Home Blog Page 1066

અમરનાથ યાત્રા બનશે વધારે આરામદાયક, યાત્રાળુઓને મળશે વધુ 2 સુવિધા

News Editor
-
0

Amarnath Yatra will become more comfortable

  • Amarnath Yatra 2023 : યાત્રા શરૂ થાય તે પહેલા 13,000 ફીટની ઊંચાઈ પર અમરનાથ યાત્રાના માર્ગ પરથી બરફ હટાવવાનું કામ અને રસ્તાને પહોળો કરવાનું કામ સતત ચાલી રહ્યું છે. અધિકારીઓનું કહેવું છે કે યાત્રા શરૂ થયાના 15 દિવસ પહેલા એટલે કે 15 જૂન સુધીમાં યાત્રાના માર્ગને ખોલી દેવામાં આવશે.

બરફાની બાબાના દર્શન માટેની પવિત્ર અમરનાથ યાત્રા (Amarnath Yatra) 30 જૂનથી શરૂ થશે. અમરનાથ યાત્રા શરૂ થાય તે પહેલા જ ભક્તો માટે જમ્મુ કશ્મીર (Jammu Kashmir) સરકારે મહત્વની જાહેરાત કરી છે. જમ્મુ કશ્મીર સરકાર અને શ્રી અમરનાથ શ્રાઇન બોર્ડ દ્વારા જમ્મુ શ્રીનગર (Srinagar) રાષ્ટ્રીય રાજમાર્ગ ઉપર યાત્રી નિવાસ અને આપતા પ્રબંધન કેન્દ્ર બનાવવામાં આવી રહ્યું છે. જેના કારણે અમરનાથના દર્શન (Visions of Amarnath) કરવા જતા યાત્રીઓની સુવિધામાં વધારો થશે.

અમરનાથ યાત્રી નિવાસ 1.87 એકરની જમીનમાં ફેલાયેલું હશે. જેમાં 54 રૂમ 18 ડોરમેટરી અને એક મલ્ટી લેવલ કાર પાર્કિંગ હશે. સાથે જ આ બધા પ્રબંધન કેન્દ્ર બનાવવામાં આવશે. મહત્વનું છે કે અમરનાથ યાત્રામાં યાત્રાળુઓની સંખ્યા વધતી જાય છે તેને લઈને સરકાર તરફથી પણ પ્રવાસીઓની સુવિધા માટે અલગ અલગ નિર્ણયો લેવામાં આવે છે. તેવામાં યાત્રી નિવાસ બનવાથી અમરનાથ જતા પ્રવાસીઓને સૌથી વધુ ફાયદો થશે.

બીજી તરફ યાત્રા શરૂ થાય તે પહેલા 13,000 ફીટની ઊંચાઈ પર અમરનાથ યાત્રાના માર્ગ પરથી બરફ હટાવવાનું કામ અને રસ્તાને પહોળો કરવાનું કામ સતત ચાલી રહ્યું છે. અધિકારીઓનું કહેવું છે કે યાત્રા શરૂ થયાના 15 દિવસ પહેલા એટલે કે 15 જૂન સુધીમાં યાત્રાના માર્ગને ખોલી દેવામાં આવશે. અમરનાથ યાત્રા માટે પહેલગામ અને બાલટાલ 2 રૂટ ચાલુ રહેશે.

પહલગામમાં ચંદનવાડીથી પવિત્ર ગુફા સુધી 20 કિમી અને બાલટાલથી ગુફા સુધી 14 કિમીનો ટ્રેક હજુ પણ બરફથી ઢંકાયેલો છે. જેને યુદ્ધના ધોરણે હટાવવામાં આવી રહ્યો છે. તંત્ર 15 જૂન સુધીમાં ટ્રેકને ખુલ્લો કરવા સતત કાર્યરત છે. બરફ હટાવવાની સાથે જ યાત્રા માર્ગ પર કોંક્રીટ ટ્રેક અને સીડીઓ બનાવવામાં આવી રહી છે.

આ પણ વાંચો :-

દરિયો તોફાની બનતા 170ની સ્પીડે ફૂંકાશે પવન ! વિનાશ વેરવા આવ્યું વાવાઝોડુ

News Editor
-
0

Wind will blow at a speed of 170

  • Gujarat Cyclone Biporjoy : અહેવાલો મુજબ વેરાવળ, દ્વારકા, જાફરાબાદ તેમજ નવલખી,જામનગર, પોરબંદર સહિત તમામ બંદરોએ ઉપરાંત દક્ષિણ ભારતના કોયલમથી કાલીકટ થઈને તલપોના સુધીના તમામ બંદરો ઉપર ભયસૂચક સિગ્નલ લાગ્યા છે. માછીમારી તા.1 જૂનથી બંધ કરાઈ છે અને હાલ દરિયો નહી ખેડવા ચેતવણી વકી છે.

ગુજરાત માટે આ જોખમી સમાચાર છે. ગુજરાત પર ત્રાટકી શકે છે વિનાશક વાવાઝોડું (A devastating storm). હવામાન વિભાગે કરેલી આગાહી મુજબ આગામી 24 કલાક ગુજરાત પર ભારે છે. ગુજરાતના માથે મોટું સંકટ તોળાઈ રહ્યું છે. હવામાન વિભાગની (Meteorological Department) આગાહી મુજબ ચક્રવાત ભીષણ રૂપ ધારણ કરી શકે છે.

એવું પણ અનુમાન લગાવવામાં આવી રહ્યું છેકે, તા.9, 10ના રોજ 150-170 કિમીની ઝડપે સુસવાટા મારતો પવન ફૂંકાશે. આગામી 9 જૂનથી ત્રણથી ચાર દિવસ સુધી ગુજરાતના વિવિધ જિલ્લાઓમાં ભારે પવન સાથે વરસાદી માહોલ છવાયેલો રહેશે.હાલ દરિયો તોફાની બન્યો છે. અરબી સમુદ્રમાં વાવાઝોડું સર્જાતા ગુજરાતના બંદરોએ સિગ્નલ લાગ્યા હતા.

કયા કયા બંદરો પર લાગ્યા અલર્ટના સિગ્નલ?

અહેવાલો મુજબ વેરાવળ, દ્વારકા, જાફરાબાદ તેમજ નવલખી, જામનગર, પોરબંદર સહિત તમામ બંદરોએ ઉપરાંત દક્ષિણ ભારતના કોયલમથી કાલીકટ થઈને તલપોના સુધીના તમામ બંદરો ઉપર ભયસૂચક સિગ્નલ લાગ્યા છે. માછીમારી તા.1 જૂનથી બંધ કરાઈ છે અને હાલ દરિયો નહી ખેડવા ચેતવણી વકી છે.

દક્ષિણ-પૂર્વ અરબી સમુદ્રમાં આજે ડીપ ડીપ્રેસન સાયક્લોનમાં ફેરવાયું છે. અને ૧૩ દેશોએ આપેલા નામ મુજબ આ વાવાઝોડાનું નામ બાંગ્લાદેશે આપેલા નામ મુજબ ‘બિપોરજોય રાખવામાં આવ્યું છે.  બંગાળની ખાડીમાં મોખા પછી પ્રિમોન્સૂન સીઝનમાં આ બીજુ વાવાઝોડુ ત્રાટકી રહ્યું છે. જેના પગલે ગુજરાતના દમણ,ભરુચથી માંડીને કચ્છના જખૌ સુધીના તમામ બંદરો જારી કરાઈ છે. ઉપર ચેતવણી સુચક DW-2 સિગ્નલ લાગ્યા છે. આ ચક્રવાત આજે સાંજની સ્થિતિએ પોરબંદરથી ૧૧૩૦ કિ.મી.અને ગોવાથી ૯૦૦ કિ.મી.દૂર હતું.

સૌરાષ્ટ્ર સહિત ગુજરાતને વ્યાપક અસરની સંભાવના :

આ શક્તિશાળી ચક્રવાતની દિશા બદલાતી રહે છે અને જો તે જરાક પૂર્વ દિશા તરફ વળે તો સૌરાષ્ટ્ર સહિત ગુજરાતમાં આ વ્યાપક અસર થવાની સંભાવના છે. ખાસ કરીને તા.૧૩ આસપાસ સૌરાષ્ટ્રના કાંઠા વિસ્તાર નજીક આ વાવાઝોડુ આવી પહોંચવાની શક્યતાઓ રહેલી છે.

વાવાઝોડાની ક્યાં વ્યાપક અસરની સંભાવના છે?

ખુબ જ તીવ્રતાથી વાવાઝોડું આગળ વધી રહ્યું છે. જે આગળ જતા ‘વેરી સિવિયર સાયક્લોનિક સ્ટોર્મ ‘માં ફેરવાશે. આ વાવાઝોડાની ગુજરાતના કચ્છથી મહારાષ્ટ્ર થઈને કર્ણાટક, દક્ષિણ ભારત સુધી વ્યાપક અસર થશે. બીજી તરફ ગુજરાતમાં આજે નૈઋત્યના પવનો એટલેકે, જે દિશાએથી વરસાદ અને હાલ વાવાઝોડુ આવવાની પણ સંભાવના છે તે પણ આવવાના શરૂ થયા છે. 13 જૂન આસપાસ આ વાવાઝોડાને કારણે ગુજરાતને અસર પહોંચી શકે છે.

ગુજરાતમાં ક્યાં-ક્યાં થઈ શકે છે વરસાદ?

વાવાઝોડા અને પવનની ગતિ બદલાઈ રહી છે. સમુદ્રમાં ડિપ ડિપ્રેશન સર્જાઈ રહ્યું છે. જેને પગલે ગુજરાતના વિવિધ વિસ્તારોમાં વરસાદની પણ સંભાવના હવામાન વિભાગે વ્યક્ત કરી છે. ગુજરાતમાં ખાસ કરીને તા.૯ અને તા.૧૦ ગુજરાતમાં ખાસ કરીને સુરત, નવસારી, વલસાડ, ભાવનગર સહિત જિલ્લાઓમાં ગાજવીજ સાથે વરસાદની આગાહી થઈ છે.

આ પણ વાંચો :-

Wrestlers Protest Updates : પ્રદર્શનકારી પહેલવાનોને સરકારે ફરીથી વાતચીત માટે આપ્યું આમંત્રણ

News Editor
-
0

Wrestlers Protest Updates

  • Anurag Thakur On Wrestlers Protest : સરકારે પ્રદર્શનકારી કુશ્તીબાજોને વાતચીત માટે ફરીથી આમંત્રિત કર્યા છે. કેન્દ્રીય ખેલમંત્રી અનુરાગ ઠાકુરે ટ્વીટ કરીને આ અંગે જાણકારી આપી. તેમણે પોતાની ટ્વીટમાં કહ્યું કે સરકાર પહેલવાનો સંલગ્ન તેમના મુદ્દાઓ પર વાતચીત માટે તૈયાર છે.

સરકારે પ્રદર્શનકારી કુશ્તીબાજોને (Demonstration Wrestlers) વાતચીત માટે ફરીથી આમંત્રિત કર્યા છે. કેન્દ્રીય ખેલમંત્રી અનુરાગ ઠાકુરે (Union Sports Minister Anurag Thakur) ટ્વીટ કરીને આ અંગે જાણકારી આપી. તેમણે પોતાની ટ્વીટમાં કહ્યું કે સરકાર પહેલવાનો સંલગ્ન તેમના મુદ્દાઓ પર વાતચીત માટે તૈયાર છે. મે એકવાર ફરીથી આ અંગે પહેલવાનોને વાતચીત માટે આમંત્રિત કર્યા છે.

નોકરી પર પરત ફર્યા પહેલવાનો :

કેન્દ્રીય ખેલમંત્રીની આ ટ્વીટ પ્રદર્શનકારી પહેલવાન બજરંગ પુનિયાના એ નિવેદન બાદ આવી જેમાં તેમણે જણાવ્યું હતું કે 3 જૂનના રોજ કેન્દ્રીય ગૃહમંત્રી અમિત શાહે પ્રદર્શનકારી પહેલવાનો સાથે મુલાકાત કરી હતી. પુનિયાના જણાવ્યાં મુજબ આ બેઠકમાં ગૃહમંત્રીએ પહેલવાનોના મુદ્દાઓને ઉકેલવા માટે આશ્વાસન આપ્યું હતું. આ નિવેદન બાદ તમામ પહેલવાનો 5 જૂનના રોજ  રેલવેમાં પોતાની નોકરી પર પાછા ફર્યા હતા.

નોકરી પર પાછા ફરતી વખતે વિનેશ ફોગાટ, સાક્ષી મલિક અને બજરંગ પુનિયાએ ટ્વીટ કરીને કહ્યું કે, અમારા મેડલને 15-15 રૂપિયાના જણાવનારા લોકો હવે અમારી નોકરી પાછળ પડયાં છે. જો અમારા આંદોલનના રસ્તામાં નોકરી આવશે તો અમે તેને ત્યાગવામાં 5 મિનિટ પણ નહીં લગાવીએ. અમને નોકરીનો ડર ન દેખાડો. આ અમારા માટે ખુબ નાની વસ્તુ છે.

પૂરું નથી થયું આંદોલન :

પુનિયાએ અન્ય એક ટ્વીટમાં એ પણ સ્પષ્ટ કર્યું હતું કે નોકરી પર તેઓ ભલે પાછા ફર્યા પરંતુ તેમનું આ આંદોલન હજૂ પૂરું નથી થયું. તેમણે સ્પષ્ટ કર્યું કે જ્યાં સુધી તેમને ન્યાય ન મળે ત્યાં સુધી તેમનું આંદોલન ચાલુ રહેશે. તેમણે દેશવાસીઓને કોઈ પણ પ્રકારની અફવાઓથી દૂર રહેવાનું અને મીડિયાને આ મામલે યોગ્ય રિપોર્ટિંગ કરવાની પણ અપીલ કરી.

અત્રે જણાવવાનું કે વિનેશ ફોગાટ, સંગીતા ફોગાટ, સાક્ષી મલિક, બજરંગ પુનિયા અને સત્યેન્દ્ર કાદિયાન ભારતીય કુશ્તી સંઘના પૂર્વ અધ્યક્ષ બ્રિજભૂષણ શરણ સિંહ વિરુદ્ધ શારીરિક સતામણીનો આરોપ લગાવીને 30 જાન્યુઆરીના રોજ જંતર મંતર પર ધરણા શરૂ કર્યા હતા. જેના પર કેન્દ્રીય ખેલમંત્રી અનુરાગ ઠાકુર સાથે તેમની વાતચીત થઈ ત્યારબાદ સરકારે એમસી મેરીકોમની અધ્યક્ષતામાં આ મામલે તપાસ માટે કમિટી બનાવવાનો નિર્ણય લીધો.

બ્રિજભૂષણ શરણ સિંહ પર 2 કેસ

ત્યારબાદ 23 એપ્રિલથી પહેલવાનો ફરીથી જંતર મંતર પર ધરણા પર બેઠા. પહેલવાનોની અરજી પર સુનાવણી કરતા સુપ્રીમ કોર્ટે આ મામલે એફઆઈઆર નોંધવાનો અને પહેલવાનોને સુરક્ષા આપવાનો આદેશ આપ્યો. કોર્ટના આદેશ પર દિલ્હી પોલીસે બ્રિજભૂષણ શરણ સિંહ વિરુદ્ધ 2 અલગ અલગ કેસ દાખલ કરીને તપાસ માટે વિશેષ ટીમ બનાવી.

પરંતુ આમ છતાં કુશ્તીબાજો માન્યા નહીં અને બ્રિજભૂષણ શરણ સિંહની ધરપકડની માંગણી પર અડીખમ રહ્યા. તેમણે પોતાની આ માંગને લઈને 28મી મેના રોજ નવી સંસદ પાસે મહિલા મહાપંચાયત કરવાની પણ કોશિશ કરી હતી. ત્યારબાદ દિલ્હી પોલીસે એક્શન લઈને તેમને જંતર મંતરથી દૂર કરવામાં આવ્યાં હતા અને સામાન હટાવ્યો હતો.

Mukesh Ambani ના ઘરે આવે છે આ ડેરીમાંથી દૂધ, અહીંની ગાયો પીવે છે RO નું પાણી અને રહે છે એસીમાં..

News Editor
-
0

Milk from this dairy comes

  • Mukesh Ambani : અંબાણી પરિવાર માત્ર ઓર્ગેનિક શાકભાજીનો જ ઉપયોગ કરે છે. અંબાણી પરિવારના દૈનિક આહારમાં હાયજીનનું ખાસ ધ્યાન રાખવામાં આવે છે. આજ કારણ છે કે અંબાણી પરિવાર માટે આવતું દૂધ પણ ખાસ જગ્યાએથી આવે છે. મુકેશ અંબાણી સહિત પરિવારના બધા જ લોકો આ ખાસ ડેરીમાંથી આવતા દૂધનું જ સેવન કરે છે.

ભારતના સૌથી મોટા બિઝનેસ ટાયકુન અને દુનિયાના ટોપ 10 અમીરોની યાદીમાં આવતા મુકેશ અંબાણી (Mukesh Ambani) પોતાના પરિવાર સાથે એન્ટિલિયામાં (Antilia) રહે છે. એન્ટિલિયા પણ દુનિયાનું સૌથી મોટું અને ખાસ ઘર છે. આ ઘર એટલું મોટું છે અને તેમાં એટલી સુવિધાઓ છે કે અહીં મહિનાનું વીજળીનું બિલ પણ લાખોમાં આવે છે. અંબાણી પરિવાર માત્ર ઓર્ગેનિક શાકભાજીનો (Organic vegetables) જ ઉપયોગ કરે છે.

અંબાણી પરિવારના દૈનિક આહારમાં હાયજીનનું ખાસ ધ્યાન રાખવામાં આવે છે. આજ કારણ છે કે અંબાણી પરિવાર માટે આવતું દૂધ પણ ખાસ જગ્યાએથી આવે છે. મુકેશ અંબાણી સહિત પરિવારના બધા જ લોકો આ ખાસ ડેરીમાંથી આવતા દૂધનું જ સેવન કરે છે.

મુકેશ અંબાણીના ઘરે મુંબઈની ભાગ્યલક્ષ્મી ડેરી ફાર્મમાંથી દૂધ આવે છે. આ ડેરી ફાર્મ પ્રાઈડ ઓફ કાઉ બ્રાન્ડ નામથી ગાયના દૂધનું વેચાણ કરે છે. જોકે માત્ર મુકેશ અંબાણી જ નહીં પરંતુ સચિન તેંડુલકર, અમિતાભ બચ્ચન, શિલ્પા શેટ્ટી, રિતિક રોશન સહિતના સેલિબ્રિટીના ઘરે પણ આ ડેરી દૂધ સપ્લાય કરે છે. આ ડેરી ફાર્મનું દૂધ ખાસ હોય છે કારણ કે અહીં ગાયની સંભાળ પણ ખાસ રીતે રાખવામાં આવે છે.

આ ડેરી ફાર્મમાં જે ગાયો છે તેને પણ સેલિબ્રિટીની જેમ વૈભવી સુખ સુવિધા મળે છે. અહીં ગાયની રહેવાની અને સુવાની ખાસ વ્યવસ્થા ઊભી કરવામાં આવી છે. ગાયના સુવા માટે ખાસ કેરલ થી રબર કોટિંગ વાળા ગાદલા મંગાવવામાં આવ્યા છે. આવા એક ગાદલાની કિંમત 7000 રૂપિયા જેટલી હોય છે.

આસામમાં રહેતી ગાય માટે એસી પણ ફીટ કરવામાં આવ્યા છે. અહીંની ગાય મલ્ટીજેટ શાવરમાં સ્નાન કરે છે. અહીંની ગાયોને પીવા માટે આરોનું પાણી આપવામાં આવે છે. સાથે જ તેને ભોજનમાં સ્પેશિયલ ઓટસ, કપાસ, આલ્ફા ઘાસ જેવી હાઈ પ્રોટીન વસ્તુઓ આપવામાં આવે છે.

આ ડેરી ફાર્મમાં 3,500 જેટલી ગાય છે. તેની સંભાળ માટે 75 કર્મચારીઓ ખડે પગે રહે છે. અહીં ગાયોનું દૂધ પણ મશીન દ્વારા કાઢવામાં આવે છે અને હાઈજીન જળવાઈ તે રીતે બોટલમાં પેક કરવામાં આવે છે. આ ડેરી ફાર્મમાં ગાયોને વીઆઈપી ટ્રીટમેન્ટ મળે છે તેમ છતાં અહીંનું દૂધ 80 રૂપિયા પ્રતિ લીટર ના હિસાબથી વેચાય છે.

WTC Final માં ગુજરાતના ગીતાબા લંડનમાં ગાશે ‘જન ગણ મન..!

News Editor
-
0

In WTC Final Gujarat’s

  • WTC ફાઈનલમાં ગીતાબા ઝાલા ભારતનું રાષ્ટ્રગીત ગાશે. બ્રિટિશ ઈન્ડિયન એવા ગીતાબા ઝાલાને ઈંગ્લેન્ડ ક્રિકેટ બોર્ડ દ્વારા રાષ્ટ્રગીત ગાવા માટે આમંત્રિત કર્યા.

આજથી વર્લ્ડ ટેસ્ટ ચેમ્પિયનશિપનો (World Test Championship) પ્રારંભ થઈ રહ્યો છે. ક્રિકેટના મક્કા કહેવાતા ઈંગ્લેન્ડમાં રમાઈ રહી છે વર્લ્ડ ટેસ્ટ ચેમ્પિયનશિપની ફાઈનલ મેચ. ઈંગ્લેન્ડના (England) સૌથી ખુબસુરત શહેર એવા લંડનમાં રમાઈ રહી છે WTC ની ફાઈનલ. આજે ભારત (India) અને ઓસ્ટ્રેલિયા (Australia) સફેદ કપડામાં સામ-સામે જોવા મળશે. એક તરફ ભારતીય ટીમ ઈતિહાસ રચવાની દિશામાં આગેકૂચ કરી રહી છે. તો બીજી તરફ ગુજરાતની એક દિકરી પણ આ ક્રિકેટ મેચ થકી ઈતિહાસમાં પોતાનું નામ અંકિત કરાવી રહી છે.

લંડનમાં રહેતા મૂળ ગુજરાતના ધંધૂકાના વતની એવા ગીતાબા ઝાલા વર્લ્ડ ટેસ્ટ ચેમ્પિયનશિપની ફાઈનલમાં ગાશે ભારતનું રાષ્ટ્રગીત. જન ગણ મન…થી ગૂંજી ઉઠશે ઈંગ્લેન્ડનું ગ્રાઉન્ડ. ગુજરાતના અમદાવાદ જિલ્લામાં આવેલાં ધંધુકા તાલુકાના અડવાળ ગામની દીકરી લંડનમાં ભારતને બહુમાન અપાવશે. ઉલ્લેખનીય છે કે આજે લંડનના ઓવલ ક્રિકેટ ગ્રાઉન્ડ ખાતે ભારત અને ઓસ્ટ્રેલિયા વચ્ચે વર્લ્ડ ટેસ્ટ ચેમ્પિયનશિપ (WTC) યોજાશે.

ક્રિકેટ મેચ પહેલા બન્ને દેશના રાષ્ટ્રગીત ગવાશે. જેમાં ભારતનું રાષ્ટ્રગીત ‘જન ગણ મન અધિનાયક જય હૈ… ભારત ભાગ્ય વિધાતા’ ગાવાની તક ગુજરાતના અડવાળ ગામની દીકરી ગીતાબા ” ઝાલાને મળી છે.

ગીતાબા ઝાલાએ કહ્યું કે, ‘એક ગુજરાતી તરીકે મારા માટે ગર્વની બાબત છે કે હું બ્રિટનમાં રહેતા હજારો ઈન્ડિયન્સ અને ભારતની મેચ જોવા આવેલા ભારતીય લોકોની હાજરીમાં ભારતનું રાષ્ટ્રગીત ગાઈશ. LCBએ ગીતાબાને રાષ્ટ્રગીત ગાવા માટે આમંત્રિત કર્યા છે. ગીતાબા ઝાલા એક જાણીતા સિંગર છે.

ગીતાબા ૧૯૯૨માં ડિસ્ટ્રિક્ટ ક્રિકેટ રમી ચૂક્યા છે. ગીતા બાનું મૂળ વતન અમદાવાદ જિલ્લાના ધંધુકા તાલુકામાં આવેલું અડવાળ ગામ છે. તેમનો જન્મ બ્રિટનમાં થયો છે. તેઓ રાજસ્થાનના અજમેરમાં અભ્યાસ કરતા હતા તે સમયે તેમણે અજમેર ડિસ્ટ્રિક્ટની ગર્લ્સ ક્રિકેટ ટીમમાં ભાગ લીધો હતો. નાનપણથી તેમને ક્રિકેટનો શોખ છે.

આ પણ વાંચો :-

૦૭ જૂન / આ રાશિના જાતકોનો બુધવાર અશાંતિ અને નુકસાનવાળો રહેશે, જુઓ રાશિ ભવિષ્ય

News Editor
-
0

07 June / Wednesday will

મેષ:
આથિક ક્ષેત્રે શુભ ફળ પ્રાપ્ત થતું જણાય છે. નોકરી માં શાંતિ હયાત ઘંધામાંથી લાભ મેળવી શકાય તથા નવા ઘંઘાની શરૂઆતના યોગ બને છે. માંતૃસુખ, પિતૃસુખ તથા વાળ સુખમાં વધારો થાય ભાગ્યનો સાથ મળતો જણાય.

વૃષભ:
દિવસની શરૂઆત સુંદર રીતે થાય. આવક જળવાય કરેલા કાર્યમાં સફળતા પ્રાપ્ત થાય. ભાગ્ચ બળવાન બને છે. દામ્પત્ય ક્ષેત્રે આંનદ. ઘાર્મિક વઘતી જણાય છે જમણા હાથની કાળજી રાખવી જરૂરી.

મિથુન:
જીવનસીથી સાથે પ્રેમ જળવાય. મોજ શોકમાં ખર્ચનુ પ્રમાણ વઘે. આવક બાબત માં સામાન્ય સ્થિતિ બની રહે શરદી.ખાંસી. નો ઉપદ્રવ રહે. સ્થાનપર જંગમ મિલકતથી લાભ. પિતાની તબિયેત સાચવવી.

કર્ક:
માનસિક આનંદ જળવાય. નાણાંકીય પાસુ મજબૂત બને. પરિવારમાં આંનદ જળવાય. સ્થાવર જંગમ મિલકત થી લાભ. વૈવાહિક જીવનમાં જળવાય. મિત્રો નો સાથ સહકાર મળે. આરોગ્ય જળવાય.

સિંહ:
સંતાન ની પ્રગતિ થી હર્ષ. વિધાર્થી વર્ગને સફળતા. આઘાત્મિક બાબતોમાં રૂચિ વધે. એવા કાર્યમાં સમય વ્યતીત થાય. યશ.પ્રતિષ્ઠા માં વઘારો થાય. શરદી.ખાંસી.કફની સમસ્યા નો સામનો કરવો પડે.

કન્યા:
જીવનસાથી સાથે વાદ વિવાદ ટા‍ળવો. સંતાનના પ્રશ્ર્નોનું નિરાકરણ આવતું જણાય. સંતાન તરફથી સારા સમાચાર મળે. એકાઉન્ટીગ, બેંક, વીમો, એડવોકેટ, જેવા વ્યવસાયમાં લાભ. માથાના દુ઼ઃખાવાથી પરેશાની રહે.

તુલા:
કરેલા રોકાણો ફળદાયી નીવડે. નવા રોકાણોનું યોગ્ય રીતે આયોજન કરી શકાય. પરિવારમાં પરસ્પર પ્રમ નું વાતાવરણ જળવાય. માતૃસુખ, વાહનસુખમાં વધારો થાય. સ્વાસ્થય સારૂ રહેશે.

વૃશ્ચિક:
બેંક બેલેન્સ વઘતું જણાય. પરિવાર માં મિશ્ર ફળ અનુભવાય. સંતાન અંગેની ચિંતા સત્તાવે. જીવન સાથી સાથે પ્રેમ જળવાય. ભાગ્યનો સાથ મળતો જણાય. ચામડીના રોગોની કાળજી રાખવી.

ધન:
આવક બાબતમાં થોડો અસંતોષ રહે. સામાજક કાર્યોમાં ખર્ચ થાય. અગત્યના કાર્યો મુલતવી રખવા. દામ્પત્ય જીવન માં આનંદ વર્તાય. ભાગ્યનો સાથ મળતો જણાય છે. આરોગ્ય જ‍ળવાય.

મકર:
વિચારશીલતા તથા નવું શીખવાની ભાવના વઘતી જણાય. જ્યોતિષ નો શોખ રહે. ડોકટર,‌શિક્ષણ,બાંઘકામ, તથા સરકારી ખાતામાં કામ કરતા વ્યકિત ઓને વિશેષ લાભ.પિતા કે વડીલ સાથે મતભેદ ટાળવા.

કુંભ:
ઘંઘામાં મોટું નાણાંકીય જોખમ લેવાથી દૂર રહેવું નાણાં ઉછીના આપવા કે લેવા નહીં. અન્યના નાણાં ફસાઇ જવાની શકયતા છે. આવક જળવાય. મિત્રો થી લાભ. સંતાન સુખી માં વઘારો થાય. શરદી.ખાંસી. નો ઉપદુવ રહે.

મીન:
સ્વભાવમાં ગુસ્સાનું પ્રમાણ વઘે. આવક જળવાય. કાર્યમાં સફ‍ળતા મળતી જણાય. પરિવારમાં આનંદ વર્તાય. રોકાણોમાંથી યોગ્ય આવક મ‍ળતી જણાય. મિત્રો થી લાભ.યશ.પ્રતિષ્ઠા વઘે. આરોગ્ય જળવાય.

આ પણ વાંચો :-      

ઓડિશા ટ્રેન અકસ્માતના પીડિતો માટે રિલાયન્સ ફાઉન્ડેશને કરી મોટી જાહેરાત

News Editor
-
0

Reliance Foundation made  

  • Odisha train accident : ઓડિસા ટ્રેન દુર્ઘટના બાદ રિલાયન્સ ફાઉન્ડેશન બચાવ કામગીરી કરતા કાર્યકરોની સેવા માટે આગળ આવ્યું.

ઓડિશાના બાલાસોર ટ્રેન દુર્ઘટનામાં (Balasore train accident in Odisha) મૃત્યુ આંક વધી રહ્યો છે. આ અકસ્માત એટલો ભીષણ હતો કે લગભગ 288 જેટલા લોકોએ જીવ ગુમાવ્યા છે. તેમજ અનેક પીડિતો હજી પણ હોસ્પિટલમાં છે. આવામાં દેશનો ઉદ્યોગપતિ પરિવાર પીડિતોના વ્હારે આવ્યો છે.

ટોચના ઘનાઢ્ય અંબાણી પરિવાર થકી ચાલતા રિલાયન્સ ફાઉન્ડેશન (Reliance Foundation) પીડિતોને વિવિધ મદદ પહોંચાડી રહ્યું છે. આ અકસ્માત બાદ ઉદ્યોગપતિ મુકેશ અંબાણી અને નીતા અંબાણી આગળ આવ્યા છે. અંબાણી જૂથના રિલાયન્સ ફાઉન્ડેશને પીડિતોની મદદ માટે દાનની જાહેરાત કરી છે.

આ અકસ્માત બાદ રિલાયન્સ ફાઉન્ડેશનના સ્થાપક અને ચેરપર્સન નીતા અંબાણીએ (Nita Ambani) શોક વ્યક્ત કરતાં કહ્યું કે, ‘હું ટ્રેન દુર્ઘટનામાં પોતાના પ્રિયજનોને ગુમાવનારા લોકો સાથે ઉભી છું અને ભારે હૃદયથી સંવેદના વ્યક્ત કરું છું. હું આ દુર્ઘટનાને કારણે થયેલા દુઃખને દૂર કરી શકતી નથી. પરંતુ અમે શોકગ્રસ્ત પરિવારોને મદદ કરવા માટે સંપૂર્ણપણે પ્રતિબદ્ધ છીએ. આ મુશ્કેલ સમયમાં અમે પીડિતોની સાથે મજબૂતીથી ઉભા છીએ.

હાલ રિલાયન્સ ફાઉન્ડેશન અકસ્માત બાદ લોકોને જરૂરી મદદ પહોંચાડી રહ્યું છે. દુર્ઘટના બાદ રિલાયન્સ ફાઉન્ડેશનની ટીમ બાલાસોરમાં મદદ માટે પહોંચી ગઈ હતી. હાલ આ ટીમ બાલાસોર જિલ્લા ડિઝાસ્ટર મેનેજમેન્ટ ટીમ અને નેશનલ ડિઝાસ્ટર રિસ્પોન્સ ફોર્સ સાથે મળીને કામ કરી રહી છે.

રિલાયન્સ ફાઉન્ડેશનની ટીમે અકસ્માત બાદ ઘાયલોને હોસ્પિટલમાં પહોંચાડવાનું કાર્ય હાથ ધર્યુ હતું. તેમજ હોસ્પિટલમાં માસ્ક, ઓઆરએસ, બેડશીટ, ગ્લોવ્ઝ, લેમ્પ્સ અને ગેસ કટર જેવી તાત્કાલિ જરૂરિયાતની વસ્તુઓ પહોંચાડી હતી.

સહાય પેકેજ જાહેર કર્યું :

– Jio-BP નેટવર્કથી એમ્બ્યુલન્સ માટે મફત ઈંધણ

– રિલાયન્સ સ્ટોર્સ દ્વારા અસરગ્રસ્ત પરિવારોને આગામી છ મહિના માટે લોટ, ખાંડ, કઠોળ, ચોખા, મીઠું અને રાંધણ તેલ સહિત મફત રાશન સપ્લાયની જોગવાઈ

– ઈજાગ્રસ્તોને ઝડપી સાજા થવા માટે મફત દવાઓ

– અકસ્માતના કારણે હોસ્પિટલમાં દાખલ લોકોની તબીબી સારવાર

– ભાવનાત્મક અને મનોવૈજ્ઞાનિક પરામર્શ સેવાઓ.

– જો જરૂરી હોય તો જિયો અને રિલાયન્સ રિટેલ દ્વારા મૃતકના પરિવારના સભ્યને રોજગારની તકો પૂરી પાડવી

– વિકલાંગ લોકો માટે વ્હીલચેર, પ્રોસ્થેસિસ સહિતની સહાયની જોગવાઈ

– નવી રોજગારીની તકો શોધવા અસરગ્રસ્ત લોકોને વિશેષ કૌશલ્ય તાલીમ

– તેમના પરિવારની એકમાત્ર કમાણી ગુમાવનાર મહિલાઓ માટે માiક્રોફાઈનાન્સ અને તાલીમની તકો

– આપત્તિ અસરગ્રસ્ત ગ્રામીણ પરિવારોને વૈકલ્પિક આજીવિકા માટે ગાય, ભેંસ, બકરી, પક્ષીઓ જેવા પશુધન પૂરા પાડવા

– શોકગ્રસ્ત પરિવારના સભ્યોને તેમની આજીવિકા પુનઃનિર્માણમાં મદદ કરવા માટે એક વર્ષ માટે મફત મોબાઇલ કનેક્ટિવિટી

આ બાદ રિલાયન્સ ફાઉન્ડેશન પીડિતો માટે મોટી જાહેરાત કરી છે. રિલાયન્સ ફાઉન્ડેશને 10-પોઈન્ટ સહાય પેકેજની જાહેરાત કરી છે. આ લાભોમાં મૃતકના પરિવારના સભ્ય માટે 6 મહિના માટે મફત રાશન, દવાઓ અને રોજગાર આપવામાં આવશે.

આ પણ વાંચો :-

મશરૂમની ખેતી કરો ક્યારેય નોકરીની નહીં પડે જરૂર….

News Editor
-
0

Cultivate mushroom

  • Mushroom Farming : દેશમાં મશરૂમની માંગ ખૂબ જ ઝડપથી વધી છે. જેના લીધે મશરૂમની ખેતીમાં કમાણીના પણ ઉજ્જવળ ચાન્સ છે. છત્તીસગઢ કૃષિ વિભાગના વૈજ્ઞાનિકોની સલાહ પર અંબિકાપુરમાં મા દુર્ગા લક્ષ્મી જૂથની મહિલાઓ મશરૂમનું (Mushroom) ઉત્પાદન કરીને દર મહિને 3 લાખ રૂપિયાથી વધુની કમાણી કરી રહી છે.

દેશમાં મશરૂમની માંગ ખૂબ જ ઝડપથી વધી છે. જેના લીધે મશરૂમની ખેતીમાં કમાણીના પણ ઉજ્જવળ ચાન્સ છે.  છત્તીસગઢ કૃષિ વિભાગના વૈજ્ઞાનિકોની સલાહ પર અંબિકાપુરમાં મા દુર્ગા લક્ષ્મી જૂથની મહિલાઓ મશરૂમનું (Mushroom) ઉત્પાદન કરીને દર મહિને 3 લાખ રૂપિયાથી વધુની કમાણી કરી રહી છે. ખેતરમાંથી નીકળતા ફાર્મ વેસ્ટ અને કોકો પીટનો ઉપયોગ કરીને ગોલ અને અમ્બ્રેલા મશરૂમનું ઉત્પાદન (Mushroom Production)ઝડપથી વધી રહ્યું છે. જે મહિલાઓને આવકમાં ફાયદો કરાવી રહ્યું છે.

15 દિવસની મળે છે ટ્રેનિંગ :

ઉનાળા દરમિયાન આ ખેતી કરવા માટે વહીવટીતંત્ર દ્વારા ક્લાઈમેટ કંટ્રોલ રૂમની સુવિધા અપાતાં મહિલાઓએ સ્વાવલંબી બનવાની શરૂઆત કરી છે. છત્તીસગઢ સરકાર દ્વારા 15 દિવસની તાલીમ પછી, 30 જૂથના સભ્યોએ શહેરના ગાંધીનગરમાં સ્થિત TCPC સેન્ટર શરૂ કર્યું છે. આ સેન્ટરમાં મહિલાઓ એક સાથે મળીને મશરૂમની ખેતી કરી રહી છે. આમ કોઈ પણ જગ્યાએ નોકરી કરવા જવાં કરતાં અહીં મહિલાઓ પોતાના માટે મજૂરી કરી રહી છે.

દરરોજ 50 થી 60 કિલો મશરૂમનું ઉત્પાદન :

મા દુર્ગા લક્ષ્મી ગ્રૂપ સેન્ટરમાં દરરોજ 50 થી 60 કિલો મશરૂમનું (Mushroom) ઉત્પાદન થઈ રહ્યું છે, જે રોજની 10,000 રૂપિયાથી વધુ કમાણી કરી રહ્યું છે. ચાર મહિના સુધી દરરોજ 50 કિલો મશરૂમનું (Mushroom) ઉત્પાદન કરવામાં આવશે. હવે અન્ય રાજ્યોના લોકો નિર્માતા જૂથમાં આવીને મશરૂમની માંગણી કરી રહ્યા છે. ઝારખંડમાંથી 1.10 ક્વિન્ટલનો ઓર્ડર મળ્યો હતો.

ઓનલાઈન માર્કેટ :

મહિલાઓ જે ખાદ્યપદાર્થો તૈયાર કરે છે તે હવે ઓનલાઈન વેચવાની પણ તૈયારી ચાલી રહી છે. આ માટે આ જૂથ તેમને એમેઝોન, ફ્લિપકાર્ટ તેમજ અન્ય માધ્યમો પર ઉપલબ્ધ કરાવશે જે સારો નફો કરશે. જો આ પ્રયોગ સફળ રહ્યો તો બહુ મોટો ફર્ક પડશે.

દિલ્હીથી લાવેલા બિયારણથી સારી ઉપજ :

મશરૂમની સારી ઉત્પાદન ક્ષમતા અને અનુકૂલિત આબોહવા જોઈને વૈજ્ઞાનિકોએ જૂથને દિલ્હીથી બીજ મંગાવવાનું સૂચન કર્યું. જેથી મશરૂમની ગુણવત્તામાં ઘટાડો ન થાય. આમ આ નવા બિયારણ મશરૂમની ખેતીમાં ચાર ચાંદ લગાવી રહ્યાં છે.

આ પણ વાંચો :-

 

સ્વરા ભાસ્કરે લગ્નના ત્રણ મહિના બાદ કરી પ્રેગનેન્સીની જાહેરાત, પતિ ફહાદની સાથે શેર કરી તસવીરો……

News Editor
-
0
Swara Bhaskar announces pregnancy
  • સ્વરા ભાસ્કરે પોતાના ઓફિશિયલ ઈન્સ્ટાગ્રામ એકાઉન્ટ પર એક તસવીર સાથે પોતાની પ્રેગ્નન્સીનું એનાઉન્સમેન્ટ કર્યુ છે. ફોટામાં સ્વરા પોતાન પતિ ફહાદ સાથે જોવા મળી રહી છે.

બોલીવૂડ અભિનેત્રી સ્વરા ભાસ્કર (Swara Bhaskar) ફરી એકવાર સોશ્યલ મીડિયા (Social media) પર ટ્રેન્ડિંગ થઈ રહી છે. એક્ટ્રેસ સ્વરા ભાસ્કરે ત્રણ મહિના પહેલા સમાજવાદી પાર્ટીના નેતા ફહાદ અહેમદ (Fahad Ahmed) સાથે લગ્ન કર્યા હતા. હવે તેની પ્રેગનન્સીને લઈને સમાચાર સામે આવ્યા છે.

જ્યારથી એક્ટ્રેસના લગ્ન થયા છે ત્યારથી ફેન્સ અભિનેત્રીના સારા સમાચારની રાહ જોઈ રહ્યા હતા. હવે સ્વરાએ ખુદ જાહેરાત કરી છે કે તે પ્રેગનેન્ટ છે. અભિનેત્રીએ સોશ્યલ મીડિયા પર પોસ્ટ કરીને પોતાની પ્રેગ્નન્સીની જાહેરાત કરી છે. સ્વરા ભાસ્કરે પોતાની ખુશખબરી શેર કરી તો ફેન્સે આના પર જોરદાર અભિનંદનનો વરસાદ કરી દીધો છે..

સ્વરા ભાસ્કરે સોશ્યલ મીડિયા પર પ્રેગનેન્સીની કરી જાહેરાત :

સ્વરા ભાસ્કરે પોતાના ઓફિશિયલ ઈન્સ્ટાગ્રામ એકાઉન્ટ પર એક તસવીર સાથે પોતાની પ્રેગ્નેન્સીનું એનાઉન્સમેન્ટ કર્યુ છે. ફોટામાં સ્વરા પોતાન પતિ ફહાદ સાથે જોવા મળી રહી છે. તેને પિંક કલરનો આઉટફિટ પહેરેલો છે જેમાં તેનો બેબી બમ્પ પણ સ્પષ્ટ દેખાઈ રહ્યો છે.

તસવીર શેર કરતા અભિનેત્રીએ કેપ્શનમાં લખ્યું છે કે, “ઘણીવાર તમારી બધી જ પ્રાર્થનાઓ એક જ સમયે જવાબ આપવામાં આવે છે! આશીર્વાદ, આભારી, ઉત્સાહિત (અને ક્લૂલેસ!) જેમ કે આપણે એક આખી નવી દુનિયામાં પગ મુકીએ છીએ !”

કોણ છે સ્વરા ભાસ્કરનો પતિ ફહાદ અહેમદ?

સ્વરા ભાસ્કરના પતિ ફહાદ અહેમદ વિદ્યાર્થી નેતા અને સામાજિક કાર્યકર છે. તેણે ટાટા ઈન્સ્ટિટ્યૂટ ઓફ સોશિયલ સાયન્સ સ્ટુડન્ટ યુનિયનના જનરલ સેક્રેટરી તરીકે સેવા આપી છે. જુલાઈ 2022માં ફહાદ અહમદ અબુ આસીમ આઝમી અને રઈસ શેખની હાજરીમાં સમાજવાદી પાર્ટીમાં જોડાયા. તેઓ મહારાષ્ટ્ર અને મુંબઈ એકમમાં યુવાજન સભાના પ્રમુખ પદે છે.

આ પણ વાંચો :-

UP કોંગ્રેસને મળી શકે છે નવા પ્રભારી ! પ્રિયંકા ગાંધી છોડી શકે છે પદભાર- સૂત્રોનો દાવો

News Editor
-
0

UP Congress can get a new in charge 

  • સૂત્રોનું માનીએ તો રાજ્યમાં નવા પ્રભારીના નામને લઈને પાર્ટીમાં મંથન તેજ થયું છે. જો કે અત્યારે પાર્ટી ઉતાવળમાં કોઈ નિર્ણય લેવા માંગતી નથી.

ઉત્તર પ્રદેશમાં (Uttar Pradesh) લોકસભા ચૂંટણીની તૈયારી કરી રહેલી કોંગ્રેસમાં (Congress) પરિવર્તનના સંકેત દેખાઈ રહ્યા છે. સૂત્રોનું માનીએ તો આગામી ચૂંટણીની તૈયારીઓને ધ્યાનમાં રાખી યુપી કોંગ્રેસને ટૂંક સમયમાં રાજ્યમાં નવા પ્રભારી મળી શકે છે. એવો દાવો કરવામાં આવે છે કે પ્રિયંકા ગાંધી (Priyanka Gandhi) ઘણા રાજ્યોમાં ચૂંટણીમાં વ્યસ્ત હોવાને કારણે તેમના પ્રભારી પદનો ત્યાગ કરી શકે છે.

યુપી કોંગ્રેસના પ્રભારીની રેસમાં ઘણા નામ :

જોકે નવા નામોને લઈને પક્ષમાં હજુ પણ મંથન ચાલી રહ્યું છે. સૂત્રોના જણાવ્યા અનુસાર યુપી કોંગ્રેસના પ્રભારીની રેસમાં ઘણા નામ છે હરીશ રાવત અને તારિક અનવરનું નામ આ રેસમાં સૌથી આગળ જણાવવામાં આવી રહ્યું છે. તેમને રાજ્યમાં કોંગ્રેસની કમાન સોંપવામાં આવી શકે છે. આવી સ્થિતિમાં ઉત્તર પ્રદેશમાં કોંગ્રેસ લોકસભા ચૂંટણી માટે નવા પ્રભારીને પાર્ટીની કમાન સોંપવા પર વિચાર કરી રહી છે.

સૂત્રોનું માનીએ તો રાજ્યમાં નવા પ્રભારીના નામને લઈને પાર્ટીમાં મંથન તેજ થયું છે. જો કે અત્યારે પાર્ટી ઉતાવળમાં કોઈ નિર્ણય લેવા માંગતી નથી. પરંતુ જાણકારોનું માનીએ તો રાહુલ ગાંધી વિદેશથી પરત ફર્યા બાદ નવા પ્રભારીના નામ પર નિર્ણય લેવામાં આવી શકે છે. યુપીમાં કોંગ્રેસની નવી કારોબારી સમિતિની પણ જાહેરાત થવાની છે, જેને લઈને અનેક નામોની ચર્ચા થઈ રહી છે. માનવામાં આવી રહ્યું છે કે પ્રદેશ કારોબારીમાં પ્રદેશ પ્રમુખોને સ્થાન આપવામાં આવી શકે છે.

શું હશે પ્રિયંકા ગાંધીનો રોલ ?

રાજકીય નિષ્ણાતોના મતે કર્ણાટક ચૂંટણી બાદ પાર્ટીમાં સંગઠન સ્તર પર કેટલાક નેતાઓની જવાબદારી વધી શકે છે. ખાસ કરીને રાજસ્થાન, મધ્યપ્રદેશ અને છત્તીસગઢમાં યોજાનારી વિધાનસભાની ચૂંટણી માટે પાર્ટીની તૈયારીઓને ધ્યાનમાં રાખીને આ ફેરફાર ખૂબ જ મહત્વપૂર્ણ સાબિત થશે. સૂત્રોનું માનીએ તો કર્ણાટકમાં જીત બાદ કોંગ્રેસના રાષ્ટ્રીય મહાસચિવ પ્રિયંકા ગાંધીની ભૂમિકા બદલાઈ જશે.

આ વર્ષના અંત સુધીમાં રાજસ્થાન, મધ્યપ્રદેશ અને છત્તીસગઢમાં ચૂંટણી યોજાવા જઈ રહી છે. રાજસ્થાન અને છત્તીસગઢમાં કોંગ્રેસની સરકાર છે જ્યારે મધ્યપ્રદેશમાં ભાજપની સરકાર છે. જો કે કર્ણાટકમાં જીત બાદ કોંગ્રેસે હવે આ રાજ્યોમાં તૈયારીઓ તેજ કરી દીધી છે.

આ પણ વાંચો :-

1...1,0651,0661,067...1,462Page 1,066 of 1,462