Feria Awadhesh Dube, who became
- Awadhesh Dubey Video Viral : સુરતમાં ફેરિયાનો RPF જવાનો પર આરોપ. RPF જવાનો વારંવાર હેરાન કરતો હોવાનો લગાવ્યો આરોપ. ટ્રેનમાં રમકડાં વેચનાર અવધેશ દુબેનો વીડિયો વાયરલ.
મોદીજીના (Modi) ગીતો ગાઈને ટ્રેનમાં રમકડા વેચતો ફેરિયો સોશિયલ મીડિયા (Social media) પર બહુ જ ફેમસ બન્યો હતો. અવધેશ દુબેને આરપીએફના જવાનો દ્વારા નવસારી રેલવે સ્ટેશન (Navsari Railway Station) ઉપર પકડવામાં આવ્યો અને ત્યારબાદ તેને વલસાડ આરપીએફને સોંપી દેવાયો હતો. ત્યારે વલસાડના રહેવાસી ફેમસ અવધેશ દૂબેએ રેલવે પોલીસના ત્રાસથી કંટાળીને આત્મહત્યા કરવાની ચીમકી આપી છે. રેલવેમાં ફરિયા તરીકે રમકડા વેચનાર અવધેશ દુબેનો આરપીએફ જવાનોની હેરાનગતિથી સ્યૂસાઈડ કરી લેવાની ચીમકી ઉચ્ચારતો વીડિયો વાયરલ થઈ રહ્યો છે.
અવધેશ દુબે સુરતથી વાપી વચ્ચે ટ્રેનમાં છેલ્લા ઘણા સમયથી રમકડા વેચીને પોતાનું ગુજરાન ચલાવે છે. ત્યારે અવધેશ દુબેએ આરપીએફના સિવિલ ડ્રેસમાં આવતા પોલીસ જવાનો જબરદસ્તી પૈસા માંગી હેરાન કરતા હોવાનો આક્ષેપ કર્યા છે.
અવધેશ દૂબેએ રેલવે મંત્રી અને PM ને સોશિયલ મીડિયા પર ટ્વીટ કરી ન્યાયની અપીલ કરી છે. અને જો ન્યાય ન મળે તો આત્મહત્યા કરવાની ચીમકી ઉચ્ચારી છે. અવધેશ દૂબેનો આત્મહત્યાની ચીમકી ઉચ્ચારતો વીડિયો હાલ સોશિયલ મીડિયામાં વાયરલ થયો છે.
અવધેશે વીડિયોમાં શું કહ્યું…
અવધેશ દુબેએ જણાવ્યું હતું કે આજે ફરી એક વખત આરપીએફ જવાનોની દાદાગીરી સામે આવી છે તેઓ કોઇપણ પ્રકારના યુનિફોર્મમાં ન હતા. પહેલા તો મેં તેમને પૂછ્યું કે તે કોણ છે. ત્યારે એમને કહ્યું કે અમે આરપીએફ જવાન છીએ. ત્યારબાદ અમે લાયસન્સ વગર વેચાણ કરી રહ્યા હોવાની વાત મૂકીને અન્ય ફેરિયાઓને કેસ કરવાની ધમકી આપીને તેમની પાસેથી રૂપિયા લઈ લીધા હતા. ત્યારબાદ તેમને છોડી દેવામાં આવ્યા હતા. જોકે, મેં તેમને પૈસા આપવાની ના પાડતા તે બંને આરપીએફ જવાનોએ મને તમાચા મારવાના શરૂ કરી દીધા હતા અને ત્યારબાદ તેમણે આરપીએફ વલસાડને મને સોંપી દીધો હતો.
હું છેલ્લા ઘણા વર્ષોથી ટ્રેનમાં રમકડા વેચું છું પરંતુ જે વ્યક્તિઓ આજે યુનિફોર્મ વગર હતા તેમને હું ઓળખતો ન હતો તેથી હું તેમને પૂછતો હતો કે, તેમનું નામ શું છે. ત્યારે એક વ્યક્તિએ મને જણાવ્યુ કે મારું નામ રામપાલ સિંહ છે. પછી મેં પૂછ્યું કે, સાહેબનું નામ શું છે તો તેમણે કહ્યું કે, સંતોષ સોની મારા સાહેબ છે અને હું મુંબઈ સેન્ટ્રલમાં ફરજ બજાવું છું. મેં તેમને સમજાવ્યું કે હું ઘણા વર્ષોથી આ કામ કરું છું તમે ખોટી રીતે મારી પાસેથી પૈસા ન માંગો. આરપીએફ જવાનોની આ દાદાગીરને કારણે હું કંટાળી ગયો છું. હું કમાઉ છું. ત્યારે મારું આખું પરિવાર દસ લોકોનું જે છે તેનું ભરણપોષણ થયા છે. મારા જેવા અનેક લોકો આ પ્રકારે ટ્રેનમાં વેચાણ કરતા હોય છે.
પરંતુ જે લોકો તેને રૂપિયા ન આપે તેની સામે કેસ દાખલ કરી દે છે. આના કારણે હવે જીવવું ખુબ જ કપરું બની રહ્યું છે માટે હું કંટાળીને આરપીએફ જવાનોની દાદાગીરીને કારણે સુસાઈડ કરવાનું વિચારું છું. મેં તેમને કહ્યું કે, મને પોતે કેન્દ્રીય રેલવે રાજ્યકક્ષા મંત્રી દર્શના જરદોશ પણ સારી રીતે ઓળખે છે છતાં તેઓ દાદાગીરી કરતા રહ્યા અને તેના કારણે હું કંટાળી હયો છું. એવું લાગે છે કે હવે હું સુસાઈડ કરી લઉં.
અવધેશ દુબે 2019 થી ટ્રેનમાં રમકડાં વેચે છે. અવધેશ ટ્રેનમાં રમકડા વેચતા સમયે પોલિટિકલ કોમેડી કરતો હતો. જેથી તે સોશિયલ મીડિયામાં રાતોરાત ફેમસ થયો હતો. ટ્રેનમાં તેની રમકડા વેચવાની સ્ટાઈલ લોકોમાં ખૂબ જ લોકપ્રિય બની છે. જેના કારણે તેને ખૂબ ઓળખ મળી છે.
આ પણ વાંચો :-
- Tata Punch ને ટક્કર મારશે આ સસ્તી SUV કાર, માત્ર 11,000માં થઈ રહ્યું છે ધડાધડ બુકિંગ
- ગુજરાતીઓ માટે ખુલ્યા કેનેડા જવાના દરવાજા, હવે IELTS વગર પણ જઈ શકાય છે
