Home Blog Page 1061

મધ્યપ્રદેશમાં બની એવી ઘટના કે સીએમ શિવરાજે મોદીને કરવી પડી વાત અને માંગવી પડી મદદ 

News Editor
-
0

An incident happened

  • ભોપાલમાં લાગેલી આગ ૬ કલાક બાદ પણ કાબુમાં ન આવતા મુખ્યમંત્રી શિવરાજ સિંહ ચૌહાણે પીએમ નરેન્દ્ર મોદી સાથે ટેલિફોનિક વાતચીત કરી હતી.

મધ્યપ્રદેશની રાજધાની ભોપાલ ખાતે આવેલ સરકારી ઈમારતમાં લાગેલી આગ ઓલાવાનું નામ જ લેતી નથી. ઘણો સમય વીતી ગયો હોવા છતાં સતપુરા ભવનમાં લાગેલી આગ પર હજુ સુધી કાબુ ના આવ્યો હોવાથી હવે આગે વિકરાળરૂપ ધારણ કરી લીધું છે. ત્યારે આગ ઓલવવા માટે સેના બાદ હવે એરફોર્સનો આસરો પણ લેવાની નોબત આવી છે.

પરિણામે મધરાતે એરફોર્સના હેલિકોપ્ટર અને એરક્રાફ્ટ રાત્રે ભોપાલ ઘટનાસ્થળે પહોંચ્યાં હતાં. બીજી તરફ આ મામલે રાજ્યના મુખ્યમંત્રી શિવરાજ સિંહ ચૌહાણે પીએમ નરેન્દ્ર મોદી સાથે ટેલિફોનિક વાતચીત કરી ઘટના અંગે માહિતી પણ આપી હતી.

આર્મી, એરફોર્સ, ભેલ, CIASFના કામોની આપી વિગત :

મુખ્યમંત્રી શિવરાજસિંહ ચૌહાણે વડાપ્રધાન નરેન્દ્ર મોદી સાથે કરેલી વાતચીતમાં તેમને સતપુરા ભવનની આગથી વાકેફ કર્યા હતા. વધુમાં મુખ્યમંત્રીએ તેમને આગ ઓલવવા માટે રાજ્ય સરકારના દ્વારા કરવામાં આવેલી કામગીરી વર્ણવી હતી અને કેન્દ્ર સરકારના વિવિધ વિભાગો જેવા કે આર્મી, એરફોર્સ, ભેલ, CIASF, એરપોર્ટ સહિતનાઓ તરફથી મળેલી મદદ વિશે જાણકારી આપી હતી તો પીએમ મોદીએ પણ બનતી તમામ મદદની ખાતરી આપી હતી.

સતપુરા ભવનના 4 માળ આગની ઝપટમાં આવી જતા સાવ ખંડેર થઈ ગયા છે, આદિજાતિ કલ્યાણ વિભાગનો એક માળ અને આરોગ્ય વિભાગનો ત્રણ માળ આગમાં હોમાઈ જતા સીએમ હેલ્પલાઈન, સ્વનિર્ભર ભારત અને આરોગ્ય વિભાગના જરૂરી દસ્તાવેજો આગમાં ખાક થઈ ગયા હતા.

આ પણ વાંચો :-

સૌરાષ્ટ્ર, કચ્છના કાંઠે આ તારીખે અને આટલાં વાગ્યે ટકરાશે બિપોરજોય, ૧૩૫ KMPHની ઝડપે પવનો ફૂંકાવાની આગાહી

News Editor
-
0

Biporjoy is expected to hit Saurashtra

  • ગુજરાતના દરિયાકાંઠાના વિસ્તારમાં મોટુ સંકટ આવી રહ્યું છે. વાવાઝોડું બિપોરજોય ગુજરાતના દરિયાકાંઠાના જિલ્લાઓમાં ટકરાવાનું છે. વાવાઝોડાને લીધે રાજ્યના તમામ ૩૩ જિલ્લામાં વરસાદ પડી શકે છે. દરિયાકાંઠાના વિસ્તારમાં ભારે પવન સાથે વરસાદ પડી શકે છે. હવામાન વિભાગે આગામી ચાર દિવસ માટે વરસાદની આગાહી કરી છે.

બિપોરજોય વાવાઝોડું આફત બનીને ત્રાટકે તેની આડે ગણતરીના કલાકો જ બાકી છે. જે ઝડપે ભારતના હાઈવે પર વાહનો નથી ચલાવી શકાતા, તે ઝડપે વાવાઝોડું ફૂંકાશે, તેની કલ્પના જ વ્યક્તિને હચમચાવી મૂકે છે. 1998ના કંડલાના વિનાશક વાવાઝોડા બાદ ગુજરાતે આવા વાવાઝોડાનો અનુભવ નથી કર્યો.

બિપોરજોય…આ નામમાં ભલે જોય જેવો હળવો શબ્દ હોય, પણ આ નામ જેને અપાયું છે તે વાવાઝોડું વિનાશ વેરે તેમ છે.. તેનું કારણ છે વાવાઝોડાનું કદ અને પવનની ગતિ. વાવાઝોડું જેમ જેમ દરિયાકાંઠે આગળ વધી રહ્યું છે, તેમ તેમ વિકરાળ સ્વરૂપ ધારણ ધારણ કરી રહ્યું છે. કચ્છ અને સૌરાષ્ટ્રમાં ૧૫૦ કિલોમીટર પ્રતિ કલાકની ઝડપે પવનો ફૂંકાવાની આગાહી કરાઈ છે.

૧૪મીએ સવાર સુધી વાવાઝોડું ઉત્તર દિશામાં આગળ વધશે ત્યારબાદ તે જમણી તરફ ફંટાઈને ઉત્તર પૂર્વ તરફ એટલે કે સૌરાષ્ટ્ર અને કચ્છના દરિયાકાંઠા તરફ આગેકૂચ કરશે અને ૧૫મી જૂને એટલે કે ગુરુવારે બપોરે ૧૨ વાગ્યા સુધી કચ્છના માંડવી અને પાકિસ્તાનના કરાચીના તટ વચ્ચે ટકરાશે.

હવામાન વિભાગનું માનીએ તો વાવાઝોડું કચ્છના જખૌ પોર્ટ પર સૌથી પહેલા ત્રાટકશે. વાવાઝોડાનું લેન્ડફોલ ભલે કચ્છમાં થશે પણ સૌરાષ્ટ્રના સાત જિલ્લા પર પણ તેની ગંભીર અસર વર્તાશે. આ દરમિયાન પવનની ગતિ ૧૫૦ કિલોમીટર પ્રતિ કલાક સુધી પહોંચી શકે છે.

૫૦૦ કિલોમીટરથી વધુના ઘેરાવા સાથે આગળ વધી રહેલું બિપોરજોય વાવાઝોડું જ્યારે દરિયાકાંઠા પર ટકરાશે, ત્યારે રાક્ષસી ગતિએ પવનો ફૂંકાશે. ૧૪મી જૂને કચ્છ, દ્વારકા, જામનગર, પોરબંદર, જૂનાગઢ, ગીર સોમનાથ અને રાજકોટમાં 85 કિલોમીટર પ્રતિ કલાકની ઝડપે પવનો ફૂંકાશે. જો કે ૧૫મી જૂને વાવાઝોડા સમયે કચ્છ જામનગર અને દ્વારકામાં પવનની ગતિ વધીને ૧૩૫ કિલોમીટર પ્રતિ કલાકની થઈ શકે છે.

એટલે કે જે ઝડપે ભારતના હાઈવે પર વાહનો નથી ચલાવી શકાતા તે ઝડપે વાવાઝોડું ફૂંકાશે. તે સમયે કાંઠાના વિસ્તારોના માહોલની કલ્પના કરવી પણ અઘરી છે.

આ પણ વાંચો :-

૧૩ જૂન / આકસ્મિક ધનલાભ, પ્રેમ પામશો, આ રાશિના જાતકોના આજે ઉઘડશે ભાગ્યના દ્વાર, જુઓ મંગળવારનું રાશિ ભવિષ્ય

News Editor
-
0

June 13 / Sudden wealth gain

મેષઃ
માનસિક ઉગ્રતા રહે, પરંતુ બપોર પછી સુધારો થતો જણાય. ઈચ્છિત આવકની પ્રાપ્તિ અટકે. સ્વાસ્થ સાચવવું. નવા નાણાંકીય રોકાણો ટાળવા. માતૃ પક્ષ તરફથી ચિંતા રહે. પરિવારના સભ્યોની વધારાની જવાબદારી રહે.

વૃષભઃ
આદ્યાત્મિક ક્ષેત્રે સફળતા મળે. પરિવારમાં આનંદ ઉત્સાહ વધે. કાર્યક્ષેત્રે સફળતા મળતી જણાય. સંતાન સુખ સારૂ, મિત્રોથી લાભ મળે. દામપત્ય જીવનમાં એક રાગિતા રહે. ભાગ્ય સારૂ રહે. નોકરી ધંધામાં રાહત.

મિથુનઃ
માનસિક ચિંતા વધે. આકસ્મિક ખર્ચની સંભાવના છે. સંતાનની પ્રગતિથી આનંદ થાય. દામ્પત્ય જીવનમાં અસંતોષ રહે. નાણાંનો વ્યવહાર સાચવીને કરવો અન્યથા નાણાં ફસાઈ જવાનો યગો છે. સાંજે પરિસ્થિતીમાં સુધારો જણાય.

કર્કઃ
દિવસ દરમ્યાન ભાગ્યનો સાથ મળતો જણાય. આર્થિક અંગે સાવધાની રાખવી જરૂરી છે. પરિવારમાં લાગણીશીલતા, સ્નેહનું વાતાવરણ રહે. ભાગ્યનો સાથ મળતો જણાય. દામ્પત્યજીવનમાં પ્રેમ જળવાય.

સિંહઃ
આવકનું પ્રમાણ વધવા છતાં માનસિક ઉચાટ રહે. પરિવામાં મનમેળ રહે. શરદી-ખાંસી-કફથી સાચવવું. સંતાન અંગે ચિતા રહે. ધંધાકીય ક્ષેત્રે પ્રગતિથતી જણાય. વિચારો ઉપર કાબુ રાખવો. હકારાત્મક વિચારો કરવા.

કન્યાઃ
દિવસ દરમ્યાન આનંદ-ઉત્સાહમાં વધારો થતો જણાય. આવકનું પાસું મજબુત બનતું જણાય. પરિવારના સભ્યો સાથે પરસ્પર પ્રેમ જળવાય. જીવનસાથીની પ્રગતિથી આનંદ. સ્વાસ્થ્ય સારૂં રહેશે. આંખ તથા હાડકાના દુઃખાવા થી કાળજી રાખવી.

તુલાઃ
નાણાંકીય રોકાણમાં સાવચેતી જરૂરી. સંતાન સાથે વાદવિવાદ ટાળવો. નોકરી-ધંધામાં ચિંતાનું ‌વાતાવરણ સર્જાય. વાહન સાચવીને ચલાવવું. માતાની તબિયતની ચિંતા રહે. બપોર પછી પરિસ્થિતિ થાળે પડતી જણાય.

વૃશ્ચિકઃ
આત્મબળ વધતાં અગત્યના નિર્ણયો મક્કમતાથી લઈ શકાશે. આવક જાવકનું પાસુ સરભર થતું જણાય. નોકરી-ધંધામાં પ્રગતિ થતી જણાય. યશ પ્રતિષ્ઠામાં વધારો થાય. જ્ઞાનતંતુ સંબંધી સમસ્યાઓથી સાચવવું.

ધનઃ
નાણાંકીય આવક વધતી જણાય. નાના, ભાઈ બહેનની ચિંતા હળવી થતી જણાય. માતૃ સુખ સારૂ. નવા રોકાણો યોગ્ય રીતે કરી શકાય. માન-સન્માનમાં વધારો થાય. નવી ઓળખાણ ફાયદાકારક પુરવાર થાય.

મકરઃ
સમાજસેવા ક્ષેત્રે મન પરોવાય. પરિણામે યશ-પ્રતિ‌ષ્ટા વધે. પરિવારમાં આનંદ અન કરેલા કાર્યના સારા ફળ મળતા જણાય. સંતાનની પ્રગતિથી આનંદ થાય સાડી, ડ્રેસ મટીરીયલ, તથા સૌંદર્ય પ્રસાધનના ધંધામાં વિશેષ લાભ.

કુંભઃ
આત્મવિશ્વાસમાં વધારો થતો અનુભવાય. આવકનું પાસુ મજબુત બને. પરિવારમાં સ્નેહ વધે. સંતાનની ચિંતા સતાવે. ભાગ્યનોના બળે. ધંધામાં સફળતા મળવાના યોગ છે. પાણીથી દૂર રહેવું.

મીનઃ
મનમાં ચંચળતા ‌વધે. વિચારવાયુનું પ્રમાણ વધે. ધનપ્રાપ્તિના યોગ બને છે. નવા પ્રેમ સંબંધોનું નિર્માણ થાય. ઝવેરાત, સોના ચાંદીની ખરીદી શક્ય બને. ભાગીદારી તથા દામ્પત્ય સુખમાં વધારો થતો અનુભવી શકાય.

આ પણ વાંચો :-

હવે ગૂગલ તમને ચહેરા વગર પણ ઓળખી લેશે, ફોટો એપમાં પાછળનો ભાગ જોઈને જ કહી દેશે કે કોની છે તસવીર

News Editor
-
0

Now Google will recognize you even without 

  • ટૂંક સમયમાં જ તમને ગૂગલ ફોટોઝમાં આ સુવિધા મળશે કે આ એપ તમારી પાછળની બાજુથી લીધેલી તસવીરોને પણ ઓળખી લેશે. મતલબ તે કહેશે કે કયું ચિત્ર તમારું છે અને કયું ચિત્ર બીજાનું છે.

અત્યારે આ ફીચર ગૂગલ ફોટોઝમાં (Google Photos) ઉપલબ્ધ છે કે આ એપ તમને ચહેરાના આધારે ફોટો ઓળખવામાં મદદ કરે છે. એટલે કે તે ચહેરાને જોઈને તે બધા સમાન ફોટાને ફોલ્ડરમાં રાખે છે અને ફોટા શોધવાનું સરળ બને છે.

જો કે આ માટે શરત એ છે કે ફોટોગ્રાફ્સમાં (Photographs) વ્યક્તિનો ચહેરો સ્પષ્ટ દેખાતો હોવો જોઈએ. તે પછી જ તે બધાને જુદા જુદા ફોલ્ડરમાં વહેંચે છે. હવે એપમાં ટૂંક સમયમાં એક અદ્ભુત અપડેટ આવવાનું છે અને તે પાછળની બાજુથી લીધેલી તસવીરોને પણ ઓળખશે અને વ્યક્તિના હિસાબે ફોલ્ડરમાં એડજસ્ટ કરશે.

આ છે અપડેટ :

એન્ડ્રોઈડ ઓથોરિટીને આપેલા જવાબમાં ગૂગલે કહ્યું કે કંપની તેની સેવાઓને સુધારવા માટે સતત કામ કરી રહી છે. ટૂંક સમયમાં જ યુઝર્સને ફોટો એપમાં તેમના ફોટાને વધુ સારી રીતે ગોઠવવાની સુવિધા મળશે. કંપનીએ જણાવ્યું કે હવે એપ એપ પર બેકસાઈડથી લીધેલા ફોટાને પણ ઓળખશે અને વ્યક્તિના હિસાબે તેને અલગ-અલગ ફોલ્ડરમાં વિભાજિત કરશે. આ માટે ફોટો એપ કપડાં અને અન્ય વિઝ્યુઅલ એલિમેન્ટસની મદદ લેશે અને તે જ સમયમર્યાદાની આસપાસ વ્યક્તિ દ્વારા લેવામાં આવેલા તમામ ફોટાને ઓળખશે.

એક લેખમાં અલ ખૌરીએ ગૂગલના નવા અપડેટની તસવીરો પણ શેર કરી છે. જેમાં તેણે કહ્યું છે કે ગૂગલે હવે તેના પતિની પાછળથી લીધેલી તસવીરોને તે જ ફોલ્ડરમાં શોધવાનું શરૂ કરી દીધું છે. જે સૂચવે છે કે કંપનીનું નવું ફીચર ટૂંક સમયમાં લાવવામાં આવશે.

શું તે આવા તમામ ફોટાને ઓળખી શકશે ?

અલ ખૌરીના જણાવ્યા મુજબ Google Photos એ હાલમાં 70 થી 80% ફોટાને ઓળખી કાઢ્યા છે જે પાછળની બાજુથી લેવામાં આવ્યા હતા. તે કેટલાક ચિત્રો શોધવામાં અસમર્થ છે જેના વિઝ્યુઅલ વગેરે તે સમજી શકતો નથી. ખાસ કરીને તેને ક્લોઝ-અપ્સ સમજવામાં તકલીફ પડી રહી છે. જેને કંપની આવનારા સમયમાં સુધારી શકે છે.

આ પણ વાંચો :-

જો તમારો સામાન ટ્રેનમાં રહી જાય તો ચિંતા ન કરશો, આ રીતે મેળવો પરત

News Editor
-
0

Don’t worry if your luggage gets left on the train 

  • Indian Railway Rules : મુસાફરોને તેમનો ખોવાયેલો સામાન પરત કરવા માટે આપવામાં આવતી સુવિધા માટે રેલ્વે કોઈ ચાર્જ લેતી નથી.

ઘણી વાર એવું જોવા મળે છે કે ટ્રેનમાં (Train) મુસાફરી કરતી વખતે ઘણા લોકો પોતાનો સામાન ટ્રેનમાં જ ભૂલી જાય છે. આ પછી જ્યારે મુસાફરને યાદ આવે છે કે તે પોતાનો સામાન ટ્રેનમાં જ ભૂલી ગયો છે, ત્યારે તે વિચારે છે કે હવે તેનો સામાન કોઈ પણ કિંમતે મળશે નહીં.

જો કે એવુ નથી.. રેલવે મુસાફરોના ભુલી ગયેલા સામાનની સંભાળ રાખે છે અને પૂછપરછ પછી તે સામાન જે વ્યક્તિનો છે તેને પરત કરે છે. પરંતુ શું તમે જાણો છો કે જો તમે તમારો સામાન ટ્રેનમાં ભૂલી જાઓ છો. તો તમને તે કેવી રીતે પાછો મળશે? જો નહીં તો આવો આજે અમે તમને આખી પ્રક્રિયા વિશે જણાવીશું.

ખોવાયેલી વસ્તુઓ અહીં જમા કરવામાં આવે છે :

રેલ્વેએ ટ્રેનમાં ભુલી ગયા હોય તે સામાનને તેના હક્કદાર માલિકને પહોંચાડવા માટે યોગ્ય નિયમો બનાવ્યા છે. સૌ પ્રથમ, જ્યારે ટ્રેન તેના છેલ્લા સ્ટેશન પર પહોંચે છે. ત્યારે રેલવે પ્રોટેક્શન ફોર્સ અને સ્ટેશન સ્ટાફ દ્વારા આખી ટ્રેનની તપાસ કરવામાં આવે છે. તે દરમિયાન જો તેઓને કોઈપણ મુસાફરનો છુટી ગયેલ સામાન મળે તો તેઓ તે સામાનની રસીદ બનાવે છે અને સ્ટેશન માસ્ટરને જમા કરાવે છે.

ખોવાયેલા સામાનની વિગતો નોંધવામાં આવે છે :

આ પછી સ્ટેશન માસ્ટર દ્વારા આ સામાનની વિગતો એક રજિસ્ટરમાં દાખલ કરવામાં આવે છે. આ પછી કુલ વસ્તુઓની સૂચિ બનાવવામાં આવે છે. જેમાંથી ત્રણ નકલો તૈયાર કરવામાં આવે છે. ત્રણ નકલોમાંથી, એક નકલ ખોવાયેલા સામાનના રજિસ્ટરમાં રાખવામાં આવે છે. બીજી તે સામાનમાં અને ત્રીજી નકલ રેલવે પ્રોટેક્શન ફોર્સ પાસે જમા કરવામાં આવે છે. આ પછી ખોવાયેલા સામાનને સીલ કરવામાં આવે છે.

આ રીતે તમે તમારી ખોવાયેલી વસ્તુઓ મેળવી શકો છો :

હવે જો કોઈ વ્યક્તિ સ્ટેશન પર આવે છે અને તેની ખોવાયેલી વસ્તુનો દાવો કરે છે તો સ્ટેશન માસ્ટર તેની પાસેથી કેટલીક જરૂરી વિગતો લે છે. જો સામાન તેજ વ્યક્તિનો હોવાનું જણાય તો સ્ટેશન માસ્ટર તેને પરત કરે છે. જો કે, આ સમય દરમિયાન ખોવાયેલા માલના રજિસ્ટરમાં વ્યક્તિનું સંપૂર્ણ સરનામું દાખલ કરવામાં આવે છે અને તે વ્યક્તિની સહી પણ લેવામાં આવે છે. આ સિવાય તમને જણાવી દઈએ કે રેલવે આ સુવિધા માટે પેસેન્જર પાસેથી કોઈ ફી લેતું નથી.

તમારી વસ્તુ 2 દિવસમાં મેળવો :

સામાન ગુમ થયા પછી સ્ટેશન માસ્ટર સાત દિવસ સુધી સામાનને પોતાની દેખરેખમાં રાખે છે. જે પછી તે વસ્તુને લોસ્ટ પ્રોપર્ટી ઓફિસમાં મોકલે છે.

આ પણ વાંચો :-

 

આજે ફરી રોકેટ થયો આ સ્ટોક, ૬ મહિનામાં રોકાણકારોને આપ્યું ૧૩૪% રિટર્ન, હજી થશે ૨૦૦ને પાર

News Editor
-
0

This stock rocketed again today 

  • Stock to Buy : માર્ચ ૨૦૨૩માં કંપનીએ ૪.૪૫ કરોડ રુપિયાની કમાણી કરી હતી. જ્યારે ૨૦૨૨માં કંપનીએ ૨.૨૩ કરોડની કમાણી કરી હતી. આ તમામ સ્થિતિને જોતા નિષ્ણાંતોનું અનુમાન છે કે આગામી ૪થી ૬ મહિનામાં શેર ૨૩૦નો આંકડો પાર કરશે.

શેર માર્કેટમાં નફો કમાવા માટે રોકાણકારો એવા સ્ટોક્સ રાખવા ઈચ્છે છે જે બંપર રિટર્ન આપે. આ કામમાં માર્કેટ એક્સપર્ટ મદદ કરતા હોય છે. આ સ્ટોક્સ પર અત્યાર સુધીમાં લોકોને ૧૩૪ ટકા રિટર્ન મળ્યું છે અને આ સ્ટોક આજે પણ રોકેટ થયો છે.

સોમવારની ટ્રેડિંગ સેશન દરમિયાન બજારમાં હરિયાળી જોવા મળી હતી. એટલે ટ્રેડિંગ ગ્રીન નિશાન સાથે શરુ થઈ હતી. શેર બજારમાં આ સ્ટોક ગ્રીન નિશાન સાથે ટ્રેડ કરી રહ્યો છે. આ સ્ટોકમાં પૈસા લગાડવાથી જોરદાર રિટર્ન મળશે. માર્કેટ એક્સપર્ટનું કહેવું છે કે Integra Engineering Indiaમાં રોકાણ કરી શકાય છે. આ શેર શોર્ટ ટર્મ અને લોંગ ટર્મ બંને દ્રષ્ટિએ ફાયદો કરાવનાર છે.

આ શેર બીએસઈ લિસ્ટેડ છે. જો કે તેના વોલ્યૂમ્સમાં સુધારો જોવા મળે છે. પરંતુ આ સ્ટોકનો ભાવ ઘટે એટલે તેને ખરીદી પોર્ટફોલિયોમાં રાખવો જોઈએ. આ કંપની ૧૯૮૭થી કામ કરી રહી છે. આ કંપની રેલ્વે સિગનલિંગ જેવા કામ કરે છે. પ્રાથમિક રીતે તે રેલવેને જ કેટર કરે છે. કંપનીની રિટર્ન ઓન ઈક્વિટી ૨૧ ટકા છે અને છેલ્લા ૩ વર્ષથી પ્રોફિટ ગ્રોથ ૪૭ ટકા છે અને સેલ્સ ગ્રોથ ૨૯ ટકા છે. આ કંપની પર કરજ પણ ૨૦ કરોડનું જ છે.

માર્ચ ૨૦૨૩માં કંપનીએ ૪.૪૫ કરોડ રુપિયાની કમાણી કરી હતી. જ્યારે ૨૦૨૨માં કંપનીએ ૨.૨૩ કરોડની કમાણી કરી હતી. આ તમામ સ્થિતિને જોતા નિષ્ણાંતોનું અનુમાન છે કે આગામી ૪થી ૬ મહિનામાં શેર ૨૩૦ નો આંકડો પાર કરશે.

(અહીં માત્ર શેરના પરફોર્મંસની જાણકારી આપવામાં આવી છે. આ રોકાણની સલાહ નથી)

આ પણ વાંચો :-

શરમજનક હાર બાદ મેનેજમેન્ટ બગડયું ! ટીમ ઈન્ડિયાને મળી શકે છે નવા હેડ કોચ

News Editor
-
0

After the embarrassing defeat

  • બીસીસીઆઈના પૂર્વ અધ્યક્ષ સૌરવ ગાંગુલીને ટૂંક સમયમાં મુખ્ય કોચ બનાવવામાં આવી શકે છે. ટીમના ખરાબ પ્રદર્શનને જોતા મેનેજમેન્ટ આ મોટો ફેરફાર કરી શકે છે.

ખેલાડીઓના ખરાબ પ્રદર્શનને લઈને મેનેજમેન્ટ કરી રહ્યું છે વિચાર. હવે લેવાઈ શકે છે આ અંગે મહત્ત્વનો નિર્ણય. દાદાને સોંપાઈ શકે છે મોટી જવાબદારી. ફરી એકવાર ક્રિકેટ મેદાન પર ટીમના બોસ બની શકે છે દાદા. જી હાં ટીમ ઈન્ડિયાના પૂર્વ કેપ્ટન અને બીસીસીઆઈના પૂર્વ અધ્યક્ષ સૌરવ ગાંગૂલીને સોંપાઈ શકે છે મોટી જવાબદારી. સૌરવ ગાંગૂલી બને શકે છે આઈપીએલની દિલ્હી કેપિટલ્સ ટીમના હેડ કોચ.

BCCIના પૂર્વ અધ્યક્ષ સૌરવ ગાંગુલીને લઈને એક મોટું અપડેટ સામે આવ્યું છે. સૌરવ ગાંગુલીને ટૂંક સમયમાં ટીમના મુખ્ય કોચ બનાવવામાં આવી શકે છે. તે અગાઉ આ ટીમ સાથે ક્રિકેટ ડિરેક્ટર તરીકે કામ કરી ચૂક્યો છે. ટીમના ખરાબ પ્રદર્શનને જોતા મેનેજમેન્ટ આ મોટો ફેરફાર કરી શકે છે.

સૌરવ ગાંગુલી બનશે ટીમના નવા હેડ કોચ !

IPL 2023માં દિલ્હી કેપિટલ્સનું પ્રદર્શન ખૂબ જ ખરાબ રહ્યું હતું. હવે ટીમ વિશે એક નવું અપડેટ આવ્યું છે. સૌરવ ગાંગુલીને દિલ્હી કેપિટલ્સના નવા કોચ બનાવવામાં આવી શકે છે. ઈન્ડિયન પ્રીમિયર લીગની 16મી સિઝનમાં દિલ્હીની ટીમ 14માંથી માત્ર 5 મેચ જીતી શકી હતી અને પોઈન્ટ ટેબલમાં 9મા ક્રમે રહી હતી. આવી સ્થિતિમાં ટીમના મુખ્ય કોચ રિકી પોન્ટિંગનો કાર્યકાળ સમાપ્ત થવાની સંભાવના છે. ત્યારે આ જવાબદારી સૌરવ ગાંગૂલીને સોંપાય તેવી સંભાવના વ્યક્ત કરવામાં આવી રહી છે.

 આ પણ વાંચો :-

 

Black Car ખરીદવાનું વિચારી રહ્યા છો ? તો પહેલા જાણી લેજો આ વાત નહીંતર પસ્તાશો

News Editor
-
0

Thinking of buying a black car?

  • Car Care Tips : ઘણા લોકોને કાળા રંગની કાર ખુબ ગમે છે. જોકે, કાળા રંગની કારની જાળવણી મુશ્કેલ બની શકે છે. તમારે કાળા રંગની કાર સાથે વધુ સાવચેત રહેવું પડશે. તેની વધુ કાળજી રાખવી પડશે.

ઘણા લોકોને કાળા રંગની કાર ખુબ ગમે છે. જોકે કાળા રંગની કારની જાળવણી મુશ્કેલ બની શકે છે. તમારે કાળા રંગની કાર સાથે વધુ સાવચેત રહેવું પડશે. તેની વધુ કાળજી રાખવી પડશે. વાસ્તવમાં કાળા રંગની કારના કેટલાક ગેરફાયદા છે જે ઘણા લોકો નથી જાણતા. ચાલો આવા ત્રણ ગેરફાયદા વિશે જાણીએ.

ગરમી :

કાળો રંગ સૂર્યના કિરણોમાંથી વધુ ગરમી શોષે છે. કારના કિસ્સામાં પણ એવું જ છે. કાળા રંગની કાર સૂર્યમાંથી વધુ ગરમી શોષી લે છે. જેના કારણે કારનો આંતરિક ભાગ ગરમ રહે છે (હળવા રંગની કારની સરખામણીમાં). ખાસ કરીને જો તમે કારને તડકામાં પાર્ક કરો છો તો આ સમસ્યા વધુ થાય છે. તે પછી તમારે કારના આંતરિક ભાગને ઠંડુ કરવા માટે વધુ ACની જરૂર પડશે.

જાળવણી :

કાળી કારને સારી દેખાતી રાખવા માટે વધુ જાળવણી અને કાળજીની જરૂર પડી શકે છે. પેઇન્ટવર્કની ચમક જાળવવા અને તેને નુકસાનથી બચાવવા માટે નિયમિત પોલિશિંગ અને વેક્સિંગ વગેરેની જરૂર પડી શકે છે. ઉપરાંત કાર ધોવાથી જે swirl marks રહી જાય છે. તે કાળા રંગ પર વધુ દેખાય છે. આને દૂર કરવા માટે સફાઈ કરતી વખતે વધારાની કાળજીની જરૂર પડી શકે છે.

આ પણ વાંચો :-

નવસારીના ફાર્મ હાઉસમાં દારૂની મહેફિલ માણતા ૯ સુરતીલાલા ઝડપાયા

News Editor
-
0

9 surtilalas were caught enjoying alcohol

  • police raid on liquor party : નવસારીના આસુંદર ગામે વિલેજ સિટી ફાર્મ હાઉસમાં દારૂની મહેફિલ માણતા ૯ સુરતીલાલાઓ ઝડપાયા. મહેફિલની બાતમીને આધારે ગ્રામ્ય પોલીસની કરી રેડ. ઘટના સ્થળેથી મોંઘી બ્રાન્ડની વિદેશી દારૂની બોટલો, ૩ કાર અને મોબાઈલ ફોન સહિતનો મુદ્દામાલ કરાયો જપ્ત.

નવસારી જિલ્લાના ગામડાઓમાં બનેલા ફાર્મ હાઉસ હવે દારૂની મહેફિલો કરતા થઈ ગયા છે. જેમાં મોટાભાગના સુરતીઓ હોય છે. વિકેન્ડમાં સુરતીલાલાઓ બેખૌફ બની શરાબ કબાબની મજા માણવા પહોંચતા હોય છે. પરંતુ નવસારી જિલ્લા પોલીસ પણ સતર્ક થઈ છે.

ગત મોડી રાતે નવસારી મરોલી માર્ગ પર આસુંદર ગામમાં વિલેજ સીટી ફાર્મ હાઉસમાં શરાબની મહેફિલ માણતા ૯ સુરતીલાલાઓના રંગમાં નવસારી ગ્રામ્ય પોલીસે ભંગ પાડયો હતો. પોલીસે ૯ લોકોની નશાની હાલતમાં ધરપકડ કરી, મોંઘી બ્રાન્ડની વિદેશી દારૂની બોટલો પણ કબ્જે કરી હતી.

નવસારીના આસુંદર ગામે ફાર્મ હાઉસમાં ચાલતી મહેફિલ પર ગ્રામ્ય પોલીસે રેડ પાડી હતી. નવસારી મરોલી માર્ગ પર આસુંદર ગામે આવેલા વિલેજ સીટી ફાર્મ હાઉસમાં શરાબની પાર્ટી ચાલી રહી હતી. જેમા સુરતના નબીરાઓ ફાર્મ હાઉસમાં શરાબની મજા માણી રહ્યા હતા. મહેફિલની બાતમીને આધારે ગ્રામ્ય પોલીસની ટીમે રંગમાં ભંગ પાડયો હતો.

પોલીસે ઘટના સ્થળેથી ૯ સુરતીલાલાઓને નશાની હાલતમાં પકડ્યા હતા. ઘટના સ્થળેથી મોંઘી બ્રાન્ડની વિદેશી દારૂની બોટલો મળી આવી હતી. પોલીસે મહેફિલ માણતા સુરતીલાલાઓની ધરપકડ કરી ગ્રામ્ય પોલીસ મથકે ગુનો નોંધ્યો છે. તો ઘટના સ્થળેથી વિદેશી દારૂ સાથે ત્રણ કાર અને મોબાઈલ ફોન સહિતનો મુદ્દામાલ કબ્જે કર્યો છે.

પોલીસે ઘટના સ્થળેથી નશાની હાલતમાં ૯ સુરતીઓને પકડયા હતા. સાથે જ મોંઘી બ્રાન્ડની ૭ દારૂની બોટલો, મોબાઈલ ફોન અને ત્રણ કાર પણ કબ્જે કરી હતી. જ્યારે ૯ સુરતીલાલાઓની ધરપકડ કરી નવસારી ગ્રામ્ય પોલીસ મથકે ફરિયાદ નોંધી આગળની તપાસ આરંભી છે. ઉલ્લેખનીય છે કે પકડાયેલા સુરતીઓમાં એકની પાસે વિદેશી દારૂ પીવાની પરમીટ હતી. પણ બદનસીબે પરમીટ મે મહિનામાં જ પૂર્ણ થઈ હતી.

આ પણ વાંચો :-

Asia Cup 2023 : પાકિસ્તાનમાં રમાશે એશિયા કપ 2023, ટીમ ઈંડિયાના મેચને લઈ આ છે અપડેટ

News Editor
-
0

Asia Cup 2023

  • Asia Cup 2023 : ગત વર્ષે બીસીસીઆઈના સચિવ જય શાહે સ્પષ્ટ કર્યું હતું કે ટીમ ઇન્ડિયા કોઈ પણ હાલતમાં પાકિસ્તાન જશે નહીં. બીસીસીઆઈના આ નિર્ણય પછી એશિયા કપ 2023 માટે હાઈબ્રીડ મોડલ બનાવવામાં આવ્યું છે. સૂત્રોના જણાવ્યા અનુસાર આ હાઈબ્રીડ મોડલ અંગે 13 જૂને કાઉન્સિલ તરફથી સત્તાવાર જાહેરાત થઈ શકે છે.

એશિયા કપ 2023 (Asia Cup 2023) સપ્ટેમ્બર મહિનામાં પાકિસ્તાનમાં રમાશે. પરંતુ એશિયા કપના આયોજનને લઈને હજી પણ કોઈ સ્પષ્ટતા નથી. તેવામાં ટુર્નામેન્ટને (Tournament) લઈને એક મોટું અપડેટ સામે આવ્યું છે. મીડિયા રિપોર્ટ્સ અનુસાર એશિયા કપ 2023 પાકિસ્તાનમાં (Pakistan) જ રમાશે પરંતુ ટુર્નામેન્ટની કેટલીક મેચ પાકિસ્તાનની બહાર આયોજિત થશે.

એશિયા કપ 2023 માટે પીસીબીના પ્રસ્તાવિત હાઈબ્રીડ મોડલને એશિયાઈ ક્રિકેટ પરિષદ (Asian Cricket Council) મંજૂરી આપે તેવી સંભાવના છે. ગત વર્ષે બીસીસીઆઈના સચિવ જય શાહે સ્પષ્ટ કર્યું હતું કે ટીમ ઈન્ડિયા કોઈ પણ હાલતમાં પાકિસ્તાન જશે નહીં. બીસીસીઆઈના આ નિર્ણય પછી એશિયા કપ 2023 માટે હાઈબ્રીડ મોડલ બનાવવામાં આવ્યું છે. સૂત્રોના જણાવ્યા અનુસાર આ હાઈબ્રીડ મોડલ અંગે 13 જૂને કાઉન્સિલ તરફથી સત્તાવાર જાહેરાત થઈ શકે છે.

પાકિસ્તાનમાં રમાશે આ 4 મેચ :

હાઈબ્રીડ મોડેલ અંતર્ગત એશિયા કપ 2023 ની ચાર મેચ પાકિસ્તાનમાં આયોજિત થશે. આ બધી મેચ પાકિસ્તાનના લાહોરમાં રમાશે. પાકિસ્તાનમાં રમાનાર મેચમાં પાકિસ્તાન-નેપાળ, બાંગ્લાદેશ-અફઘાનિસ્તાન, અફઘાનિસ્તાન-શ્રીલંકા અને શ્રીલંકા-બાંગ્લાદેશ મેચ થઈ શકે છે. ત્યાર પછી ની બધી જ મેચ શ્રીલંકામાં રમાશે. ટીમ ઈન્ડિયાની મેચ પણ શ્રીલંકામાં જ રમાશે.

એશિયા કપ 2023નું હાઈબ્રીડ મોડલ :

પાકિસ્તાન ક્રિકેટ બોર્ડ દ્વારા એશિયા કપ 2023 માટે હાઈબ્રીડ મોડલ માં બે વિકલ્પ આપવામાં આવ્યા છે. હાઈબ્રીડ મોડલના પહેલા વિકલ્પમાં પાકિસ્તાનમાં બધા જ મેચ રમાશે જ્યારે ભારતના મેચ ન્યુટ્રલ વેન્યુ પર રમાશે. જ્યારે બીજો વિકલ્પ એવો છે કે ટુર્નામેન્ટને બે ભાગમાં વિભાજીત કરવામાં આવે. જેમાં પહેલા રાઉન્ડમાં પાકિસ્તાનમાં મેચ રમાશે અને બીજા રાઉન્ડમાં ભારતના મેચ ન્યુટ્રલ વેન્યુ પર રાખવામાં આવે. એશિયા કપ 2023 નો ફાઈનલ મેચ પણ ન્યુટ્રલ વેન્યુ પર રમાશે.

આ પણ વાંચો :-

1...1,0601,0611,062...1,462Page 1,061 of 1,462