- Whatsapp માં એવા કેટલાય ફીચર્સ અને હેક્સ છે જેનો ઉપયોગ કરીને તમે ડિલીટ કરેલ ફોટો અને વીડિયોને સેકન્ડોમાં રિકવર કરી શકશો. જાણી લો આ ધમાકેદાર ટ્રીક.
વોટ્સએપ દુનિયાભરમાં સૌથી વધુ ઉપયોગમાં લેવાતા મેસેજિંગ એપમાંનું એક છે. આપણે આ પ્લેટફોર્મ પર દિવસમાં અનેકવાર ફોટો અને વીડિયો શેર કરતાં હોઈએ છીએ પરંતુ ક્યારેક ભૂલથી આપણાંથી કોઈ જરૂરી ફોટો કે વીડિયો ડિલીટ થઈ જાય છે. જો તમારી સાથે પણ એવું થયું છે તો હવે ચિંતા ન કરશો. આ ટ્રિકની મદદથી તમે ડિલીટ કરેલા ફોટો-વીડિયો સરળતાથી પાછા મેળવી શકશો.
ફોન ગેલેરી :
ડિફોલ્ટરૂપે Whatsappનાં તમામ ફોટોઝ અને વીડિયોઝ એન્ડ્રોઈડ અને આઈફોન બંનેની ફોન ગેલેરીમાં સેવ થઈ જાય છે. તેથી જો મીડિયા ફાઈલ્સ વોટ્સએપથી ડિલીટ થઈ જાય તો પણ ફોન ગેલેરીમાંથી તમને મળી શકશે.
ફાઈલ એક્સપ્લોર :
આ ફીચર માત્ર એન્ડ્રોઈડ યૂઝર માટે જ ઉપલબ્ધ છે. એન્ડ્રોઈડ યૂઝર્સ ફાઈલ એક્સપ્લોરરમાં જઈને Whatsappનાં ફોલ્ડરમાં જઈને મીડિયા ફાઈલ્સથી ડિલીટ થઈ ગયેલ ફોટોઝ-વીડિયોઝ રિકવર કરી શકે છે.
Whatsapp બેકઅપ :
જો તમે વોટ્સએપ ચેટ અને મીડિયાને ડેઈલી, વીકલી અથવા તો મંથલી બેઝ પર ગૂગલ ડ્રાઈવ કે iCloud પર બેકઅપ કરો છો તો ડિલીટ થયેલ ફાઈલ્સને તમે વોટ્સએપને ડિલીટ કરી ફરી ડાઉનલોડ કરીને મેળવી શકશો. ફરીથી વોટ્સએપ લોગ ઈન કરતાં સમયે રિકવરનો ઓપ્શન આવશે તેના પર ક્લિક કરીને તમે ફોટોઝ-વીડિયોઝ રિકવર કરી શકશો.
ડિલીટ મીડિયા ઓપ્શનને બંધ કરી શકાય :
ક્યારેક-ક્યારેક જ્યારે આપણે ચેટ ક્લિયર કરીએ છીએ તો ભૂલથી કોઈ જરૂરી મીડિયા ફાઈલ્સ પણ ડિલીટ થઈ જાય છે. તેનાથી બચવા માટે ચેટ ક્લિયર કરતાં સમયે તમારે ડિલીટ મીડિયા ઓપ્શનને બંધ કરી દેવાનું. જેનાથી તમારી ચેટ્સ અને ડિલીટ થયેલી મીડિયા ફાઈલ્સ ગેલેરીમાં સેવ રહેશે.
આજકાલ લોકો મેસેજ સેન્ડ કરીને ડિલીટ કરી દે છે. તમે અન્ય એપની મદદથી પણ તેને રિકવર કરી શકો છો. પ્લે સ્ટોર પરથી તમે WAMR નામક એપ ડાઉનલોડ કરીને ડિલીટ થયેલ ફોટો-વીડિયો અને ચેટ રિકવર કરી શકશો.
આ પણ વાંચો :-