Home Blog Page 1070

મશરૂમની ખેતી કરો ક્યારેય નોકરીની નહીં પડે જરૂર….

News Editor
-
0

Cultivate mushroom

  • Mushroom Farming : દેશમાં મશરૂમની માંગ ખૂબ જ ઝડપથી વધી છે. જેના લીધે મશરૂમની ખેતીમાં કમાણીના પણ ઉજ્જવળ ચાન્સ છે. છત્તીસગઢ કૃષિ વિભાગના વૈજ્ઞાનિકોની સલાહ પર અંબિકાપુરમાં મા દુર્ગા લક્ષ્મી જૂથની મહિલાઓ મશરૂમનું (Mushroom) ઉત્પાદન કરીને દર મહિને 3 લાખ રૂપિયાથી વધુની કમાણી કરી રહી છે.

દેશમાં મશરૂમની માંગ ખૂબ જ ઝડપથી વધી છે. જેના લીધે મશરૂમની ખેતીમાં કમાણીના પણ ઉજ્જવળ ચાન્સ છે.  છત્તીસગઢ કૃષિ વિભાગના વૈજ્ઞાનિકોની સલાહ પર અંબિકાપુરમાં મા દુર્ગા લક્ષ્મી જૂથની મહિલાઓ મશરૂમનું (Mushroom) ઉત્પાદન કરીને દર મહિને 3 લાખ રૂપિયાથી વધુની કમાણી કરી રહી છે. ખેતરમાંથી નીકળતા ફાર્મ વેસ્ટ અને કોકો પીટનો ઉપયોગ કરીને ગોલ અને અમ્બ્રેલા મશરૂમનું ઉત્પાદન (Mushroom Production)ઝડપથી વધી રહ્યું છે. જે મહિલાઓને આવકમાં ફાયદો કરાવી રહ્યું છે.

15 દિવસની મળે છે ટ્રેનિંગ :

ઉનાળા દરમિયાન આ ખેતી કરવા માટે વહીવટીતંત્ર દ્વારા ક્લાઈમેટ કંટ્રોલ રૂમની સુવિધા અપાતાં મહિલાઓએ સ્વાવલંબી બનવાની શરૂઆત કરી છે. છત્તીસગઢ સરકાર દ્વારા 15 દિવસની તાલીમ પછી, 30 જૂથના સભ્યોએ શહેરના ગાંધીનગરમાં સ્થિત TCPC સેન્ટર શરૂ કર્યું છે. આ સેન્ટરમાં મહિલાઓ એક સાથે મળીને મશરૂમની ખેતી કરી રહી છે. આમ કોઈ પણ જગ્યાએ નોકરી કરવા જવાં કરતાં અહીં મહિલાઓ પોતાના માટે મજૂરી કરી રહી છે.

દરરોજ 50 થી 60 કિલો મશરૂમનું ઉત્પાદન :

મા દુર્ગા લક્ષ્મી ગ્રૂપ સેન્ટરમાં દરરોજ 50 થી 60 કિલો મશરૂમનું (Mushroom) ઉત્પાદન થઈ રહ્યું છે, જે રોજની 10,000 રૂપિયાથી વધુ કમાણી કરી રહ્યું છે. ચાર મહિના સુધી દરરોજ 50 કિલો મશરૂમનું (Mushroom) ઉત્પાદન કરવામાં આવશે. હવે અન્ય રાજ્યોના લોકો નિર્માતા જૂથમાં આવીને મશરૂમની માંગણી કરી રહ્યા છે. ઝારખંડમાંથી 1.10 ક્વિન્ટલનો ઓર્ડર મળ્યો હતો.

ઓનલાઈન માર્કેટ :

મહિલાઓ જે ખાદ્યપદાર્થો તૈયાર કરે છે તે હવે ઓનલાઈન વેચવાની પણ તૈયારી ચાલી રહી છે. આ માટે આ જૂથ તેમને એમેઝોન, ફ્લિપકાર્ટ તેમજ અન્ય માધ્યમો પર ઉપલબ્ધ કરાવશે જે સારો નફો કરશે. જો આ પ્રયોગ સફળ રહ્યો તો બહુ મોટો ફર્ક પડશે.

દિલ્હીથી લાવેલા બિયારણથી સારી ઉપજ :

મશરૂમની સારી ઉત્પાદન ક્ષમતા અને અનુકૂલિત આબોહવા જોઈને વૈજ્ઞાનિકોએ જૂથને દિલ્હીથી બીજ મંગાવવાનું સૂચન કર્યું. જેથી મશરૂમની ગુણવત્તામાં ઘટાડો ન થાય. આમ આ નવા બિયારણ મશરૂમની ખેતીમાં ચાર ચાંદ લગાવી રહ્યાં છે.

આ પણ વાંચો :-

 

સ્વરા ભાસ્કરે લગ્નના ત્રણ મહિના બાદ કરી પ્રેગનેન્સીની જાહેરાત, પતિ ફહાદની સાથે શેર કરી તસવીરો……

News Editor
-
0
Swara Bhaskar announces pregnancy
  • સ્વરા ભાસ્કરે પોતાના ઓફિશિયલ ઈન્સ્ટાગ્રામ એકાઉન્ટ પર એક તસવીર સાથે પોતાની પ્રેગ્નન્સીનું એનાઉન્સમેન્ટ કર્યુ છે. ફોટામાં સ્વરા પોતાન પતિ ફહાદ સાથે જોવા મળી રહી છે.

બોલીવૂડ અભિનેત્રી સ્વરા ભાસ્કર (Swara Bhaskar) ફરી એકવાર સોશ્યલ મીડિયા (Social media) પર ટ્રેન્ડિંગ થઈ રહી છે. એક્ટ્રેસ સ્વરા ભાસ્કરે ત્રણ મહિના પહેલા સમાજવાદી પાર્ટીના નેતા ફહાદ અહેમદ (Fahad Ahmed) સાથે લગ્ન કર્યા હતા. હવે તેની પ્રેગનન્સીને લઈને સમાચાર સામે આવ્યા છે.

જ્યારથી એક્ટ્રેસના લગ્ન થયા છે ત્યારથી ફેન્સ અભિનેત્રીના સારા સમાચારની રાહ જોઈ રહ્યા હતા. હવે સ્વરાએ ખુદ જાહેરાત કરી છે કે તે પ્રેગનેન્ટ છે. અભિનેત્રીએ સોશ્યલ મીડિયા પર પોસ્ટ કરીને પોતાની પ્રેગ્નન્સીની જાહેરાત કરી છે. સ્વરા ભાસ્કરે પોતાની ખુશખબરી શેર કરી તો ફેન્સે આના પર જોરદાર અભિનંદનનો વરસાદ કરી દીધો છે..

સ્વરા ભાસ્કરે સોશ્યલ મીડિયા પર પ્રેગનેન્સીની કરી જાહેરાત :

સ્વરા ભાસ્કરે પોતાના ઓફિશિયલ ઈન્સ્ટાગ્રામ એકાઉન્ટ પર એક તસવીર સાથે પોતાની પ્રેગ્નેન્સીનું એનાઉન્સમેન્ટ કર્યુ છે. ફોટામાં સ્વરા પોતાન પતિ ફહાદ સાથે જોવા મળી રહી છે. તેને પિંક કલરનો આઉટફિટ પહેરેલો છે જેમાં તેનો બેબી બમ્પ પણ સ્પષ્ટ દેખાઈ રહ્યો છે.

તસવીર શેર કરતા અભિનેત્રીએ કેપ્શનમાં લખ્યું છે કે, “ઘણીવાર તમારી બધી જ પ્રાર્થનાઓ એક જ સમયે જવાબ આપવામાં આવે છે! આશીર્વાદ, આભારી, ઉત્સાહિત (અને ક્લૂલેસ!) જેમ કે આપણે એક આખી નવી દુનિયામાં પગ મુકીએ છીએ !”

કોણ છે સ્વરા ભાસ્કરનો પતિ ફહાદ અહેમદ?

સ્વરા ભાસ્કરના પતિ ફહાદ અહેમદ વિદ્યાર્થી નેતા અને સામાજિક કાર્યકર છે. તેણે ટાટા ઈન્સ્ટિટ્યૂટ ઓફ સોશિયલ સાયન્સ સ્ટુડન્ટ યુનિયનના જનરલ સેક્રેટરી તરીકે સેવા આપી છે. જુલાઈ 2022માં ફહાદ અહમદ અબુ આસીમ આઝમી અને રઈસ શેખની હાજરીમાં સમાજવાદી પાર્ટીમાં જોડાયા. તેઓ મહારાષ્ટ્ર અને મુંબઈ એકમમાં યુવાજન સભાના પ્રમુખ પદે છે.

આ પણ વાંચો :-

UP કોંગ્રેસને મળી શકે છે નવા પ્રભારી ! પ્રિયંકા ગાંધી છોડી શકે છે પદભાર- સૂત્રોનો દાવો

News Editor
-
0

UP Congress can get a new in charge 

  • સૂત્રોનું માનીએ તો રાજ્યમાં નવા પ્રભારીના નામને લઈને પાર્ટીમાં મંથન તેજ થયું છે. જો કે અત્યારે પાર્ટી ઉતાવળમાં કોઈ નિર્ણય લેવા માંગતી નથી.

ઉત્તર પ્રદેશમાં (Uttar Pradesh) લોકસભા ચૂંટણીની તૈયારી કરી રહેલી કોંગ્રેસમાં (Congress) પરિવર્તનના સંકેત દેખાઈ રહ્યા છે. સૂત્રોનું માનીએ તો આગામી ચૂંટણીની તૈયારીઓને ધ્યાનમાં રાખી યુપી કોંગ્રેસને ટૂંક સમયમાં રાજ્યમાં નવા પ્રભારી મળી શકે છે. એવો દાવો કરવામાં આવે છે કે પ્રિયંકા ગાંધી (Priyanka Gandhi) ઘણા રાજ્યોમાં ચૂંટણીમાં વ્યસ્ત હોવાને કારણે તેમના પ્રભારી પદનો ત્યાગ કરી શકે છે.

યુપી કોંગ્રેસના પ્રભારીની રેસમાં ઘણા નામ :

જોકે નવા નામોને લઈને પક્ષમાં હજુ પણ મંથન ચાલી રહ્યું છે. સૂત્રોના જણાવ્યા અનુસાર યુપી કોંગ્રેસના પ્રભારીની રેસમાં ઘણા નામ છે હરીશ રાવત અને તારિક અનવરનું નામ આ રેસમાં સૌથી આગળ જણાવવામાં આવી રહ્યું છે. તેમને રાજ્યમાં કોંગ્રેસની કમાન સોંપવામાં આવી શકે છે. આવી સ્થિતિમાં ઉત્તર પ્રદેશમાં કોંગ્રેસ લોકસભા ચૂંટણી માટે નવા પ્રભારીને પાર્ટીની કમાન સોંપવા પર વિચાર કરી રહી છે.

સૂત્રોનું માનીએ તો રાજ્યમાં નવા પ્રભારીના નામને લઈને પાર્ટીમાં મંથન તેજ થયું છે. જો કે અત્યારે પાર્ટી ઉતાવળમાં કોઈ નિર્ણય લેવા માંગતી નથી. પરંતુ જાણકારોનું માનીએ તો રાહુલ ગાંધી વિદેશથી પરત ફર્યા બાદ નવા પ્રભારીના નામ પર નિર્ણય લેવામાં આવી શકે છે. યુપીમાં કોંગ્રેસની નવી કારોબારી સમિતિની પણ જાહેરાત થવાની છે, જેને લઈને અનેક નામોની ચર્ચા થઈ રહી છે. માનવામાં આવી રહ્યું છે કે પ્રદેશ કારોબારીમાં પ્રદેશ પ્રમુખોને સ્થાન આપવામાં આવી શકે છે.

શું હશે પ્રિયંકા ગાંધીનો રોલ ?

રાજકીય નિષ્ણાતોના મતે કર્ણાટક ચૂંટણી બાદ પાર્ટીમાં સંગઠન સ્તર પર કેટલાક નેતાઓની જવાબદારી વધી શકે છે. ખાસ કરીને રાજસ્થાન, મધ્યપ્રદેશ અને છત્તીસગઢમાં યોજાનારી વિધાનસભાની ચૂંટણી માટે પાર્ટીની તૈયારીઓને ધ્યાનમાં રાખીને આ ફેરફાર ખૂબ જ મહત્વપૂર્ણ સાબિત થશે. સૂત્રોનું માનીએ તો કર્ણાટકમાં જીત બાદ કોંગ્રેસના રાષ્ટ્રીય મહાસચિવ પ્રિયંકા ગાંધીની ભૂમિકા બદલાઈ જશે.

આ વર્ષના અંત સુધીમાં રાજસ્થાન, મધ્યપ્રદેશ અને છત્તીસગઢમાં ચૂંટણી યોજાવા જઈ રહી છે. રાજસ્થાન અને છત્તીસગઢમાં કોંગ્રેસની સરકાર છે જ્યારે મધ્યપ્રદેશમાં ભાજપની સરકાર છે. જો કે કર્ણાટકમાં જીત બાદ કોંગ્રેસે હવે આ રાજ્યોમાં તૈયારીઓ તેજ કરી દીધી છે.

આ પણ વાંચો :-

ભાગી ગયેલી દીકરી પરિવાર માટે ‘મરી ગઈ’, જીવતેજીવ કરી નાખ્યું બારમું

News Editor
-
0

A family in Rajasthan’s Bhilwara

  • પ્રેમી સાથે ભાગી જતા રાજસ્થાનના ભીલવાડાના એક પરિવારે ભારે હૈયે જીવતેજીવ દીકરીના નામનું નાહી નાખીને તેનું બારમું પણ કરી નાખ્યું હતું.

પ્રેમી સાથે ભાગીને લગ્ન કરી લેવાથી પરિવાર દીકરી સામે ભારે નારાજ હોય તે સમજી શકાય તેવી છે. એ તો જેની દીકરી ભાગી ગઈ હોય તે માતાપિતાને ખબર પડે કે કેવી સ્થિતિ થાય છે. દીકરીના ભાગી જવાથી પરિવાર ગમે તેવું પગલું પણ ભરી લેતો હોય છે. રાજસ્થાનના (Rajasthan) ભીલવાડાના એક પરિવારે આઘાત અને શોકમાં આવું જ પગલું ભર્યું અને તેમણે જીવતેજીવ દીકરીને મરેલી સમજીને તેનું બારમું પણ કરી નાખ્યું.

મળી તો પરિવારને ઓળખવાની ના પાડી :

રાજસ્થાનના ભીલવાડા જિલ્લામાં એક યુવતી પોતાની જ જ્ઞાતિના યુવકને લઈને ઘરેથી ભાગી ગઈ હતી. પરિવારની ફરિયાદ પરથી પોલીસને યુવતી મળી આવી હતી. પરિવારના સભ્યોની હાજરીમાં યુવતી સાથે વાત કરવામાં આવી હતી. યુવતીએ પરિવારને ઓળખવાની ના પાડી અને તે યુવક સાથે જતી રહી.

દીકરીની વાત સાંભળીને પરિવાર થયો ખૂબ દુખી :

દીકરીના આ નિર્ણયથી પરિવાર એટલો દુઃખી થયો કે તેમણે પોતાની દીકરીને મૃત માની લીધી છે અને મોટો નિર્ણય લઈને તેના નામે શોક સંદેશ છાપ્યો છે. આમાં લોકોને પુત્રીના મૃત્યુ પછી અને 13 દિવસ પછી ગોરની (મૃત્યુ પર્વ) માં ભાગ લેવા આમંત્રણ અપાયું છે લોકોને મૃત્યુ ભોજના કાર્ડ પણ મોકલી આપવામાં આવ્યાં હતા.

સોશિયલ મીડિયા પર કાર્ડની ચર્ચા :

જીવતેજીવ દીકરીના નામનું બારમું કરવાના પરિવારના નિર્ણય અને શોક સંદેશવાળું કાર્ડ સોશિયલ મીડિયામાં વાયરલ થયું છે જેના બારમાની તારીખ લખેલી જોવા મળે છે.

શું બની હતી ઘટના :

ભીલવાડાના રતનપુરા ગામની પ્રિયા જાટ પોતાના પરિવારની મરજી વિરુદ્ધ પોતાની પસંદગીના યુવક સાથે ઘરેથી ભાગી ગઈ. આના પર પરિવારજનોએ હમીરપુર પોલીસ સ્ટેશનમાં પ્રિયાના ગુમ થયાનો રિપોર્ટ નોંધાવ્યો હતો. પોલીસે પ્રિયાને શોધીને તેના પરિવારની હાજરીમાં તેની સાથે વાત કરી તો તેણે પોતાના પરિવારને ઓળખવાની ચોખ્ખી ના પાડી દીધી અને બોયફ્રેન્ડ સાથે જતી રહી. આ પછી પરિવારજનોએ કહ્યું કે અમારી દીકરી મરી ગઈ છે અને તેમણે શોક સંદેશ છાપ્યો અને લખ્યું કે પ્રિયાનું નિધન થઈ ગયું છે. શોક સંદેશમાં પ્રિયાનું મૃત્યુ 1 જૂન, 2023ના રોજ લખવામાં આવ્યું હતું અને મૃત્યુની તારીખ 13 જૂને રાખવામાં આવી છે.

આ પણ વાંચો :-

ગુજરાતનું 500 વર્ષથી અડીખમ મહાકાય વૃક્ષ ! ડાળ તોડવાની પણ નથી કોઈની હિંમત

News Editor
-
0

Giant tree of Gujarat for 500 years

  • અહીં વાત થઈ રહી છે રાજ્યના પાટનગર ગાંધીનગર જિલ્લાના દહેગામ તાલુકાના કંથારપુર ગામની. કંથારપુર ગામમાં આવેલું છે મહાકાય મહાકાલી વડ. આ વડ પાસે મહાકાળી માતાજીનું વર્ષો જૂનું પૌરાણિક મંદિર પણ આવેલું છે. એના પરથી જ કંથારપુરના આ વડનું નામ મહાકાળી વડ પડી ગયું છે.

વૃક્ષો કાપી કાપીને રસ્તા પહોળા કરવામાં આવી રહ્યાં છે. જંગલની (Forest) જમીનોને સમતલ બનાવીને ત્યાં રહેણાંક અને કોમર્શિલ બાંધકામો થઈ રહ્યાં છે. આવી સ્થિતિમાં પણ છેલ્લાં 5 સદીથી એટલે કે છેલ્લાં 500 વર્ષોથી એક ઝાડ અડીગમ ઊભું છે. અને મજાલ છે કે કોઈ એની એક ડાળ પણ તોડી જાય.

આ ઝાડ તો પ્રધાનમંત્રી મોદીનું અતિ પ્રિય છે. કબીરવડ બાદ આ બીજું સૌથી મોટું ઝાડ છે. હાલ આ સ્થળને પર્યટન સ્થળ અને યાત્રાધામમાં પરિવર્તિત કરવા પણ સરકારે પ્રોજેક્ટ હાથ પર લીધો છે. વડ દર વર્ષે 3 ફૂટ જેટલો ફેલાય છે. ખેડૂતો ધાર્મિક આસ્થાને લીધે વડના કારણે લાખોની જમીન જતી કરે છે.

અહીં વાત થઈ રહી છે રાજ્યના પાટનગર ગાંધીનગર જિલ્લાના દહેગામ તાલુકાના કંથારપુર ગામની. કંથારપુર ગામમાં આવેલું છે મહાકાય મહાકાલી વડ. આ વડ પાસે મહાકાળી માતાજીનું વર્ષો જૂનું પૌરાણિક મંદિર પણ આવેલું છે. એના પરથી જ કંથારપુરના આ વડનું નામ મહાકાળી વડ પડી ગયું છે. તેથી આ વડ મહાકાળી વડ તરીકે જ ઓળખાય છે. તો કોઈ વળી તેને કંથારપુર વડ તરીકે પણ ઓળખે છે.

આ વડલો સતત તેનો વ્યાપ વધારીને ખેતરમાં ફેલાય તો પણ ખેડૂતો તેને કાપતા નથી. ગુજરાતમાં વિશાળ વૃક્ષમાં કબીરવડ બાદ કંથારપુર વડની ગણતરી થાય છે.  વડને કારણે અહીં પ્રવાસન પણ વિક્સયું છે. લોકો ગરમીની ઋતુમાં વડ મુલાકાત અચૂક લેતા હોય છે. વડની આસપાસ ખેડુતોની જમીન આવેલી છે.

મહાકાળી વડની વિશેષતા :

ગાંધીનગર જિલ્લાના દહેગામ તાલુકાના કંથારપુર ગામમાં આવેલું છે વિશાળ ઝાડ. આ ઝાડ છે વડનું. આ વડલો અત્યાર સુધી અનેક વડીલોને છાયડો આપી ચુક્યો છે. અને તેણે પણ અનેક તડકી છાયડી જોઈ લીધી છે. મહાકાળી વડ તરીકે ઓળખાતું આ વૃક્ષ ગુજરાતમાં કબીર વડ બાદ બીજું સૌથી મોટું વૃક્ષ છે.

આ વૃક્ષ અંદાજે 500 વર્ષ કરતા પણ જૂનું હોવાનું માનવામાં આવે છે. વડ 2.5 વિઘામાં પથરાયેલો છે જ્યારે વડની ઊંચાઈ 40 મીટર જેટલી છે. આ વડ ધાર્મિક મહત્વ પણ ધરાવે છે. વડના થળમાં મહાકાલીનું મંદિર પણ આવેલું છે.

આ પણ વાંચો :-

ગુજરાત પર વાવાઝોડાનો ખતરો, આગામી 24 કલાક છે અતિ મહત્વના

News Editor
-
0

Cyclone threat over Gujarat

  • Gujarat Weather Forecast : લો પ્રેશર બન્યા પછી તે વાવાઝોડામાં પરિવર્તિત થશે કે કેમ તે અંગેનો અભ્યાસ કરવામાં આવશે અને તે પછી તે અંગે આગાહી કરવામાં આવશે. લો પ્રેશર બન્યા બાદ તે વાવાઝોડું બનશે કે નહીં બને તે સહિતની વિગતો સ્પષ્ટ કરવામાં આવશે.

ગુજરાત (Gujarat) પર વધુ એક વાવાઝોડાનું સંકટ ઉભુ થયું છે. આ સંકટનું નામ છે બિપોરજોય વાવાઝોડું. લોકો હજી પણ તૌકતેની તાકાતને ભૂલ્યા નથી. ત્યારે બિપોરજોયથી (Biporjoy) લોકોમાં ફરી ભય પેદા થયો છે. બિપોરજોય ગુજરાતના દરિયાકાંઠે અથડાય તેવી શક્યતા દેખાઈ રહી છે. પરંતુ હવામાન વિભાગનું (Meteorological Department) કહેવું છે કે, આ ચક્રવાત ગુજરાત પર ત્રાટકશે કે નહિ તે તેના સરક્યુલેશન લો પ્રેશર (Circulation low pressure) બાદ જ ખબર પડશે. તેના પર સતત નજર રાખી રહ્યાં છે. તેના બાદ જ કોઈ ચોક્કસ આગાહી કરી શકીશું.

વાવાઝોડું ક્યારે ત્રાટકશે  :

અરબી સમુદ્રમાં સાયક્લોનિક સિસ્ટમ બનવાની છે. આ સાયક્લોનિક સિસ્ટમને બિપોરજોય નામ આપવામાં આવ્યું છે. ત્યારે ગુજરાતમાં જે વાવાઝોડાનો ખતરો મંડરાઈ રહ્યો છે તે બિપોરજોય વાવાઝોડાને લઈને મહત્વના સમાચાર સામે આવ્યા છે. બિપોરજોય વાવાઝોડું ગુજરાત પાસે આવી રહ્યું છે. પણ રાહતના સમાચાર એ છે કે, આ વાવાઝોડું ગુજરાતના દરિયા પર નહિ ટકરાય.

બિપોરજોય વાવાઝોડું પાકિસ્તાન બાજુ ફંટાશે. ચક્રવાત ગુજરાતના દરિયાકાંઠાને બાયપાસ કરીને પાકિસ્તાન તરફ આગળ વધે તેવી શક્યતા છે. 10 જુને આ વાવાઝોડું ગુજરાત પાસેથી પસાર થશે અને 12 જુને તે પાકિસ્તાનમાં ટકરાશે. પરંતુ ચક્રવાતની હાજરીને કારણે તેની ગુજરાત પર મોટી અસર જોવા મળી શકે છે.

ગુજરાતમાં ક્યાંથી પસાર થશે વાવાઝોડું :

12 થી 14 જુન વચ્ચે ગુજરાતમાં વાવાઝોડાની આગાહી છે. 7 જૂન સુધીમાં, લો-પ્રેશર સિસ્ટમ લક્ષદ્વીપ નજીક ચક્રવાતી તોફાનમાં તીવ્ર બનશે. જે પોરબંદર અને કચ્છના નલિયા વચ્ચે લેન્ડફોલ કરી તેવી શક્યતા છે. વાવાઝોડું 13 જુનના રોજ ગુજરાતના દરિયાકાંઠે પહોંચી જશે તેવી શક્યતા છે.

હવામાન વિભાગ પાસેથી મળતી માહિતી અનુસાર 7 જૂન સુધીમાં લો-પ્રેશર સિસ્ટમ લક્ષદ્વીપ નજીક ચક્રવાતી તોફાનમાં તીવ્ર બનશે. જેના બાદ 12 થી 14 જુન વચ્ચે ચક્રવાત આવશે. હાલ ચક્રવાતની તમામ હિલચાલ પર નજર રાખવામા આવી રહી છે. સાથે જ ચક્રવાતની તીવ્રતા કેટલી છે તેના પર પણ ફોકસ કરાઈ રહ્યું છે. અરબી સમુદ્રમાં ઉદ્દભવેલું બિપોરજોય ચક્રવાત ધીમે ધીમે ગુજરાતના દરિયાકાંઠા તરફ આગળ વધી રહ્યું છે.

આ પણ વાંચો :-

બિહારમાં હાલમાં જે બ્રિજ તૂટ્યો તેના કોન્ટ્રાક્ટર જ બનાવી રહ્યા છે ગુજરાતના બે મહત્વના બ્રિજ

News Editor
-
0

The contractor of the broken bridge

  • બિહારના ભાગલપુરમાં તૂટેલો આ બ્રિજ એક નહીં પરંતુ બે વાર તૂટી પડયો છે. ચોંકાવનારી વાત એ છે આ જ કોન્ટ્રાક્ટર ગુજરાતમાં પણ બે મહત્વની જગ્યાએ બ્રિજ બનાવી રહ્યો છે. વધુ વિગતો માટે વાંચો અહેવાલ.

બિહારના (Bihar) ભાગલપુરમાં (Bhagalpur) ગંગા નદી પર બની રહેલો બ્રિજ પત્તાના મહેલની જેમ તૂટી પડયો. આ પુલને 1717 કરોડના ખર્ચે બનાવવામાં આવી રહ્યો હતો. સૂત્રોએ જણાવ્યું કે પુલના પિલરના ઓછામાં ઓછા 30 સ્લેબ ધોવાઈ ગયા. ચાર લેનનો આ બ્રિજ ભાગલપુરના સુલ્તાનગંજથી (Sultanganj) ખગડિયાના અગુવાની સુધી બની રહ્યો હતો. નીતિશકુમારે (Nitish Kumar) આ ઘટનાની તપાસના આદેશ આપ્યા છે.

ગત વર્ષે પણ પૂરપાટ પવન અને ધોધમાર વરસાદના કારણે આ પુલ તૂટી પડયો હતો. 2014માં આ પુલનું કામ શરૂ થયું હતું અને તેના પૂરા થવાની ડેડલાઈન આઠવાર આગળ વધારી ચૂકાઈ છે. હવે તમને એક ચિંતાજનક વાત જણાવીએ કે આ ભાગલપુર બ્રિજનો કોન્ટ્રાક્ટર જ ગુજરાતમાં બેટ દ્વારકાનો સિગ્નેચર બ્રિજ બનાવી રહ્યો હોવાની વાત સામે આવી છે.

2019માં પૂરું થવાનું હતું કામ :

આ પુલનું કામ માર્ચ 2019 સુધીમાં પૂરું થવાનું હતું. પરંતુ ત્યાં સુધીમાં 25 ટકા કામ પણ ઠીકથી થયું નહતું. ત્યારબાદ સરકારે તેની ડેડલાઈન 2020 અને પછી 2022 સુધી આગળ વધારી હતી. ગત વર્ષ 30 એપ્રિલના રોજ ભારે વરસાદ અને પવનના કારણે પુલના બે પિલર પડી ગયા હતા.

તે સમયે પણ તેના બાંધકામને લઈને સવાલ ઉઠયો હતા. પરંતુ તેને બનાવનારી કંપની વિરુદ્ધ કોઈ એક્શન લેવાની જગ્યાએ પુલનું કામ પૂરું કરવા માટે તેને સમય આપવામાં આવ્યો. આ બ્રિજ એટલા માટે જરૂરી છે કારણ કે તે ઉત્તર અને દક્ષિણને પરસ્પર જોડે છે.

બેટ દ્વારકાનો સિગ્નેચર બ્રિજ :

ઓખા અને બેટ દ્વારકા વચ્ચે હાલ પરિવહન માટે જોઈએ તો જળમાર્ગ સિવાય અન્ય બીજો કોઈ વિકલ્પ નથી. આથી કેન્દ્ર સરકારે 2017માં અહીં કેબલ પર ટકી રહે એવા 89 ફૂટ પહોળા બ્રિજને મંજૂરી આપી હતી. આ બ્રિજ બનાવવાનો કોન્ટ્રોક્ટ હરિયાણાની એસ.પી સિંગલા કન્સ્ટ્રક્શન્સ પ્રાઈવેટ લિમિટેડને આપવામાં આવ્યો છે. અત્રે જણાવવાનું કે ગુજરાતમાં મરીન લાઈફ દ્રષ્ટિએ સૌથી સંવેદનશીલ ઓખા અને દ્વારકાના દરિયાઈ પટ્ટે સિગ્નેચર બ્રિજ બનાવવાની જવાબદારી પણ હરિયાણાની કંપની પાસે જ છે.

ત્યારે મરીન લાઈફને થઈ રહેલા નુકસાન અથવા તેના મટિરિયલ ગુણવત્તા અંગે પણ ચિંતા થાય તે સ્વાભાવિક છે. એટલે જ નહીં અહીં એ પણ ધ્યાન ધરવા જેવું છે કે એસ પી સિંગલા કન્સ્ટ્રક્શન પાસે નર્મદા નદી પર વડોદરા જીલ્લાના ડભોઈ સિનોરના બ્રિજ બનાવવાની પણ જવાબદારી છે.

કંપની સામે આકરા પગલાં સેવાની બિહાર સરકારની ચિમકી :

અગુવાનીથી સુલ્તાનગંજને જોડતો આ પુલ એપ્રિલ 2022માં તૂટી પડયો હતો અને તે સમયે તેના પિલર 4, 5 અને 6 પડયાં હતા. ત્યારે બિહારના મુખ્યમંત્રી અને કેન્દ્રના પરિવહનમંત્રીએ પુલના બાંધકામમાં નબળી ગુણવત્તાવાળા મટિરિયલનો ઉપયોગ થઈ રહ્યો હોવાની દલીલ કરી હતી. ફરી બ્રિજ પડી જતા આ કોન્ટ્રાક્ટર સામે આકરાં પગલાં ભરવાની જાહેરાત હવે બિહાર સરકારે કરી છે.

આ પણ વાંચો :-

૬ જૂન / ઉધારીથી સાચવજો, મહેનતનું ફળ ઓછું મળે, આ 3 રાશિના જાતકો સિવાય બાકીનાઓનો મંગળવાર ફળશે, જુઓ રાશિ ભવિષ્ય

News Editor
-
0

June 7 / Save from borrowing

મેષઃ
આવકનું પાસું જળવાય. હયાત રોકાણોમાંથી આવક આવતી અનુભવાય. નવા રોકાણોનું આયોજન યથાર્થ રીતે કરી શકાય. કાર્યક્ષેત્રે સફળતા મળતી જણાય છે. આદ્યાત્મિકતાનું પ્રમાણ વધે. ચર્મરોગોથી સાવધાની રાખવી.

વૃષભઃ
ધારેલી આવક અટકતી જણાય. કાર્યક્ષેત્રે સંઘર્ષ બાદ સફળતા મળતી જણાય. દામ્પત્ય ક્ષેત્રે આનંદનો અનુભવ થાય. પરિવારના સભ્યોને માનસિક ચિંતા રહે. મિત્રોનો સાથ સહકાર મળતાં કાર્યો પૂરા થતા જણાય.

મિથુનઃ
ગુસ્સાનું પ્રમાણ વધે. આવક જળવાય. નવા નાણાંકીય રોકાણોનું આયોજન ફાયદાકારક નીવડે. નોકરી કે ધંધાકીય ક્ષેત્રમાં મહેનત વધારે કરવી પડે. પત્નિ સાથે પ્રેમપૂર્ણ વ્યવહાર રહે. સ્વાસ્થ્ય સારું રહેશે.

કર્કઃ
આવક અંગે મધ્યમ દિવસ છે. પરિવારમાં શાંતિ જળવાય. મિત્રોનો સાથ સહકાર મળતો જણાય. મિત્રવર્તુળમાં વધારો થાય. અધૂરા રહેલા કાર્યો પૂર્ણ થતા જણાય. તાવ, શરદી, ખાંસીથી સાચવવું. ભાગ્યનો સાથ મળતો જણાય છે.

સિંહઃ
સંતાન તરફથી સારા સમાચાર મળે. સંતાનની પ્રગતિથી આનંદ થાય. કરેલા કાર્યો સફળ થતા જણાય. સફેદ વસ્તુ, કાપડ, કરિયાણાના ધંધામાં લાભ મળતો જણાય. આરોગ્ય સારું રહેશે. નકારાત્મક વિચારો ઉપર કાબુ રાખવો જરૂરી.

કન્યાઃ
ગઈકાલની જેમ આજે પણ નોકરીમાં બઢતી, બદલી અને ધંધાકીય ક્ષેત્રે સફળતાના યોગ બને છે. આવકનું પ્રમાણ પણ જળવાશે. માતા-પિતાનું સ્વાસ્થ્ય સારું રહેશે. આંખની તકલીફ અને માથાના દુઃખાવાથી સાવધાની જરૂરી.

તુલાઃ
આવકનું પ્રમાણ જળવાતા, માનસિક આનંદ વધે. કુટુંબના સભ્યો સાથે સારો સમય પસાર થાય. કાર્યક્ષેત્રે સફળતા મળતી જણાય. જીવનસાથી સાથે આનંદનો અનુભવ થાય. પ્રેમીપાત્રનું મિલન શક્ય બને.

વૃશ્ચિકઃ
ગઈકાલની જેમ આજે પણ આવકનું પ્રમાણ જળવાય. પરિવારમાં આનંદ વધતો જણાય. બેંક બેલેન્સમાં વધારો થાય. સંતાનમાં ગુસ્સાનું પ્રમાણ વધે. જીવનસાથી સાથે પ્રેમ જળવાય. આરોગ્ય સારું રહે.

ધનઃ
આત્મબળમાં વધારો થાય. માનસિક સ્થિરતા જળવાય. સંગીતનો શોખ રહે. પેટ્રોલ, દૂધ, રબ્બર, રેડિયો, ટી.વી. જેવા ક્ષેત્રે કાર્ય કરતી વ્યક્તિને વિશેષ લાભ મળે. પીઠનો દુઃખાવો તથા મૂત્રાશય સંબંધી રોગોથી સાચવવું.

મકરઃ
આવશ્યક કાર્યો પૂરા કરી શકાશે. આવક સામાન્ય રહેશે પણ વખતસર નાણાંની સગવડ થઈ જશે. દિવસ દરમિયાન ઉદાસીનતા વલર્તાય. વાયુનું પ્રમાણ વધે. સાંધાના દુઃકાવા તથા ગેસટ્રબલ અને ખાંસીથી પરેશાની રહે.

કુંભઃ
શેરબજાર, સ્ત્રી શણગાર, ટ્રાવેલીંગ જેવા ક્ષેત્રમાં લાભ, આવકનું પ્રમાણ વધતું જણાય. સંતાન તરફની ચિંતા રહે. ભાગ્યનો સાથ મળતો જણાય છે. જુના મિત્રોને મળવાનું શક્ય બને. તેમનો સાથ સહકાર મળતો જણાય.

મીનઃ
આત્મવિશ્વાસ જળવાય. આવકનું પાસુ મજબૂત થતું જણાય. માતાનું સ્વાસ્થ્ય જળવાય. યશ-પ્રતિષ્ઠામાં વધારો થાય. સામાજીક કાર્યોમાં સમય પસાર થાય. આંખ, હાડકા અને કરોડરજ્જુના દુઃખાવાની સમસ્યા રહે.

આ પણ વાંચો :-

રાજ્યસભાની 3 બેઠકો માટે ગુજરાતમાં આવી રહી છે ચૂંટણી, જાણો ક્યારે

News Editor
-
0
Elections for 3 Rajya Sabha seats
  • Rajya Sabha Election News : ગુજરાતની રાજ્યસભાની 3 બેઠકો માટે ઓગસ્ટ મહિનામાં ચૂંટણી યોજાશે. જેને લઈ કેન્દ્રીય ચૂંટણી પંચે રાજ્યોને તૈયારી માટે પત્ર લખ્યો છે.

ગુજરાતમાં ઓગસ્ટ મહિનામાં રાજ્યસભાની (Rajya Sabha) ચૂંટણી યોજાશે. આગામી ઓગસ્ટ મહિનામાં રાજ્યસભાની 3 બેઠકો માટે ચૂંટણી યોજાવાની છે. 18 ઓગસ્ટે ત્રણ બેઠકોની ટર્મ પૂર્ણ થવા જઈ રહી છે. જેથી આ રાજ્યસભાની બેઠકો પર ચૂંટણી યોજાશે. એવું કહેવામાં આવી રહ્યું છે કે ભાજપ આ બેઠકો પર ચહેરા બદલાવી શકે છે.

કેન્દ્રીય ચૂંટણી પંચે લખ્યો પત્ર :

કેન્દ્રીય ચૂંટણી પંચે જે રાજ્યોમાં રાજ્યસભાના સભ્યોની ટર્મ પૂર્ણ થવા જઈ રહી છે, તે રાજ્યોને પત્ર લખ્યો છે. પત્રમાં ચૂંટણી પંચે નોડેલ ઓફિસર, ચૂંટણી અધિકારીની નિયુક્તિ કરવા જણાવવામાં આવ્યું છે.

18 ઓગસ્ટે પૂરી થવા જઈ રહી છે ટર્મ :

ગુજરાતમાં રાજ્યસભાની 11 બેઠકો આવેલી છે. જેમાંથી ભાજપ પાસે 8 બેઠકો છે. જ્યારે કોંગ્રેસ પાસે 3 બેઠકો છે. વાસ્તવમાં આગામી ઓગસ્ટ મહિનામાં વિદેશ મંત્રી એસ.જયશંકર, જુગલજી ઠાકોર અને દિનેશ અનાવડીયાનો કાર્યકાળ પૂર્ણ થઈ રહ્યો છે. ત્યારે આ ત્રણ બેઠક માટે ઓગસ્ટ મહિનામાં ચૂંટણી યોજાશે. આ વખતે પણ 3 બેઠકો પર ભાજપ પ્રતિનિધિત્વ કરશે. કોંગ્રેસનું સંખ્યાબળ ઓછું હોવાથી 3 બેઠક ફરી ભાજપના ફાળે જવાની શક્યતા છે.

ભાજપ ચહેરા બદલે તેવી પ્રબળ શક્યતાઓ :

સૂત્રોમાંથી મળતી માહિતી અનુસાર આ વખતે આ ત્રણ બેઠકો પૈકી બે બેઠકો પર ભાજપ ચહેરા બદલે તેવી પ્રબળ શક્યતાઓ છે. ભાજપ વિદેશમંત્રી એસ.જયશંકરને રિપીટ કરી શકે છે. તો જુગલજી ઠાકોર અને દિનેશ અનાવડીયા ડ્રોપ થઈ શકે છે. એસ. જયશંકરની વાત કરવામાં આવે તો તેઓ હાલમાં વિદેશમંત્રી છે. તેમની કામગીરીને લઈને તેઓને ફરીથી રિપીટ કરાય તેવી શક્યતાઓ છે.

અંતિમ નિર્ણય હાઈકમાન્ડ લેશે :

સૂત્રોના જણાવ્યા અનુસાર ઉત્તર ગુજરાતના મોટા નેતા જુગલજી ઠાકોર અને દિનેશ અનાવડીયાની જગ્યાએ અન્ય કોઈની પસંદગી કરવામાં આવી શકે છે. જો કે આ મામલે અંતિમ નિર્ણય તો હાઈકમાન્ડ દ્વારા જ લેવામાં આવશે. એસ. જયશંકર, જુગલજી ઠાકોર અને દિનેશ અનાવડિયામાંથી ભાજપ કોને રિપીટ કરશે અને કોને પડતા મૂકશે તે તો આવનારા દિવસોમાં જ સાચી ખબર પડશે.

આ પણ વાંચો :-

 

આ છે વિશ્વનો સૌથી લાંબો હાઈવે, 30,000 KM લાંબી મુસાફરી કરવામાં મહિનાઓ વીતી જશે !

News Editor
-
0

This is the longest highway  

  • Pan American Highway : પાન અમેરિકન હાઈવે રસ્તાઓનું એવુ નેટવર્ક છે જે સમગ્ર અમેરિકામાં ફેલાયેલ છે અને તેની કુલ લંબાઈ આશરે 30,000 કિલોમીટર (19,000 માઈલ) છે.

કારના શોખીનોનો શોખ માત્ર વાહન ખરીદવાથી પૂરો થતો નથી. વાસ્તવમાં ડ્રાઈવિંગની (Driving) ખરી મજા ત્યારે જ આવે છે જ્યારે રસ્તાઓ શાનદાર હોય. દેશના વિકાસ માટે સારા રસ્તાઓ સૌથી મહત્વપૂર્ણ શરતોમાં એક છે. છેલ્લા કેટલાક વર્ષોમાં ભારતમાં મોટા પાયે રસ્તાઓનું નિર્માણ થયું છે.

NH 44 એ ભારતનો સૌથી લાંબો રસ્તો છે જેની કુલ લંબાઈ 4,112 KM છે અને જે કન્યાકુમારીથી શરૂ થઈને શ્રીનગર સુધી જાય છે. પરંતુ શું તમે જાણો છો કે વિશ્વનો સૌથી લાંબો હાઈવે કયો છે? આજે અમે તમને આ વિશે જણાવીશું.

વિશ્વનો સૌથી લાંબો પાન અમેરિકન હાઈવે તે રસ્તાઓનું નેટવર્ક છે જે સમગ્ર અમેરિકામાં ફેલાયેલુ છે અને તેની કુલ લંબાઈ આશરે 30,000 કિલોમીટર (19,000 માઈલ) છે. ગિનિસ વર્લ્ડ રેકોર્ડસ અનુસાર, પાન-અમેરિકન હાઈવે એ વિશ્વનો સૌથી લાંબો મોટરેબલ રોડ છે.

તેને અનેક તબક્કામાં બાંધવામાં આવ્યો હતો. તેની રચના પાછળનો વિચાર એ હતો કે તે એક ઈન્ટર-અમેરિકન હાઇવે હોવો જોઈએ જે ઉત્તર, મધ્ય અને દક્ષિણ અમેરિકાના રાષ્ટ્રોને જોડે. નોર્થ પાન-અમેરિકન હાઈવે તરીકે ઓળખાતા આ હાઈવેનો ઉત્તરી ભાગ નવ દેશોમાંથી પસાર થાય છે – કેનેડા, યુનાઈટેડ સ્ટેટસ, મેક્સિકો, ગ્વાટેમાલા, અલ સાલ્વાડોર, હોન્ડુરાસ, નિકારાગુઆ, કોસ્ટા રિકા, પનામા. એ જ રીતે, દક્ષિણ પાન-અમેરિકન હાઈવે પાંચ દેશોમાંથી પસાર થાય છે.

આમાં શામેલ છે : – કોલંબિયા, એક્વાડોર, પેરુ, ચિલી, આર્જેન્ટિના. આ ઉપરાંત અન્ય ચાર દક્ષિણ અમેરિકાના દેશો સાથે પણ મહત્વપૂર્ણ જોડાય છે. તેમાં બોલિવિયા, બ્રાઝિલ, પરાગુઆ અને ઉરુગ્વેનો પણ સમાવેશ થાય છે.

આ આખા હાઈવે પરથી પસાર થવામાં કેટલો સમય લાગશે તે કહેવું મુશ્કેલ છે.પરંતુ એક અંદાજ મુજબ જો દરરોજ 500 કિમીનો પ્રવાસ કરવામાં આવે તો 60 દિવસનો સમય લાગશે. કલોરસ સાંતામરિયા નામના સાઈકલિસ્ટે 117 દિવસમાં આ રસ્તો પૂરો કર્યો. તેમનું નામ ગિનિસ બુક ઓફ વર્લ્ડ રેકોર્ડમાં પણ નોંધાયેલું છે.

આ પણ વાંચો :-

1...1,0691,0701,071...1,466Page 1,070 of 1,466