Home Blog Page 961

૧૯ સપ્ટેમ્બર / આકસ્મિક ફાયદાની પ્રબળ શક્યતા, વેપાર-વાણિજ્યમાં ફાયદો, આ રાશિના જાતકોનો મંગળવાર આનંદ પ્રમોદમાં જશે, જુઓ આજનું રાશિ ભવિષ્ય

News Editor
-
0

મેષ (અ.લ.ઈ)
આ રાશિનાં જાતકો માટે આજનો દિવસ જમીન મિલકતને લગતા કાર્યોમાં રાહત જણાય. કામકાજમાં સાધારણ ઉચાટ જણાશે. વિવાદિત કાર્યોથી દૂર રહેવું. વડીલ વર્ગની આરોગ્ય બાબતે ચિંતા રહે.

વૃષભ (બ.વ.ઉ)
આ રાશિનાં જાતકો માટે આજનો દિવસ પારિવારિક વાતાવરણમાં સુમેળ જણાય. આવક-જાવકનું પ્રમાણ જળવાઈ રહે.માનસિક ચિંતાઓ રહેશે. પતિ-પત્નીના વિચારોમાં અસમાનતા રહેશે.

મિથુન (ક.છ.ઘ)
આ રાશિનાં જાતકો માટે આજનો દિવસ ભૌતિક સુખ-સુવિધામાં વધારો જણાય. માનસિક શ્રમમાંથી મુક્ત બનો. કામના ભારને હળવો કરી શકશો. સહકર્મચારીના સંબંધોમાં સુધારો જણાશે.

કર્ક (ડ.હ)
આ રાશિનાં જાતકો માટે આજનો દિવસ  સાંસારિક જીવનમાં સામાન્ય ચિંતા જણાય. બહારગામના કામકાજથી લાભ જણાય. સંતાનોના પ્રશ્નોમાં સાનુકૂળતા જણાય. કામકાજમાં સફળતા અને પ્રગતિ જણાય.

સિંહ (મ.ટ.)
આ રાશિનાં જાતકો માટે આજનો દિવસ અન્યના કારણે કામમાં મુશ્કેલી સર્જાય. મોસાળપક્ષે સામાન્ય ચિંતા જણાય. કાનૂની-ખાતાકીય કામકાજમાં સંભાળવું. માનસિક અશાંતિમાં રાહત અનુભવશો.

કન્યા (પ.ઠ.ણ.)
આ રાશિનાં જાતકો માટે આજનો દિવસ નોકરી ધંધા માટે પ્રવાસના યોગ બને. વેપાર-વાણિજ્યમાં નવી મુલાકાતથી લાભ થશે. ઉત્તમ આનંદ મેળવી શકશો. ધન પ્રાપ્તિ માટે અધિક મહેનત કરવી પડશે.

તુલા (ર.ત.)
આ રાશિનાં જાતકો માટે આજનો દિવસ  મિત્રો, સ્નેહીજનોની મુલાકાત લાભ કરાવે. હિસાબી કામકાજમાં સાવધાની રાખવી. આકસ્મિક ફાયદાની શક્યતા પ્રબળ જણાય. નોકરી ધંધામાં સામાન્ય ફેરફારીની શક્યતા.

વૃશ્ચિક (ન.ય.)
આ રાશિનાં જાતકો માટે આજનો દિવસ  ઉપરી અધિકારી વર્ગથી પરેશાની જણાય. વિવાદિત કાર્યોમાં અંતર રાખી કામ લેવું. ઘરમાં આનંદનું વાતાવરણ સર્જાય. આરોગ્યની ખાસ કાળજી લેવી.

ધન (ભ.ધ.ફ.ઢ.)
આ રાશિનાં જાતકો માટે આજનો દિવસ પારિવારિક કામમાં વ્યસ્ત રહેશો. અગત્યના નિર્ણયમાં ઉતાવળ કરવી નહીં. વાણી-વ્યવહારમાં નમ્રતા રાખવી. સગા-સંબંધીઓમાં તણાવ જણાશે.

મકર (ખ.જ.)
આ રાશિનાં જાતકો માટે આજનો દિવસ વ્યવહારમાં ભાગાદોડી અને ખર્ચ રહેશે. જીવનસાથી સંતાનોના કામમાં સાનુકૂળતા રહેશે. થોડી બેચેની અને કામની ચિંતા રહેશે. કામકાજ સામાન્ય સંભાળીને કરવું.

કુંભ ( ગ.શ.સ.ષ.)
આ રાશિનાં જાતકો માટે આજનો દિવસ પારિવારિક સંબંધોમાં મુશ્કેલી જણાશે. વિવાદિત કાર્યોમાં સાચવીને કામ કરવું. વિલંબમાં પડેલા કાર્યો ઉકેલાશે. માનસિક અસ્વસ્થતા અનુભવશો.

મીન (દ.ચ.ઝ.થ.)
આ રાશિનાં જાતકો માટે આજનો દિવસ વિલંબમાં પડેલા કામો પૂરાં થશે. ધર્મકાર્યમાં યાત્રા-પ્રવાસ થાય. કામની હળવાશ અનુભવશો. દૈનિક વ્યવસાયથી લાભ થશે.

આ પણ વાંચો :-

Surat : સુર્યપુત્રી તાપી બે કાંઠે, ઉકાઈ ડેમમાંથી પાણી છોડાતા નદીનું રૌદ્ર સ્વરૂપ, આકાશી નજારો….

News Editor
-
0
  • સુરતમાં આવેલી તાપી નદી ફરી એકવાર બે કાંઠે વહેતી થઈ છે. મધ્ય પ્રદેશમાં છેલ્લા કેટલાક દિવસોથી ભારે વરસાદી પડી રહ્યો છે.

ગુજરાતની સાથે સાથે મધ્યપ્રદેશમાં ભારે વરસાદી રાઉન્ડ શરૂ થયો છે. આ બધાની વચ્ચે હવે સૂર્ય પુત્રી તાપીમાં પાણીની આવકમાં સતત વધારો થઇ રહ્યો છે. આજે સૂર્ય પુત્રી ફરી એકવાર બે કાંઠે વહેતી થઈ છે.

Surat: Surya Putri Tapi river overflow due to ukai dam water into the river at today morning, latest photos viral Surat: સુર્યપુત્રી તાપી બે કાંઠે, ઉકાઇ ડેમમાંથી પાણી છોડાતા નદીનું રૌદ્ર સ્વરૂપ, આકાશી નજારો....

નદીમાં સતત નવી આવકો થઈ રહી છે. મળતી માહિતી પ્રમાણે સુરતમાં આવેલી તાપી નદી ફરી એકવાર બે કાંઠે વહેતી થઈ છે. મધ્ય પ્રદેશમાં છેલ્લા કેટલાક દિવસોથી ભારે વરસાદી પડી રહ્યો છે. જેના કારણે ઉકાઈ ડેમમાં સતત પાણીમાં વધારો નોંધાઈ રહ્યો છે. આજે ઉકાઈ ડેમમાંથી ૨.૯૭ લાખ ક્યૂસેક પાણી છોડાયું હતું.

જેના કારણે સૂર્ય પુત્રી તાપી નદીની સપાટી ૧૦.૯૫ મીટરે પહોંચી હતી. સુરતના નદી કાંઠાના વિસ્તારમાં પાણી ભરાવાનું શરૂ થઈ ગયું છે. કાદરશાહની નાળ સહિતના વિસ્તારો પાણી ગરકાવ થઈ રહ્યાં છે. આ ઉપરાંત સુરત કોઝ-વે ઉપરથી પણ પાણીનો પ્રવાહ પસાર થઈ રહ્યો છે.

અત્યારે ઉકાઈ ડેમનું જળસ્તર હાલ ૩૪૩.૪૭ ફૂટની સપાટી સુધી પહોંચ્યું છે, અને ઉકાઈ ડેમમાં નદીઓમાં ૨.૯૭ લાખ ક્યૂસેક પાણી છોડાઈ રહ્યું છે. ઉકાઈ ડેમમાં હાલ ૨.૨૭ લાખ ક્યૂસેક પાણીની આવક થઈ રહી છે. ખાસ વાત છે કે, સતત પાણી વધતા સુરત કોઝ-વે ઓવરફલો થયો છે જેના કારણે વાહન વ્યવહાર બંધ થયો છે. સુરત કોઝ-વે પર રાંદેર પોલીસે બંદોબસ્ત પણ ગોઠવી દીધો છે.

આ પણ વાંચો :-

લાઈવ શો દરમિયાન પતિ નીક જોનસને ચોંટી પડી પ્રિયંકા, ચુંબન કરતો વીડિયો વાયરલ, બર્થ ડે બોય સાથે મસ્તી

News Editor
-
0
  • પ્રિયંકા ચોપરાએ લખ્યું છે કે તમારા માટે ઉજવણી કરવી એ મારી સૌથી મોટી ખુશી છે, મારા બર્થ ડે બોય હું તને પ્રેમ કરું છું, હું આશા રાખું છું કે તમારા બધા સપના સાકાર થાય.

પ્રિયંકા ચોપરાના પતિ નિક જોનાસએ ૧૬ સપ્ટેમ્બરે તેનો ૩૧મો જન્મદિવસ ઉજવ્યો છે. તેના જન્મદિવસના એક દિવસ પછી નિકના સેલિબ્રેશનના કેટલાક વીડિયો સોશિયલ મીડિયા પર વાયરલ થયા છે. નિક તેના જન્મદિવસ પર અમેરિકામાં તેનો કોન્સર્ટ પણ કરી રહ્યો છે. છેલ્લા કેટલાક દિવસોથી જોનાસ બ્રધર્સ તેમની કોન્સર્ટ ટૂર પર છે. જે હાલમાં અમેરિકામાં ચાલી રહી છે. પત્ની પ્રિયંકા ચોપરા પણ દરેક કોન્સર્ટમાં પતિ સાથે જોવા મળી રહી છે.

નિક જોનાસના જન્મદિવસ પર અમેરિકાના ઓમાહામાં જોનાસ બ્રધર્સનો કોન્સર્ટ યોજાયો હતો. જ્યાં સૌએ ખૂબ મજા કરી હતી. સિંગરે તેનો જન્મદિવસ લાખો ચાહકો સાથે ઉજવ્યો હતો. સેલિબ્રેશનના ઘણા વીડિયો અને તસવીરો સોશિયલ મીડિયા પર વાયરલ થઈ રહી છે. આ વીડિયોમાંથી એક વીડિયો ખૂબ જ ચર્ચામાં છે.

જેમાં નિક અને પ્રિયંકા એકબીજાને કિસ કરતા જોવા મળી રહ્યા છે. લાખો ચાહકોની વચ્ચે નિક જોનાસે એક કોન્સર્ટમાં તેની પત્નીને પીસીને કિસ કરી હતી. આ પ્રસંગે પ્રિયંકા યલો કલરના કો-ઓર્ડ સેટમાં જોવા મળી હતી. બર્થ ડે બોય હંમેશાની જેવો જ દેખાતો હતો. કોન્સર્ટમાં નિકે તેના જન્મદિવસની કેક કાપી અને સ્ટેજ નીચે ઉભેલી તેની પત્ની પ્રિયંકાને લિપ કિસ કરી હતી. આ ખાસ દિવસની ઉજવણી કર્યા બાદ નિકે બધાનો આભાર પણ માન્યો હતો.

‘જન્મદિવસની શુભેચ્છા બેબી’ :

પ્રિયંકા ચોપરાએ નિક જોનાસના જન્મદિવસ પર કેટલીક ખાસ તસવીરો શેર કરી અને ઈન્સ્ટાગ્રામ પર એક પ્રેમભરી નોંધ શેર કરી છે. તેણે લખ્યું છે કે તમારા માટે ઉજવણી કરવી એ મારી સૌથી મોટી ખુશી છે. તમે મને ઘણા રસ્તાઓ પર ચાલવા માટે મોટીવેટ કરી છે.

તમે મને એવી શાંતિ આપી કે જેનાથી હું હંમેશા અજાણ હતી. મને એવો પ્રેમ આપ્યો જે ફક્ત તમે જ આપી શકો છો. મારા બર્થ ડે બોય, હું તને પ્રેમ કરું છું. હું આશા રાખું છું કે તમારા બધા સપના સાકાર થાય. જન્મદિવસની શુભેચ્છા બેબી.

આ પણ વાંચો :-

 

 

સફેદ શુઝમાંથી મેલ સાફ કરવો હવે સરળ, અપનાવી જુઓ આ ઘરેલૂ નુસખાઓ, માત્ર ૧૦ મીનિટમાં પાછી આવી જશે ચમક

News Editor
-
0
  • સફેદ શુઝ દરેક ડ્રેસ સાથે મેચ થઈ જતાં હોવાથી ટ્રેંડમાં રહે છે. પરંતુ તે જલ્દીથી મેલા થઈ જાય છે. કેટલાક ઘરેલૂ નુસખાઓ તમારા શુઝની ચમક પાછી લાવી શકે છે.

ઓલ્ડ લોકોમાં શુઝ પહેરવાનો ટ્રેંડ વધી ગયો છે. લોકો પોતાના તમામ આઉટફીટ સાથે શુઝ પહેરે છે. શુઝમાં પણ સફેદ શુઝની ડિમાંડ માર્કેટમાં સૌથી વધારે છે. વાઈટ શુઝ તમામ ડ્રેસ સાથે મેચ થવાને લીધે બોલીવુડથી માંડીને સામાન્ય કોલેજ જતા સ્ટૂડેંસ પણ તેને પહેરવાનું પસંદ કરે છે. વાઈટ શુઝ દેખાવમાં તો જબરદસ્ત લૂક આપે છે પરંતુ તેની સાથે એક જ સમસ્યા છે અને એ છે દાગ-ધબ્બા ! સફેદ શુઝ જલ્દીથી મેલા થઈ જાય છે અને પાણીથી સાફ કરીએ તો પણ દાગ જતાં નથી.

વિનેગાર અને બેકિંગ સોડા :

બેકિંગ સોડા અને વિનેગાર બંનેમાં એવા તત્વો હોય છે જે શુઝને સાફ કરવામાં મદદ કરે છે. આ બંનેને મિક્સ કરીને દુર્ગંધ અને ફંગસનાં ગ્રોથને પણ અટકાવી શકાય છે. પરંતુ આ મિક્સચરથી લેધર, રેગ્ઝીનથી બનેલ શુઝ અથવા તો કપડાંનાં શુઝનાં સોલને જ સાફ કરવું જોઈએ.

બનાવવાની રીત :

એક વાટકીમાં અડધી ચમચી વિનેગાર અને ૧/૪ કપ બેકિંગ સોડા મિક્સ કરવા. મિશ્રણને ત્યાં સુધી મિક્સ કરવું જ્યાં સુઝી તેમાં ફીણ થવા માંડે.પછી આ મિશ્રણને બ્રશની મદદથી શુઝ પર લગાડીને થોડીવાર માટે છોડી દેવું. આ બાદ ઠંડા પાણીથી શુઝને ધોઈ લેવા.

ટૂથપેસ્ટ
દાંતની સફાઈ કરતાં ટૂથપેસ્ટથી તમે શુઝની પણ સફાઈ કરી શકો છો. આ મિક્સચરથી લેધર, રેગ્ઝીનથી બનેલ શુઝ અથવા તો કપડાંનાં શુઝનાં સોલને જ સાફ કરવું જોઈએ.

રીત :

શુઝને કપડાંથી સાફ કરવું અને થોડું ભીનું કરવું. આ બાદ તેના પર ટૂથબ્રશની મદદથી પેસ્ટ લગાડવી. 10 મિનીટ માટે તેને છોડી દેવું અને ફરી બ્રશથી ઘસવું. છેલ્લે પાણીથી ધોઈ લેવું. તમારા શુઝ ફરી ચમકી જશે.

લીંબુનો રસ :

લીંબુમાં રહેલ સાઈટ્રિક એસિડ શુઝની સફાઈમાં મદદ કરે છે અને શુઝમાંથી આવતી દુર્ગંધ પણ દૂર કરે છે. ઠંડા પાણીમાં લીંબુનો રસ ઉમેરવો અને આ મિશ્રણને સફેદ શુઝ પર લગાડવું. હાથથી થોડું ઘસ્યાં બાદ ૧૦ મિનીટમાં પાણીથી ધોઈ લેવું.

નેઈલપેઈન્ટ રિમૂવર :

નેઈલપેઈન્ટ રિમૂવર ચામડાનાં શુઝ કે સફેદ સ્નીકર્સ પર આવતી કરચલીઓને સરળતાથી સાફ કરી શકે છે. સૌથી પહેલાં કોટન બોલને એસીટોન રિમૂવરમાં ભીનું કરવું અને પછી દાગ પર ઘસવું. દાગ નિકાળ્યાં બાદ શુઝ પર પાઉડર કે પેટ્રોલિયમ જેલી લગાડવી.

આ પણ વાંચો :-

બોલિવુડની દિગ્ગજ અભિનેત્રી વિરૂદ્ધ ધરપકડ વોરંટ જાહેર કરાયું, ફિલ્મ જગતમાં હડકંપ

News Editor
-
0
  • બોલિવૂડ એક્ટ્રેસ ઝરીન ખાન વિરુદ્ધ કોલકાતાની એક ઈવેન્ટ કંપની દ્વારા ફરિયાદ દાખલ કરવામાં આવી હતી. જે બાદ હવે અભિનેત્રીના નામે ધરપકડ વોરંટ જાહેર કરવામાં આવ્યું છે.

બોલિવૂડ એક્ટ્રેસ ઝરીન ખાન વિશે એક ચોંકાવનારા સમાચાર સામે આવી રહ્યા છે. અહેવાલો અનુસાર, કોલકાતાની સિયાલદહ કોર્ટે ઝરીન ખાનના નામ પર ધરપકડ વોરંટ જાહેર કર્યું છે. ખરેખર અહીં એક કંપનીએ અભિનેત્રી વિરુદ્ધ ફરિયાદ નોંધાવી હતી. અભિનેત્રી સામે વર્ષ ૨૦૧૮માં ૬ ઈવેન્ટમાં હાજરી ન આપવા બદલ ફરિયાદ દાખલ કરવામાં આવી હતી.

કોલકાતા અને ઉત્તર ૨૪ પરગણામાં ૬ કાલી પૂજા કાર્યક્રમોમાં હાજરી ન આપવા બદલ તેમની સામે ફરિયાદો મળી હતી. આ ફરિયાદ ઈવેન્ટ મેનેજમેન્ટ કંપની વતી નારકેલડાંગા પોલીસ સ્ટેશનમાં નોંધાવવામાં આવી છે. જે બાદ નારકેલડાંગા પોલીસે સિયાલદહ કોર્ટમાં ચાર્જશીટ રજૂ કરી હતી. મામલો સામે આવ્યા બાદ અમે આ મામલે ઝરીન ખાનનો સંપર્ક કરવાનો પ્રયાસ કર્યો હતો પરંતુ કોઈ જવાબ મળ્યો નહોતો.

સલમાન ખાન સાથે કરિયરની શરૂઆત કરી હતી :

ઝરીન ખાને તેની એક્ટિંગ કરિયરની શરૂઆત ૨૦૧૦માં સલમાન ખાન સાથેની ફિલ્મ ‘વીર’થી કરી હતી. આ ફિલ્મ દ્વારા અભિનેત્રીને ઘણી ખ્યાતિ પણ મળી હતી. પરંતુ થોડા સમય પછી અભિનેત્રીના કામની પ્રશંસા કરવાને બદલે દર્શકોએ અભિનેત્રી કેટરીના કૈફ સાથે તેના દેખાવની તુલના કરવાનું શરૂ કર્યું.

જે બાદ અભિનેત્રી ધીરે-ધીરે ઈન્ડસ્ટ્રીમાંથી ગાયબ થઈ ગઈ. અભિનેત્રીએ થોડા સમય પહેલા કેટરિનાની સરખામણીમાં પોતાનું મૌન તોડ્યું હતું. આ અંગે ઝરીન ખાને કહ્યું હતું કે જ્યારે મારી સરખામણી કેટરિના સાથે થાય છે ત્યારે મને ખૂબ જ આનંદ થાય છે.

zareen-khan-accused-makers-of-aksar

કારણ કે હું પોતે પણ તેનો મોટો પ્રશંસક છું અને મને તે ખૂબ જ સુંદર લાગે છે. પરંતુ આ સરખામણીએ મારી કારકિર્દી પર પ્રતિકૂળ અસર કરી હતી. સરખામણીને કારણે ઉદ્યોગના લોકોએ મને મારી કુશળતા સાબિત કરવાની તક આપી ન હતી.

આ પણ વાંચો :-

 

ભરૂચ-અંકલેશ્વર નેશનલ હાઈવે બંધ થતા ટ્રાફિક જામ, ૫ કિલોમીટર સુધી હજારો વાહનોના પૈડા થંભ્યા, તસ્વીર.

News Editor
-
0
  • ભરૂચમાં ગોલ્ડન બ્રિજ પાસે નર્મદા નદીનું પાણી ૪૧ ફૂટના જળસ્તર પર વહી રહ્યું છે. નર્મદા ડેમમાંથી પાણી છોડાતા ભરૂચમાં સ્થિતિ વિકટ બની છે.

અંકલેશ્વરના ગોલ્ડન બ્રિજ પાસે પાણી ભરાયા છે. આ કારણે ભરૂચ-અંકલેશ્વર વચ્ચે વાહન વ્યવહાર બંધ કરાયો છે. આખો રોડ પાણીમાં ગરકાવ થતા વાહન વ્યવહાર બંધ કરાયો છે. છેક હાઈટન્શન વાયર સુધી પાણી ભરાતા મુશ્કેલી વધી છે. જેથી વાહનચાલકો તેમાં ન ફસાય તે માટે રોડ બંધ કરવાનો તાત્કાલિક નિર્ણય લેવાયો છે.

નર્મદા મૈયા બ્રિજ બંધ થતા નેશનલ હાઈવે નં.૪૮ પર વાહનોની લાંબી કતાર લાગી છે. તમામ વાહનો નેશનલ હાઈવે નં .૪૮ તરફ વળતા ચક્કાજામ સર્જાયો છે. વાહનોની 5 કિલોમીટર લાંબી કતાર લાગી છે. અનેક વાહનો ટ્રાફિકજામમાં ફસાયા છે.

સ્ટેટ કંટ્રોલ રૂમના અપડેટ અનુસાર આજે ગુજરાતમાં ૧૮૦ રોડ બંધ છે. તો ૨ નેશનલ હાઈવે બંધ થયા છે. ૧૫ સ્ટેટ હાઈવે બંધ થયા છે. ૧૪૪ પંચાયત હસ્તકના રોડ બંધ હાલતમાં છે. આ ઉપરાંત ૧૯ અન્ય માર્ગો બંધ થયા છે.

રાજ્યમાં પડી રહેલા ભારે વરસાદની સમીક્ષા માટે બેઠક મળી. મહેસુલ વિભાગના અધિક મુખ્ય સચિવ એમ કે દાસએ બેઠક કરી. રાહત કમિશનર આલોક પાંડે સહિતના અધિકારીઓ બેઠકમાં હાજર રહ્યા. રાજ્યમાં વરસાદના કારણે ફસાયેલા લોકોના રેસ્કયુ અંગે સમીક્ષા કરાઈ.

વિવિધ સ્થળોએ પૂરની સ્થિતિની સમીક્ષા કરાઈ. રાજ્યના જળાશયોમાં પાણીના જથ્થાને લઇને સમીક્ષા કરાઈ. સ્થળાંતર કરાયેલા લોકોની વ્યવસ્થા માટે બેઠકમાં સમિક્ષા કરાઈ. બંધ થયેલા માર્ગો ઝડપથી કાર્યરત થાય તે અંગે બેઠકમાં કરાઈ ચર્ચા.

આ પણ વાંચો :-

વડાપ્રધાન નરેન્દ્ર મોદીના ૭૩ મો જન્મદિવસ નિમિત્તે સુરત શહેરમાં સેવાકીય અને અનોખી પ્રવૃત્તિ કરવામાં આવી હતી

News Editor
-
0

સુરત શહેરની અમૃતમ સંસ્થા દ્વારા ૩૦ મો મિલ્ક ડોનેશન કેમ્પનું આયોજન કરાયું હતું. જેમાં સુરત શહેરમાં ભારે વરસાદ હોવા છતાં પણ વિવિધ શહેર વિસ્તારોથી ૯૫ જેટલી ધાત્રી માતાઓ દ્વારા પોતાનું દૂધનું દાન કરી જે નવજાત બાળકોને પૌષ્ટિક દૂધ નથી મળતું એ બાળકોને મિલ્ક બેંકના માધ્યમથી આ દૂધ પહોંચાડવામાં આવતી હોય છે. ૨૦૦૮થી અમૃતમ સંસ્થા સિમેર હોસ્પિટલ ની સાથે મળીને આ મધર મિલ્ક ડોનેશન કેમ્પ કરી રહી છે અત્યાર સુધી ૮,૨૧,૫૫૦ મિલી લિટર દૂધ આ સંસ્થા દ્વારા એકત્રિત કરવામાં આવ્યું છે અને બોર્ડ ૧,૫૦,૦૦૦ નવજાત જરૂરિયાતમંદ બાળકોને આ દૂધ પહોંચાડવામાં આવ્યું છે.

આવનાર સમયમાં અમૃતમ સંસ્થા દ્વારા પ્રાઈવેટ બેંકની સ્થાપના કરશે. જેથી જરૂરિયાત બંધ નવજાત બાળકોને વિનામૂલ્યે આ દૂધ આપવામાં આવશે. અમૃતમ સંસ્થાના સંસ્થાપક કુંજ પંસારી એ જણાવ્યું હતું કે સમગ્ર ગુજરાત રાજ્યમાં માત્ર અમૃતમ સંસ્થા એવી સંસ્થા છે જે આ સેવક્ય પ્રવૃત્તિ વિનામૂલ્યે કરે છે અને માતાઓને જાગૃત થવાની ખૂબ જ જરૂર છે કારણ કે આ અમૃત દૂધ અને પૌષ્ટિક દૂધ નવજાત બાળકોને તેમની સર્વાંગી વિકાસ માટે ખૂબ જ જરૂરી હોય છે જેથી તેઓ સુરતની ત્રણ મહિલા મંડળની સંસ્થાઓના સહયોગથી આ કેમ્પ કરતા હોય છે.

આ કાર્યક્રમમાં એવી પણ માતાઓ હતી. જે ત્રણ થી ચાર વખત કરવા માટે પહોંચી હતી અને માતાઓએ જણાવ્યું હતું કે આવા કાર્યક્રમો થકી બીજા બાળકોને પણ આ પૌષ્ટિક દૂધ મળે હેતુથી આ મિલ્ક ડોનેશન તેઓ દ્વારા કરવામાં આવતું હોય છે.

આ પણ વાંચો :-

 

કેનેડાની ધરતી પર કિર્તીદાન ગઢવીની જોરદાર જમાવટ, ડાયરામાં ડોલરનો વરસાદ

News Editor
-
0
  • લોકગાયક કીર્તિદાન ગઢવીનો કેનેડાના હેમીલ્ટન શહેરમાં શાનદાર ડાયરો યોજાયો. દ્વારિકાના નાથ મારો રાજા રણછોડ છે ની રચનામાં શ્રોતાઓ આફરીન થયા. ડાયરાની સંસ્કૃતિથી અજાણ કેનેડિયન ગુજરાતી યુવાનો પણ ઝૂમી ઉઠ્યા.

ગુજરાતી કલાકારો હાલ વિદેશોમાં જમાવટ કરી રહ્યાં છે. કિંજલ દવે, ગીતા રબારી, કીર્તિદાન ગઢવી, અતુલ પુરોહિત જેવા દિગ્ગજ કલાકારો હાલ વિદેશમાં વસતા ગુજરાતીઓને ગરબાથી ડોલાવી રહ્યાં છે. ત્યારે કેનેડાની ધરતી પર પહોંચીને લોક કલાકાર કીર્તિદાન ગઢવીએ તહેલકો મચાવ્યો.

લોકગાયક કીર્તિદાન ગઢવીએ વિદેશ ધરતી પર ભારે જમાવટ કરી. કેનેડા હેમીલ્ટન શહેરમાં કીર્તિદાન ગઢવીનો અભૂતપૂર્વ ડાયરો યોજાયો હતો. જેમાં ત્યા વસતા ગુજરાતીઓ આફરીન આફરીન થઈ ગયા હતા.

લોકગાયક કિર્તીદાન ગઢવી હાલ કેનેડાના પ્રવાસે છે. વિદેશની આ ધરતી પર કિર્તીદાનના ડાયરા અને રાસગરબામાં મોટી સંખ્યામાં ગુજરાતીઓ ઉમટી પડે છે. ત્યારે કેનેડાના હેમીલ્ટન શહેરમાં કીર્તિદાન ગઢવીનો ભવ્ય ડાયરો યોજાયો હતો. જેમાં મોટી સંખ્યામાં ગુજરાતીઓ હાજર રહ્યા હતા. આખુ ઓડિટોરિયમ પ્રેક્ષકોથી ખીચોખીચ ભરાઈ ગયું હતું. તો કેનેડામાં પણ કીર્તિદાનના સૂરો પર ડોલરનો વરસાદ થયો હતો.

ડાયરામાં ‘દ્વારિકાના નાથ મારો રાજા રણછોડ છે…’ રચના પર શ્રોતાઓ આફરીન થઈ ગયા હતા. કીર્તિદાન ગઢવીની એક-એક રચનામાં તાળીઓનો ગડગડાટ થયો હતો, તો સાથે જ આખા હોલમાં હાજર શ્રોતાઓએ ગીતો સાથે લલકાર્યા હતા. ડાયરાની સંસ્કૃતિથી અજાણ કેનેડિયન ગુજરાતી યુવાનો પણ ઝૂમ્યા હતા.

ઉલ્લેખનીય છે કે, જય સરદાર ગ્રુપ દ્વારા કેનેડામાં આ ડાયરો યોજાયો હતો. કેનેડામાં પ્રથમવાર ડાયરો આયોજિત કરાતો. કીર્તિદાનને માણવા માટે મોટી સંખ્યામાં ગુજરાતીઓની હાજરી જોવા મળી હતી.

આ પણ વાંચો :-

મેચ બાદ ઈશાન કિશને ઊતારી વિરાટની નકલ, કિંગ કોહલીએ પણ આપ્યો જોરદાર જવાબ ; વિડિયો વાયરલ

News Editor
-
0
  • મેચ બાદ વિરાટ કોહલી સાથે ઈશાન કિશન, શુભમન ગિલ, હાર્દિક પંડયા, શ્રેયસ અય્યર અને તિલક વર્મા ઉભા હતા. ત્યારે ઈશાને વિરાટના વોકની નકલ કરી જેનો વિડિયો વાયરલ થઈ રહ્યો છે.

શ્રીલંકાને હરાવીને ભારતે 8મી વાર એશિયા કપ જીત્યો છે. શ્રીલંકાના કોલંબોના આર પ્રેમદાસા સ્ટેડિયમમાં રમાયેલી ફાઈનલમાં ટીમ ઈન્ડિયાએ ૧૦ વિકેટે શાનદાર જીત નોંધાવી હતી. આ પછી ખેલાડીઓ મેદન પર મસ્તી કરી રહ્યા હતા. સોશિયલ મીડિયા પર એક વિડિયો ઝડપથી વાયરલ થઈ રહ્યો છે. જેમાં વિરાટ કોહલી ફરી એક વાર તેની જાણીતી સ્ટાઈલમાં મસ્તીના મૂડમાં જોવા મળી રહ્યો છે.

કોહલી ટીમ ઈન્ડિયાના યુવા ખેલાડી સાથે મસ્તી કરી રહ્યો હતો :

ભારતીય ટીમના પૂર્વ કેપ્ટન વિરાટ કોહલીની ગણતરી ક્રિકેટ ઈતિહાસના મહાન બેટ્સમેનોમાં થાય છે. તે ૧૫ વર્ષથી વધુ સમયથી આંતરરાષ્ટ્રીય ક્રિકેટ રમી રહ્યો છે. આ પછી પણ વિરાટ યુવા ખેલાડીઓ સાથે મસ્તી કરવાની કોઈ તક છોડતો નથી. એક-બે વર્ષ પહેલા ડેબ્યૂ કરનાર યુવા ખેલાડીઓ પણ વિરાટ સાથે ખૂબ જ આરામદાયક છે. તેનું ઉદાહરણ એશિયા કપ ૨૦૨૩ની ફાઈનલ બાદ જોવા મળ્યું હતું.

ઈશાન કિશન એ વિરાટ કોહલીની નકલ કરી :

વાયરલ થયેલ એ વિડીયોમાં જોઈ શકાય છે કે વિરાટ કોહલી સાથે ઈશાન કિશન, શુભમન ગિલ, હાર્દિક પંડયા, શ્રેયસ અય્યર અને તિલક વર્મા ઉભા હતા. ત્યારબાદ ઈશાન વિરાટ કોહલીની નકલ કરવા લાગ્યો. તેણે વિરાટની જેમ ચાલવાનું શરૂ કર્યું.

આ દરમિયાન કોઈનું હસવાનું બંધ ન થયું. વિરાટે તેને પાછો બોલાવ્યો અને આ પછી વિરાટે પણ ઈશાનના વોકની નકલ કરી અને બધા હસવા લાગ્યા. આ પછી ઈશાન ફરી એકવાર વિરાટની જેમ થોડે દૂર ચાલ્યો ગયો. ટીમ ઈન્ડિયાના ખેલાડીઓની બોન્ડિંગનો આ વીડિયો સોશિયલ મીડિયા પર હેડલાઈન્સ બનાવી રહ્યો છે.

કોહલીએ વોટરબોય બનીને મહેફિલ લૂંટી હતી :

આ પહેલા વિરાટ કોહલીનો વધુ એક વીડિયો વાયરલ થયો હતો. જ્યારે તે બાંગ્લાદેશ સામે રમાયેલી મેચમાં વોટરબોય બનતો જોવા મળ્યો હતો. કોહલી આ દરમિયાન એથ્લીટ જેમ દોડયો હતો. જે બાદ ખેલાડીઓ હસવા લાગ્યા હતા.

આ પણ વાંચો :-

Aadhaar Card Address Change : ઘરે બેઠા ઓનલાઈન આ રીતે બદલો આધાર કાર્ડમાં એડ્રેસ, જાણો સરળ રીત 

News Editor
-
0
  • આધાર કાર્ડ વર્તમાન સમયમાં દસ્તાવેજમાં સૌથી મહત્વનું માનવામાં આવે છે. યુઝર્સ આધારના ડોક્યુમેન્ટ ઓનલાઈન અપડેટ કરી શકે છે.

આધાર નંબર યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) હેઠળ જારી કરવામાં આવે છે. બેંક ખાતું ખોલાવતી વખતે અથવા મોબાઈલ લેતી વખતે રેલવે ટિકિટ બુક કરતી વખતે પણ આધાર કાર્ડ જરૂરી છે. આધાર કાર્ડ વર્તમાન સમયમાં દસ્તાવેજમાં સૌથી મહત્વનું માનવામાં આવે છે.

યુઝર્સ આધારના ડોક્યુમેન્ટ ઓનલાઈન અપડેટ કરી શકે છે. જો તમે તમારી જન્મ તારીખ અપડેટ કરવા માંગો છો તો આ પ્રક્રિયા ખૂબ જ સરળ બની જાય છે. આધાર કાર્ડમાં નામ, સરનામું તમે સરળતાથી બદલી શકો છો.

જો તમે પણ તમારા આધારકાર્ડમાં સરનામું બદલવા માંગો છો તો હવે તમે ઘરે બેઠા તમારા આધારમાં સરનામું સરળતાથી બદલી શકશો. આ લેખમાં અમે તમને તમારા આધારમાં સરનામું કેવી રીતે બદલી શકો છો તેની માહિતી આપીશું.

જેમ તમે બધા જાણો છો આધાર કાર્ડ એક ખૂબ જ મહત્વપૂર્ણ અને ઉપયોગી દસ્તાવેજ છે. આજના સમયમાં તેની જરૂર છે. UIDAIએ આધારમાં એડ્રેસ અપડેટ કરવા માટે ૩૨ પ્રકારના દસ્તાવેજોની યાદી બહાર પાડી છે.

આ દસ્તાવેજો દ્વારા આધારમાં સરનામું સરળતાથી બદલી શકાય છે. આ દસ્તાવેજો વિશેની માહિતી તમને ઉપલબ્ધ કરાવવામાં આવી છે. જો કે આધારમાં એડ્રેસ બદલવાની પ્રક્રિયામાં ફેરફાર કરવામાં આવ્યા છે પરંતુ આ ફેરફાર તેમના ઘરથી દૂર રહેતા લોકો માટે ફાયદાકારક સાબિત થઈ શકે છે.

એડ્રેસ બદલવા સૌથી પહેલા તમારે આધાર કાર્ડની સત્તાવાર વેબસાઈટ https://uidai.gov.in/ પર જવું પડશે. આ પછી, તમારે અહીં ‘My Aadhaar’ પર જઈને ‘Update My Aadhaar’ પર ક્લિક કરવાનું રહેશે.

હવે તમારે આધાર કાર્ડ નંબર અને મોબાઈલ નંબર નાખવો પડશે. ત્યારબાદ મોબાઈલ પર આવેલ OTP દાખલ કરો. પછી તમને એક નવી લિંક મળશે, જેના પર તમારે ક્લિક કરવાનું રહેશે. હવે તે વિકલ્પ પસંદ કરો, જેને તમે અપડેટ કરવા માંગો છો, ઉદાહરણ તરીકે, જો તમે સરનામું અપડેટ કરવા માંગો છો, તો પછી સરનામાં સાથેના વિકલ્પ પર ક્લિક કરો. આ પછી, એડ્રેસ પ્રૂફ ડોક્યુમેન્ટ જોડીને કેપ્ચા કોડ દાખલ કરો.

હવે ‘Send OTP‘ વિકલ્પ પર ક્લિક કરો. પછી છેલ્લે તમને ૫૦ રૂપિયાનું ઓનલાઈન પેમેન્ટ કરવાનું કહે છે. તેને ભરી દો. આમ કરવાથી તમારું સરનામું તમારા આધાર કાર્ડ પર અપડેટ થઈ જશે.

આધારમાં સરનામું બદલવા માટે જરૂરી દસ્તાવેજો  :

આધાર કાર્ડ
પાન કાર્ડ
મતદાર આઈડી
રેશન કાર્ડ
ડ્રાઈવિંગ લાઈસન્સ
ફોટો એટીએમ કાર્ડ
ફોટો ક્રેડિટ કાર્ડ
ખેડૂત ફોટો પાસબુક
પેન્શન ફોટો કાર્ડ
દિવ્યાંગ આઈડી પ્રૂફ

આ પણ વાંચો :-

1...960961962...1,472Page 961 of 1,472