉંચાઈ પર સ્થિત છે અને અમરકંટકને નદીઓની માતા કહેવામાં આવે છે. અમરકંટકમાં આવેલ કોટીતીર્થ મા નર્મદાનું મૂળ સ્થાન છે. અહીં નર્મદા ઉદગમ કુંડ છે. જ્યાંથી નર્મદા નદી વહે છે.

દેશ અને રાજ્યના લાખો લોકોની આસ્થા સાથે જોડાયેલી નર્મદા પરિક્રમાને (Narmada Parikrama) યુનેસ્કોની સાંસ્કૃતિક વારસાની યાદીમાં સમાવિષ્ટ થઈ શકે છે. મધ્યપ્રદેશના (Madhya Pradesh) પર્યટન અને સંસ્કૃતિ વિભાગે યુનેસ્કોની ઈન્ટેંજિબલ સૂચિ (UNESCO Intangible List) માટે તેનું નામ કેન્દ્ર સરકારને મોકલ્યું છે. જો ત્યાંથી પરવાનગી મળશે તો નર્મદા પરિક્રમા યુનેસ્કોની યાદીમાં સમાવિષ્ટ થઈ શકશે.

નર્મદા પરિક્રમાનું ધાર્મિક-આધ્યાત્મિક મહત્વ સમજાવવામાં આવ્યું છે. લગભગ ૨૬૦૦ કિમીની આખી યાત્રા નર્મદાના ઉદ્ધમ સ્થાન અમરકંટકથી શરૂ થાઈને ગુજરાતના ભરૂચ થઈને અમરકંટક પર જ સમાપ્ત થાય છે. ૩-૪ મહિનામાં ચાલતા પરિક્રમા પૂર્ણ કરી શકાય છે.

અમરકંટક સમુદ્ર સપાટીથી ૩૬૦૦ ફૂટની ઉંચાઈ પર સ્થિત છે અને અમરકંટકને નદીઓની માતા કહેવામાં આવે છે. અમરકંટકમાં આવેલ કોટીતીર્થ મા નર્મદાનું મૂળ સ્થાન છે. અહીં નર્મદા ઉદગમ કુંડ છે. જ્યાંથી નર્મદા નદી વહે છે. અહીંથી લગભગ પાંચ નદીઓ નીકળે છે. જેમાં નર્મદા નદી, સોન નદી અને જોહિલા નદી મુખ્ય છે. અહીં સફેદ રંગના લગભગ ૩૪ મંદિરો છે.

નર્મદા નદીનું ધાર્મિક મહત્વ : 

રામાયણ, મહાભારત તેમજ પૌરાણિક ગ્રંથોમાં નર્મદા નદીનું વર્ણન કરવામાં આવ્યું છે. હિંદુ ધર્મમાં એવી માન્યતા છે કે આ નદીના કિનારે સ્થિત તીર્થસ્થાનોની મુલાકાત લેવાથી વ્યક્તિને પુણ્ય મળે છે. એવું માનવામાં આવે છે કે આ નદી કુંવારી સ્વરૂપમાં છે.

નર્મદા પરિક્રમા :

નર્મદા પરિક્રમા મધ્યપ્રદેશના અમરકંટક શરૂ થઈ ગુજરાતના ભરૂચ થઈને ફરી અમરકંટકએ આવી પૂર્ણ થાય છે. આખી યાત્રા લગભગ ૨૬૦૦ કિમીની છે. ચાલતા પરિક્રમા ૩-૪ મહિનામાં પૂર્ણ થાય છે. કેટલાક લોકો કહે છે કે જો નર્મદાજીની પરિક્રમા યોગ્ય રીતે કરવામાં આવે તો નર્મદાજીની પરિક્રમા ૩ વર્ષ, ૩ મહિના અને ૧૩ દિવસમાં પૂર્ણ થાય છે. પરંતુ કેટલાક લોકો ૧૦૮ દિવસમાં પણ પૂર્ણ કરે છે.

આ પણ વાંચો :-

 

ધોની ફેન્સની બીકે ઉપર બેટિંગ કરવા નથી આવતો રવીન્દ્ર જાડેજા ? કર્યો મોટો ખુલાસો

News Editor
-
0

Ravindra Jadeja is not coming 

  • IPL 2023 Ravindra Jadeja : ગઈકાલની મેચ બાદ મુરલી કાર્તિકે જાડેજાને કેટલાક સવાલ કર્યા હતા. જેના જાડેજાએ ખૂબ જ રસપ્રદ જવાબ આપ્યા.

10 મે એ ચેપોકની વિકેટ પર રવિન્દ્ર જાડેજાએ (Ravindra Jadeja) દિલ્હીના (Delhi) બોલરોને ચોંકાવી દીધી અને મેચના બાદ કહી પણ દીધુ કે તેમને ખૂબ જ મજા આવી અને એવી વિકેટ દરેક વખતે મલતી રહે. મેચના બાદ મુરલી કાર્તિકે જ્યારે આ વિશે સવાલ કર્યો તો રવિન્દ્ર જાડેજાએ કહ્યું

“બિલકુલ. હું તો ઈચ્છું છું કે સાત મેચમાં મળે અને અત્યાર સુધી જે છ મેચ રમી છે તેમાં આવી જ વિકેટ હતી અને એક સ્પિનરના રૂપમાં સારૂ લાગે છે. જો બોલ રોકાઈ રહી છે. સ્પિન થઈ રહી છે તો સારૂ તો લાગે જ છે. લાગે છે કે ચલો આજે ટીમ માટે કંઈક સ્પેશિયલ કરવાનો મોતો મળ્યો.”

કાર્તિકે જાડેજાને બીજો સવાલ સીઝન સાથે જોડાયેલો કર્યો. તેમણે કહ્યું કે આ સીઝન બોલર્સને મુશ્કેલી થઈ રહી છે. પરંતુ તમારી વચ્ચેની ઓવર્સમાં સારી બોલિંગ કરી છે. તેના માટે શું અલગ કર્યું. જવાબમાં જાડેજાએ કહ્યું-

“કારણ કે અહીં અમે પ્રેક્ટિસ કરી છે. તો અમને આઈડિયા છે કે લેંથ અને પેસ શું રાખવાની હોય છે. ત્યાં જ એક એડવાન્ટેજ છે. જે હવે ટીમ આવે છે તેમને સેટ થવામાં ટાઈમ લાગે છે. એક જ મેચ હોય છે. તો એજ વાત છે કે અમે હોમ એડવાન્ટેજનો સારી રીતે ફાયદો ઉઠાવીએ છીએ. જે પણ સ્પિનર્સ છે. મોઈન ભાઈ, તીક્ષણા બધાને ખબર છે કે કઈ કઈ લેન્થ નાખવાની છે. એક ટીમના રૂપમાં બધા લોકો પોતાનું કામ કરી રહ્યા છે.”

ત્યાર બાદ જાડેજાને તેમની બેટિંગ પર સવાલ કરવામાં આવ્યો. પુછવામાં આવ્યું કે આ વખતે તેમણે વધારે બેટિંગ મળી નથી રહી પરંતુ એક વખત તેમણે લોવર ઓર્ડરમાં ખૂબ રન બનાવ્યા હતા. શું હાલ તેમનું મન કરે છે કે તે પણ ઉપર જઈને બેટિંગ કરે. જવાબમાં જાડેજાએ કહ્યું

“જુઓ હું નીચે જાઉ છું તો લોકો માહી ભાઈનું નામ લઈને બુમો પાડે છે. અને જ્યારે હું આગળ જાઉછું તો પછી તે આઉટ થવાનો વેઈટ કરશે. તો જે પણ છે બરાબર ચાલી રહ્યું છે. અત્યાર સુધી ટીમ જીતી રહી છે હું ખુશ છું.”

આ પણ વાંચો :-

Asia Cup 2023 : એશિયા કપ મુશ્કેલીમાં, આ ત્રણ ટીમે રમવાનો ઈનકાર કર્યો

News Editor
-
0

Asia Cup 2023

  • 2023 Asia Cup : 2023 એશિયા કપ પર સંકટ તોળાઈ રહ્યું છે. વાસ્તવમાં આ ટૂર્નામેન્ટ પાકિસ્તાનમાં યોજાવાની હતી. પરંતુ BCCIએ ટીમ ઈન્ડિયાને ત્યાં મોકલવાનો ઈન્કાર કરી દીધો હતો.

ક્રિકેટ જગતમાં ‘મિની વર્લ્ડ કપ‘ (Mini World Cup) તરીકે ઓળખાતો એશિયા કપ આ વર્ષે રમાવાનો છે. જોકે હવે આ ટૂર્નામેન્ટ પર સંકટના વાદળો મંડરાઈ રહ્યા છે. વાસ્તવમાં અગાઉ ૨૦૨૩ એશિયા કપ પાકિસ્તાનમાં (Pakistan) યોજાવાનો હતો. પરંતુ BCCIએ ટીમ ઈન્ડિયાને ત્યાં મોકલવાનો ઈન્કાર કરી દીધો હતો. આ પછી ટૂર્નામેન્ટ UAEમાં યોજાવાની આશા હતી. પરંતુ આ દરમિયાન એક ચોંકાવનારા સમાચાર સામે આવ્યા છે.

ક્રિકેટ વેબસાઈટ ક્રિકબઝના રિપોર્ટ અનુસાર શ્રીલંકા અને બાંગ્લાદેશ ક્રિકેટ બોર્ડ યુએઈમાં એશિયા કપ રમવાનો ઈન્કાર કરી રહ્યા છે. બંને ક્રિકેટ બોર્ડનું કહેવું છે કે જો એશિયા કપ UAEમાં યોજાશે તો તેમના ખેલાડીઓ આ ટૂર્નામેન્ટમાં નહીં રમે.

રિપોર્ટ અનુસાર ભારતે પાકિસ્તાન જવાનો ઈન્કાર કર્યા બાદ PCB ૨૦૨૩ એશિયા કપ પાકિસ્તાન અને UAEમાં કરાવવા ઈચ્છે છે. પરંતુ સપ્ટેમ્બરની ગરમીને કારણે બાંગ્લાદેશ ક્રિકેટ બોર્ડ (BCB) અને શ્રીલંકા ક્રિકેટ (SLC) UAEમાં મેચો રમવા માટે સહમત ન હતા.

આવી સ્થિતિમાં હવે આ ટૂર્નામેન્ટ શ્રીલંકામાં યોજાય તેવી શક્યતા વ્યક્ત કરવામાં આવી રહી છે. જોકે પાકિસ્તાન ક્રિકેટ બોર્ડનું કહેવું છે કે જો તેઓ એશિયા કપના યજમાન ન હોય તો તેઓ આ ટૂર્નામેન્ટમાં ભાગ નહીં લે.

શ્રીલંકા ક્રિકેટ અને બાંગ્લાદેશ ક્રિકેટ બોર્ડે UAEમાં એશિયા કપ રમવા પાછળ સપ્ટેમ્બર મહિનાની ગરમીનો ઉલ્લેખ કર્યો છે. જો કે એવું કહેવામાં આવી રહ્યું છે કે આ પછી પીસીબીએ દલીલ કરી છે કે સપ્ટેમ્બરમાં ત્યાં કેટલીક ટૂર્નામેન્ટનું આયોજન કરવામાં આવ્યું છે.

છેલ્લા કેટલાક દિવસોમાં દુબઈની મુલાકાતે ગયેલા PCB વડા નજમ સેઠીએ BCB અને SLC અધિકારીઓ સાથેની તેમની બેઠકમાં જણાવ્યું હતું કે ૫૦-ઓવરનો એશિયા કપ ૨૦૧૮માં ૧૫ થી ૨૮ સપ્ટેમ્બર દરમિયાન યોજાયો હતો. જેના માટે BCCI નિયુક્ત યજમાન હતું.

તેણે એમ પણ કહ્યું કે એશિયા કપ ત્યાં ૨૭ ઓગસ્ટથી ૧૧ સપ્ટેમ્બર સુધી ૨૦-૨૦ ફોર્મેટમાં યોજાયો હતો. રિપોર્ટ અનુસાર PCB પાકિસ્તાન-UAEના હાઈબ્રિડ મોડલ માટે દબાણ કરી રહ્યું છે. જેમાં નિષ્ફળ જવાથી તે ટૂર્નામેન્ટમાંથી બહાર થઈ જશે.

આ પણ વાંચો :-

 

Maharashtra News : 16 ધારાસભ્યો ગેરલાયક ઠરશે તો કોની ઉડી જશે ઊંઘ ?

News Editor
-
0

Maharashtra News  

  • મુખ્ય ન્યાયાધીશ ડીવાય ચંદ્રચુડની આગેવાની હેઠળની પાંચ ન્યાયાધીશોની બંધારણીય બેંચ રાજ્યમાં રાજકીય કટોકટીથી સંબંધિત અરજીઓ પર આજે પોતાનો ચુકાદો આપશે.

મહારાષ્ટ્રની (Maharashtra) શિંદે સરકાર માટે આજે (ગુરુવાર) મહત્વનો દિવસ છે. ૨૦૨૨ની મહારાષ્ટ્રની રાજકીય કટોકટી અંગે શિવસેનાના ઉદ્ધવ ઠાકરે (Uddhav Thackeray) અને એકનાથ શિંદે (Eknath Shinde) જૂથની દ્વિપક્ષીય અરજીઓ પર સુપ્રીમ કોર્ટ પોતાનો ચુકાદો આપશે. બંધારણીય બેંચમાં જસ્ટિસ એમ.આર.શાહ, જસ્ટિસ કૃષ્ણ મુરારી, જસ્ટિસ હિમા કોહલી અને જસ્ટિસ પી.એસ.નરસિંહનો પણ સમાવેશ થાય છે.

બેન્ચે સંબંધિત અરજીઓ પર સુનાવણી પૂર્ણ કર્યા બાદ ૧૬ માર્ચ, ૨૦૨૩ના રોજ પોતાનો નિર્ણય અનામત રાખ્યો હતો. આ કેસની અંતિમ સુનાવણી ૨૧ ફેબ્રુઆરીએ શરૂ થઈ હતી અને ૯ દિવસ સુધી બંને પક્ષોની દલીલો સાંભળ્યા બાદ ચુકાદો અનામત રાખવામાં આવ્યો હતો.

સુનાવણીના છેલ્લા દિવસે સર્વોચ્ચ અદાલતે આશ્ચર્ય વ્યક્ત કર્યું હતું કે તે ઉદ્ધવ ઠાકરેની સરકારને કેવી રીતે પુનઃસ્થાપિત કરી શકે છે જ્યારે તત્કાલિન મુખ્ય પ્રધાને ગૃહમાં ફ્લોર ટેસ્ટનો સામનો કરતા પહેલા રાજીનામું આપી દીધું હતું. સુનાવણી દરમિયાન, ઠાકરે જૂથે કોર્ટને વિનંતી કરી હતી કે તેઓ તેમના ૨૦૧૬ના નિર્ણયની જેમ તેમની સરકારને બહાલ કરે. જેણે અરુણાચલ પ્રદેશના મુખ્ય પ્રધાન નબામ તુકીની સરકારને પુનઃસ્થાપિત કરી હતી.

ઠાકરે જૂથનું પ્રતિનિધિત્વ વરિષ્ઠ વકીલ કપિલ સિબ્બલ, અભિષેક મનુ સિંઘવી અને દેવદત્ત કામત અને એડવોકેટ અમિત આનંદ તિવારી દ્વારા કરવામાં આવ્યું હતું. જ્યારે એકનાથ શિંદે જૂથનું પ્રતિનિધિત્વ વરિષ્ઠ વકીલ નીરજ કિશન કૌલ, હરીશ સાલ્વે અને મહેશ જેઠમલાણી અને વકીલ અભિકલ્પ સિંઘ દ્વારા પ્રતાપ દ્વારા કરવામાં આવ્યું હતું.

રાજ્યના ગવર્નર ઓફિસ વતી સોલિસિટર જનરલ તુષાર મહેતા હાજર થયા હતા. નોંધપાત્ર રીતે ૧૭ ફેબ્રુઆરીએ, સર્વોચ્ચ અદાલતે મહારાષ્ટ્રના રાજકીય સંકટ સાથે સંબંધિત અરજીઓને સાત જજોની બંધારણીય બેંચને સોંપવાની વિનંતીને નકારી કાઢી હતી.

જો સુપ્રીમ કોર્ટનો નિર્ણય શિંદે સરકારની વિરુદ્ધ જશે તો તેમના માટે સંકટ ઊભું થશે. ૧૬ ધારાસભ્યોને ગેરલાયક ઠેરવવાના કિસ્સામાં વિધાનસભાનું નવું સમીકરણ નીચે મુજબ હશે. મહારાષ્ટ્ર વિધાનસભાની કુલ બેઠકો ૨૮૮ છે. જો ૧૬ ધારાસભ્યોને ગેરલાયક ઠેરવવામાં આવે તો આ સંખ્યા ૨૭૨ રહી જશે. આ કિસ્સામાં, બહુમતીનો આંકડો ૧૩૭ હશે. વર્તમાન સરકારનું સંખ્યાબળ ૧૬૫ છે. ૧૬ ધારાસભ્યોના વિદાય પછી આ સંખ્યા વધીને ૧૪૯ થઈ જશે. આ પછી જો બાકીના ૨૪ ધારાસભ્યો પણ ઉદ્ધવ પાસે પાછા ફરે છે તો સરકાર લઘુમતીમાં આવી શકે છે.

આ પણ વાંચો :-

 

જો તમે ટ્રેનમાં મિડલ બર્થ બુક કરાવી હોય તો ચોક્કસ જાણી લેજો આ નિયમ

News Editor
-
0

If you have booked a middle berth

  • Indian Railway Rules : ભારતીય રેલ્વેના નિયમો અનુસાર તમે ઇચ્છો તો પણ, અને તમે સીટ બુક કરાવી હોય તો પણ તમે ચોક્કસ સમય પહેલા અને પછી ટ્રેનની મિડલ બર્થ પર સૂઈ નહીં શકો.

દરરોજ કરોડો લોકો ટ્રેનમાં મુસાફરી કરે છે. તેથી જ ભારતીય રેલ્વેને (Indian Railway) દેશની લાઈફલાઈન પણ કહેવામાં આવે છે. લાખો લોકો ટ્રેનમાં મુસાફરી કરતા પહેલા રિઝર્વેશન (Reservation) કરાવે છે. ટિકિટ બુક કરતી વખતે લોકોને એ વિકલ્પ પણ આપવામાં આવે છે કે તેઓ કઈ સીટ લેવા માંગે છે.

આવી સ્થિતિમાં એવું જોવામાં આવ્યું છે કે મોટાભાગના લોકો લોઅર બર્થ અથવા અપર બર્થ લેવાનું પસંદ કરે છે. લોકો મિડલ બર્થ લેવામાં વધારે રસ દાખવતા નથી. હવે તેની પાછળ રેલવેનો એવો નિયમ છે. જેના કારણે લોકો આ સીટ લેવાનું બિલકુલ પસંદ કરતા નથી.

તમે મુસાફરી દરમિયાન જોયું જ હશે કે ટ્રેનના એક સેક્શનમાં લોઅર બર્થ, મિડલ બર્થ, અપર બર્થ, સાઈડ અપર બર્થ અને સાઈડ લોઅર બર્થ આપવામાં આવે છે. આમાં તમે ઈચ્છો તો પણ નિશ્ચિત સમય પહેલાં અને પછી મિડલ બર્થ પર સૂઈ શકતા નથી અથવા બેસી શકતા નથી. કારણ કે ભારતીય રેલ્વેના નિયમો મુજબ મિડલ બર્થનો પેસેન્જર રાત્રે 10:00 વાગ્યા પહેલા અને સવારે 6:00 વાગ્યા પછી તેની બર્થ પર સૂઈ શકતા નથી.

તે રાત્રે 10:00 વાગ્યા પછી અને સવારે 6:00 વાગ્યા સુધી જ તેમની સીટ પર સૂઈ શકે છે. આવી સ્થિતિમાં, જો મુસાફરી દરમિયાન થાકી ગયા હોવ અને સૂવા માંગતા હોવ તો પણ તેણે રાત્રે 10 વાગ્યા સુધી ટ્રેનમાં બેસી રહેવું પડે છે. બીજી તરફ જો તે રેલવેના આ નિયમનું પાલન નહીં કરે તો તેની સામે રેલવે દ્વારા કાર્યવાહી પણ કરવામાં આવી શકે છે.

બીજી તરફ હવે ટિકિટ ચેકિંગના નિયમની વાત કરીએ તો શું તમે જાણો છો કે તમે જેને TTE (ટ્રાવેલ ટિકિટ એક્ઝામિનર) તમારી ટિકિટ દિવસના સમયે જ ચેક કરી શકે છે. તે ટિકિટ ચેકિંગના નામે રાત્રે 10 વાગ્યા પછી તમને પરેશાન કરી શકે નહીં. TTE તમારી ટિકિટ દિવસના 6:00 થી 10:00 વાગ્યાની વચ્ચે જ ચેક કરી શકે છે. બીજી તરફ જો TTE આ નિયમનું પાલન ન કરે તો તેની સામે પણ કડક કાર્યવાહી થઈ શકે છે.

આ પણ વાંચો :-

અમદાવાદમાં ઉબર-રેપિડોના વાહન દેખાયા તો જપ્ત કરાશે, RTOની મંજૂરી વિના..

News Editor
-
0

Uber-Rapido vehicles

  • Uber-Rapido Vehicle News : એપ આધારિત લાઈસન્સ ન ધરાવનાર સર્વિસ પર પ્રતિબંધ જાહેર કરાયો. RTOની મંજૂરી વગર વાહનો ચલાવતા હોવાની ફરિયાદો બાદ પ્રતિબંધની કાર્યવાહી.

અમદાવાદ હવે ઓનલાઈન એપ (Online App) આધારીત ઉબર ટેક્સી અને રેપિડોને લઈ મોટા સમાચાર સામે આવ્યા છે. વાત જાણે એમ છે કે ઓનલાઈન એપ આધારીત ઉબર ટેક્સી અને રેપિડો (Taxi and Rapido) બાઈક પર પ્રતિબંધ જાહેર કર્યો છે. વિગતો મુજબ RTOની મંજૂરી વિના વાહનો દોડાવાતા હોવાની ફરિયાદો બાદ કાર્યવાહી કરાઇ હોવાનું સામે આવ્યું છે.

અમદાવાદમાં હવે RTOની મંજૂરી વિનાના ઉબર અને રેપિડોના વાહનો રોડ પર દેખાશે તો જપ્ત કરાશે. વિગતો મુજબ RTOની મંજૂરી વિના વાહનો દોડાવાતા હોવાની ફરિયાદો બાદ કાર્યવાહી કરાઇ છે. જોકે ફરિયાદો બાદ RTOની તપાસ બાદ પ્રતિબંધ મુકાયો છે. એપ આધારિત લાઈસન્સ ન ધરાવનાર સર્વિસ પર પ્રતિબંધ જાહેર કરાયો છે.

એપ આધારિત લાઈસન્સ ન ધરાવનાર સર્વિસ પર પ્રતિબંધ વચ્ચે તંત્ર દ્વારા ઉબરની 4 ટેક્સી, રેપિડોના 2 બાઈક જપ્ત કરી વાહનદીઠ રૂ.10 હજારનો દંડ ફટકારાયો છે. મહત્વનું છે કે ઉબર અને રેપિડોના વાહનોએ RTOમાં રજિસ્ટ્રેશન કરાવવાનું હોય છે. આ સાથે ઓનલાઈન અરજી કરી  રજિસ્ટ્રેશન કરાવવાનું હોય છે. જોકે હવે આ મામલે ટ્રાફિક પોલીસે પણ પોલીસકર્મીઓને યોગ્ય કાર્યવાહી કરવા આદેશ આપ્યા છે.

આ પણ વાંચો :-

1...1,0851,0861,087...1,462Page 1,086 of 1,462