Home Blog Page 953

દરરોજ પૂજા પાઠ કર્યા પછી પણ તમને નથી મળી રહ્યું સારું પરિણામ ? કોઈ ભૂલ તો નથી કરી રહ્યા ને ?

News Editor
-
0
  • હિન્દુ ધર્મમાં પૂજાનું વિશેષ મહત્વ છે. હિન્દુ પરિવારોમાં પૂજા અને આરતી નિયમિતપણે કરવામાં આવે છે. આ ઉપરાંત હિન્દુ ધર્મમાં પૂજાના કેટલાક નિયમોનો પણ ઉલ્લેખ કરવામાં આવ્યો છે.

માન્યતાઓ અનુસાર નિયમિત પૂજા કરવાથી ઘરમાં સુખ, શાંતિ અને સકારાત્મક ઉર્જા જળવાઈ રહે છે. ઘણા લોકો નિયમિત રીતે પૂજા, ધાર્મિક વિધિ અને દાન કરે છે. જેનાથી તેમને ફાયદો પણ થાય છે. જ્યારે ઘણા લોકો ફરિયાદ કરે છે કે તેમને નિયમિત પૂજાનો વિશેષ લાભ નથી મળી રહ્યો. તેની પાછળનું કારણ પૂજા દરમિયાન થયેલી કેટલીક ભૂલો હોઈ શકે છે.

વાસ્તુ દોષ હોઈ શકે છે :

વાસ્તુશાસ્ત્રમાં દિશાઓનું વિશેષ મહત્વ છે. જો તમારા ઘર કે મંદિરમાં વાસ્તુ દોષ હોય તો પૂજા કરવાથી પૂર્ણ ફળ પ્રાપ્ત થતું નથી. તેથી ઘરના મંદિરમાં વાસ્તુશાસ્ત્રનું ખાસ ધ્યાન રાખો.

શુદ્ધતાનું ધ્યાન રાખવું જરૂરી છે :

પૂજા એ ખૂબ જ પવિત્ર કાર્ય છે. તેથી તેમાં સ્વચ્છતાનું ધ્યાન રાખવું ખૂબ જ જરૂરી છે. તેથી સ્નાન વગેરે કર્યા પછી પૂજા સમયે સ્વચ્છ વસ્ત્રો પહેરો.

સમયનો ખ્યાલ રાખવો જરૂરી છે :

પૂજા માટે પણ સમય નક્કી કરવામાં આવ્યો છે. જો પૂજા યોગ્ય સમયે કરવામાં ન આવે તો તેનું પૂર્ણ ફળ પ્રાપ્ત થતું નથી. પૂજાનો સાચો સમય સવારે બ્રહ્મ મુહૂર્ત અને સાંજે ૬ વાગ્યા સુધીનો માનવામાં આવે છે.

પૂજા સ્થળ ક્યાં હોવું જોઈએ ?

ઘરમાં પૂજા ખંડ ક્યારેય એવી જગ્યાએ ન હોવો જોઈએ જ્યાં આવતા-જતા લોકો તેને જોઈ શકે. પૂજા રૂમ માટે શાંત અને એકાંત જગ્યા પસંદ કરવી જોઈએ. જ્યાં તમે કોઈપણ અવરોધ વિના આરામથી ધ્યાન કરી શકો છો.

આ પણ વાંચો :-

ગુજરાતના લખપતિ ગણેશ : ૨૧ લાખની ચલણી નોટોથી સજાવાયો આખો પંડાલ

News Editor
-
0
  • ગુજરાતમાં ગણપતિ મહોત્સવ ઉજવાઈ રહ્યો છે ત્યારે ગણપતિજીની વિવિધ પ્રકારે આરાધના અને ભક્તિ કરવામાં આવે છે. ગણપતિના પંડાલોમાં વિવિધ પ્રકારે ગણેશને શણગારીને સજાવામાં આવે છે.

ગુજરાતમાં દિન પ્રતિદિન ગણેશ આરાધનાનું મહત્વ વધી રહ્યું છે. ત્યારે સાવરકુંડલાના સદભાવના ગ્રુપ દ્વારા છેલ્લા ૧૫ વર્ષથી ગણેશ મહોત્સવ ઉજવણી કરી રહી છે. આ છે સદભવના ગ્રુપનો ગણેશ પંડાલ અહી દેખાઈ રહેલા વિરાટ ગણેશજી ફરતે આ રૂપિયાની દીવાલો ઉભી કરી છે. ચલણી નોટોની રૂપિયા ૧૦ થી લઈને ૫૦૦ સુધીની ચલણી નોટોથી ગણેશજીને નવાજવામાં આવ્યા છે.

આ ડેકોરેશન કરવા પાછળ ગ્રૂપનો એક હેતુ છે. આ લખપતિ ગણેશજીના દર્શન કરીને ભાવિક ભક્તજનો ભાવવિભોર થઇ જાય છે. ગણેશ ભક્તિની શ્રદ્ધા અને કળિયુગમાં જેની તે અઢળક લક્ષ્મીને જોયને દર્શનાર્થીઓ ગદગદિત થઇ જાય છે. મંદીના સમયમાં ગણપતિજીને લખપતિ બનાવીને નવા રૂપ રંગ સાથે શણગાર સજેલા દર્શનાર્થીઓ પણ કહી રહ્યા છે કે ગણપતિ બન્યા લખપતિ. આજે અહીં રૂપિયા ૨૧ લાખનો શણગાર કરવામાં આવ્યો છે.

સદભાવના ગ્રુપ દ્વારા ગણપતિ બાપ્પાને રોજે રોજ અવનવા શણગાર કરવામાં આવે છે. છેલ્લા ૧૫ વર્ષથી અહીં ધામધૂમથી ગણપતિ મહોત્સવ ઉજવવામાં આવે છે. અહીં દર્શન કરવા આવતા દર્શનાર્થીઓ પણ લખપતિના ગણેશજીના દર્શન કરીને ધન્યતા અનુભવે છે. અમરેલી જિલ્લામાં માત્ર સાવરકુંડલા ખાતે સદભાવના ગ્રુપ દ્વારા રૂપિયાનો શણગાર કરવામાં આવે છે.

સદભાવના ગ્રુપના ગણેશ પંડાલમાં લખપતિ ગણપતિના દર્શનાર્થે દર્શનાર્થીઓ ઉતાવળે પગલે હોંશે હોંશે આવી રહ્યા છે. આ લખપતિ ગણેશજીને જોઈને લોકો એક નવો જ અનુભવ કરી રહ્યો છે. અહીં ૨૧ લાખ રૂપિયાની ચલણી નોટોથી ગણેશજી આરતી, પૂજા અને વંદના કરવામાં આવે છે. સદભાવના ગ્રુપ દ્વારા છેલ્લા ૧૫ વર્ષથી સમાજ ઉપયોગી કામ પણ આ ગણેશ ઉત્સવમાં કરવામા આવે છે.

સદભાવના ગ્રુપના મંત્રી રાજુભાઈ નાગ્રેચા કહે છે કે, સાવરકુંડલામાં સેવાકીય પ્રવૃત્તિથી પ્રસિદ્ધ પામેલ સદભાવના ગ્રુપ દ્વારા ગણપતિજીને છેલ્લા ૧૫ વર્ષથી અલગ અલગ રીતે શણગાર કરી સમગ્ર જીલ્લાનું આકર્ષણનું કેન્દ્ર બનાવ્યું છે અને આ મહોત્સવની આવકને પણ સેવાકીય પ્રવૃત્તિમાં વાપરીને સમગ્ર સમાજને એક નવો રાહ ચીંધ્યો છે.

આ પણ વાંચો :-

મોટું વિધ્ન ટળ્યું : પૂણેમાં ગણેશ પંડાલમાં લાગી ભીષણ આગ, માંડ માંડ બચ્યા ભાજપ અધ્યક્ષ જેપી નડ્ડા

News Editor
-
0
  • પૂણેમાં સાને ગુરુજી ગણેશ મિત્ર મંડળ ગણેશ પંડાલમાં ફટાકડા ફોડતી વેળાએ તણખો ઝરતા જોતજોતામાં આગ ભભુકી ઉઠી હતી.

પૂણેના ગણેશ પંડાલમાં આગની મોટી દુર્ઘટના સામે આવતા અફરાતફરી મચી હતી. ભાજપના રાષ્ટ્રીય અધ્યક્ષ જેપી નડ્ડા અને મહારાષ્ટ્ર બીજેપીના પ્રદેશ અધ્યક્ષ ચંદ્રશેખર બાવનકુલે સહિતના નેતા પુણેના ગણેશ પંડાલમાં દર્શન અર્થે ગયા હતા. આ વેળાએ જ આગ ફાટી નીકળી હતી. જ્યાં પ્રચંડ આગની લપેટમાં આવતા બીજેપી અધ્યક્ષ જે.પી. નડ્ડા માંડ માંડ બચ્યા હોવાનું સામેં આવ્યું છે.

ફાયર અધિકારીઓ એવું જણાવી રહ્યા છે કે સાને ગુરુજી ગણેશ મિત્ર મંડળ ગણેશ પંડાલમાં ફટાકડા ફોડવામાં આવ્યા હતા. આ દરમિયાન તણખો ઝરતા જોતજોતામાં આગ ભભુકી ઉઠી હતી. અધિકારી શર્માએ જણાવ્યું  કે મહેમાનોનું સ્વાગત કરવા માટે ફટાકડા મૂકવામાં આવ્યા હતા.

જેના કારણે આગ લાગી હતી. જેમાં બીજેપી અધ્યક્ષ જે.પી નડ્ડાને પણ પંડાલમાંથી માંડ માંડ બહાર કાઢવામાં આવ્યા હતા. પુણે શહેર ભાજપ અધ્યક્ષ ધીરજ ઘાટે અને સુરક્ષા કર્મચારીઓ પંડાલમાંથી ભાજપ અધ્યક્ષ જેપી નડ્ડાને બહાર લઈ જતા જોવા મળ્યા હતા.

જેને શહેરનું હૃદય કહેવામાં આવે છે તેવા પુણેના લોકમાન્ય નગરમાં આ દુર્ઘટના બની હતી. પંડાલના ઉપરના ભાગમાં આગ ફાટી નીકળી હતી. આ ઘટનાના વીડિયો પણ હાલ સોશિયલ મીડિયામાં વાયરલ થઈ રહ્યા છે. જોકે રાહતના સમાચારએ છે કે આ દુર્ઘટનામાં અત્યાર સુધી કોઈ પણ વ્યક્તિને ઈજા થઈ હોવાનું બહાર આવ્યું નથી.

વિઘ્નહર્તા દુંદાળા દેવની દયા સમાન એવું પણ કહેવામાં આવી રહ્યું છે કે પંડાલમાં આગ લાગતાની સાથે જ વરસાદ શરૂ થઈ ગયો હતો. જેને લઈને આગે વિકરાળરૂપ ધારણ કર્યું ન હતું. મહત્વનું છે કે આ પંડાલ ઉજ્જૈનના પ્રસિદ્ધ મહાકાલેશ્વર મંદિરની થીમ પર બનાવાયું હોવાથી તે આસ્થા, આકર્ષણ અને શ્રદ્ધાનું કેન્દ્ર બન્યું છે.

આ પણ વાંચો :-

કિંમત ૧૦ લાખની ઉપર, માઈલેજ ૨૬ કિમી : ભારતમાં આ CNG કારની એટલી ડિમાન્ડ કે કંપનીએ બંધ કરવું પડયું બુકિંગ

News Editor
-
0
  • Toyota Rumion : Maruti Ertiga પર બેસ્ડ આ ૭-સીટર કાર એમપીવી પેટ્રોલ એન્જિનની સાથે કંપની ફિટેડ CNG વેરિએન્ટમાં પણ આવે છે.

Toyotaની આ કારની એટલી ભારે ડિમાન્ડ છે કે હવે કંપનીએ Toyota Rumionના CNG વેરિએન્ટની બુકિંગને થોડા દિવસ માટે બંધ કરવાની જાહેરાત કરી છે. જણાવી દઈએ કે સુઝુકી અને ટોયોટાના ગ્લોબલ એગ્રીમેન્ટ હેઠળ બન્ને બ્રાન્ડ એક બીજાના વ્હીકલ પ્લેટફોર્મને શેર કરે છે અને તેના આધાર પર MPVને લોન્ચ કરવામાં આવ્યું હતું.

ગયા ઓગસ્ટ મહિનામાં લોન્ચ થઈ હતી કાર :

Toyota Rumionને કંપનીએ ગયા ઓગસ્ટ મહિનામાં વેચાણ માટે લોન્ચ કરી હતી. તેની કિંમત ૧૦.૨૯ લાખ રૂપિયાથી લઈને ૧૧.૨૪ લાખ રૂપિયા સુધી છે. આ એમપીવીનું CNG મોડલ ફક્ત એક વેરિએન્ટ S MT વેરિએન્ટમાં આવે છે. જેની કિંમત ૧૧.૨૪ લાખ રૂપિયા સુધી નક્કી કરવામાં આવી છે.

એક નિવેદનમાં ટોયોટાએ કહ્યું કે તેને રૂમિયન માટે જબરદસ્ત પ્રતિક્રિયા મળી છે. જેના કારણે તેનો વેટિંગ પીરિયડ ખૂબ વધી ગયો છે. તેના કારણે અસ્થાયી રીતે તેની બુકિંગ રોકવી પડી છે.

એટલે કે નજીકના ભવિષ્યમાં કંપની જલ્દી જ તેની ઓફિશ્યલ બુકિંગ ફરીથી શરૂ કરશે. જણાવી દઈએ કે આજ હાલ Ertiga CNGના પણ છે. તેનો પણ વેટિંગ પીરિયડ ખૂબ વધારે છે.

કુલ ત્રણ વેરિએન્ટમાં આવશે Toyota Rumion :

Toyota Rumionને કુલ ત્રણ વેરિએન્ટ અને ૬ ટ્રિમ્સમાં લોન્ચ કરવામાં આવી છે. આ કારમાં કંપનીએ ૧.૫ લીટરની ક્ષમતાનું K-સીરિઝ એન્જિન શામેલ કર્યું છે. ટોયોટાનું કહેવું છે કે ઓલ-ન્યૂ ટોયોટા રૂમિયનને કમ્ફર્ટ, ફીચરથી સજ્જ અને પરફોર્મન્સ ઈચ્છતા પરિવારની વધતી જરૂરીયાતને પુરી કરવા માટે ડિઝાઈન કરવામાં આવ્યું છે.

આપશે આટલી માઈલેજ :

ટોયોટાનો દાવો છે કે તેનું પેટ્રોલ વર્ઝન ૨૦.૪૧ કિમી પ્રતિલીટર અને CNG વેરિએન્ટ ૨૬.૧૧ કિમી સુધીની માઈલેજ આપે છે. Toyota Rumionમાં ૧૭.૭૮ સેમી સ્માર્ટ પ્લે કાસ્ટ ટચ સ્ક્રીન ઓડિયો સિસ્ટમ, ટોયોટા આઈ-કનેક્ટ ૫૫ પ્લસ ફિચર્સની સાથે રિમોટ ક્લાઈમેટ કંટ્રોલ, લોક/અનલોક, સ્માર્ટવોચ કમ્પેટિબિલિટી જેવી સુવિધાઓ મળે છે.

મળશે આ ફિચર્સ :

આ ઉપરાંત ઓટો કોલાઈઝન નોટિફિકેશન, ટો એલર્ટ, ફાઈન્ડ માય કાર, પેડલ શિફ્ટર્સની સાથે 6-સ્પીડ ઓટોમેટિક ટ્રાન્સમિશન અને ક્રૂઝ કંટ્રોલ જેવા ફિચર્સ મળે છે. તેમાં ડુઅલ ફ્રંટ અને ફ્રંટ સીટ સાઈડ એરબેગ, EBDની સાથે ABS, એન્જિન ઈમોબિલાઈઝર, સીટ બેલ્ટ રિમાઈન્ડર, હાઈ-સ્પીડ એલર્ટ સિસ્ટમ, ઈએસપી, હિલ હોલ્ડ અસિસ્ટ જેવા ફિચર્સ મળે છે.

આ પણ વાંચો :-

 

 

૨૭ સપ્ટેમ્બર / નિરાશાનો અનુભવ, પણ રાજનૈતિક ક્ષેત્રમાં પ્રગતિ, કઈ રાશિના જાતકોનો બુધવાર કેવો જશે? જુઓ આજનું રાશિ ભવિષ્ય

News Editor
-
0

મેષ  (અ.લ.ઈ.) 
આ રાશિનાં જાતકો માટે આજનો દિવસ કામકાજમાં પ્રસન્નતા જળવાઈ રહેશે. સ્નેહીના સંપર્કથી લાભ થશે. વ્યવસાયમાં વૃદ્ધિ થશે. પરિવારના સુખમાં વૃદ્ધિ થશે.

વૃષભ (બ.વ.ઉ.) 
આ રાશિનાં જાતકો માટે આજનો દિવસ સરકારી કામમાં સફળતા મળશે. કરેલા કાર્યો ફળદાયી બનશે. નોકરી બાબતે સારા સમાચાર મળશે. ધંધામાં લાભ મેળવી શકશો.

મિથુન (ક.છ.ઘ.) 
આ રાશિનાં જાતકો માટે આજનો દિવસ કામમાં નિરાશાનો અનુભવ થશે. સંતાનના પ્રશ્નોમાં ચિંતા જણાશે. ઈષ્ટમિત્રોનો સહયોગ મળશે. ધર્મ પ્રત્યેની શ્રદ્ધામાં વધારો થશે.

કર્ક  (ડ.હ.)
આ રાશિનાં જાતકો માટે આજનો દિવસ ધન અને માનનો વ્યય જણાશે. નોકરીમાં પરેશાની રહેશે. માનસિક તણાવ જણાશે. વ્યવસાયમાં પ્રગતિ અને લાભ જણાશે.

સિંહ  (મ.ટ.) 
આ રાશિનાં જાતકો માટે આજનો દિવસ દરેક કામકાજમાં સફળતા મળશે. ધંધામાં નવી તકો મળશે. નોકરીમાં બઢતીની તકો મળશે. પારિવારિક સંબંધોમાં લાભ થશે.

કન્યા (પ.ઠ.ણ.)
આ રાશિનાં જાતકો માટે આજનો દિવસ ધંધાનાં કામમાં સફળતા મળશે. પ્રતિસ્પર્ધી પક્ષથી વિજય મેળવશો. આત્મવિશ્વાસમાં વધારો થશે. ઘરમાં આનંદનું વાતાવરણ જળવાશે.

તુલા (ર.ત.) 
આ રાશિનાં જાતકો માટે આજનો દિવસ ભાગીદારો સાથે વૈચારિક મતભેદ જણાશે. નવા સંબંધોમાં નિરાશા જણાશે. નોકરીમાં નવી તકો મળશે. સંતાનપક્ષે શુભ સમાચાર મળશે.

વૃશ્ચિક  (ન.ય.) 
આ રાશિનાં જાતકો માટે આજનો દિવસ પરિશ્રમ પછી પણ કામ અધૂરું જણાશે. સ્વજનોના હસ્તક્ષેપથી મન વિચલિત જણાશે. નોકરીમાં સહયોગીઓનો સહકાર મળશે. વ્યવસાયમાં ધનલાભ થશે.

ધન  (ભ.ધ.ફ.ઢ.) 
આ રાશિનાં જાતકો માટે આજનો દિવસ આજે ભાગ્ય અનુકૂળ જણાય છે. રાજનૈતિક ક્ષેત્રમાં પ્રગતિ જણાશે. વિકાસના કાર્યોમાં ગતિ આવશે. દિવસ આનંદમાં પસાર થશે.

મકર  (ખ.જ.) 
આ રાશિનાં જાતકો માટે આજનો દિવસ વાદ-વિવાદના કામથી બચવું. આર્થિક સ્થિતિમાં મધ્યમ સુધારો જણાય છે. ધંધામાં પ્રગતિ અને ધનલાભ થશે. પરિવારમાં સામાન્ય અશાંતિ જણાશે.

કુંભ  (ગ.શ.ષ.સ.) 
આ રાશિનાં જાતકો માટે આજનો દિવસ કામની સફળતામાં ખુશી અનુભવશો. નોકરીમાં પ્રમોશન અથવા શાંતિ મળશે. સ્વજનોનો સહયોગ મળશે. ધંધામાં સુધારો જોવા મળશે.

મીન  (દ.ચ.ઝ.થ.)
આ રાશિનાં જાતકો માટે આજનો દિવસ માનસિક તણાવ જણાશે. કામમાં મધ્યમ સફળતા મળશે. વિરોધીઓથી સાવધાન રહેવું. નિરાશાથી દૂર રહેવું.

આ પણ વાંચો :-

૮ મહિના બાદ ખોલવામાં આવ્યું દેવનારાયણ મંદિરનું દાનપાત્ર, પીએમ મોદીના કવરમાંથી નીકળ્યા માત્ર આટલા રૂપિયા

News Editor
-
0
  • ગુર્જર સમુદાયના આરાધ્ય શ્રી દેવનારાયણના ૧૧૧૧માં અવતરણ દિવસ પર ભગવાનના દર્શન કરવા માટે આવેલા પ્રધાનમંત્રી નરેન્દ્ર મોદીએ મંદિરના દાનપાત્રમાં એક બંધ કવર ભેટ કર્યું હતું.

ગુર્જર સમુદાયના આરાધ્ય શ્રી દેવનારાયણના ૧૧૧૧માં અવતરણ દિવસ પર ભગવાનના દર્શન કરવા માટે આવેલા પ્રધાનમંત્રી નરેન્દ્ર મોદીએ મંદિરના દાનપાત્રમાં એક બંધ કવર ભેટ કર્યું હતું. જેને લઈને છેલ્લા 8 મહિનાથી ગુર્જર સમુદાયમાં વ્યાકુળતા હતી અને લોકોના મનમાં ઉત્સુકતા હતી તથા બંધ કવરના રહસ્યને લઈને એવી અટકળ હતી કે જે પ્રકારને પીએમ મોદીએ પોતાના ભાષણમાં ગુર્જરોના આરાધ્ય ભગવાન દેવનારાયણ પ્રત્યે પોતાની શ્રદ્ધા અને આસ્થા પ્રગટ કરી. તે જોતા પીએમ મોદી દ્વારા દાનપત્રમાં નાખવામાં આવેલા કવરમાં કોઈ મોટી રકમ કે મંદિરના વિકાસ માટે કોઈ મોટા સહયોગનો પ્લાન પીએમ મોદી તરફથી હોઈ શકે છે.

આ આશા અને વિશ્વાસમાં ગુર્જર સમુદાય દાનપાત્ર ખોલવાની તિથિનો આતુરતાપૂર્વક રાહ જોઈ રહ્યા હતા. ખુબ રાજ જોતા અને અરમાનો ભરેલી એ ઘડી પણ આવી ગઈ અને ૨૫ સપ્ટેમ્બરે દાનપાત્ર ખોલવામાં આવ્યું. મંદિર ટ્રસ્ટ સાથે જોડાયેલા ટ્રસ્ટીઓએ જ્યારે ખુબ ઉત્સાહથી આ દાનપત્રમાં નાખવામાં આવેલા કવરને જાહેરમાં ખોલ્યું તો તેમાંથી માત્ર ૨૧ રૂપિયા નીકળ્યા. કવરની અંતરથી જ્યારે ૨૦ રૂપિયાની નોટ અને એક રૂપિયાનો એક સિક્કો નીકળ્યો તો કોઈ શાયરની એ પંક્તિઓ યાદ આવી ગઈ કે….” ખુબ શોર સુનતે થે પહલુ એ દિલ કા….જો ચીરા તો કતરા એ ખૂન નીકલા.”

પીએમ મોદીના કવરમાંથી નીકળેલા ૨૧ રૂપિયાના દાનના રહસ્યને હજુ સુધી કોઈ સમજી શકતા નથી કે દેશના સૌથી મોટા શક્તિશાળી રાજનેતા અને ભારતના પીએમ નરેન્દ્ર મોદીના પ્રવાસને લઈને જ્યાં કરોડો રૂપિયા પાણીની જેમ વહાવી દેવાયા અને મોદીને સાંભળવા માટે ભીલવાડા જ નહીં પરંતુ દેશભરથી ગુર્જર સમુદાયના લાખો લોકો ભેગા થયા તો પીએમ મોદીએ દેવડુંગરી કોરિડોરની જાહેરાત કેમ ન કરી અને કવરમાં માત્ર ૨૧ રૂપિયા મૂકીને શું સંદેશો આપ્યો. આથી હવે નિસાસા નાખીને આયોજક એમ કહી રહ્યા છે કે ખોદ્યો ડુંગર નીકળ્યો ઉંદર…અમે શું કરીએ.

આ પણ વાંચો :-

 

સુરતના આ વેપારીના પિતાને સપનામાં આવ્યા હતા ગણેશજી,અમિતાભ બચ્ચન અને અમિત શાહને પણ….

News Editor
-
0
  • સુરત શહેરમાં ૬૦૦ કરોડના હીરાના ગણેશની પૂજા કરવામાં આવી છે. સુરતમાં એક માત્ર ગણેશજી જેમની પૂજા અને દર્શન માત્ર એક દિવસ માટે જ થાય છે.

ભગવાન ગણેશજીના દર્શન ૩૬૫ દિવસ ભક્તો કરી શકતા હોય છે પરંતુ સુરત ખાતે એક એવા ગણેશજી છે જે ખૂબ જ કીમતી છે અને ૩૬૫ દિવસમાં માત્ર એક જ દિવસ ભક્તો દર્શન કરી શકે છે. સુરતના ઉદ્યોગપતિ પાસે વિશ્વના દુર્લભ ડાયમંડ ગણેશજી છે જેમની પૂજા તેઓ વર્ષમાં એક દિવસ કરતા હોય છે.

આ ડાયમંડ ગણેશજીની ખાસિયતની વાત કરવામાં આવે તો આ કોહિનૂર ડાયમંડથી પણ મોટા છે અને બજારમાં તેની કિંમત ૬૦૦ કરોડથી પણ વધુ જણાવવામાં આવે છે. સુરત શહેરના ડાયમંડ ઉદ્યોગપતિ કનુભાઈ આસોદરિયા ૧૫ વર્ષ પહેલાં બેલ્જિયમ વ્યવસાય માટે ગયા હતા અને ત્યાંથી કાચા હીરા લઈને આવ્યા હતા.

Surat: સુરતના આ વેપારીના પિતાને સપનામાં આવ્યા હતા ગણેશજી,અમિતાભ બચ્ચન અને અમિત શાહને પણ આપવામાં આવી છે તસવીર

તે દરમિયાન તેઓના પિતાને સ્વપ્ન આવ્યું કે આ કાચા હીરામાં ગણેશજી છે અને જ્યારે તેઓએ કાચા હીરા જોયા ત્યારે તેમાં ગણેશજીની પ્રતિકૃતિ એક હીરામાં જોવા મળી ત્યારથી જ તેઓ આ હીરાને પૂજતા આવ્યા છે. અગત્યની વાત આ છે કે રફ ડાયમંડમાં ગણપતિબાપા જોવા મળે છે જે ૧૮૨.૩ કેરેટ છે અને જેનું વજન ૩૬.૫ ગ્રામ છે.

આમ તો ઉદ્યોગપતિ કનુભાઈઆની કિંમત જણાવતા નથી કારણ કે તેઓ અને ગણેશજીની કૃપા માને છે અને તેની પૂજા અર્ચના કરે છે અને આ ગણેશ કોઈને કોઈ કિંમતમાં પણ આપવા તૈયાર નથી. તેમ છતાં જ્યારે બજારમાં આ ગણેશજીની કિંમતની વાત કરવામાં આવે તો આ ૬૦૦ કરોડથી પણ વધુ કિંમત ધરાવે છે. આ સંપૂર્ણ રીતે પ્રાકૃતિક છે અને સૌથી અગત્યની વાત આ છે કે લંડનના વર્લ્ડ બુક ઓફ રેકોર્ડ દ્વારા સર્ટિફાઈડ પણ કરવામાં આવી છે.

Surat: સુરતના આ વેપારીના પિતાને સપનામાં આવ્યા હતા ગણેશજી,અમિતાભ બચ્ચન અને અમિત શાહને પણ આપવામાં આવી છે તસવીર

અમેરિકાના કેલિફોર્નિયામાં પણ મંદિરમાં આ ગણેશજીની તસ્વીર મૂકવામાં આવી છે. કનુભાઈએ કર્મ ગણેશજીની તસ્વીર કેન્દ્રીય ગૃહપ્રધાન અમિત શાહ, અમિતાભ બચ્ચન, બાબા રામદેવ સહિત અનેક લોકોને આપી ચૂક્યા છે. એટલું જ નહીં અમેરિકાના ઉપરાષ્ટ્રપતિ કમલા હેરિસ પણ આ ગણેશને જોવા માટે ઈચ્છા વ્યક્ત કરી છે.

Surat: સુરતના આ વેપારીના પિતાને સપનામાં આવ્યા હતા ગણેશજી,અમિતાભ બચ્ચન અને અમિત શાહને પણ આપવામાં આવી છે તસવીર

કોહિનૂર કરતા પણ વધુ કીમતી અને વધારે કેરેટનું છે. સાથે ૧૪ જેટલા અલગ અલગ નેચરલ સ્ટોનમાં પણ ગણેશજીની જે પ્રતિકૃતિ જોવા મળી છે તેનું પણ કલેક્શન મારી પાસે છે. સુરત શહેરમાં ગણેશોત્સવની નહીં અનેક પ્રકારની પ્રતિમાઓની સ્થાપના કરવામાં આવે છે ત્યારે સુરતના એક નાગરિકે કુદરતી રીતે મળેલા સ્ટોનમાં ગણેશજીની મૂર્તિ પ્રતીત થતી હોવાને કારણે તેનો સંગ્રહ કર્યો છે.

આ પણ વાંચો :-

 

 

કાર્તિક આર્યને માત્ર ૩ રૂપિયામાં વાળ કપાવ્યા, એ પણ ઝાડ નીચે બેસીને, આખરે કેમ ? Video વાયરલ

News Editor
-
0
  • બોલિવુડ એક્ટર કાર્તિક આર્યન હાલ પોતાની અપકમિંગ ફિલ્મ ચંદૂ ચેમ્પિયનને લઈને ચર્ચામાં છે. આ વચ્ચે તેણે એક વીડિયો શેર કર્યો છે. જેમાં તે પોતાની આ ફિલ્મ માટે નવા હેરકટ કરાવતા જોવા મળી રહ્યા છે.

બોલિવુડના હેન્ડસમ હંક કાર્તિક આર્યન ‘સત્યપ્રેમ કી કથા’ બાદ હવે ‘ચંદૂ ચેમ્પિયન’ ફિલ્મમાં જોવા મળશે. આ ફિલ્મને લઈને તે સતત ચર્ચામાં છે. ફિલ્મની શૂટિંગ પણ શરૂ થઈ ચુકી છે આ વચ્ચે કાર્તિકે આ ફિલ્મના સેટ પરથી એક વીડિયો શેર કર્યો છે જેની હાલ ચર્ચા થઈ રહી છે.

કાર્તિકે જે વીડિયો શેર કર્યો છે તેમાં તમે જોઈ શકો છો કે એક્ટર ઝાડની નીચે એક ખુર્શી પર બેસીને પોતાના વાળ કપાવી રહ્યા છે. કાર્તિક બિલકુલ મસ્ત અંદાજમાં બેસી વાળ કપાવી રહ્યા છે.

ત્યાં જ તેમની નવી ફિલ્મ ‘ચંદૂ ચેમ્પિયન‘થી તેમનો નવો લુક પણ જોવા મળી રહ્યો છે. જોકે આ વીડિયોમાં કાર્તિકના લુકથી વધારે જે વસ્તુએ લોકોનું ધ્યાન પોતાની બાજુ કર્યું છે તે છે ઝાડની નીચે બેસીને વાળ કપાવવું અને પ્રાઈઝ લિસ્ટ.

ફક્ત ૩ રૂપિયામાં કપાવ્યા વાળ :

ઝાડની નીચે મુકેલા પ્રાઈઝ લિસ્ટ વાળા બોર્ડ પર લખેલું હતું. “હેર કટ-૫ રૂપિયા, ૭ ઝાડની નીચે  રૂપિયા, કાર્તિક આર્યન હેરસ્ટાઈલ ૩ રૂપિયા.”

આ હેરકટની પ્રાઈઝ જોઈને ફેંસ કમેન્ટમાં સ્માઈલ વાળુ ઈમોજી શેર કરી રહ્યા છે. ત્યાં જ અમુક ફેંસ કમેન્ટમાં એક્ટરના વખાણ કરી રહ્યા છે. ઘણા તેમને ડાઉન ટૂ અર્થ કહી રહ્યા છે તો ઘણા કામ માટે તેને ડેડિકેટેડ ગણાવી રહ્યા છે.

આ પણ વાંચો :-

 

યુનિવર્સિટી છે કે મસ્જિદ ! વડોદરાની એમએસયુમાં બીજીવાર શિવ મંદિર પાસે નમાઝ પઢાઈ…

News Editor
-
0
  • વડોદરાની મહારાજા સયાજીરાવ યુનિવર્સિટીમાં ફરી નમાઝ પઢાઈ. MSUના શિવમંદિર પાસે નમાઝ થયાનો વીડિયો વાયરલ. કોમર્સ ફેકલ્ટીના વિદ્યાર્થીઓએ મંદિર પાસે નમાઝ પઢતા વિવાદ.

વડોદરાની MS યુનિવર્સિટી ફરી વિવાદમાં આવી છે. MSUમાં શિવ મંદિર પાસે જ નમાઝના વીડિયોથી વિવાદ ઉઠ્યો છે. ૩ વિદ્યાર્થી નમાઝ અદા કરતા હોવાનો વીડિયો સામે આવ્યો છે. આ ત્રણેય કોલેજના પ્રથમ વર્ષના વિદ્યાર્થીઓ હોવાનું જાણવા મળ્યું છે. મંદિર પાસે જ નમાઝના વીડિયો ફરી સિક્યોરિટી પર સવાલ ઉઠ્યાં છે. આવું પહેલીવાર નથી થયુ. આ પહેલા પણ અનેકવાર યુનિવર્સિટી કેમ્પસ અને ક્લાસમાં નમાઝ પઢવામાં આવી છે.

વડોદરાની MS યુનિવર્સિટીમાં ફરી એકવાર વિવાદમાં આવી છે. એક બાદ એક નમાઝ પઢવાની ઘટનાથી હવે MS યુનિવર્સિટી સવાલોના ઘેરામાં આવી છે. સંસ્કૃત ફેકલ્ટી અને કોમર્સ ફેકલ્ટી બાદ હવે શિવ મંદિર પાસે જાહેરમાં નમાઝ પઢવાનો વીડિયો વાયરલ થયો છે.

૨૪ ડિસેમ્બર ૨૦૨૨ના રોજ કોમર્સ ફેકલ્ટી નજીક બે શખ્સો નમાઝ પઢતા હોવાની જાણ થતા જ યુનિવર્સિટીની વિજિલન્સની ટીમ દોડતી થઈ હતી. જે બાદ ૧૫ જાન્યુઆરી ૨૦૨૩ના રોજ સંસ્કૃત ફેકલ્ટીની સામે નમાજ પડતા વીડિયો વાયરલથી વાતાવરણ ગરમાયું હતું. જેના ૮ મહિના બાદ હવે શિવ મંદિર પાસે નમાઝ પઢવાના વીડિયોથી ફરી વાતાવરણ ગરમાયું છે.

આ પણ વાંચો :-

Kiss Scandal : વર્લ્ડકપ મેચમાં મહિલા ખેલાડીને કિસ કરીને ફસાઈ ગયો આ ઓફિસર

News Editor
-
0
  • આ વર્ષે રમાયેલા મહિલા ફીફા વર્લ્ડ કપ ૨૦૨૩ની ફાઈનલ મેચમાં ‘કિસ સ્કેન્ડલ’ બાદથી લુઈસ રુબિયાલ્સ સમાચારમાં છે. રૂબિયાલેસે સ્પેનિશ ફૂટબોલ ફેડરેશનના પ્રમુખ પદ પરથી રાજીનામું આપી દીધું છે. હવે આ કેસમાં કેપ્ટન સહિત ૩ ખેલાડીઓ હાજર થશે.

મહિલા ફીફા વર્લ્ડ કપ (વર્લ્ડ કપ-૨૦૨૩)ની ફાઈનલ મેચ પછી પોતાની ટીમની ખેલાડીને કિસ કરવી (કિસ સ્કેન્ડલ) લુઈસ રુબિયલ્સને ભારે મોંઘી પડશે. સ્પેનની સ્ટાર મહિલા ફૂટબોલર જેન્ની હર્મોસોને સ્પેનિશ ફૂટબોલ ફેડરેશનના તત્કાલીન પ્રમુખ લુઈસ રુબિઆલેસે બધાની સામે કિસ કરી હતી. બાદમાં લુઈસ પર જાતીય શોષણનો આરોપ મૂકવામાં આવ્યો હતો. હવે આ કેસમાં ખેલાડીઓ જુબાની આપશે.

આ વર્ષે ઓસ્ટ્રેલિયામાં રમાયેલા મહિલા ફીફા વર્લ્ડ કપ ૨૦૨૩માં સ્પેને ઈંગ્લેન્ડને હરાવીને ટ્રોફી જીતી હતી. આ ખિતાબ જીત્યા બાદ સ્પેનિશ ફૂટબોલ ફેડરેશનના ભૂતપૂર્વ પ્રમુખ લુઈસ રુબિઆલેસે એવોર્ડ સમારોહ દરમિયાન સ્પેનની સ્ટાર ફૂટબોલર જેની હર્મોસોને તેની સંમતિ વિના હોઠ પર ચુંબન કર્યું હતું. આ ઘટના ઓસ્ટ્રેલિયાના સિડનીમાં બની હતી જ્યાં સ્પેન અને ઈંગ્લેન્ડ વચ્ચે ટૂર્નામેન્ટની ફાઈનલ મેચ રમાઈ હતી.

દરમિયાન, એવા સમાચાર છે કે બે વખતના બેલોન ડી’ઓર વિજેતા એલેક્સિયા પુટેલાસ અને અન્ય બે સ્પેનિશ ખેલાડીઓ લુઈસ રુબિયાલ્સ સંબંધિત કેસમાં ન્યાયાધીશ સમક્ષ જુબાની આપશે. પુટેલાસ, ડિફેન્ડર ઈરેન પરેડેસ અને ગોલકીપર મીસા રોડ્રિગ્ઝ કોચ રુબિયાલ્સ સામેના કેસમાં ૨ ઓક્ટોબરે જુબાની આપવાના છે. રૂબિયાલ્સ પણ ૧૫ સપ્ટેમ્બરે કોર્ટમાં હાજર થયા હતા. જોકે તેમણે પોતાના પદ પરથી રાજીનામું આપી દીધું છે.

જે ઘટના બાદ રુબિયાલ્સ પર જાતીય સતામણીનો આરોપ લાગ્યો હતો. રુબિયાલ્સે પાછળથી સ્પેનિશ ફૂટબોલ ફેડરેશનના પ્રમુખ તરીકે રાજીનામું આપ્યું. લુઈસ રુબિઆલેસને સસ્પેન્ડ કર્યા બાદ ૨૬ ઓગસ્ટના રોજ પેડ્રો રોચાને સ્પેનિશ ફૂટબોલ ફેડરેશનના વચગાળાના પ્રમુખ બનાવવામાં આવ્યા હતા. રૂબિયાલ્સ સ્પેનના ભૂતપૂર્વ ખેલાડી છે અને તે ૨૦૧૮થી ફેડરેશનના પ્રમુખ તરીકે કામ કરી રહ્યા હતા.

આ પણ વાંચો :-

1...952953954...1,473Page 953 of 1,473