- નેશનલ હાઈવે કે બીજા કોઈ રોડ પર ટોલ ચુકવ્યા બાદ મળેલી પહોંચ ખૂબ કામમાં લાગે છે અને તેથી તેને ફેંકી ન દેતા સાચવી રાખવાની જરુર હોય છે.
નેશનલ હાઈવે પર ટોલ ટેક્સ ચૂકવ્યા બાદ મળેલી પહોંચ કે રસીદ લોકો નકામી માનીને ફેંકી દેતા હોય છે પરંતુ અહીં જણાવેલી ચાર સુવિધાઓ જાણીને હવે તમે આ પહોંચી નક્કી જાળવી રાખવાના અને જાળવવા જેવી પણ છે કારણ કે તે હાઈવે પર ચાર પ્રકારની ઈમજરન્સીમાં તમને ખૂબ કામ લાગી જાય છે.
પહોંચની પાછળ લખેલા હોય છે ચાર ફોન નંબર
ટોલ બૂથ પર પૈસા ચૂકવ્યા બાદ તમને જે રિસિપ્ટ મળે છે તેની આગળ-પાછળ તમને એકથી ચાર ફોન નંબર જરૂર દેખાશે. આ ફોન નંબર હેલ્પલાઈન, ક્રેન સર્વિસ, એમ્બ્યુલન્સ સર્વિસ અને પેટ્રોલ સર્વિસને આપવામાં આવે છે. નેશનલ હાઈવે ઓથોરિટી ઓફ ઈન્ડિયા તમને આ તમામ સેવાઓ મુસાફરી દરમિયાન ટોલ કલેક્શન લેનમાં પૂરી પાડે છે. આ ચાર નંબર નેશનલ હાઈવે ઓથોરિટી ઓફ ઈન્ડિયાની સાઈટ http://tis.nhai.gov.in/TollInformation?TollPlazaID=200 પર પણ સરળતાથી મળી જશે.
ઈમરજન્સીના કિસ્સામાં 1033 અથવા 108 પર કોલ કરવાથી તરત મળશે મદદ :
જો તમને રસ્તામાં કોઈ તકલીફ ઊભી થાય તો તમે નેશનલ હાઈવે હાઈવે ઓથોરિટીના હેલ્પલાઈન નંબર 1033 અથવા 108 પર કોલ કરી શકો છો, તમને આ સમય દરમિયાન તાત્કાલિક મદદ મળશે. આ સેવા ચોવીસ કલાક સુધી સતત ચાલે છે.
મેડિકલ ઈમરજન્સી નંબર :
ક્યારેક નેશનલ હાઈવે પર મુસાફરી કરતી વખતે અચાનક તબિયત બગડી જાય છે આવી સ્થિતિમાં તમે રસીદની સામે અથવા બીજી બાજુ આપેલા મેડિકલ ઈમરજન્સી નંબર પર કોલ કરી શકો છો. કોલ કર્યાંની 10 મિનિટમાં તમારી પાસે એમ્બ્યુલન્સ આવીને ઊભી રહેશે અને તમને મદદ મળી જશે.
પેટ્રોલ હેલ્પલાઈન નંબર :
હાઈવે પર જતી વખતે ઘણી વાર પેટ્રોલ કે ડીઝલ ખતમ થઈ જાય અને વચ્ચે પેટ્રોલ પંપ ન હોય ત્યારે તો મોટી મુસીબત સર્જાતી હોય છે પરંતુ આવી સ્થિતિમાં પણ તમને મદદ મળી શકે છે. જો અચાનક ઈંધણ ખૂટી જાય તો ચિંતા કરવાની જરૂર નથી.
તમે વાહન રસ્તાની બાજુમાં પાર્ક કરી શકો છો, રસીદ અથવા પેટ્રોલ નંબર પર આપેલા હેલ્પ લાઈન નંબર 8577051000 અને 7237999944 પર કોલ કરી શકો છો. જે પછી તરત તમને ૫ કે ૧૦ લીટર પેટ્રોલ પૂરુ પાડવામાં આવશે જોકે તેને માટે તમારે પૈસા ચુકવવા પડશે મફત નહીં મળે.
આ પણ વાંચો :-
